今日想食炸鷄🍗🍗這餐廳充滿住懷舊的感覺，牆上貼滿不同年代韓國電影海報！ 秘製甜酸醬油味炸雞 🍗（半份）： 炸雞係即叫即煮，炸到金黃色，再加上杰撻撻的甜酸醬了，好有口感，而且好juicy ，如果再鹹返少少會更加好！ 鐵板牛肉 ： 這個鐵板真係好大份，有好多牛肉，洋蔥同椰菜！口感豐富！熱辣辣的，牛肉亦好惹味，用來送飯食就最啱！ 雜錦蛋卷 ：用上大量蟹子+泡菜+芝士 🧀，口感豐富，味道帶有微微的甜，而蛋亦煮得嫩滑🩷

一上到去門口，見到個場空既，都打個突。唔緊要，抱住嘗試心態，見到出面大字寫住217$，都算經濟。無所謂，伏極有個譜。 第一次食，每款肉都叫1碟試下。一送到泥，肉色澤一般，偏暗啞。一d肉就比好多，一d就比好少，比例完全失衡！比得少既好明顯係澳洲m7啦。 點解要咁做，大概都明咩事，ok,明白。 繼續食，除左炸支竹酸左，同餃子唔係自己包（灣仔碼頭），都無咩問題，叫做對得住217$加一呢個價。個服務員態度唔好，自己坐埋一邊，要大聲叫佢先落到單都算。 一收到張單，心諗咩事，假日收多13$都算，收醬芥13？？？ 傻的嗎，小弟見識少，從來未試過係香港食任食要額外比醬芥錢！有錯請指正。走既時間再睇門口張宣傳，佢係有寫收假日同醬芥既，唔可以話佢錯，但佢寫到左一忽右一忽，立心如何自有公論！ 恭喜呢間野令我興起食第一個食評。令我明白世間險惡，（500幾個好評唔知堅定流）今時今日咁唔老實做生意，難怪個個北上消費？劣幣遭淘汰乃常理。

同朋友2個女仔諗住食好西，點知中伏了！ 餐廳裝修係唔錯，不過食物質素，份量，同服務真係一次完了！ 朋友準時6點半去到，被安排坐角落位二人枱，位置非常窄。 由於我遲少少到，朋友要求女侍應先倒茶放涼，方便我黎到，即時可以飲，估唔到個女侍應拒絕，仲話：點左菜先有水飲。 真係黑人問號？！唔通佢地覺得我地呃水飲？有訂位架，有名有姓，唔係walkin，你驚我地唔點菜？？？？ 朋友再問，個女侍應先肯俾一杯水，係～只有一杯！於是我黎到係冇～水～！ 由於店方將大部份客人安排到同一排位，於是地方異常咁嘈，仲迫過龍屋。於是我地要求調座位去另一翼（冇人）。我地安排左坐2張連埋嘅4人枱，同一個女侍應刻意話：有人架！示意我地縮埋一邊，唔好過界。但由頭到尾，都冇人再入黎了，同時個場仲有好多吉位。駛唔駛咁mean? 定係因為佢唔想俾茶，嬲左？ 之後睇番野食，冇乜特別。我地點左一個1200蚊嘅2人餐，貴！但份量同味道唔值得呢個價。 個沙律主要都係菜碎，冇乜味道，唔想食。 一個有一個蝦杯，個海膽冇味，蝦都係。 個和牛，一口完了，很薄。 呢個2吞拿魚餅，要2個人share。 呢個牛，味道都算可以，不過主要係用汁調味，個牛好一般。 本來以為個海膽汁意粉可以食飽點知得一啖。我地真係得啖笑。 雪糕正常冇特別。 總而言之，冇諗過1200蚊嘅餐，2個女仔都食唔飽。之後仲要揾其他野食。中晒伏。 所以說，不要太相信KOL推薦。 殘念。

平但不靚正、我外賣$50/6件辣炸雞＇都預咗係唔熱㗎啦＇返到屋企食又冇味又唔辣得個脆 完全唔係KFC嗰個炸雞＇係咪因為平所以要咁樣做出嚟呢？ 想食好食嘅炸雞啫丶即刻諗起KFC但係食到啲炸雞即刻冇嘢講、咁大嘅集團都係咁嘅出品😂😂😂😂 冇計都唔知佢講咩好下次唯有搵啲好食啲嘅炸雞再食吓啦＇我終於發現做得好好唔好食、已經係我乜所謂最緊要有生意🤣🤣🤣🤣🤣 寫段食評都最少要80字，你所講啲咩啊？

