今次第二次來為食仔 試$38辣卜卜蜆 好失望 同第一次來差好遠 首先 可能因為優惠價 所以多左好多人 卜左枱都要等成半個鐘 被安排去到好似住宅單位度入座 一坐得即叫$38煲 點知又等左半個鐘都未到 連遲過我地入座既人都已經有個煲了🙈🙈 叫左小辣 真係好辣好辣 唯有係咁加清湯 老公食得辣 但都覺得得個辣字 冇左蜆陣鮮味 同埋蜆既數量比第一次來少左3份1 所以都有啲失望 叫左牛！依然好好味！keep到上次既水準 雜菇拼盤同油麥菜正常 芋頭有點"溢溢"地既味道😩😩😩 調味料有呢幾款 但個豉油唔太咸 ps. 好多食客飲醉左 講野好大聲 加上坐客既地方東一忽西一忽 好難揾到職員 飲醉左果啲經常大叫 所以連坐對面既人講野都聽唔到🙉🙉 所以都係等冇優惠先來會好啲

今日下午老闆請食飯，一眾同事一齊到公司附近嘅酒樓食點心！ 難得任飲任叫大家都毫不客氣！ 下午兩點到達，原來已經進入下午茶時段！點心特價有多款選擇，好抵食！ 除咗點心仲有孖寶套餐。 我哋首先叫咗啲小食，呢一個風沙豆腐粒好香口，外面炸得好香脆！豆腐有豆味之餘又好滑！估唔到只係＄48就有咁大碟！份量十分多！ 燒腩仔脆卜卜，一層肥一層瘦層次分明！十分淋易入口！ 差不多踏入秋季， 又係食蟹粉嘅好時機！呢度最近推出蟹粉小籠包！皮薄涵靚， 入面有大量蟹粉，蟹膏味濃郁！而且小籠包入面仲有好多汁！ 淮山上湯浸菜苗，食左咁多油膩野，我哋清清地叫咗一個上湯浸菜，上湯好清甜，淮山夠淋，吸盡湯底先甜嘅精華。入面仲有啲雜菇， 好豐富！ 鮮蝦腸粉即叫即拉，腸粉彈牙夠煙韌，米味香！入面嘅蝦夠大夠甜。 每次來呢度飲茶，上湯云耳浸魚肚係我必點嘅！平時食棉花雞魚肚會吸盡脂肪同油，但呢度嘅上湯云耳好清好甜，令到彈牙嘅魚肚都好清甜唔油膩！多吃幾件也不怕！ 飲茶點會冇蝦餃？蝦餃雖然唔算好突出，不過勝在皮夠薄夠煙韌！粒粒都晶瑩剔透又飽滿！ 鮑魚酥賣相不錯，下面嘅酥皮盒牛油味好濃，好鬆脆！鮑魚用鮑汁煮過，甜甜地。 甜品要咗雪燕蛋撻， 對女士來說滋補養顏， 可以保濕！蛋撻皮係曲奇皮，好脆，中間嘅蛋漿做得不錯，有蛋味又滑。 另外一款甜品係紅棗糕，即叫即蒸上枱時熱辣辣！紅棗未不會過甜，超級煙韌！其實每件大到可以分開兩個朋友share！ 呢度無論午餐至下午茶時段都好旺場，好彩侍應反應都好快！點心即叫即蒸，下單後大概等10分鐘就到！ 價錢實惠味道不錯！怪不得人流日日都咁多！

又到一星期最期待的週末，放工無約朋友去玩，反而約咗爸爸去咗呢到食串燒先嚟枝大啤爽爽佢先啦牛油金菇包係用錫紙包住，入面份量都適中，好香牛油味，仲帶點蒜香，吸哂落金菇到好正蒜蓉燒茄子燒得剛好，外皮有少少微焦網紋，入面水份仲保持到，食落好濃蒜香仲椒鹽味而泰式燒豚肉就略微過焦了一點，好在都算幾惹味加上本身肉質都嫩再點埋個泰式辣醬都不錯串燒有豆腐，外層脆香入面仲好滑，鴨胸串好香鴨味又夠厚實，其他都不錯好惹味

