榮哥廚房私房菜

8月尾同朋友食過榮哥私房菜後一直都念念不忘。趁住踏入2023年，就同屋企人再到榮哥私房菜，今次就點咗個嘗味四人行常套餐。前菜：榮哥自家甜酸齋黑白雲耳一個開胃醒胃嘅前菜。榮哥送咗一份黑白雲耳俾我哋品嘗。黑白雲耳好爽脆，依兩款前菜好快就俾我哋食哂。本地水耕沙律菜伴芝麻醬雙色墨魚仔茶燻流心蛋伴黑魚子醬配厚切茄子榮哥建議由沙門菜順序咁食，由淡味到濃味。依個前菜真係食幾多次都咁鐘意，特別係茶燻流心蛋同厚切茄子。流心蛋茶味超香，再加少少嘅魚子醬，提升咗味道又唔會搶咗蛋香茶香。燉湯：原盅燉哈密瓜螺頭黑毛豚肉湯燉湯相當足料。哈密瓜味香甜，再加上螺頭同黑毛豚肉嘅鮮味，真心好鐘意飲依個燉湯。原盅燉姬松茸淮山甘筍黑毛豚肉湯一樣係非常足料。同另一款湯好唔同，依款係姬松茸嘅甜，再加上黑毛豚肉嘅鮮味。主菜：黑松露醬炒花尾躉班球配鮮露筍黑松露嘅味道無蓋過花尾躉班球嘅鮮味。花尾躉班球鮮嫩，淡淡肉。再配埋鮮露筍、雜菌等，好好味。士多啤梨黑豚肉排骨依道菜最特別莫過於排骨底下嘅鍋巴。鍋巴沾上士多啤梨，香脆可口。排骨當然都好味道啦，整件排骨都外脆內嫩。韓泡汁煮牛面肉配雙色蘿蔔汁醬微辣，但配上牛面肉，可以話想當之夾，牛面肉入口即融，牛肉香即刻滲哂出嚟。出色。荷香蟲草花牛肝菌蒸沙欄雞雞肉嫩油少，完全唔使怕肥。汁醬濃郁惹味，再加上輕輕嘅荷葉香氣，好食到想將個配方抄返屋企自己再整嚟食呀。米王有機時令鮮蔬今日嘅時令菜係菠菜苗。菠菜苗鮮嫩無渣，配上米漿打成嘅湯汁，相當清新。大紅大紫炒飯紅菜頭汁加上紫薯嘅炒飯，所以望落去紅紅紫紫，好意頭。飯粒炒得夠乾身，粒粒分明。入口清甜開胃，有別於其他傳統炒飯，值得一試㗎。時令甜品薑汁芝麻湯圓最後嚟返個湯圓，湯圓唔會太甜，而薑味濃得嚟唔會好辣，味道平衡剛剛好。…查看更多

到咗8月生日月, 今次約埋3個舊同事, 一行4人聚舊飯局.其中一個提議兼訂埋呢私房菜.地點非常就腳, 港鐵一出來都到, 落雨都唔洗開遮.環境地方以中式裝潢為主, 地方闊落.枱與枱間距好大, 私隠度十足.食得私房菜, 當然係廚師發辦.每枱根據時令,人數,喜好,價錢, 菜單各有不同.首先上枱係前菜:1. <<本地水耕沙律菜伴芝麻醬>>2. <<雙色墨魚仔>>3. <<茶燻流心蛋伴黑魚子醬配厚切茄子>>先估唔到中式菜擺盤都咁精緻.一人一份, 以小竹盤上枱.沙律菜好新鮮, 好清爽.兩隻墨魚仔分別有兩種口味, 一隻辣一隻唔辣, 彈牙鮮味.最吸引嘅係流心蛋茄子!!似日式溏心蛋軟綿綿, 本身有茶香; 再加上少少魚子醬, 未食已經流口水.茄子雖然好厚身, 但炸得好靚, 外脆内軟.同時上枱仲有餐前小吃:1. <<榮哥自家甜酸齋>>2. <<黑白木耳>>各一碟. 酸甜爽口, 好開胃.<<原鼎燉龍利葉青欖柑桔黑毛豚肉湯>>燉湯份量十足, 每人可以飲兩大碗.龍利葉清熱潤肺, 青欖生津止渴解酒毒, 柑桔抗氧化降血壓, 好適合香港人夏天飲!!仲見到食到起碼仲有無花果, 淮山, 桂圓, 螺頭等等材料.啖啖清甜滋潤, 果香十足.桂圓美味甘甜!!<<黑松露醬炒花尾躉斑球配鮮露筍>>黑松露當然香氣滿滿, 斑球啖啖肉, 魚味濃! 竹筍清新爽口, 夠入味.<<韓泡汁煮牛面肉配雙色蘿蔔>>牛面肉稔到不得了, 味微辣.最快清哂係D蘿蔔, 吸收哂D精華!!<<蜜椒比利時杜洛克 St. Louis 橄欖豬肋骨>>一人只得一件, 非常精緻.豬肋骨香口而juicy, 夠離骨.杜洛克橄欖豬肉質果然軟腍!!<<招牌茶王燻雞>>一上枱, 上等龍井香片已經香氣四溢; 雞皮香脆,雞肉嫩滑!!細緻中見真章! <<米王有機時令鮮蔬>>淡淡米香配上有機菠菜苗,  外表翠綠, 入口爽而無澀味!<<他鄉炒米絲>>炒得乾身, 唔油膩.份量十足, 起碼有6大碗.以高級黑毛豬火腿, 配以莆田米粉.又睇得又食得.<<姜汁芝麻湯圓>>湯圓皮薄到一眼已經芝麻.口感軟腍Q彈, 以此甜品為美好嘅呢一餐作總結, 非常滿足.…查看更多

