一盛極牛 (已結業)

平時食開拉麵, 湯底都不外乎係豬骨湯或味噌湯, 但牛骨湯底嘅拉麵, 真係未食過｡今晚黎到呢間專食牛骨拉麵嘅餐廳開餐, 仲寫明每日限定 150 碗添｡餐廳內以簡約懷舊嘅裝修為主, 牆身貼左好多昔日日本嘅舊海報｡每張枱上都貼有一張餐廳用料嘅簡單介紹, 原來佢地用嘅牛同拉麵, 全部都係來自日本｡餐廳主要只得兩款食物: 白牛拉麵 & 極牛拉麵｡ 客人可以按自己喜好選擇配料項目, 配料款式非常多, 有溏心蛋、芽菜、黑木耳絲、筍、紫洋蔥、紅椒絲、紫菜 & 蔥｡極牛拉麵用左 20 個鐘煮成嘅牛骨湯底, 牛味香濃, 冇放半點味精, 原汁原味, 而拉麵嘅軟硬度亦剛剛好｡ 至於塊牛肉, 佢地係用左來自熊本縣嘅和牛, 而且只係揀大腿上肉嘅位置, 簡單用火炙煮法, 令和牛肉味濃郁, 油花比例適中, 食落去肉質軟滑｡白牛拉麵 同樣係用牛骨湯底, 不過就加多左白松露, 所以飲落去有陣陣香濃嘅白松露味道｡ 牛肉選擇左和牛刺身, 一睇顏色就知係好野, 色澤粉紅, 口感柔滑, 唔想食太生, 亦可以用湯底本身嘅熱力輕輕灼熟｡每張枱上都會放有一罌炸蒜片, 鐘意食蒜嘅人, 可以加少少落拉麵入面, 提升成碗拉麵嘅味道 & 口感

這陣子常常都要去尖沙咀整結婚野，差不多接近尾聲，真係心力交瘁！所以我都把減肥二字忘記了！上網看到這家比較新的拉麵，便搞完結婚野一個人過黎試一試！門口感覺非常日式風格。門也是像去了日本拉麵店搬，樓底比較矮。但空間感足夠，屬於大店鋪，但每個位置都有足夠給予客人的空間感，感覺很舒服。我選了極牛拉麵，由於店鋪比較新，現時只有兩款拉麵。他們說可能遲下會出多一款辣味的拉麵。而另一款是白牛拉麵即白松露。極牛拉麵 ＄108店員是會把拉麵放上盤子上才給客人上檯的，感覺非常有調理。好整齊的放在盤子，那客人就可以不用碰到碗邊燙到了，非常細心。先嚐一口湯，我點了普通的味道，但我覺得比較淡，下次可以試一試濃味的感覺。牛肉我是選了火炙的，因生牛肉是的確有點怕。薄薄的牛肉，牛味很濃，我是第一次吃牛肉拉麵，感覺很清新。這個材料很足夠，有芽菜、黑木耳絲、荀、紫洋蔥、紅椒絲、紫菜及蔥。還有半份糖心蛋不用加錢，糖心蛋比我想像中好吃，因為他們真的弄得剛剛好，與湯的味道溶合。另外，客人可根據個人喜好加以調味，這家比我感覺有點像大眾化的拉麵。適合不同口味的客人，當然這一家只有牛肉可選喔，不吃牛的要注意了！

[ 久違的拉麵 | 超濃厚牛骨湯底🍜]••話說我期待左呢日好耐，就係約左朋友一齊去食拉麵👻我地兩個都好鍾意食拉麵🍜個日一見面佢仲買左兩盒熊仔餅比我，因為我話睇完識貨之人好想食🐻幾有我心~⋆ ⋆ ⋆ ⋆ ⋆🔹白牛拉麵($108)⭐️7.5/10一入餐廳都已經聞到好香牛味😍拉麵湯底非常濃郁，湯底好味👍🏻我最喜歡既筍好爽口無渣溏心蛋個黃都很正👅拉麵係曲麵，我揀左普通硬度，都係偏硬好岩我口味，所以我覺得普通已經好岩🍜主角和牛🐮可以揀刺身/火炙，我地都揀火炙🔥但得一片，又薄又細塊，真係失望到極點😞大約只有湯匙咁細塊，唔捨得食到咁細塊都要分4啖食🤡-🔺所有配料、湯底濃度、麵硬度，都可以自己選擇📝-

