鮮入圍煮 (已搬遷) 新店位置

店舖以街市為背景做裝修，有舊式街邊打邊爐風味，旁邊有個海鮮檔口，可以即點即滾即食先說湯底我們點的是原隻鮮雞湯底，面頭有一層厚厚黃色雞油，雖然很不健康，但說真的一啖雞湯就好似有一百係雞係咀度，真係想唱”雞，全部都係雞” 大蜆大蜆比五元還要大隻，係現場即點即上枱，大蜆非常新鮮，還會活生生噴水，原隻筒蠔一筒有五隻, 肉厚多汁, 筒蠔對比生蠔雖然無咁新鮮，但打邊爐食法，筒蠔可以吸收雞湯精華，咬一口蠔汁加雞湯混合一齊，簡直一絕本地牛肉比起美國肥牛，本人更喜愛食手切肥牛，手切牛肉雖然脂肪比較少，但咬落有勁，有濃濃既牛肉汁，滾一滾，大概七至八成熟，放入口仲有少少生嫩既口感

好友話終於book到呢間邊爐，今晚可以帶我地去見識下！呢間火鍋店位於旺角登打士廣場，喺油麻地站A2出口出行7-8分鐘就到啦，因為呢個廣場有好多食肆，樓下等lift嘅人龍好長，如果唔想等，建議行2層樓梯上去好啲！因為我遲到，好友已經揸主意order左個湯底啦！係原隻雞花膠湯。我坐低一陣，個湯已經煲滾啦！wow! 一打開蓋陣香味撲曬出黎，原來入面有半隻雞（細煲）同好多花膠，非常足料！雞肉煲左咁耐都仲咁滑，而花膠大大塊好厚身，湯好濃厚好正！我地差唔多食曬啲湯料就叫店員幫我地加湯打邊爐啦！我打邊爐一定會食牛餐肉！見配料紙有西班牙黑毛豬午餐肉咁特別，仲要$78，我決定試下佢有幾巴閉！見到佢真身，又真係比市面買到個啲大份啲，可以見到絲絲肉絲，食落較有扎實口感，一啲都冇平價午餐肉嘅'霉'味，都值得一試！肥牛都係邊爐必食嘅！$78一份，紋理都幾靚，肥瘦適中，有牛味！我地每人食左一碟！不得不試嘅係呢度嘅海鮮！可以自己揀，好有大排檔同街坊風味！選擇都唔少，有象拔蚌、桶蠔、蜆、花甲、聖子、鮑魚、蝦等等！每隻都游緊水，好新鮮！我地試左海蝦、花甲、聖子同蜆，樣樣新鮮，同花膠湯底仲幾夾添！另外試左原粒帶子水餃，大

一大班人幫個朋友慶祝生日，又係諗食乜好既時候，大個人也沒有甚麼意見，我靈機一觸，便想起了這間我半年前和另一班朋友吃過的花膠火鍋店！個人也頗為喜燒吃花膠，因為骨膠原對身很好，而用來煲湯更加可以令湯的濃度加了不止百倍，用花膠煲的湯飲入口會有膠膠既感覺，靚既花膠用很少便很有膠味，劣質的花膠則喝入口和普通湯沒分別，這是不能騙人的，而這間餐廳則讓我一試難忘。餐廳位於旺角最旺的地方，家樂商場的對面，所以十分方便，我們一行4人大約晚上7點到達，餐廳還未爆滿，但已經7-8成滿座了。餐廳的裝潢很特別，有點像街市的感覺，讓人有很親切的感覺，也不會太焗緊，四圍的客人也放心的大聲講大聲笑。醬料的選擇也是基本的，有辣椒，炸蒜，生蒜，蔥，客人可以按自己的需要添加。原隻鮮雞燉花膠湯 ($238) 10/10主菜- 花膠雞煲到達！雞湯非常濃，而花膠則非常多，4個人每人先「隊」了一碗花膠雞湯，每人也分到7-8塊，大家也很滿足，花膠有彈牙口感，而湯也膠味重，很鮮甜，絕對足料，飲完一碗，每人也再喝多一碗才感到足夠因為雞是原隻上，不是切件給我們頭頭尾尾的，所以有專人為我們拆肉，這很貼心呢而雞肉伴和花膠湯一起煮和喝，也不會感到

