Walter Bistro (智選假日酒店)

營業中

休息中

朋友話觀塘有buffet,初頭都好懷疑，邊到有酒店buffet。點知睇openrice，真係有間hoiliday inn express係附近。而且酒店好新淨。食物種類超多，特別想講佢勁多甜品，如果係甜品迷一定要試。我係食Lunch buffet，我覺得主要都係甜品為主，咸食都有，但唔算係好多。不過我鍾意食甜嘢，所以我覺得OK！原來晚上都有buffet，不過就係semi-buffet，佢呢到勝在價錢平，而且酒店好新，加上餐廳職員服務又好好。所以我覺得都幾抵食！推介小資又想食buffet嘅人不妨一試，絕對唔會失望。聽朋友講佢都提前一星期book，所以大家去就要早DD book.

最近聽朋友介紹觀塘開咗一間新酒店 — holiday inn ，佢哋嘅餐廳走Tiffany Blue少女風😍啱晒打卡！而且最近佢地夜晚個半自助餐仲做緊優惠，折扣後每位$400左右，勁抵食！所以我就約咗班fd去試吓～一行入餐廳，已經比濃濃嘅少女味徹底包圍住，果然冇令我地失望！再行多兩步，見到自助餐吧枱上面嘅食物款式種類繁多，除咗一般嘅中西式湯同糖水、雪糕、甜品、沙律、熟食之外，仲有刺身、壽司同海鮮冷盤，但最令我意想不到嘅係嗰度仲有生蠔任食，而且一啲鐵銹味都冇，十分鮮甜！簡直10個like👍🏻絕對可以媲美一般嘅傳統自助餐！之後就黎到我最期待嘅main course喇，餐牌上面有八個選擇（聽講每個月餐牌都唔一樣，個個月去食一次都唔會厭😚），我同朋友分別叫帶子、同鴨胸。最令我難忘嘅就係個鵝肝！入口即溶，仲要大大件！簡直想再encore！另外個帶子都好鮮嫩一啲都唔瞬色！唯一美中不足嘅係個鴨胸比較瘦，會有d咬口！但整體餐廳環境同食物質素都十分唔錯！絕對可以一試😋

今天是Easter Holiday 的最後一天假期，所以想舒舒服服地食lunch Buffet！未到12:00nn 所以在門外的Sofa 等候，當員工開門時就由他們帶領到坐位，我見到我是第一個book 位，但不知道為什麼安排坐在一個不太理想的座位，由於仍有很多吉位，所以要求調位（員工很有禮,立即作出安排）👍可能受最近魚生事故問題，大部分人不敢興趣吃壽司🍣⋯⋯😅我見是第一round 也敢吃二件而已！我最欣賞的是午餐也有原條蒸魚🐟及蒸魚件（厚切！可以大大啖魚肉）👍另外有海鮮粥（三文魚粥），熟的三文魚，大家吃得安心！烤牛肉，味道不錯！湯有中、西式選擇，我喜歡飲中式湯水！甜品也有不少選擇而且好好味，而且竟然有益力多飲！就算到結賬時也只是2/5左右的入座率，真的好奇怪（可能是工廠區，而且又沒有雪糕🍦，其實食物質數及環境不錯）！廁所的位置很隱蔽（原來是自動門），幾得意👍P.S.用HSBC Visa card 或中銀Visa card 付款有85折優惠