今日同友人於尖沙咀去行完街睇戲，又買左好多野，就令我地諗起去日本不停shopping既情況，所以決定去食拉面。今次去左天文台道斜路呢間既拉面店，入到去已經好有日本feel,入面貼滿日本海報，另外播住日本歌曲,真係令人想即刻飛去日本。呢間拉面店主要提供既就係和牛拉面，和牛方面主要有兩種做法，一種係刺身，另一種係火炙，我就好鍾意食刺身既，當然揀左刺身。和牛入口好重牛味，食得出係A4以上既質素。另外湯底係豉油湯底，可揀加白松露，咁湯底呢d濃度，白松露濃度都可以自己選擇，因為第一次黎，兩種都揀左普通既濃度，白松露好香，所以下次再黎食一定要揀濃d。最後，拉面最重要既麵，好彈牙，好好食

經朋友介紹下 黎到呢一間食牛既拉麵店，作為拉麵控既我 聽完佢講完之後 已經急不及待好想試下！鋪頭裝修冇得輸！有各式各樣既日本電影海報三種醬料 胡麻油 蒜片 芝麻 （全部都係我既最愛！勁落唔該）佢地有三款拉麵 白牛，極牛，赤牛每一款都有一張屬於自己既點餐紙（牛有2款，和牛同火炙 唔同牛款黎既，和牛就簿似肥牛 火炙就厚身d唔好彩既係今日無火炙個款牛種，所以嗌哂和牛）白牛拉麵 $108價錢係睇你要幾多份和牛 我只係嗌左一份 可以同大家講後悔！後悔！後悔 嗌得太少 一份完全唔夠！佢個和牛入口即溶 牛味又夠 真係好掂個湯底比平時食到既多左份牛骨味同松露味麵條彈牙得黎 重蛋味 個人幾喜歡落埋上面提到既醬料 讚！真心誠意推薦極牛拉麵（$108）大致上同白牛一樣，分別就係個湯底呢一個牛骨味出d，無白牛咁濃味 不過食呢個就完美帶到和牛既味道。總結，呢一碗拉麵同平時食開既好大分別 平時既係叉燒 呢一個係和牛，配合出奇地無違和感！最後最後 一份牛絕對唔夠，起碼嗌2份 真心好食

人均$108放工諗住過紅磡拎模型，行經天文台見新開左間拉麵店，就入左黎醫肚。餐牌有兩款：極牛／白牛，但配料好仔細可以跟據口味自由配搭。白牛有松露油加配，令味道更香，點左火炙和牛，一份溏心蛋及一碗白飯。和牛燒到~7成熟，所以食落肉味幾重，入面嘅油分好香配上爽口麵身好好食。溏心蛋流心效果都好足，食落入味同蛋味香濃最後唔好嘥，將熱辣辣白飯倒入牛骨湯中攪拌食用，因為個湯好清甜令到平平無奇嘅白飯變得滋味無窮，正。平時食拉麵都會配下汽水飲，但呢個白牛拉麵夠晒味，食完成餐都唔覺口渴，證明真材實料。

見到新開張拉麵店，梗係要食下~ 我嚟到門口見到隻牛就好想笑 😂店面和式，貼滿自家重印日本有名電影海報，嗰種紙質令成個環境似昭和年代，好有趣，好有質感。氣氛又好。麵得兩款，極牛拉麵同白牛拉麵，睇完點單紙都唔知有咩分別，好彩侍應解釋話極牛係原味，白牛拉麵多左白松露，但都唔會蓋過原先牛味嘅。我都未食過，第一次嚟食，梗係食下原味先。整體組合嗌左呢D~等緊既時候見到枱面貼住D介紹，無聊咪睇下。大大粒字寫住「和王」。侍應見我咁有興趣就黎話我知，呢度係用A4至A5 牛上脾嘅和牛肉，仲喺熊本連屆三年得獎，所以叫和牛王，簡稱和王👑。湯底又用牛骨熬左廿粒鐘。麵製作過程真空處理，可以用少左鹼水，但依然非常彈牙。哇... 齋聽已經好勁。碗麵終於嚟，侍應哥千叮萬囑我要快D食左塊和牛刺身先 😂 但我豪氣蓋世，要請相機食先。相機一食完咪飲啖湯先囉 😲 充滿牛鮮味。然後即刻食塊和牛刺身。哇，塊和牛王兩啖入口即溶食晒啦... 🙈😆 成碗麵得一塊牛，可唔可以加多塊我食呀 😫 好好好食呀 🤤塊牛食左，好彩仲有半隻溏心蛋同好多配料跟麵。麵真係好彈牙，麵質非常好。鹼水味都係有嘅，但好少好少好少。其實我對鹼水敏感，食左會急性胃炎

