昭和食堂

營業中

休息中

其實鵝頸橋底下好多高質素餐廳，呢日搵到一間好有趣嘅日式餐廳，好似帶我超越時空去到80年代有日式酒屋嘅感覺。🌟蕃茄三杯醋絕對係開胃之選，醋汁有落少少洋蔥粒，輕微酸度，清新可口。🌟炸海鰻魚骨估唔到鰻魚骨係炸都好好食，即刻叫咗一杯柚子酒！🌟酒盗炒山藥山藥輕輕炒過，慢慢食飲下酒作為前菜相當不錯。🌟雞肉丸燒得剛好，外皮少少焦，裏面軟嫩。🌟雞掌心 & 雞背肉呢兩款串燒都比較少食，估唔到都厚肉，雞背肉夠嫩滑，掌心肉就會脆口啲。🌟鵝肝味噌漬必點必點必點！用2塊薄脆餅，夾住味噌調味過的凍鵝肝，真係好好味！脆同軟口感同時係口入面，鵝肝有酒味，絲滑口感令人一口接一口想食。🌟昭和海鮮卷同樣必點！卷物上放上蟹肉、呑拿魚蓉、甜滑海膽，廚師有心思，卷物入面包住不同魚角切，有脆有軟口感，非常美味。值得推介的餐廳，除了裝修用心，令人置身懷舊居酒屋感覺，食物出品都較特別同用心思。

放工到銅鑼灣跟舊同事gathering, 選址近鵝頸橋橋底其中一間幾有特色嘅居酒屋。餐廳以日本昭和時期做主題, 從外至內都充斥著懷舊日本風味, 店內牆上佈置、木系座位等....令人感覺有如置身日本昭和時代, 可算是一間超靚嘅打卡餐廳。呢度主打刺身、壽司燒物、串燒同埋各種日式地道小食, 仲有自家調製嘅酒精飲品, 非常適合約埋三五知己嚟chill下。【昭和特上盛盒】HK$398集齊五款是日精選刺身, 每款刺身都好新鮮, 魚類刺身更是厚切, 滿足口感; 赤蝦肥美, 爽口鮮甜; 魷魚配海膽, 令鮮味更提升; 拖羅魚油超豐富。【流心蛋薯仔沙律】HK$68薯仔打成有質感嘅薯蓉, 混入了爽口蝦粒, 食之前篤穿頂層嘅炸丸, 流出蛋汁, mix埋一齊食, 多一點黏滑。【日本海膽壽司】HK$128軍艦壽司上疊上滿滿海膽, 整件入口, 冷冷的海膽近乎入口即溶, 甘香鮮甜。 【半生熟牛肉】HK$108牛肉色澤嫩紅新鮮, 只有圍邊位被火灸至熟, 每件牛肉肉質嫩, 冇筋連帶, 夾埋墊底嘅生洋蔥食, 沾有酸汁, 美味開胃。 【蟹膏甲羅燒】HK$128蟹膏質感幼滑, 濃郁甘甜, 配有薄脆伴吃。【辣吞拿魚】HK$68餐

放工後同老友揀左間懷舊風格嘅日式居酒屋，店內裝潢木質感濃，掛住日本傳統燈籠，充滿住昔日嘅日本小酒館氛圍。流心蛋薯仔沙律先將流心蛋吉開，蛋黃慢慢滲出，mix埋薯仔沙律食豐富層次，薯仔沙律質感軟糯而帶有自然甜味。半生熟牛肉肉質鬆軟，肉汁豐富，每一片牛肉都散發出濃郁嘅肉香，可以夾埋洋蔥片一齊食。串燒特別推介雞皮仙貝，雞皮烤得脆卜卜，烤制過程中脂肪被去除，食落口唔會覺得油膩；牛柳肉質嫩滑，保持住咗彈性同濕潤；雞蠔肉係雞大腿内側嘅肉，肉質柔軟且多汁；雞食道肉質緊實，咀嚼時會釋放出一種淡淡嘅雞肉鮮香；雞掌心肉質細嫩而富有彈性；煙肉蠔做法創新，煙肉嘅鹹香與生蠔嘅海洋鮮味完美結合。酒盜炒山藥獨特嘅鹹香味，同山藥嘅爽脆質感相結合，帶來一個既傳統又創新嘅口感體驗。鵝肝最中餅鵝肝用日本味噌醃製，帶有一種獨特嘅醇厚香氣，味噌嘅微妙鹹甜完美地突顯出鵝肝嘅濃郁與細膩，最中餅外皮酥脆，包裹住柔軟嘅鵝肝食富有層次。吞拿魚和牛月見卷 每日限量供應，賣相精緻，壽司飯包住醬油醃過嘅雞蛋同埋吞拿魚蓉，外層包住滑嫩嘅和牛片，層次感豐富。