🔎觀塘巧明街97號智選假日酒店1樓*「鬧市中的星級享受」- Walter Bistro早排見到有傳媒介紹呢間Walter Bistro，係法國米芝蓮一星餐廳香港分店嘅行政總廚所開，有返咁上下信心保證，同埋lunch價錢又唔算太貴（星期六每人$228加一），於是搵個比較悠閒嘅星期六一試究竟。 餐廳位於觀塘一間酒店一樓，地理位置都幾方便。我地去到嘅時候仲未開門，等左一陣，餐廳就好準時就喺12點鐘開門。一開門人唔算多，我哋兩個人，經理都俾咗張四人枱我哋。 餐廳地方都幾寬敞，好適合聚會傾計。 野食選擇方面，都同其他自助餐差不多，有湯飲類，冷盤及沙律，壽司，熱食，甜品等。湯飲類有中式湯，蕃茄湯，蘑菇湯等，由於本人實在不好湯，只係飲咗少少蕃茄湯，味道還可以。冷盤及沙律冷盤有蝦，芝士，火腿，橄欖，泰式青口，令我好驚喜嘅係仲有大隻螺！沙律方面有齊基本野，沙律菜，粟米，蕃茄仔，凍食pasta類，涼拌凍食青瓜，水果沙律等等。醬方面亦都有好多選擇，個人就最鍾意蛋黃醬同千島醬。 螺大隻而且肉都好鮮甜同爽口，蝦冇雪味同好爽口，相信都幾新鮮。壽司食自助餐，壽司刺身都係回本

其實18年12月份已知這間新開的酒店有自助餐及優惠，只是時間不配合直至今天終於可以一試啦。其實佢係一個半自助晚餐，即是每人有一份主菜係按指定餐單上7選1，其中有2個要加錢的。自助餐包每人半份龍蝦，一碗燉湯，一杯餐茶。經過openrice 訂位有85折。我見之前有人post過蟹腳，但今晚只有龍蝦鉗，味道可以的。生蠔出左2款，絕對新鮮。魚生刺身都是好味的，不冰不霉，溫度剛好，要讚海鮮另外要讚的係藍青口，可以encore 幾轉添沙律款式有4~5款，醬料及配菜選擇並不多。冷盤有3款，熟食水準都可保持，特別牛尾真係好好味，必試芝士款食有3款，基本款式。湯是龍蝦湯，很夠味，可推介。甜品款式算多，因為cake都有成7~8款，而且味道都唔錯。雪糕係movenpick。主菜: 我地叫左意大利飯，斧頭扒，鴨胸，燒春雞。除左斧頭扒外，其他份量都是少的，但足夠你食完仲可以食甜品。味道絕對水準之作，但份量會否同價錢掛鈎大家就要諗諗。總結優點1. 味道: 優質酒店水準，絕不比尖沙咀的差。2. 空間: 枱與枱之間空間足夠，牆身粉綠配白佈置有格調而親切。3. 服務: 侍應生個個都好親切，廚師喜歡跟客人互動，好開心。4

觀塘係一月份開咗間新酒店 holiday inn晚上有提供半自助餐價錢連加一八五折後人均400， 可以任食生蠔丶長腳蟹丶青口等等。一聽到有得任食生蠔，即刻約埋班朋友黎試。餐廳用咗大理石同tiffany藍色做主色，好有氣質，好明顯走少女風！我哋一坐低揀好主菜就出去睇下有咩食人蔘燉湯正自助餐區分別有海鮮、沙律丶熱食丶日式壽司及刺生丶芝士及凍肉丶甜品區。呢度連patma ham都有。生蠔即開即洗。味道好甜一啲生鏽味都冇雖然細細隻，卻厚肉。而主菜分別叫左法國鴨胸肉配新薯及蘋果蓉法國呢隻鴨胸肉同人地平時叫貨嘅好唔同，食落肉質厚實，未食過啲要用刀切嘅鴨胸肉咖！平時食親嘅都有舊肥膏係旁邊，依到嘅鴨胸以瘦肉為主，伴菜嘅薯仔仲好甜添！T字骨牛扒 配炸薯條及甘筍丶青豆T仔骨牛扒肉汁飽滿，肉質顏色粉嫩， 但由於係「草飼」嘅關係比較有咬口。甜品方面一睇就知高質，每件都好食蛋糕鬆軟，慕士幼滑，味道濃郁又不會過甜。食食下大廚送鵝肝多士俾我地勁大舊鵝肝呀話係下個月的主菜原來呢度定期會換菜式下個月又可以黎試新野！Walter Bistro觀塘巧明街97號智選假日酒店1樓

