影片
更多
2018-09-15
188 浏览
見到新開張拉麵店，梗係要食下~ 我嚟到門口見到隻牛就好想笑 😂店面和式，貼滿自家重印日本有名電影海報，嗰種紙質令成個環境似昭和年代，好有趣，好有質感。氣氛又好。麵得兩款，極牛拉麵同白牛拉麵，睇完點單紙都唔知有咩分別，好彩侍應解釋話極牛係原味，白牛拉麵多左白松露，但都唔會蓋過原先牛味嘅。我都未食過，第一次嚟食，梗係食下原味先。整體組合嗌左呢D~等緊既時候見到枱面貼住D介紹，無聊咪睇下。大大粒字寫住「和王」。侍應見我咁有興趣就黎話我知，呢度係用A4至A5 牛上脾嘅和牛肉，仲喺熊本連屆三年得獎，所以叫和牛王，簡稱和王👑。湯底又用牛骨熬左廿粒鐘。麵製作過程真空處理，可以用少左鹼水，但依然非常彈牙。哇... 齋聽已經好勁。碗麵終於嚟，侍應哥千叮萬囑我要快D食左塊和牛刺身先 😂 但我豪氣蓋世，要請相機食先。相機一食完咪飲啖湯先囉 😲 充滿牛鮮味。然後即刻食塊和牛刺身。哇，塊和牛王兩啖入口即溶食晒啦... 🙈😆 成碗麵得一塊牛，可唔可以加多塊我食呀 😫 好好好食呀 🤤塊牛食左，好彩仲有半隻溏心蛋同好多配料跟麵。麵真係好彈牙，麵質非常好。鹼水味都係有嘅，但好少好少好少。其實我對鹼水敏感，食左會急性胃炎
我嚟到門口見到隻牛就好想笑 😂
店面和式，貼滿自家重印日本有名電影海報，嗰種紙質令成個環境似昭和年代，好有趣，好有質感。氣氛又好。
麵得兩款，極牛拉麵同白牛拉麵，睇完點單紙都唔知有咩分別，好彩侍應解釋話極牛係原味，白牛拉麵多左白松露，但都唔會蓋過原先牛味嘅。我都未食過，第一次嚟食，梗係食下原味先。
整體組合嗌左呢D~
等緊既時候見到枱面貼住D介紹，無聊咪睇下。大大粒字寫住「和王」。侍應見我咁有興趣就黎話我知，呢度係用A4至A5 牛上脾嘅和牛肉，仲喺熊本連屆三年得獎，所以叫和牛王，簡稱和王👑。湯底又用牛骨熬左廿粒鐘。麵製作過程真空處理，可以用少左鹼水，但依然非常彈牙。哇... 齋聽已經好勁。
碗麵終於嚟，侍應哥千叮萬囑我要快D食左塊和牛刺身先 😂 但我豪氣蓋世，要請相機食先。相機一食完咪飲啖湯先囉 😲 充滿牛鮮味。然後即刻食塊和牛刺身。哇，塊和牛王兩啖入口即溶食晒啦... 🙈😆
成碗麵得一塊牛，可唔可以加多塊我食呀 😫 好好好食呀 🤤
塊牛食左，好彩仲有半隻溏心蛋同好多配料跟麵。麵真係好彈牙，麵質非常好。鹼水味都係有嘅，但好少好少好少。其實我對鹼水敏感，食左會急性胃炎，嘔到七彩，所以只可以食直拉麵。曲形蛋拉麵從來嗌完只可以食到一、兩啖😅 但呢度我成碗食晒，食完咩事都無。好耶，終於可以食到碗彈牙又無乜鹼水嘅彈彈牙拉麵 🍜😋👏🏻👏🏻👏🏻🎉
仲飲波子氣水 😋 唔夠力開，叫侍應哥幫我開，哈哈
咁啱有其他客嗌火炙牛，坐bar枱嘅我就可以睇表演 😂
和牛王拉麵好矜貴，未必可以成日食，但如果有特別慶祝紀念開心事，一定要嚟，獎勵自己或祝賀朋友，開心開心 😋🐮
张贴
