565
10
11
港鐵觀塘站 D4 出口, 步行約1分鐘; 觀塘地鐵站D4出口,步行只需兩分鐘 繼續閱讀
電話號碼
23456389
90995441
營業時間
今日營業
11:30 - 22:30
星期一至日
11:30 - 22:30
付款方式
Visa Master AlipayHK 支付寶 現金 八達通 AE 銀聯 微信支付 OpenRice Pay
其他資料
網上訂座
Wi-Fi
酒精飲品
自帶酒水
VIP房
電話訂座
賞訂座積分
加一服務費
當面支付
以上資料只供參考, 請與餐廳確認詳情
有關獎賞計劃
食評 (610)
等級4 2023-03-23
13 瀏覽
榮哥入行已超過三十餘年,因他曾在英國居住,所以他善於運用中西食材作個人菜式,務求不時不食,又與其他廚師交流和開班教學,曾奪香港和國際粵菜多個獎項。榮哥私房菜位於觀塘工廈,一進店內就見到一大個魚虹,非常觸目。每張枱都用房間和屏風分隔,私人度甚高,享受私房菜食得自在,店員亦很勤快。榮哥自家酸甜齋 & 黑白雲耳服務員好快送上二款開胃嘅前菜,黑白雲耳爽脆,自家酸甜齋增加我嘅胃口。茶燻流心蛋伴黑魚子醬配厚切茄子用魚子醬放在流心蛋上作點綴,榮哥好花心思,然後將厚切茄子外皮沾粉炸香,皮脆內裏軟綿綿,非常有口感。雙色墨魚仔一隻辣一隻唔辣嘅雙色墨魚仔,滋味彈牙,又爽,又好有鮮味。本地水耕沙律菜拌芝麻醬廚師用青瓜卷起新鮮蔬菜,再配芝麻醬,設計別出心裁。原盅燉哈密瓜螺頭黑毛豚肉湯 & 原盅燉川貝陳皮海底椰鱷魚肉湯兩款湯都非常養生滋潤,清甜入味,川貝陳皮鱷魚肉海底椰更可化痰止咳,係冬天嘅養生湯之一。油浸時令鮮魚馬友炸到入口鬆化,唔需要點醬汁已夠入味,再點醬汁就好味到不得了。蝦球水芙蓉紅粉嘅大蝦似坐在一隻小船上,蝦肉爽口彈牙,蒸水蛋滑溜香嫩,好似豆腐花咁滑。士多啤梨黑豚肉排骨配上士多啤梨嘅黑豚肉排骨,排骨肉夠滑嫩,配搭埋香脆嘅窩夫底,一淋一脆好有層次感。江南百花雞雞肉炸到外皮脆,唔會過火,保持肉質鮮嫩,啖啖肉好有滿足感。另一款面頭放上蝦膠,更撒上黑白芝麻,好香口。米王有機時令鮮蔬第一次食米王湯底嘅菠菜苗,感覺出奇好味,菠菜苗夠鮮嫩,米王好好飲!!農坊獨頭糖心黑蒜炒飯糖心黑蒜炒飯粒粒分明,蒜香味四溢,飯內仲有不少帶子粒,非常豐富。時令甜品薑汁芝麻湯圓,芝麻同薑汁味道非常濃郁,食完甜品非常暖胃。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-03-17
239 瀏覽
