再來一煲 (好順景大廈1座)

营业中

休息中

叫咗個「手抱BB辣」雞煲加魚錶鏢同雞雜，雞煲強烈推薦好味，佢比起一般街外嘅戴有甜味，辣到冇想像中咁難，入口偏向少少惹味，唔似一般街外得浸麻辣味👍🏿👍🏿👍🏿👍🏿不過火鍋配料好一般，叫咗手切本地牛、椒鹽粟米、水魷魚、皇帝菜手切本地牛：伏中之伏，完全係冇牛味，係放題level one嘅牛肉質素👎🏿👎🏿👎🏿👎🏿👎🏿👎🏿👎🏿👎🏿椒鹽粟米：調味可以，但個粟米唔新鮮、唔飽滿水魷魚：正常魚蛋舖買到嘅皇帝菜：正常結論雞煲可以一試，但火鍋配料牛肉真係好伏！

今晚同大學friend聚會，揀咗元朗人氣「Power Pot」試吓佢哋招牌魔鬼雞煲🍲。我哋早一日訂枱，去到已經有小量乾冰效果，影相好似打卡格調又有氣氛。落單後十幾分鐘，侍應搬咗半隻雞煲出嚟，上面鋪滿洋蔥、豆卜、四季豆同木耳，見到就已經有種期待感。雞煲嘅醬汁香濃，帶少少甜味兼有麻度，選咗BB辣，感覺暖胃但唔會燒嘴，啱啱好😋。雞件嫩滑，特別係雞脾肉多汁，食完肉之後侍應仲幫我哋加入雞湯底轉做打邊爐格局。湯底滾起之後，我哋加咗手切本地牛、爆汁牛筋丸、黃金響鈴同紙豆腐。牛肉質地滑溜，丸類彈牙夾雜牛香，紙豆腐吸晒湯汁超正。途中侍應留意幫我哋撈底隔油添湯，服務做得好細心。店內環境乾淨企理，坐得舒服，有氣氛唔會太擠。人均約 $220，整體嚟講CP值高，食物有層次又有驚喜，適合同朋友打邊爐聚會，強烈推薦！🔥

📍再來一煲😍元朗最好味雞煲👍～服務質素好高😍打邊爐嗰陣會幫你隔油🙏😘雞煲同椒鹽粟米好正🤪👍～招牌魔鬼雞煲一隻😍好耐冇食過咁香嘅雞煲🤪雞肉嫩滑😘調味亦都做得好好👍～椒鹽粟米😍呢道菜真心係必食😘粟米鮮甜😘椒鹽味好重😍重要勁細心切成一條條😛～安格斯牛小排🤭牛小排油脂分布平均😍肉質鮮嫩☺️接近入口即溶🤪份量都幾多👍下次有機會一定再嚟食呀😘🤤👍📍 再來一煲 (好順景大廈1座) (元朗)元朗鳳攸南街3號好順景大廈1座地下47號舖

在social media睇左某網紅介紹短片，約了同行4名友人，友人山長水遠，一齊到元朗總店食雞煲，本來期待滿滿，來到門口已經大打折扣，因為食客並沒有很多，心諗今次中左廣告伏，但openrice 食評又好多好評，朋友難得專程入到黎，都係入去一試真假。店舖在後街小巷， 地點有點難找。當天，晚上約6點幾，店舖只有1枱客，店面好細，但坐位尚算坐得舒服。1坐低，職員就拎出醬汁盤，加完之後就會收走。醬料選擇有金銀蒜，蔥，芫茜，xo辣醬（鍾意佢d渣），辣椒，豉油 。每位14蚊。其後發覺，根本無咩需要用到醬汁🤣我們當晚叫了1隻的招牌魔鬼雞煲加魚標加雞雜， 百花炸蝦滑， 椒鹽粟米， 田園雜菜籃，牛小排， 胡椒豬肚丸。原本想試羊腩煲同蠔，明明當日無客，1早黎到，但都已經無貨。其實打邊爐配料選擇少，唔多吸引，雞蛋都10蚊隻！！？而且無註明可以生食同產地。👄主角，招牌雞煲加魚標加雞雜，叫了手抱bb辣，等同坊間嘅bb辣。 1隻雞，分量黎講算少，都唔係一煲，係一個深平底鑊咁，味道唔麻，係泰式嘅甜辣，有檸檬葉調味， 鍾意 泰式甜辣嘅人應該會鍾意， 但香料層次唔算好出，都係麻辣好食d。 廚師加埋魚標落去炒，魚標好厚

