榮哥廚房私房菜

第一次去工廈私房菜👐必須於訂位時揀埋食邊個menu.好讓廚師用新鮮食材為你度身訂造屬於你的menu👩‍❤️‍💋‍👨 首先會有個小食 -枝豆+青瓜海蜇之後會有個頭盤本地水耕沙律菜伴芝麻醬京滬味香伴海蜇頭雙色墨魚仔茶煉流心蛋伴黑魚子醬配厚切茄子不得不提係個厚切茄子 口感鬆脆配埋特調既醬汁真係好惹味🤤🤤跟住係個燉湯🍲原盅燉花膠猴頭菇黑毛豚肉湯細細個好的色 但好足料 勁濃味但唔係味精湯果種🤤🤤🤤其次覺得特別既係士多啤梨黑豚肉排骨酸甜醬汁配上黑豚肉排骨一點都唔膩因為排骨下墊住左塊脆米餅中和左個味道💕每一道菜都睇得出廚師既用心擺盤亦好精美♥️最後要講就係個甜品🍮係有d仙草凍 丸子 jelly 組合而成而隻熊啤啤並唔係裝飾🎍熊啤啤係用花奶凍結成冰食果陣係要等熊啤啤溶掉再撈埋一齊食非常別有用心😍…查看更多

約咗朋友兩公婆食飯，佢地強烈推介呢間榮哥私房菜，話食過幾次都好味，所以一行四人就決定去飯聚，早幾日就已經訂好餸菜添！雖然坐落工廈，但地點超方便，步出地鐵車廂到飯店唔使5分鐘就到！職員好有禮貌，而且好有耐心咁介紹每道菜式，值得加分！“自家甜酸齋”同“百合木耳”，兩款小食都係秒清再嚟前菜“沙律菜伴芝麻醬”清新醒胃，“雙色墨魚仔”一隻辣一隻唔辣，“茶燻流心蛋伴黑魚子醬配厚切茄子”一食就知係有心機製作，好特別，想encore!“原盅燉哈密瓜螺頭黑毛豚肉湯”和“原盅燉川貝陳皮海底椰鱷魚肉”，每樣兩盅即係每人一盅，又可以交換試吓，一飲就知真材實料，唔係一般例水可比！“油浸時令鮮魚”，今晚係馬友，第一次食油浸馬友，原來又幾好食喎，但喺外面好似唔多見咁煮馬友法！“蝦球水芙蓉”，老友話呢個係招牌菜之一，下面蒸蛋白上面係甘筍汁，滑捋捋得嚟又好味，蝦球非常爽口彈牙，正！“士多啤梨黑豚肉排骨”最花心思係排骨下面有好似米通嘅卜卜脆，一啖食落去口感層次豐富！“招牌茶王燻雞 ”寫明招牌又點會令人失望吖，表皮好似炸子雞兼有茶燻味，雞肉嫩滑冇雪味，100分！“米王有機時令鮮蔬”今晚食菠菜，淡淡米香加蔬菜青味，有種去除油膩嘅感覺！“農坊獨頭糖心黑蒜炒飯”充斥住黑蒜味，仲有唔少帶子粒，食到咁飽都食哂，可想而知味道幾好！最後到咗甜品時間，第二個胃今晚食“薑汁芝麻湯圓”薑味夠而不辣，芝麻蓉唔太甜好自然，我仲要食埋太座一粒先夠喉！總結嚟講，係一間非常抵食嘅私房菜，我地都話一定會再返轉頭，唔怪之都幾旺場，多謝老友介紹！…查看更多

