鮮入圍煮 (已搬遷) 新店位置

打邊爐最重要就是湯底期待已久的花膠雞湯，果然沒有令我失望。一行八人點了全隻雞，每人都有二至三碗湯飲！雞湯十分濃郁且不飲完口渴。手切肥牛是打邊爐不可或缺的元素略嫌有點老但牛味十足聖子花甲亦非常新鮮，而且價錢亦是「百姓價」，值得一試。唯一挑剔的是環境太逼，坐得不太舒服。

無諗過「「街市」左，食肆右」嘅概念可以搬去cafe林立嘅大厦內擺檔，喺位order完野食後，果邊「街市」阿叔就即刻忙住切牛肉，拎海鮮！配埋舊式嘅大排檔格局，難怪開店以來一直深受街坊嘅棒場。打邊爐最重要係個湯底，好多人都點濃厚原隻雞煲花膠湯，真係原隻雞上，侍應仲幫手剪開雞件，真細心。雞件好滑，吸晒濃湯味，仲煲到腍咗，不過無爛。而湯係好濃嘅花膠味，忍唔住打邊爐前飲一飲碗湯補一補，一啲都唔肥膩，亦唔會飲完感覺好膠質而滯咗。至於另一主角花膠呢，份量都幾多吓，一次撈起都有兩三片，膠質唔重，都無腥味，勝在夠大塊又薄，食多幾片都唔會覺得滯。至於揀料方面都係隨心啦，大部分邊爐料都有得揀，傳統新穎嘅都有。重點推介芝士流心牛丸，無諗過會咁好食。本身係芝士粉絲，見到芝士都會點。通常食親有芝士嘅配搭都會話佢搶晒味，不過呢粒牛丸反而牛味特濃，芝士終於可以做返稱職嘅配角。半溶嘅狀態，有好香嘅芝士味！大愛！打邊爐又點少得食牛肉呢，呢度款式都算多，大多數人都點安格斯牛肉，一大盤冰鎮牛肉上枱，鮮紅色嘅牛肉感覺新鮮，同埋切得唔太厚，焯一焯好快食得。肉感較紮實，牛味係有嘅，但唔夠牛丸勁，同無肥膩感。食到咁上下啲冰開始溶，店

食火鍋咩野最緊要? 湯底? 用料新鮮?通通都係!湯底靚好簡單啦, 花啲心思就做到至於用料新鮮, 咪加個魚缸掂晒囉仲係唔夠? 嫌啲肉唔夠新鮮!?比埋張肉枱你好無!! 下...你認真架...唔係掛, 真係有張肉枱即刻切肥牛比你睇!你係得既!湯底係特濃既花膠雞湯足料度極高,湯底唔算太膠太黏口但極為鮮甜濃郁花甲王size唔算好大肉質軟滑鮮甜有一兩隻有少量沙蟶子王亦係推介之作鮮甜唔在講厚肉又夠大隻, 煮完都無太縮水咁大張肉枱喺度, 無理由唔點手切肥牛厚薄適中, 有肉味至於有無新鮮左好多? 其實分別不大魚蛋皮既小籠包, 非常特色外皮結實防止漏汁食落有少少似小籠包, 但又有種莫明奇秒既感覺都值得一試既無論價錢同食物質素都非常好, 尤其係個湯底更係一絕, 唔飲湯真係嘥料如果食餐飯咁就OK既不過要坐得舒服就難啲, 始終呢度係限時, 而且坐位亦唔見得特別舒適

