鮨文 (已結業)

收工後，同先生兩個撐枱腳，突然想食日本料理，見呢間食評好似唔錯咁，一於試下佢先！環境舒適，裝修簡單優雅服務服務員及師傅殷勤，會落力介紹每一款菜式，製作方法，材料、專業的態度值得嘉許三文魚子蒸蛋魚子甜甜地，咬落去粒粒醬爆，凍凍地、蒸蛋熱騰騰、滑溜，還有乾瑤柱充斥着多款口感。櫻煮八爪魚用了三天時間才能製作出，最重要係口感非常「淋」，配上有點辣的柚子胡椒醬，更具特別！我先生話個醬汁好好食😋，不過我個人喜歡食原味多啲。非常欣賞的菜色（太好味這道菜忘記影相📸️）剝皮魚非常creamy,吃完都覺得飽了秋刀魚生食秋刀魚還是第一次，味道腥腥的，還好有蔥花減淡腥味。鮟鱇魚乾肝上面鋪滿橙色的部份都是魚肝的油份，師傅說一定要配上蘿蔔蓉才好吃，否則會很肥膩！我覺得口感就像未煎的鵝肝一樣。

生完小朋友，要食坐月餐食足一個月，坐完月之後正正就係我生日之時，老公問我想食乜，二話不說即刻話要食日本野！好野！食我最愛既鮨文！黃埔有分店唔使去到元朗咁遠！要趕住反屋企湊仔，唯有食個午餐，不過我已經好滿架喇午餐有5個set，我地嗌左一個16件壽司既set，另一set就係有個海膽丼既，師傅好貼心，知道我地係share既，就幫我地安排8款壽司，等我地可以一齊食一樣既野首先岀場既係白飯魚仔茶碗蒸望落以為無咩特別，點知口感都幾好，茶碗蒸滑嘟嘟，同一條條既白飯魚口感有個強烈對比，都幾有驚喜開始食生野喇師傅建議我地食左真鯛配上柚子jelly先，比較清新，然後就係肥美既深海池魚三文魚食得多，秋鮭真係第一次食，師傅話而家當造既就係秋鮭，比較名貴甜蝦昆布漬，我最愛大大隻甜蝦！好jam，好正秋刀魚壽司，喺日本第一次食秋刀魚刺身之後就對佢既鮮味念念不忘，好好食，網燒過令香味更有層次！帆立貝，平時食開軟身既帆立貝，新鮮爽口既帆立貝真係正好多，既鮮甜又有口感，無敵！秋鮭魚子，真係好好食，完全唔會腥，粒粒都充滿住鮮甜味道，再有特製既醬汁，令人回味無窮呑拿魚配黃芥末，好得意，食熱狗咁小肌魚配上一層昆布纖維，昆布既味

木質的裝潢令人感到舒服輕鬆，選址在位於黃埔地鐵站一出，很方便三文魚子加入柚子這個茶碗蒸除了有大大啖的三文魚子，亦有元貝、香菇和淡淡的酒味精心擺設如藝術品的前菜，師傅指定要按次序品嚐：-瀨尿蝦味道非常獨特（肉身下有蝦膏）配上海帶，有點爽-佃煮玉筋魚，味道甜又帶點鹹～-最後：北海道的蠔（蠔身飽滿 清甜、後勁強）沙甸魚卷，里面有自家制子薑，清爽的青瓜，味道清新怡人秋季的感覺螺肉鮮，整個擺盤令人賞心悅目炸元貝，大大粒配紫菜絕好食自家制他他，海膽煙燻拖羅，口感一流！！鮑魚肝醬配鮑魚，味道非常濃郁，啖啖都系濃濃嘅鮑魚鮮味左至右： 油甘魚 喜魚 喜之次 香口又彈牙，味道新鮮極上海膽再加上海鰻，海洋中最鐘意的食物都可以食曬魚湯超濃郁的味道，令我想起在日本食的蜜瓜靜岡、岡山黑提絕對可以作為最後的「甜品」，而非飯後水果，甜度岩好，完美！