尖沙咀赫德道成條酒吧街咁，我地揀左間有Set Dinner供應既彌敦佐岸食晚餐，店員安排我地上二樓，裡面環境好大，位置多，岩晒一大班朋友食飯吹水慶祝。 據說每晚9點仲會有Live Band Show添! 餐牌上選擇多元化，好似去左間西餐廳咁。 Earl Grey On Rock $98 （Gin、Homemade Eary Grey Syrup、Cinnamon Syrup、Yoghurt、Apple Juice) 點左一杯Cocktail Share，飲落去首先傳來係肉桂同Gin酒既味道，伯爵茶味反而不明顯，但夾埋一齊只係覺得偏藥水味，唔岩我地口味。 手拆蟹肉蟹粉汁自家製意大利粉伴鮮海膽 $208 網上見到話呢個意粉好食就叫黎試下，用上自家製幼身意粉，食落幾有口感！第一啖食落覺得比較重蟹味，之後一路食就還好，個汁有蕃茄的酸甜味，仲見再有少許蟹肉同蟹粉在內，味道算唔錯！面頭個瓣海膽，食落唔苦，甜度還好。 低溫慢煮燒原隻法國黃油春雞釀西班牙辣肉腸及意大利白豆配薯條 $238 呢個黃油春雞真心唔錯，外皮燒到金黃色，切開裡頭釀左大量意大利白豆同辣肉腸粒，加上燒過後的黃油，中間的配料都幾好食！ 春雞肉質都比想像的嫩，雞肶位肉質嫩滑，蘸上疑似燒汁的醬汁，味道相當唔錯！所配的厚切粗薯條熱辣辣頗好食！

週日為了避開人多時段，通常都會選擇吃一頓接近晚市時侯的下午茶，碰上友人居住的啟田邨有一間日式放題，5點半入座還有優惠，便與友人一齊吃個早點的晚餐吧！ 刺身類： 首先點的當然是刺身類，有甜蝦、吞拿魚、松葉蟹棒、象拔蚌、北海道帶子等等，款式算是多元化，而且刺身鮮甜味美。 一品料理類： 沖繩牛柳粒，肉質鬆嫩，配上青椒、洋蔥及黑椒，更能突顯牛肉的味道。當中的北海道海皇粥，只有蝦、蟹及蛋花，材料配搭一般。 火鍋類： 有豬骨、韓式豬骨及蕃茄湯底選擇，因我個人喜好酸味，點了蕃茄湯底，另加肥牛、青口、烏冬、豆腐、生根、鮮冬菇、生菜，自製惹味一人鍋。 串燒/燒物類： 鹽燒海蝦，蝦身充滿鹽粒，非常惹味。原來黃金燒蠔就是用芝士燒蠔，而蒜香燒蠔則充斥香濃蒜味。 飲品類： 飲品櫃內的選擇比想像中多，除了汽水，還有粒粒提子汁、芒果汁、啤酒及清酒。 以$198品嚐日式放題，可算是經濟實惠之選。

