影片
港鐵觀塘站 D4 出口, 步行約1分鐘; 觀塘地鐵站D4出口，步行只需兩分鐘
繼續閱讀
電話號碼
23456389
90995441
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
優惠
9折
私房粵菜$100現金券 **無限兌換**
$90
$100
食家推介
相關文章
新年就嚟到，去邊度食團年飯最好？大家可能都會傳統少少揀中菜餐廳，今次介紹返一間勁正嘅隱蔽中菜私房菜俾大家😋«榮哥廚房私房菜»喺觀塘商廈入面，觀塘港鐵站D出口行幾分鐘就去到～ 地點都算方便。餐廳裝修為傳統中菜廳風格，枱與枱之間都有屏風隔開，亦有VIP房提供，聚會嘅時候唔使同隔籬枱你眼望我眼，感覺幾好👍🏻佢哋嘅行常套餐有4款，大概價錢一位$449起，如果睇過真係唔啱食，都可以度身訂造自己想要嘅菜單，佢哋有散叫Menu，最低消費$380一位。我哋今次4個人訂咗〖嚐味〗四人套餐。套餐內燉湯同埋主菜都有幾個選擇俾大家揀，唔怕唔啱食。坐低後可以揀飲咩茶，佢哋嘅茶芥唔係配炒花生，而係枝豆🫛。———.+:｡(〃ω〃)ﾟ.+:｡ ｷｬｧ♪〖嚐味〗 四人$1818❀頭盤：✰本地水耕沙律菜伴芝麻醬✰榮哥自家甜酸齋、涼拌黑白木耳✰茶燻流心蛋伴黑魚子醬配厚切茄子〰️頭盤擺盤非常精緻💜最鍾意個流心蛋，好香茶燻味道👍🏻 沙律菜亦都非常新鮮鮮甜。❀燉湯：✰原盅燉姬松茸淮山甘荀黑毛豚肉湯✰原盅藥膳龍躉骨鮮淮山湯〰️燉湯非常足料👍🏻我比較鍾意飲龍躉骨😍好香濃嘅藥膳同埋魚湯味，而且出邊未必飲到，呢度亦都係秋冬限定😆想試嘅話春季前嚟試下喇～ ❀主菜：✰黑松露醬炒花尾躉斑球 配鮮露筍〰️大愛😍又厚又嫩滑嘅斑球，啖啖肉，黑松露味道唔算好濃烈，唔會遮蓋咗魚鮮味👍🏻👍🏻✰蝦球水芙蓉〰️蝦球鮮味彈牙，水芙蓉蒸蛋白非常嫩滑，加上甘筍汁，清新美味。✰醬燒爽厚豚頰肉配柳丁汁青木瓜絲〰️超厚切但係口感非常好，軟嫩但有嚼勁，醬燒味道有少少似蜜汁叉燒，呢個係必選推介👍🏻👍🏻👍🏻✰韓泡汁煮牛面肉配雙色蘿蔔〰️牛面肉一般都係喺西餐廳出現，第一次試中式煮法，口感有啲似牛腩，但係比較淋，亦都非常入味。✰金銀蒜香有機時令鮮蔬〰️時令鮮蔬可以揀金銀蒜香/魚湯/米王，餐廳安排當日靚菜俾你，今次我哋係食白菜仔。✰大紅大紫炒飯配日本櫻花蝦〰️炒飯粒粒分明，盡顯廚師功架👍🏻 用紅菜頭炒飯令到飯粒變成天然嘅紅色，新年好意頭啊😆😆 灑滿櫻花蝦撈埋炒飯好好食。❀時令甜品：✰薑茶湯圓💵連埋加一服務費，人均$500。
繼續閱讀
其實好幾個月都冇真正去品嚐私房菜, 有啲朋友仔知道我生日, 所以book咗間私房菜大家聚一聚食個晚餐兼且為我慶生！呢間私房菜嚟觀塘地鐵站大約三分鐘路程, 哈哈... 成日週圍捐窿捐罅嘅我當然唔會難搵啦！依一日正日生日嘅我好得閒, Booking係晚上六點, 幾個朋友未收工, 所以第一個攞位嘅係我, 應該係時間尚早所以進入第一個客人亦都係我。一坐低餐廳店員已經預先安排好座位仲做埋餐牌畀我哋睇, 果然真係招呼就到！六點鬆啲我個朋友whatsapp我, 叫我可以叫廚房上菜佢哋就到, 我同店員講朋友就到可以準備上菜, 店員回覆話即整即制準備好曬材料架啦！ 等你朋友到齊先至上菜啦, 我心諗呢間私房菜應該好高效率唔使預先整定, 真係要畀幾個叻佢。講返今晚有咩食, 有六餸一飯一甜品 配上精美小食果然琳瑯滿目, 朋友到齊啦, 可以上菜！店員第一時間攞啲小食畀我哋食住先等上主菜, 一見到小菜就已經即時瞳孔放大, 講真真係好別緻, 有甜酸齋、 芝麻醬車厘茄蔬菜沙律, 仲有流心蛋黑魚子醬茄子, 配枝豆同埋雲耳, 每一樣都係一小碟, 睇得出個廚師係好有心機去做菜！