Walter Bistro (智選假日酒店)

營業中

休息中

觀塘呢區越嚟越多酒店開幕 尤其係政府想將觀塘打造成第二個核心商業區 所以呢間餐廳坐落嘅酒店都係叫做 九龍CBD2智選假日酒店 朋友介紹呢間嘅半自助午餐好抵食 呢個周末就嚟咗試一試👍🏻自助餐嘅部份都已經好吸引 壽司吧嘅種類真係好多 都算魚生幾新鮮嘅酸辣鳳爪就啱晒啲鍾意吮骨嘅朋友😼沙律吧一樣多姿多彩 個人偏好薯仔蛋沙律 可惜啲蛋好快就俾人夾晒秘製雞翼係有辣味嘅 特別係放喺底嘅就更加辣 上海粗炒就無人問津 我試咗一箸 上海味就冇乜 似韓國味多啲 因為有泡菜終於去到主食 第一個係紅燈籠椒磨菇忌廉意粉 個意粉真係好creamy 但係食咗咁多自助吧嘅野食之後真係會覺得有啲膩🙊口水雞配白飯 呢個中式嘅餸喺呢個餐廳嘅西式環境食好似有啲違和感 但係絕對唔影響佢嘅味道 佢嘅味道以麻味為主 辣味就喺後面出現 雞以雞胸為主 啖啖肉👍🏻菠蘿咕嚕大蝦 繼續都係中式小菜 但係友人實在太飽 食唔落一碗飯 於是店員問過廚房之後就特製咗呢啲蔬菜俾友人 咕嚕蝦球味道不過不失 冇咩特別最後出去甜品吧食甜品 有綠茶慕絲 朱古力brownie 仲有啲木槺布甸 藍莓布甸 焦糖布甸咁 甜品味道一般 最鍾意食木槺布甸🥰最後埋單都係四百

最近係apm附近開左間新既Holiday Inn 酒店，既然家就在附近，當然要帶屋企人去品嘗一下啦佢地既晚餐啦😀餐廳以半自助形式進行，價錢係HK$468/一位，我地可以係餐牌上六選一主菜，仲帶有每人龍蝦半隻、鵝肝多士及蟲草花🐔湯各一份外，頭盤、海鮮、沙律、熱食、甜品同埋雪糕係用自助形式架至於自助形式食物方面～海鮮類有即開即食既生蠔🤗🦐🦀🐚新鮮程度都幾好、肉身亮身，光滑、味道先鹹後甜😋味道鮮甜大部分刺身都幾新鮮，唯獨吞拿魚一般去到主菜方面，其實本身拎拎下自助bar既野食都飽左一半，再黎會有每一一份主菜，係6選一我地先要左份焗西西里鱈魚配白麵豉汁、青豆及小甘荀。呢個係令我地所有人都驚訝，外表進落其貌不揚，但食落鱈魚肉質不但好滑，而且冇腥味，甜甜地又唔鹹，不論係調味定魚既新鮮程度都十分出色👍🏻我地仲叫左牛柳，係屬於厚切類，非常啱我呢d牛魔王，軟腍腍的質感，肉汁保持得好好牛味香濃郁撲鼻，極之享受。（呢個係2人份）慢煮意大利豚肉配紫薯蓉有一陣好香既炭燒味，開頭諗住會好油膩，但食落入口即溶，配合埋紫薯蓉，香甜細滑👍🏻食到呢一刻，真係好飽了，但女人講既飽，去到甜品又有另一個胃既🤭Cream Brûl

今日同同事收工想食好啲，就搵佐依間半自助buffet試下🙆🏼‍♀️ .焗西西里鱈魚配白麵豉汁，小甘筍，青豆個魚整到好林又無骨，啖啖肉😚 起初以為鱈魚可能會一般，個汁類似忌廉咁勁match好creamy😍 完全係加晒分～ 絕對有驚喜🙆🏼‍♀️ 而且個底舖滿佐青豆，感覺好green好healthy😚.慢煮意大利豚肉配番薯蓉本來以為會偏油膩，但食落口又唔覺，反而有陣帶炭燒味既咬勁，豚肉味都好重，大概係慢煮既魅力(?) 仲有個紫蕃薯蓉好特別😍 好少可以食到紫薯蓉，比起普通薯蓉更加滑身同埋香甜🙆🏼.美國肉眼牛扒配炸薯條及甘荀青豆(二人用)餐廳好細心地將牛扒分成兩碟咁樣上，我地起初以為會係一碟share😳，而且份量都好充足。我地嗌佐5成熟，食落去岩岩好，完全唔un之餘仲好有炭燒過既牛味，不過個汁就略為鹹佐少少.主菜方面一共8款可以簡，每位仲會送半隻龍蝦同一盅燉湯👍🏻 自助方面，有刺身壽司、前菜醃肉火腿、餐包、沙律、凍肉、甜品、當然仲有必食既海鮮冷盤：生蠔、熟蝦、翡翠螺、潮州凍蟹。（生蠔即開好新鮮😍 翡翠螺好鮮甜有驚喜👍🏻 凍蟹都啖啖肉，後來冇晒仲轉佐龍蝦鉗🤤）.總結，餐廳裝修簡約，主要以大理石為主調，