今日男朋友突然話帶我食lunch食omakase😍，仲要係一直都想試既鮨文。一早就bk好左12點，未到就已經打俾我地叫我地準時d，原來係等埋一枱客齊哂先上菜既🤔。所以要預早少少到👍🏻位置其實都好近黃埔地鐵站所以都算方便🙂金箔茶碗蒸👍🏻好夠味好滑❤️刺身方面都好新鮮，汁料方面配搭得好好，個味突出又特別😍而且每道菜師父都會介紹得好仔細👍🏻🥰好貼心薄切池魚刺身🙈入口即溶好好味👍🏻加左少少柚子皮係上面，好fresh 💕中拖，肉質好稔❤️輪到龍蝦啦🤣🤣因為我對蝦類敏感，所以我男朋友食🌚點少得大拖呢，師父話加左wasabi可以中和翻佢既油脂🥰而且唔會嗆鼻冷面都好好味，甜甜酸酸好開胃🥰仲有我最中意既左口魚🥰最喜歡既一道菜😍😂身為海膽愛好者，好中意魚子醬加海膽既食法，好突岀到海膽既鮮味👍🏻🤣魚湯既味道好鮮甜💕食咁多生野飲下熱湯都唔錯總括黎講食物質素同服務都一流🤣會再去的👍🏻

好耐無同另一半拍拖，大家都忙工作。所以今晚無任何特別事慶祝，純粹想浪漫一下，係佢不知情下book了omakase，制造平日小驚喜。另一半到左餐廳門口先知道，佢驚喜又開心嘅樣令我已經好滿足。因為鮨文佢已經想試左好耐了。講番食物首先個三文魚籽蒸蛋 ，入面有菇同元貝，令整個茶碗蒸係蛋香上面再有鮮味。蛋好滑，加上上面鋪滿魚籽，層次更多，更豐富。第一道菜已經有驚喜，令我地更期待後面既美食。九州黑鮑加上肝醬黑鮑用左清酒煮四個鐘，係心機之作，配上肝醬，一清一濃咁配黎食，不錯。野生toro ，深紅肥厚，鮮香。穴子海鰻好香嫩，肉脂分怖平均。海膽又到壓軸既時候。呢個海膽不得之了。係奢侈嘅大極上，師傅好盡力咁放多啲落件壽司度，又係簡單嘅滿足。綿綿鮮嫩感係多多都唔夠喉。其他食材其實仲有北海道厚岸真蠔、日本瀬尿蝦、秋刀魚刺身、炸帆立貝、稻草煙薰鏗魚、八方汁榮螺、海膽呑拿魚三文治、一鯛、赤座蝦、喜之次、北寄貝、魚湯、右口魚等。最後甜點以蜜瓜和提子作為完結。提子係由黑提同巨峰混合而成既新品種，蜜瓜則係靜岡。食材咁靚，就係清甜同香甜！呢餐間中對自己奢華既晚餐係十分之值得！

對上一次食鮨文喺係元朗。依家係黃埔開左一於捧下埸。餐單有兩個選擇，我地揀左個貴啲嘅。一開始黎個奢華嘅茶碗蒸，上面鋪左滿滿嘅三文魚籽，蛋係十分香同滑。令到蛋嘅香更加有層次嘅就係入面嘅茹同小元貝。☺️跟住就黎個秋天主題嘅另一個前菜北海道厚岸真蠔好大隻，加上酸汁啫喱好鮮好甜好開胃。 日本瀬尿蝦一層肉一層膏，有咬口。紫菜同玉根魚仔，開胃小菜。秋刀魚刺身有辣蘿蔔同薑調一調味網燒一下，即刻帶曬啲魚香味出黎☺️炸帆立貝omakase帆立貝通常刺身或者壽司咁食，今次呢個炸左用紫菜包住食好脆口，內香軟滑。稻草煙薰鏗魚有萬能蔥、京蔥 、薑滿滿咁鋪係面，夾住煙薰味食，幾惹味。金山寺麵豉，好特別，入面有糯米同矮瓜，所以食落特別香同有口感，用佢黎整個青瓜小食，我真係好鐘意，食唔停口。九州黑鮑加上肝醬用左清酒煮四個鐘嘅黑鮑，好軟冧，肝醬香濃。八方汁榮螺好香，煮得又軟又滑，而且個擺盤好靚，一睇就知係秋天主題。赤座蝦又係我另一至愛，好簡單，就係夠大隻同鮮甜。食完就係好簡單嘅滿足。八生魚湯呢個魚湯應該係熬左好耐,係十分十分之香濃，好creamy，好暖胃。愛湯之人如我係飲第一啖已即刻愛上。右口魚左口魚食得多，今次食呢個右口魚

由於最近出了花紅因此也要獎賞一下自己，一於嘗試一下日本正宗的壽司.三文魚子茶碗蒸的魚子十分爽口並沒有半點腥味蜜柑鯛，魚身有少少爽口此外柑子又令魚的鮮味提升了不少秋刀魚，是時令的食材因此味道十分之好帆立貝今次用炸的方法也是令一番的體驗.赤鮑魚，所有的精華也在鮑魚身上了.海膽拖羅三文治，麵包十分之香水加上海膽有淡淡的海水味.大極尚海膽，聼師傅講這個是由日本空運到港的因此十分之新鮮.魚湯，十分之香濃營養十足.

