再來一煲 (好順景大廈1座)

营业中

休息中

放工後和阿爸去食烤魚，經朋友推介來到呢間再來一煲，餐廳地點較為偏僻。先來小食椒鹽粟米：好多炸蒜舖面，有少許小米辣椒，所以食落微辣香口。再來烤魚$248，餐廳撰用指定鉗魚，我為左遷就老人家，所以揀左蕃茄味，入面有不少蕃茄塊、蔥白段、金菇，食落係自然蕃茄味，酸酸地好開胃﹗點了幾款人氣配料，每碟配料份量算多，嫰鴨血：鴨血真係好嫰，如果放辣湯底中就更惹味﹗0.03紙豆腐：賣相有趣，將紙咁薄豆腐皮捲成，滾幾秒就淋身可以食，似好掛汁腐皮﹗鵪鶉蛋：小巧細細粒，膽固醇邪惡之選，少食多滋味﹗半份瀑布芝心牛丸：好少食到牛丸可以爆芝心餡時令萵荀：爽脆可口蘿蔔：清甜入味紅薯粉：滲透蕃茄魚湯底，好鐘意紅薯粉寬粉獨有煙韌感﹗加入以上配料豐富魚煲最後飲枝竹蔗芧根海底椰，清甜解熱氣。小店人手不多，但都服務不錯，會主動爽快地收空碟，值得一讚﹗

雞煲向來都係我嘅最愛，重口味得嚟，又會令人有滿足嘅感覺。🥰🐓招牌雞煲 (半隻 $198)選了BB辣，大手灑上芫茜舖面，配以少量花椒及香菜作底料，味道還不是太辣，帶有椒麻香味。雞肉十分嫩滑，肥瘦適中，入口啖啖肉，煮得入味過癮。追加兩隻鮑魚仔($12/隻)，爽口彈牙又鮮美。😆🦑手打墨魚滑 ($88)魚味濃郁，鮮甜香滑🐟炸魚皮 ($28)完整而大塊，非常酥脆，入口嗦嗦聲，油香和魚香四溢，原碟份量都幾大。🥬油麥菜 ($28)上碟已切段，新鮮爽甜。打邊爐食油麥菜，最能食到湯底味道了😁🐮🐄🐂🐃牛魔王拼盤 ($348)喜愛食牛嘅朋友可試這裡的招牌兼熱門牛肉拼盤，包括八味牛肉部位：* 牛吊龍肥瘦均匀 * 牛面頰一頭牛只有左右兩塊，市面較少嚐到。其肉質結實，肉味特濃* 牛小排油花分布平均，質地柔軟* 牛胸油望落似是肥膏，實為牛身胸前肋骨上的一塊筋膜肌肉，每隻牛只有一小塊。可待湯滾後待8-10秒食用，肉質爽脆，油香味濃* 封門柳肉味濃，入口滑溜香甜* 新鮮牛滑厚肉而滑身，拼盤中份量最多* 牛筋丸十分彈牙，咬開充滿油香和肉汁* 牛脷托外層軟腍，食落煙韌，口感不錯整體水準很高，尤以牛面頰及牛胸油較為罕見，牛脷

見喺元朗新開左一間打邊爐雞煲又有胡椒雞食嘅舖頭就行過入咗嚟食！附近仲有邊位停車場都幾方便駕駛人士㗎！員工都好積極咁推介佢哋唔同嘅食品服務態度親切殷勤☺️中間仲有厚厚既隔膠版☺️就算係而家疫情你都可以放心打邊爐！ 我哋仲見到好多一家大細自己帶埋紅酒嚟食飯我見呢間餐廳係走親民嘅路線！我哋嗌左一個小辣嘅雞煲，雞煲惹味唔會好辣！洋蔥非常甘甜，食完雞煲就梗係要揀埋邊爐啦！打邊爐當然唔少得調味料啦，佢哋有齊晒辣椒、芫荽、蔥等等🤩🤩🤩叫咗一客本地手切牛、涼拌皮蛋、丸、油麥菜兩個人食真係夠晒！☺️食物質素都屬於性價比！佢哋嘅雜錦丸有四款！有最吸引我嘅芝心丸😋少少辣嘅湯底加埋爆汁嘅芝心🤩而且佢哋唔係淨係加清水唔係加佢哋嘅湯底嚟打邊爐！最緊要嘅係佢呢度可以嗌特大檸茶啱晒啲鍾意飲嘢打邊爐嘅朋友仔！😋🥳🥳🥳

