影片
更多
2019-04-22
272 瀏覽
🔎觀塘巧明街97號智選假日酒店1樓*「鬧市中的星級享受」- Walter Bistro早排見到有傳媒介紹呢間Walter Bistro，係法國米芝蓮一星餐廳香港分店嘅行政總廚所開，有返咁上下信心保證，同埋lunch價錢又唔算太貴（星期六每人$228加一），於是搵個比較悠閒嘅星期六一試究竟。 餐廳位於觀塘一間酒店一樓，地理位置都幾方便。我地去到嘅時候仲未開門，等左一陣，餐廳就好準時就喺12點鐘開門。一開門人唔算多，我哋兩個人，經理都俾咗張四人枱我哋。 餐廳地方都幾寬敞，好適合聚會傾計。 野食選擇方面，都同其他自助餐差不多，有湯飲類，冷盤及沙律，壽司，熱食，甜品等。湯飲類有中式湯，蕃茄湯，蘑菇湯等，由於本人實在不好湯，只係飲咗少少蕃茄湯，味道還可以。冷盤及沙律冷盤有蝦，芝士，火腿，橄欖，泰式青口，令我好驚喜嘅係仲有大隻螺！沙律方面有齊基本野，沙律菜，粟米，蕃茄仔，凍食pasta類，涼拌凍食青瓜，水果沙律等等。醬方面亦都有好多選擇，個人就最鍾意蛋黃醬同千島醬。 螺大隻而且肉都好鮮甜同爽口，蝦冇雪味同好爽口，相信都幾新鮮。壽司食自助餐，壽司刺身都係回本
*
「鬧市中的星級享受」- Walter Bistro
早排見到有傳媒介紹呢間Walter Bistro，係法國米芝蓮一星餐廳香港分店嘅行政總廚所開，有返咁上下信心保證，同埋lunch價錢又唔算太貴（星期六每人$228加一），於是搵個比較悠閒嘅星期六一試究竟。
餐廳位於觀塘一間酒店一樓，地理位置都幾方便。我地去到嘅時候仲未開門，等左一陣，餐廳就好準時就喺12點鐘開門。一開門人唔算多，我哋兩個人，經理都俾咗張四人枱我哋。
餐廳地方都幾寬敞，好適合聚會傾計。
野食選擇方面，都同其他自助餐差不多，有湯飲類，冷盤及沙律，壽司，熱食，甜品等。
湯飲類
有中式湯，蕃茄湯，蘑菇湯等，由於本人實在不好湯，只係飲咗少少蕃茄湯，味道還可以。
冷盤及沙律
冷盤有蝦，芝士，火腿，橄欖，泰式青口，令我好驚喜嘅係仲有大隻螺！沙律方面有齊基本野，沙律菜，粟米，蕃茄仔，凍食pasta類，涼拌凍食青瓜，水果沙律等等。醬方面亦都有好多選擇，個人就最鍾意蛋黃醬同千島醬。
螺大隻而且肉都好鮮甜同爽口，蝦冇雪味同好爽口，相信都幾新鮮。
壽司
食自助餐，壽司刺身都係回本之選。佢嘅壽司選擇都有好幾款，油甘魚，三文魚，吞拿魚，北寄貝，玉子等。北寄貝三文魚當然沒有專業壽司店好食，不過都合格以上。
值得一提嘅係，每次食完擺隻空碟出來時，侍應反應都好快，唔使一陣就幫我地收走隻碟。後來人愈來愈多，不過佢哋都有refill食物同補充餐具。
熱食
有原條蒸魚，咖哩鵝(?)，牛油蒜蓉青口，泰式豬頸肉及粉麵，菜等。條魚玉質唔會好鞋，都幾新鮮，早到嘅好處就係可以原條魚揀最滑部分食。泰式豬頸肉有埋個泰式醬，風味十足，不過個人覺得唔駛醬都可以。
另外都有即場切嘅烤肉，可以一試，個汁調得唔錯。
其實未試搵哂全部野已經好飽，如果都係覺得唔夠飽可以食炒粉或者炒麵，想健康啲，都可以食菜。
甜品
作為甜品控，其實食到一半已經去左拎甜品食！
甜品選擇都幾多，有造型特別嘅桂花糕，放喺一隻酒杯形狀嘅膠杯上面，仲有紅梅奶凍，朱古力抹茶慕絲，另外我都留意到有人狂夾彩色棉花糖，哈哈！
個人推介日式芝士蛋糕，真係非常出色，唔會好膩，食落亦都有綿綿嘅口感。
最令我驚喜係有麵包布甸！因為而家唔喺好多地方可以食到，而佢個麵包布甸份量都幾足，麵包結實同少少脆，隔離蘋果金寶就相對地一般般，如果喜歡食酸嘅都可以一試。
記住要行過去凍櫃度拎埋凍餅！綠茶tart，芒果卷，布朗尼，綠茶紅豆瑞士卷，提拉米蘇，芒果熱情果蛋糕，藍莓芝士蛋糕，伯爵茶朱古力慕思蛋糕……種類之多我真係收貨!
試咗幾件，味道中上。
食左兩轉之後再返去沙律吧，發現竟然有益力多，二話不說就拎左一樽低糖，感覺上無咁有罪疚感。食到差唔多都可以食埋菠蘿或者西瓜。
值得一讚嘅係，每位客人送一杯跟餐野飲，佢嘅飲管係用紙，夠曬環保！
🍽6/10
張貼
