156
14
7
港鐵觀塘站 A2 出口, 步行約7分鐘 繼續閱讀
電話號碼
69000502
37912176
開飯介紹
觀塘酒店餐廳,提供性價比高自助餐,由沙律冷盤、主菜熱食及精美甜品一應俱全,而且款式選擇多。 繼續閱讀
營業時間
今日營業
06:30 - 22:00
星期一至日
06:30 - 22:00
付款方式
Visa Master AlipayHK 支付寶 現金 AE 銀聯
座位數目
120
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
VIP房
電話訂座
賞訂座積分
加一服務費
當面支付
有關獎賞計劃
食評 (191)
要改善 門口排長龍 人群聚集餐廳夠12鐘至開門安排逐枱入座 已入座已開始進食 人嚟人去好混亂午市半自助餐 $108+10% 自選主菜1款 待應話: 加錢嘅主菜可以攞走飲品只提供1杯 清水任飲酒店做緊85折 清清地少肉少菜可以考慮侍應唔多 有禮貌 執碟較慢 食物唔多選擇 補充慢 熱盤8熱 粉麵飯 白菜 魚旦 燒賣 炸雞亦少肉少菜 海鮮獨青口長通粉炸雞亦 ~ 好食 好味脆口冇雪味但食咗1只 就冇出 轉咗泰式魚餅Refill 慢 熱盤常吉沙律新鮮 蘋果爽口微酸 健康除油膩西瓜淺色 唔凍 唔甜淡味甜品旦糕細細件 精緻 但部份冇再出甜品有幾款選擇 補充慢中西餐湯 都美味 忌廉湯菇香味 老火冬瓜湯有金華腿味法包方包 烘熱機 包包脆熱配牛油 冇火腿 冇腸仔 冇壽司 少選擇青口長通粉~青口鮮嫩 長通粉糊口 青口唔多 攞剩啲売 ……長通粉由開始放到尾段都有剩 客唔buy冇 youTuber介紹嘅海鮮意粉 失望意大利飯 ~ 飯有咬口恰到好處 唔油膩芝士香味 材料唔多 有啲啲蘑菇粒咖哩魚旦豬皮蘿蔔 ~ 街頭小食味道蘿蔔夠淋入味 豬皮好少 好難揾倒 主菜 鮮茄蚧肉意粉 $108 唔使加費返而係最帶子炒飯 $128帶子鮮冇調味 旦炒飯香但淡口冇咸味西蘭花伴石班飯 $158 西蘭花炒得有鑊氣 但魚嚡口淡味感覺係分開煮 味道唔相連……飯要趁熱食 凍咗就非常硬主菜: 西冷牛扒 $258 價錢唔合冇叫同樣菜式 餐廳外賣餐牌$70 買外賣算溫馨提示: 酒店冇停車場 自費泊車 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-15
5027 瀏覽
前幾日訂枱,又臨近父親節,都幾難訂到枱最後好彩搵到呢間餐廳有半自助餐食訂座時講明本身訂枱都俾8折,預約電話好易打通見食評都唔差,又近地鐵站(APM嘅內街方向出,向牛頭角方向,再行多一個街口就到)門口睇,感覺好正,簡單舒服嘅感覺等左一陣,先有職員帶位坐低就望menu諗好主菜食乜落order小朋友4歲要收錢,有個kids menu諗住飲啖水出去拎嘢食....啲水好水喉水味好彩出邊嘢飲任拎,都係拎杯蘋果汁飲穩陣(仲有橙汁,奶茶咖啡)外邊可以自己夾嘅有少量嘅沙律,面包,芝士,中西湯,壽司,少量熱盤(有菜有牛尾等等)款式唔太多,亦唔算吸引,味道都係正常食住等。。。開始有嘢嚟喇無限添食嘅刺身,說真,刺身這個色水來講。。。我唔太想食家人話吞拿魚唔得,無味反而三文魚好味,仲有帶子都正常好味啖啖肉隔左一陣。。。。海鮮拼盤同中湯送來中湯係花旗蔘鬚煲瘦肉,味道還可以,一人一盅無得添呢個海鮮拼盤一來到,家人同我都嘩一聲,好正喎先食生蠔,雖然細隻,但有少少海水味,鮮甜又唔會食到有生蠔殼跟住再食小龍蝦,味道有啲失色,唔算太特別再食蟹腳同蝦,好鮮甜,不用加檸檬汁都好味,蟹肉好易一開就食得,可惜無得添。。。。