終於試到期待而久的鮨文！無論服務、食物、環境都係１００分！ 我的最愛　－　三文魚子茶碗蒸，滿滿的自家醃製三文魚子，每粒都很有彈性又爽口配上滑溜的帶子蒸蛋，好好好味！ 日產生蠔　－大隻又creamy 吉列新鮮帆立貝配合自家制他他醬及脆口紫菜！ 赤鮑魚，超級大隻，意想不到的很軟熟，加上自制鮑魚乾醬配飯，第一次試很驚喜。 拖羅海膽三文治，美味滿瀉。 一系列新鮮的壽司，不能盡錄。。。 滿滿的海膽 – 幸福其實很近！ 今年食過最滿意的一餐！

若說現時最受歡迎的Fine Dinning，廚師發辦（Omakase) 必穩佔一席位。自從上次在元朗品嚐過鮨文後，其製作用心及選料上乘使我念念不忘，於是便到紅磡黃埔的鮨文，回味之餘看看兩店會否有所分別。埔店地方比較大以及裝修十分新簇，店員的服務態度更是值得一讚。廚師發辦的成敗關鍵，當然就是廚師。今晚為我們預備料理的廚師除了手藝超卓，製作用心外，亦相當友善健談；為我們帶來十分盡興的一頓豐盛晚宴。聽著廚師的用心講解，確實能拓闊眼界，對各種高端食材加深認識，更能以味蕾分辨各種鮮香美味，難怪總令人念念不忘。為盛宴當先鋒的是一客茶碗蒸蛋；但千萬不要小看這味簡單菜餚，因為他是讓廚師先露一手的認真製作；蒸蛋當然軟滑，頂層的三文魚子以自家甜鼓油醃製，鮮味濃郁，配點柚子皮帶出獨特香味，蒸蛋中心的乾元貝更蘊含濃濃鮮甜味。至於三道頭盤，分別是北海道厚岸珍蠔、瀨尿蝦（子持） 及小女子（佃煮）北海道厚岸珍蠔以秘製酸汁調味，蠔身大隻多肉，蠔味不算濃，中心十分creamy，口感一流。這道有蝦膏的瀨尿蝦，是夏天才能吃得到的季節限定菜式，以海帶甜醋調味，很開胃。小女子（佃煮）是以甜鼓油處理的小魚乾，味道濃郁。前菜過後，

食材很好 廚師也很好. 最可惜是個口黑面黑的女侍應 服務態度極差😡😡😡所以吃完這午餐後以後也不會再去了 。我們四個及兩個人去也要分開我們的座位坐重要好像街頭示威的人一樣 罵髒話🤬

一起8年了，今晚這個特別的日子，老公帶我去食日式料理。餐廳環境舒適，交通方便，壽司師父不論烹調還是解釋，都十分用心，服務加分。三文魚子茶碗蒸，上面是自家醃製三文魚子，很爽口。而下面是滑溜的蒸蛋，有帶子、菌類等。蜜柑鯛，加了酸汁啫喱醬，酸酸甜甜，爽而開胃。秋刀魚，𠝹了花，相當滑身及柔軟，配上青檸及少辣的蘿蔔泥。吉列帆立貝，配沙律醬及紫菜。帆立貝大大隻，很新鮮，起絲，外脆內滑。北海道毛蟹，上面是蟹膏，新鮮拆的蟹肉，肉質柔軟，有一條條絲的口感，又有香口蟹膏，很惹味。稻草燒的鰹魚，有三款蔥、蒜片及芝麻，感覺清香，不腥。赤鮑魚，蒸了四至五個鐘，很軟熟，很爽口，鮑魚乾醬配飯，醬很滑很香。拖羅海膽三文治，三重口感，紫海膽新鮮軟滑，有少少煙燻味。深海池魚，很爽口，有很重魚油味，滿滿的油脂。鰤魚，上面有芥末醬，很滑，很香，油脂分佈均勻。炙燒過的梳子魚，皮有少少脆，有油脂的香味。吞拿魚中腩，油脂及魚味香口，柔軟滑口，但不膩。白蝦壽司，極少見的日本富山特產，有柚子清香，很黏口。大極尚特上海膽，滿滿的海膽，滿滿的幸福，入口很清甜，很綿口，沒有海水味。海鰻壽司，柔軟滑身，感覺甜甜的。魚湯，用魚骨魚頭等煮成，配蔥

