336
39
33
港鐵油麻地站 A2 出口 繼續閱讀
電話號碼
27822003
開飯介紹
裝潢特別的火鍋店,令人感覺猶如身處菜巿場。餐廳的食材新鮮、味美,值得一試。 繼續閱讀
獎項殊榮
最優秀開飯火鍋店 (2016)
營業時間
*最後落單時間: 23:30
星期一至日
全日休息
公眾假期
全日休息
公眾假期前夕
全日休息
付款方式
AlipayHK 支付寶 現金
座位數目
100
其他資料
餐廳運作模式 - C類 詳細介紹
Wi-Fi
酒精飲品
自帶酒水
電話訂座
外賣服務
加一服務費
當面支付
食評 (462)
等級4 2021-05-18
1555 瀏覽
一直都聽講呢一間打邊爐好出名,一直都好想試下,今日終於可以過嚟食番餐。呢間餐廳就係家樂坊對面,一眼就望到,上二樓就到好易搵到。我哋中午去食,客人唔算好多,夜晚就應該旺場啲。上到去好大,環境唔會好迫。裝修都好特別,牆身好似九龍皇帝字跡咁,燈泡就好似街市用嚟照雞蛋果啲燈咁😂仲有個街市魚檔,可以自己出去揀海鮮都得。上網見好多人都大讚花膠雞鍋正,所以今次就試下啦花膠雞細鍋入面都有半隻雞㗎。一上枱已經聞到好香好濃味。職員叫我地可以先飲湯,飲完再加豬骨湯底打邊爐!睇下個湯底真係好足料又濃郁㗎,奶白色湯底,入口仲有膠質,我地數過有5隻大花膠,都算厚肉!另外有好多火鍋配料,我地隨意點左幾樣。鴨血我每次打邊爐都必食!打邊爐嘅鴨血又滑又好食,呢度嘅鴨血都算厚切,唔會有腥味。薑汁皮蛋爆汁貢丸第一次食,好特別,咬入口真係爆汁!我唔小心燙到口,所以真係要小心食。一咬汁就咇哂出嚟。入面好濃薑蓉,仲有小小粒粒嘅皮蛋,呢個搭配都幾有趣。響鈴卷原來一份都好多,響鈴卷真係打邊爐必備,吸收哂濃湯汁西洋菜打邊爐點可無菜呢。。稻庭烏冬食到最後加個烏冬一齊食,真係好好食,飽哂!唔好以為好少野食,其實真係食唔晒,一開始飲湯食雞食花膠真係已經飽左一半 。值得一讚係呢度環境坐得舒服,冷氣好足,好爽😂員工都好友善。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-17
130 瀏覽
鮮入圍煮 𝗠𝗮𝗿𝗸𝗲𝘁 𝗛𝗼𝘁𝗽𝗼𝘁🍲🥘好耐冇試過下午打邊爐,當日仲要係十分炎熱嘅34度☀️一出街就覺得要溶化🥵🔥但係book咗枱冇理由唔去㗎嘛🤣🤣🤣 𝙂𝙊𝙂𝙊𝙂𝙊!!! 𝑯𝒐𝒕𝒑𝒐𝒕 𝑫𝒂𝒚🥰🍲!第一次食「鮮入圍煮」,個設計好特別,係傳統舊式嘅風格。去之前做晒功課,個個都叫我一定要嗌『花膠雞湯』🤣一坐低就急不及待嗌咗啦!『半隻花膠雞湯』𝗛𝗸$𝟮𝟲𝟴- 兩個人食,嗌咗半隻雞,原來都幾多!有大約8舊左右嘅花膠,同好多好多嘅雞件!全部都好嫩滑,仲要有大大隻雞髀🍗🤣平時唔太鍾意飲火鍋湯底嘅我,都飲左起碼三碗🥲未叫火鍋材料都已經飽咗一半😛『花膠雲吞』𝗛𝗸$𝟰𝟴/𝟰粒- 皮薄餡靚,粒粒都好大粒!唔記得咗影相,補返個臨食之前嘅shot俾大家🤣真係好大粒!『新鮮鵝腸(多肥)』𝗛𝗸$𝟴𝟴- 係肥腸唷😍😍好耐冇食過啦!佢有多肥同埋小肥揀🤣要多肥先有口感咖嘛!!!! 好正好好食😍『豬骨濃湯貢丸』𝗛𝗸$𝟯𝟮/𝟲粒- 貢丸反而冇乜特別,我初初以為會有豬骨濃湯流出黎🤣但係無。不過都好食嘅😋有好多冬菇🤗(人頭醬料費 𝗛𝗸$𝟮𝟬/𝟮位)埋單Hk$500都唔洗。食埋幾粒貢丸就已經好飽🤣兩個人打邊爐都係叫得唔多野😛但係個『花膠雞湯底🐥🐥』真係好滿足!唔怪得知個個都話必叫💯 好食😍😋店員服務都好好!會再黎🤗🥰!!! 繼續閱讀