°• 蝦球水芙蓉 •°澄黃的鏡如湖面,上有杞子花在飄浮。匙羹一下,水蛋浮現。正是出水芙蓉之妙,感覺富有詩意。粉紅的蝦球入口爽甜彈牙,水蛋蒸得嫩滑,入口即溶。總廚榮哥鍾錦榮入行三十多年, 曾參加多個粵菜比賽, 有亞洲名廚精英薈,甚至係世界粵菜廚皇大賽海鮮,獲獎無數。榮哥自家酸甜齋/涼拌雲耳頭盤就係明哥自家製嘅甜酸齋, 酸酸甜甜非常醒胃, 雲耳味帶麻香爽甜。本地水耕沙律菜拌芝麻醬配左芝麻醬嘅水耕沙律菜好清新爽脆, 有層次感。雙色墨魚仔非常爽脆, 一隻辣, 一隻唔辣, 有驚喜。茶燻流心蛋伴黑魚子醬配厚切茄子這件食物顯得總廚嘅功架, 流心蛋熟度剛剛好, 厚切茄子做法新穎,非常了得, 值得一讚。原盅燉哈密瓜螺頭黑毛豚肉湯燉湯真材實料, 熱辣辣嘅湯, 入口鮮甜。原盅燉川貝陳皮海底椰鱷魚肉湯呢個燉湯化痰止咳潤肺, 材料豐富, 鮮甜美味連鱷魚肉都食曬。油浸時令鮮魚(馬友)馬友炸得脆口連魚頭都脆到可以食埋,再點自家製醬油, 好味到無得頂!士多啤梨黑豚肉排骨黑豚肉排骨煮得非常之淋, 鍋巴點上士多啤梨, 香脆可口。江南百花雞釀咗蝦膠嘅去骨炸子雞, 係真正既皮脆肉嫩! 雞皮脆,蝦膠與雞肉層次分明, 口感豐富。賣相同味道都一流,盡顯師傅既功架。米王有機時令鮮蔬米漿煮成湯汁, 菠菜苗鮮嫩無渣,入口清新。農坊獨頭溏心黑蒜炒飯上桌味覺已感到香蒜味, 黑蒜甜甜地好好食,令已食到好飽嘅我又有食慾。時令甜品薑汁黑芝麻湯圓糖水, 薑味濃, 軟綿綿嘅湯圓外皮薄,多黑芝麻餡料,食得出比平時的更高質。 繼續閱讀
(以上食評乃用戶個人意見 , 並不代表OpenRice之觀點。)
朋友想食中菜,於是揀左黎官塘工業中心既呢間私房菜餐廳都幾易搵,一出lift 轉出黎就係,而且鮮紅色既「榮哥」好突出需要一早預定因為有些特別的菜,廚房都需要準備一些食材同朋友一行4人黎到,被安排坐一張好闊落既大圓枱剛巧枱後是一個獎座櫃放滿了林林種種的獎項令人更期待有一熱水俾食客洗碗食具等都算幾乾淨沒有污濁也不油膩服務方面,每上一道菜,侍應都會簡單咁講解菜式用既材料所以都會多少少既認識每一兩張枱,餐廳便用了屏風阻隔食枱所以不會點吵也算有適當私隱度侍應係廚房出出入入都唔會點騷擾到我地講返食物質素首先用料好新鮮,好似蔬菜﹑雞肉等,都食得出鮮甜味雞用的是走地雞﹑黃油春雞,連湯丸都係用出名既品牌「福元」整體份量都多味道有幾款是我幾喜歡的價錢也不貴,人均也是4百多整體黎講,個人覺得性價比是不錯下次會帶朋友黎試下其他set! ➽前菜有3款整體賣相幾用心睇到都已經夠開胃➽➽本地水耕沙律菜伴芝麻醬菜好新鮮,好好食真係食到「索索」聲呢個要讚下,用料真係新鮮➽➽雙色墨魚仔魷魚好爽,沒有腥一辣一個不辣辣度係微辣➽➽茶煉流心蛋伴黑魚子醬配厚切茄子蛋有燻香既味中心位做到真係綿同滑茄子新鮮炸但不會太油膩帶暖度,入口不會燙伴既醬汁好濃郁,配茄子食好夾➽原壺秘魯人蔘石斛螺頭黑毛豚肉湯(位上) 用一個茶壺上的,很有趣將湯好像斟茶咁倒出黎每一口都係好熱,出晒煙紫砂茶壺可以起到保暖的效果所以唔驚會凍晒湯料超級多除了有石斛﹑螺頭﹑豚肉,其實仲加左D 雞肉去煮所以成個湯真係好甜好甜但不油膩好好➽黑松露醬炒花尾躉班球配鮮露筍 好濃既黑松露香鮮露筍好爽好好咬口花尾躉班球係有幾大塊,厚切熟度煮得岩岩好,入口不老不鞋➽蝦球水芙蓉 估佢唔到一個人一大碗,份量好多外形好討好,鮮黃色,再加一個蝦球,靚黃色係露筍汁好鮮甜,似魚湯既鮮甜蝦球幾大舊好爽➽韓泡汁煮牛面肉配雙色蘿蔔 好食!