留意到位於觀塘有間叫「Walter Bistro」的西式自助餐嘅評價唔錯，星期日就約埋好朋友一齊黎試試。餐廳位於智選假日酒店一樓，門面予人高尚的感覺，內裏燈光明亮，簡潔舒適，感覺好乾淨自助餐場地及食物區不算很大，但都算係麻雀雖小，五藏俱全。假日午市自助餐每位價值$238前菜沙律方面，有已經調配好醬汁的沙律，或是各款新鮮沙律菜，可以自己另外再加上醬汁及配料！沙律菜碧綠爽脆，好新鮮呢午市並沒有刺身供應，但都有多款壽司可供選擇，質素及味道正常熱湯方面有中式或西式選擇，中湯有是日老火湯，好夠味同火候；西湯則有南瓜湯，非常幼滑，南瓜同忌廉味好香濃啊！仲可以自己烘熱麵包/方包去搭配餐湯食熱盤方面有：時蔬炒帶子、椰香咖喱雞、蘿蔔牛腩等等，幾有鑊氣，好味道！咖喱雞椰香味十足，蘿蔔牛腩好入味，同炒飯一齊食就好完美仲有肥美好嫩滑嘅燒春雞最後係我最期待的甜品環節，有日式芝士蛋糕、抹茶卷、提拉米蘇、朱古力撻、麵包布甸等等，都幾多選擇架，甜品唔會太甜膩，賣相頗精緻，仲幾高質素添

🔎觀塘巧明街97號智選假日酒店1樓*「觀塘隱世buffet」- Walter Bistro.一直都唔知原來觀塘都有酒店食buffet，全靠朋友係kwuntong返工先知有間隱世自助餐。佢有少少特別dinner buffet，係semi。即係叫一份主菜，其實唔算貴。而且選擇種類都算多。有雞、有牛、魚鴨都有，所以總有一種係啱你。而佢其他自助食物都幾多，有生蠔、剌身、蝦蟹都有。雖然係semi但都好多款，另外，都有各式各樣嘅熱食，例如：西蘭花炒牛肉、廣當燒味等，都算應有盡有，以半自助嚟講。再者，佢甜品類別都好多，又有生果、又有芝士蛋糕等等。應有盡有。如果平日嚟到附近唔知食咩好都可以試試，但記得早少少book!🍽6/10

唔知由幾時開始，隨著我嘅胃口越嚟越細食，出面自助餐嘅價錢越嚟越貴，都已經好少再食自助餐，特別係到嗰啲灣仔或者尖沙咀晚餐要成六百幾蚊一位嘅地方。雖然有時都好想再食自助餐，因為任食嘅感覺其實幾開心，今日就無意中搵到喺觀塘巧明街holiday Inn入面呢間平價自助餐，曾經喺呢度附近返工，見到酒店終於落成，就同屋企人嚟試lunch buffet🧐.先講環境，認真冇得輸🌟新開嘅酒店環境一定乾淨，喺設計裝修上都花盡心思，採用咗tiffany blue同水晶綠色，令人感覺舒適又唔使逼。自助餐桌上面嘅食物款式都幾多，憑肉眼睇甜品係佔更大部分🍰🎂🍧🍮.食物由熱盤冷盤到海鮮甜品一應俱全，有大家都啱食嘅炒飯，菜，牛肉，當然咁嘅價錢都估唔到佢會有🦀🐚🦐🦑海鮮刺身供應，雖然質素就不能媲美尖沙咀600蚊一位嗰啲自助餐廳，但係至少質素係新鮮嘅，淡淡海水味，唔會係放咗好耐✔️.沙律款式都好多，好鍾意食沙律嘅我去到自助餐廳個胃有一半位置以上都係裝呢啲沙律。當中我要推介佢薯仔沙律，最怕沙律醬氾濫，但係薯仔沙律既飽肚味道又恰到好處，沙律醬更加調放得宜👍.唔太好甜品嘅我就冇試曬咁多款，但係款式真係好多，相信每樣食一件都已經飽

