Bo Innovation has completely transformed its food and decor since moving to Central. Previously known for its molecular cuisine and grand ambiance, it now embraces a fusion of Eastern and Western influences. Personally, I prefer the current style! 😊
Before the meal, the waiter handed us towels soaked in Shuang Mei Mei flower water to cleanse our hands. The entire experience felt like stepping into a magical realm!
The tasting menu consisted of a total of 11 dishes, including:
1️⃣ Sweet Medicine 💊: This dish featured five small finger foods. It included angelica-infused watermelon, beef tartare with ginseng flavor, a combination of Huangjiu (yellow wine) and goji berries, a lightning puff made with chicken liver, cooked with star anise smoked salmon and salmon roe cheesecake, and Huai Shan (Chinese yam) cheese balls.2️⃣ Blocks of Fun: Japanese squid 🦑, Yunnan ham, and green peas mixed with asparagus sauce. This dish required cutlery 🍴, but where was it? The waiter asked us, "What do you do with the money when you win at Mahjong 🀄️?" It turned out that the table was designed like a Mahjong table! 😃 The cutlery was hidden inside! The waiter explained that all the necessary cutlery for the meal was already there, arranged from left to right. Overall, this dish was refreshing, with a rich and chewy texture from the squid.
3️⃣ Touching: The delicate outer layer of the dumpling was made with thin tofu skin, filled with meat! Deep fried taro and oyster 🦪 topped with gold leaf and fish roe. 😍 I absolutely loved this dish; it had a complex and layered flavor!

4️⃣ Umami Martini: This martini 🍸 had a prominent flavor of shrimp roe and celery. The vessel resembled an Aladdin's lamp and was filled with shrimp roe oil that had been simmered for three days and nights. It was meant to be poured into the martini and enjoyed together. The taste was fresh, and the celery flavor balanced it perfectly. On the side, there was a French puff pastry with shrimp roe sauce and avocado cream. I never expected this savory puff pastry to be so delicious! 😋
5️⃣ Street Level: Soy sauce black truffle rice noodle rolls, aniseed-flavored duck hearts, and crispy goose intestines. It was so much fun! It brought back childhood memories at the street food stalls, but we are now eating it at a Michelin two-star ⭐️⭐️ restaurant. The duck hearts and goose intestines were tasty. Although the rice noodle rolls were slightly salty, there were still fragrant with the addition of black truffle. The presentation was entertaining, with a foreign chef "cooking" Hong Kong-style street snacks in front of us. 😂
6️⃣ Bao Almighty: This dish imitated the chicken buns often found in traditional dim sum. It was a large sourdough bun without any filling! 😂 Instead, it was served with a fantastic butter made from pesto and Sichuan preserved vegetables. We tried it, and it was incredible! With this butter, I could eat two of these sourdough buns without hesitation!
➕ Xiao Long Bao: That's the dish we added separately, outside of the dinner menu. Their Xiao Long Bao was their signature creation! Even though it didn't have meat or a traditional dumpling skin, it still captured the essence of Xiao Long Bao! 👅 This is molecular cuisine. I would only give this 3 stars coz there were no meat. Haha....
7️⃣ Enter the Dragon: Black garlic, Hokkaido sea urchin, and cucumber as the base. The rich sea urchin flavor combined with the intense lobster sauce was truly powerful! The refreshing cucumber balanced the dish, preventing it from becoming too heavy. When you hear "Crossing the Dragon," who do you think of? That's right, Bruce Lee! But the waiter said some people would guess it's Donnie Yen - Ip Man! 😄 Different generations, different guesses. And omg, I really saw Bruce Lee after I finished the dish. Lol!
8️⃣ Black Storm: The main course arrived! A4 Wagyu beef 🥩. The star of the dish was the knife 🔪, stealing the spotlight! 😂 It was a huge Chan Chi Kee knife used to slice these small pieces of meat. Due to the size of the knife, the meat appeared small in comparison. The Wagyu beef was good, but the sauce was slightly salty.
9️⃣Rice on Clay: Traditional claypot rice with foie gras paste! Oh my goodness! It was incredibly delicious! If I weren't already full, I would have devoured the entire pot! Imagine hot goose liver sauce mixed with rice, topped with crispy rice crust. The combination of flavors and textures was outstanding!
Dessert 1️⃣ No Shark Fin: When this bowl was opened, I initially thought it contained shark fin, but it turned out to be a clever imitation made with honey 🍯. It also included peaches 🍑 and pomelo. It was refreshing! 💦
Dessert 2️⃣ Wife Cake: It's impressive how they transformed the wife cake into this! It retained the crispy outer layer of the wife cake while preserving the chewy texture of the glutinous rice inside, along with pieces of winter melon. It was paired with a scoop of coconut 🥥 ice cream, perfectly concluding the dinner with a delightful touch 😋!
There was actually another surprise after the whole meal. That, I'll leave it for you to experience by yourself. 

