影片
更多
2019-10-26
1380 瀏覽
生完小朋友，要食坐月餐食足一個月，坐完月之後正正就係我生日之時，老公問我想食乜，二話不說即刻話要食日本野！好野！食我最愛既鮨文！黃埔有分店唔使去到元朗咁遠！要趕住反屋企湊仔，唯有食個午餐，不過我已經好滿架喇午餐有5個set，我地嗌左一個16件壽司既set，另一set就係有個海膽丼既，師傅好貼心，知道我地係share既，就幫我地安排8款壽司，等我地可以一齊食一樣既野首先岀場既係白飯魚仔茶碗蒸望落以為無咩特別，點知口感都幾好，茶碗蒸滑嘟嘟，同一條條既白飯魚口感有個強烈對比，都幾有驚喜開始食生野喇師傅建議我地食左真鯛配上柚子jelly先，比較清新，然後就係肥美既深海池魚三文魚食得多，秋鮭真係第一次食，師傅話而家當造既就係秋鮭，比較名貴甜蝦昆布漬，我最愛大大隻甜蝦！好jam，好正秋刀魚壽司，喺日本第一次食秋刀魚刺身之後就對佢既鮮味念念不忘，好好食，網燒過令香味更有層次！帆立貝，平時食開軟身既帆立貝，新鮮爽口既帆立貝真係正好多，既鮮甜又有口感，無敵！秋鮭魚子，真係好好食，完全唔會腥，粒粒都充滿住鮮甜味道，再有特製既醬汁，令人回味無窮呑拿魚配黃芥末，好得意，食熱狗咁小肌魚配上一層昆布纖維，昆布既味
要趕住反屋企湊仔，唯有食個午餐，不過我已經好滿架喇
午餐有5個set，我地嗌左一個16件壽司既set，另一set就係有個海膽丼既，師傅好貼心，知道我地係share既，就幫我地安排8款壽司，等我地可以一齊食一樣既野
首先岀場既係白飯魚仔茶碗蒸
望落以為無咩特別，點知口感都幾好，茶碗蒸滑嘟嘟，同一條條既白飯魚口感有個強烈對比，都幾有驚喜
開始食生野喇
師傅建議我地食左真鯛配上柚子jelly先，比較清新，然後就係肥美既深海池魚
三文魚食得多，秋鮭真係第一次食，師傅話而家當造既就係秋鮭，比較名貴
甜蝦昆布漬，我最愛大大隻甜蝦！好jam，好正
秋刀魚壽司，喺日本第一次食秋刀魚刺身之後就對佢既鮮味念念不忘，好好食，網燒過令香味更有層次！
帆立貝，平時食開軟身既帆立貝，新鮮爽口既帆立貝真係正好多，既鮮甜又有口感，無敵！
秋鮭魚子，真係好好食，完全唔會腥，粒粒都充滿住鮮甜味道，再有特製既醬汁，令人回味無窮
呑拿魚配黃芥末，好得意，食熱狗咁
小肌魚配上一層昆布纖維，昆布既味道抹去小肌魚既少許腥味，突岀左佢爽口感覺，配合得好好！
海膽，唔使講，我既至愛，無得彈！
右口魚手卷，平時食開左口魚，原來真係有右口魚架！燒一燒，魚油迫哂岀泥！真係好正呀！超級好食！
仲有個海膽丼，海膽鮮甜無比，唔使講，又係無敵！
最後有個湯比你清一清口入面既味道，食反個豆腐雪糕，為餐生日午餐畫上完美句號
順帶一提，師傅真係好好傾！決定下次約埋班friend都要揾佢！聽講坐vip房會唔同啲！等我下次去完vip房之後再同大家報告下先
張貼