慶祝媽媽生日一齊去食semi dinner buffet呢間新開酒店，第一次黎環境唔錯，自助餐時段由6至930每人可以自選一款主菜大部分唔駛加錢點左主菜後會送上一人一客燉湯同龍蝦半隻自取部分不算好吸引刺身少許，壽司無興趣凍海鮮有蝦，蟹，翡翠螺同即開法國生蠔不過好似只得一轉，無見佢refill沙律可以自製有3款芝士中西湯各一加蕃薯糖水甜品都無乜特別唯獨雪糕算有選擇有Movenpick, Haagen dazs, airy gelato主菜我地都試到大部分羊架係最好味嘅！鱈魚差，賣相完全唔靚魚肉好削，啲醬汁完全入唔到魚度龍蝦汁帶子扁意粉呢款又係差帶子無味，龍蝦汁都無味肉眼牛扒本來要2人share但經理見我地已經分勻晒，就特地幫我地安排一人份味道普通，但總算有少少燒烤味總結今次呢個semi dinner buffet係失望嘅自取食物不吸引主菜食物無水準下次唔會再黎

每次生日都要煩惱去邊度食飯，成班朋友通常都會揀自助餐，貪佢咩都有得食，可以滿足晒咁多唔同嘅朋友。今次就嚟咗呢間朋友介紹嘅酒店，位於觀塘，聽講又平又抵食，咁就一於黎試吓啦。原來呢度係半自助晚餐，即係首先叫一個主菜先，之後其他嘅食物全部都係任食。不過睇落佢其他食物嘅種類已經夠晒多，唔使叫呢個Main course都應該夠哂啦。坐低冇耐，侍應就放低左一人一隻龍蝦，同埋一碗燉湯。燉湯飲落非常足料，而且冇味精，酒店冷氣比較凍，飲碗燉湯真係好舒服啊。而隻龍蝦亦都好大隻，食落好新鮮，肉質鮮甜。我就最鍾意食刺身，呢度唔會限住一人得一兩塊，比較大方。最最最重要嘅係，佢嘅帶子超級大粒啊，平時其他自助餐通常只有細細粒嗰種帶子，呢種大細，平時出面都要差唔多$100粒，真係食多幾粒就回本，鍾意食帶子嘅人一定一定要嚟呢度啊。生蠔亦都係我嘅至愛，佢亦唔會吝嗇比得好少。而且有個師傅即叫即開，保證新鮮。生蠔夠晒大隻，而且好鮮甜。呢個就係我叫嘅主菜，焗西西里鱈魚，食落魚肉非常嫩滑，味道唔會好濃，感覺好健康。食自助餐甜品都好重要，呢度有兩大個甜品區，不過今日我就比較想食雪糕。見到雪糕方面都有兩種選擇，第一就係大家都鍾意嘅H

呢排公司搞完個大project緊係要慰勞下自己食番餐好，見到介紹觀塘開左間新酒店，近排推出左半自助晚餐，有海鮮有生蠔食都幾吸引。食自助餐最緊要真係個環境要舒服，張台唔會太細放多D野食，餐廳用左白綠色為主色成個感覺都好柔和，同埋個位幾闊落坐得幾舒服。一坐低已經每人都有龍蝦半隻同蟲草花雞湯，個湯都幾足料飲落幾濃味，入面有埋雞肉可以一齊食，龍蝦都幾大隻多肉，唔會太梅身可以接受。主菜揀左《燒羊扒配時蔬》，都有兩隻羊架，羊扒燒完之後都仲好嫩身，羶味唔算太出，另外都算係多肉配上油脂位都幾香。另一款叫左《焗西西里鱈魚》，魚肉係厚身同食落比較實淨，無咩魚腥味道，好特別咁配左白麵豉汁同埋有青豆蘿蔔。除左主菜之外，最正當然仲有任食生蠔，每日有愛爾蘭或者法國生蠔，每隻都幾肥美，其他海鮮都有長腳蟹、蟹鉗、螺、海蝦等等都幾多選擇。日式食品方面都有好多款刺身可以揀，好似三文魚、吞拿魚、八瓜魚、帆立貝，食左三文魚同帆立貝都幾新鮮，仲有冷豆腐可以食。冷盤都有沙律，有希臘沙律、蘋果沙律、薯仔沙律，有好味既車里茄同脆脆麵包粒食仲有幾款醬可以揀。另外凍肉盤都有幾款揀同埋有芝士蕃茄沙律。除左本身主菜之外都有幾款熱盤可以揀，有