阿女發現咗一間以懷舊做主題的居酒屋，今晚就帶我過嚟試吓。昭和食堂以昭和時期的街道為餐廳主題，店內的裝潢牆上掛滿昔日的鐵皮廣告及招牌。食材用料考究，做法也有心思。雪花牛柳：牛柳肉質鮮嫩，配上少許蘿蔔蓉更添風味。雞橫隔膜：吃起來嚼勁十足，略帶油脂。蟹膏甲羅燒：濃濃的蟹膏烤過後香氣不斷湧出，鹹甜適中的蟹膏搭配薄脆，每啖都令人非常回味！煙肉蠔：吃到蠔肉的鮮甜味道 ，煙肉豐富了蠔肉的味道層次。昭和海鮮卷：海鮮卷色澤鮮艷，面上放有海膽、吞拿魚蓉、魚子、三文魚、油甘魚等，用料新鮮，每一口都充滿豐富的口感。 鵝肝味噌漬：鵝肝的油脂在口中慢慢滲出，配搭脆口的魚形公仔外層，既美觀又美味！鹿兒島黑豚腩：黑豚腩片油脂分怖均勻, 肉質幼嫩有彈性，烤過的豬肉表面滿佈霜降紋脂肪，美味可口！酒盜炒山藥：山藥咀嚼時帶黏性的口感和酒盜好夾，滿口充滿微妙的香味和甜味。炸海鰻魚骨：香脆可口，送啤酒一流。

原來鵝頸橋有間日本懷舊風格餐廳， 經過俾佢大門面吸引左入去， 餐廳地方好大， 裡面好多日本poster、擺設，好似隨便門去左日本咁，餐牌亦係畫左每一道菜，完全感受到餐廳對日本文化嘅執著。♡燒三文魚鵝肝卷 $158♡蟹膏夾羅 $128正！咸咸香香♡雞皮唐揚 $68雞皮串燒通常細細塊， 呢間大大一片，滿口雞油香，正👍🏻♡辣味碎蔥吞拿魚最中餅 $68平時甜品見過最中餅， 原來都有咸點， 魚形威化餅好脆， 記得要夾埋塊餅一齊食。♡流心蛋蝦薯仔沙律 $68流心炸蛋好正， 鮮蝦亦好彈牙～♡燒油揚 $38油揚即係豆腐， 但燒完似烤多士， 配秘製醬油。♡酒盜炒山藥 $58♡燒白鱔 $68♡雞背肉$45♡燒三角胸骨 $38♡櫻花蝦高湯螢光魷魚刺身