今晚同屋企人去打邊爐，在橫巷的火鍋店，舖仔細細但五臟俱全，食物款式都很多，而且全部食材都有質素。胡椒豬肚雞湯：胡椒味香濃惹味，雞件已煮熟，一滾起就可以食，雞肉爽口，枝竹煮至軟身，不過湯底越滾越咸，建議之後加水溝返淡。安格斯封門柳：封門柳薄切，肉質嫩腍有肉香。即炸餐肉條：餐肉略煎，比較腍，煎脆少少會更好。手打蝦滑：蝦滑是鮮打，有粒粒蝦肉，鮮甜彈牙。手工韮菜餃：滿口韮菜香，不過餃皮就比較易穿，但味道不錯。爆汁牛筋丸：必食之選，牛筋丸超彈牙，爆出膠質。鮮魚鰾：我以為食緊花膠，魚鰾厚身又嫩滑，膠質豐富。珍寶檸茶：$38夠兩個人飲，超級大杯。

這間位於元朗食街的再來一煲，主打雞煲、烤魚火鍋，因為是散叫的關係，所以食物質素高質。每位醬油$12。湯底揀了胡椒豬肚雞，半隻雞的份量都很足料，雞件啖啖肉，豬肚又腍，胡椒湯很濃郁。椒鹽鴨舌炸至金黃香脆，鴨舌比較有咬口，十分惹味。即炸脆響鈴新鮮即炸，浸一浸即食，依然香脆。瀑布芝心牛丸牛丸很彈牙，中間是芝士饀，超級爆芝。嫩鴨血鴨血嫩滑又帶點彈。鮮鮑魚鮑魚本身已灼熟，所以淥一淥就食得，鮑魚帶點咬口。手切本地牛例牌大約有十多片，厚薄適中，牛肉味濃郁，而且仲有咬口。

天氣熱辣辣，一行二人去食雞煲，打邊爐係乜野玩法呢？ 聽朋友講呢間火鍋店好食同埋價錢大眾化。 所以又試佢一試。餐廳位於元朗鳳攸南街， 餐廳面積唔算大， 但都乾淨企理。 都係果句，二人食雞煲打邊爐， 點會食得多呢。 是日餐單招牌雞煲(小辣)花膠手切本地牛枝竹紙豆腐牛栢葉招牌雞煲(小辣)， 招牌雞煲果然係招牌菜， 雞煲野味，醬汁豐富，每件雞都入哂味， 雞肉嫩滑， 熱辣辣的雞肉加上小辣， 好味程度提升不少。 雞煲重有好多配料， 木耳，豆卜，豆角, 再加埋花膠，只係食呢個煲都無得輸啦。 花膠又大件又軟， 吸哂雞煲的醬汁味。 正！手切本地牛， 牛肉目測極度新鮮， 牛肉鮮紅， 好似剛剛切落黎咁， 牛肉薄切， 滾一滾就食得， 牛味濃， 有咬口， 肉質分明。枝竹， 正正常常， 有豆味， 唔會一滾就散哂。紙豆腐， 0.03紙豆腐， 可以切到咁薄？ 未食落肚眼睛都大飽眼福了。紙豆腐唔可以滾太耐， 滾一滾就食得， 紙豆腐又薄又滑， 但重不失豆腐味， 呢個材料必食推介。牛栢葉， 爽口，夠大件。再來一煲可以再來幾次

