Walter Bistro (智選假日酒店)

營業中

休息中

生日當天黎試食新開半自助餐， 環境不錯，每人可叫一份主食，由於想食牛扒，因此加錢叫了一份， 人齊就會每人上一份 湯，半隻龍蝦 同 x牛扒- 正，值得一試豬扒- 不錯，可以一試蠔- 應該不錯，我老公拎左幾次黎食（本人不食蠔其他海鮮類- 不錯甜品- 不錯，由於已經食飽，只食了幾樣（藍莓蛋糕，焦糖燉蛋，牛奶布甸，Movexxxxx）蟹- 不錯刺身&籌司：當晚很少人去拎，因此都無食到不好地方： 1） 餐牌沒有注明每人費用2） 限定每人一杯野飲3） 種類較少

今朝喺觀塘見完客，放鬆哂feel到非常肚餓，對面間酒店兩百幾蚊有lunch buffet，當慰勞下自己。坐低對住甜品區，幾精緻。沙律冷盤區，螺同蝦好甜。壽司款式唔多，不過都有三文魚同吞拿魚。甜品櫃，啲蛋糕好似幾好食。熱燻大約有十幾款。開動！先拎左啲冷盤，三文魚都幾大塊同幾新鮮，泰式青口辣辣地同幾爽口。即制意粉，要左茄汁幾香味道夠，隻蝦都好彈牙。燒牛肉夠生夠腍一啲都唔韌。咖哩雞好夠椰汁味，香得黎夠辣。蒸魚因為一路keep warm，所有有少少嚡，勝在有芫荽喺面味道搭救。甜品幾精緻，款式幾多，特別係麵包布甸，唔係好乾，外脆內軟。

Wandering on the street on a rainy day, we were discussing with our friends what to get for lunch. We saw a hotel and my frd remembered that there is a cafe bar or sth fancy up there. So we bumped into that randomly to see what to get. It was a tiny resto, good lighting and a squarely designed food bar. We were the lucky ones to hit up the lunch hour for buffet! Its only 2 sth i forget the exact price. Looking ard, what we got is, for seafood, snail, mussels and shrimps, which are sth unexpected

《Walter Bistro》#食在觀塘 #90sfoodieshare_觀塘📍觀塘巧明街97號智選假日酒店1樓-放假黎食返個lunch buffet先 觀塘Holiday Inn Express呢間都幾抵食 Weekend都只係$228/位種類應有嘅都有 例如沙律 壽司 前菜 Cheese Ham 炒粉麵 湯品 甜品 蛋糕 雖然每類嘅款式唔多 但lunch buffet黎講都幾足夠 每樣試小小已經好飽了。當日嘅main course係烤牛肉 中間會比較生d 但食落其實唔係好覺生 配埋黃芥末醬食個味道更加出色。另外泰式青口同燒春雞都幾好味 encore左一次，朋友就鐘意食ham都refill左次。每位包一杯飲品 我地嗌左咖啡同凍檸茶 味道唔錯。呢到環境幾舒服 staff都好nice 有機會可以試下dinner buffet。

公司係附近，知道呢間新酒店開左一間餐廳，可以食半自助晚餐，正價再用指定信用卡付款仲有8折，平時同我家姐都有去食自助晚餐，下次可以叫佢黎呢間試下，環境唔錯，坐得舒服又唔會迫！款式雖然唔多，但因為係半自助既，所以很不錯，而且當晚既指定主菜亦不會馬虎，加上仲有好多新鮮海鮮仼食唔嬲，單係生蠔就值回票價！生蠔好新鮮，入口有海水味，好多人喜歡加檸檬汁或其他調味，但我就喜歡不加仼何味道，較喜歡吃其原有鮮味我地2人都食左好多海鮮，好似青口，長腳蟹，龍蝦等等由於係半自助晚餐，每位會送一盅燉湯，一杯飲品及一個主菜飲品可以選擇蘋果汁也不錯燉湯係椰子雞，味道鮮甜，用料十足主菜我地揀左烤澳洲羊架伴新薯及新鮮時蔬羊架口感適中肉質不韌，味道好出，朋友表示很滿意另外一個主菜則選擇了西班牙黑毛豬排配薯蓉及法國玉豆由於黑毛豬食天然橡果長大，所以食用時不用煮至全熟，口感肉質非常細緻，脂肪充滿橡果香，軟嫩多汁帶甜，美味非常，比起其他的特別好吃另外仲有其他食物選擇，不過吃了個主菜都已經半飽，再吃點新鮮刺身也差不多最後當然少不了精緻蛋糕，款式多得目不暇給而且甜品好有特色，味道又不會太甜，我個人比較喜歡吃呢幾款，份量少少，可以多吃