同屋企人出街食成日諗唔到食咩好，今次發掘咗一間中式私房菜，近地鐵站之餘菜式又創新，以後又多一個選擇了💙🌝自家甜酸齋甜酸齋酸酸甜甜非常開胃，更有雲耳和百合，好適合作為前菜🌝雙色墨魚仔+茶燻流心蛋伴黑魚子醬配炸厚切茄子+本地水耕沙律菜伴芝麻醬墨魚仔非常Q彈，有兩款味道，一款帶有麻油香，而另一款則帶少許香辣味。茶燻流心蛋伴黑魚子醬配炸厚切茄子：這道菜的茶燻味道非常特別，加上流心蛋下的厚切茄子有一層脆脆口感，讓人一吃難忘。沙律菜清爽非常新鮮，有調和味蕾的作用。🌝原盅嫩川見陳皮海底椰鱷魚肉湯湯入口淡淡椰香，而味道清新，口感非常特別，鱷魚肉的鮮美加上川見陳皮和海底椰的香味，讓人感到非常滿足。🌝原盅嫩哈密瓜螺頭黑毛豚肉湯這款湯較上一款湯更清甜，味道非常鮮美，哈密瓜的清香和黑毛豚肉的鮮嫩更是讓人回味無窮。🌝蝦球水芙蓉蘆筍汁味道清新，配上嫩滑水蛋，與蝦球的鮮美非常搭配。🌝油浸時令鮮魚經過油炸的馬友魚外皮非常酥脆,肉質鮮嫩，配上醬汁真係大人小朋友都會鐘意食😋🌝士多啤梨黑豚肉排骨在黑豚肉排骨上灑上酸甜的士多啤梨醬汁，下層更配上脆米餅，口感非常豐富🫶🏻🌝招牌茶王燻雞不愧係招牌菜！茶燻的味道和燻雞肉的鮮美非常搭配，讓人回味無窮。🌝米王有機時今鮮蔬嫩滑的菠菜搭配清甜上湯，健康又美味🌝糖心黑蒜炒飯炒飯跟黑蒜的配搭非常夾，加上翠肉瓜粒和蛋絲的配料增加炒飯香氣，讓人一吃就愛上。🌝薑汁芝麻湯圓食得出手造的感覺，湯圓口感Q彈，加入薑汁後增加辛辣味道，整體味道不太甜，而芝麻味非常香濃，幾好味😋榮哥廚房私房菜不單保留了傳統中菜風味，仲融入了創意元素，讓菜品更加豐富多彩，值得推介！…查看更多

食友帶領一行四人探店官塘工廈內楼上私房菜秘點, 開放式內廳枱桌以屏風拉簾分隔, 不乏舒適及私隱度👏私房菜單：餐前小食-榮哥自家甜酸齋；雙色墨魚仔；茶燻流心蛋拌黑魚子醬配厚切茄子；本地水耕沙律菜拌芝麻醬, 開胃的甜酸齋, 墨魚一有微辣一有甘香, 流心蛋入口綿滑, 沙律菜爽口😋原盅燉湯兩款-哈密瓜螺頭黑毛豚肉；川貝陳皮海底椰鱷魚肉哈密瓜, 螺頭黑毛豚肉湯甘甜潤喉, 川貝陳皮海底椰鱷魚肉湯味清不油膩, 兩款皆足料口味各不同😋蝦球水芙蓉-浮在蒸蛋白上的蝦球爽口, 配上甘筍汁混入蒸蛋白好香滑😋油浸鮮馬友- 熱騰騰香氣散溢, 魚肉嫩魚皮頭骨脆😋士多啤梨黑豚肉排骨以脆卜卜米通墊底，肉爽底脆，口感佳😋江南百花雞，心機菜式，一半傳統嫩滑烤雞，另一半去皮釀以百花，面灑芝麻增加香氣，一雞兩款口味😋米王有機菠菜，米水香加青菜味，清淡的一道素菜😋農坊獨頭糖心黑蒜炒飯，不單充滿黑蒜頭香味，飯内更有鲜帶子粒😋芝麻湯圓作為结尾的甜品， 湯圓不黏口，芝麻香味濃😋滿足的一次探店👏👏…查看更多