最近每次講起打邊爐，必定有人會講起"鮮入圍煮" 的"原隻雞煲花膠湯底" ， 試過的朋友必定大力推薦，食評網的食評更大讚。一直心癢癢想試的我今日終於品嚐到"原隻雞煲花膠湯底"的威力，心裏喑叫: 果然絕非浪得虛名! 聽朋友建議，一早訂左枱，並且訂定花膠雞湯底，萬無一失。 當日7點入場，已經人頭湧湧差吾多爆場，好彩一早訂左枱！店內佈置似舊式大排檔風格，配上店內熱鬧的氣氛，雖然無舒適的環境(仲有d擠迫)，但別有一翻風味。環顧四周發現大部份食客都叫雞煲花膠湯底，令我更加急不及待想試。坐底後趕急點菜，連菜紙計埋湯底紙共有5張，全部分門別類， 十分清晰，而且選擇眾多，更有不少特色菜。但今次只有我同老婆仔二人橕枱腳，所以只點了幾款。濃厚原隻雞煲花膠湯底 $238(細)期待已久的花膠雞湯終於出場，一上枱已經飄出濃厚的雞湯香味， 煲內除了黃色的雞湯，更有大量花膠及半隻雞(估計是細煲的關係)。職員提示可以先品嚐雞湯，之後會補充雞湯作打邊爐之用。美味的湯汁除了濃郁的雞味，仲有少少濃稠的感覺，應該是大量花膠的骨膠原關係吧~~~ (呢個根本就係老火靚湯吧！)雞肉經過長時間煲煮後已經十分林，但肉質又吾會因此變得好"

見D人成日講到好好味，咪黎試下羅，又要等位，又有限時，唔緊要啦都系為左試正野。先黎個主打花膠雞湯底，湯底雖甜，但帶有味噌，雞肉比較老身，雞味不重，花膠都有7-8隻小片仔，湯底算清，不油膩。火鍋當然唔少得肥牛，肥牛一般，牛味不重，咬落口會痴牙。生菜，雜菇新鮮，上台都乾淨企理。

一般人認為煲湯煮湯不帶太多技術含量，簡單不過，不是凍水下湯料，便是沸水下料，把湯料通通丟進湯煲中，老火湯煲數小時，滾湯10多20分鐘便可，這是一般人對湯的認知，今天要識介紹一個近乎神級演繹的湯給大家，請看看下圖的一窩湯多誘人！濃厚原隻花膠煲雞湯 HK$238 小窩據店家透露，煮這湯並非把湯料通通拋進窩內那麼簡單，要先把雞煎至金黃色，然後拿去煮湯，出了一第一重味後，撈起雞再煎，再煮湯，雞重覆煎煮共6遍，雞的黃油會被煎出，皮肉還會被煮致稀爛，濃濃帶黃油的雞湯底最終完成。他們每天以60隻雞𤉶製這窩濃湯，做法這湯跟市面上濃湯雞煲翅的翅湯大同小異。説了那麼多，其實這湯還沒有完成，用濃湯把發好的花膠公煮致焾身後上桌，上桌後再放進半隻預先蒸熟的鹹雞，這窩花膠雞湯便大功告成！花膠數量甚多，我們吃的一窩有十多片上圖體積的花膠。備註 : 用花膠公的原因是公耐火，久煮而不會溶化。湯在端到我們跟前後，放入已蒸熟的半隻雞後煮滾，然後侍應把雞剪開，並向我們説 : 『我地建議客人先飲湯，食花膠食雞，最後再加翻啲湯打邊爐，咁就飲倒個湯嘅原有鮮味。』小弟當然遵命！湯味道鮮濃，口感香滑帶稠。從未在吃火窩的餐館喝過這樣濃甜

因為有人生日，特地book枱來吃。2個人，一坐底點點了招牌花膠雞湯。湯很甜和濃郁，入面有不下10塊花膠。圖中是餃子魚蛋(不記得確實的名字)，好得意，表面上是小龍包，但實際上是有料的魚蛋!創意滿分!!!!魚蛋頗彈牙!翡翠帶子餃味道鮮甜，大隻同多料，食完都幾飽!辣牛丸就係市面上賣果啲，相對地比較普通。坐位都闊，坐得幾舒服，但去前一定要訂左位先，因為啲booking都好full。成餐都好滿足! 好足料