牛面肉不老不硬,入口易咬快溶個汁得!夠濃夠味,帶微辣蘿蔔超淋,好入味,吸晒個汁同牛肉香平時唔好蘿蔔既我都食左幾舊➽荷香蟲草花牛肝菌蒸沙欄雞 一整大盤,鋪上荷葉去蒸的蒸完迫出唔少黃油,所以整個雞香味好濃郁入口食到有啖啖既雞油,好香雞肉肉質都嫩滑我個人很喜歡這個菜睇返佢地counter 位,原來用既雞都係有質素既都係一D新鮮既走地雞﹑黃油春雞等用料已經有保證,所以煮出黎味道自不然有水準➽魚湯有機時令鮮蔬好大方既份量,一整份菠菜苗,成個小山咁,哈哈菠菜不苦,亦都甜不過油份如果可以再減少少更好➽他鄉炒米絲(24個月西班牙黑毛豬火腿配福建莆田米粉)其實食到呢度已經飽到不肯了個米粉多到不得了雖然飽,不過都食左D因為佢面頭既黑毛豬火腿都幾香而且米粉係好幼個款,入口都幾滑既口感係幾好食不過真係太多,最後都打包拎走左➽時令甜品 真係 happy and good ending有馳名「福元」湯丸呀!有食過福元既人都知佢既芝麻餡真係好香好香無得輸 繼續閱讀
(以上食評乃用戶個人意見 , 並不代表OpenRice之觀點。)
等級4 2023-03-09
348 瀏覽
位於觀塘嘅榮哥私房菜係其中一間我最愛嘅餐廳,食物高質,價錢唔貴,菜式及套餐價錢透明,仲可以上網及WhatsApp收發最新餐牌資料,夠方便,唔洗下下打去問。茶燻流心蛋伴黑魚子醬配厚切茄子,雙色墨魚仔,本地水耕沙律菜伴芝麻醬: 前菜絕對令人好驚喜,每一樣都好出色,令人非常期待之後既菜式。流心蛋既蛋黃非常完美,呈現出美妙的膏狀,加上香氣撲鼻既煙燻味,令人想食再食。茄子亦即場得到好高評價,茄子肉又腍又香甜,最鐘意個醬加入咗芫茜,令整體香氣提升!墨魚仔口感亦非常鮮嫩,一辣一唔辣,食落清爽又開胃。沙律菜有別於平時食既,因是水耕既原故,菜葉特別爽口且嫩。原盅燉川貝陳皮海底椰鱷魚肉湯: 非常足料,飲落肉香十足,而海底椰又增添咗一份清甜,非常滋補!蝦球水芺蓉: 水芙蓉其實係蒸水蛋,水蛋蒸得非常非常嫩,而蝦球亦蒸得非常出色,同蒸水蛋既口感一致,一樣咁嫩!嫩得黎爽口彈牙, 而且size都算大隻。遠年新會陳皮黑豚肉排骨: 香炸豬扒既外皮香脆,而肉質緊緻彈牙,一咬落去,陳皮既香氣馬上撲面而黎,非常有特色!荷香蟲草花牛肝菌蒸沙欄雞: 呢款雞亦非常推薦,雞肉嫩得黎鎖住肉汁,而肉汁非常香甜惹味,荷葉香氣加上些許酒香,令人如痴如醉。他鄉炒米絲 (二十四個月西班牙黑毛豬火腿配福建莆田米粉): 食到最尾雖然好飽,但係都好值得食埋呢個炒米粉,其實一上枱,已經聞到好香,鑊氣好夠,米粉好幼,出面好少見,口感亦比較特別。是日甜品 - 福元湯圓My favourite 湯圓! 之前係北角本店食過,因其外皮口感比較煙韌,而芝麻非常香口,一直印象深刻,估唔到想到都有得食 繼續閱讀