👩🏻‍🍳 觀塘功夫私房菜食材新鮮😍菜品有心思🤩性價比高👍🏻榮哥獲獎無數，用的均是新鮮時令食材，每道菜盡顯心思和功架，菜品由餐廳安排，有如中式的「廚師發板」，性價比高，人均消費$450.5，推薦帶家中長輩來👍🏻👷🏻‍♀️非專業foodie，純粹個人主觀分享🙏🏻————————————————————————🍴 榮哥廚房私房菜📍 觀塘觀塘道436-484號官塘工業中心第三期四樓L室————————————————————————💁🏻‍♀️主觀記錄1️⃣ 黑白雲耳、榮哥自家甜酸齋雲耳用了麻油涼拌，十分爽口。甜酸齋煙煙韌韌，甜酸度適中。2️⃣ 茶熏流心蛋伴墨魚子醬配厚切茄子🍆茶熏味恰到好處，流心蛋流心程度完美，厚切茄子炸而不油，啖啖肉。雙色墨魚仔🦑一辣一不辣，肥美鮮嫩。本地水耕沙律菜伴芝麻醬🥗水耕菜十分新鮮爽口，車厘茄拌了柚子醬。3️⃣ 原盅燉黑木瓜螺頭黑毛豚肉湯、原盅燉川貝陳皮海底椰鰐魚肉湯原盅燉法保留原汁原味，十分清甜。4️⃣ 油浸時令鮮魚🐟上碟時連碟都是熱的😍馬友炸得酥脆，本身用鹽醃過，帶點咸香，不用點醬汁也可以5️⃣ 蝦球水芙蓉外貌精緻有驚喜🤩下層的蒸蛋白十分滑溜，蝦球爽彈，淋了少許熱油，令蝦球閃亮帶光澤✨6️⃣ 士多啤梨黑豚肉排骨🍓最下面是很脆的米通，沒有油膉味👍🏻黑豚肉非常鬆軟，沒有豬騷味，略肥了少許🐷士多啤梨醬中和了黑豚肉的肥膩，甜酸度剛好，不會過酸，而且食得出是用新鮮士多啤梨製造的👍🏻7️⃣ 江南百花雞🐔這道菜盡顯心思和功夫，有雞皮、雞肉、蝦膠三層，層次分明🤩雞皮很脆、雞肉嫩滑、蝦膠爽彈👍🏻8️⃣ 米王有機時令鮮蔬第一次吃米湯菠菜🤩令人聯想起嬰兒吃的米湯糊🫣烚菠菜的時間剛剛好，十分嫩滑，沒有澀味，靠米湯的咸味調味。9️⃣ 農坊獨頭糖心黑蒜炒飯🍚炒飯帶有黑蒜味和焦香，飯粒有咬口，是家的味道🤤🔟 姜汁福元湯圓甜品是最愛的福元黑芝麻湯圓，皮薄餡滑，姜湯是用了老姜，微辣👍🏻…查看更多

8月尾同朋友食過榮哥私房菜後一直都念念不忘。趁住踏入2023年，就同屋企人再到榮哥私房菜，今次就點咗個嘗味四人行常套餐。前菜：榮哥自家甜酸齋黑白雲耳一個開胃醒胃嘅前菜。榮哥送咗一份黑白雲耳俾我哋品嘗。黑白雲耳好爽脆，依兩款前菜好快就俾我哋食哂。本地水耕沙律菜伴芝麻醬雙色墨魚仔茶燻流心蛋伴黑魚子醬配厚切茄子榮哥建議由沙門菜順序咁食，由淡味到濃味。依個前菜真係食幾多次都咁鐘意，特別係茶燻流心蛋同厚切茄子。流心蛋茶味超香，再加少少嘅魚子醬，提升咗味道又唔會搶咗蛋香茶香。燉湯：原盅燉哈密瓜螺頭黑毛豚肉湯燉湯相當足料。哈密瓜味香甜，再加上螺頭同黑毛豚肉嘅鮮味，真心好鐘意飲依個燉湯。原盅燉姬松茸淮山甘筍黑毛豚肉湯一樣係非常足料。同另一款湯好唔同，依款係姬松茸嘅甜，再加上黑毛豚肉嘅鮮味。主菜：黑松露醬炒花尾躉班球配鮮露筍黑松露嘅味道無蓋過花尾躉班球嘅鮮味。花尾躉班球鮮嫩，淡淡肉。再配埋鮮露筍、雜菌等，好好味。士多啤梨黑豚肉排骨依道菜最特別莫過於排骨底下嘅鍋巴。鍋巴沾上士多啤梨，香脆可口。排骨當然都好味道啦，整件排骨都外脆內嫩。韓泡汁煮牛面肉配雙色蘿蔔汁醬微辣，但配上牛面肉，可以話想當之夾，牛面肉入口即融，牛肉香即刻滲哂出嚟。出色。荷香蟲草花牛肝菌蒸沙欄雞雞肉嫩油少，完全唔使怕肥。汁醬濃郁惹味，再加上輕輕嘅荷葉香氣，好食到想將個配方抄返屋企自己再整嚟食呀。米王有機時令鮮蔬今日嘅時令菜係菠菜苗。菠菜苗鮮嫩無渣，配上米漿打成嘅湯汁，相當清新。大紅大紫炒飯紅菜頭汁加上紫薯嘅炒飯，所以望落去紅紅紫紫，好意頭。飯粒炒得夠乾身，粒粒分明。入口清甜開胃，有別於其他傳統炒飯，值得一試㗎。時令甜品薑汁芝麻湯圓最後嚟返個湯圓，湯圓唔會太甜，而薑味濃得嚟唔會好辣，味道平衡剛剛好。…查看更多

