影片
更多
2021-05-20
255 浏览
天氣熱到街都懶得出，但又心野想Happy Friday同屋企人出街食飯，近近地去元朗站附近既「再來一煲」食雞煲火鍋開心下。地點有啲唔起眼，喺巷仔入面，舖頭唔大，但坐無虛席，都幾旺場。🔸魔鬼雞煲（大）雞煲百吃不厭，就個囡唔叫得辣，唔好以為雞煲無辣就唔惹味，原味更食到雞既鮮味同配料既香味，仲非常嫩滑。另外加左份花膠，唔止滋補，仲好有咬口，炆得夠晒入味，食完一煲已經好滿足。🔸黑椒密椒牛仔粒超推介依款小食，夠晒鑊氣，牛肉粒稔滑無渣，薯仔粉糯，仲有香甜蜜糖味，甜甜地真係食到停唔到口。吃完雞煲加湯做火鍋，配料都幾特別又新鮮。🔸牛拼盤有牛胸油、牛小排、封門柳、牛面頰、牛舌、牛筋丸、牛吊龍、新鮮滑牛。最特別是第一次試的牛胸油，是牛心臟的脂肪，原來不是每隻牛都有，十分珍貴。烚10秒左右可吃，雖全是脂肪，食落卻超爽口，一點油膩感也沒有，相似特別。🔸0.03豆腐紙即超薄腐皮，又是很少見的配料，只要稍盪一下即可以吃。有豆香，吸埋醬汁更好味。🔸即炸響鈴即叫即炸，熱辣辣好香脆鬆化，就咁食都好滋味。🔸瀑布芝心牛丸香濃牛丸有流心芝士饀，牛味濃郁加埋甘香芝士，真係好滿足，不過食既時候小心燙咀。🔸大大杯凍檸茶食一餐一杯野
地點有啲唔起眼，喺巷仔入面，舖頭唔大，但坐無虛席，都幾旺場。
🔸魔鬼雞煲（大）
雞煲百吃不厭，就個囡唔叫得辣，唔好以為雞煲無辣就唔惹味，原味更食到雞既鮮味同配料既香味，仲非常嫩滑。
另外加左份花膠，唔止滋補，仲好有咬口，炆得夠晒入味，食完一煲已經好滿足。
🔸黑椒密椒牛仔粒
超推介依款小食，夠晒鑊氣，牛肉粒稔滑無渣，薯仔粉糯，仲有香甜蜜糖味，甜甜地真係食到停唔到口。
吃完雞煲加湯做火鍋，配料都幾特別又新鮮。
🔸牛拼盤
有牛胸油、牛小排、封門柳、牛面頰、牛舌、牛筋丸、牛吊龍、新鮮滑牛。
最特別是第一次試的牛胸油，是牛心臟的脂肪，原來不是每隻牛都有，十分珍貴。烚10秒左右可吃，雖全是脂肪，食落卻超爽口，一點油膩感也沒有，相似特別。
🔸0.03豆腐紙
即超薄腐皮，又是很少見的配料，只要稍盪一下即可以吃。有豆香，吸埋醬汁更好味。
🔸即炸響鈴
即叫即炸，熱辣辣好香脆鬆化，就咁食都好滋味。
🔸瀑布芝心牛丸
香濃牛丸有流心芝士饀，牛味濃郁加埋甘香芝士，真係好滿足，不過食既時候小心燙咀。
🔸大大杯凍檸茶
食一餐一杯野飲點會夠，所以設計依個珍寶size 檸茶真夠貼心，都只係$38夠飲足一餐飯，唔洗就住就住先滿足。
無意發現的小店認真驚喜無盡。除左食物新鮮有質素，可見店主對選購食材的要求和執着，讓客人食到不一樣的配料。仲有超殷勤的服務，效率快禮貌好，還會每枱定時幫食客去除鍋裡的油和換碟，這種貼心連高級食店也未必全有，街坊食店總是有人情味。
张贴
