榮哥廚房私房菜

舊同學生日當然要慶祝一番, 舊同學的生日周已經充滿西餐,自助餐,放題。所以我想比個驚喜，為佢準備私房菜作為生日飯。餐廳選了 – 榮哥廚房私房菜。自已曾經去過一次, 食物質素高及評語甚好。仲可以係OPENRICE網上訂座, 十分快捷。餐廳地點觀塘港鐵站D4出口, 一落樓梯右邊便是觀塘工業中心, 十分方便。到了餐廳,見餐牌上會有我訂座的名字, 十分被受尊重的感覺。茗茶方面點了龍井, 入口香滑。不錯不錯。以現金付款仲可以免茶芥 $15一位。2人餐私房菜價錢及菜式如下 :$348一位前菜 :有機沙律菜伴芝麻醬涼伴黑木耳岩鹽花枝豆茶燻流心蛋伴黑魚子醬配厚茄子 湯 (共有兩款)原盅燉哈密瓜螺頭黑毛豚肉湯原盅燉姬松茸淮山燉甘筍黑毛豚肉湯菜式:蝦球水芙蓉蒜香芝士焗老外蠔王遠年新會陳皮骨魚湯浸碧綠溫室菜苗荷香蒜蓉海斑片原籠蒸鴛鴦飯時令甜品 (當晚是火龍果,鮮菠蘿,西瓜粒粒)前菜絕不欺場, 有機沙律菜伴芝麻醬 – 在門內已經有自家種植的沙律菜, 十分新鮮, 與芝麻醬混在一起十分開胃。涼伴黑木耳數量很多, 黑木耳營養價值十分高, 所以不消一會已經K.O.晒 岩鹽花枝豆花枝豆本身很喜歡吃, 表面上灑了岩鹽, 增加味道。 茶燻流心蛋伴黑魚子醬配厚茄子喜歡將流心蛋沾上黑魚子醬一併食用, 流心蛋只有原味, 沾了黑魚子醬後味道倍增, 厚茄子亦煮得剛好, 十分JUICY燉湯有兩款, 我飲了原盅燉姬松茸淮山燉甘筍黑毛豚肉湯上枱時已聞到陣陣湯味, 湯味夠濃, 配料亦多。十分滋潤。好想去添多一碗, 同事飲的 [原盅燉哈密瓜螺頭黑毛豚肉湯]同樣是料多,螺頭哈密瓜有齊,各具特式。小菜也以每位奉上, 不用爭, 慢慢食。蝦球水芙蓉每碟有2隻鮮蝦,鮮蝦新鮮且甜,下層用上蒸蛋白，蛋白蒸得滑滑。蒜香芝士焗老外蠔王上枱已經見到大大隻的焗蠔了, 職員待我地影相後,細心為我地分碟,記得勿忘了食蠔殼下的薯蓉。果然係蠔王, 因為真係好大隻, 用上蒜香芝士, 給予蠔王另一種味道, 吃了一整隻,份量已很飽遠年新會陳皮骨吃了濃味蒜香芝士焗蠔後,然後便上遠年新會陳皮骨,陳皮味很重,亦帶給口腔有種清新感覺, 陳皮骨咬落去啖啖都係肉, 新鮮即炸熱辣辣。 魚湯浸碧綠溫室菜苗看見白雪雪的魚湯已經好想飲,溫室菜苗很幼嫩,浸在魚湯一齊食,味道很出。荷香蒜蓉海斑片原籠蒸鴛鴦飯還有海斑片原籠蒸鴛鴦飯, 用了紅米和白米成為鴛鴦飯, 紅米有益而且味道不硬, 海斑片鮮甜, 還有蒜蓉粒在海班片上, 好好味開心好簡單, 為舊同事安排一餐私房開心生日飯, 大家已十分滿足。…查看更多