於28日晚上用餐，店員安排係最入既位。先黎椒鹽粟米同雞煲，幾好。食到一半精彩事發生啦，冷氣機係咁滴水，滴到我同朋友身不特止，仲滴哂落啤酒同食物到🥶🥶🥶同店員反映就用條毛巾抹冷氣機，啲水當然滴落枱同食物到，我同朋友們要倒哂啲啤酒同滴左水既食物。食到大半我地頂唔順，想換個位食埋啲嘢，店員同我地講就嚟收鋪唔幫我地啦！到埋單，我地問店員可唔可以請返我地枝啤酒呀，啲冷氣機水都倒左我地一枝啤，佢同我地講今個月要跑數唔得😂😂😂 最後收鋪趕我地走，比個廚房佬大聲呼喝叫我地快啲走😓返到去唔知係咪因為啲冷氣機水，屙左一日一夜😫 真係請都唔會再來了 怕怕

book左20:00枱 我19:45 就到入左去，其間吹我叫左雞煲先 一落單就話22:00要交枱，點知個 雞煲就20:20分先到，足足等左30分鐘，又要等個雞煲加熱 應該有10分鐘 咁食完個煲都21:15分了 ，咁叫左D配料 先唔好話貴先 根本就唔夠時間食 大佬丫 D食物要整熟先食掛 21:55分就係咁吹要交枱 D食物就要我打包 其實如果係咁 淨係做雞煲咪好囉

近期天氣凍，決心去試試元朗有名嘅小店雞煲-再來一煲因為人氣爆燈，建議要去之前要打電話book定位我哋兩個女仔嗌咗半隻雞既手抱BB辣雞煲，另加一份椒鹽粟米和火鍋配料雞煲份量都幾好，香料配菜非常多，加熱炒嘅時候會比較搶口，不過絕對值得我最鍾意佢有落疑似檸檬葉嘅配料，比傳統嘅雞煲再多一份獨特嘅香氣，令人食到唔停口而配菜方面我哋叫咗紙豆腐和自製韭菜餃，豆腐口感非常獨特，睇落似腐皮，但係食落似好索汁嘅？？（實在找唔到形容詞😂），但係係好食嘅；而自制韭菜餃亦都交到功課。最後嘅椒鹽粟米份量多，香口惹味，另一必食推介🦾

呢間雞煲喺屯門好出名，聽過好多YouTuber同食評家介紹，今晚同屋企人食團年飯，一齊嚟元朗店試吓。想食嘅朋友，記得一定要訂枱，因為餐廳座位不多，實在太full，如果Walk in嘅話，通常都冇位。我哋經WhatsApp(☎️電話：98566034)早一個星期預約，hold 枱15分鐘，🍽️用餐時間兩小時，食緊嘅時候，未夠鐘嘅話，店員都唔會催我哋交枱。喺用餐時段，都不停聽到有人打電話嚟預約，可見這間雞煲係非常受歡迎。我哋6個人，叫咗一個招牌魔鬼雞煲🐓（1隻）BB辣👶🏻🌶️（$288），加1份豬皮（$48）落去炒。🌶️辣度可以揀：唔辣嘅原味 /BB辣 / 小辣 / 中辣 / 大辣/變態辣。如果怕食雞煲整污糟件衫，可以問店員攞一次性圍裙～醬芥（$14/位）有蔥粒、芫荽碎、炸蒜、生蒜🧄、XO醬、辣椒🌶️雞煲：🐓雞係使用走地麻雞，質地結實嫩滑，雞件本身已經炸過嘅感覺，但不乾身。雞煲有好多香料，食到有檸檬葉同香茅，醬汁味道偏甜，有甜醬的味道，唔係傳統嘅麻辣醬汁，BB辣啱晒食得少少辣嘅朋友，雞煲入面配菜有豆角、洋蔥🧅、芫荽、薑🫚、雲耳。（可能係香料嘅關係，雞煲一度，幾位有鼻敏感嘅朋友，會狂打乞嗤）店員會分3