親戚要移民英國，姐特登揀左呢間上年食過非常不錯的私房菜來餞行，食下係外國搵唔到的香港味道。一行4人，計埋前菜湯糖水有12道菜。茶燻流心蛋伴黑魚子醬配厚切茄子-雖然係第二次食但同樣被驚艷到！黑魚子醬只係配角，主角係茶燻後的蛋好香好入味。-厚切茄子好juicy, 沾上底的酸汁夠哂開胃原鼎燉龍利葉青欖柑桔黑毛豚肉湯-夏季限定，清潤解熱，一啲都唔油膩-份量好多！4個人每人有2碗蝦球水芙蓉-姐最歡喜的一碟，底係蛋白，挺身得黎又滑-上面黃色的係微甜的茨汁，另外蝦肉超級大隻爽口彈牙黑松露醬炒花尾躉班球配鮮露筍-花尾躉好肥美，啖啖肉，加少少黑松露醬已經好惹味大紅大紫炒飯-紫係紫薯，紅係有紅菜頭汁的飯，簡單，健康，有營養，希望親戚到外國後也大紅大紫！…查看更多

好耐冇出街食中餐，朋友揀左位於觀塘工廈的私房菜，位置好方便D出口1分鐘就到。第一次食私房菜，非常有驚喜，下次帶屋企人食！茶燻流心蛋伴黑魚子醬配厚切茄子-流心蛋茶燻味好足，流心效果101分，光食隻蛋已經好滿足-茄子上下都有一層煙韌的炸過的coating,脆得黎再加上厚茄子的質感，好有層次感原盎燉湯-哈密瓜螺頭黑毛豚肉湯: 好清甜好足料，螺頭都有兩大粒，料都食得返-海底椰鱷魚肉湯：好清潤的感覺，唔油大孖頭抽鵝腸-鵝腸非常爽脆！簡單頭抽加芽菜已經好正蝦球水芙蓉-底係蛋白，好似燉蛋咁好滑-重點係隻蝦球，非常爽口彈牙！食到海蝦的味道澳洲大蘆筍黑松露醬炒鮮百合-冇諗過呢啲材料炒埋一齊加黑松露醬會咁夾，加埋南瓜肉食又另一返風味-大蘆筍名符其名好大條好爽甜香煎北海道帶子海中寶-外面係手打蝦滑，入面係北海道帶子，一咬落去帶子汁出哂黎，鮮！米王有機時令菜-估唔到湯底真係有米味！大紅大紫炒飯-紅係用左紅菜頭汁，紫係加左紫薯，非常健康的炒飯薑汁擂沙湯丸-好耐冇食過咁有驚喜的中式甜品，湯底薑味好濃好濃，湯圓超級流心，出色過街外好多專門做中式糖水店！…查看更多