從前過大海，家人每次必定要去食一餐葡國菜，彷彿這樣才像到過澳門，也是幼小的我最開心的時刻；人漸漸大了，每次吃葡菜，總會想起當年闔家的歡樂時光！
葡國菜的份量一般也比較大，人丁單薄的，想多吃幾道也不容易，難得有朋友發起到這裡吃葡國菜，當然是立刻應約。 入口附近的四人雅座最有私隱，不用跟別人背貼背，自成一角；舒適悠閒！
啤梨番石榴沙律 $125
味道清新爽脆的啤梨配搭甜香番石榴，作為開胃菜，非常稱職。
葡式小食拼盤 $295
分別有葡國香腸、傳統馬介休球、炸魷魚、蒜香雞翼、芝士多士和酥炸四季豆，香囗食物幾時都最吸引，當中四季豆、香腸及馬介休球就最合我口味；正所謂有餚又豈可無酒呢？立刻叫杯（Sangria/紅) 贈一贈興！
Sangria(紅) $60/杯
酒精味道不會太強，當果汁酒喝也真不錯，大家高高興興碰杯後，就正式開動了。
葡式乳豬 全隻$880
這個是需要預訂的，如想一試記得留意，底部是俗稱的葡式肥仔炒飯，材料非常豐富，包括有葡國臘腸、葡萄乾、雞蛋、紅蔥頭、蒜頭及香濃蕃茄醬，飯炒得乾身，味道也香濃，不會太油膩。乳豬外皮鬆脆，感覺有點似中式燒乳豬，但中式主要在於酥脆，而葡式在於肉味，肉嫩多汁，非常滿足的一味菜，但也要人強馬壯才動得了它啊。
香蒜燒香雞(全隻) $195
外皮非常香脆，濃濃的蒜香底下是滑嫩的雞肉，喜愛香口惹味的你不要錯過。
Sangria(白) $60/杯
酒精味反而比紅色更為濃烈，用來配之後上的「白酒煮紐西蘭刀背蜆」，至好不過。
白酒煮紐西蘭刀背蜆 $245
紐西蘭刀背鮮甜爽口，加入小量白酒更能將鮮味特顯，大家不用幾分鐘便將之吃過碟底朝天了。
椰子芝士蛋糕 $35
淡淡的椰子味混和了芝士香，椰絲更增加了口感，不錯的選擇。 香蕉薑卷 $65
酥脆的外層包裹著半條香蕉，伴以雪糕和士多啤梨汁，冷熱交融；賣相和味道也極為討好的一道甜品。
價錢不貴，交通便利，水準中上，喜歡吃葡國菜的你，不需多作考慮了吧。

聽聞飛驒牛已久，知道比起神戶牛更高一級，自己去日本也不捨得吃等到男朋友生日決定豪一豪，訂了平日的六點半。 店內環境較昏暗，座位寬闊，空間感足。 訂位前已決定叫最高級的套餐，因為單叫西冷飛驒牛已需要＄800，所以套餐比較划算，盛惠 1080大元當中包括A 5西冷飛驒牛，大虎蝦兩隻，兩隻雞翼和本人自行把原本的角切和牛粒改成牛小排。 鮮紅色的是prime牛小排，淺粉紅色的就是主角飛驒牛，肉眼可見油脂較多，雪花均勻，令人垂涎欲滴 牛小排可集中火力在中間燒，等待血水滲出則可翻轉，燒成網紋也不難。牛肉軟淋，一點也不韌，本身已帶有鹹味，故不用再加調味，牛味突出，難怪很多評論也讚嘆此牛小排。 在幾番試驗後，飛驒牛不可在中間猛火燒，放在爐旁很快便熟，燒五成熟剛剛好。果然是牛中之王，入口就是油脂香，一咬下去，油脂迫出，整個口腔充滿牛味，很軟很香，絕對吃得出是上等牛。 額外再加一碟厚切牛舌 $258 價錢稍貴，但牛舌肉質超級彈牙，每邊燒至脆口，加上一點鹽，十分滿足。 最後加多碗鰻魚飯$98 很出色，不論是汁還是魚的肉質，都毫不馬虎，很好吃呀！ 埋單約＄1600，值不值得見仁見智了，個人認為飛驒牛的套餐應該包湯和飯，否則千多元的套餐根本不夠飽。