好似好耐冇食日本野一於搵朋友陪我去灣仔呢間昭和食堂先佢位於銅鑼灣鵝頸橋附近裝修係懷舊日式昭和風格 好似去咗日本咁架野食都幾精緻好味昭和海鮮卷$228上面既海膽同吞拿魚又肥美又新鮮入面仲有大量刺身三文魚油甘魚 大滿足😌鵝肝味噌漬最中餅$68最中餅口感好似威化 配埋滑滑既鵝肝好正味噌漬有少少酸味好refreshing 酒盜配芝士脆餅$68芝士味好濃郁 食落煙煙un un咸得黎酸酸地都燒朝鮮醬雞翼$30有少少辣 好香雞味 正炸北海道魷魚絲$68好脆同甜甜哋煙煙韌韌幾過癮南蠻炸雞$58外面超脆 一啲都唔油膩整到波波形狀好方便食炸櫻花蝦豆腐$58面頭超多櫻花蝦豆腐嫩滑唔錯燒油揚口感好似燒蜂巢豆腐 有豆香燒白鱔$68口感好肥美 鮮甜好味雞肉丸串$32啖啖肉好好味🤤昭和食堂 (灣仔)灣仔謝斐道391-407號新時代中心地下A號舖

《昭和食堂》位於灣仔日式懷舊復古風的居酒屋居酒屋食物種類多樣化，有好多都好適合送酒 前菜點了限定的螢光魷魚刺身 ($98)，每條都漲卜卜好令好新鮮，師傅用了櫻花蝦汁浸過魷魚，食落爆汁之餘又帶有陣陣蝦的香氣 另外還有酒盜配芝士脆餅 ($68) 及蕃茄三杯醋 ($58)，前者鹹鹹香香，適合送酒，後者清爽解渴，又能清清味蕾 和牛月見卷 ($188)賣相超吸引，和牛肉包住壽司飲，中間再包住粒醬油醃漬過的蛋黃 最好食係半生熟生肉 ($108)和辣吞拿魚最中餅 ($68) ，前者有醬油汁醬漬過啲半生熟牛肉，夾埋洋蔥絲，多汁又美味。辣吞拿魚最中餅吞拿魚蓉鮮甜，辣辣地，超多吞拿魚蓉好正。 雞皮仙貝 ($40) 薄到透光，香口又脆口；煙肉包蠔 ($60) 鮮甜又多汁；雞肉丸 ($32) 軟冧冧；朝鮮醬雞翼有kimchi風味；雞背肉 ($45) 肉質紮實又美味。

餐廳裝飾是80年代懷舊日本風，感覺舒適，適合朋友同事聚餐。同朋友今日都唔係太肚餓，只係嗌咗一支清酒，同埋點了幾項店主推介嘅特色小食。清酒有特價，適合同朋友吹水食飯。炸海鰻魚骨：呢項小食真係非常特別，從來未試過，香口！炸櫻花蝦豆腐，酒盜配芝士脆餅：豆腐嫩滑，配以剛剛炸起的櫻花蝦，好味!雞背肉：有啲似鹽燒雞胸肉雞掌心：有啲似雞軟骨，加有點雞肉，好有特色！魷魚明太子卷蟹膏帆立貝

來到昭和食堂，門口已很有特色，很有置身於日本的感覺。食堂有不少食物種類，有串燒、熱食、飯卷等，還有不少清酒選擇。辣味碎蔥吞拿魚最中餅 $68吞拿魚蓉帶點微辣，配上可愛魚仔形狀的酥脆米餅，讓人感到滿足。昭和海鮮卷 $228海鮮卷材料滿滿，包括海膽、吞拿魚蓉、三文魚籽、三文魚等。壽司飯用赤醋打成，醋度更柔和濃郁。流心蛋蝦薯仔沙律 $68將流心蛋弄穿，蛋黃汁慢慢滲出，與薯仔沙律拌勻，味道層次豐富，質感軟糯。南蠻醬炸雞 $58外皮金黃酥脆，肉質保持濕潤，口感嫩滑。蕃茄三杯醋 $58蕃茄清新，浸在醋裡，味道開胃。串燒方面，我們點了4款：雪花牛柳 $65牛柳鬆軟，牛柳上的蘿蔔蓉使口味更清新。牛舌 $58以黑椒調味，牛舌厚切，口感味道佳。雞頸肉 $35以醬汁調製，外皮呈烤焦色，口感嫩滑多汁。雞掌心 $45以七味分調製，味道香口，雞掌心爽口，十分特別。餐廳環境很有氣氛，座位寬敞，適合三五知己輕鬆地邊喝邊吃邊談天。以上價格需另加一服務費