每次行過登打士街，廣華對面就會見到鮮入圍煮個好大好大嘅招牌，背景係好似街市咁樣，而且用咗食字，都幾易入腦，睇open rice見到都好多笑笑嘅食評，但係一直冇機會去試(因為旺角登打士街真係好多人，多到我有啲驚行入去)。星期三約咗個好熟但係都幾耐冇見嘅小學同學食飯，佢又咁岩話想試吓呢間喎，終於的起心肝去呢個人滿為患嘅登打士街。鋪頭嘅位置係喺登打士廣場，因為同一幢樓有好多食肆，所以下面都好多人排隊，令本身已經人好多嘅登打士街更為擁擠，幾經辛苦，排左15分鐘終於入到𨋢啦。一入門口其實就已經見到鮮入圍煮佈置得好似一個街市，牆身用咗街市嘅工業泥牆，貼滿晒好多唔同種類嘅招紙，每一台嘅燈用咗好似去街市買蛋嘅時候嗰啲紅罩燈，座位都用咗大排檔格調，出面仲有一個大魚缸好似去街市買魚咁樣，用黑板寫滿每一樣材料嘅價錢，連加湯用嘅水壺都用左好80年代嘅舊式醫院會見到嗰啲。枱面已經放咗火鍋用嘅醬料，可以自己加想要既配料，到你煲到咁上下佢先會收走啲配料嘅，但係其實成個湯底好濃味道，根本就無需要用到啲醬料都好夠味。朋友來呢間野就係為咗時佢個原隻鮮雞燉花膠湯，我哋當然唔可以錯過啦，兩個人就叫咗個細嘅，都係＄238 ,同

不知不覺，天氣轉涼，人的口味也隨之轉變。就如火鍋，大熱天時真的是請也不會碰，但在這個日金風送爽的天氣，感覺上吃此品也剛好是時候。探子回報這裡「鮮入圍煮」最新推出花膠火鍋，趁是日約了朋友，就一起來試試。餐牌選擇不少，但什麼也不用想，就要了最新推出的花膠雞煲，以熱鍋上檯，保證全程也滾熱燙的。先試花膠雞湯，雞香而濃郁，味道清甜，對辦。在裡面滾起的雞件，沒有蘸上任何醬油，仍香甜好吃。一大煲花膠，轉眼已給我們撿個清光。原因是焦點當然在花膠上，吃下去口感豐腴，沒有沾上了任何汁醬仍惹味。如果可以另加錢再加花膠，相信我們會不加思索的再追加。雞湯更湯底清甜，油味香口又毫不嗆了花膠的味道，大家互相映襯。舖面的花膠當是賣點，膠質豐富，味道濃厚，滋補養顏。最精彩的還是後加的薯粉，索盡湯底的清甜香及雞件的鮮味，爽滑好吃，結果最後是吃得煲底滴汁不餘才收手。南瓜和蘿蔔永遠是火鍋中常出現的配料。難得今天的湯底是美味佳餚，加入這些南瓜更是神來之筆。南瓜經濃湯精華餚製，的香濃總是讓人回味再三，加入另一款最愛的蘿蔔等火鍋料，溫暖的蘿蔔和南瓜是驅寒的最佳聖品，也我們十分讚賞！

打邊爐最重要係咩？！唔係個爐，而係個湯底！呢間火鍋店真係好巴閉！難book到book左幾次先成功book到！今日終於可以試試佢啲招牌湯底！呢度有成十幾款特式湯底俾你揀，我地爭扎緊要濃厚原隻雞煲花膠湯定火焰雞煲蟹粉鍋。最尾我地揀左個雞花膠湯。揀左個湯底，我地再慢慢揀火鍋配料。選擇同花樣都好多！有豬、牛、羊、雞肉，仲有駝鳥肉同即劏田雞！丸類都有好多花款，我最愛芝心類，例如芝士流心牛丸、芝士獅子狗同芝士包心丸。蔬菜類亦有唔少選擇！自製完汁醬同order完配料，湯底就上枱啦！我地4個人所以叫左細煲，有半隻雞，湯呈鮮黃色，可見有好多雞同花膠嘅精華喺入面！店員首先將隻雞剪開，再蓋上煲蓋煲滾佢。店員指示湯滾之後我地可以飲啲湯同食左湯料先，然後再加湯打邊爐。等左一陣湯終於滾啦！打開蓋已經聞到好香！撈一撈湯底，見到有好多舊花膠，果然足料！湯頭好濃郁，濃濃雞味同花膠鮮味，花膠夠肥夠厚，充滿骨膠原，正！，飲完湯，配料都逐啲上枱啦！我地加返啲湯就開始打邊爐！首先係食左牛牛牛先！手切安格斯牛肉 $158。呢份牛牛夠新鮮夠滑，充滿牛味，like!個湯底咁正，必叫油炸鬼去吸吸湯汁黎食！油炸鬼比響鈴更正，因為佢落一落

食極唔厭嘅花膠雞湯底 每次起碼飲四碗至夠海鮮檔即開海鮮無得輸 今次試咗花甲同鮑魚 都非常鮮其餘食物嘗算可以牛柏葉太硬 食得好辛苦 同埋每次叫牛肉都會係失望 由最貴嘅到平嘅都試過哂 全部一樣唔得