職員好勤力走來換碟青口和螺我無食,太飽又怕胃痛食左一陣,職員會幫手轉細碟,都幾細心跟住主菜到場,家人叫了豬扒,切好晒一片片上,好細心到我點嘅帶子和大蝦,煎得好香,又係啖啖肉小朋友餐嘅香煎鱸魚來左,魚要趁熱食,都煎得幾香脆又係啖啖肉,小朋友食得晒全碟,証明好味(當然我都有偷食少少,知道真係幾好味)家人加錢叫左和牛,落單是要5成熟但食落口變了7成肉汁唔太似和牛feel要加錢就唔抵食,反而聞到隔離枱羊架好似幾香,有陣羊酥味最後食甜品,都有幾款揀,我食左焦糖燉蛋,木槺布甸,家人食其他,大家都覺得好味,細細件,可以食多幾件不過無職員serve,全部自己拎整體來講海鮮盤最吸引,其他出去夾嘅唔特別,主菜一半ok一半就。。。。8折後,大人圍起$421左右(唔計家人加錢轉和牛果款主菜)我覺得有啲唔抵食,因為質素一般應該無下次,除非遇到更加抵嘅優惠 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-19
5507 瀏覽
呢排酒店啲餐廳真係好抵,趁機會去Walter Bistro食咗個semi buffet dinner,除咗main dish之外仲有好多其他嘢食。晚餐係$400 +1一位,但係四月份嘅優惠係有八折。因為肺炎疫情嘅關係,本身應該係可以自助嘅嘢食,餐廳都選擇用上菜嘅方式,感覺會衛生啲,唔會經過咁多人嘅手,但係一啲比較容易處理嘅食物都係自助形式咁樣。海鮮拼盤生嘅食物例如呢啲海鮮都會用上菜嘅形式,啲生蠔都幾大隻,而且食落好有海水嘅味道,質量幾好,另外啲青口都同平時買到嘅雪藏青口唔同,味道好夠,又冇雪未,識落非常新鮮,唔使落醬汁。兩個人有原隻龍蝦,龍蝦有好多下高,味道好濃郁,蝦肉彈牙,隻鉗中好多肉一啲都冇縮到。刺身壽司刺身壽司呢啲生嘅食物都係用上菜嘅形式,啲刺身幾新鮮,又夠厚切,特別係帆立貝,食落好creamy。壽司方面啲壽司飯就略嫌凍咗少少,食落有少少硬,其實嗰餐都好夠嘢食,啲壽司反而唔上個飯會更加好。沙律同埋甜品都係用自助嘅形式,最欣賞佢係芝士都有幾款揀,選擇好多,又冇將貨就價。鵝肝多士呢個係今日大廚送嘅,鵝肝嘅外層煎得好香脆,裏面味道濃郁,無筋,我剛濃郁嘅味道滲到落去多事嗰度,配埋上面嘅士多啤梨醬,中和少少肥膩感。香煎鴨胸伴薯蓉及蘋果蓉鴨胸非常厚切,好夠份量,火候略嫌老咗少少,變得乾身,但係呢個時勢最緊要乜嘢都係熟,除此以外其他都掌握得好好,特別係個蘋果蓉醬汁,可以中和到鴨胸嘅肥膩感。個薯蓉落咗好多牛油,湧出一陣牛油香味,質感非常幼滑。烤牛柳配新鮮時蔬個牛柳嘅份量好重手,好似Double左出面啲餐廳嘅咁,火候控制得好,加上個醬汁,令到成個味道好出,亦都好有juicy嘅感覺,牛柳上面仲配左一塊鵝肝,令到個味道更加複雜,而且成個菜式high class左。甜品有好多選擇,重點係佢係有專人拎俾你,又係唔使經過咁多人嘅手,特別鍾意佢個芝士蛋糕同埋焦糖燉蛋,個芝士蛋糕質地非常厚身,用了好重,有濃郁嘅芝士香味,好耐冇食過唔係玩鬆軟口感嘅芝士蛋糕。另外仲有movenpick雪糕食,呢度真係完全冇將貨就價。 繼續閱讀
(以上食評乃用戶個人意見 , 並不代表OpenRice之觀點。)