💡炸櫻花蝦豆腐 $58以櫻花蝦做炸皮嘅一部份，係一個幾好嘅組合，櫻花蝦好重鮮甜味，為炸皮提升一個層次。豆腐好滑嫩本身冇咩味，配埋炸皮嘅蝦味就好Balance!💡流心蛋薯仔沙律 $68流心蛋嘅蛋黃好香，混埋薯仔沙律就好滑好清新。💡酒盜炒山藥 $58我本身喺日本係好討厭食到山藥，因為口感稠密又有陣怪味。但男朋友好鍾意山藥就叫咗，佢試完話我會鍾意。一咬落去竟然係好爽脆，酒釀似乎辟走咗我本身唔鍾意嘅山藥味，味道好開胃。💡蟹膏帆立貝配最中餅 $88見到最中飯都係諗起甜品，但配上蟹膏同帆立貝，口感同雪糕又有幾分相似，仲多出咗海鮮鮮甜味，相當有趣！💡串燒 雞肉丸 $32 & 雞橫隔膜 $58串燒燒到好香，外層微焦，雞肉丸內裏juicy，橫隔膜有少少似豬大腸種煙韌感，但冇豬大腸味，有燒汁食落都幾惹味。💡蟹膏甲羅燒配薄脆 $128蟹膏質地滑嫩，味道濃郁，單食會太重口味，配薄脆就好夾！💡煙肉蠔 $60煙肉在外層鎖住肉汁，鹹香同蝝嘅鮮味又幾夾！💡鵝肝三文魚卷 $158鵝肝油分令到啲飯都好香滑，仲要有三文魚嘅鮮甜味，真係好好食~食個日係星期三，第二日要返工就冇飲酒，但見到佢做緊清酒八周年優惠，好抵飲，大家Ha

今次放工試咗灣仔呢間日式居酒屋,餐廳環境佈置好有日本風格,好似返咗鄉下咁,氛圍唔錯😝仲有Bar枱可以選擇,得閒可以同廚師傾返一兩句㗎😂前菜方面揀咗三款都比較特別嘅：酒盗配芝士脆餅、番茄三杯酢和流心蛋嘏薯仔沙律🥗芝士脆餅十分香脆,配上酒盜嘅鮮味幾趣緻😆而流心蛋漿拌薯仔沙律令層次有所昇華,不得不讚嘅係佢個沙律好足料,淡淡都食到鮮蝦👍而蕃茄配上餐廳自家製嘅醬汁,食落酸酸甜甜好開胃🥰燒物方面叫咗板燒豆腐同部份串燒：雞頸肉、牛舌、雞腳筋🍢板燒嘅烹煮方式令豆腐表面烤得微焦,但內裏卻依然保持着豆腐的柔軟口感,配上獨特嘅醬汁,令人驚艷😋串燒火候控制得唔錯,醬汁亦都好夠味😝最後都試咗佢哋嘅清酒牛油煮蜆同鰻魚玉子最中餅😗最中餅較為有驚喜,外層脆餅夾雜着兩塊大大嘅鰻魚肉同好厚嘅玉子,一啖食落好滿足,層次感亦都十足😘

之前食過呢間居酒屋，食物比較有特色，近排見有新menu，緊係要試下🤤叫左薯仔沙律，竟然配埋炸蛋😳仲要流心蛋黃😳😳食落好rich👍🏻雞皮仙貝，我地平時唔鍾意食雞皮，因為好油，但呢個雞皮仙貝一啲都唔油，好薄好脆嘅雞皮，零脂肪，讚👍🏻👍🏻串燒，雞橫隔膜，串燒雞腳根，串燒雞胸軟骨，都係比較少食到嘅部位，口感比雞肉同雞軟骨好👍🏻串燒牛舌，燒得啱啱好，唔乾，好彈牙😋蟹膏帆立貝最中餅，好鮮甜，好高質，蟹膏完全冇腥味😳芝士酒盜脆餅，鹹鹹地送酒一流😋鵝肝三文魚卷，鵝肝以味噌輕輕醃過，內臟味道冇咁重，而依然好rich，帶有油香，出色👍🏻半生熟牛肉，牛肉好嫩，配搭生洋蔥同鹹鹹甜甜嘅醬汁，易入口，冇肉腥味新menu超級驚喜🤩好滿足