雞煲啲雞唔滑，牛set又貴又難食 特別係個牛吊龍同生蛋撈牛肉。脆魚鯇唔係咁新鮮，價錢偏貴。咩元屯天世一真係吹大左，完全唔值得幫襯，無下次。唯一優點係店員會幫手隔咗啲油。

秋風起，好想食雞煲😋網上見到不少人好評，就同朋友去試吓，估唔到從前放入我的必食名單🤣✨招牌魔鬼雞煲（半隻）✨ $198 （爆推🌟🌟🌟🌟🌟) 聽姐姐講，醬汁係他們師傅自行調較而成，是獨門秘方。而且他們搭配印度魔鬼椒炒製，辣度的選擇非常多🤩由手抱B辣到變態辣🔞，多款辣度任君選擇。我們選擇手抱B辣，相當於岀面的小辣。烹煮時空氣中已彌漫着誘人的香氣❤️醬汁非常濃稠，初嚐有陣陣微甜味，但甜而不膩。後續既香且辣，的確非常岀色，難怪深受顧客歡迎😍🙌🏻🙌🏻。✨魚鰾✨ $88非常創新且超爆有特色，的確是追加絶配。魚鰾口感柔軟卻有非常有咬感，吸滿醬汁，真係好食到令人想吮手指。✨手切本地牛✨ $198牛肉呈鮮紅色，肉質非常漂亮。牛味勁濃，燙三至五秒，鮮嫩多汁，入口即化，好食😋。✨爆汁牛筋丸✨ $48我們叫了半份，大粒及彈牙🤩最重要真的好似食神入面的牛丸，一咬爆汁到十幾尺遠，juicy到爆。✨椒鹽粟米✨$58姐姐說是他們得意之作，用大量炸蒜紅椒鋪面，賣相十分吸引。入口香脆爽口，十分惹味。✨珍寶凍檸茶✨$38每次食雞煲，總覺得嘢飲份量不夠，但係呢度就冇呢個問題🥰🥰珍寶檸檬茶，猶如其名，能以巨大重量級嚟形容。茶底是

～再來一煲😍元朗高質素雞煲👍服務質素超高😍打邊爐嗰陣會幫你隔油🙏😘食物質素一樣好高🤪👍～招牌魔鬼雞煲半隻😍好耐冇食過咁香嘅雞煲🤪雞肉嫩滑😘調味亦都做得好好👍～椒鹽粟米😍呢道菜真心係必食😘粟米鮮甜😘椒鹽味好重😍重要勁細心切成一條條😛～密椒薯仔牛柳粒🤪牛柳粒肉質嫩滑爽口🤤薯仔都整得非常好味👍～手切本地牛例牌😛勁厚切嘅本地牛😍肉質鮮嫩☺️接近入口即溶🤪例牌嘅份量都好多👍下次有機會一定再嚟食呀😘🤤👍

朋友提議嚟呢度食雞煲，平日夜晚7點去到已經坐滿人，好彩有訂到位！QR Code落單，無漏單，亦都好快上菜；員工好nice又勤快，有求必應見到做緊優惠喎，比大家參考下店員介紹佢哋嘅辣椒油係自家秘製，特別辣先點個「招牌魔鬼雞煲」，店員介紹配方係同出面一般嘅雞煲唔同嘅，無用一般常見嘅花椒八角，而係用世界上最辣十大辣椒之一”印度魔鬼椒”🌶️🌶️🌶️🌶️🌶️再配自家秘製醬汁炒製，辣中帶甜，辣度由手抱BB辣到變態辣任君選擇，鍾意食辣嘅人可以挑戰變態辣🥵🥵我同朋友唔太食得辣，揀咗手抱B辣，比BB辣輕微一級，啱啱好呀店員會親自出馬計準時間炒雞件，炒到外面微焦，再焗一陣食得，醬汁入晒味🤤雞種係走地麻雞，肉質夠滑夠彈牙，味道比想像中岀色😋牛魔王拼盤，個人覺得係必嗌講過N次打邊爐一定要食牛，一個拼盤可以試哂咁多款牛係最好，唔使用腦唔使煩腦🤭拼盤有齊牛小排、牛吊龍、牛胸油、牛臉頰、封門柳、鮮滑牛、牛舌、牛筋丸，賣相一流 ，睇落色澤好新鮮，每款份量都唔少，每款都好有牛味，有少少雪花邊唔會太瘦，切嘅厚度適中，有咬口一直好like牛胸油，淥完好爽口仲有啲肉脂感，曾經有人教過食時一片牛胸油配一片肉一齊食會更加好味，不妨試吓😋😋