和朋友聚餐, 同事推介觀塘巧明街Holiday  Inn 裏面嘅 <Walter Bristo>半自助晚餐套餐, 除咗酒店級嘅舒適環境, 食物質素, 現正做推廣優惠, 晚餐每位$398第二位半價, 仲有全單八折。半自助形式, 衛生起見, 主要係沙律 ,湯品和一兩款熱葷。 甜品專櫃更有專人 幫你, 唔需要太多人又開又閂個櫃门交叉感染。 其餘主菜,海鮮拼盤,刺身和壽司都係另上。飲品有蘋果汁和橙汁。沙律bar 蔬菜新鮮嫩綠, 還有冷盤,凍肉, 芝士, 有三款醬汁, 來一個自由配搭~!👍中試燉湯, 茶樹菇排骨,夠足料滋補!另一款是西湯甘筍湯酸酸地, 配烤過嘅法包👍有兩款熱葷, 咕嚕骨唔錯。先嚟嘅係壽司, 其實冇得選擇之下我覺得份量好多, 有些款式也不是我平時吃喜歡吃的。刺身嘅帶子非常鮮甜厚肉! 三文魚刺身肥美!主角海鮮拼盤出場😍 陣容非常鼎盛。二人份量有一隻龍蝦,花蟹,翡翠螺 ,海蝦 ,六隻生蠔。生蠔唔算好肥美,不過食落爽脆,鮮甜! 龍蝦也有很多蟹膏但肉唔算甜。 花蟹肉質結實飽滿, 海蝦彈牙爽甜, 翡翠螺食落唔腥,肉又夠爽甜, 唔韌。 整體唔錯,抵食啦三百幾蚊嘅套餐有咁豐富嘅海鮮拼盤~!和海鮮拼盤搏鬥完,主菜來了。因為龍蝦意粉和香煎鱸魚 當日也沒有, 我哋揀咗《西班牙黑毛豬佩普羅斯旺雜繪》, 黑毛豬肉質 柔軟, 一啲都唔嚡, 有慢煮嘅效果~另一款主菜《 烤牛柳配新鮮薯蔬》。 七成熟牛柳 烤得啱啱好! 切開仍有肉汁,肉味好香濃 ,滲出淡淡嘅牛油香, 吃到差不多半飽也感覺 味道出色嘅牛柳!👍 還好份量真係唔算太多~ 需要留返少少空間 吃甜品。記得試佢啲焗麵包布甸, 好有蛋香又唔會太濕, 非常美味。蛋糕嘅款式唔算好多, 但都精緻美味。蜜桃奶凍, 木糠布甸,桂花大菜糕味道唔錯。再加這個 movenpick 士多啤梨雪葩~ 夠曬滿足了!餐廳環境優雅舒適, 疫症期間入座唔算太多人, 鬧市旺區中難得嘅寧靜。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-02
3729 瀏覽
Walter Bistro裝修浪漫,Tiffany Blue的牆身,配上酷似的雲朵玻璃燈,充滿少女心。Set Dinner semi-buffet現時優惠,第一位$398,第二位$218(雙數計),所以一家過來慶祝母親節。半自助晚餐可同時盡享海鮮盛宴,和美味主菜,令人食指大動。海鮮拼盤有時令的花蟹、龍蝦、彈牙的大蝦和海螺等,真是鮮味大集匯。蟹肉鮮甜,入口嫩滑。龍蝦肉質彈牙,內有艷紅蝦膏,充滿鮮甜香氣;大蝦晶瑩,口感爽彈。生蠔圓潤,質地白滑,帶輕柔海水味,十分誘人。還有炭燒生蠔,生蠔配上焦香煙肉,惹味吸引。除此之外,有日式刺身及壽司拼盤,帶子圓潤滑溜,著實不錯。熱葷區有:白酒煮蜆、椰香咖喱雞、炒雜菜及多款熱湯,很喜歡茶碗蒸,蝦肉鮮甜芳香,全都滲進蛋白中,啖啖香甜。姬松茸燉湯火候充足,每口盡是甘甜菇香,喝完有暖笠笠的感覺。 還有多款沙律配菜,結合成滋味頭盤。不得不提鵝肝多士,煎至外脆內軟,入口酥香,油分充沛,令人舔舔脷。Semi Buffet每位可選一份主菜,烤牛柳厚切、肥美,肉汁豐厚,香濃肉汁在口中回盪,配上一球綿密薯蓉,口感細膩吸引,是雙重美味。西班牙黑毛豬扒腍身,肉質嫰紅,豬仔骨邊沿位置焦香,肉香特別濃郁,愈食愈滋味,加上綿滑薯蓉,啖啖香嫩。甜品櫃裏包羅萬有:焦糖燉蛋、木糠布甸、baileys朱古力蛋糕、Tiramisu、桂花啫喱及藍莓芝士蛋糕等,真想把全部吃進肚子。焦糖燉蛋令人回味,香脆的焦糖衣,配上軟滑custard,香濃可口。藍莓芝士蛋糕清新消膩,洋溢乳酪香。最後食熱辣辣的麵包布甸,充滿牛奶雞蛋酥香,入口蓬鬆,滋味滿足。 繼續閱讀
(以上食評乃用戶個人意見 , 並不代表OpenRice之觀點。)