觀塘區已經成為美食天堂及樓上鋪天堂, 餐廳、急凍食品、鞋鋪、傢俬鋪.....一座工廈真係包羅又萬有, 行完仲可以食埋晚飯先閃。今晚我哋食嘅榮哥私房菜都係位於觀塘一工廈內, 若然唔係有朋友食過介紹, 真系好難喺觀塘區搵好野食, 觀塘工廈食店實在太多了, 不知何從入手。一入門口便見到的水耕菜, 初時以為只係用嚟做擺设, 飯後同夥計八吓, 原來我哋頭先食嘅沙律菜都有用呢啲。中式酒樓格局, 放了數台, 檯與檯之間好闊落, 大櫃仲見到好多條藍帶。今晚我跟朋友的私人餐單~精心配.伴2人餐（$348/位）本地有機沙律菜芝麻醬涼拌黑木耳老陳醋麻花青瓜茶燻流心蛋伴黑魚子醬配厚切茄子原盅燉哈密瓜螺頭黑毛豚肉湯蝦球水芙蓉蒜香芝士鋦老外蠔王遠年新會陳皮骨魚湯浸碧綠溫室菜苗荷香蒜蓉海斑片原籠蒸鴛鴦飯時令生果老陳醋麻花青瓜原隻小青瓜切成可愛的麻花樣子, 拌陳醋汁食, 清爽酸香。涼拌黑木耳黑木耳非常健康嘅食品, 可以降血壓通腸道, 又爽口, 只須加少許麻油、辣油及醬油己非常美味, 不失為健康餐前小食。茶燻流心蛋伴黑魚子醬配厚切茄子私房菜就係咁.....除咗食味, 食物擺设同樣重視, 靚靚的上臺。雞蛋煙熏到變了茶色, 中原一點紅的流心蛋黃加了點魚籽醬, 好睇又好食, 入口除了有清幽的煙熏茶香, 還有蛋黃嘅 creamy及魚籽醬嘅清香, 口感及味道同樣豐富茄子軟腍, 碟下的陳醋濃醬先至係精華, 將茄子分開四小條, 拈滿陳醋醬吃, 酸酸甜甜, 好食。還有兩束清爽小可愛, 扎得靚靚的, 似2束花花, 本地有機沙律菜拌芝麻醬, 非常新鮮爽脆的沙律菜, 淋上香口芝麻醬, 冇得輸！其中部分沙律菜就係出自門口的水耕菜的。原盅燉哈密瓜螺頭黑毛豚肉湯呢盅燉湯一上枱已經聞到肉香, 以哈密瓜、螺頭及黑毛豬肉原盅燉, 湯頭清澈, 入口卻清甜, 肉味濃郁, 螺頭嘅鮮、哈密瓜嘅甜及黑毛豚肉嘅香已融為一體, 我的師師奶朋友飲了2口猛話盅湯正, 足料又夠火喉。蝦球水芙蓉又一整色整水之作, 咁靚.......未放入口都覺得好食了, 言歸正傳, 水芙蓉即係上湯蒸滑蛋。蒸蛋滑不留口, 上湯好清香微鹹, 水晶蝦球爽甜脆口。蒜香芝士鋦老外蠔王嘩！好大隻啊, 引死人咩, 生蠔以忌廉汁再於蠔面加了一層芝士焗, 焗到金黃色, 香噴噴的用呢個方法焗生蠔最能保持生蠔本身的蠔汁, 生蠔鮮甜又嫩滑, 好CREAMY, 那個芝士忌廉汁香而不鹹, 連同生蠔一齊落曬肚。遠年新會陳皮骨我諗排骨應該用陳皮醃咗好耐, 未食已經聞到陣陣嘅陳皮香, 排骨又炸得香口乾身, 甜甜地, 充滿陳皮香, 呢味真系幾好食魚湯浸碧綠溫室菜苗堅碧綠的, 散開菜苗吸吓魚湯先食, 爽口又好味。荷香蒜蓉海斑片原籠蒸鴛鴦飯嫩滑海斑配惹味蒜蓉, 啖啖肉得黎又香口。最愛海班皮與海斑肉之間那層透明厚厚的膠質, 嫩口得嚟帶點爽, 好鬼正, 鴛鴦紅米飯偏乾身, 咬落煙煙銀銀, 每人都有兩小碗, 食完very fulled時令生果是日新鮮菠蘿、西瓜及火龍果…查看更多

上星期與親戚到榮哥私房菜慶祝生日，一進門口見到水耕菜，位置不多，但坐得相當舒適。當人訂了四人套餐，所有的菜都相當美觀，先上沙律，應該是水耕菜中的沙律菜，非常新鮮，菜與芝麻醬的比例都剛好。之後的青瓜造型很特別，是個螺旋型。之後流心蛋厚切茄子都很出色，流心蛋非常流心及蛋味很香，茄子不會有種油膩感及外皮煙煙韌韌，但汁才是精髓，甜甜酸酸，非常開胃。士多啤梨黑豚肉排骨，肉厚，汁的味道剛好，外面都炸得很脆身，下面有脆米，口感變得很特別。到主菜，蝦水芙蓉，味道鮮甜，蛋非常十分之滑，很讚！生猛海斑兩吃（黑松露炒，明梅醬燜）肉很厚，都不會煮到過老，彈牙。魚湯浸菜苗側没什麼特別。黑蒜炒飯我覺得味道有點過淡。整體我認為有特色及心思，味道也不錯，但略嫌有點貴，可以一戰。…查看更多

想食私房菜, 都會諗起榮哥, 點解?!  價錢合埋又水準不俗囉今餐係食精心配.伴二人餐 ($348/位)前菜有呢健康3小碟 : 本地有機水耕菜 -  門口位置有種植水耕菜, 唔知食緊既呢D係咪黎自呢度呢?!  質感爽脆, 配以混合芥末既芝磨醬汁, 帶少少辛辣感, 幾開胃!涼伴黑木耳 - 伴以少許麻油調味, 爽滑口感!紫薯配鮮淮山 - 切成粒狀方便進食, 紫薯甜口; 淮山淡味但帶點咬口!茶煙燻流心蛋伴黑魚子醬配厚切茄子 - 擺盤吸睛, 煙燻流心蛋真係做出流心狀, 蛋黃食落有Creamy感, 幾香蛋味; 茄子油泡後配上濃味醬汁, 甜中又帶有芫茜碎香味, 一濃一啖, 好味道!原盅燉哈密瓜螺頭黑毛豚肉湯 原盅燉川貝陳皮海底椰鱷魚肉湯兩款燉湯都非常足料, 湯底清, 味道鮮甜, 熱辣辣飲完非常舒服, 一餐飯點都要有湯水先覺得完滿嘅!蝦球水芙蓉 - 賣相似一幅畫, 爽口彈牙嘅蝦球置於滑溜蒸蛋上, 兩種口感, 就咁單食都唔會覺"漏"!蒜香芝士焗老外蠔王 - 熱辣辣由焗爐拎出黎, 連個碟都係好熱, 蠔真係好大隻, 面頭舖滿芝士及加入蒜粒焗至金黃色, 食落先有蠔味然後到芝士咸香及蒜香味, 食完一隻都幾滿足!友人歡喜食肉, 呢客係另加($60)蒜香極佳級PRIME 牛仔柳 - 牛柳片質感相當滑, 配料有炸香蒜片及洋䓤, 加埋惹味醬汁一齊炒, 送飯一流!蔬菜之選有呢客魚湯浸碧綠溫室菜苗 - 溫室菜苗口感當然幼嫩, 口感爽脆, 而個湯底係以魚湯餚製, 鮮甜可口, 絶不馬虎!荷香蒜香海班片原籠蒸鴛鴦飯 - 以蒸籠送上, 底層有荷葉墊底, 令到飯粒食落都有陣荷葉香味, 海班片口感嫩滑又無骨, 配合有咬口既飯粒一齊食, 滋味滿分!仲未完架, 上埋呢個芝麻湯丸就大滿足, 湯丸餡料係芝麻, 皮薄唔會似食緊麻糬, 湯底少甜帶點薑味, 食晒3粒份量岩岩好!呢個套餐無論食物配搭及份量都食得出廚師既心思, 今餐帶著滿足感離開..........................…查看更多