🥰前菜 好精美有特色既前菜，有雙色墨魚仔，本地水耕沙律菜拌芝麻醬，茶燻流心蛋拌墨魚子醬配厚切茄子，呢個茄子最好食，個茄子冇煮到淋哂，仲有一定口感，配個墨魚子醬食好正🙆🏻‍♀️🙆🏻‍♀️ 😍士多啤梨黑豚肉排骨 呢個有加士多啤梨醬，酸酸甜甜，估唔到係幾夾個排骨喎🥰🥰下面仲有個米通食🤣  😋溫室南瓜炒北海道帶子 呢個又係幾精緻，個南瓜裝住哈密瓜，青瓜同帶子，帶子鮮甜，配清新既青瓜好refreshing 成道菜😋😋  😜蝦球水芙蓉 個蛋好滑，蝦球口感爽口好食☺️☺️ 😚原壺秘魯人參石斛螺頭黑毛豚肉湯 呢個係一個茶壺咁上，真係幾特別個湯好鮮甜，仲有幾多料係入面😋 😛原盅燉哈密瓜螺頭黑毛豚肉湯 呢個比較清甜啲，中意飲湯真係要試下😎  😗米王有機時令鮮蔬 一碟賣相令令既菜，都幾新鮮😁 😁大紅大紫炒飯 淨係加左紫菜同汁去炒都幾好食🙂 🤤時令甜品 薑汁湯圓勁重薑味，好補既感覺芝麻湯圓好正,一咪芝麻糊流哂出黎🥰🥰🥰  想食餐精緻中菜又唔想出去同人迫呢度都係唔錯既選擇😁😁 …查看更多