第一次係銅鑼灣食日本沾麵﹗雖然店鋪細,但人流多,客滿
可見食物既質素很好
都係朋友帶我食先試
一個餐牌及牆身貼的餐牌 我就點左份海之幸沾麵，我都係睇牆身既相吸引左先點
一到左係我面前,嘩! 可以睇到D食材幾咁新鮮
份量又多，又大，真真真係超鮮
賣相十分吸引 櫻花蝦湯麵，好多粒細蝦,味道咸咸地
配上糖心蛋/海膽/櫻花蝦/甜蝦/立貝
流曬口水 '我仲有加左小食,叉燒  從照片中都可以睇到叉燒肥瘦均衡 , 口感好 一堆的大合照,好很吸引,好吃 仲有叫左小丸子TIM, 小丸子同出面的一樣,沒特色但不錯 原來還有電子爐可以自行加熱碗湯
呢個真係好好, 因為食到咁上下可能都凍左,熱既湯底沾麵先好食 最後,價錢是相對較貴,但係食材的新鮮和份量足
位置就比較要找,因為唔係大街, 但係特登去試下沾麵係值得^^

星期日比老闆急call返公司，朝早食了早餐直至晚上，餓到前胸貼後背，放工即刻飛撲去食飯。
今晚去了觀塘THE WAVE的MINI FRIDAY，鄰近觀塘站B2出口的THE WAVE，之前都有曾經到這棟大廈內的餐廳食飯，大廈內有多國菜式的餐廳選擇。 裏面有飛標及藍球機供客人玩樂。 我們點了威靈頓牛柳及煙三文魚凱撒沙律。 煙三文魚凱撒沙律 沙律菜很新鮮爽脆，有4-5片煙三文魚，全部都幾大塊，另外還有很香脆的煙肉碎，整個沙律非常清新。 威靈頓牛柳 差不多等了45分鐘才上枱，店員解釋全部都是下單後才開如製作，所以需時，其實只要好食的，等就不是問題。外層酥皮焗得鬆脆，牛柳內裏還帶有粉色，牛肉味香濃，肉汁豐富，還有濃郁的黑松露等菇香，美中不足是酥皮埋口位較厚，以致那部份的酥皮未焗得透。另外蕃茄燒得香甜，能中和口中的油膩感。 Tequila Sunrise 有淡淡的酒味，比較似fruit punch，甜度中等。 總括而言，食物質素中上，尤其是威靈頓牛柳比較有驚喜。另外現場有live band表演，氣氛不錯。

佢一份煙鏟三文魚，佢經歷左無數風雨，到最後游到碟上邊，灑過一層橄欖油，就好似一個肌肉男喺沙灘度搽咗啲黑鬼油，中間加啲沙律菜，幫個肌肉男插把遮，鍾意嘅話再灑少少檸檬汁，用陽光嘅汁液射上佢塊面度，成件事好刺激，一入到口首先就係煙三文魚嘅重煙熏味，之後之後做到橄油香，到最後就係三文魚香。相信我你會迷戀佢🙈

一去到門口見到排左二十人以上，仲猶豫緊等唔等好，結果唔使十五分鐘就到我，由一入到餐廳就聞到好香既牛肉面味，無論侍應，燈光，食物，我都好似去左台灣咁，牛肉面又大碗，牛筋牛肉都好夠味同'林'👍🏻

我從不寫食評，食過差都放人一馬，食過好的寫出來又怕比人話吹大左。 但今次不能不寫，因為實在劣劣劣x n次方。 一個月兩次在金鐘tea buffet, 上次在萬豪超掂，但今次在Conrad食物勁少款，居然熱食有炒飯、炒麵、餃子、春卷....冷盤又差不多冇咁。 最離普tea buffet 連甜品都超求其。 可能最掂係杯请水…………超中伏。

其實本身都無諗住寫呢次既食評，但係因為家人要求所以就打啦～
今晚家人返來吃飯，天氣又熱，媽媽又唔得閒，所以唔好煮啦，反正樓下有咁多餐廳，出街食好過。

因為上次黎過呢度食晚餐既體驗係好既，所以今次都選擇再過黎encore!