說起私房菜， 「榮哥廚房私房菜」（下稱「榮哥廚房」）相信是無人不曉的！ 「榮哥廚房」在香港私房菜界有絕佳的口碑， 主打新派粵式融合菜， 食客可以根據個人口味度身訂造喜愛的菜式。 由於是私房菜關係， 榮哥每天親自挑選新鮮食材務求不時不食， 所以建議食客最少早一日訂座， 好安排到訪時的菜單。😏 一入門口便見到十幾盆的水耕蔬菜， 感覺用料有機新鮮。😍 餐廳格局開揚， 另外還設有三間廂房，適合大夥兒的開party聚會， 同時有免費wifi供應，很貼心呢！😊 我們點了榮哥推介的2人餐 $348/位。 先上頭盤： 有機沙律菜伴芝麻醬 沙律菜新鮮爽脆，加上開邊車厘茄， 配上香甜的芝麻醬，清新開胃。 涼伴黑木耳 黑木耳爽口，用麻油和醋稍作調味，微酸惹味。 紫薯配鮮淮山切成粒裝，簡單精美， 紫薯香甜，鮮淮山味道清甜，滑腸又有益。 茶燻流心蛋伴黑魚子醬配厚切茄子 天婦羅茄子，經輕輕炸過後外皮變得香脆， 裏面則保持着軟腍的口感， 配上惹味蒜香汁，更是滋味。 茶燻流心蛋做得剛好，呈半生熟的效果， 蛋黃咬下去微微黏口，蛋黃油香， 蛋白軟彈， 喜歡吃糖心蛋、半熟蛋或..的食客不可錯過！😂 一睇湯名咁長就知落足料啦！😂 原盅燉哈密瓜螺頭黑毛豚肉湯 （位上） 用上黑毛豚肉取代一般豬肉，矜貴得黎，肉味更香濃， 加上哈密瓜的清甜，味道香醇滋潤～ 原盅燉川貝陳皮海底椰鱷魚肉湯 （位上） 有海底椰、鱷魚肉、龍眼肉、川貝和陳皮等，湯料十足，味道香甜潤喉。 蝦球水芙蓉 金黃色的外觀相當精緻～😍 水芙蓉其實是蒸蛋白，沒有用太多的調味， 入口滑嘟嘟，入口即溶， 連埋面頭個層上湯的茨汁和炸薑絲，味道更有層次， 蝦球爽口彈牙，鮮味十足，值得一試。👍🏻 遠年新會陳皮骨 陳皮粉灑滿肉面， 入口陣陣陳皮香，好惹味。😋 香煎北海道帶子海中寶 海中寶是用鮮蝦膠釀入帶子而成， 唔好睇個樣似普通蝦餅， 但食落真係非一般的美味！😏 原粒2L大的北海道帶子， 加上蝦味十足，彈牙口感的蝦膠， 口感和鮮味一流！😌 魚湯浸碧綠溫室菜苗 菜苗在溫室種值，碧綠幼嫩，爽脆新鮮， 加上奶白色的魚湯浸泡， 菜苗吸晒湯底的鮮甜， 簡單得黎又美味。 荷香蒜蓉海斑片原籠蒸鴛鴦飯 鴛鴦飯是用了紅米、糙米和絲苗米三種米混合而成，有咬口之餘，又健康， 米粒吸晒荷葉香和海斑片滲出來的魚油，味道更滋味， 海斑片魚皮軟滑，骨膠原豐富， 肉質嫩滑彈牙，鮮甜味美。😋 套餐連飯後果，幾完善～ 精心甜鮮果匯拼 水果種類有三款：🍉西瓜、🍍菠蘿和哈蜜瓜，種類都算多元化， 店家還很細心地把水果切粒，方便食用， 岩晒我呢個懶人。🙈 整體來說， 「榮哥廚房私房菜」的食物相當有水準， 採用食材新鮮有機， 全部菜式都少鹽低油，以健康為主，味道天然美味，😋 價錢方面又合理， 如果支付現金，可免茶芥（每位$15）， 另外，店家現時做緊優惠：打咭/like/share（其中兩樣），即送罐裝汽水乙罐，哎喲不錯啊！😏 …查看更多

