一盛極牛 (已結業)

今日同友人於尖沙咀去行完街睇戲，又買左好多野，就令我地諗起去日本不停shopping既情況，所以決定去食拉面。今次去左天文台道斜路呢間既拉面店，入到去已經好有日本feel,入面貼滿日本海報，另外播住日本歌曲,真係令人想即刻飛去日本。呢間拉面店主要提供既就係和牛拉面，和牛方面主要有兩種做法，一種係刺身，另一種係火炙，我就好鍾意食刺身既，當然揀左刺身。和牛入口好重牛味，食得出係A4以上既質素。另外湯底係豉油湯底，可揀加白松露，咁湯底呢d濃度，白松露濃度都可以自己選擇，因為第一次黎，兩種都揀左普通既濃度，白松露好香，所以下次再黎食一定要揀濃d。最後，拉面最重要既麵，好彈牙，好好食