鍾意食自助餐嘅朋友真係唔可以錯過觀塘呢一間米之蓮餐廳，下午同埋晚餐都有半自助餐可以提供，價錢都非常適中，食物嘅種類真係好多，睇到你花多眼亂。一入到嚟燈光好光猛，而且環境好舒服，多款嘅食物呈現眼前，令我真係好想把它們一次過拿回我的座位上。先食咗幾啖水果，我最鍾意食哈密瓜，零舍多汁好開胃。另外佢都有好多壽司可以選擇，刺身方面我就最鍾意食帶子，帶子真係好甜而且好厚身。最搞笑係竟然有豬腳薑食，大大粒蛋配埋薑，啲汁醬係煲到好入味架。每一個人進來可以叫一份主菜，在吃主菜前我們可以先喝一個燉湯，那是蟲草花湯，看得出燉了很久，湯渣非常多，而且藥材味非常出色。主菜方面我哋叫咗個西西里鱈魚配白麵豉汁，啲魚肉好白滑，份量亦都適中，肉質鮮明，還有不得不讚是那些配菜非常非常非常的可口！試想想配菜已經很高質，主菜更加毋庸置疑。最後還有甜品，款式多籮籮，還有大人小朋友也愛吃的雪糕，雪糕有三個品牌，全都齊集了，是時候吃一個雪糕放題了！

冇諗過喺觀塘可以食得到一間好想encore嘅自助餐，智選假日酒店位於旺中帶靜嘅觀塘鬧市之中，性價比十分高。裏面嘅嘢食非常多樣化，令人垂涎欲滴。唔講唔知呢間餐廳仲係法國米之蓮一星餐廳Briketenia香港分店嘅行政總廚所開設。喺呢度除咗可以搵到嚟自五湖四海新鮮嘅海鮮之外，仲有十級靚嘅肉類可以食得到。大廚仲同我地推介咗佢哋嘅斧頭扒，話今日好靚可惜我哋叫遲咗一步冇得試啦，斧頭扒要加$300。事不宜遲一開始想試幾樣Coldplate, 出邊有好多好選擇，包括一啲常見嘅凍肉、另外仲有啲沙律，有車厘茄同埋其他沙律菜。之後比我見到一個麵包機，有唔同類型嘅麵包可以自行親手放入麵包機度烘熱。行過去海鮮吧附近，令我最開心嘅事可以見到師傅幫我整即開即食嘅生蠔，細細隻好易入口，每碟有三隻我一共encore左三次！鮮甜美味，清新口感易入口。一家大細你就最開心啦！依家逢星期一至三，佢有八五折優惠，每人都唔使$500就食到正野。

行到邊食到邊～觀塘-慶祝友人生日，我們來到觀塘新開Holiday Inn Express 的Walter Bistro 吃半自助晚餐☺️-HK$468/位，每人在餐牌上六選一主菜還有每人龍蝦半隻、鵝肝多士及蟲草花🐔湯各一份外，頭盤、海鮮、沙律、熱薰、甜品及雪糕是自助形式🥰-主菜：燒羊架及焗時蔬～羊架7成熟，肉質剛剛軟熟不韌，肥膩不太多👍🏻時蔬方面有牛油味的BB甘筍、西蘭花及薯條。-另一款焗西西里鱈魚配白麵豉汁、青豆及小甘荀。鱈魚肉質好滑，冇腥味，甜甜地又唔鹹🤤。-每人龍蝦半隻～好多膏、鮮味十足🤩鵝肝多士～口感細膩及香甜、多士剛好吸🈵️鵝肝的油份、蟲草花🐔湯不過不失；-至於自助形式的食物方面～海鮮類即開即食的生蠔新鮮程度爆燈、肉身亮身，光滑、味道先鹹後甜😋 但是其他海鮮的蝦、蟹、龍蝦鉗及刺身新鮮程度👌🏻☺️-冷盤～沙律、冷肉不過不失；巴馬火腿有太乾冇油份🤦🏼‍♀️-熱薰方面款式不太多又不是太特別；但有淥粉麵區-湯～蘑菇湯新鮮蘑🍄打醉而成，好濃🍄味但是忌廉味不夠。至於中湯是蓮藕湯就是淡茂茂，蓮藕質地唔夠粉-甜品雪糕~最好食係拿破崙同creme brulee。拿破崙的酥皮灑上糖粉來焗，出來效果夠鬆脆