古琴雅苑 由於媽媽👩喜歡吃片皮鴨，所以森仔精心挑選了一間:古琴雅苑🙌🏻 餐廳🍴位於利舞臺，鄰近地鐵站時代出口，不用五分鐘便能到達餐廳🍴 而餐廳店內光猛乾淨，給人一種舒適嘅感覺。人流仲唔少，證明係好野🤣🤣 當日森仔叫了爆火鮑魚小炒肉，半隻片皮鴨配蒸皮和各種配料和蛋白炒飯🤩 1️⃣ 爆火鮑魚小炒肉 呢期推出嘅小炒肉，真係好正宗嘅京菜 爆得超香，惹味非常！ 鮑魚炒得恰恰好，嫩滑彈牙，又吸晒醬汁 而個蒜苗炒得超正，入晒汁，又帶啲爽口❤️ 而五花肉份量也不少，惹味嫩滑，正😄！ 此菜用來拌飯，一流🤓 2️⃣半隻片皮鴨配蒸皮和各種配料 此個係今次慶祝🪅重中之重！ 片皮鴨烤得恰好，色澤金黃亮麗！ 油脂，脆皮，嫩肉，三種溶為一體！ 食入口，美味爆燈❤️ 配上各種配料和醬汁（包括：京蔥，脆鴨皮，青瓜，哈密瓜🍈，砂糖和甜醬等😉）和蒸皮一齊食，更有另一番滋味。 3️⃣蛋白炒飯 此炒飯又係另一出色傑作。 飯粒炒得均勻，粒粒分明，調味恰好👍🏻👍🏻 而當中雪白嘅炒蛋白，更提升了蛋炒飯嘅美味感！ 還有大大粒嘅蝦隻，超級爽口彈牙😉 爆青蔥帶來了陣陣香氣🤩 佢嘅荼飲一向係幾有特色🤣 森仔每次都會叫左玫瑰🌹荔枝花茶，因為真係超級香同美味🤣 同時大減油膩口感 次次都會Encore！ 總之，古琴雅苑絕對係一間嘅粵菜餐廳，係香港🇭🇰想食片皮鴨，一定要試下佢👍🏻

星期日中午 一點嚟到商場， 見呢間餐廳門口有人等位 ， 應該不會太伏，所以就揀呢間食。 我哋都要等咗10分鐘才有位， 一入去，畀咗張大圓枱我哋，我哋四個大人一個小朋友 ，座位都排得比較迫，用手機點餐， 餐廳給人哋感覺比較污糟，枱邊發曬黑色 🤢毛菌，地下又有垃圾， 立黐黐😵。 我哋點咗 午餐: 蒸倉魚配飯， 同埋麻婆豆腐飯， 包咗兩杯熱飲，另外叫蕃茄火腿通粉， 麻辣牛肉米線，另再加一碟炒飯，cp值最高就係個蒸倉魚🤫， size比想像中大，味道都可以， 其他食物就真係好一般， 不要抱期望 ，一般茶餐廳級數🤐。 埋單好似食咗大約四百蚊。

LUNA嵐月位於啟德Airside一出地鐵站上三樓話可以去到👍🏻想食高級精緻中菜去LUNA就好推薦啦✌🏻無論環境定食物每一部分都好精緻 令人嘆為觀止 身心都覺得享受😎 茶款都有好多選擇 我揀左鳳凰單欉🫖 入口後散發住蘭花香 茶味甘醇 濃密及帶有甜香☕️ 水晶蝦餃皇🥢 做到晶凝通透皮薄兼有大蝦 口感好彈牙 食到心心眼😍 蘋果木燻泰安雞 一打開個蓋已經飄出好香既燻香帶有蘋果木香😋肉質非常嫩滑 燻過既外皮令到成個味道更升華 馬來沙嗲金錢肚 色澤都好靚同好香沙嗲味 入口有即溶既感覺 好惹味🤤 祝壽蟠桃 淺淺既粉紅色 入面有蓮蓉同咸蛋黃 食落唔會好膩 鮮干貝灌湯生死戀 好味又好玩 所有用具都好別緻 將熱湯倒入去令到湯更加鮮甜 而入面有好大隻既灌湯餃 爆哂料勁滿足 仲有原粒干貝 最後點個甜品 黑麻石獅子 外形精緻做到石獅子既紋理 仲非常有動感 黑芝麻糕入口十分順滑