忙完一輪工作，終於得閒同幾位姊妹聚一聚，今次選了位於觀塘的榮哥廚房私房菜。朋友一早已經同老闆傾好今晚的菜單🥰 水耕有機沙律菜伴芝麻醬，沙律菜新鮮，好像早前我們去田園採摘的一樣咁新鮮。 茶燻流心蛋伴黑魚子醬配厚切茄子，賣相很靚，很少吃到茶燻流心蛋，淡淡的茶味，用心之作👍茄子有咬口，配搭得宜。 海椰王燉鷓鴣黑毛豚肉湯， 很香椰子味，入面還有螺頭，材料丰富鮮味十足，雖然已經飲了2大碗，還未夠喉🤪 椒鹽豬肺，未食過咁整豬肺，原來都唔錯，豬肺爽口，配搭上椒鹽，送酒一流。 油浸馬友魚，魚肉很滑，油浸後很脆口👍 百花雞， 很少地方可以吃到這味菜，因為太多 功夫了煎蝦膠舖雞件上， 集合了二種鮮味，配上冰梅醬，  食過返尋味，下次一定會再叫😋😋 蟹黃瑤柱菠菜, 滿滿的蟹肉舖在菠菜上，加上瑤柱的鮮味，不錯。 西班牙黑毛豬火腿配福建莆田米粉，很幼滑的米粉， 黑毛豬果然同普通豬肉有分別。 最後梗係有甜品啦！羗汁湯圓，我喜愛的，很夠羗🤣🤣，食完暖笠笠。湯圓煙韌 ，唔太甜。 總括來講，食材上乘， 烹調質素高，定會再來！…查看更多

今日同屋企人嚟咗觀塘，想食餐超正嘅晚餐，經過官塘工業中心三期，見到有呢間私房菜，於是決定齊齊上去食☺️4位 特選餐單 ($1656)本地水耕沙律菜半芝麻醬- 沙律菜超級新鮮，咬落六卜趣，配搭埋香濃嘅芝麻醬，濃郁同鮮甜嘅味道相互配合，份外開胃😄茶燻流心蛋伴黑魚子醬配厚切茄子- 呢道菜都係冇得彈，流心蛋超超超好食，茶燻味非常突出，火候控制得好好，一啲都唔會老，強烈推介大家食😋- 厚切茄子水準都一流，外脆內嫩，炸粉一啲都唔厚，個人超級鍾意食魚子醬，濃郁鮮味，將茄子嘅味道昇華幾倍💛原鼎海椰皇仔燉鷓鴣黑毛豚肉湯- 啖湯非常清甜，入口細膩順滑，一啲味精味都冇，而且非常足料，湯渣都份量十足，我地食到超級滿足😜椒鹽豬肺- 第一次食椒鹽豬肺，平時都係飲豬肺湯多，好特別，椒鹽香口濃郁，痛有少少微辣，但又唔會蓋過豬肺嘅鮮味，反而帶出咗豬肺嘅鮮嫩😚油浸時令海魚- 呢個都係其中我最鍾意一個菜式，油浸針嘅方式令海魚表皮變得酥脆，但肉質唔會變老，仲保持到其嫩滑，食落卜卜脆，超好味，一啖接一啖🤤江南百花雞 (半隻)- 百花雞都係驚喜滿滿，雞皮非常之好食，而且入邊饟咗蝦，令到口感層次更加豐富， 鮮味十足🤗蟹皇瑤柱時令鮮蔬 (菠菜)- 呢個菜式好有驚喜，見似常見普通嘅菜但整得好好食，菠菜熟度控制得非常好，唔會太軟身👍🏻- 蟹皇瑤柱簡直係精粹，其鮮甜細膩令到菠菜原有嘅味道更加發揮得淋漓盡致，令我唔太鍾意食菜嘅人都食到舔舔脷❤️他鄉炒米絲 (24個月西班牙黑毛豬火腿配福建莆田米粉)- 炒米絲好特別，係街外比較少有嘅麵種，米絲幼細得嚟幾有咬口，配搭埋鹹香十足嘅黑毛豬火腿，別具一番風味😆時令甜品 (薑汁黑芝麻湯圓)- 呢個甜品都幾好食，薑味突出，但又唔會過分濃烈，搶咗湯圓嘅風頭；湯圓軟滑，內餡綿密甜美，黑芝麻味格外香濃☺️食物質素非常高，而且餐廳內部擺設同餐具都非常別緻，而且枱與枱嘅分隔做得幾好，私隱度高，啱晒一家大細聚會😚…查看更多