屋企人生日，揀左去呢間餐廳慶祝。一聽到私房菜，感覺就係價錢比較貴、裝潢高尚堂煌，不過今次呢間設於工廈嘅私房菜，無論價格同裝潢都係比較平民貼地一啲，但食物質素亦認真唔錯，用料上乘。環境亦非常寧靜，用餐當晚目測全場只有唔夠十張枱，就算坐滿晒客人，空間都仍然非常寬敞，好適合一家大細嚟開餐😋.訂咗位之後，店員會預先透過Whatsapp聯絡，將菜單發俾我，方便預先點餐以及先繳付訂金 ($200/位)。而當晚我哋一家7口用餐，所以我就揀咗個6人餐加多一位。.👉 前菜：- 本地水耕沙律菜伴芝麻醬- 雙色墨魚仔- 茶燻流心蛋伴黑魚子醬配厚切茄子擺盤好精緻，而且味道好清新，特別係沙律菜非常之鮮甜！.👉 原盅位上時令燉湯：- 哈蜜瓜螺頭黑毛豚肉湯- 川貝陳皮海底椰鱷魚肉湯兩款湯都好好味，唔會太咸冇好強嘅味精味道，而且非常足料，同埋因為係原盅燉嘅，所以每位都可以自己揀選唔同嘅款式。值得一提，個湯嘅保温效果驚人！由於冬甩妹條脷抵受唔到好高溫度，所以飲湯速度較慢，飲咗接近半個鐘，個湯都仲係微熱！.👉 主菜：澳洲皇帝蝦王 (金流黃沙獻) 外層金流黃沙非常出色！屋企人連蝦殼都食埋😆 隻蝦都好新鮮好好味，雖然都頗大隻，不過每人得一隻感覺有啲唔夠喉，另一可惜之處係，伴碟嘅薯蓉比較遜色，薯仔味唔濃亦冇奶香，完全唔好食。.👉 清蒸生猛沙巴龍躉斑龍躉斑就比較普通，無咩特別，不過條魚都好肥美、好新鮮。.👉 士多啤梨黑豚肉排骨士多啤梨味酸酸甜甜，幾好味，而且黑豚肉排骨肉質好嫩滑，推介👍 不過伴碟嘅米通一啲都唔脆而且完全無味，有點可惜。.👉 奶油日本小南瓜麵包盒可能食到呢一味菜，大家已經有7成飽，呢個時候再來一個咁飽肚嘅麵包，感覺有點太膩。另外，對於本身都幾鐘意食南瓜嘅冬甩妹黎講，呢款日本小南瓜唔係我杯茶，可能小南瓜用咗黎煮汁嘅關係，令到味道略為變淡咗啲，而且南瓜醬汁同個麵包亦唔係好夾。.👉 招牌茶王燻雞雞肉非常嫩滑，連雞胸位置都完全唔「鞋」，相信燻煮時間需要非常準確，先可以保持到肉質如此嫩滑多汁。而且雞皮烘烤得極之香脆，唔錯唔錯！.👉 有機時令鮮蔬 (魚湯) .👉 他鄉炒米絲 (24個月西班牙黑毛豬火腿配福建蒲田米粉) 冬甩妹本身未食過蒲田米粉，原來好好味架！米粉呈超幼絲狀，而且炒得非常乾身，再配上黑毛豬火腿絲，別有一番風味😋 而且份量都好多，最後仲打包咗留返第二日食。(第二日返熱都仲係好好味！) .👉 甜品：福元爆漿芝麻湯圓呢個真心好好味！冬甩妹本身都好鐘意食芝麻湯圓，今次呢個芝麻湯圓近乎完美。有流心效果，而且餡料好幼滑，冇任何過大嘅顆粒，口感一流👍 而且外層好薄、芝麻餡夠多、甜度亦都非常適中，用如此高質嘅甜品作為呢一餐嘅結尾，實在係太滿足啦！😇.👉總結：💲人均消費約$400/位總括而言，呢間餐廳好適合家庭聚會/多人聚會，特別係慶祝生日，因為餐廳唔收切餅費。而食物味道亦不過不失，個別有幾道菜係特別出色的👍 比較少食私房菜嘅朋友值得來試一試。.👉注意事項：最低消費每位$380 (未包加一) 付現金可免茶芥$15/位自攜酒水，頭兩支免收費無切餅費…查看更多

今日卜了位同很久冇見的好友食榮哥，今次第二次吃了，貪佢好味又坐得舒服。沙律菜很新鮮爽脆，番茄非常甜，一點酸味都沒有黑木耳食得多，白木耳就好少食，味道冇乜分別，口感爽脆。冰鎮墨魚新鮮彈牙流心蛋好多時都食到，呢個蛋很特別，蛋帶有茶薰味，再加上魚籽，味道很夾呢。輕炸過的茄子加上咸咸的醬汁，很惹味。有兩款燉湯補下身先，真材實料咖，熱辣辣，小心燙口。我個人比較喜歡哈密瓜豚肉，甜甜的，很清新。蝦爽口彈牙，蛋上鋪了一層芡，令菜式顯得亮晶晶，還令蛋入口倍添滑溜賣相很吸引，黑松露味四溢，有些類似雲耳的食材，食落又幾爽口記得食埋啲南瓜肉呀！醬汁調味剛剛好，酸甜度適中，酸酸甜甜好醒胃。排骨肉質爽脆又唔硬，很棒呢！米通很香脆，和士多啤梨🍓醬汁很夾。魚湯咸咸地，帶有魚香，白菜吸收了湯汁，很入味我地最後連湯都喝掉。炒飯粉粒分明，乾身，顏色好靚，沒有油膩嘅感覺，加上脆蝦米，紫薯粒，口感頓時提升。是日甜品係桂花椰汁糕，外層晶凝通透，啫喱Q彈，內層係一磚椰汁糕，不太甜，適合我就算是簡單食材，榮哥都可將食物味道提升至另一層次…查看更多