平時打邊爐，都係酒樓食 ，有沒有想過自己係大排當個種feel嘅環境食呢！最緊要係有超強嘅冷氣！食物質素又正！又係人流最旺嘅地方呢！向佐敦方向女人街尾一出轉右嘅登打士廣場就有間打邊爐超好味道嘅店舖「鮮入圍煮」上到去時真的以為自己身在街市內，就連廚房，賣海鮮位置亦好似係街市賣肉，賣魚嘅感覺！裝修真的特別！醬料每位10本身雙蒜皇嘅我最穩陳當然係炸香蒜，加生蒜啦！話明打邊爐，湯底就好重要，選了人氣推介濃厚原隻雞煲花膠湯$238（細）一上枱，已經看見一個超級濃郁奶白嘅湯，重有半隻雞沉在湯內，店員為我們將隻雞用剪刀分開，但估唔到個湯底本身可以咁鮮甜，加埋大大塊花膠，較晒口感！雞肉嫩滑，本身想點菜，但一時忘了下單就是為了碗湯！又濃又滑，材料十足！件數真的可以令你吃得飽了三四成！當然本身目的除了個個湯外，重有佢嘅打邊爐嘅菜餚！當然有最愛嘅西班牙午餐肉 $78肉質軟滑，加埋甜美嘅花膠湯，拖一拖即可入口！即包花膠蟹粉蝦餃皇$28大大隻，皮薄，滾在湯中，即時透現出大大集蝦嘅蹤影！入口彈牙爽口，味道鮮甜！手切牛肋骨肉$188一片片放在冰盆上，賣相已經吸引，拖水即吃，肉質嫩滑炸響鈴$48浸湯吃一流，拖水即吃亦非

朋友移民荷蘭多年今年暑假返香港探朋友講到明一定要打邊爐旺角交通四方八達佢住邊間酒店來回都好方便特別為佢揀咗「鮮入圍煮」一個以街市的海鮮檔裝修為賣點很地踎的佈置牆上貼滿不同的海報大家即刻"那些年"街市放lunch的時光成日聽同事們講呢間好好食喜歡即興的我們經常book 唔到位今次終於的起心肝~~提早訂位我們仨一向都鐘意打邊爐就算係夏天都 唔緊要總之開住大冷氣一起圍著烚下烚下咁咁先至傾到計同事們話一定要試花膠雞湯底原隻鮮雞燉花膠湯(細) 238金黃色起哂膠的湯底~~~好鮮好足料店員主動幫忙把雞撈起再剪開一件件連雞皮的雞件特別香滑大家只是望著都已經覺得超值原隻鮮雞上~~~花膠又厚花膠數量好多一大煲花膠飲雞湯之餘仲吃到煙韌的花膠跟雞湯的味道十分 match先嚐嚐一口雞湯有別於一般火鍋湯底鮮雞燉花膠特別足料味道係超級濃郁refill 都是雞湯真材實料「鮮入圍煮」有大魚缸客人可即時選多款海鮮跟手便可以馬上處理食材即時上枱打邊爐 裝修到好似成個街市咁坐正海鮮檔旁邊見到都幾多外國人即場揀靚 seafood 黎試新野食個 Chinese 正火鍋西班牙午餐肉 78挺貴價的午餐肉果然跟普通午餐肉完全不同口感

打邊爐唔同平時食飯，有人serve好曬，打邊爐係你想食幾多就煮幾多， 可以熱上即食。取決好唔好味，係個湯底同d食材新鮮與否，通常係酒樓都有調味料，但其實湯底好同食物新鮮係唔洗用調味料。雖然呢間都有調味料，但我覺得唔洗點用。之前成日都食大x口，因為佢d食材唔錯又抵食，但湯底無咩選擇，食材都係不時屋企食果d, 方便係唔洗自己搞，但今日食呢間真係好堅，自己整唔到先講過湯底，係原隻雞煲花膠湯，我媽都煲唔到，一上湯底都真係呆一呆。好香既雞湯味，到阿姐幫我地剪隻雞果陣真係覺得太有誠意，仲有n 件花膠難怪比平時湯底貴一陪，佢俾多唔止一陪嘢你，個湯真係好濃好甜好正，仲有得refill, 濟飲湯都好抵，平過茶樓d老火湯。我地人少少，餐牌選擇已經好多，就無再叫海鮮。呢間以街巿型象做主題既火鍋店，係賣新鮮同特式，我就跟牆上既雜誌叫左個手切安格斯牛肉真係成座山咁高，第一次打邊爐食咁厚既牛肉，睇d牛肉紋理就覺得好正，煮一煮，一變曬色即上，唔洗調味料好好味，一d都唔韌，仲好有咬口同牛肉味。連食幾塊唔停。叫左個豆苗平衡下咁多肉呢個豆苗真係好新鮮，落係個雞湯到煮真係perfect.貪新鮮，叫左個原粒帶子水餃真係勁大粒