上次喺元朗雞地已經發現咗呢條好秘密嘅小巷子，今次繼續喺小巷子入面發掘美食，見到呢間「再來一煲」除咗有得食雞煲之外，仲有啲有鑊氣嘅小食可以食到，一於就食下呢間咁神秘嘅雞煲專門店啦～✨醬芥除咗一般嘅調味料之外，最特別嘅就係有自家製XO醬辣椒油～招牌魔鬼雞煲(半隻)💰HK$198雞煲叫咗BB辣，對於食唔到太辣嘅人，呢個辣度就啱啱好！雞肉肥美嫩滑，而且仲好入味添～蜜椒薯仔牛柳粒💰HK$78牛柳粒牛味香濃，薯仔每一粒都煎到外層香脆，內裏口感綿密，配搭埋爽脆嘅青紅椒，整體味道香甜可口，令人好開胃～椒鹽粟米💰HK$58表面佈滿椒鹽，粟米亦保持住甜嫩嘅口感，仲有一股淡淡嘅牛油香氣，令人食到停唔到口～烏卒卒墨魚滑💰HK$98口感彈牙，仲有粒粒墨魚肉做點綴～爆汁牛筋丸(半份)💰HK$48口感Q彈，一咬落去真係食到一粒粒嘅牛筋，而且仲有爆汁嘅效果～新鮮滑牛💰HK$88將中間隻雞蛋同啲牛肉撈勻咗之後，令牛肉嘅肉質更加嫩滑～珍寶凍檸茶💰HK$38超大杯！清新解渴，食雞煲果陣飲就啱晒啦～不得不提，店員服務超好，會主動幫手煮熱個雞煲，又會幫手整走火鍋側邊啲油，真係一間服務到位嘅小店～

依排日日落雨天氣有涼番少少就想食雞煲～今次黎再來一煲都聽朋友講話食過幾次真心唔錯除左雞煲，仲有椰子雞，胡椒豬肚雞選擇同埋新出多款小食先上醬料店員特別推介自家製XO 醬好香又夠辣💓招牌魔鬼雞煲店員特別提醒依度辣度比出面勁所以我地點左手抱BB 辣有少少辣得黎又唔會搶哂d 味店員會幫手炒雞炒左幾次就開餐啦我地點半隻雞份量都好足夠二人食d 雞好入味個雞煲醬係有少少甜味比較特別+魚標魚標食落好似花膠甘好有骨膠原感覺份量仲好多！之後可以請店員幫手落湯底打邊爐加既係湯底，仲唔駛額外加錢添💓0.03紙豆腐依款好特別係好薄身既皮滾三秒吸汁就食但食落都有豆味好正，推介！💓爆汁牛筋丸咬入去好多汁牛味夠濃💓烏卒卒粒粒墨魚滑真係好足料食落好多墨魚好彈牙💓田園雜菜籃蔬菜新鮮爽脆💓珍寶凍檸茶好大杯，夠二人分享基本每枱必點～

今日同朋友去到元朗呢邊探佢啱啱出世嘅小朋友，之後佢哋就推介左我哋嚟喺呢一間餐廳食晚飯，閂廳主要係主打雞煲，真係唔錯，非常值得推介俾大家！雞煲嘅份量非常多，一嚟到渣渣聲，忍唔住即刻攞電話出嚟打卡，而且非常香，大家都忍唔住即刻拎起筷子！而且我哋叫咗小辣，味道都非常適合我哋嘅口味，雞件就每一件都食得出非常新鮮，而且食落去味道好惹味，並且好香口，食得出廚師鑊氣同埋功架，呢間餐廳非常值得推介俾大家，而且店員亦都非常客氣，加分！