川火堂 是一家位於香港銅鑼灣的正宗川菜餐廳。它以四川菜式為主打，提供豐富多樣的辣味美食。 餐廳位於銅鑼灣駱克道401-403號榮華商業大廈地下 B號舖。 餐廳的裝修以派對情調為主，與一般中式川菜餐廳有所不同。 如果你喜歡吃辣，川火堂絕對是一個值得一試的地方！ 今晚菜單有 //萬州烤魚 //血旺肥腸烤魚＄228 //熊貓冰粉$32 //手工紅糖糍粑$46 //農家小炒肉$98 //血旺肥腸烤魚（酸菜＋麻辣味） 是一道美味的四川菜地道菜。它結合了烤魚和火鍋的元素，讓人一試難忘。 血旺。肥腸吸收了辣汤的味道，口感豐富。 而酸菜增加了整道菜的層次感。

食物味道合格only, 無咩特別。呢個價我expect更加好嘅甜品質素。如果4x-5x我都算，收9x一個甜品又唔係好食就真係唔值得。 另外成餐飯最令人失望係出餐，頭兩個都30個鐘內出咗，食完係咁等，等咗半個鐘個三文治都未到，我就問一問，點知態度勁無禮貌係咁講個三文治一個一個整要時間。但係我等咗成個鐘都未上餐……我想取消點知佢話3-4分鐘就出，我又等10分鐘終於出黎，但係啲粉洒到咁…… 好失望 再加埋成個環境好嘈，啲大媽工作人員係咁嗌黎嗌去，我以為去咗酒樓。 應該唔會再去了～

得一個鐘頭食lunch既時候一定要搵間快靚正，最好唔洗等位，一隻手就可以食完既飯。 仲唔係你！門口見到餐牌大大隻寫住午餐優惠，裏面環境靚，座位寬敞舒適，真係考慮多一秒就係對時間唔尊重。 食完先黎睇食評，見到D人食🦀️架Wo，但係我地得一個鐘，又窮既打工仔，真係食lunch set就算啦，所以我叫左個炸雞排炒飯。 真係就呢個飯而言，我想比負評既，因為得幾塊肉，食完係好冇充實感，但係又咁講，呢個餐廳應該都貴貴地，而呢個飯先收你幾十蚊，仲想點雕花？拿拿聲食完開工啦不如

星期六晚已經訂好咗7:30，上到去，同店員溝通，說等等好快入座，期間不斷入客，不斷接受新客，等候位置超多人，等候期間，巳再三問了幾次，店員只回覆好快有枱，清潔中，只好信任繼續等，等到8:10分，再詢問多次，竟然店員聲稱再要等多20分鐘，期間不斷有枱比客入，甘樣究竟對訂枱既客人嚟講，有咩意思？等了40分鐘，都未有得入座，仲係不斷要等，離哂譜😠，第一次同朋友去試，就已經不愉快經歷，以後都不幫襯，甘樣做生意，任你幾（好）食，廣告，抖音，IG吹剄天花龍鳳都冇用，👎👎👎不了😠

車爸爸每星期得一天假期所以我會安排好節目給他！擁有中國胃的他飲茶絕對是午餐的好選，Quota不多的我們當然要選一間有質素的來幫襯。

0

位於荔枝角的大公館我們也挺喜歡，這天就約了朋友一起來嘆嘆茶。

0

很喜歡大公館的瑰麗中式裝潢，就連餐牌也一絲不苟非常吸引。

0

0

點好茶後選上大家喜歡的點心！不消一會美美的點心便來到我們檯上，此刻肚仔已經忍不住怪叫了。

0

金瑤菠菜苗龍蝦餃$84綑上金邊賣相美絕！咬下去外皮煙靭內裏滿滿鮮甜味道，加上清新的菠菜苗平衡得非常吸引。

0

這個黃椒醬鱈魚餃$92味道非常合我心意！辣勁十足的黃椒醬配襯香滑的鱈魚帶出鮮上加鮮的味道，可說是我近年品嚐點心當中最為驚喜的味道。

0

黑魚子流心鵪鶉蛋燒賣$92雪白燒賣上綴以黑魚子徒添矜貴！鵪鶉蛋躲在燒賣內弄破後蛋液如湧泉般流出，點心師傅計算蛋黃流心程度很到位超讚，吃下非常有口感嘴巴表示超滿足。