朋友對於開業數月的Walter Bistro評價不俗，預訂了周末與家人來試試lunch buffet。12點前已到達酒店，餐廳尚未營業，先來張門外照。餐廳面對內街，明亮簡潔的設計感覺relaxedCold cuts有肉質柔軟的意大利火腿、多汁的油漬蕃茄乾、數款芝士和橄欖。沙律菜很新鮮；翡翠螺啖啖肉家人對這道泰式青口頻頻讚好，泰式醬汁酸酸甜甜，青口又鮮味，值得encore。蟹肉粥真材實料，整鍋滿是蟹蓋、蟹腳和蟹肉。蟹肉鮮甜，粥底質地較濃稠。蘿蔔炆牛腩，兩者都炆得入味軟腍紅蘿蔔金華火腿煲豬踭，老火湯不能錯過。甜品有十多款，荔枝芒果蛋糕（左下）有粒粒荔枝肉，蛋糕軟綿；芒果熱情果蛋糕（右下）酸甜兼備；藍莓芝士蛋糕評價正面。自助餐包每位一杯飲品，連橙汁也可以點總括來說，以環境舒適、食物貴精不貴多、服務態度良好，所以周末有不少家庭客光顧。

今個週末下雨打消了郊遊遠足的念頭、跟家人來到觀塘Holiday Inn Express吃自助午餐。餐廳以淡綠跟白為主調、簡潔而優雅。自助餐食物主要放在中島位置、有壽司卷物、冷盤芝士火腿沙律等。泡芙、桂花啫喱、雜莓奶凍- 雜莓奶凍口感幼滑、酸酸甜甜。熱甜點有麵包布丁和蘋果金寶。蘋果金寶唔算甜、暖暖脆脆的幾好吃！這個沾上泰式辣醬的青口我吃了我幾隻、很開胃。中湯是青紅蘿蔔煲豬𦟌、感覺沒有下味精、喝了好幾碗～上海粗炒醬油味道濃郁、亦是我喜歡較軟身的麵條。熱盤還有比較港式的蘿蔔炆牛腩和蒸魚。甜品櫃裡超多款式、很多都想試😍最後挑了這幾款。Opera 朱古力味超濃、不過會比較膩。芒果荔子卷蛋味道清新、更得我心。不過最愛還是這款抺茶紅豆卷蛋、抺茶味好濃加上粒粒紅豆和幼滑忌廉、超好吃！這裡食物款式以自助餐來說不算好多、不過大致上味道都不錯、尤其是水蟹粥、蟹肉非常鮮甜。另外蛋糕也做得好精緻、頗有驚喜、性價比挺高。

自從觀塘變天後，不少新樓宇和酒店相繼落成，今日下午就來試一試假日酒店的午餐自助餐。餐廳的牆壁刷上湖水藍，配搭透明的波波燈飾和白紗窗簾，給予人舒服簡潔的感覺。每人可以自選一杯飲品。午市有海鮮吧，例如蝦、長腳蟹、蟹鉗、螺肉等。最愛吃蟹肉的我今次只是吃了兩次蟹就停手了，蟹鉗和蟹腳源源不絕，會不停補充。除了沙律、中湯、西湯，還有芝士吧，有不同款式的芝士，配搭餅乾、火腿等。熟食有青口、牡羊扒、雞肉、蒸魚等。還有即切牛肉和壽司。甜品的選擇頗多，有芝士蛋糕、麵包布丁、桂花糕杯等。最吸引的莫過於甜品櫃的甜品，選擇很多，有柚子慕絲、提拉米蘇、藍妹芝士蛋糕、椰汁紫米慕絲蛋糕、伯爵茶朱古力慕絲蛋糕。我最喜歡柚子慕絲，入口柚子的酸氣迷人，伯爵茶朱古力慕絲蛋糕吃不出伯爵茶味道，但朱古力味道非常突出，很吸引！▫️沒有使用優惠下一個人只要$250，頗抵食！