朋友好鍾意試新嘢，知道觀塘呢間酒店新開張就話要去試buffet，夾左好耐終於夾到個星期六既lunch🙈呢度既lunch係全自助，晚餐係半自助～新開張果然係新開張，裝修比較摩登，仲好光猛舒適同闊落，兩個人俾左張四人檯👍👍首先食左沙律吧既野開下胃，麵包粒勁脆，蘋果沙律既蘋果好爽脆一啲都唔粉👏沙律吧旁邊有燒牛肉同壽司區🍣熟食有大約十款，魚都有兩款，其中一款似係松子魚，香脆有誠意，出面食都要幾舊水👍 lunch buffet竟然有薑蔥炒🦀，驚嘆 😮😮😮有個corner有即煮西式意粉類👍甜品好精緻，個桂花jelly好清香又唔會太甜，另外好似仲有個甜品櫃～呢個價位可以係星期六enjoy到一個環境令人放鬆服務令人欣賞既lunch buffet性價比好高👏👏

白色情人節，點都要同男朋友慶祝下既。今次我地選擇左呢間，門口偷偷地泊車，上到餐廳咁岩坐既位置可以望到部車。一坐底就有個餐牌俾你選擇一份主菜，如果想食和牛要加多100蚊。咁我同男朋友就選擇左一份羊架，一份黑毛豬，羊架仲可以選擇幾成熟，佢地見意５成，就５成啦。跟住就可以出去拎野食，款式都算多呀！海鮮已經有好多種，又蝦又長腳蟹又螺，連生蠔都有。蝦比較普通，長腳蟹勁鮮甜好似去左日本食個Ｄ咁樣！螺肉爽口，帶有小小海水味！生蠔無得頂，鮮味帶有甜甜地既蠔肉，開蠔手勢非常好，沒有半點蠔殼。相反刺身只有三款，三文魚，吞拿魚，帶子！但款式小小，味道一流，一定要食。好快我個主菜到啦，５成熟既羊架果然冇介紹錯！非常淋，無咩羊蘇味。跟住就到我男朋友份黑毛豬，豬味好重好香，啖啖肉汁走出黎。但我既重點放左係隔離既薯蓉，勁重奶味，又滑，真心想叫直接要一碗食食下突然黎左個龍蝦同湯，問職員先知原來每人會有半隻龍蝦同一盅椰子燉雞湯。職員仲好好人咁話我知晏Ｄ等book 枱既人到齊，如果仲有龍蝦就會拎出黎俾大家拎。咁緊係要快快手試左隻龍蝦先，龍蝦膏超多，龍蝦肉結實新鮮。椰子燉雞湯一開蓋已經聞到好重椰子香味，雞湯超濃。得一盅椰子

見到TVB揾食飯團做緊呢間buffet 廣告，心思思打電話來咨詢，打左一次冇人聽，岩想放棄揾第二間食，結果電話就call back我，對方態度好誠懇，詳細介紹左野食同價錢，最後仲多謝我咨詢，今時今日呢個服務態度我buy!于是即刻同佢book枱，食lunch buffet.價錢唔貴218加一服務費一位，仲平過平時旅行的酒店早餐。中午12點准時營業，我地去到時間比較早，仲可以影到野食完整的樣子。餐廳裝修高雅大方，感覺好舒服。熱食既中菜有蒸魚，三杯雞，豬蹄魯蛋，帶子西蘭花，炒米粉，等...而冷盤的有沙律，火腿，芝士，生果，青口，等星期一至五就供應西班牙黑毛豬，而星期六日系牛肉。一人包一杯餐飲。有甜品櫃，好多款蛋糕，賣相靚靚。仲有個柜可以現場煮意粉。有中西湯供應，壽司都有幾款。我地尋完個場就開始拎野，炒麵幾好味，不算油，魯水豬蹄同魯蛋夠入味。蒸魚食晒都加新得幾快。食完之後我地仲食左甜品，生果尢其喜歡一款小蛋糕，好有蛋味，口感好綿密，而且不會太甜.