依家參加婚宴都唔一定晌夜晚去飲酒，都多咗好多晌中午舉行，舊年就去過「迪士尼」參加婚宴， 中式嘅，今次就嚟到將軍澳「九龍東皇冠假日酒店」，不過，就食西餐，地點晌為位處47樓頂樓嘅「星幕」。始終餐廳位處頂層，望出去睇到將軍澳大部分景觀，更有少少海景，非常開揚，而餐廳裝修優雅，樓底高，加上今日包場，賓客大概60、70人左右，所以，坐得比較寬敞舒適。其實外面仲有個露天平台，平時就擺啲高腳枱櫈俾人客飲下嘢，吹吓風，睇唔睇到星就唔知，但今日就佈置成證婚場地，但呢個部分就唔方便影相俾大家睇喇。早兩年就因為staycation試過酒店樓下嘅自助早餐同午餐，感覺幾唔錯，唔知星幕嘅質素喺點？晌門口有啲單張攞，佢主打喺半自助午餐同晚餐，以及英式下午茶套餐，不過，今次婚宴嘅安排就簡簡單單，4道菜嘅西式套餐。題外話，主菜有3款，主人家事前就已經問晒賓客揀邊款主菜，小弟揀食牛，仲會問埋要幾成熟，所以，枱上嘅名牌右上角就有隻牛仔標誌。餐廳對主人家有咁嘅要求，相信事先安排好以便出菜嘅運作。如果賓客多嘅，逐個逐個問，真喺有排都搞唔完，所以，我覺得呢個安排都算幾好，但有一點我都好奇，就喺如果個客臨時想改變主意，唔知得唔得呢！？柚子汁醃吞拿魚配牛油果、山葵沙律醬
呢個頭盤好搞笑，同枱有朋友以為就咁俾個牛油果出嚟，其實喺刮空個牛油果打成蓉，再釀返落去，不過，表面就加咗黑魚籽、刁草同埋食用花做裝飾，再冰鎮住，賣相非常別緻，睇見都涼快。一羹刮到底，下面就喺新鮮嘅吞拿魚刺身，再用啲柚子汁調味過，所以，食落清爽、清香，牛油果蓉口感非常之柔滑，雖然話配咗山葵沙律醬，但個人嚟講，就唔喺話太食得出。松露野菌湯
餐湯最緊要夠熱，凍咗就唔好飲，呢一點眼前嘅野菌湯就交足功課，而且，菌味非常之濃郁，更有陣陣黑松露香氣，而口感非常之順滑，配上小麥餐包，喺非常之好嘅配搭。美國肉眼扒配香辣薯條、本菇、紅酒汁
件肉眼扒都幾大件，而且，燒得幾靚仔，有啲炭火坑紋，賣相吸引。一早已經揀定五成熟，落刀都覺得肉質都好軟腍，切開睇睇，色澤粉嫩，燒得啱啱好，唔會有血水滲出，食落好有肉香，又充滿肉汁，沾上少少芥辣，令肉味更突出。雖然話伴香辣薯條，其實，只喺普通炸薯條，無乜香辣味道，但另外除咗本菇，就仲伴有啲車厘茄、蘆筍仔，算喺一道幾豐富嘅主菜。芒果千層酥配雲呢拿雪糕
隨著上甜品嘅時間，仲會送上咖啡或茶。單講賣相就肯定喺普通咗啲，因為只喺一件千層酥加球雪糕，無乜再有啲特別裝飾。而件千層酥本身就幾好食，除咗酥脆之外，好有牛油香，又加咗唔少富蛋香嘅吉士，芒果亦都好清甜，至於球雪糕香兼好重奶味。是次婚宴主人家無搞太多禮儀嘢，只喺有個敬酒，加個嘉賓嘅獻唱環節，大家都可以輕輕鬆鬆咁用餐，圍內一台嘅悠閒咁傾下偈，感覺幾唔錯，小弟就幾鍾意呢一類西式婚宴，精簡，無太多程序。

Bookmarked 左呢間cafe幾個月 今日終於有機會嚟幫襯！ 睇完早場電影雖然已經11:30， 但仍然好多西餐廳/cafe未開， 呢度開得早，食物份量/價錢豐儉由人， 除咗典型咖啡，都有唔少特飲，仲有貓店長坐鎮， 啱哂想chill嘅我哋～ 牛油果煙三文魚沙律 夏日熱辣辣最啱食沙律 沙律菜算新鮮，煙三文魚份量剛好 店家嘅黑醋汁酸甜+咸香，很開胃！ 溫泉蛋封門牛柳蘆筍蒜蓉炒意粉 Cafe $100內一碟pasta 唔使加一 呢碟絕對對得住個價錢 封門牛柳鋪滿碟，熟成程度剛好， 老闆娘炒緊意粉時已經聞到好惹味 食落果然冇令人失望！ Fairy: 抹茶+柚子梳打 很清新嘅配搭，抹茶濃度&柚子蜜甜度剛好 Black Coffee + 提子蜜tonic 同樣係清新嘅咖啡類特飲，冇伏！ 兩杯特飲都好啱夏天，解渴！ 開心果mousse cake 見到之前有食客放上嚟open rice 趁住開心果熱潮緊係要試吓 開心果味雖然未算濃，但mousse好細滑！ 賣相100分，$40一件本人覺得ok! 店家係《男兒當入樽》super fans 店內有籃球架！ 貓亦係呢度嘅主題之一！ 烏咀作為店長都好親人好乖！ 店主們都好有禮貌，會想知食客對食物嘅評價， 係用心經營嘅表現！ 即使有枱新客入嚟而我哋又就嚟食完， 佢哋都冇明示/暗示要我地快啲走! 宜家飲食業咁艱難佢哋都冇追求翻桌率， 實在好難得！ 之後會再來探烏咀！

同朋友去咗呢間新開嘅餐廳食中菜，發現呢度係將中式設計和食物嘅當代優雅重新定位！

一入門口已經被室內設計吸引，好簡單好低調好優雅嘅設計，反而令我有好舒服嘅感覺！枱同枱中間嘅空間好闊，座位亦都好舒服！四周圍放置咗好多鮮花擺設同埋盆景，再加上實木嘅中式傢俬，係一個好嘅配搭！簡潔嘅主色調，再加上孔雀藍點綴！令人覺得好有品味好高雅！

再講食物，小籠包皮薄，裏面嘅湯很鮮甜。而陳醋嘅香氣跟裏面嘅鮮肉係一個絕佳嘅配搭！

醉鴿嘅擺盤好精緻！花雕酒嘅香氣基本上係一上枱已經聞到！而鴿本身亦都好有鴿肉嗰種獨有嘅香氣！都係一個唔錯嘅選擇！

而酒糟四寶包括咗毛豆，豬肚，蝦同埋鴨舌。每一樣嘢都做得好精緻，味道亦都好到位！唔會話過鹹或者係味道唔夠。同醉鴿一樣，嗰個花雕酒嘅香氣真係一流！

跟住就係蘿蔔白鯽魚湯，魚湯極濃！黑椒味好香！好有飲胡椒豬肚湯嘅感覺！而蘿蔔絲同埋白鯽魚佢會幫你喺湯度攞上嚟，作為一個小菜，亦都係鮮甜美味嘅！

但係講到佢招牌嘅紮五花肉，就有一啲遜色了！肉質比較嚡，而豬皮上面嘅豬毛佢只係燒乾淨，但係忘記咗皮入邊仲會有毛髮嘅根，所以其實佢應該係用鉗掹乾淨而唔係就咁燒乾淨就算數，不過個汁係好味嘅。

