263
37
30
港鐵油麻地站 A2 出口 繼續閱讀
電話號碼
27822003
開飯介紹
裝潢特別的火鍋店,令人感覺猶如身處菜巿場。餐廳的食材新鮮、味美,值得一試。 繼續閱讀
獎項殊榮
最優秀開飯火鍋店 (2016)
營業時間
今日營業
16:30 - 03:00
星期一至日
16:30 - 03:00
公眾假期
16:30 - 03:00
公眾假期前夕
16:30 - 03:00
付款方式
現金
座位數目
100
其他資料
網上訂座
Wi-Fi
深夜營業
酒精飲品
自帶酒水
電話訂座
賞訂座積分
外賣服務
加一服務費
有關獎賞計劃
食評 (377)
第二次黎「鮮入圍煮」打邊爐, 水準keep得好好, 難怪多年以來入選並成為openrice《優秀開飯熱店大賞》嘅火鍋店! 黎得「鮮入圍煮」, 必點⭐️推薦❗️招牌濃厚原隻雞煲花膠湯。😏 雞煲花膠湯有(大)$388,有(細)$268 , 不過只有我地兩個人食,所以點(細)就夠啱啱好啦! 雖然是(細),但絕對足料! 煲內除了有半隻🐔雞之外, 仲有好多件大大塊嘅花膠, 上枱後,店員仲會好貼心地幫我地剪開隻雞,方便食用, 雞肉肉質都算嫩滑鮮味, 花膠滑嘟嘟,滋潤又養顏!😌 小編建議加其他火鍋配料之前,先飲返幾碗膠原感重、原汁原味嘅花膠雞湯先,小妹激讚!👍🏻 飲完過湯之後,可以開始打邊爐啦!🤗 ⭐️推薦❗️白鱔片($108) 一份有十片, 都算符合性價比, 晶瑩剔透,都幾新鮮, 食落魚油脂香,口感軟嫩,又不失嚼勁😋。 原粒帶子水餃($48/4粒) 好大粒呀!而且隻隻都皮薄餡多, 除左豬肉外,每隻都食得到粒帶子仔,不錯吃! ⭐️推薦❗️韮菜餃(半打)($32) 好抵食喎! 從薄薄嘅外皮已經透露左包係裏面嘅嫩綠色韮菜,菜多少肉,比例剛好,鹹香味美。 唐生菜($32) 份量唔多,但勝在新鮮爽脆。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-30
1267 瀏覽
朋友介紹樓上打邊爐大熱店,非常有特色的香港舊街市feel裝修。既然今日要到旺角找些精品,就打邊爐!重現九龍皇帝筆跡,有趣啱哂打卡。濃厚原隻雞煲花膠湯(小)  $268主打的必食花膠雞煲湯底,雞湯濃郁有香氣,再加湯繼續打邊爐也是加入雞湯。未加打邊爐料前,先飲碗湯,很熟悉的味道,有自家煲湯的感覺,沒有平常打邊爐湯底的味精感。朋友再問我,覺得是什麼熟悉的味道?就像是食翅時的濃郁湯底呢。除了飲湯,雞肉都仍很有肉鮮味,職員會幫忙將半隻雞剪開,方便食用。羊肉片  $68生料羊肉片肉色鮮紅,肥瘦適中。切薄片,碌起來比較快熟不會老,肉質嫩滑。芝士流心牛丸  $38咬開要非常小心,滿滿的芝士湧出!芝士足料,跟牛丸好夾。稻庭手打烏冬  $28打邊爐必備收尾~烏冬,個人覺得比即食麵好,因不會太大肥膩感。已經食烏冬配雞湯濃郁湯底,又可再飲些湯。烏冬本身亦煙韌彈牙,不用煮太耐,散開滾起便ok!傳統街市場景兩個人一時興起打邊爐,胃的空間有限,已經食到很飽,實在未能將全部心儀的食品都點完,下回再續 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-20
2656 瀏覽
一直都知道這裡由開業以來,任何時段都人山人海!由於太受歡迎的關係,絕對係一位難求!!為了滿足我好恨打邊爐的心癮,朋友一早已經預約好,今日放工便可立即打邊爐!!這裡的裝修除了見到牆上有好似九龍皇帝寫的大字,還充滿著舊香港街市的味道!!唔好以為似街市就會有好多水漬或一陣陣的魚腥味,雖然這裡有個位置可以比客人選購海鮮,但環境衛生絕對唔差,沒有任何怪味,地方仲好乾淨呢!置身在這個街市打邊爐真的不錯!火鍋湯底有13款,還有肉類,丸類,蔬菜,菇類,麵食,腸,魚片等雜類選擇,種類繁多,選擇多到好難取捨!!最後我們點了安格斯牛肉,魚皮餃,腸仔,魚丸,芋絲,水魷,白栢葉,響鈴,一些蔬菜,菇和烏冬等!