話說女友人有日同我講話係尖沙咀開左間日式拉麵店有白松露湯底。 我第一下聽到個陣就覺得咁都得架呢❓白松露明明係整意粉或落湯既西式野黎。整落日式拉麵做湯底咁搞野🙊.. 咁我地就斗膽去一試看看係甚麼料子 咁先講鋪頭裝橫。 唔錯既都幾舒適日本風，店員態度親切。 講重點！白牛拉麵 簡單d黎講係白松露淆制既醬油湯底再加和牛既拉麵! 呢碗野係好特別！ 點員遠處拎緊過黎個陣已經聞到好濃烈既嘅屎味(白松露味). 我一試落口!個下真係喜出望外！ 好夾 塊生和牛入口即融簡直AA+, d麵質都煮得剛剛好夠彈牙. 成碗野整題黎講好正好特別正到我最後連湯都飲埋成碗清晒， 女友人同我一樣都忍唔住清晒. 估唔到香港竟然會有一d咁特別既拉麵新煮意 真係直得一試⚠

其實今晚無打算食拉麵，但經過見到標明每日限定150碗，加上餐牌只得兩個選擇，跟香港人的消費模式大相逕庭，一於一探究竟。極牛拉麵牛肉做法可選擇刺身或火灸，呢一碗我地選擇了火灸。牛骨湯底的確係好出色，味道非常濃郁，半點味精嘅感覺都無。麵的硬度我選擇咗 “超硬”， 對我而言做得剛剛好，如果用西餐做意粉嚟形容，絕對係 Al Dente, 據他們陳述，麵條所用的麵粉、鹼水、雞蛋等材料都來自日本，並非粗製濫造貨色。白牛拉麵牛肉做法呢一碗我地選擇了刺身。牛肉的確係上等貨 (他們標榜使用日本認證和牛)，肉味和油脂比例均勻。湯底和極牛拉麵相似，但這個加了白松露醬，味道都係非常濃郁。除了主角牛肉和拉麵之外，其他配料都相當出色，如溏心蛋、荀、芽菜、黑木耳等。Overall: 值得 Encore

經過天文台道，見到之前飲日本酒嘅舖頭已經倒閉，轉咗一間新開嘅拉麵舖，門口大大隻字就係寫住限量150碗。入去鋪頭，位置都幾寬敞，幾似日本嘅拉麵鋪。枱面連住一張紙仔。經過20小時烹調嘅牛骨湯，肉為和牛熊本縣和王， 飼養28個月最上級a5或a4， 油花達到6級以上的大腿上肉。麵為真空雞卵麵，原材料全部嚟自日本， 增設軟水機， 做出與日本最接近的口味。寫到咁吸引一定要食，我就揀咗硬身極牛拉麵，重口味既我當然選濃味。 至於其他配料正常分量就足夠。另一樣最相似嘅地方，就係有得斟水飲。好快麵就送到上嚟， 入面嘅配料都唔少，糖心蛋，辣椒絲，蔥，紫洋蔥，紫菜，筍， 木耳。 不過最重點一定係個湯底， 豉油味好香， 一陣陣嘅牛肉味， 20小時嘅精華就喺曬裏面，至於麵質同我要求嘅一樣， 每一啖麵都掛上大量嘅濃湯，入口味道一流。 另外牛肉方面，膜薄一片，但係和牛，入口即溶，份量偏少。如果畀多少少錢，就可以揀兩份或者三份牛肉。下次再嚟食，就要食白牛拉麵，食曬兩款。