今日朋友慶祝升職請食飯，一定要食餐好唔好蝕俾佢，見到呢間榮哥廚房私房菜好似幾特別，好評又多，就決定book呢度雖然位於工廈内，但一出𨋢就見到門口，不用四圍搵早兩日訂定位，揀咗這個叫「精心配」套餐（$348），原來仲會有私人餐牌，好貼心涼拌黑木耳同埋紫薯配鮮淮山這兩個冷盤很快就上咗，黑木耳酸酸地很開胃，紫薯配淮山就正常水準，唔太突出有機沙律菜伴芝麻醬沙律菜很新鮮，芝麻醬似係自己調製，唔係外面現成貨茶燻流心蛋伴黑魚子醬配厚切茄子流心蛋的流心程度極高，加上微溫的厚切茄子，點下面酸酸甜甜的醬汁，是一道極佳的開胃菜原盅燉姬松茸淮山甘荀黑毛豚肉湯燉湯飲得出很足料，湯頭濃郁但不會過鹹，正好暖暖胃蒜香芝士焗老外蠔王西式芝士忌廉的做法，蠔肉生熟程度剛剛好，極肥美蝦球水芙蓉蝦球吃得出是新鮮蝦，因為鮮蝦味是沒有得呃的，蒸蛋亦好滑，沒有蒸過龍士多啤梨豚肉伴草莓豬肉一咬落去充滿肉汁，其實豬肉要咁肥先好食，而草莓汁酸酸甜甜正好蓋過肥膩感，一流魚湯浸碧綠溫室菜苗本來好怕食這種菜苗，因為每次食都有強烈的草腥味，但這裏的卻沒有，魚湯唔單止有魚味，仲應該加左啲蝦或者蟹一齊熬，夠晒誠意荷香蒜蓉海斑片原籠鴛鴦飯海斑片啖啖肉，加上紅米飯有咬口，只係略嫌淡口左少少最後仲有鮮果盆，但係不是什麼特別的生果，正正常常，就不特別評論這裏食物的水準比坊間不少所謂的私房菜好得多，雖然價錢不是最便宜，但絕對物有所值，都係嗰句，一分錢一分貨，自己識揀…查看更多

今日係老婆Training嘅第一日, 黎緊呢兩個月佢又要返工, 又要Traning仲要交功課, 非常辛苦。為左鼓勵一下佢, 我Book左係觀塘工廈嘅榮哥廚房私房菜同佢佢嘆返餐。😋榮哥廚房私房菜係同老婆一樣唔食牛又一樣好鍾意食豬嘅同事推介我去食的, 佢提醒我要預早打電話去book同埋訂定菜。雖然榮哥廚房私房菜係工廈入面, 不過好近地鐵站, 由D4出口一出去就到, 地點都幾方便。👍店內裝修平實, 係餐廳入面發現有在種植沙律菜, 原來餐廳其中一款菜式沙律菜就係用自家種植的。😮我地準時19:30到餐廳, 枱面已經放左有我訂的餐單仲印左我嘅名係上面。😁 我今晚揀嘅2人套餐叫"精心配", 每位$348, 以私房菜黎講價錢中等。前菜有4款, 都非常精緻, 自家種嘅沙律菜好新鮮, 口感爽脆, 配上混有柚子醋嘅芝麻醬, 酸酸甜甜之中有微微辣味, 非常醒胃。😚涼拌黑木耳好爽口, 老婆好鍾意食鮮淮山, 呢款紫薯配鮮淮山好啱佢口味。茶燻流心蛋做得好好, 唔咸, 茶燻香味好濃好突出, 伴黑魚子醬提升鮮味, 厚切茄子沾上醬汁味道濃郁, 同茶燻流心蛋好配。👍燉湯我地揀左兩款唔同嘅, 我飲果盅哈密瓜螺頭黑毛豚肉湯好鮮甜, 材料豐富。老婆果盅姬松茸淮山燉甘筍黑毛豚肉湯我試左少少, 姬松茸味好突出, 湯頭亦都好鮮甜。蝦球水芙蓉原來係蒸蛋白, 蛋白好嫩滑配上湯甘筍汁, 嘅香滑又惹味。蝦球好大隻, 爽口彈牙。😋士多啤梨豚肉伴草莓用米通墊底, 一啖咬落去, 嘅感到豚肉嘅鮮嫩口感, 亦有米通嘅香脆。香煎北海道帶子海中寶外層係手打蝦滑, 中間係原隻帶子, 擺盤同士多啤梨豚肉伴草莓一樣咁精緻, 蝦滑爽口彈口配上鮮甜嘅帶子, 食慢d都驚俾老婆搶埋我果份。😝魚湯浸碧綠溫室菜苗賣相超吸引, 魚湯唔會太咸, 菜苗鮮嫩, 口感好清新。😚最後荷香蒜蓉海班片原籠蒸鴛鴦飯都唔細份, 因為之前幾道菜碟碟清光已經飽了8, 9成, 我地最後都食唔哂個飯。🙈生果擺碟都唔馬虎, 埋單俾現金免茶芥, 連加一每位$380, 老婆非常滿意, 一切都值得。😚…查看更多