焫焫焫焫焫焫著...講緊嘅係辣得過癮又嫩滑嘅雞肉😋😋今次嚟到元朗呢間隱世雞煲店餐廳位於小巷 旺中帶靜 適合三五知己一齊嚟嘆個雞煲再烚下烚下 一邊吹水 一邊享受美食菜單裡面嘅選擇都算多 對於選擇困難嘅寶寶可以跟返餐廳嘅推介或者人氣之選 走地麻雞 半隻 小辣👍🏼（$198）今次我同同行朋友就揀咗走地麻雞 店員都好貼心 見我地人數唔算多就推介揀半隻雞就夠 又介紹雞煲材料配搭 店員推薦可以再另外揀埋其他配菜撈住食更野味辣度方面有五種選擇 我地揀咗小辣 餐廳都好貼心 有BB辣度 甚至唔辣 更有變態辣🤭店員會幫手炒一炒 一打開蓋果陣辣香已經令人食慾大增 食落都肉汁juicy嫩滑 當中嘅豆卜都索晒雞煲嘅精華 辣得好過癮醬料👍🏼（$12/人）打邊爐點少得豉油蒜蓉等 呢度都有七樣配料自由選擇鮮鮑魚 👍🏼（$12/隻）一開始就加入雞煲入面煮 吸晒雞煲味 食落野味又不失鮑魚鮮味蜜椒薯仔牛柳粒👍🏼 （$68）另外叫咗個熟食小食 呢個有驚喜 好好味 薯仔外硊內軟 牛柳粒熟度口感剛好 值得推介炸魚皮👍🏼（$28）份量超多 食雞煲時食又得 打邊爐時食又得 夠脆又大份 抵食之選手打蝦滑👍🏼（$88）爽口彈牙 蝦味十足

胡椒豬肚雞煲係餐廳嘅鎮店之寶 特選三黃鬍鬚雞 可選一隻$288或半隻$198份量今日一家四口一齊食所以我哋揀咗一隻雞 一隻雞嘅份量啱啱好 三黃雞唔算大隻 但勝在冇乜多餘脂肪 皮脆肉嫩 鍋中亦有大量炸支竹及豬肚 食曬全個煲嘅嘢其實都已經飽咗一半特別想提下個湯底 胡椒味好香 好重雞味 飲完之後個身真係會暖笠笠㗎打邊爐之前先調好配料 醬介每位12蚊 醬料架乾淨企理 生蒜，芫茜，辣椒夠新鮮 虎皮尖椒(小食)$48 用蒜頭豆豉辣椒炒真係惹味到不得了 味道又香又辣 尖椒口感爽脆 炒得夠乾身 非常好吃即叫即炸脆響鈴$38 上枱嘅時候仲係熱辣辣 真係即叫即炸㗎 可以就咁食 亦都可以浸湯食 咬下一口鬆脆非常 又唔油膩 必食之選牛臉頰片$88 每日限量供應 此部位是牛的臉珠 真係食得刁鑽 我都係第一次食 口感出奇地彈牙 肉味好香濃 由於冇乜脂肪 所以肉質幾有咬口五層白肉片$78 肥瘦相當均稱 一層脂肪一層肥肉 入口有即溶效果 肉質鮮甜由於個湯底實在太好味 所以額外叫多一份炸支竹同埋烏冬 吸盡湯底嘅全部精華 咁樣先係識食嘅至高境界