(以上食評乃用戶個人意見 , 並不代表OpenRice之觀點。)
對上一次黎已經係好幾年前同一大班同事,放工後嘅圍爐取暖🍲 今次黎到彷如重遊舊地,環境食物依舊,當年打邊爐嘅檯凳彷似都仲係用緊同一張🪑只係曾經係身邊夾餸比你嘅人,依家已經夾緊比第二個人😪講番正題😂 多年再訪「鮮入圍煮」仍然保持到質素,難怪長期晚市都好full😎 懷舊香港街市裝潢,最鍾意佢幅大字牆,好有香港特色🥰 每日生猛嘅海鮮🦞標好價錢浸係大魚缸,雖然係街市造型,但十分衛生企理👍🏻《濃厚原隻雞煲花膠湯》 $268/小 4.5 / 5 🤤🤤🤤🤤🤤之前黎就試過蟹粉煲,份量太大今日得兩個人所以叫左個細嘅《花膠雞湯》😋 未打邊爐可以先等湯滾起品嘗左湯先😋 湯底好鮮甜,好濃郁嘅雞味,而且充滿膠質🤤 飲落都知好滋補🥰👍🏻 食左少少雞肉飲左兩碗湯,就可以進入打邊爐嘅環節🤩《脆肉鯇魚片》 $68 / 份 4 / 5 😋😋😋😋比平時食到嘅鯇魚片厚同大片,肉質夠晒爽脆好新鮮🤩 唔算好多細骨,不過都係要小心啲食😜《牛胸油》 $138 4.5 / 5 😍😍😍😍😍好少唔係專食牛嘅打邊爐會有哩個部位😍牛胸油又稱牛白肉,望落以為係肥膏,實情佢係肌肉黎架!爽脆得黎好有油脂香,好邪惡🤤 未食過嘅朋友真係要試,每隻牛都係得一塊牛胸油,好矜貴㗎!🤤配搭埋油麥菜,大魚大肉嘅一餐😎😙 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-09
659 瀏覽
花膠雞鍋幾年前興起 開到成行成市但大家有所不知最初有得用呢個湯打邊爐嘅火鍋店呢間鮮入圍煮可以話係其中之一以前甚至係要早兩星期訂枱先食到而家少左遊客 正好俾我地一試傳說中嘅美味店舖位於二樓裝修都係以大排檔枱局裝修內裡仲有海鮮檔 可以出去睇下有咩新鮮海鮮再決定食咩野枱頭係入座時已擺好晒蔥蒜辣椒混醬用每枱一組 唔駛行出行入 夠晒衛生常用嘅配料都齊備晒必點嘅當然係花膠雞湯我同朋友人唔多 就叫左小雞煲十分足料 有半隻雞 再加約十塊花膠花膠仲要係大大塊通常叫呢個鍋 都會先飲湯 後打邊爐咁就唔怕飲埋配料嘅油濃郁嘅雞湯味 加埋膠膠地嘅口感飲完係會覺得唇邊黏黏地我同朋友 誇張到第一煲湯用嚟飲第二煲湯先用嚟打邊爐野飲種類都多 平時打邊爐嘅配料都齊晒今次點左3種丸 都好有驚喜唔係街市質素爆炸薑汁皮蛋貢丸 一咬落去係會爆汁 入面嘅餡料有少少飲薑醋果陣味 少少甜甜地 非常特別又好好味牛骨汁濃湯牛丸同平時出面食嘅唔同呢隻牛丸牛味超濃 佢唔會一咬就爆湯但就會邊𡁻邊好juicy咁年糕夾心魚丸年糕軟綿綿 索左少少湯汁魚丸又好香魚肉味水魷爽口嘅 厚薄適中有齊魷魚筒/魷魚鬚/魷魚旗最後食埋個出前一丁底下有埋湯粉同麻油不過個湯個味都夠晒 唔駛落湯粉都ok去到尾聲 湯底愈黎愈濃飲返啖樽裝汽水 爽晒玻璃樽先至keep到夠凍夠汽而家book枱方便左咁多 真係要食多幾轉食多啲花膠養顏補身 繼續閱讀
(以上食評乃用戶個人意見 , 並不代表OpenRice之觀點。)
等級2 2021-08-19
11 瀏覽
裝修有啲懷舊感覺~而且晚巿都好多人。我見人手有啲不足~招呼唔切食物方面都係新鮮同好食嘅~係屬於可以有下次系列嚟嘅尤其個花膠雞湯~第二日都仲掛住,真係估唔到個湯底有啲驚喜 繼續閱讀
(以上食評乃用戶個人意見 , 並不代表OpenRice之觀點。)