講到黃鱔，佢有兩個選擇一個係用韭黃炒，另外一個就係黑椒蒜頭，我哋就選擇咗黑椒蒜頭，因為比較特別！喺出邊冇咁容易食到！果然冇選擇錯！佢個黑椒爆香到一個點係你夾起舊黃鱔肉擺入口嗰一刻即刻會有黑椒嘅香味滲出嚟，然後先至到蒜頭嘅香味，而鱔肉自己本身亦都好有彈性好新鮮！汁醬亦都做得唔錯。唔會太甜或者太鹹，味道亦都唔會太濃！所以呢個係一個好出色嘅菜！

到最後講甜品，綠豆糕果然係非常之古早味，外皮嘅綠豆蓉亦都唔會好乾，係微濕潤嘅！食落口之後好順喉唔會成口都係粉咁！另外一個南瓜嘅糕點就比較普通，唔係唔好食，不過就係普通味道！冇乜特別！所以如果講甜品我會推介綠豆糕多啲！

食物質素係高嘅！當然亦都有可以再改善嘅地方，但係第一次嘅體驗亦都係滿意嘅！

尤其是服務，所有服務員都好親切好貼心！上菜嘅時候會好細心咁同你講解每一道菜嘅食法同埋材料，呢個係值得讚嘅一個地方！

以往我的家人經常前往灣仔鷹君中心的「逸東軒」飲茶，因為「逸東軒」是一家出色的中菜館，而且是我長嫂的至愛。不過自從灣仔「逸東軒」遷出鷹君中心之後，即使仍有一家「逸東軒」在逸東酒店之內，但家人就沒有再前往「逸東軒」了；原因是居住在香港區的家人很少前往九龍區的食肆，長嫂已在灣仔區另覓其他酒樓食肆了。雖然我並非居住在香港區，老實說逸東酒店所處位置本人很少前往，酒店雖然是設在市中心，但除了酒店對面有一家永安百貨之外，周邊並沒有大型商場或購物地點，吸引力不大，除非特意前往該處用餐。

我感覺香港逸東酒店是一間比較特別的酒店，是年青人較為喜歡的酒店之一，比一般傳統四星酒店較casual，但境藏有一間多年獲得米芝蓮一星的高品質烹飪食肆「逸東軒」✌️。

終於在今年的五月和朋友到了「逸東軒」飲茶，因為這位朋於短時間內決定移民到英國😢，所以必定要在她離港前和她相聚一下，而「逸東軒」是她的選擇。 接着六月份又相約了一位中學同學敘舊，她碰巧當天在佐敦附近辦事所以我相約她再次來臨「逸東軒」飲茶🫖。

「逸東軒」推出了午市$38 起($38至$85)堂食點心優惠👍，分三個時段(11:00am/12:45pm/2:30pm)，用餐時間為90分鐘，優惠點心不能享有其他折扣，朗廷卓悅會會員可享有主餐牌5%折扣。 我點的甜品杏仁茶就是在主餐牌內的，所以扣減了$8.3。

因為中菜廳位於地庫二層，而且中菜廳門外位置並不太寬敞，所以大部份的客人都會在酒店的lobby等待，差不多時間才通過lobby旁的玻璃門，乘搭升降機到中菜廳入座。裝修過的「逸東軒」燈光較為柔和雅致，天花上的木條裝飾、木條黃色玻璃門及白底藍花瓷器餐具，都散發着老上海酒館的氛圍，只嫌餐廳內的樓底未夠高，以致令客人感覺不夠開陽。今天和舊同學敘舊，吃了以下的點心：
~ 茶芥($28/位)
茶芥價錢已包括茗茶、豆瓣醬和一碟小食前菜。 茶壺下面亦有蠟燭保持溫度。~ 蜂巢芋角($38)
很乾身，入口沒有油膩感，而且用料充足。我記得老公講過，他認為如果酒樓的芋角做得出色， 那麼其他的點心 也應該會做得很好，因為芋角要做得好並不容易；最記得他 第一次在「嘉麟樓」吃芋角時就已經讚口不絕。~ 筍尖鮮蝦餃($48)
用蝦膠和蝦肉填滿了整個餃， 味道和口感正正常常。~ 瑤柱菜苗餃($48)
瑤柱豆苗係一個小菜，現在變成為一個菜餃，感覺健康。菜餃內有很多菜苗，入口有菜汁感覺Juicy，幾唔錯 。~ 酥皮叉燒焗餐包($48)
我喜歡吃叉燒包，這個叉燒包的餡料豐富，而且有很多醬汁，我很喜歡。~芫荽蔥花帶子粒腸粉($68)
腸粉皮薄，帶子粒很有鮮味， 加埋調校過嘅豉油，好吃。但我忘記拍照。
~ 鮮蝦栗子百合餃($58)
我看見這個名字很特別，所以大膽嘗試。第一次吃栗子餃，可惜不覺得有什麼特別，栗子變成碎粒與蝦混在一起味道不是太突出，個人感覺栗子還是大大粒，配肉類比較好吃。~ 蛋白杏仁茶湯丸($55/位)
這個甜品可以護膚，如果蛋白可以再多一些就更好，湯圓內的黑芝麻餡料很香滑， 整體合格。五月歡送朋友時，吃了以下的點心：~ XO醬煎腸粉($68) 
腸粉雖然煎過，但卻不覺得油膩，而口感亦很軟，不會煎過火。~ 脆皮金粟墨魚餅($58)
這個墨魚餅，我覺得做得非常好， 整個墨魚餅很結實，入口夠彈牙，有驚喜。~ 蘿蔔絲酥餅($48)
咬開熱辣辣，內裏的蘿蔔絲Juicy，相當唔錯。~ 茶樹珍菌腐皮卷($58) 
我自己個人對腐皮卷一般般，因為感覺腐皮卷很油膩，但這裏做的卻出乎好吃，皮脆，裏面的茶樹珍菌口感軟軟的， 外脆內軟很配襯。~ 帶子燒賣($48)~ 瑤柱菜苗餃($48)~ 筍尖鮮蝦餃($38)*~ 紅豆椰汁糕($38)*不過有一些奇怪的地方，就是五月份吃的蝦餃是$38，但是六月份就變成$48？這都是我寫食評時才無意中發現的。因五月份的時候我已把餐牌拍照，所以六月份吃的時候就沒有再次拍照了。 理應電腦應該是很少出錯，未知是否蝦餃在六月份價錢整到$48？現在發現原來餐牌的點心是有少許分別的，例如鮮蝦栗子百合餃五月份的餐牌是沒有的。總的來說，「逸東軒」的點心質量頗高，特別是炸物，完全不覺油膩，吃完沒有太大的罪惡感，午市特價點心價錢親民， CP值高！