酒店餐廳位於觀塘工業區內，好近APM。之前睇FB，成日POST 話BOOKING已經 FULL左，今晚黎到只有十台客左右。半自助晚餐，揀一個主菜，我地揀左和牛同意粉，都係要再加錢的。贈送一盅燉湯，燉湯SIZE 比較細，再加上湯料，其實只得幾啖飲。自助餐部分，有生蠔，正如圖片一樣，比較瘦削；有刺身，款式不多；有必定出現的沙律配料；幾款熱食；甜品有幾款，也有中式糖水，及哈根大師雪糕。埋單 2人discount左都要 OVER$1000，因為2個MAIN COURSE 都加左錢，不過應該唔會再黎幫襯，太少食物了。

今晚約左閨蜜傾心事，當然要搵間座得舒服又無用餐時限嘅餐廳啦。於是搵到這間新開酒店嘅餐廳食半自助餐，而且可以在openrice訂位好方便！好幸運地留左張窗口位嘅枱比我地餐廳環境不算太大，枱與枱之間都較為親密，我張椅背差少少就碰到隔離客人的椅背呢。價錢方面每人＄488，匯豐卡同中銀卡有85折優惠（侍應不會主動講要問先知），另要以正價加一。這個價錢包－盅燉湯，半隻龍蝦，六款主食任選其－（餐牌上有兩款主食另需加錢），半自助餐及－杯飲品！先講主食，我地點了:西班牙黑毛豬配薯蓉 - 黑毛豬厚切，份量不算多，不過都夠食。豬本身不是全熟，但肉質比較韌及痴牙半熟蛋配蟹肉菠菜 - 將蛋汁撈在黑松露上，味道份外匹配－啖啖蟹肉同菇，口感豐富，好味還有每人都有的 : 半隻龍蝦 - 賣相吸引！蝦膏同蝦肉都好飽滿，味道不錯蟲草花燉雞湯 - 打開蛊蓋第一眼看到的是湯面全是油，那－刻有點卻步閨密飲第一啖湯後，她說好好飲應該有落味精。哈，她對味精真係好敏感呀！半自助餐其實比平時自助餐款式少是理解的，但這間餐廳竟然有長腳蟹同生蠔食，真係估不到呢不過都要睇下質素如何先！半自助餐記憶中有 : 四款刺身 - 帶子（新鮮），三文魚

性價比非常低、本人覺得只值$200-250max壽司質素低、一看就知唔係高檔野、甜品又好一般、主菜自選還可以、但份量比較小、埋單呢個價錢真係大把選擇試一下之後冇下次啦！

新年過後，姊妹們的相聚時間又開始多咗，之前睇過一些飲食專刊有介紹到，想訂位都full咗，作為一個名符其實為食貓的朋友咁次終於有機會同我去睇真d，食好d。位於觀塘假日酒店裡面新開的Walter Bistro餐廳是行buffet模式，餐廳光線明亮，唔會給人好暗啞，裝修色彩好清新，裝潢設計好舒適，沒有酒店buffet的華麗風格，餐廳的style係平易近人的一種，褪去咗一種拘謹，給人一種放鬆心態，例如當你辛苦一天工作，搵一間餐廳食一餐好嘢，坐得舒服，放鬆一下心情，這裡最適合不過。 我和朋友仔訂咗晚飯，這裡晚飯係半buffet形式，主菜有幾款食物選擇，每人可以享用一份主菜，而頭盤，海鮮、壽司、salad、中式料理，甜品則是自助任食，岩嗮我哋可以咩都食d。雖然，這裡的buffet食物不是酒店那樣超級多款式，但應有的都有，個人覺得食物貴精不貴多，而且價錢都好抵。朋友仔喜歡食海鮮，一邊食一邊讚d嘢食新鮮好食，龍蝦，青口係佢個摯愛，特別係個主菜羊架，令佢成晚都好欣賞，羊肉好juice，好香但唔羶。而我最欣賞係當日有special oyster、龍蝦，蠔好鮮，好肥美，龍蝦好彈牙，鮮甜，當然唔少得飯後甜品，