多得朋友幫手解決問題，故請他吃飯答謝他。他在觀塘工作，就想到了來榮哥私房菜了。菜式精美有水準，是宴請朋友的好選擇！涼伴黑木耳及紫薯配鮮淮山坐下不久，侍應先送上健康涼菜，清清口腔，來個熱身。有機沙律菜伴芝麻醬沙律菜鮮甜，芝麻醬之外，還有加了少許沙律醋，開胃之餘味道不寡。茶燻流心蛋伴黑魚子醬配厚切茄子蛋黃順滑蛋白軟彈，蛋香帶有茶燻香，茄子軟腍。原盅燉姬松茸淮山燉甘荀黑毛豚肉湯(位上)湯色滋澤，用上黑毛豚肉取代一般豬肉，矜貴之餘肉味更香更濃。再加上有料足，湯甜滋豐盈。蝦球水芙蓉蒸蛋滑溜，配上甘荀汁，蝦球軟彈爽甜，簡單得來精緻。士多啤梨豚肉伴草苺豚肉厚肉彈實，表層甜甜酸酸士多啤梨味，咬落肉汁豐富，肉香滲出。蒜香極佳級PRIME牛仔柳朋友說這道菜十分有驚喜，是當晚最出色的菜式。他還說這牛柳的水準不下於他在日本吃的神戶和牛。當然，這個是極佳級PRIME牛仔柳，這種高級數的牛不會讓人失望。軟腍有彈性，充滿肉汁及牛羶香，吃不膩的牛仔柳。又一要讚的就是蒜片，炸過的香脆，沒炸的蒜味香。魚湯浸碧綠溫室菜苗魚湯清甜菜苗爽嫩，清一清味蕾，在用餐尾聲時消除飽滯感。荷香蒜蓉海斑片原籠蒸鴛鴦飯最後來個蒸鴛鴦飯，是紅糙米及白米，健康！海班皮厚肉厚，魚皮膠質粘口，魚肉軟彈嫩滑。精美甜鮮果匯拼最後送上飯後果，已切粒方便吃，二人份量都有三種水果，份量亦不少。今餐朋友很滿意，我也感欣慰。$348/位…查看更多

是日受到朋友的邀請一起去吃飯, 私房菜其實之前只吃過一次, 但一直記得, 因為菜色不用自己想, 就是餐廳設定了, 滿特別的. 其實之前已經看過open rice 的評價, 看到很多笑笑面, 那就已經很安心了. 結果來到實地考察, 也沒有令我失望. 職員也很友善待我們, 為我們講解每樣菜色的造法和選料. 我覺得每款食物無論賣相和味道都很不錯…查看更多

大多數的西餐的菜式離不開都是薄餅、肉扒、漢堡、意粉，款式萬變不離其中，相反，中菜用料一樣但出來的效果卻大有不同，不同配搭能帶來不同的驚喜。今晚訂了觀塘這間中式私房菜，享受一下中式菜所帶來的不同變化。紫薯配鮮淮山：紫薯很香甜軟綿，鮮淮山很爽口。涼伴黑木耳：木耳味道淡淡，但很爽脆。有機沙律菜伴芝麻醬：沙律菜新鮮爽脆，蔬菜鮮甜，伴上芝麻醬，有點酸酸的味道，非常醒胃。茶燻流心蛋伴黑魚子醬配厚切茄子：外型擺放精緻，燻蛋有蛋香及濃郁的茶燻味，蛋黃還是流心，非常嫩滑；茄子外層略煎，所以不會太腍，本身茄子無調味，但醮上帶有咸鮮的黑魚子醬，感覺是為了這醬才會有茄子出現，醬汁才是主角。原盅燉姬松茸淮山燉甘荀黑毛豚肉湯：燉湯非常足料，肉眼所見有豚肉、姬松茸、淮山及甘荀，湯名所有材料均有出現，眾所周知，姬松茸的菇味非常濃郁，基本上一放了姬松茸，成煲湯都會有陣獨特的菇味，加上甘荀的甜味及豚肉的鮮肉味，整個燉湯非常鮮甜。蝦球水芙蓉：清湯燴在蒸蛋白上面，蛋白火喉控製極準確，非常嫩滑，感覺像吃豆花一樣，蝦球新鮮彈牙。士多啤梨豚肉伴草莓：士多啤梨汁跟豚肉配搭極好，豚肉有肉味又有咬口，肉質天然軟腍，沒有加鬆肉粉，加上無味米通，米通醮了士多啤梨汁的甜酸味，香脆可口。香煎北海道帶子海中寶：外觀吸引，吸睛度高，新鮮嫩滑的帶子以蝦膠包裹著再慢煮已成，兩者都很新鮮，帶有海鮮鮮甜，外面彈牙裏面嫩滑。魚湯浸碧綠溫室菜苗：魚湯味道軟淡，但喝得出有魚的鮮味，菜苗脆嫩。荷香蒜蓉海斑片原籠鴛鴦飯：海斑片只有4-5塊，魚的份量太少但飯太多，海斑的味道新鮮嫩滑，蒜蓉不會蓋過魚的鮮味，魚肉汁滲落由紅米白米煮成的飯內，加上荷葉的清香，飯帶有蒜蓉及魚肉的油份，又爽又香。鮮果拼盤：生果已切粒，有菠蘿、西瓜及蜜瓜。總結，食物色香味俱全，重質不重量，價錢中等，值得再去。…查看更多