今晚叫左乜野野食呢？因為懶既關係唔打啦，直接post 張單上黎就算！ 好慢個豬腩仔就上檯啦～ 其實食得豬腩仔就預左佢肥，反而著眼點應該係整唔整到肥而不「利」（有無人教我嗰個字點寫？）

因為我好怕食肥膏既感覺，成口油咁唔知想點咁。

但係呢度既豬腩仔好吃！因為有油份，所以個豬腩仔好有油香，唔乾，豬味濃！

呢個餸有三個汁可以選，分別係黑椒汁、牛肝菌汁同埋紅酒燒汁，我就揀左紅酒燒汁

佐以燒汁食，更juicy 更惹味。又唔會太咸要送飯既味道，唔錯！

仲有個薯泥都好食，落左牛油好香。 扁意粉～因為用既係雞柳，所以雞柳有d 乾～

蘆筍切段，煎熟左之後無左蘆筍獨有既個陣除，爽脆，都好味，我吃了很多～

扁意粉就正呢，唔太硬煮得岩岩好呀，又有茄醬香味得來又唔會太濃太搶，因為我怕吃得咸呀 唔知道大家喜不喜歡pizza 加菠蘿呢？我就不喜歡架啦，尤其係thin crust 呢加左菠蘿呢d 咁濕既料呢好易整到淋曬。

個crust 好香麥味，olive 味道又好正（唔知大家喜不喜歡？我好喜歡！），除左菠蘿味太搶之外我都無不滿～

今餐我地都無加配半價餐飲，就咁食呢三個dishes 都三舊幾水。

因為我既家人都細食，所以四個成人分三個菜我地都有d 勉強先食得曬，如果加埋飲品就真係好抆水

不過我覺得如果其他人應該會覺得份量唔夠？？？

但係味道就真係好既，連家人都話正，估唔到天水圍都有呢個質素既西餐

Weekend 去咗尖沙咀海運，想去樓上食美心香港地，今次去到發現裝修，咁就轉場啦。呢度啱啱好有位，咁就入去試一試。 叫咗一個咖喱三寶，跟埋呢一個米線，個米線係豆腐米線，個咖喱三寶幾好食，唔算太啦，豆腐米線我第一次食，幾特別。另外仲叫咗一個黑松露雜菇意大利粉，都唔錯嘅，不過份量就比較少囉，同埋啲嘢食唔係好熱。我哋另外叫多咗支嘢飲，加＄18。最後賣得差唔多兩舊水，有少少貴，不過係海運算合理價錢吧。 另外，你一度係自助形式嘅，有嘢食之後要自己去攞。

店內嘅裝修好靚，再加上係燈光嘅襯托下，顯得相當有風格😌 雖然當晚客人唔算太多，但係仍然選擇坐bar台😚 一大張紙貼出嚟，好貼心嘅服務💚 係bar台嘅台面都有各式各樣嘅調味料，方便客人使用，不過可能因為店內其他位置嘅台較細，所以暫時只有bar台先有🙈 一坐低就有職員放低menu🙌🏻 芝加哥BLT牛堡🍔($68) ，包搽有牛油再烘，所以咬落去好香口，但牛肉比較鬆散，煙肉乾身同有啲硬，兩樣野都有啲難切😖🔪 中間嘅羅馬菜有丁點兒苦喔，不太合我口味🙈 蕃茄也切得較薄，如果可以厚啲就好啦🙌🏻 香草牛油煎澳洲純種牛肉眼扒🐮($198)，嗌咗4成熟，意外地唔會好難切🔪，都唔會好煙韌，反而啱啱好😛 蘑菇汁好香好好味，同牛肉味道好夾😆👍🏻 仲有杯cocktail (Lychee Elderflower $78) 🤤 味道不錯喔😍 樣子也美美噠✨ 仲有好靚嘅燈🕯 *有加一服務費喔*