相約友人初嘗私房菜, 此店位於工廈中, 很接近地鐵站, 很好找。坐下店員先詢問開茶及放下菜單。菜式相當豐富。本地有機沙律水耕菜伴芝麻醬/涼拌黑木耳/岩鹽花枝豆: 先一拼送上三碟前菜。水耕菜以青瓜卷著沙律菜，賣相精美且令菜不會散開更易吃入口，菜相當鮮甜，配上芝麻醬很好吃。旁邊的車厘茄配上了柚子醋汁，很refreshing，個人很喜歡。涼拌黑木耳除有黑木耳還有較少吃到的白木耳，木耳爽脆，醋汁調味剛好，很開胃。另有枝豆，粒粒飽滿，鹽量亦剛好，都是很開胃的餐前小食。茶燻流心蛋伴黑魚子醬配厚切茄子: 賣相非常美! 流心蛋帶著淡淡茶燻香，流心做得很好，下面的茄子炸得酥脆，最精彩的是醬汁，秘製醬汁加上蔥芫荽及辣椒，和清淡的茄子很配襯!原盅燉湯: 兩款燉湯分別為哈密瓜螺頭黑毛豚肉湯及川貝陳皮海底椰鱷魚肉湯，兩款湯送上時都非常熱，而且相當足料! 與友人分著喝，哈密瓜湯頭較清，喝到哈密瓜的天然甜味及螺頭黑豚香味，另一款鱷魚肉湯較另一款濃厚，喝後有很滋補之感，相當滿足。蝦球水芙蓉: 喝完湯已半飽，主食才剛開始! 先來一人一份蝦球水芙蓉，水芙蓉為蒸蛋白，上面有帶雞油的芡汁，蛋白很香滑，上面的大蝦球相當爽彈，沒有過多調味吃的都是鮮味，相信是對自家食材的自信表現。士多啤梨黑豚肉排骨: 超愛這個擺盤! 士多啤梨醬想不到與黑豚肉如此適合，酸酸甜甜，黑豚肉肉味確比一般豬肉更香濃。下面的米通很香脆，增添了整度菜的口感。香煎北海道帶子海中寶: 想不到此為一件海鮮餅，上方為蝦膠，下方則為北海道帶子，入口先咬到彈牙蝦膠，再咬到軟滑帶子，所有鮮味在口腔中，很好吃，亦是我最愛的一道菜。魚湯有機時令鮮蔬: 是日為小棠菜。吃罷肉類後來一碟蔬菜有解膩之用，此安排很照顧食客所需。魚湯鮮味，小棠菜亦很甜，不錯。荷香蒜蓉海斑片原籠蒸紅白米飯: 最後的主食為籠仔蒸飯。蒜蓉及無骨海斑片從來都是絕配，店家特別用上紅白米飯，感覺更健康。飯下亦有荷葉，令飯帶有淡淡清香。即使已經很飽也幾乎把飯吃完。最後奉上水果作甜品，為整頓晚飯作結，很是滿足。價錢比坊間酒樓可能稍高一點，但環境，服務及菜式都相當不錯，比較安靜，上菜亦不會過急，會一道一道上，吃得舒適，值得一試。…查看更多

公司要聚餐，廿幾個人唔知食咩好老細話不如包房食私房菜本身都麻麻地中菜仲要係圍餐啲friend ，但係呢間真係令我好驚喜🌸✨唔講咁多，去相！沙律菜爽甜，塊塊都好新鮮唔會見到有一兩塊係霉嘅食完為大餐打打底🏃‍♀️呢個蛋一絕！好有茶燻味道個黃好棉好流心茄子有天婦羅嘅感覺個人唔太好茄子🍆配蛋食落又幾好喎鱷魚肉湯聽落好恐怖😱冇食肉齋飲湯，飲落唔會成嘴油食埋海底椰好滋補🤣帶子一咬落就覺得好彈牙！！唔係霉到一夾就碎嗰啲好鮮好爽口🌸✨😘入面仲有啲甜甜地嘅瓜陪襯鮑魚好新鮮爽口彈牙個人唔算太好鮑魚但係都覺得好味✨全晚亮點之一！個士多啤梨醬好甜但係又唔會搶咗豬肉個味😍😍😍豬肉咬落啖啖肉🥳唔會齋咬骨咁配米餅不得了💆‍♀️全晚真係高潮一浪接一浪😂😂😂個蟹好好味！！雖然有啲重味咸咗少少但係啲醬汁入晒啲蟹肉到蟹蓋仲有膏😱😱😱配片麵包食沾醬真係好過癮食到好飽嘅時候仲有雞！但係呢個係亮點二！個雞好有燻煮嘅味道好特別😍好少可可以食到呢種味道仲有雞皮好脆口雞肥膏好滑雖然好邪惡但係我都啪咗三四舊🤣菜都好新鮮魚湯濃郁中規中矩嘅🌸🤘食到最後有埋湯圓🤣🤣🤣🤣飽到唔想食但係老細係咁話要食😂😂😂臣不得不吃食落又幾滑！同埋薑湯幾甜好夠辣收尾都係佳品😘想講全晚侍應哥哥服務態度都好好🥳喺到畀個讚佢🤘✨唯一係去廁所唔太方便，個廁所真係唔算好乾淨，女仔嘅話唔好著長裙去啦💁‍♀️你懂的…查看更多