疫情稍緩 ，終於有人按耐不住 ，四出匯友，吃飯聚舊 。 今晚大伙兒光顧觀塘工廈內一間私房菜 ，這裏裝修簡樸與普通中菜館無異 ，最吸睛是一櫃琳羅滿目的奬座和証書。 我們準時抵步，經一連串基本防疫步驟後，被安排坐其中一張大圓桌，檯與檯之間有垂簾、半身圍欄作間隔，與其他的食客保持距離，吃得自然較安心。令晚菜館提供了九道菜 :本地水耕沙律菜伴芝麻醬沙律菜味道清甜爽口， 捲成花狀夾起來方便，淋上芝麻醬灑少少白芝麻， 味道更香，精緻又美味 ，可謂燻蛋的最佳伴菜茶燻流心蛋伴黑魚子醬配厚切茄子菜館的招牌菜之一 ，主角流心蛋以黑魚子作裝飾，淡淡茶燻香伴隨半流心軟滑的蛋漿流入口腔，令人回味。而底、面均略略油泡過的厚切茄子，穏妥地承托著流心蛋，其鬆軟細緻的肉質不但輕易地抓住醬汁；本身偏淡的味道突顯了醬汁的酸甜；而混入了芫茜、蔥的酸甜醬汁又解了流心蛋的膩，設計見心思。倘若在流心蛋的裝飾上再進取點，例如增加黑魚子的份量，更顯貴氣。原鼎海椰皇仔燉鷓鴣黑毛豚肉湯用椰皇BB燉湯，我也是第一次試，雖然比例上不算多，但椰皇味不減，入口香甜，配上鷓鴣、黑毛豚肉清燉，肉鮮味濃，滋陰潤肺。椒鹽豬肺平時用椒鹽煮海鮮、豬扒就食得多，椒鹽豬肺，也是我的第一次，豬肺切件，增加咬口，炸至色澤金黃，椒鹽香氣更盛，豬肺軟熟得來頗有彈性，輕輕一咬會有種回彈感，咸香惹味，用來佐酒應該不俗。油浸時令海魚 (馬友)菜館今晚選用名貴的馬友，馬友出名肉質細緻爽口，油脂豐富，雖以滾油浸過，卻又一點也不油膩，皮脆肉嫩，非常香口。江南百花雞( 半隻)百花雞~ 一道工序繁複的粵菜，今次的造法是先將雞隻起骨去肉留皮，刮走皮肉間油脂，雞皮上鋪一層薄雞肉，再釀上蝦膠，洒上黑白芝麻，油泡後斬件，再砌回整隻雞的形狀，當中的細節，極考廚藝功夫及經驗。經油泡過的皮，色潤金黃脆口，蝦膠彈牙、雞肉嫩滑有肉汁，没有多餘的調味，入口淡淡肉，無骨，老少咸宜，蘸上冰梅醬，酸酸甜甜，另有一番風味。蟹皇瑤柱時令鮮蔬澎湃的蟹皇瑤柱配嫩綠的菠菜，每一口盡是蟹肉和瑤柱的鮮甜， 菠菜的清新味道。他鄉炒米絲 ( 24個月西班牙黑毛豬火腿配褔建莆田米粉 )在已經有八九成飽的情況下，相信部份人( 如我 ) 都會對即將上場的炒米絲提不起興趣，心想普通的炒米粉，賣相又不見得特別吸引，瞄頭就只有那黑毛豬火腿。膚淺的我原本打算吃幾口便了事，結果反而有驚喜。坊間形容莆田米粉細如絲、白如雪，的確如新竹米粉般幼細，質感柔韌彈牙，入口爽滑；不過米絲能夠炒至乾爽不粘糊，不油膩，也有懒廚帥的功力。加上黑毛豬火腿的甘香及其他配料的鮮味夾雜進米絲當中，偶而還會吃到一股來自豪不起眼，白芝麻爆炸性的馥郁香味，簡直令人欲罷不能，一口接一口地吃下去。時令甜品 (湯丸)吃畢傳統中菜，再來傳統中式糖水，感覺一致。今晚是薑汁湯丸，最驚喜是那薑汁湯，煮得非常辛辣，喜歡薑的人自會明白那股吸引力；香濃的芝麻饀湯丸製作成一口一粒，令客人吃的乾淨俐落。…查看更多