再來一煲有幾個煲底選擇 1.招牌雞煲 2.胡椒豬肚雞煲 3.再來烤魚 4.生啫魚頭煲今日被點燈嘅煲底係胡椒豬肚雞煲 餐廳對雞嘅要求都好講究 特選三黃鬍鬚雞 果然雞肉嘅肉質係唔同啲 食落特別彈牙 雞件完全冇多餘嘅脂肪 啱曬鍾意食又怕肥嘅我胡椒豬肚雞呢個組合真係冇得彈 個湯好香胡椒味 辣辣地幾開胃 餐廳好聰明 放咗大量支竹 利用支竹吸味嘅特性 吸收湯底嘅精華 真係多多都食得曬 實在太好味人氣小吃椒鹽粟米$58 強烈推介 粟米嘅清甜同埋椒鹽嘅鹹香 形成強烈對比 加埋香噴噴嘅炸蒜 可以用色香味俱全黎形容醉雞子$58 雞子用花雕酒浸過 可以去除雞仔嘅腥味 充滿酒香 而且粒粒飽滿肥美 不錯新鮮滑牛$78 第一個感覺係份量超多 食極都食唔完 好抵食 滑牛加鮮雞蛋 滑上加滑精選雜丸拼盤$68 雜丸其實都好普通 但係令我留下深刻印象係佢個牛丸 口感出奇地彈牙 而且充滿肉汁 好重牛味黑毛豬肉片$78 肉片切得好薄好平均 灼一灼就食得 肉質相當淋滑 帶有鮮甜味生腸$68 生腸本身冇乜味 但係我就係鍾意食佢爽脆嘅口感珍寶凍檸茶，凍檸樂$38/杯 超級巨型 平時兩杯等於一杯嘅份量 邊打邊爐 邊飲凍嘢 夠曬爽

見評語甘多人話好食 就決定試下 2個人叫左半隻微辣雞煲 味道除左辣冇其他味食開百斗記同天天既我 完全吾系心目中既雞煲味道 d雞仲要少得可憐 2個人每人食2-3舊雞就冇 反而洋蔥一大袋😂雞肉好鞋 真系吾會再有下次

再來烤魚(麻辣)$248配料豐富，有大蔥、青瓜、大豆芽菜、金菇、芫荽、豆卜，底下仲有薯粉，干辣椒同花椒適量，湯底唔會太辣，小小麻，濃郁惹味。成條鉗魚份量十足，魚皮煎到香脆，魚肉嫩滑又冇骨，索住湯汁熱辣辣，啖啖肉好好味。金菇同豆卜都索滿湯汁，辣得嚟惹味，薯粉又滑又煙韌有嚼口。椒鹽鴨舌$78鴨舌上面舖滿炸蒜，好香口，鴨舌炸到酥脆，連骨都食得，但肉質keep到嫩滑，椒鹽味恰到好處。椒鹽粟米$58粟米上面同樣舖滿香脆嘅炸蒜，粟米外表焦香，鹹鹹甜甜咁。蜜糖薯仔牛柳粒$68牛柳粒油潤Q彈好味，蜜糖薯仔外皮香脆，裹咗一層蜜糖，更脆更可口，裡面就好軟滑，有啲喧賓奪主。爆汁牛筋丸半份$48、瀑布芝心牛丸半份$48牛丸同牛筋丸一樣咁爽彈牙有牛味，嚼勁十足，芝心牛丸裡面嘅芝士份量好大粒，咬開做到拉絲效果。0.03紙豆腐$28真係薄到紙咁嘅豆腐皮，稍為浸一浸湯就食得，口感煙煙韌韌咁，豆味都ok。珍寶檸樂$38好小杯嘅檸樂，冰冰涼涼，解暑解渴一流。

朋友介紹我黎食招牌魔鬼辣雞煲（半隻）我地點左中辣 心諗試一試😂真係好辣雞煲到左後 已經聞到好香雞件嫩滑入味 越食越辣 仲要係有層次既香辣 雞煲用料十足👍🏻加左花膠 花膠軟淋 吸哂辣雞汁 原來雞煲加左泰式香料個味道可以咁好食再叫左個牛皇拼盤 好新鮮有牛小排 牛胸油 封門柳牛臉頰同滑牛牛小排質素高 滾十幾秒即食 牛味濃😋牛筋丸好大粒 勁彈牙 真心推介要試😋黃金響鈴即叫即炸 仲有泰式辣醬可以點嚟食 正呀😋黑椒薯仔牛柳粒牛肉粒肉質嫩滑 薯仔炸過 外脆內腍 加上有蜜糖甜甜地 勁惹味下次一定會再去