(以上食評乃用戶個人意見 , 並不代表OpenRice之觀點。)
等級4 2023-02-21
752 瀏覽
觀塘區附近的工業中心,近年來都增加了很多不少特色的餐廳。今天我們收工就來試一試這一間榮哥私房菜。餐廳很近觀塘地鐵站,地理位置方便。雖然位於工業大廈內,但餐廳在裝飾上別有用心,餐廳環境很舒服很有格調。我們點了兩位的私房菜,食品都由餐廳安排。首先上菜的是精美的頭盤,當中有本地水耕沙律菜配芝麻醬,榮哥自家甜酸齋,雙色墨魚仔,茶燻流心蛋伴黑魚子醬配厚切茄子。沙律菜配芝麻醬,蔬菜很新鮮爽口而且多汁,配上味道香濃的芝麻醬,非常好吃。雙色墨魚仔,墨魚仔單牙爽口,而且餐廳選用的是新鮮的墨魚,用兩種不同的調味去烹調墨魚仔,令整個頭盤的菜式非常豐富。還有茶燻流心蛋伴黑魚子醬配厚切茄子,用茶葉來煙燻的流心蛋很少見,今天我們就能夠品嚐到,煙熏味和茶香味都很濃烈,再加上優質的流心蛋,非常好吃。黑魚子醬配厚切茄子,黑魚子醬非常鮮香,味道較為濃烈,配上本身沒有什麼味道的後設茄子一起進食,非常之配搭!吃過頭盤後,餐廳就安排了燉湯。有燉哈密瓜螺頭黑毛豚肉湯和姬松茸淮山甘筍黑毛豚肉湯。兩種湯的烹調時間都很夠火候,能夠燉出燉湯中食材的各種鮮味。哈密瓜螺頭豚肉湯,哈密瓜的清甜和螺頭的鮮香再加上豚肉的肉香味都能夠品嚐出來。而姬松茸淮山甘筍那一款湯品,就能夠品嚐出菌類的香味,兩款湯都很出色,值得推介!另一個菜是蝦球水芙蓉,新鮮的大蝦蝦球爽口彈牙,而且蝦的鮮味很夠。配上新鮮的蒸蛋白,兩樣簡單的食材,但能夠吃得出清香的味道,非常好食。香煎北海道帶子海中寶,新鮮的北海道帶子,煎得非常之香口,而且餐廳烹調的熟度剛剛好,外脆內軟,還能夠吃出帶子一絲絲的口感,處理得非常之好!陳年滷水BB乳鴿,這個滷水汁香濃美味,餐廳挑選的BB乳鴿肉嫩多汁。滷水汁和上等的乳鴿兩者配搭在一起,這個菜式真的是無可挑剔。喜歡吃乳鴿的朋友一定要試一試!魚湯有幾時令鮮蔬,香濃奶白的魚湯,魚的鮮味十足,再加上餐廳精挑細選的時蔬,蔬菜的熟度剛剛好,還能夠保持翠綠嫩口,配上香濃的魚湯非常好吃。荷香蒜蓉海斑片原籠蒸紅白米飯,一上菜的時候已經能夠聞到濃濃的蒜香味,海班片鮮味十足,紅白米飯除了吸收海斑片的鮮味,蒜蓉還有荷葉的香味,非常好吃!最後當然不少得甜品,餐廳的甜品是福元湯圓,湯圓煙煙韌韌的,而且芝麻的餡料非常香濃,作為結尾的一道菜很滿足。 繼續閱讀
(以上食評乃用戶個人意見 , 並不代表OpenRice之觀點。)