食中菜要人多一齊食比較好，但中式私房菜就計人頭的，就算2個人都可以試到多款菜式。今晚就去了搵榮哥食私房菜。榮哥處於一座舊式的工廈當中，舊得連電梯門仍是用人手開關的。餐廳的裝修簡單，但最重要是舒服乾淨，仲要不得不讚每位waiter都好有禮貌同服務周到。 最欣賞就是門口的那個水耕菜，見到每棵菜都好新鮮。今晚有3 個前菜，涼伴黑木耳，岩鹽花枝豆及有機沙律菜伴芝麻醬。最欣賞有機沙律菜，相信是用門口自己種的那個，所以感覺特別新鮮乾淨，好像即摘即食一樣。除了食得，仲睇得，他們用心將青瓜包著沙律菜，青瓜是脆的，沙律菜又是爽脆的，再包上芝麻醬，好味，這個前菜我要給5星星。小食有茶燻流心蛋伴黑魚子醬配厚切茄子，這道菜我都要給5星星，有少少茶燻味道的流心蛋，再配上黑魚子醬，令本身淡味的雞蛋變得更香更濃味。而厚切的茄子有輕輕的炸過，令到外層有少少脆，而內面仍然軟身，好味得想再encore。湯品有原壺舞茸菇杞子螺頭黑毛豚肉湯，這個湯好像功夫茶一樣，要倒於功夫杯中逐杯飲用。打開茶壺，見到湯料很足，有齊舞茸菇，杞子，螺頭及黑毛豚肉，平常用瘦肉燉湯，燉完的瘦肉會很鞋口，但這裡是用黑毛豚肉，燉完的肉都是滑的，燉出來的湯都比較清甜，所以我同老公連湯料都食清。主菜有溫室南瓜北海道帶子，賣相精美，北海道特級帶子真的很大粒厚肉，帶子輕輕的煎過，配上三文魚子一齊食，口感更加丰富。細細個的溫室南瓜好可愛，起了南瓜肉，再放入青瓜粒，哈密瓜粒，紅椒及青椒粒，好爽甜。四品胡椒澳洲皇帝蝦王，澳洲皇帝蝦大隻，肉爽口，有少少胡椒的辣，但略為咸了少許。士多啤梨黑豚肉排骨，將士多啤梨放入中菜中，感覺有點兒格格不入。但每事都要創新，發覺食落新鮮特別，士多啤梨醬的甜甜酸甜配上排骨上，可以減少排骨的油膩感。再配上脆脆的米餅一齊食，又是另一種食法。金銀蒜香有機時令蔬菜，今晚是令是小白菜，雖然沒有之前的菜式那麼吸引，但配上金銀蒜一齊炒的小白菜，很惹味‧最後當然要湊米氣，來一個脆雪映漾海中鮮，菜式名字很吸引，其實是一個用了海斑魚粒做的湯飯，再配有芫茜蔥及爆米，芫茜蔥令魚湯更香，爆米就令米飯更有咬口。今晚這個私房菜由服務到菜式都十分滿意。…查看更多