係金巴利道唔係淨係食韓國野嘅 就係韓國街呢個十字路口上面有間主打和王級數嘅和牛拉麵🐮🍜 今次就決定食呢間🧐-餐牌好簡單 得兩款湯底 兩款和牛 為左試哂佢我地2樣都試左拉麵係用左真空雞卵麵 比起一般拉麵蛋味更濃 而和牛就有刺身及火灸兩種🔹極牛拉麵 $108 配和牛刺身牛骨湯底 濃度適中 唔會太淡 湯底牛味幾出拉麵質感幾好 軟硬度我揀左普通和牛刺身好嫩好嫩 牛味超級重 要試除左湯底同牛肉可以揀 配料仲有溏心蛋、芽菜、黑木耳絲、荀、紫洋蔥、紅椒絲、紫菜、蔥🔝荀同黑木耳絲都幾好味 必加🔹白牛拉麵 $118 配火灸和牛白松露湯底 幾香嘅加左松露 但又唔會太膩火灸牛口感幾好 同和牛刺身有d唔同 兩款都可以試下另外個溫泉蛋都做得幾好 拉麵可以跟半隻蛋 鐘意食嘅可以加$6要多半個🔹可爾必思 $18🔹零系可樂 $12位置都幾闊落 牆身貼左d復古日本poster 播住日文歌 幾有feel嘅枱面放左d配料 有檸檬水可以自己斟🍴7/10

在尖沙咀逛著逛著本想去吃炸雞怎料看到這家新開的拉麵店原來他的營業時間是晚上6點才開始我去到的時候剛營業不久就跟男友去試試，嘻，我比較喜歡吃拉麵坐了近門口的位置裝修雖然不是很細緻的由湯底到蛋都有簡述話說，他的檸檬水很好喝水是冰冰的，而且檸檬很清新我跟男友都連喝了好幾杯店裡有分極牛拉麵和白牛拉麵由湯到材料到麵的軟硬都有你想選的我自己喜歡松露味，所以選了濃味和牛刺身，男友就選了極牛火炙男友的極牛拉麵，湯底也很濃火炙和牛！牛味極濃！我喜歡吃蛋，所以蛋我叫了一份店員很細心，在麵上桌後提了我幾次說和牛刺身要立即用湯浸浸才會好吃果然是入口即化的質感跟火炙是不同的出色

到尖沙咀買東西時，都總會想吃日本東西，在不同菜色之中，今晚選取了拉麵。到金巴行道斜坡一看，不難看見一盛拉面之招牌喔！進入店舖的時候，店員會遞安排好坐位，有2款拉麵湯底可選，入座後再交給店員。原湯加鹽便是白牛骨湯，味道清甜，加鹽和自家製醬油則是黑牛骨湯，味道香濃，一點味精和雞粉也不會加。看到這些資訊更叫我期待白牛出現。湯底清澈，清香的牛湯適合愛清淡口味的朋友。溏心蛋的蛋黃很棒，蛋白入味，但又不會太鹹。不能不一試便是生牛肉，肉質很好，生吃的感覺令人想再多吃再配合以冰冷機所研製的拉面，非常好吃，很值試也。

今日約了K姐今晚去“一盛極牛”食和牛拉麵🐮🍲，超高質的和牛再配上優質嘅拉麵，真係人間極品😋👍🏻。先講和牛超滑而且好嫩，我叫火炙和牛白牛拉麵，火炙是將和牛燒至6、7成熟，要鎖住和牛本身嘅肉汁及質感嫩滑，再加入白松露在湯底裡面，超。香。味。濃，未食齋聞都好好享受👃🏻，啖湯同拉麵都充滿白松露的嘅香，好食到不得了🤩🤩🤩。至於K姐碗和牛刺身極牛拉麵，和牛刺身相當嫩滑，和牛好似跣落喉嚨嘅感覺👅，湯底有很濃烈的牛骨味，拉麵彈牙，碗麵嘅溫度剛剛好，不燙口keep住和暖的溫度，而且份量剛好，唔會食到有飽滯感👌🏻👌🏻。餐廳裝修得好有日本風， 牆上貼滿很多日系電影海報，我見到情書海報呀～😁😁價錢方面算合理的，性價比總比某大型連鎖拉麵店好食，真係值得前來幫襯的一家日式拉麵店。😌👍🏻

又係🍜🍜🤤呢間既拉麵好特別地唔係用豚肉做配菜而係用牛肉🐮🐮-而牛都有分兩種分別係和牛刺身同埋火炙牛😳😳 一種係全生既牛肉片刺身一種係半熟既牛🤤🤤 咁我地都嗌咗火炙🌝-一上枱就已經聞到好香既牛肉味😍😍 通常我都會飲啖湯先🙈 湯底都勁濃勁香牛肉汁味👍🏻 火灸牛食落去好林一啲韌既感覺都無🤤 真心牛真係整得好好 可惜既係溏必蛋同麵底都唔太吸味 要撈好多湯落去先有味😖 但overall鍾意濃牛肉汁湯底又鍾意食牛做配菜既拉麵🍜都唔錯了👍🏻👍🏻-