聽好多人講話鮨文好好味好耐啦…一路都未有機會去…因為試過幾次當日打去都冇位…所以係好奇心驅使下…今次早左兩日book定位先…今日早到左…sushi bar都唔full…不過食到1/3就full house了…既然一場黎到…咁就食好d啦...點左個比較平既omakase...因為見到另一個Set貴左成3舊幾…只係多左件壽司同魚生…連海膽杯都無埋…感覺平既set仲抵食D首先黎既係蒸蛋…蛋幾香…面頭放左好魚仔…不過魚仔就無乜味…入面仲有其他配料…尤其加左元貝鮮甜好多...不過蛋就唔太滑之後師傅就開始上魚生:Hamachi師傅準備左兩款食法…前面就加左柚子鹽醬油…好清新既感覺…唔錯…後面嗰舊就網燒過…魚油香出哂黎…不過就漏左dd秋刀魚師傅就準備左3種調味…辣蘿蔔蓉…薑蓉同蔥…首先秋刀魚好新鮮…好有魚味…一D都唔腥…三隻調味我比較喜歡加薑蓉…半生熟帶子tempura…紫菜好香好脆…帶子好鮮甜…因半生熟關系…質感實在D...唔會好似食全生咁糯口…之後就黎個梅子素麵配樽菜…第一次食樽菜…個樣好似有層啫哩包住咁…幾得意…不過本身就無乜味…素麵汁就酸酸地可以先清清味蕾再繼續食壽司壽司:目一鯛…魚味唔濃…

每一年都要定時獎勵下自己，工作得咁辛苦自己好啲點得首先食個茶碗蒸三文魚子，元貝，菇有淡淡的酒味珍蠔小女子白飯魚賴尿蝦下面仲有海澡右口魚，鮫鰈沙甸魚卷，裡面有自家制子薑，青瓜，味道清新怡人百芳汁，榮螺，新鮮彈牙遠山海苔，帆立貝，滋味無比，原來紫菜同帆立貝係咁夾自家制他他海膽煙燻拖羅，口感一流！！黑飽，鮑魚肝醬 非常濃郁濃濃嘅鮑魚鮮味喜之次 好少食喜之次既刺身, 好特別石桓貝，赤左蝦，拖羅海膽 穴子 一食落口幸福無比最後食返靜崗蜜瓜同江山黑提, 甜入心呀

光顧過元朗分店，印象良好，知道黃埔有分店，即安排光顧。餐牌大致相同，但 Omakase 內的細節就各有千秋，不盡相同。環境光潔亮麗，一絲不苟，正正就是日本壽司店的理念，完全反映出來。先來三文魚子茶碗蒸，新鮮三文魚子，經甜豉油浸泡過，脆口彈牙；大廚並介紹這道菜式來由，是從懷石料理演變出來的，蛋內還放了小元貝、柚子皮、菌菇等，味道豐富有層次。三式前菜 💖💖💖，有珍蠔、瀨尿蝦、及甜小魚乾。北海度厚岸珍蠔，珍蠔體型偏長，蠔身 creamy，配以自家泡制的酸汁及蔥花。進食時全隻入口，可同時將蠔鮮、軟滑、creamy、蔥香、醋酸、清涼的味覺共冶一爐，的確是一個好提議。子持瀨尿蝦配醋浸生海帶，瀨尿蝦帶著厚厚的卵，肉質鮮甜，屬季節性產品。海帶經甜醋浸泡過，清涼爽口，味道開胃怡人。佃煮小女子，佃煮是日式傳統煮法，用上甜豉油慢煮，口感效果煙韌，硬中有黐甜味道。三者中味道最為濃郁，是壓軸的前菜。頭盆享用過後，正式開始刺身之旅，打響頭炮的是秋刀魚刺身，屬季節性的魚鮮，大廚以界花的刀法處理，隨美觀外更可將細骨切斷或移除，坑紋亦有助留住醬油，一舉三得 👍💖💖。另附上三款佐料，分別是薑蓉，蘿蔔蓉及辣椒蘿蔔。小妹最愛