今晚真係好有口福喇。食完曬啲小食終於上主菜嘅時刻到啦！ 先嚟過慢煮海黃花魚豆醬配黑魚子, 舊黃花魚細細嚿望落去好似曬乾鹹魚食落口感都唔錯, 之後嚟咗兩個湯, 一個係龍躉配淮山另一個係意大利肝菌豚肉雞腳甘筍湯, 因為我唔食雞腳我揀咗個龍躉配淮山湯, 飲落好先甜好有火喉好好味！然後再嚟一個醬燒厚豚頰肉配柳丁汁青瓜絲, 啲豚肉切到一舊舊好似西多士咁燒出嚟又真係幾好味, 但係唔記得咗試過青瓜絲開頭仲以為係海蜇, 因為啲食物太過別緻只掛住影相唔記得食, 那個燒肋骨賣相也不錯好香口 及惹味, 至於哪個招牌菜王燻雞皮脆嫩滑好入味, 個魚香有機時菜應該係芥菜啲菜應該浸 浸咗好長時間嘅魚湯所以入曬味好特別, 個大紅大紫櫻花蝦炒飯食落好有口感好滿足, 今次呢個飯局嘅口感同味道果然值回票價值得推薦。
繼續閱讀
【榮哥廚房私房菜 (觀塘)】地址：觀塘觀塘道436-484號觀塘工業中心3期4樓L室我們特地約了榮哥私房菜來慶祝朋友的生日！進去後立刻就看到櫃檯上擺滿了獎杯，真是很厲害！我們點了一些私房菜，讓我們來回顧一下菜單：1. 涼伴黑白木耳：酸酸的口味很開胃。2. 本地水耕沙律菜伴芝麻醬：榮哥自家製的甜酸齋，茶燻流心蛋伴黑魚子醬配厚切茄子：這道菜分成了三款食物，擺盤非常漂亮！我特別喜歡流心蛋，搭配醬汁非常美味！3. 原盅燉哈密瓜螺頭黑毛豚肉湯（位上）x2/原盅燉姬松茸淮山甘筍燉黑毛豚肉湯（位上）x2黑松露醬：我們一共有四個人，所以點了兩款湯。每一款湯的材料都非常豐富，佔了七成，所以湯的味道非常濃郁！兩款湯各有特色，都很好喝！4. 炒花尾躉班球配鮮露筍：班球經炒煮後保持鮮嫩，搭配清脆的鮮露筍，帶來豐富的口感。每一口都能品嚐到海鮮的鮮味和筍的清甜。5. 蝦球水芙蓉：這道菜放在精緻的碟子上，非常有食慾，芙蓉蛋很滑順！6. 韓泡汁煮牛面肉配雙色蘿蔔（微辣）：牛肉煮得軟嫩多汁，搭配韓式泡菜醬汁，帶來濃郁的辣味和香氣，非常美味！7. 招牌茶王燻雞：雞肉質地滑嫩，遠遠就能聞到香氣！非常值得一試。8. 米王有機時令鮮蔬：這道菜變成了魚湯，非常鮮甜！9. 大紅大紫炒飯配日本櫻花蝦：這道炒飯是粉紅色的，非常吸引人，每一粒米飯都分明可見，加上大量的櫻花蝦，非常美味！最後，享受了時令甜品作為完美的結尾。
繼續閱讀
朋友係外國返嚟，於是搵咗一間私房菜餐廳同朋友相聚。地點位於觀塘工業中心三期L室。好方便。私房菜預早已經選好菜式,當到達時人齊 就可以起菜有得食😃好開心唔使等🥰講吓我哋今晚食啲乜先🤗✅本地水耕沙律菜伴芝麻醬✅榮哥自家甜酸齋✅涼伴黑白木耳✅茶燻流心蛋伴黑魚子醬配厚切茄子💕✅原盅燉哈密瓜螺頭黑毛豚肉湯(位上)x2/原盅燉姬松茸淮山甘筍燉黑💕✅黑松露醬炒花尾𧄌班球配鮮露筍✅蝦球水芙蓉💕全用蛋白蒸，配上特製的甘筍汁非常滑溜。✅醬燒爽厚豚頰肉配柳丁汁青木瓜絲✅招牌茶王燻雞✅米王有機時令鮮蔬💕✅大紅大紫炒飯配日本櫻花蝦💕✅時令甜品：桂花糕💕 總括：今餐朋友非常滿意，食材新鮮美味，CP值高👍今餐飯局真係每道菜式都是享受，值回票價 ，值得推薦。👍
繼續閱讀
媽媽比較鍾意食中菜今日一家人就嚟到觀塘一間出名嘅私房菜🍽️本地水耕油麥菜配芝麻醬榮哥自家甜酸齋 酸酸地好開胃茶燻流心蛋伴黑魚子醬配厚切茄子 幾有層次原盅哈密瓜螺頭黑毛豚肉湯👍🏻好鮮甜媽媽都好鍾意呢款燉湯😋原盅燉姬松茸准山甘筍黑毛豚肉湯👍🏻甘筍清甜黑松露醬炒花尾躉班球配鮮露筍蝦球水芙蓉 個蛋好滑韓泡汁煮牛面肉配雙色蘿蔔啲蘿蔔同埋啲牛都煮到好淋 好入味👍🏻招牌茶王燻雞🐔米王有機時令鮮蔬大紅大紫炒飯配日本樱花蝦賣相 顏色好吸睛甜品係桂花糕 有一層閃令令入面再有個椰汁糕 幾有心思👍🏻
繼續閱讀
您可能會有興趣的...