今晚同朋友去左食自助餐慶祝，半自助餐大約四百幾蚊位。冷盤有生蠔，凍蝦，蟹拑等等。生蠔即開的所以幾新鮮，蟹都幾甜。刺身有帶子同三文魚，帶子又大隻又鮮甜，另外仲有三文魚子壽司。仲有芝幾款芝士同沙律，食左Parma Ham加蜜瓜，蜜瓜好甜，Parma Ham咸幾好味，真係好夾。熱燻就唔多，始終有個main，所以唔會多。甜品都唔少，當中有好少見既Opera cake。半自助餐半身有人蔘燉雞，人蔘味好夠但唔係好甘。每人半隻凍龍蝦，肉質彈牙。主菜叫左鴨胸同燒帶子，鴨胸唔係全熟所以唔會韌，帶子只係燒左兩邊所以都好彈牙。

為了慶祝我同男人都成功揾到新工，所以就特登去食餐好的！上網見到觀塘有間新的Holiday Inn酒店，所以就貪新鮮去酒店一樓的餐廳試試。餐廳夜晚提供半自助晚餐，大家坐低後，係餐牌上揀選自己心水主菜就可以了～ 我們就揀左鴨胸及帶子。落單後，職員就拎左兩盅花旗參燉雞湯及兩份龍蝦比我們。花旗參燉雞湯的花旗參味唔會太淡，加埋雞及瘦肉，味道都幾甜。每位客人都會有半邊龍蝦，龍蝦的肉爽口，加埋D膏，有邊個可以抗拒到？！飲完湯、食完半邊龍蝦都未夠喉？你可以好似我咁去刺身櫃，叫師傅幫我們切魚生。今日的精選刺身為三文魚、帶子及魚子。魚子用了軍艦壽司上，佢的油香鮮得黎唔會腥，咬落魚子，D油香就滲曬入D飯內，完全唔會浪費。帶子刺身非常非常厚身，完全同我去日本超市買的原粒帶子刺身一樣咁厚，正呀喂！雖然係半自助餐，但餐廳都有提供多款凍海鮮，當中除了蝦、翡翠螺外，仲有長腳蟹、龍蟹鉗及生蠔。生蠔雖然係細細隻，但勝在夠肥美厚肉。職員係客人的面前開蠔，所以絶對唔係廉價半殻蠔。食前菜食到咁上下，主菜都煮完了⋯⋯ 鴨胸肉用了法國的，油脂比我平時食的少，食落口感較實，而且無腥的味，配埋蘋果蓉甜甜地，味道好Match。  我叫的

約了舊同學星期日吃自助午餐。周日吃 Lunch buffet 是個不錯的選擇，因食物款式多，假日時間又比較充裕，可慢慢享用，休閒地邊吃邊聊。Walter Bistro 在觀塘區的酒店內，供應自助/半自助餐。食物選擇很多，包括頭盤、沙律、海鮮、肉類、刺身、熱盤、甜品，水果。價錢方面，只是二百多元，周日自助午餐每位~ $ 228 ，平日$218。而晚餐半自助晚餐$468。另收一加一服務費。冷盤 / 前菜~波士頓龍蝦鉗、翡翠螺、鮮蝦，又大又新鮮!沙律~已調好的沙律有希臘沙律、田園沙律、薯仔蛋沙律、蘋果沙律。 多種蔬果都十分新鮮，而且大顆、楝手，顏色清新有光澤，看了已食指大動!自調的沙律加橄欖油和意大利醋，美味、高纖、醒胃!火腿、芝士~火腿、多款芝士 包括我的至愛的blue cheese。壽司~有少量壽司。意式雜菜湯~足料又味道不錯，沒有再試中式湯。蟹粥~很綿密，有蟹鮮味。燒牛仔肉~肉嫩味美!慢煮澳洲羊架伴新薯~另外單點了澳洲羊架，由於以慢煮方式處理，顏色保持鮮嫩粉紅，賣相已很吸引 ! 而且肉質腍滑多汁，夾著凝脂的香味，當中還有大約一平方吋的羊塊，尤其豐美甘香，詢問服務員是甚麼，原來大廚將皮層