在官塘區 本身就有好多隱世餐廳位於地鐵站附近的工廈不是什麼精雕細琢的餐廳是裝潢比較樸素的私房菜而菜單一早已預訂好=本地水耕沙律菜配芝麻醬=水耕菜勝在口感清新爽脆 以青瓜捆紮起來 造型特別入口又不易散開 這心思有加分伴芝麻醬好像比起平常食到的更酸甜很清新開胃的起步=茶燻流心蛋伴黑魚子醬配厚切茄子=賣相特別 上面是茶燻流心蛋 一口咬下半熟的蛋黃溢滿口中 豐富的口感 淡淡的茶燻味很香 不足的是黑魚子有點被茶燻味蓋過了下面的茄子以酥炸粉包住 脆 可口沾少少特別調配醬汁 特別配襯=原鼎海椰皇仔燉鷓鴣黑毛豚肉湯=能嚐到清甜的椰味 入口滋潤 用料十足店員幫助分了湯後 還將湯料都撈出=椒鹽豬肺=都知清洗豬肺是個大工程 所以得少碰到這菜式但我沒有想過椒鹽豬肺是這種口感外脆內鬆軟滑溜 又有點煙韌而且椒鹽真的很適合和各種食物搭配味道層次大大提升=油浸時令海魚=炸得脆脆的 脆得骨也可連吃馬友魚肉質非常的結實有鲜美本人更喜歡不沾醬 可吃到魚的鮮味=江南百花雞=一格一格的賣相已經很吸睛百花雞是很傳統的菜式去骨剝肉再釀入蝦膠 蒸煮再斬件蒸後應該有再加工因為第一口少少脆 很香口然後蒸蝦彈牙嘅口感再加蝦香氣撲鼻溢滿口 絕=蟹皇瑤柱時令鮮蔬=造型好像粒燒賣 是很嫩口的菠菜上面有很多的蟹皇瑤柱絲=他鄉炒米粉=莆田米粉细如髮絲聽店員介紹 這是個手工菜式師父是用筷子炒米粉 所以炒出來特別蓬松加上那西班牙黑毛豬 瞬間點綴了這美味=時令甜品=沒有猜想到是芝麻湯圓挺驚喜的 值得欣賞的是以傳統功夫菜再改良 心思是絕對是賣點…查看更多

榮哥廚房私房菜已經是我第二次幫趁，它的菜式不單夠特別，而且味道從不令人失望，中式圓枱亦方便和朋友傾偈，今次我們四個人吃了四個小吃、四餸、湯、炒飯和甜品，人均消費四百多元，定價合理。本地水耕沙律菜伴芝麻醬水耕菜用青瓜片包住，旁邊伴有車厘茄，全部都非常新鮮，芝麻醬足夠，酸酸地幾開胃。涼伴黑白木耳白木耳比較少見，食落同黑木耳一樣咁爽口，只是較為薄身。雙色墨魚仔雙色墨魚仔其實就是原味和辣味，墨魚仔厚身，有咬口得來又不會太韌。茶燻流心蛋伴黑魚子醬配厚切茄子流心蛋蛋黃部份非常流心，食落帶點煙燻味，下面的茄子沾了碟底的醬汁帶點甜味，幾特別。原鼎海椰皇仔燉鷓鴣黑毛豚肉湯鷓鴣出名營養價值高，用鷓鴣燉湯夠晒滋補，非常適合而家冬天飲。燉完湯嘅鷓鴣和豬肉都已經出晒味，所以湯渣試少少就可以了。溫室南瓜北海道特級帶子師傅將南瓜仔挖空，再釀入青瓜粒和南瓜粒，上面再放上大大粒北海道帶子，賣相明顯有花過心思。帶子外面輕煎過，但中間仍保持半生熟，所以亦食得出帶子鮮味，上面幾粒三文魚籽令鮮味更大大提昇。陳香蒸南非鮑魚鮑魚彈牙得來不會太韌，食倒啖啖陳皮香味。遠年新會陳皮黑豚肉排骨這個排骨是我全晚最愛，排骨夠軟腍不會太油，陳皮味非常突出，絕對可以用驚艷來形容。魚湯有機時令鮮蔬小棠菜沒有渣，大小適中不會太難吃，魚湯好鮮味，但食完又不會感到口渴。寶貝鮑魚仔極尚金牌福建炒飯福建炒飯雖然好多地方都有，但榮哥的福建炒飯加了鮑魚仔，所以食落多了鮑魚仔的彈牙口感，令炒飯口感更豐富。木瓜雪耳糖水木瓜雪耳養顏又滋潤，我喜歡佢好重杏仁味。總結，每一道菜都好有水準，其中我最鍾意遠年新會陳皮黑豚肉排骨和福建炒飯，前者陳皮味好出夠特別，後者加入了鮑魚仔，令平凡的福建炒飯帶來一點不平凡。…查看更多