今晚同朋友都唔太肚餓，口痕要食下香口野，黎到昭和好多特別小食串燒。去日本餐廳，最鐘意睇佢地掛牆季節限定，今日有味噌燒螢光魷魚，第一次品嚐，好迷你，薄身易咬，出色唔抗拒會再食喎。到生牛肉又係感覺同食落口兩回事，雪凍上碟一啲都唔血淋淋。仲嗌左一連串關於雞既特別部位串燒 ----- 燒雞胸軟骨，雞橫隔膜，雞食道，雞皮，雞髀較嫩滑位置。師傅調味各有不同， 啱啱好唔重手，好正！ 麵豉醬鵝肝夾餅，好似去左日本咁，呢個夾餅味道好懷念，配鵝肝一絕。好多野食都未試，環境服務都舒服，地固易搵，下次會再黎。

昭和食堂地十分方便。一入到餐廳，環境好懷舊，牆上掛咗好多懷舊玩具，好有特色，滿有日本情調，坐位好舒適。南蠻炸雞:炸雞十分新鮮，即叫即炸。外皮炸得金黃酥脆，內部肉質保持濕潤多汁，口感非常嫩滑，一口咬下去，感受到肉質的飽滿和豐富。辣吞拿魚蓉醉中寶:他們使用了獨特的調味料和香料，使得吞拿魚蓉帶有微辣的香料風味，配上酥脆的米餅，加上可愛嘅魚仔形狀，讓人回味無窮。粟米天婦羅：有著香口的口感，每一口都散發著粟米的清甜味道。外層的酥脆炸衣與內部的粟米完美結合，給人一種美妙的口感享受。照燒雞頸肉：雞頸肉經過照燒處理後，外皮呈現著誘人的烤焦色，口感嫩滑多汁。鵝肝三文魚卷：鵝肝和三文魚的味道相當配合，入口即溶，散發出豐富的鮮美口感，令人驚喜。板燒豆腐：豆腐經過板燒處理後，外層酥脆，內部仍保持著豆腐的柔軟口感，再配上店家的蘿蔔蓉燒汁，口感美味。照燒雞泡肉：以雞髀肉為主要材料，經過照燒處理後，肉質鮮嫩多汁。照燒醬汁的甜味與肉質的鮮美相得益彰。串燒雞掌心：外層烤至香脆，內部肉質鮮嫩。照燒醬汁的甜味與雞肉的鮮嫩相互搭配，感受到雞掌心的獨特口感。 串燒雞背脊：外層烤至金黃香脆，肉質鮮嫩多汁。

朋友生日諗食乜好頭痛，三個女仔行過見到間居酒屋，睇落有啲日系feel，反正冇頭緒，所以入去當試吓！坐低見到menu，上面3個漫畫版人物企哂喺bar枱入面，笑咗。自家製梅酒，易入口，好fresh。叫咗一堆串燒，估唔到有驚喜：1）燒雞掌心夠煙靱，有口感，第一次食，結果encore咗3次！2）燒牛舌第一次食到咁有口感嘅牛脷，火喉控制剛剛好，入去口爆汁3）燒雞腎未食過波形雞腎，一樣係入口爆汁，真係好好味，壽星女一人食咗3串！，鰈魚邊壽司將鰈魚邊燒到入口即溶，呢個係好驚喜，不過貨量唔多，建議坐低order咗先海膽壽司超高脹卜卜份量十足，成件蛋糕咁，睇到都開心。結論：無心幫襯卻發現寶藏，一定會再嚟。價錢中上，但quality高，抵哂！