炎炎夏日，但都會忽發奇想，想打番邊爐。不過呢一間就唔可以突然想食，係朋友一早訂。BOOK到夜晚9點鐘食，去到就見門庭若市，即刻跑去收銀位話BOOK左，都要等一陣，見到有4個人walk-in都無位，唔通真係好好食。。。裝修就真係好有街巿FEEL用埋照雞蛋用既燈，HAHA，真係好耐都未見過啦，80年代FEEL出曬黎見到有一枱叫左d水餃好大粒，肉都好fresh咁，開始都肚餓。。。等左2x分鐘，終於有位即叫左個台台都有叫既濃厚原隻雞煲花膠湯，一上台真係好香，仲勁過媽子煲果d阿姐仲幫我地剪件，真係成隻雞，仲有n件花膠，一滾就急不及待要試下啖湯，真係超甜未食嘢先飲兩碗，再食件雞脾同花膠先之後REFILL既都係花膠湯，唔係清湯，所以飲多幾碗湯底都唔會淡架。咁奢侈既湯底我真係第一次，通常都係豆腐，芝士湯底果D，越食越淡，呢個係唔會，同埋覺得好健康咁。出面叫一個呢D湯起碼要5X蚊，所以一人飲兩碗就翻本叫左個手切安格斯牛肉，一上就覺得好震撼，一座山咁上，落個爐到滾一滾，一變色就上，真係好好味，安格斯係唔同D，唔洗點調味料都咁好食。食落去一D都唔肥，仲好有牛肉味，比平時既酒樓打邊爐正好多。手切既SIZE剛剛

呢間想試好耐,因為佢裝修到好似街市咁,有肉枱有魚檔,超攪笑！而佢個招牌原隻鮮雞燉花膠湯亦係吸引我黎既原因之一！入到去咩都唔好理,叫咗個原隻鮮雞燉花膠湯先,好快湯就到咗,煲返滾就可以飲,淨係睇個湯既顏色就知落足料,飲一啖,真係不得了,非常香濃而鮮甜既花膠味,雞味都唔輸蝕,真係飲緊老火湯咁吖！用呢個湯黎打邊爐就真係浪費咗d,所以係打邊爐之前飲得幾多就幾多喇喂~飲完湯其都飽咗一半,所以今日主打食海鮮同丸類！見到佢個海鮮檔,出去望下有乜好嘢先！大蟶子都係$38一隻,大花甲$48一份,真係超抵吖！落完單返埋位就等佢送黎枱面,兩樣都非常之新鮮鮮甜,大蟶子好厚肉,大花甲開咗之後個肉都無乜點縮水,keep住好大粒,而且一份有成廿隻左右,超抵食！叫咗個小龍包魚蛋,好攪笑,賣相亦相當精緻,個皮係魚蛋,入面係小龍包既料,味道不俗,有趣度十足！另外叫咗鮮淮山同埋娃娃菜！掛住食忘記映相