一班朋友聚會，知道9點要交枱。7點去到已立即點菜（不是任食），但打邊爐要食到好急真係好辛苦好趕，食到9點已十分盡力清啲野食，但待應不斷催，催到我連個咀都燙到了 （啲野食真係滾住咁黎食）。真的貼錢買難受，又貴又坐得唔舒，又無服務，啲人不斷黑你面，我們一行6人發誓永遠不會再來！今次每人$350。食到咁辛苦，趕頭趕命真係唔值囉！

行左兩層樓梯後，一打開門就俾天花個d紅色街市賣魚燈所吸引，我覺得好有特色！呢間打邊爐餐廳正正活生生反映左香港既特色。餐廳用懷舊做主題，牆無油油，上面寫左曾灶財既大字，又貼埋懷舊海報、點菜紙、鐵膽水壺、樽裝汽水。但其實懷舊FEEL次餘，你又暗底感覺到佢設計意念既新穎。除左D點菜紙上既食物，大家仲可以去街市咁去魚檔選擇生猛海鮮好多選擇，有蝦、蜆、魚、蟶子等.......原隻鮮雞嫩花膠湯今晚我地黎既另一大重點就係呢個原隻雞燉花膠湯底，因為兩位年青既美女都要滋補下ma。個湯鮮甜無比，飲唔停口，而且花膠數目都多，每人都起碼5-7件。辣椒牛丸牛丸微辣都ok鮮豬肉眼根,係豬肉既邊位每條帶根，厚身得黎又爽口彈牙！魚蛋皮小籠包外形趣緻，但其實就係一粒包心魚蛋！手切牛肋骨肉一上黎，已經嘩嘩嘩，$188咁大盤靚牛肋骨肉真係超值。每件都雪花式，入口超濃牛味，個種油脂香在口中徘徊，實在頂瓜瓜！埋單$442每人，但足料湯底，超靚牛肉，都好開心！

朋友仔生日飯，成班女仔，揀左呢間可以勁吸骨膠原o既打邊爐原隻鮮雞燉花膠湯 ($238)湯底有幾個選擇，我地諗都無諗就揀左呢個美顏之選 - 花膠雞湯 湯底係濃黃色，我諗用左好多隻雞去淆呢個湯底，店員仲幫我地將隻雞剪開，咁我地就可以易食d，一撈個湯，有好多花膠，真係好足料二話不說即刻試下個湯，本小姐係好怕飲味精湯，開頭我見佢個色咁濃，仲驚係加左味精，飲落先發覺係堅野，湯好重膠質同雞o既鮮甜味，我地每人好快已經忍唔住飲左2、3碗枱面其實一早已經放定一壺雞湯俾你refill番滿個湯預備打邊爐，加番o既湯係同本身個花膠雞湯底一模一樣架 呢個壺好懷舊好多年無見過啦掛住飲湯，差d唔記得要混醬，成盤上枱俾你慢慢溝混完醬我地就出去望下有咩海鮮揀啦，呢度裝修到成個街市咁，有好多款海鮮選擇，有水一路養住夠晒新鮮，價錢都唔算太貴紐西蘭蚌 ($48)最後我地揀左大大隻o既紐西蘭蚌，我地將佢煮到一開晒口就食，入面舊肉好大舊，鮮味十足鱔片 ($98)最鐘意打邊爐食鱔片，呢度o既鱔片厚度切得剛好，保持到口感又唔會太厚，起骨亦做得唔錯，食左幾舊都食唔到有細骨手切安格斯 ($158)打邊爐點少得食牛，姊妹生日一於叫好d，

在這個繁華的城市，各自有各自的忙碌，難得夾岩時間來個短聚，當然係要有好的野食來令到個聚會更難忘⋯⋯我同友人個自都好喜歡周圍搵好食的食店來消除疲勞的一天，今次我哋選擇咗火鍋，當我一走進間店時，感到好愕然，沒有華麗的裝潢，好有七八十年代的街頭感覺，今次我哋選擇濃厚雞煲花膠湯（半份），未食已經見到好多，好厚身的花膠，睇個賣相已經抵，再試個湯，一個字形容--正，入秋飲暖胃，滋潤仲有一樣值得推介就係，喜歡食牛的朋友但價錢合理，唔好錯過，佢就係美國雪花肥牛，好有牛味兼抵食（掛住食冇即食影相），相信我來過，但都會再次來，當然有好野梗係要開心分享（share）