一直喜歡私房菜的神秘感，它那種令人期待又盼望的感覺 🙆🏻‍♀️。。。今晚終於來臨了！ 為了好朋友，在一星期前已預約好了😆茶燻流心蛋🥚伴黑魚子醬配厚切茄子🍆賣相討好😍看著蛋汁緩緩的流出，令人垂涎三尺。。。 大口咬入嘴裡，蛋的香韻盤旋在口腔內，揮之不去! 厚切茄子🍆 用上少少炸漿，令外皮脆口；而内裡軟綿, 魚子酱汁超贊，十分好味！原盅燉哈密瓜螺頭黑毛豚肉湯💞先飲為快，喝下兩啖，甘甜的味道已湧上心頭💞 充斥哈密瓜和螺頭的甜香，黑毛豚肉肉質柔軟有彈性，吃起來清爽不油膩無腥味。原盅燉陳皮海底椰鱷魚肉湯🍲初秋🍂🍁🌾緊係要進補，看到湯水是很清澈的，有陳皮的香，鱷魚肉🥩是可止咳的，多飲可增强抵抗力呢!士多啤梨🍓黑豚肉排骨以米通做底層，一口三文治般，大口放任去咬，肉香且軟，米通且脆，士多啤梨汁給予清新口感，搭配👍😄寶貝鮑魚仔🍛極尚金牌福建炒飯朋友一邊吃，一邊只顧說著😂： ''蛋🥚真的很香，蛋🥚真的很香呢!＂ 以一個簡單餸菜，而做成與別不同的口感和結果，只能說厨師功力不可抹💪🏅蝦球🦐🦐🦐水芙蓉晶螢剔透，原來水芙蓉是用甘筍淬取而成，加上香滑雞蛋，一啐便滑入喉嚨，擺放上面的彈口蝦子🦐也只好輪為配角了 😁…查看更多

朋友升職加人工話請我食飯叫我揀餐廳，諗起之前有朋友介紹過榮哥，所以即刻預約左✌🏻朋友話食好少少所以訂咗$968嘅2人餐😊本地有機沙律水耕菜伴芝麻醬: 用青瓜一捲捲包住啲菜，好新鮮爽脆👍🏻涼伴黑木耳:酸酸地好開胃🤤岩鹽花枝豆:鹹鹹香香😊茶燻流心蛋伴黑魚子醬配厚切茄子: 蛋有茶香蛋味濃，茄子厚得嚟又唔油膩😊原壺舞茸菇杞子螺頭黑毛豚肉湯(位上): 勁足料飲落好清甜唔油膩👍🏻我哋連湯渣都有食到😍溫室南瓜北海道特級帶子: 帶子好厚肉，南瓜清甜配埋青瓜同哈密瓜好清新，仲要好靚好精緻😍四品胡椒匯澳洲皇帝蝦王: 蝦肉好大隻，好香胡椒味但略嫌煮得韌咗少少😂士多啤梨黑豚肉排骨: 酸酸甜甜，下面墊住嗰塊米通好鬆化搭埋一齊食口感好好🤤米王有機時令鮮蔬:小棠菜清甜😋荷香蒜蓉海斑片原籠蒸紅白米飯: 海斑片好嫩滑，米飯粒粒分明👍🏻蒜蓉好香撈埋啲飯一齊食勁好食❤時令甜品:椰汁桂花糕，味道清香唔會太過甜✌🏻侍應好有禮貌，同埋會留意住人客嘅進度上菜👍🏻菜式夠精緻，今餐唔單止胃連眼球都好滿足❤…查看更多