今晚肥妹仔同咗肥家姐去咗觀塘工業區嘅一間新開嘅假日酒店入面試下去嗰個半自助餐，佢半自助餐嘅選擇入面都有好多，先講下冷盤，海鮮方便有生蠔，長腳蟹，皇帝蟹蝦等等，肉質都算鮮甜，唔會死鹹。生蠔嗰條隊就真係特別長，肥妹仔同肥家姐冇機會去試一試。另外佢嘅主菜方面都有好多選擇，有魚，有牛扒，有乳豬，有羊架。而我就揀咗個燒乳豬嚟試下。喺甜品方面呢佢都有好多唔同嘅選擇㗎，有cheesecake，有movenpick雪糕，有水果等等。熱盤方面就有紅酒繪牛，尾鹵水雞腳等，沙律方便就有好多唔同嘅新鮮沙律菜，湯嘅話就有分中湯同西湯。西湯係磨菇湯，好香濃嘅蘑菇味，中湯就係蘿蔔雞腳湯，非常足，料有啲似屋企煮嘅味道，總括嚟講呢間半自助餐係值得一試。

較早前看到雜誌報導這間高質的半自助餐，當然要帶同是生蠔愛好者的媽媽來到訪啦！一進去是tiffany blue色調的裝潢，𣊬間少女心爆發 哈哈！ 座位尚算很寬敞，而自助餐的位置正正在餐廳的中央，非常方便！Semi buffet，顧名思義要點一個主食後就能享用自助餐。在我們吃過一輪快速的自助冷盤後，侍應就為我們送上燉湯—花旗蔘瘦肉湯！燉湯非常足料，而花旗蔘的味道亦很濃郁呢！然後就是一人半隻開邊龍蝦！看到滿滿的蝦膏已經讓人垂涎欲滴了，龍蝦肉也非常彈牙呢！接著就是我們的主菜—烤澳洲羊架伴新薯及新鮮時蔬。因為怕生的關係，我們點了七成熟，想不出肉質仍然很鮮嫩多汁，生熟程度抵制的剛剛好。羊架充滿羊味，但絕對不會過羶，連平時不吃羊的我也覺得很不錯啊！而我選的就是這個香煎帶子伴野菌芝士黑松露醬意大利飯！從遠處就聞到陣陣黑松露香味，讓人食慾大增嘿嘿！兩顆帶子都非常大粒，微微煎香而內裡很鮮甜呢！ 意大利飯煮的濕潤，又足滿濃郁的芝士和黑松露！加入野菌和洋蔥絲增加口感之餘，還很惹味呢！吃過主菜後就再外出覓食了！ 首先是我們的重點 — 即開生蠔！生蠔超肥美鮮甜的，每人每次限取三隻，吃了三轉才收手 嘿嘿！ 而海鮮冷

打了幾日電話69000502想訂位，沒人接聽，飛左去留言信箱，但個留言信箱都爆滿了，不能留言！早午晚都無人聽電話的，甚麼個原因呀？電話號碼更改了？是否關門大吉了！28／1  12:30 親身上門 walk in，餐廳有開們，問有無位，sorry 已 fully booked。投訴下點解電話無人聽，又無得留言，接待小姐說因是手機號，太多電話了，無暇接聽和處理留言。若下次想訂位可使用 whatsapp 。 午餐 $218 +10%投訴下之后話 check check 是否有客過時沒到。 打了兩個電話後，有位了。食物總類不多，就中間一個長方形環枱放置全部食物。無魚生，只有 3，4 款壽司。有牛肉 carving，牛肉控最愛，任食。沙律  有 5 款吧熱食炸物   有 5 款吧中西湯，面包就只有方包炒粉面飯甜品就只有 5，6 款吧，者哩，moose ，和一些普通的蛋糕甜品控肯定失望 !