今晚同朋友去左食，半自助餐🤔朋友話環境不錯，重要無觀塘，重要係酒店，立即問我，呀如果同事聚會係依到攪都唔錯喎！跟注我地就問職員，聽左所需資訊嗱。講重點嗱😍先來三個免費前菜《蟲草花湯》：個湯好飲又夠熱《法式鵝肝多士》：不錯，鵝肝漿同多士好脆《凍龍蝦》：二個字，新鮮🤤食主茶嗱朋友叫左羊架：嘩，叫左半熟煎得好靚，肉質同口感不錯我叫左魚：😍好好食，忍唔注食曬🤤冷盤生豪：嘩即開，好新鮮乾淨同肉質鮮甜有點爽，正呀！蝦：爽，蟹：一般，螺：新鮮，蟹鉗：超正好好食凍火腿，臭臭芝士：朋友話好食呀壽司……😑😑😑😑講完刺身……😑😑😑😑講完湯蘑菇湯：好好飲呀，又滑又濃熱食豉油雞，好食肉質又滑牛尾，好食到不得了，想叫個白飯來食🤣菜，都好爽新鮮，唔會好似出面禁淋曬咖哩雞：薯仔好食，雞就……😅甜品番薯糖水：😍舊番薯好好水，個薑汁糖水都好好食（再熱一點重正）桂花糕杯：清甜仲有淡淡桂花香味木糠布丁：好滑好味呀 柚子桂花杯：成口都係柚子味，好清新呀拿破崙：好好食黑色盒本地製作嘅意大利青蘋果雪糕：好好食呀#餐廳冷氣好勁，坐坐下去左雪房禁，敬請自備外套（餐廳，無披肩提供架）🤣今餐每樣食一啖都飽到不行了。

呢間米芝蓮大廚餐廳真係名不虛傳，尋日同朋友嚟試，非常滿意。佢嘅生蠔真係冇得彈，有專人即場在你拿取時候， 一隻一隻才打開，滋味到不得了，濃郁海水香味， 鮮甜至極，還要是任食唔嬲。另外還有多款新鮮海鮮源源不絕提供，波士頓龍蝦都好出色，同是高質食材，還有阿拉斯加長腳蟹，大大隻澳洲青口等等。一入座餐廳已經貼身地奉上蟲草花燉雞湯，中式燉湯很多人都會喜歡，雖然係西餐廳模式，但中式燉湯都好耍家。還可以有六款主菜選擇， 我哋點選了牛柳，厚切的，非常啱我心水，當你輕輕切開，軟綿綿的質感已經吸引，看著肉汁源源不絕流出，增加食慾大振，軟腍腍口感，肉汁甜蜜蜜，牛香濃郁撲鼻，真係妙絕，極之享受。最後梗係食甜品啦，多款甜品提供，尤其係佢個藍莓芝士餅，酒店大廚嘅手藝不凡，其他款式都不遑多讓，非常出色。日後我都會跟朋友前來再品嚐一下。

早前朋友介紹係觀塘一間新開酒店裏面，一間米芝蓮食半自助餐廳，環境靚不在話下，招呼周到，食材高質，你可以選擇先食主菜往後提取其他自助餐 食物，或先提取食物都可以。我們入座後，侍應不久變奉上一盅蟲草花燉雞湯， 半隻龍蝦，燉湯材料非常豐足，濃甜蜜味，滋陰補腎。大大隻龍蝦肉質豐富，鮮甜味足。主菜我哋點了香煎法國鯛魚配蘆筍及忌廉芝士粟米蓉，鯛魚鮮嫩甜美，大廚控制火路恰到好處，優質食材配上大師手作真係絕配，就連配菜都做得咁出色。另一款主菜係香煎帶子配南瓜蓉及茴香沙律，King size帶子，肥嘟嘟，圓碌碌，鮮甜多汁，餐廳對食材絕不吝嗇，配搭茴香沙律，味道出眾特別清香，別有一番風味。其後我哋就走去自取食物，有兩款生蠔全是精品，有專人即席在你面前開啟，一打開蠔殼，閃令令肉質頓時在你面前出現，你會口水流流，當你開始品嚐時，肉質鮮甜嫩滑 無比，滿滿海水氣味直撲鼻蕾，蠔汁頓時充斥你的口腔，我哋都唔知排咗幾多輪，食不停口。還有其他海鮮，都不遑多讓，大大隻鮮蝦、阿拉斯加長腳蟹、澳洲青口等等。刺身都好出色，三文魚、帶子、吞拿魚等等，新鮮不在話下，質素極高。最後到食甜品的時候，真係目不暇給，米芝蓮酒店嘅甜品當然出色