相約友人初嘗私房菜, 此店位於工廈中, 很接近地鐵站, 很好找。坐下店員先詢問開茶及放下菜單。菜式相當豐富。本地有機沙律水耕菜伴芝麻醬/涼拌黑木耳/岩鹽花枝豆: 先一拼送上三碟前菜。水耕菜以青瓜卷著沙律菜，賣相精美且令菜不會散開更易吃入口，菜相當鮮甜，配上芝麻醬很好吃。旁邊的車厘茄配上了柚子醋汁，很refreshing，個人很喜歡。涼拌黑木耳除有黑木耳還有較少吃到的白木耳，木耳爽脆，醋汁調味剛好，很開胃。另有枝豆，粒粒飽滿，鹽量亦剛好，都是很開胃的餐前小食。茶燻流心蛋伴黑魚子醬配厚切茄子: 賣相非常美! 流心蛋帶著淡淡茶燻香，流心做得很好，下面的茄子炸得酥脆，最精彩的是醬汁，秘製醬汁加上蔥芫荽及辣椒，和清淡的茄子很配襯!原盅燉湯: 兩款燉湯分別為哈密瓜螺頭黑毛豚肉湯及川貝陳皮海底椰鱷魚肉湯，兩款湯送上時都非常熱，而且相當足料! 與友人分著喝，哈密瓜湯頭較清，喝到哈密瓜的天然甜味及螺頭黑豚香味，另一款鱷魚肉湯較另一款濃厚，喝後有很滋補之感，相當滿足。蝦球水芙蓉: 喝完湯已半飽，主食才剛開始! 先來一人一份蝦球水芙蓉，水芙蓉為蒸蛋白，上面有帶雞油的芡汁，蛋白很香滑，上面的大蝦球相當爽彈，沒有過多調味吃的都是鮮味，相信是對自家食材的自信表現。士多啤梨黑豚肉排骨: 超愛這個擺盤! 士多啤梨醬想不到與黑豚肉如此適合，酸酸甜甜，黑豚肉肉味確比一般豬肉更香濃。下面的米通很香脆，增添了整度菜的口感。香煎北海道帶子海中寶: 想不到此為一件海鮮餅，上方為蝦膠，下方則為北海道帶子，入口先咬到彈牙蝦膠，再咬到軟滑帶子，所有鮮味在口腔中，很好吃，亦是我最愛的一道菜。魚湯有機時令鮮蔬: 是日為小棠菜。吃罷肉類後來一碟蔬菜有解膩之用，此安排很照顧食客所需。魚湯鮮味，小棠菜亦很甜，不錯。荷香蒜蓉海斑片原籠蒸紅白米飯: 最後的主食為籠仔蒸飯。蒜蓉及無骨海斑片從來都是絕配，店家特別用上紅白米飯，感覺更健康。飯下亦有荷葉，令飯帶有淡淡清香。即使已經很飽也幾乎把飯吃完。最後奉上水果作甜品，為整頓晚飯作結，很是滿足。價錢比坊間酒樓可能稍高一點，但環境，服務及菜式都相當不錯，比較安靜，上菜亦不會過急，會一道一道上，吃得舒適，值得一試。…查看更多

之前曾經跟大夥人前來，感覺不錯，特意帶男友前來試試這裏$768的二人餐先來一系列前菜，本地有機沙律水耕菜伴芝麻醬，為自家養植，健康又環保涼拌黑木耳爽脆可口:)岩鹽花枝豆送酒佳品茶燻流心蛋伴黑魚子醬配厚切茄子柔滑的蛋帶淡淡燻味，茄子輕炸表面帶微脆，醬汁是很台式感覺的辣肉燥醬每位加$38可以轉改原壺舞茸菇杞子螺頭黑毛豚肉湯，湯料十足，清甜可口蝦球水芙蓉蝦球爽脆，蒸蛋嫩滑香煎北海道帶子海中寶用鮮蝦膠釀入帶子而成，蝦味十足遠年新會陳皮骨有很香濃的陳皮味﹐甜甜酸酸十分開胃﹐有幫助消化的作用金銀蒜香有機時令白菜仔十分惹味荷香蒜蓉海斑片原籠蒸紅白米飯魚肉結實鮮甜，飯粒充滿荷香味時令甜品為生果拼盤，健康又清新…查看更多