近期頻頻在觀塘覓食，發掘了很多隱世美食，不論中西日意韓，全部都集中在這區的工廈內，今次選擇了在觀塘工業中心內的榮哥私房菜，地點非常方便，就在觀塘地鐵站D4出口隔離。餐廳內佈置特別，一入門口就有很多種在水管內的有機沙律菜，令人忍不住想摘下即食。我們約7時到達餐廳已經有半滿，全部都是已訂枱的客人，基本上私房菜是必須要訂座的，因為餐廳會因應訂座情況及客人要求的菜式而訂貨，才能有效維持材料的新鮮度。先點了壺龍井，是用茶包的，味道較淡。有機沙律菜伴芝麻醬沙律菜跟平時食到的味道很不同，真係有菜的甜味，很新鮮香脆，色澤翠綠，配上芝麻醬及帶酸的柚子醬，非常清新及開胃。涼伴黑木耳黑木耳每片都切得一樣大小，又爽又脆。紫薯配鮮淮山紫薯又糯又甜，味道清新；淮山味道一般，不太夠爽。茶燻流心蛋伴黑魚子醬配厚切茄子茶燻蛋有很香的煙燻味，蛋香十足，蛋白很滑而蛋黃外層剛凝固，一咬開蛋黃汁流出，整隻蛋又香又滑；茄子表面煎香，所以很結實但不油膩，配上黑魚子醬，味道帶有少許的甜味，茄子外實內腍。原盅燉鮮土茯苓鑽地老鼠黑毛豚肉湯燉湯內有土茯苓，新鮮螺頭及豚肉，味道帶有螺頭的清甜，螺頭已經煲到很腍，一咬落去還帶有點點的螺肉鮮味，而土茯苓鑽地老鼠有清熱利濕及解毒活血的功效，非常適合現時夏天飲用。蝦球水芙蓉蝦球肉質新鮮彈牙，蝦肉大而鮮，水芙蓉即是蒸蛋白，蛋白又滑又嫩，上面淋上一層清湯，味道較淡。整體外觀精緻，令人胃口大開。香煎北海道帶子海中寶一上枱已被它的外觀所震撼，蝦膠包著帶子經過慢煮而成，蝦膠有濃郁鮮蝦味，肉質彈牙，帶子嫩滑味鮮，兩者配合得天衣無縫。加上外型精緻的貝殼插花襯托著，整個菜式高貴了不少。士多啤梨豚肉伴草莓豚肉肉味濃郁，沒有豬的腥味，肉質粉嫩，配上士多啤梨醬，甜甜酸酸的感覺非常夾，下面的飯焦非常脆口，能中和口中酸甜味。魚湯浸碧綠溫室菜苗菜苗色澤翠綠，以魚湯浸菜苗，湯有淡淡的魚味，完全無味精，菜苗爽脆鮮嫩。荷香蒜蓉海斑片原籠鴛鴦飯鴛鴦飯顧名思義即是紅米白米配搭一起，以荷葉包著一齊蒸，有淡淡的荷葉清香，加上蒜蓉香味滲透在飯中，飯的軟硬度適中。海斑片份量較少，魚味鮮美，肉質嫩滑。精心甜鮮果匯拼有火龍果、蜜瓜、菠蘿及西瓜，生果切粒方便易食，味道清甜，為完美的一餐畫上句號。總括而言，食物質素及精緻度高，款式特別有創意，食材新鮮無欺場，每樣食物質素都好平均，不會參差不齊；服務方面，店員有禮貌，主動介紹菜式的材料及食法，是一間有誠意的餐廳。…查看更多

這家位於官塘工業中心的樓上私房菜不是第一次光顧了, 正好這天約了一位朋友, 若去傳統的酒樓只能點2,3個小菜. 這裡以套餐的形式提供相對豐盛得多. 整家店的格局與之前來的時候分別不大, 裝修簡單有少許酒樓感覺. 另外有3個房闁, 方便大班人的聚會. 這次自帶了一瓶清酒, 店家提供了一個清酒壺及冰桶, 服務周到. 事前訂枱時已按價格選了菜單. 點了這份$338的套餐. 先送上的是有機沙律菜, 沙律菜新鮮爽脆, 蕃茄仔更清新酸爽. 上頭淋上的是芝麻醬而非沙律醬, 吃起來更覺清新爽口. 爽脆的涼拌黑木耳. 紫薯與淮山都是富含纖維質的素食類, 口感則各勝擅場, 師傅切成方丁再排盤上碟相當精美. 流心蛋下的是炸過的茄子, 把整份一起放入口, 可同時嚐到燻蛋香味及茄子的既脆且軟的口感. 醬汁將蛋與茄子緊扣起來, 相當完整的一道菜色. 這碗燉湯非常滋潤, 清浙的燉湯比老火湯更適合酷暑. 味道清淡但混著上湯而鮮味十足的蒸蛋, 在吃過上面的大蝦後只能變成配角. 大蝦集彈牙與鮮甜於一身, 只能是師傅控制火候的功夫掌握至完全無缺的成品. 較平凡的一道芝士焗蠔, 但蠔肉質飽滿而腥味, 芝士的味道底下尚有少許蠔鮮味, 做功合格. 精緻的陳皮骨用小碟送上一人一口的份量, 排骨肉質鬆化, 沒有炸得過火. 入口陳陳的陳皮香味, 不用沾醬亦絲毫不覺膩口. 接近尾聲送上的是魚湯浸菜苗, 店員建議我們先嚐魚湯的味道. 這口白色的鮮魚湯確實既清甜可口. 而菜苗的質量亦相當好, 陣陣爽脆的口感. 最後的這道籠仔蒸飯, 雙色米中的紅米, 口感沒想像中的硬, 帶點煙韌吃起來更好. 餸菜的蒜蓉蒸斑片雖只有3,4塊, 但非常惹味下飯, 雖是最後一道菜但斑片的質量絕不馬虎. 最後送上的甜品有三款不同水果. 清甜帶爽快酸度的楊桃, 甜酸鮮味的菠蘿及爽甜的哈蜜瓜. 全晚的菜式, 味道出色而營養均衡, 雖只是每款菜色一件起兩件止. 但食量如男仕亦大呼滿足. 唯一可挑剔的缺點是工廈洗手間衛生較差. …查看更多