比較起同樣以老上海風格裝修的半島酒店內的「嘉麟樓」，兩間中菜「嘉麟樓」及「逸東軒」都同樣獲得2017-24米芝蓮一星餐廳殊榮🌟！ 但「嘉麟樓」的消費比在「逸東軒」的消費最少貴一倍以上，即是在「逸東軒」只需付「嘉麟樓」不到一半價錢就可以享受到同等米芝蓮一星的質量，「逸東軒」的CP值頗高😍。不過，「嘉麟樓」除裝潢高貴舒適外，最貼心的是所有點心可按人頭計算，若只有二人不用吃重複點心，人多也不用擔心點心不夠每人一件。當然五星級酒店的「嘉麟樓」所收取的價錢要比「逸東軒」的貴了一大截，但是偶爾享受一下也無妨喔。若持有美國運通半島金卡的客人更可享有全單15%折扣呢！

「嘉麟樓」是歷史悠久五星級酒店內的中菜廳，而且佔地面積大，裝潢陳設亦很講究，而「逸東軒」只是四星級酒店，地點和裝潢也比「嘉麟樓」遜色，給比下去也是無可厚非。 

兩者的食物質素也相當符合米芝蓮一星的要求，服務質素同樣相當唔錯，餐廳侍應都會主動幫忙斟茶和加熱水等。我和舊同學選擇了不同的茶葉品種，餐廳侍應很細心，幫我們把兩壺茶都放上下面有蠟燭的架上，讓兩壺茶都能保持到熱度，值得讚賞👍。

兩間中菜我都覺得非常好，適合不同人的需要。建議到逸東軒飲茶，最Perfect是四人同行，如果只有兩人，每樣點心也要吃兩件，未能試多一些其他款式，未免有些可惜；因此逸東軒出名的叉燒我也沒有試過呢！大家有興趣也不妨分別到兩間中菜試試👍👍。

最近，睇東張西望才得知，位於黃竹坑的新商場 The Southside 正式開幕，還增添了更多餐廳，上網一看，也有些啱我口味的餐廳呢！加上下星期，好姊妹會在這個商場請我食生日飯，讓我第一次走過來商場探路及 Shopping 吧！
由黃竹坑地鐵站 B 出口直達 The Southside，方便快捷！

商場有5層高，心水餐廳當中，有間在 LG 層的咖啡店 <THE BARKYARD>，網上尚未有餐牌，又無食物相，Openrice 未有其他分店，令我好奇究竟供應什麼呢？然而，店名的 Bark 是狗吠意思，莫非是狗 Cafe？！
原來，除了供應人的食物之外，還有，狗狗的食物！有時，狗狗的食物賣相，比人的食物更吸引！真令人妒忌呀！熱情嘅女店員，向我推薦店方好食的美食，亦清楚指明哪些是人的食物？哪些是狗狗的食物？
店內集咖啡店、 寵物美容、寵物用品及寵物食品於一身，一站式方便狗主！這裡有隻可愛狗女店長，靚女店員行到邊跟到邊，真的忠心啊！店內設有少量坐位，恰巧！堂食不但沒有加一服務費之餘，還有9折，好驚喜！ 而且景觀不錯！Menu食物飲品的選擇，令我心大心細，選擇困難的時候，多謝女店員為我推介！
依上桌次序：士多啤梨乳酪蛋糕 $38 x 9折：$34.2
賣相未算精緻吸引，勝在店方選用加入健康元素的乳酪，入口輕微甜度，士多啤梨乳酪有清新的酸度，底部是脆脆的！半粒士多啤梨，清爽酸甜，一件抵食又清新不甜膩的甜品！熱焙茶牛奶 $40 x 9折：$36
店員問我要唔要加入糖漿？適量的糖漿，混合其中，把本身甘味溫和的焙茶，口味變得甘中帶微甜，不錯喝！ 狗仔拉花，連隔熱紙杯套也印上可愛狗圖案！抹茶牛角包窩夫 $38 x 9折：$34.2
即叫即製，製作需時，約15分鐘後送上！
不論賣相抑或配搭，都給我驚喜！
抹茶牛角包窩夫加上抹茶醬，軟身的抹茶厥餅，甘味濃郁！白肉較為煙韌，整體口感豐富！