老婆訂了枱去觀塘工業中心的榮哥食飯，預訂的菜單以人頭計算，三百多元有十款菜式及燉湯，真是心物超所值。先來的小食涼拌黑木耳及岩鹽花枝豆，兩者都是用簡單食材去製作及調味，但卻很清新開胃。有機沙律菜伴芝麻醬是用水種菜，菜較清甜爽脆，加上有點柚子醋味道，酸酸甜甜甚是開胃。茶燻流心蛋伴黑魚子醬配厚切茄子，流心蛋有很香的煙燻味道，而蛋王半流心的狀態，蛋白軟滑，茄子結實，醬汁比較濃郁，令味道較淡的茄子增添不少味道。原盅燉哈密瓜螺頭黑毛豚肉湯裏面有很多湯料，整個湯較清甜，感覺很滋潤。蝦水芙蓉聽個名都已經好有意境，蝦肉新鮮又彈牙，下面的蒸蛋白嫩滑。黑松露醬炒班球肉質雪白，新鮮結實且嫩滑，還有些雜菌及西芹，西芹細心地去掉外層，食落爽脆。明梅醬炆頭腩，魚頭充滿油份，骨膠原豐富，不會太咸。而我最鍾意就係士多啤梨黑豚肉排骨，酸甜又開胃，黑豚肉入味又夠腍，下面的米通應該是自家製，非常鬆脆。幾特別的米王湯浸碧綠溫室菜苗，出面未曾見過，做法特別又健康，菜苗嫩脆。農坊獨頭糖心黑蒜炒飯蒜味不重，炒飯爽口少油，有幾款海鮮，十分豐富。最後上埋個生果拼盤，十分滿足的一餐。…查看更多

觀塘區工廈多數都是以西餐為主，今日去了這間食中菜的私房菜。一早打去訂位，菜式可以自行選擇，餐廳會預備當天的食材，確保新鮮亦不會浪費。有機沙律菜伴芝麻醬沙律菜是本地有機種植，新鮮爽脆，加埋個芝麻醬及柚子汁，帶點微酸，非常開胃。涼拌黑木耳&岩鹽花枝豆黑木耳爽脆帶點麻油香，枝豆咸咸地，清新又開胃的小食。茶燻流心蛋伴黑魚子醬配厚切茄子流心蛋充滿著燻香，蛋王又香又滑，茄子略為炸過，所以結實不鬆散，茄子吸收了醬汁味道。厚盅燉姬松茸淮山燉甘筍黑毛豚肉湯姬松茸味道濃郁，湯非常鮮甜，好有住家湯感覺。蝦水芙蓉蛋白軟滑，蝦肉新鮮爽彈，是一個比較清淡的菜式。士多啤梨黑豚肉排骨有淡淡的士多啤梨果醬味，排骨肉腍且鬆，帶點酸甜味，下面的米通非常香脆，兩者配搭適宜。黑松露醬炒班球班球新鮮，肉質彈牙且嫩滑，有淡淡的黑松露香，西芹更細心的去根，咬落爽脆。明梅醬炆頭腩食完覺得自己充滿骨膠原，魚油豐富，而且完全唔腥。米王湯浸碧綠溫室菜苗菜苗色澤翠綠，而且爽脆，有淡淡的米漿味，非常健康。農坊獨頭糖心黑蒜炒飯千祈唔好比個蒜字嚇阻，炒飯完全無個種濃郁的生蒜味，反而是一種清淡的蒜香味，唔怕食完會口臭，炒飯油份不多且爽口，有些帶子粒及蝦肉，十分豐富。時令甜品火龍果手、西瓜及菠蘿，全部切開一粒粒，啱哂懶人用，而且生果清甜無浸糖水。整體味道高質，食材新鮮且量足，每樣少少去到最後炒飯都食唔哂確實是高質中菜。…查看更多

上星期與親戚到榮哥私房菜慶祝生日，一進門口見到水耕菜，位置不多，但坐得相當舒適。當人訂了四人套餐，所有的菜都相當美觀，先上沙律，應該是水耕菜中的沙律菜，非常新鮮，菜與芝麻醬的比例都剛好。之後的青瓜造型很特別，是個螺旋型。之後流心蛋厚切茄子都很出色，流心蛋非常流心及蛋味很香，茄子不會有種油膩感及外皮煙煙韌韌，但汁才是精髓，甜甜酸酸，非常開胃。士多啤梨黑豚肉排骨，肉厚，汁的味道剛好，外面都炸得很脆身，下面有脆米，口感變得很特別。到主菜，蝦水芙蓉，味道鮮甜，蛋非常十分之滑，很讚！生猛海斑兩吃（黑松露炒，明梅醬燜）肉很厚，都不會煮到過老，彈牙。魚湯浸菜苗側没什麼特別。黑蒜炒飯我覺得味道有點過淡。整體我認為有特色及心思，味道也不錯，但略嫌有點貴，可以一戰。…查看更多