0

0

從小至大也喜歡吃灌湯餃所以點來瑤柱冬蓉灌湯餃$78回味一番！內裏除了有清香的冬瓜蓉外還有惹味江瑤柱，加上濃郁的上湯這個灌湯餃味道合格有餘。

0

0

黑毛豬咸水角$88的外層炸得香脆不油內裏則煙韌可口，餡料用上無臊味的黑毛豬肉味特別鮮香誘人。

0

這個麻辣鴨紅雞絲春卷$76太合我口味了吧！香脆的春卷皮內裏包裹著麻辣鴨紅，這溫柔的麻香味道實在叫我回味不已。

0

0

龍皇脆米腸粉$78面層滑嘟嘟的腸粉好透薄，脆米內藏著彈牙的鮮爽蝦肉入口很有層次。

0

0

最後我們還點了兩款甜品來慰甜胃！金沙冬蓉手袋酥$76這手袋造型的賣相太討人歡心了吧！外層酥脆不油內裏餡料是甜美的冬瓜蓉，是既熟悉又有新鮮的感覺和味道。

0

最後還有金箔懷舊芝麻卷$64！充滿光澤的芝麻卷口感爽滑芝麻味超香濃，加上金光四射的金箔作點綴賞心悅目又好吃。

0

0

大公館食材和廚師團隊也非常高質喜歡吃高質點心的朋友可以去試試啊。

📍 阿杏飯團 (富時中心) (旺角) 旺角彌敦道585號富時中心地下3號舖 食過都要再食，成日心心念念，即叫即做飯團，主打紫米，健康之選。 😆😆 👉廣島黑椒豬扒飯團 💰$39 😋😋😋😋.5/5 豬扒食落Juicy同軟糯嘅紫米飯加上有肉鬆、榨菜同菜，糯米勁好咬勁煙靭，食落鹹香又甜甜地，正👍 👉金沙鹹蛋飯糰 💰$34 😋😋😋😋.3/5 呢個好香口，有大粒又濃郁嘅鹹蛋黃，配埋榨菜、肉鬆同菜口感勁豐富！😋 👉黑糖珍珠奶茶 💰27 😋😋😋😋.3/5 黑糖珍珠奶茶，奶茶味香濃，叫咗少甜微微嘅黑糖香，珍珠煙煙靱靱 👉椰果四季春 💰27 😋😋😋😋.3/5 椰果四季春叫左走甜，茶味幾香，椰果好多好正😆 回頭: yesYesyes!!!☺️個飯真係好好食，全部都想試🤭絕對會再嚟🫶🏾 #kermit食在旺角

元朗終於開分店，即刻衝過嚟食！果然無令我失望👍🏻湯底超濃郁超好味🤤小食孜然脆腩、炸大腸、墨魚餅都好好食🤤店員哥哥仲要好好招呼，新舖坐得又舒服又闊落，會經常嚟😍

餃子🥟 = 中國傳統食物，源於古代的角子。餃子原名“嬌耳”，由中國南陽人醫聖張仲景發明，至今已有一千八百多年歷史。現代人稱為「水餃」，除了是節慶食品，更是中國民間主食+地方小吃。餃子多用麵皮包餡水煮而成。 香港🇭🇰人氣創意餃子店「餃掂」🥟於上環又添新店，除了傳統口味外，另有多款選用高級食材的餃子，如元貝、松茸。新店裝潢具時尚感，而且 🥢壽喜燒牛肉煎餃 平凡裏有器用的Fusion 版煎餃子😋 = 十二分驚艷。外表平凡的煎餃子🥟隱藏著多汁壽喜燒牛肉內餡，而且外皮煎至金黃酥脆，既有餃子皮韌性，又有香脆口感 = 非常驚艷的黃金組合，鮮味交織起來毫🈚️違和感。必食推介🌟 🥢龍鳳松茸雙灼餃配狀元九鼎湯 大大隻皮薄餡靚的龍鳳松茸雙餃🥟非常足料，選用了上等豬肉+新鮮松茸，味道令人驚艷🤩。松茸帶來了淡淡木香+獨特風味，與鮮嫩豬肉相互輝映，再配上湯底醇厚的狀元九鼎湯 = 非常滿足，滋味無窮，每一口都能感受到松茸的細膩風味，無需額外加調味料已其常入味👍🏻。松露控行過路過，不能錯過💖。必食推介🌟 🥢狀元九鼎湯 自家製粉葛+鯪魚+赤小豆等材料熬製而成的無添健康養生湯，可提升免疫力+溫腎益氣+滋潤腸道+養顏保健。 🥢龍鳳日本蛋（松露醬） Fusion版糖沁蛋🥚，流心蛋口感嫩滑，配上黑色+白色松露醬 = 創意十足，令口感層次更豐富😋。