同朋友聚會 搵咗呢間髮型屋同餐廳結合既舖頭💇🏻‍♀️🍽️ 個setting都幾得意~ 見髮型屋都可以order野飲💁🏻‍♀️ 餐廳位得三四張枱 有個架擺左唔少書同埋board game📚 Menu種類都幾多 意粉bagel甜品小食都有 飲品就更加唔洗講👇🏻 ------------------------------ <娘惹喇沙青口大蝦闊面> 呢個意粉個個朋友食完都大讚👏🏻 喇沙味非常香 喇沙味夠椰汁味又香 個汁夠Creamy意粉好掛汁 有四隻大蝦同埋一隻青口🦐 怕辣既朋友都唔洗擔心 連我呢個唔食得辣嘅人都食到😂 呢個推薦推薦🙌🏻 <明太子蒜香大蝦闊面> 呢個都幾好食既 係相對於喇沙有少少遜色左 正常既明太子忌廉意粉啦~ 冇講過意粉質地添😂 係我鍾意食既 👉🏻少少煙靭嘅意粉👈🏻 人人口味唔同 比大家參考下👀 <忌廉芝士蘑菇釀雞翼配自家製蜜糖芥末醬> 呢個上碟幾靚仔😗 味道黎講係食得出芝士同蘑菇既🧀🍄‍🟫 但我覺得同雞翼其實唔係真係咁夾 蜜糖芥末醬又正常~ 係特別既但食落又冇乜驚喜😅 呢個普普通通 除非真係好鍾意食雞翼啦🐥 如果唔係我覺得可以留肚試其他🙌🏻 <雪糕配自家製肉桂瑪莎拉蘋果窩夫> 呢個蘋果窩夫性價比好高🧇 肉桂味香蘋果都香🤡 朋友略嫌個鬆餅太厚🤏🏻 但我就覺得啱啱好👐🏻 未到好薄脆 但食到麵包香又食到脆嘅口感😋 <焦糖布甸芝士蛋糕?> 好似係收銀處Menu嘅芝士蛋糕🍰 唔太推薦 焦糖布甸好死甜 螞蟻人應該會好鍾意既🐜 但我唔係😂 餅底係瑪麗餅嘅香味 但餅底太厚了🙊 整體口感我覺得麻麻 味道都好普通... <Matcha Dirty 留白抹茶(丸山小山園青嵐)> 覺得佢抹茶好濃郁🍵 自己覺得打翻勻飲Matcha Latte會開心啲 真係個人口味🙊 朋友飲呢個手工啤酒🍺 係台灣金色三麥架 的確飲到少少蜜糖味🍯 朋友就話正 值得試~ ------------------------------ 整體我覺得呢間店值得一試 但未必值得encore 下午茶黎食個窩夫可能都OK既 真係肚餓就推薦喇沙意粉

赤柱一向給人有種度假感覺🏖️。現在夏日炎炎🔥，最好就去赤柱沙灘游游水，然後到赤柱大街，找家餐廳，望著迷人風景享用大餐，再之後去逛逛市集、看看日落🌅，寫意滿足的一天😊。 想食Pizza！沒有Patsy’s 😆，就食PizzaExpress啦😆！ 點了二人套餐加多個沙律。 ‖ 健康輕盈沙律 ($146) ‖ 店員送上時，嚇一跳，超大盤😮，看照片不覺，但實際會大得哇一聲。 🥗沙律有好多材料，有牛油果、烤南瓜、新鮮mozzarella、紅菜頭、意大利扁豆、合桃、青瓜、羽衣甘藍等，並簡單淋上意大利黑醋。 所有元素都好喜歡❤️，食材好新鮮，非常清新開胃😋。 ‖ 二人套餐 ($368) ‖ 包小食、Pizza、意粉、甜品和飲品。好抵🌟！ 先來飲品，分別是🍹血橙梳打特飲 +🍹芝味意式藍梳打。看到已心花怒放😍，賣相美美吸引。 兩者都清新酸甜爽口，後者更有芝士奶蓋😋。兩杯都好濃好好飲🥹❤️。 接著小食，蟹肉芝士脆片。賣相又吸引到不得了😍，立馬就想把它送入口。 蟹肉混合蕃茄、洋蔥、香草和沙律醬，而芝士脆片厚身，真的是整塊芝士😍，芝味香濃，口感脆中帶點韌。這道小食好好味🤤。 意式風乾豬面頰肉蘑菇薄餅。好大盤！好吸引！🤩 餅皮煙韌，邊位脆，厚度適中。底下滿滿mozzarella，鋪上風乾豬面頰肉、蘑菇、ricotta cheese、鼠尾草，再加點雅枝竹醬。 味道有特色，guanciale的鹹香配搭蘑菇與sage的草香，還有大量的芝士。甘香惹味，好正，好好味😋❤️。 蒜香牛油蜆雙色意粉。由墨魚汁意粉和普通意粉用牛油、蒜蓉、白酒、辣椒碎拌炒蜆，再灑上我好喜歡的parsley☺️。 意粉軟硬適中帶嚼勁👍🏽，香蒜味。蜆肉新鮮無沙，帶點海水味。好不錯😋。 最後，到甜品，特大朱古力榛子麵包球配奶蓋咖啡雪糕。 麵包球大大個，口感軟糯煙韌，裡面充滿Nutella😋。加了芝士奶蓋的affogato，不可能不好味啦🤤。甘鹹的芝士奶蓋混合甜甜雪糕和濃濃咖啡，正☺️。 總結，食物飲品都相當出色❤️，非常滿意🥰。 而服務都好好，經理不時走過來關心我們覺得食物如何，店員又給人好歡樂感覺😆，餐廳工作氣氛好好🤣。 而環境當然好nice，對著大海🌊+美利樓🏛️，周圍氣氛又好熱鬧寫意☺️。 所以這次用餐體驗，非常之快樂滿足☺️❤️，十分推薦！

自網絡平台介紹這間小店, 便很想試其出品, 奈何不是港島常客, 只能 bookmark 著。是日西環遊, 終於可以品嚐到尼泊爾的小吃 momo 和 puri 了。小店以顏色搭配, 特色椅桌和擺設, 讓客人感受尼泊爾的風情。小店主打外賣, 店舖空間自然不大, 但也設有座位5個, 好讓客人可以即席享用美食。但大熱天時, 或許剛剛營業的原故, 冷氣不足, 坐近門口位置, 熱力迫人, 有點影響食慾, 建議自備風扇降溫。 食物款式貴精不貴多, 餐牌前後兩頁圖文並茂, 介紹清楚, 另備有英文版本, 照顧本地和外國人不同的需要。