這間餐廳在朋友圈中評價極高，每逄去過的朋友都大讚！有見及此，當然要去吃吃看！預約了一個星期才有幸來到，真的是有那麼好吃嗎？進到店來，已經全埸爆滿，十分誇張。先點了個 雞煲花膠湯底，這是食家糖不甩非常推介的，我們兩人點了一個小的，沒想到份量多得很！一整鍋的，還有半隻雞在裡面。湯底的顏色呈鮮黃色，難以形容這是吸收了多少雞肉的精華，這個黃色並不是色素！雞湯的濃度很高，有點兒黏黏的，是花膠煮久了，喝了一口雞湯，真的鮮甜無比，這個湯底非常濃郁，味道絕不是隨處能吃到！至少，這是我第一次吃到如此美味的雞湯。湯中的那半隻雞，並不是與湯一起煮的。想想也知道，煮久了的雞肉，大多數人都不願意吃。這個湯底的雞，是煮好才放進湯中，這樣雞肉就能保持嫩滑的質感。而這個無敵的湯底，不是隨便將雞和水放入煲中滾就能做到。其實它是用了很多時間和功夫做的。店員說，這個湯，是每天新鮮製作，由60隻雞拿來煮湯然後再煎，重覆不停的煮和煎，到最後，就得出了這個濃濃的黃色雞湯！做法類似市面上能吃到的濃湯雞煲翅。蟹子鮮蝦滑蝦滑很彈牙，和平常吃的蝦滑質素差不多，味道沒有非常特別，但蝦滑也是打邊爐必須的。手切牛肋骨肉份量很多，兩人分享一碟都

朋友介绍這間人氣店！花膠鷄湯好濃，飲完再加返鷄湯打邊爐，好正，只係花膠小小沙！貝類海鮮選擇多, 試咗龍蝦、花竹蝦、2種貝類、頂級肥牛(手切，有点厚)！飲品選擇也很多，整體很滿意！

最近離開左香港去左成個星期旅行，異國美食食得多就開始思鄉想食返啲正宗港式嘢，特別係打邊爐，所以一返到香港第一日，我就捉左朋友衝左去最近很火紅的鮮入圍煮，一來為解思鄉之愁，二來想試試它家遠近馳名的濃厚原隻雞煲花膠湯底，補一補嘛!餐廳是位於旺角最熱鬧的中心地帶---登打士廣場，我們約7點15分上到二樓，放眼已幾近滿座，幸好我們已經訂座，但由於遲到，差點沒有位呢!餐廳的格調走港式大排檔feel    ，圓形的枱，紅彤的燈，感覺頗有節慶的感覺。最搞鬼是它設有即場切肉的counter，即場有專人切肉，確確實實的手切牛肉呢!另外，它亦設有海鮮專區，樣樣新鮮海鮮可以即場揀即場劏，除了有特色之餘，食客亦可以保證食材質素，鮮有火鍋店可以做到呢!我們一坐低叫急不及待請待應準備已經一早落頂嘅濃厚原隻雞煲花膠湯底，真係要講聲即場點分分鐘無嫁，book定先吖要!不需五分鐘，侍應便端上了一鍋充滿了濃濃膠質的奶黃色湯底，已經唔可以單用足料來形容，而是多料，根本是花膠跟雞與湯各佔一半，整隻雞上再由侍應剪開，保證唔會淨係得啲差嘅部位。當湯一滾，我們已急不及待盛滿滿的一碗。飲落果然是一碗養顏補湯，雞滑而香，花膠不是碎的而

琴晚有個朋友book左位話係旺角打邊爐，就帶左我去登打士廣場，入到間野，個環境好得意，好似去左迷離版街市度咁... 坐低左就有人招呼仲擺低醬料  之後就梗係睇有咩食啦  朋友仔話黎呢度梗係要食個皇牌原隻鮮雞墩花膠湯  一黎到見到好足料，個湯望落去都即刻想飲呀😋😋😋  加番熱我都好唔客氣咁夾左隻雞脾同花膠保下，個湯好正呀，好夠味，d花膠又淋，隻雞仲不得了，超級滑呀，平時係屋企d湯既雞肉係又硬又鞋，呢度個雞真係好好食呀，我自己不停encore🙊🙊我地4個人每人都飲左3-4碗👍🏻👍🏻👍🏻👍🏻先再加湯打邊爐  surprise既係加既湯都係雞湯呀😋😋勁👍🏻👍🏻👍🏻 之後嗌既野食都好快黎到  呢個手切安格斯牛肉好正呀，再黎都要嗌呀，夠簿夠牛味又滑👍🏻👍🏻👍🏻  羊肉都好好味呀，唔會穌架👍🏻👍🏻👍🏻  呢度出面有個小海鮮檔可以出去揀完即係攞黎打，我個朋友揀左呢個花甲都好味呀，冇沙又夠鮮👍🏻👍🏻👍🏻  之後仲有好多未試過既火鍋料都好正好似個鮮豬肉眼根咁，平時邊有架😋😋😋口感一流，唔會un，仲要係爽tim呀，所以我都覺得好好味，應該係估佢唔到咁好味👍🏻👍🏻👍🏻 總括黎講成餐都好正，大