上次係觀塘食左某間私房菜覺得一般般，朋友話好想食呢間，所以今晚同姊妹👭簡左榮哥。一坐低職員問我地飲咩茶，有香片、鐵觀音、龍井，三款都係我最鍾意飲嘅茶，好耐冇飲過龍井，所以叫咗壺龍井。叫左個 精心配▫️伴 2人餐 $338/位有機沙律菜伴芝麻醬🥗蔬菜新鮮，個芝麻醬特別調配，食到有少許芥末味，但真係好好食，朋友都超鐘意。涼伴黑木耳不嬲都愛吃木耳，可以補補血，好快清哂。紫薯配鮮淮山🍠朋友本身就唔太好殿粉食物，而我所有野都岩食😁，所以我二話不說清哂。茶燻流心蛋伴黑魚子醬配厚切茄子🥚🍆賣相精緻吸引，最特別係下面個茄子🍆，表皮上有薄薄既炸粉，外脆內嫩，豐富既汁，超好食丫。原盅燉哈密瓜螺頭黑毛豚肉湯🍈第一次飲哈密瓜湯，食落口感似冬瓜，幾有特色。湯料用既係黑毛豬，比一般豬肉更有肉既鮮味。螺頭彈牙，鮮味十足。而個湯清清地岩哂我，同埋有湯飲都幾幸福，哈～可以滋潤下。蝦球水芙蓉🦐蝦球彈牙，比想像中入味好食。朋友唔食蝦，比埋我食😋。而金黃既表面味道似上湯，配上芙蓉般嘅蛋白，好食。蒜香芝士焗老外蠔王嘩～好邪惡丫😳呢一個真係超級大滿足，濃厚嘅芝士包圍住超新鮮嘅蠔，連朋友都心心眼😍。下面仲有綿綿既薯蓉添。遠年新會陳皮骨可惜我揀飲擇食嘅朋友唔食陳皮，如果帶媽媽黎食，佢一定會超鍾意呢一道菜。清香撲鼻嘅陳皮籠罩着整塊肉，肉質肥瘦均勻，咬落充滿肉汁🤤，好欣賞。👍🏻魚湯浸碧綠溫室菜苗🌿魚湯鮮味十足，配埋碧綠嘅菜苗，賞心悅目。荷香蒜蓉海斑片原籠蒸鴛鴦飯🍚呢個飯充滿蒜香，加上用荷葉包圍住，未食落肚都已經被香味吸引住。紅米飯唔似出面食開嘅咁硬，魚肉新鮮嫩滑，滿足。最後我哋兩個女仔食唔晒，決定打包，職員亦好好禮貌，極速幫我地打包好，可以留返聽日食唔使浪費。👍🏻精心甜鮮果匯拼🍈🍊🍍最後送上水果盤，為整餐飯畫上完美句號。🍍菠蘿表皮呈現青色，初初以為會好酸，點知好似食緊糖心菠蘿甘，正丫～:)呢個價錢食到咁高質素嘅私房菜真係好值得，職員每一位服務態度都十分好禮貌、好客、稱職。而且最神奇係上菜速度，每食完一道菜即刻上下一道菜，時間唔快唔慢，剛剛好，簡直完美。下次有時間一定要帶埋屋企人黎食，同埋介紹多啲朋友知道有間咁好食嘅私房菜先得，嘻嘻～🤗…查看更多