1) 爆汁薯仔香脆波波 (4個) + 乳酪紅石榴薯仔波波 (4個) $40
2) 招牌爆汁雞肉餃 (5隻) 配番茄香辣汁 $35 Puri 有兩款, 一款是爆汁薯仔香脆波波, 另一款是乳酪紅石榴薯仔波波, 兩款 puri 都很吸引, 見大家均是8個$40, 一問之下, 老闆讓我以同價$40品嚐全部兩款 puri, 即每款 puri 4個。兩款 puri 配不同的凍湯, 老闆奉上兩支凍湯並細心說明那款凍湯配那款 puri, 並建議加入凍湯後, 隨即一口吃下。

Puri 脆口, 內有細滑軟綿的香料薯蓉, 本身是凍食, 感覺清爽, 很適合炎熱的天氣享用。兩款 puri 的分別在於爆汁薯仔香脆波波配酸辣凍湯 (綠色), 雖說酸辣, 但辣度不高。至於乳酪紅石榴薯仔波波配的是酸甜凍湯 (紅色), 雖然乳酪味道不明顯, 但紅石榴入口微酸, 更添清爽開胃。 Momo 選了招牌爆汁雞肉餃, 可蒸或煎, 因蒸可保留最多肉汁, 故選了蒸的。餃子大隻飽滿, 餡料除有雞肉, 亦混有洋蔥。餃子肉汁多, 雞肉不柴, 沾上番茄香辣汁, 微辣惹味。

總括來說, 小店位置方便, 食物美味有特色, 雖然冷氣略為不足, 但也值得堂食, 在最徍的時間享用美食。

終於都食到大圍小館
原來網上訂位都唔係太難
尚算輕鬆咁訂到午餐不過就得返1:30
好過喺嗰度等位
地方唔大，位置唔多，我去左2次，基本上眼見係冇機會Walk in
而且嗰個位好熱，喺嗰度等位都好辛苦
如果唔係食尾場，都好準時要你走


第一叉
人人必食既名物，＄188 得幾舊叉燒， 食之前仲覺得有啲貴
但其實一嚿超大嚿
食咗兩次肥瘦有啲不一
但就算佢係瘦叉燒，都係好腍（唔係梅）
我都係鍾意食呢啲梅頭叉燒，多個嗰啲咩黑叉燒，嗰啲根本就係燒五花肉
邊邊有焦脆，好甜， 每人一兩舊就到頂


蒜香九肚魚 ＄188
九肚魚好大條， 炸得好好， 超酥脆， 但油膩， 炸粉一啲都唔厚超薄， 調味唔算多，唔會好鹹

蛋黃千層糕 小點
以為係煙韌韌嘅糕點， 原來個味係蛋黃包入邊嘅味， 好似鹹蛋黃蛋糕， 好食！


除咗以上三樣之外，其他嘢覺得正常發揮，不過不失，不過價錢都合理，普通酒樓價


灌湯餃＄68
價錢都合理，呢一句唔包括灌湯餃
呢個好似都係出名嘅嘢
可能係出名在於手工？？？
我就覺得冇乜特別， 就係一個放大咗嘅灌湯餃…… 但呢個價錢嘅兩三啖就冇咗


避風塘蘿蔔糕、 大口金磚＄68
兩款都係蘿蔔糕嚟
呢度嘅蘿蔔糕切得好大粒
大口金磚好好好好好好厚粉， 外層再包咗鹹蛋黃碎
避風塘款都有加粉炸過，不過薄粉少少
兩款都一般般， 蘿蔔糕正正常常，但兩款都炸得有啲油膩有點吸油


蜂巢炸芋角、 蝦餃燒賣、 腸粉
呢幾款都正常發揮，味道唔錯， 除燒賣特別少少佢上面唔係跟蝦，而係花菇同吊魷，吊魷就靭咗少少


仲有一個名物係流心煎糯米雞 頂點
煎過嘅糯米雞，上面仲有一個流心蛋黃
糯米雞好足料， 雖然佢外層煎過，不過都係微微，冇飯焦效果（仲好，我係唔鍾意飯焦）
不過個流心蛋黃同糯米雞，好似不太夾， 兩樣都唔難食， 不過一齊食都冇加分


沙翁 大點
真係超大個呀！！！ 雖然落單紙話要等一個鐘， 但係我哋叫完好快就有， 所以有啲怪食食吓鹹嘢食甜嘢
雞蛋味濃，炸得乾身，外層酥脆
好食但係覺得4個人以上先食到，除非會拎番屋企


雖然係名店，但係佢啲職員個個服務都好好！
一定會再去啊，今次個九肚魚咁好食，下次試晚市，試多啲海鮮類先

今次係第二次食，之前同朋友食嗰次覺得唔錯～
呢日出咗去沙田，星期日下午6點左右行過見到想encore，點知咁早已經要排隊🥹
最後都排咗成8個字 😅

入到去叫完嘢食，先去斟杯花茶飲先～
建議份量係落陳皮 x 3 、洛神花 x 2
但我鍾意食陳皮，我有落多兩塊～😂
加入熱水，浸2分鐘就飲得，
咸咸地酸酸地好開胃～

嚟到太二一定要叫酸菜魚！
#老壇子酸菜魚1至2人份 $258
+ #紅薯粉 $20
+ #金針菇 $20
賣相好好，除咗有辣椒🌶️之外，
仲有啲菊花花瓣喺面，
望落顏色又紅又黃好豐富！
魚肉滑，酸菜好食，個紅薯粉超彈牙！

同行有小朋友，開頭擔心有冇嘢啱佢食，
喺門口望清楚menu先話食😂
點知有 #兒童套餐 $28 ！
我未見過兒童餐有咁平😮
仲要唔馬虎，有4隻餃子同2隻雞翼，
仲有啲粟米蕃茄西蘭花，
有菜有肉，仲要俾咗條手帶俾小朋友玩！