從網上見到元朗新開左一間雞煲，辣度非凡，聽過食得好辣嘅朋友都讚口不絕，就緊係要朝聖一下！首先店員會比醬汁混下醬先，XO醬用料十足！我哋點左一個微辣既雞煲，雞係生炒既，上枱後炒多十分鐘到就食得，雞煲嚟到見到冇乜色以為係冇乜料到，點知食咗10分鐘，嗰個汗流滿面，如果食得辣嘅朋友可以點中辣更加嘢味！主打牛拼盤打邊爐點可以少得一盤靚牛，這裏的牛拼盤用上很多不同部位，很多部位外面很少食得到，牛吊龍，牛小排，牛胸油，封門柳，牛臉頰，新鮮滑牛，牛筋丸，牛脷等等肉紋靚，淥幾秒就食得，又係重本之一手包餃子粒粒飽滿！鮮炸響鈴，新鮮爽脆，吸湯一流！返到屋企又冇口渴嘅感覺，抵讚！

Tomato Whole Baked Fish Pot($248)蕃茄再來烤魚香烤肥美鉗魚配上鮮甜開胃蕃茄湯底，比美香辣湯底，就算不能吃辣的朋友也能享受烤魚。另外有金針菇、紅薯粉、芫茜等配菜增加口感，非常豐盛。-King of Beef Platter ($348)牛魔王拼盤豐富愛牛之選，包括牛脷托、牛臉頰肉、新鮮滑牛、本地手切牛、本地牛胸爽、爆汁牛筋丸、安格斯封門柳、安格斯牛小排。-Salt and Pepper Sweet Corn ($58)椒鹽粟米很邪惡但很香口，吃不停。-Fish Skin Dumplings ($38)魚皮餃-位於元朗雞地隱蔽小巷的雞煲、烤魚、魚頭煲專門店。小店不大，裝修簡約，食物CP值高。

元朗雞地一向多野食，今日jo來到食街新開的再來一煲，這裡位置係巷仔不太起眼，係一間食雞煲小店點完餐就慣例提供俾蔥蒜醬油俾顧客，值得一讚係呢到的xo醬好香又唔會太辣，係廚師自家炒的好好食值得一讚招牌雞煲（半隻） $198呢到雞煲有5個辣度，也可以走辣，jo就叫了第二級小辣，真心小辣我都覺得好辣😂不過好好食，雞份量好多又嫩滑juicy，我幾欣賞入面有幾多其他配料（豆、雲耳、洋蔥、芫荽、豆卜），食落無咁油膩，值得一提係呢到用的香料幾特別，有八扣、魔鬼椒、檸檬葉，所以辣得來十分惹味又幾清新，好食！如果唔肯定叫幾辣，可以叫左bb辣或小辣，唔夠辣店員好好人會幫你加辣的👍🏻 椒鹽粟米 $58這碟真的好特別第一次食，粟米本身係甜，而椒鹽味道係鹹同辣，但全部夾在一起又好好食！推介👍🏻即炸響鈴 $38最特別的地方係可以點泰式辣醬即食！第一次咁食滿不錯！當然平時打邊爐食法當然好食牛魔王拼盤 $348勁多不同款式的牛滿足哂貪心的jo，jo最喜歡新鮮滑牛，用鮮雞蛋撈，食落肉質爽口得來又嫩滑，正！牛丸jo也大愛十分濃厚牛味和彈牙魚皮餃 $38皮好煙韌魚肉又唔腥，不錯.整體來講相當不錯，好好食價錢又合理，值得一讚呢