提早為母親大人慶祝生日,所以想同佢食D特別嘅菜式,見到佢價錢唔係好貴,已經包晒前菜,燉湯,主菜同甜品。所以一早book定間私房菜。一入門口就見到餐廳自家栽種嘅水耕菜,夠晒新鮮,第一碟前菜就係佢哋自家栽種本地嘅有機水耕菜配芝麻醬,好爽脆鮮甜。涼拌黑木耳好爽脆,岩鹽花枝豆熟到啱啱好唔會過淋。茶燻流心蛋伴黑魚子醬配厚切茄子嘅外型好吸引,流心蛋嘅就心效果極佳,蛋味好濃蛋香好Creamy,厚切茄子有D似天婦羅,炸粉唔會好厚,好鬆脆同軟淋嘅茄子好夾。當晚有兩款燉湯分別係原盅燉哈密瓜螺頭黑毛豚肉湯同原盅燉川貝陳皮海底椰鱷魚肉湯。兩款肉湯都係原盅燉夠晒清甜滋潤,原汁原味。蝦球水芙蓉算係比較清淡嘅菜式,蝦球爽脆,蒸蛋非常之嫩滑,同清淡嘅芡汁好夾。蒜香芝士焗老外蠔王,隻蠔王真係巨型,有成隻手掌咁大。一啖完全食唔晒成隻,芝士同蒜味都唔算太濃,所以唔會掩蓋到蠔嘅鮮味。士多啤梨豚肉伴草莓味道幾特別,好香士多啤梨味,甜甜嘅果香味道令人越食越開胃,不過略嫌豚肉有少少靭。魚湯有機時令蔬菜,魚湯煮到奶白色,魚味超濃厚,令到本身冇味嘅小棠菜都變得更好味,更鮮甜。荷香蒜蓉海班片原籠蒸紅白米飯,雖然只有兩片海班片,不過蒜香同海班魚嘅味道已經滲入紅白米飯裏面。當晚嘅事令甜品係椰汁桂花糕,造型好精緻,唔會太甜味道好清新。…查看更多

觀塘工廠區近年開左好多食店, 除左西餐日菜之外, 中式私房菜亦有唔少。當中位於官塘工業中心3期嘅榮哥廚房私房菜係我地最愛去嘅食店之一。😙榮哥廚房私房菜雖然位於工廈入面, 不過地點非常方便, 係觀塘站D4出口一出就到。餐廳裝修簡約平實, 店內種植左有機菜以供食用。餐廳二人私房菜套餐有3款, 我地今日食嘅係$768兩位的二人餐。精心配 2人餐 $768前菜前菜一共有4款, 賣相都好精緻, 分別係有機沙律菜伴芝麻醬, 涼伴黑木耳, 岩鹽花枝豆同茶燻流心蛋伴黑魚子醬配厚切茄子。有機沙律菜伴芝麻醬餐廳自家種植的沙律菜好清甜爽脆, 小番茄好甜, 沾上芝麻醬, 味道清新。👍涼伴黑木耳黑木耳已預先調味, 口感爽滑。岩鹽花枝豆花枝豆份量都唔少, 以岩鹽提味, 味道唔錯。茶燻流心蛋伴黑魚子醬配厚切茄子流心蛋帶有煙燻香味, 上面舖上黑魚子醬, 鮮味更濃, 厚切茄子外層香脆, 茄子沾上醬汁, 非常惹味。😋原盅燉哈密瓜螺頭黑毛豚肉湯套餐可轉配唔同款式的燉湯, 我地揀左兩款唔同share飲。哈密瓜螺頭黑毛豚肉湯非常鮮甜, 帶有果皮香味, 入口清潤。😙原盅燉川貝陳皮海底椰鱷魚肉湯海底椰鱷魚肉湯材料非常多, 味道清甜, 富有椰香。蝦球水芙蓉蝦球大隻又爽口, 蒸蛋嫩滑, 伴香濃湯汁食, 味道特別好。👍蒜香芝士焗老外蠔王焗蠔好大隻, 蠔肉飽滿, 配上焗香的蒜香芝士, 非常惹味。😍香煎北海道帶子海中寶 +$30位呢款海中寶賣相雖然好似龍蝦丸, 不過用料卻是非常高級, 海中寶底部係北海道帶子, 加上由鮮蝦打成嘅蝦滑, 啖啖都充滿海鮮鮮味。😋金銀蒜香有機時令蔬菜每晚時令蔬菜係小棠菜, 小棠菜好鮮嫩, 加上金蒜銀蒜, 味道唔錯。👍荷香蒜蓉海斑片原籠蒸鴛鴦飯原籠蒸飯份量好多, 由於之前每碟菜份量都唔少, 呢個飯我地最後都係要打包走。😆時令甜品甜品係椰汁桂花糕, 食埋甜品, 呢餐非常滿足。😋…查看更多