另外叫咗杯 #馬蹄好椰清補涼 $28
有爆珠，同飲到有椰絲味～

食完飯叫甜品，一路食嘅時候見到好多人點呢個～
#蛋酥軟糍粑 $48
呢個煙煙韌韌，不過個皮硬咗少少，
我都係鍾意食冰粉多啲😂

仲有食辣嘢要食 #紅糖冰粉 ！
叫咗個 #翻砂紅糖冰粉 $22
一碗有齊 涼粉、白涼粉、花生、紅糖、小丸子、芝麻，清爽解辣！
本身share食，食完唔夠喉再叫多碗😂

其實我仲想試佢個 #勁旺毛血旺 ，而且啲小食都好吸引，下次約多啲人再去食！

見到呢間ᴄᴀғᴇ網上預約好快ғᴜʟʟ左😱
當日只能ᴡᴀʟᴋ-ɪɴ排左超過1個鐘先入到🥲
餐廳期間限定推出ᴍᴏғᴜsᴀɴᴅ聯乘sᴀɴʀɪᴏ主題
落單時食物可選擇sᴀɴʀɪᴏ公仔圖案陪襯
但果日剩返好少圖案選擇
好彩仲有我鍾意的水怪及ᴍᴇʟᴏᴅʏ😍

sᴇᴛ ᴍᴇɴᴜ ᴀ 👉 (主食 + 甜品) $168
卡邦尼意粉🍝
見到ᴍᴇɴᴜ有粉紅卡邦尼但已經賣晒🥹，只可以叫普通卡邦尼意粉，一上枱已聞到陣陣玫瑰花芳香🌹，意粉表面撒上玫瑰花瓣，撈埋一齊食充滿玫瑰香氣，醬汁中含蛋汁及有少量芝士粉，入口帶有流沙感，食落都ᴄʀᴇᴀᴍʏ每一條意粉都沾上醬汁，蛋香雖夠但芝士味不足，但配合煙肉🥓及洋蔥🧅增添口感都唔錯

士多啤梨手工千層蛋糕🍰
一層層薄薄的蛋皮配上軟滑忌廉，食到淡淡的士多啤梨味，入口充滿層次感，配上少量新鮮的士多啤梨伴碟，酸甜不膩，另外奶凍食落奶味唔夠重，不過食完後奶凍樽可以帶走，填飽第二個胃都好滿足🥰

吉列豬扒咖喱蛋包飯🐷🍛
平時食開蛋包飯是以蛋包起成漂亮的橄欖形，估唔到今次食係分開上，吉列豬扒唔算太厚，炸到金黃香脆豬扒又唔乾，蛋口感滑溜帶有蛋香，咖喱汁香甜惹味拌飯一流👍

食物水準好好，但公仔圖案全部都係紙牌，感覺有啲失望🥹，全單消費滿$200以上隨機送主題襟章1個，店內有好多周邊家品和卡通精品購買，仲可以買代幣抽閃卡，身為粉絲們唔好錯過買返去留紀念🤩

嘢食好新鮮🍣
喺尖沙咀好就腳 我覺得好適合聚會(˶‾᷄ ⁻̫ ‾᷅˵)

見到佢榻榻米房間 嗰度兩間房可以打通
每間房可以坐10個人 兩間房加埋可以坐20個人 下次搞聚會嘅時候絕對會考慮呢度！ ！

我哋book咗枱6:15
到達咗之後職員就安排我哋入座
我哋book咗卡位

首先就嗌咗啲小食
汁煮螺 松葉蟹肉蕃茄沙律🥗估唔到有胡麻醬嘅蕃茄仔係可以又甜又爆汁

燒七味魚翅 本身我都唔知咩嚟
其實就係燒雞泡魚乾

問咗職員攞蛋黃醬，我覺得點蛋黃醬更加好食😆
另外小食燒魷魚
同埋燒蝦仔都好好食脆卜卜


特上刺身拼盤 $490
全部都好新鮮 海膽都好正
拖羅好油香，但係有些許筋 不過完全可以接受
鰻魚煎蛋🍳$138
本身見到個份量覺得有啲細，
點知原來異常地好食雞蛋包住有燒汁嘅鰻魚好正異常地好夾

明太子炒蘆筍$150
雖然賣相有啲普通，但係都係好好食蘆筍好爽口配上明太子好夾

西京燒銀雪魚$210
大蝦天婦羅（5隻)$220
超級無敵大隻 大贊佢嘅天婦羅！ 最好趁熱食！

串燒 厚 牛舌1串$38
串燒入面我最鍾意就係食牛舌 味道恰到好處，而且真係好厚切

串燒 雞腎1串$28
串燒 雞頸肉1串$28 平時我都好少叫雞頸肉，今次打算試吓，點知原來雞頸肉都咁好食，佢係有少少燒汁甜甜地！

串燒 大蔥雞肉串 1串$28

（小碗）魚湯稻庭烏冬$65
呢個魚湯係必叫啊，因為佢個湯原來係冇加任何味精 加上煙靭嘅烏冬係絕配
我哋三個都飲晒成碗湯！ 鮮甜濃郁嘅魚湯
飲落去有少少似加咗牛奶嘅香味添