同姊妹慶祝生日決定一試公司附近新開的酒店，本身屋企附近有同一集團的酒店，但睇到觀塘分店是做半自助形式，所以打算一試。當晚我同囡囡先到，餐廳地方不算大，人亦不算擠迫，有空間感。Waitress姐姐好好幫我安排BB櫈及餐具。朋友到達，決定點了香煎帶子，法國鴨胸，T字骨為今晚主菜。每人會指定有半邊龍蝦及一碗燉湯。龍蝦多膏鮮甜，好味燉湯略嫌多油，畢竟係雞湯，所以會油多。自助任食分別有幾款沙律芝士set & 餅冷盤有蟹腳，翡翠螺，青口凍肉拼盤，有Parma Ham&蜜瓜即開生蠔，好鮮甜及乾淨，淨係加檸檬汁已經好好味刺身有生文魚，帶子，吞拿魚，八爪魚等等壽司即煮烏冬，岩哂帶小朋友既媽媽們熱盤值得推介既有田螺薯蓉甜品，有不同款式蛋糕切餅，杯裝果凍，最值得推介有焦糖燉蛋小事發生，廚房漏了我們的T骨主菜單，最終幫我們改為2份牛柳，並主動提供全單8折。牛柳好juicy,好味Waitress 服務好好，態度好好，食物高水準，值得再來

👭Walter Bistro(觀塘)👭晚市半自助餐 成人 $444.6可能你會覺得點解個價錢咁奇怪既，唔係整數呢🤔原因係經openrice訂位/埋單時用中銀或匯豐信用卡就有85折優惠😝所以折實左就係$444.6一位啦。38去食既日子係星期3，其他日子既價錢唔知會唔會唔同，詳情問返酒店啦😌老實講，呢間酒店食物款式數量唔算好多，但勝在質素唔差🤪。價錢包每人一份main course、一件鵝肝多士、半隻龍蝦、一盅燉湯、一杯餐茶同任食自取bar食物。任食方面有愛爾蘭石蠔、長腳蟹、龍蝦腳、青口等凍海鮮，仲有刺身、壽司、芝士、ham等，可能因為有main course，自取既熱盤就比較少，另外有salad bar，超過十款既蛋糕/甜品，而且仲有杯裝haagen dazs同movenpick雪糕。❣首先同大家講下main course，我地叫左T骨(2人份)，燒春雞同煎鯛魚。T骨肉味濃而且有少少筋，啲薯條係新鮮即炸好好味(錯重點😂)，燒春雞同鯛魚就普通，肉質唔嫩滑，所以38推薦T骨👍🏾❣餐廳送既燉湯味道唔算濃，38反而鍾意自取任飲既磨菇湯😍真係好濃菇味又好creamy, 食生冷野前必飲幫個肚打底😏❣

Weekend當然要chill下啦！今次嚟咗觀塘智選假日酒店食lunch buffet。餐廳好光猛採光唔錯，以好舒服嘅湖水綠色做主色，配合埋波波燈，簡單而舒服。自助餐食物區唔算大，食物款式亦唔算多，但每款味道都唔錯。午市自助餐冇刺身供應，但係有多款壽司選擇，質素同味道都OK。湯品亦有中式西式選擇，仲有水蟹粥tim。熱盤方面有蘿蔔牛腩，金銀蛋莧菜，紅酒燴牛尾，清蒸魚，炒米粉，雜錦炒飯，每款味道都唔錯，比較特別係自助餐竟然有新鮮蒸魚食，真係估唔到。甜品選擇雖然冇正統自助餐咁多，但係都有10款左右。幾款慕絲蛋糕都整得幾好食。以自助餐食物質素黎講整體都唔錯，雖然款式唔算多，但係每款質素都屬於中上。