好友生日,想來個為其慶生的小而精的飯局;既要想找到個位置方便大家,又要食物質素高,且價錢適中又適合喝酒的餐廳,循這些方向想了想,很快便想到了年前曾踏足過觀塘區內一間位於工廈內的私房菜--榮哥廚房私房菜;經得好友同意後,特意耍提早一天打電話去訂位;由於這餐廳算得上是其中一種真正私房菜的做法,客人需要預先訂好/選好菜式的,方便餐廳預算食物份量即日去購買,既可做到保持食材的新鮮度,又能盡量減少浪費食物,實在值得一讚!到了這天,約了好友在觀塘地鐵站相見,大家都在七點左右到達,就緩步走向餐廳;在較舊式工業大廈內的私房菜,多了一份親民的感覺;而榮哥廚房私房菜也正是走這種路線,門面的裝潢,沒有豪華的氣派,但也算得上平穩的中式食肆風格;進內坐低後,感覺也是相當舒適;樓底有適當的高度,桌與桌之間擺放得很鬆動,冷氣與抽氣也足夠;而室內的裝潢從顏色的配搭也下過功夫,燈光的亮度與柔和度取得很好的平衡;接近門口的位置,擺設架上種植了水耕菜,又有一個大魚缸,從而又帶出了幾分自然氣息!好友與我這晚都帶上了現時與中餐十分配襯又成為熱門貨的清酒,醒目的經理即時端了一套專為清酒而設的酒具,十分細心!訂位時,選了普通級的個人餐;當處理好所帶來的清酒時,就開始起菜了:作為頭盤的四款前菜,有三款都是偏向淡逸的;有機沙律菜伴芝蔴醬,據經理介紹其蔬菜都是由指定菜商每天早上供貨的,難怪吃起來特別爽脆清甜的,既有那份清新的田野氣息,又有芝蔴醬的提味,加強了整體味道複雜性,便是由此一美味就拉開這頓晚餐的序幕!接下來的涼伴黑木耳,只用最簡單的調味--意大利黑醋與鹽來輕醃,襯托出食材的鮮味及質感,尤其是那爽脆又細嫩的口感,點出了少即是多的妙韻!而紫薯與鮮山藥經烚煮後,切成方粒,再灑上炸蒜蓉來吊味;食材本味輕淡,卻又有惹味的配料來碰撞,淡而不寡即是其寫照!有數樣淡雅作鋪鋪墊的前菜後,這道作為我最欣賞的前菜--茶燻流心蛋伴黑魚子醬配厚切茄子就上來了;由菜式的造型,食材結構與調味,是那麼的渾然配合,流心蛋的蛋白部份滲透著茶香及煙燻味,流心蛋黃與黑魚子醬的鹹鮮可說是美妙的結合,炸茄子那外脆內軟的質感,加上有濃郁中兼俱鹹甜辣的醬汁來提味,整體可說質感豐富,層次多樣,味道紛陳!而這道菜配上同樣味道豐厚的清酒,更令兩者相合的回味悠長!主菜部份也隨後逐一而來;原盅燉哈密瓜螺頭黑毛豬肉湯,火候十足,配料豐富,味道清甜而不腥不膩;尤其是頭一回喝到用哈密瓜燉成的湯,那種甜而帶絲絲甘味,配上有質素乾貨螺頭與黑毛豬肉,帶出尾韻的膠質口感,更覺營養豐富!喝過湯後,湯料自是也不浪費;但若就這麼吃,難免味寡,蘸上辣椒醬是為最佳拍檔!餐廳用上的是手工製麻辣醬,味道香濃而細緻,確是提升湯料的味道不少!而蝦球水芙蓉也是一道細緻的菜式;在略為淡泊的蒸蛋上鋪上一層高湯去覆蓋著,而後再綴上了一隻脆蝦球,更畫龍點睛的是炸薑絲!勺起滑溜的蒸蛋與高湯,一嚐之下都是很清淡,但稍加兩三條薑絲一起來啖,化學效果即時呈現:滿口薑湯的味蕾連滑蛋也嚐到了有種溫暖感,脆蝦球在薑絲與高湯中也帶出了自身的鮮甜味,來一口清爽帶果香的純米大吟釀,這種鮮味甜味更加透入心扉!蒜香焗芝士老外蠔王,擺碟造型也是形態顯眼,有一定的吸睛度;至於味道上來說,略欠一點融合度;但生蠔吃起來仍是鮮甜爽脆,與豐厚型的清酒相配更帶起了更多的鮮味!士多啤梨黑豚肉排骨以一個近似太極圖型的拼碟來呈上,整體造型上更多了一份文化氣息!也不得不讚賞的是,用脆米餅做底托,上面擺放的黑豚肉排骨以甜酸醬做底味來調味,加上些許士多啤梨醬汁,令到味道香濃卻又平衡;吃一口酥軟的排骨,加上米餅的脆囗感,味道與口感都非常融合,果真是剛柔並濟!一輪肉食過後,作為間場的--魚湯浸碧綠溫室菜苗實在來得合時;先看菜苗的色澤已知其新鮮;而其烹煮方法是用簡單方式去處理,將菜苗焯到剛熟的程度就放在魚湯裡;但正正是這種方式,令甘鮮的魚湯與鮮嫩的菜苗都釋放了最佳的狀態去被品嚐;啖味在口中,至鮮至嫩,雖不澎湃,但細緻度足夠令人真心去欣賞的!而主食的--荷香蒜蓉海斑蒸原籠鴛鴦飯,味道與質感上或許未及前面數道菜式精彩,但以營養價值來說也是一道好菜式;紅白米吸收了荷葉香味,吃起來帶韌性而不寡;海斑的油潤感雖未至令味蕾上更加欣喜,但其鮮味也算是平衡了不少紅米那較穀類味道!壓軸的甜品,以只剩果肉的三色水果呈現,以顏色到味道到健康角度,都是上選;甜美多汁之餘確是很好的收結!總結此餐,整體食物味道鋪陳細緻而精彩,不以調味濃厚而搶去食材的本味,而且食材大多是有益健康,加上以或簡單或細緻的烹調方式去處理,這份心思與工藝,再有餐廳的環境,食物價錢的適中,實在值得再次親臨!飯後水杯指數(食店食物調味濃淡度,5杯為最濃),本人給予2杯,以在此類中式私房菜的菜式來說值得極高程度的推薦!…查看更多

中菜 差不多每天都食 但想不到在觀塘工廈中找到如此別緻的所以就自訂了一個二人份的菜單先來是一個"有機沙律菜伴芝麻醬", 頭盤開胃清新, 最令人驚喜的是, 有一點點芥末味, 很提神的再來一個冷盤是"涼伴鮑魚菇 涼伴黑木耳", 酸酸味味, 爽脆好味"茶燻流心蛋伴黑魚子醬配厚切茄子", 糖心熏蛋富有茶香味, 入口微甘, 黑魚子醬微咸, 茄子煮得很軟, 黑魚子脆脆的, 互相沖擊口腔."原盅燉哈蜜瓜螺頭黑毛豚肉湯" 哈密瓜湯都是第一次飲, 想不到味道清甜, 入口即化, 燉湯的功不可沒! 螺肉等等用料都很足, 滋補的"蝦球水芙蓉" 蝦球很爽, 水蛋蒸得很香"蒜香芝士焗老外蠔王", ,平時本人甚少食蠔, 就怕腥味, 但今次十分有驚喜! 蠔王很有鮮味, 芝士味道很不錯, 又不太膩"遠年新會陳皮骨"第一次食, 好好食, 陳皮骨用了排骨 所以入口都是肉, 咬下去很軟, 骨上灑上了陈皮末,甜甜的,甘甘的,一點也不苦,齒頰留香"魚湯浸碧綠溫室菜苗", 重點竟然落在魚湯之上, 其鮮甜絕對令人難忘, 叫人不住地飲湯, 當然菜苗都很鮮嫩."荷香蒜蓉海班片原籠蒸鴛鴦飯" 海班片的味道, 魚油都滲透到飯裡, 面層的飯都被包裹了一層香氣, 只可惜魚肉太少, 飯又太多, 只好用魚湯伴飯.總的來說, 菜式是精緻的…查看更多