一班人聚會，飲酒暢談，最好既地方當然係打邊爐，友人推介鮮入圍煮，於是就黎試下。入到黎叫哂野食坐低等，好快就俾花膠雞湯底吸引左，未飲已經聞到非常香既氣味!花膠湯味道香濃，雞味亦散發在湯中，非常足料，原隻雞放左入去煲，第一輪未開始食餸前足夠10個人每人飲2-3碗湯，非常惹味。打邊爐當然唔小得食肥牛，安格斯牛肉同牛肋骨亦係物超所值之選，配合湯底，牛肉既有口感亦非常入味。另外亦叫了響鈴，魚皮，娃娃菜，生菜，蘿蔔，玉米，肉丸等等，每一樣配料都非常新鮮，絕對唔需要擔心有變壞問題。環境方面，雖然位置係大廈入面，但內裡環境感覺似大排檔同街市既混合體，大排檔式既枱凳，配合旁邊街市式擺放各種海鮮任君選擇，非常有地道特式，唯獨未必個個人習慣呢種環境。價錢方面，10個人食，飲左2支啤酒，平均每人$287，相當抵食!

「鮮入圍煮」一個以街市的海鮮檔裝修為賣點，很地踎的佈置，牆上貼滿不同的海報。店舖有很多款海鮮及不同別類海鮮在魚缸裏，客人即時選了食材，便馬上處理即時上枱 。配料選擇十分多，分別有肉類、海鮮﹑雜類﹑丸類﹑麵食、蔬菜等，應有盡有，而湯底亦有十多款的選擇！細花膠雞煲(2-4人份量) $238用了半隻雞和花膠做湯底。盛了一碗湯喝，雞湯非常濃郁，花膠都算厚身， 真材實料很膠口!!!骨膠原食落肚一樣。每啖湯都吸收了材枓的精華，味道十分濃郁，亦有花膠的黏稠的口感。帶子雲吞($48/4粒)外皮做得非常薄，材料十足。帶子碎及豬肉，味道很夾，而且調味做得不錯。蟶子皇($38/隻)新鮮又大隻的蟶子皇，肉質爽口加上骨膠原湯的精華，更香甜鮮味。大隻超厚肉非常鮮 !小籠包魚蛋($28/4粒)「鮮入圍煮」丸類都幾的有趣! 每一客四粒的小籠包魚蛋，賣相似小籠包,但用魚蛋皮做外層，濃郁肉餡入口幾彈牙!整體而言，好像在有冷氣的大排檔食火鍋，用料新鮮，真材實料從的花膠湯底價錢合理又氣氛熱鬧! 

😡😡😡😡😡😡😡😡😡😡😡其實一餐飯要食到每5分鐘就俾人趕走一次....就算係幾好食, 都吃不下嚥⋯⋯更何況根本冇想像中咁好食，你要靚嘅花膠雞湯底九龍城好多打邊爐都有，佢啲食材OK，但不至於好吃到要非去不可囉⋯⋯事原小弟返香港同朋友聚舊，book左張枱6:45，寫明兩個鐘還枱。雖然兩個鐘打邊爐係好趕，不過見open rice 啲食評講到咁好食咁都去試下啦～我地最終七點到，個阿姐已經即該提我地'八點半交枱'。八點半？點解八點半？個阿姐不停重複你地遲左，計book枱時間起。我知，我就係book六點九咁兩個鐘唔係八點九咩？個阿姐當耳邊風只係不停重複八點半八點半～ 算！叫到一枱野：花膠雞煲-其實太誇張，一睇就知係次花膠。九龍城火鍋頭堅好食好多！黑柏葉-好似擺過夜咁，一啲唔新鮮豬腰-真係一絕！未見過有人超厚切豬腰！牛肉豬肉-一般，不過不失午餐肉-懶型用西班牙黑毛豬午餐肉一份$78，但梅林牌好食好多～脆鯇-係咪應該起清啲骨？超多骨海鮮-七點半有不少海鮮已經賣完，蟶子唔夠大隻，芒蜆唔夠肥，食海鮮都係推介'高流灣'！最好食係皇帝菜啦，最正常，菜有菜味👍🏻😂野食唔再講（根本冇特別好講）不過都食到一肚氣！七點