枱上有醬油,蔥花,炸蒜,生蒜和辣椒,可以自行配搭!<鴛鴦湯底 - 沙嗲配皮蛋> 一個鍋有2款湯底,一邊係沙嗲,一邊係芫茜皮蛋!沙嗲味好香,任何食物放在沙嗲湯底都食到香濃的沙嗲味道,但唔會好咸!!相反芫茜比較清香,再加上皮蛋的味道會慢慢滲入湯裡,味道唔會好單調!<手切安格斯牛肉> 每枱都有點這個牛肉,一個大圓盤內裡放滿好多冰,冰上面鋪滿一片片牛肉,色澤鮮豔,十分新鮮!肉質鮮嫩柔軟,牛味濃郁,非常好味!<年糕夾心魚丸> 魚丸夾著白雪雪的年糕,放入火鍋裡一陣,一口咬開,年糕嘭一下溢出,食起來口感煙韌彈牙,不會好粘,就算放在火鍋好耐都未夾起,但仍然無損年糕的質感,真的不錯!<水魷> 厚身又大塊,外層的皮膜好完整,色澤接近透明特別新鮮,放在火鍋裡水魷微微卷起,但無縮水變細,食起來鮮甜嫩滑,煙韌爽脆有咬口,不經不覺越食越多!<白柏葉> 白柏葉即係牛柏葉,份量好多,又大又新鮮,只需要在火鍋裡灼一灼,已經吸盡了火鍋裡的湯汁,非常入味,每一啖都爽口彈牙,絕對係打邊爐必叫的食材之一!我明白點解這裡那麼樣受歡迎,幾乎日日爆滿,因為每款食材都新鮮又大份,加上環境又有氣氛,服務又好,真係一間令人回味的火鍋店!! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-12
2241 瀏覽
今晚約左老友去打邊爐,呢間火鍋常常滿座,現在openrice可以book位,方便了好多。一坐下,店員就會奉上各式配料混醬。有幾張食物紙,上面有湯底、肉類、丸、餃、麵、菜、飲品等等可供選擇。仲可以自行到店內的海鮮區選購是日新鮮岩食的各類海鮮。十分新鮮。今日由於只得我跟朋友來打邊爐,所以便沒有機會吃太多款式。好耐冇黎食,好掛住個花膠雞湯底。所以今晚主打是跟朋友來治治花膠雞湯癮。點了花膠雞鍋,店員會整鍋送上,為我們把半隻雞件剪成一件件,方便我們進食。等了一會兒,滾了,好香好濃。我們急不及待即一人飲了兩碗花膠雞湯,先食一下雞件,又香滑又啖啖肉,入面仲有好多花膠,正,十分滋補足料。真是大滿足。當我們飲夠湯後,便開始打邊爐了。今次點了西班牙豬腩肉,價錢抵食,份量不少,肉質紅潤。滿滿的豬味,經過快涮後,薄薄的豬肉好濃味又好咬口,正。鮮入圍煮的丸子、餃子都十分有名,出名又好味又大隻足料。今次點了帶子水餃。大大粒,共有4粒,我跟朋友一人食了兩粒。皮薄餡靚。入面大大粒帶子,好鮮甜,混和了豬肉,又啖啖肉又惹味,好正。點了一個稻庭烏冬,經過煮後,配上了雞湯湯底,好滋味,烏冬又滑滑的,十分滋味。唐生菜爽脆,菜好翠綠爽口。不錯。對於鮮入圍煮的食物質素好欣賞,裝修環境又地道,好似大排檔咁,好有特式。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-14
2553 瀏覽
打邊爐一向無分季節,所以是夜來到登打士街的「鮮入圍煮」,餐廳位於登打士廣場2樓,可以選擇行樓梯或搭升降機到餐廳。星期四晚上餐廳都幾乎滿座,幸好預早訂位,去到不需要再等。餐廳佈置以模仿懷舊街市作主題,而且是用上大排檔檯凳,什是懷舊,充滿大排檔地踎的風味。餐廳內有肉檔,還有小型海鮮檔可以即劏海鮮,如想食海鮮的話可以加點。醬料都是有炸蒜、蒜蓉、辣椒、香蔥、豉油等等。肉類、海鮮都少不免,然後其他配料,菜、粟米、肉丸、水餃、響鈴同炸魚皮都應有盡有。而飲品平均十多元一支,價錢偏高。蕃茄薯仔湯用上新鮮蕃茄和薯仔,湯頭不算清甜,帶少許酸,相信落了茄膏,味道有點化學。手切安格斯牛肉非常新鮮,色澤鮮紅,紋理都好靚,牛肉味好濃郁,肉質入口嫩滑有咬口,咬下去口裡充滿肉汁!蟹籽鮮蝦滑手打蝦滑,份量挺多,質感十分爽口彈牙,也很新鮮,蝦滑也很有嚼頭!炸響鈴 炸響鈴非常脆,打邊爐一流。稻庭手打烏冬烏冬的質感滑溜煙韌,口感彈牙,也特別軟滑。 繼續閱讀
(以上食評乃用戶個人意見 , 並不代表OpenRice之觀點。)