巨蜂提子梳打$38
波子汽水$28
因為我哋唔飲酒，所以叫咗兩款飲品
超鍾意呢個巨峰提子梳打 甜甜地又解渴

雖然我哋唔飲清酒，但係見到佢啲杯仔真係好靚呀！

呢間小店主打不同口味燒賣，近日再次推出45分鐘燒賣放題 $78，每次可點4款，而每款有8粒。連埋現在餐牌上看不見的黑松露炸豬肉燒賣，共有6款蒸燒賣以及6款炸燒賣可供選擇。 第一回先點了最想試的四款 ① 炸避風塘魚肉燒賣 $26 ② 黑松露炸豬肉燒賣 ③ 沙爹牛肉燒賣 $26 ④ 奶油麻辣魚肉燒賣 $26 . 4款都好食！避風塘燒賣其實係普通炸燒賣，微微辣，用竹籤食其實唔係好食到啲避風塘粒粒；黑松露醬好香，正！另外兩款蒸燒賣個醬都出色，奶油麻辣有啲似麻辣加胡麻醬，咁溝又幾好食。好快清晒叫下一輪！ ⑤ 櫻花蝦魚肉燒賣 $26 ⑥ 日式豬肉燒賣 $24 ⑦ 炸泰式牛肉燒賣 $28 ⑧ 炸大阪魚肉燒賣 $26 . 第二回呢4款食落就有驚無喜，櫻花蝦加豉油，平平無奇；日式似係醬油膏，無特別；泰式個醬汁魚露味重，我麻麻地；大阪燒個醬配炸燒賣，開始覺得滯。 ⑨ 泰式魚肉燒賣 $24 ①⓪ 炸珍珍豬肉燒賣 $26 ①① 炸紫菜魚肉燒賣 $26 ①② 大阪風素肉燒賣 $26 . 第三回同朋友本住試晒咁多款口味而叫（因蒸素肉燒賣需時而後上），珍珍薯片加個類似燒烤醬既炸燒賣幾特別，可以一試；而紫菜炸燒賣就係Shake Shake粉咁，唔錯。 泰式同大阪風係同上一輪同口味！兩款都麻麻地既口味蒸炸轉換有少少衝擊，好似食極都未食完咁。唯一試到個素燒賣有冬菇粒，應該唔加大阪醬咁濃味既會幾好食。 . 本身仲諗住Encore再叫沙爹/奶油麻辣，但最後果輪越食越滯，食到個人都有少少呆滯。一黎大部份醬汁偏膩及重口味，二黎炸燒賣本身有飽腹感。另外，除左素燒賣，我其實已經唔係好食得出魚肉，豬肉，牛肉燒賣，特別係炸過既。 小店地方淺窄，只有3個企位2個坐位，除左我跟友人，同時都遇到有另外兩組燒賣放題客人，其中兩個表示高估左對燒賣既熱愛，食左兩輪就宣佈完場；另外二人則在我離開時剛到場，未知戰績如何。 . 總結呢個燒賣放題我覺得可以一試，但唔建議一個人，因為真係食唔到幾多款八粒，但如果每份可以係4粒就可以一試各款口味。我覺得按喜好Encore食到飽應該會比較滿足。 而人多叫放題亦好似性價比唔高，因為人均要食三碟先回本。

感謝男朋友的安排，今年的生日飯很滿意！生日當晚來到了位於香港藝術館的的澳洲菜餐廳Hue Dining。餐廳的裝潢雅緻，座位能飽覽醉人的維港景色，真的很好奇為甚麼晚上沒有人來吃，整晚差不多就只有我們一枱客人，整個就是包場的感覺 (笑)
⧐ Six Course Tasting Menu HK$950 per person ⧏
選擇了6道菜的嚐味餐單，每道餐點都很精緻，從上桌節奏、餐點擺盤以及味道，全部都很喜歡♡而且服務也很好，每道菜式上桌時都有簡單介紹～點餐後很快就送上酸種麵包，麵包外脆內軟很好吃🥖⧐ FIRST COURSE – Bluefin Tuna ⧏
第一道菜是藍鰭吞拿魚刺身，配以檸汁醃魷魚、溫室蕃茄、手指青檸、刁草醬及蕃茄紫蘇油醋汁。厚切吞拿魚刺身令口感更豐富，滿口都是吞拿魚香，很滿足！搭配清新的醬汁及配菜，令人非常開胃的Starter~⧐ SECOND COURSE – Lobster Tortellini ⧏
第二道菜是龍蝦意大利雲吞，向來喜歡吃餃子雲吞類的我，當看到餐牌上面的這個菜式令我很期待，但由於餡料是龍蝦肉，口感因而較為結實，結論我還是會比較喜歡原始的意大利雲吞。配菜有青豆及翠玉瓜，清新而不累贅，搭配的清湯也是用龍蝦尾熬製而成，湯汁清澈味道鮮甜～⧐ THIRD COURSE - Caviar⧏
第三道菜是魚子醬搭配橄欖油雪糕，選用了N25魚子醬，矜貴奢華的感覺！橄欖油的形態是一顆顆的，有如魚子醬般，配以簡單的雲呢拿雪糕，能夠突顯出魚子醬和橄欖油本身的香味♡⧐ FOURTH COURSE – Guinea Fowl ⧏
第四道菜是畿內亞珠雞，選用法國走地雞，肉質結質但不韌，配菜有甜粟米、辣肉腸及黑松露蓉～旁邊的油封腿肉丸也很好吃，相對前面幾道，這會是比較濃味的一道菜～⧐ MAIN COURSE – Rangers Valley Boneless Rib ⧏
來到第五道菜，亦即是主菜，可選魚或牛，我們都選擇了牛。煙燻牛腩食落沒有太大煙燻味，五成熟剛剛好，外皮烤得香脆，裡面的肉質是粉嫩的顏色，賣相很吸引。最令人驚喜的是旁邊的千層薯仔，薯餅中間竟然夾著牛腩，這樣的做法倒是第一次見，味道和口感也很好。作為配角的焦糖洋蔥、傳統蘿蔔、韭菜及牛骨髓汁全部都很出色，能夠很好地配合和襯托主角的牛肉～⧐ DESSERT – Raspberry Tart & Apple Financier⧏
甜品可以自選，我們分別選了紅桑子撻和蘋果杏仁蛋糕。甜品賣相不俗，紅桑子撻以紅桑子慕斯、砵酒蜜餞、百畦香海綿及開心果配朱古力醬組合而成，旁邊更配有開心果雪糕，超有驚喜！酸酸甜甜的味道很清新，很適合夏天的一道甜品；至於蘋果杏仁蛋糕則以焦糖蘋果杏仁蛋糕、雲尼拿意式軟芝士、香料碎及杏仁雪糕配搭而成，口感相對較為Rich一點，蘋果杏仁香氣馥郁，加上芝士營造出濃厚甜蜜的感覺～