301
4
8
餐廳: 鮨文
資訊:

為推動全港減鹽減糖新飲食文化及新生活態度,食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟,參與食肆會提供少鹽少糖選項予顧客,部份更會提供特定減鹽減糖菜式。參與減鹽減糖食肆會獲發計劃標誌,以供張貼於店舖內,供顧客識別。詳情可在此瀏覽:https://www.fhb.gov.hk/cn/our_work/feh/rssf.html

港鐵黃埔站 A 出口, 步行約2分鐘 繼續閱讀
所有分店 (2)
電話號碼
27943995
69959944 (WhatsApp)
營業時間
今日營業
12:00 - 15:00
18:30 - 23:00
星期一至日
12:00 - 15:00
18:30 - 23:00
付款方式
Visa Master 現金
座位數目
32
其他資料
電話訂座
加一服務費
食評 (319)
等級4 2020-07-16
139 瀏覽
男朋友🎉Birthday🎂對於2個鍾意😋食嘅人黎講:🍣食美食😋已經係好大嘅驚喜🎉及樂事❤所以揀嘅餐廳以「我想食」為標準🤣🌞早餐食Omakase🍣其實都1:45🙈記得要早少少或準時去到,因為Lunch只做2輪。入坐後,我見職員已即刻call未到嘅客人,confirm book枱時都會提醒只留15分鐘,所以準時到比較好,咁樣有充裕時間享受用餐男友生日食豪少少,揀中間價錢💰set lunch🍣滑溜溜又足料嘅金箔海苔🍵茶碗蒸🍣清新+油脂+慢煮sashimi慢煮🐙八爪魚好出色,無咗一般un嘅口感,反而係Lum同時好入味🤤🍣sushi好新鮮拍一拍會郁嘅akagai😍仲有自家醃製嘅清甜魚子👍🏻火灸過嘅更顯魚油香🤤大蝦🦐個款真係不得之了,將鮮蝦×蝦子×蝦膏,1啖多重口感🤤🍣明太子青椒仔天婦羅咬落去嘅清脆聲音表現,薄薄外脆做得非常之好🤤🍣迷你uni雲丹盛放咗2~3層好澎湃嘅北海道uni海膽,味道清甜🤤好Fresh 嘅感覺😋🍣茶壼湯好足料‼️蟹、帶子、魚肉、菇等等,原來個青檸係擠係湯料上食作去腥之用⭕🍣手卷 淨係記得個油脂感➕勁香脆紫菜而且拎之前師傅都有提醒我地要雙手接,之後就好似飲酒咁放入口,好滿足啊‼️食到飽飽時,師傅突然“生日快樂”遞上點咗蠟燭嘅生日“吞拿蓉uni魚子盛”~~ Surprise🎉🎉(其實我都唔知,只係book台時有講聲佢生日,點知有驚喜喎😁)呢一刻男友已經好飽,所以食咗1啖之後,我就已經將uni同魚子食咗落肚嚕🤣🤣🤣🤣🤣尾聲以豆腐雪糕作結尾🍦見到男友內斂得黎又滿足、突然又收到驚喜又不知所措嘅樣子真開心❤ 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-01
604 瀏覽
終於可以一試期待已久的Omakase了,我跟朋友都選了價錢較貴的款($1980一位),食豪d。食完覺得omasake食的不只是高質美食,仲有廚師的心思用心,同埋服務,偶爾特別日子來一次,絕對係生活享受。先來第一道前菜,黑松露金箔蒸蛋,黑色、金色的色調高雅,蒸蛋嫩滑,裏面有帆立貝、菇菌和菠菜。跟著來的是4款涼菜,左上有梅汁啫喱海葡萄,爽脆的海葡萄配梅汁啫喱清新開胃。右上有梅酒浸車厘茄,師傅話梅酒係自製的,車厘茄酸甜酸甜的。左下有冷麵汁菠菜,菠菜好滑口。最下面有甜煮小女子,小女子的一種魚乾仔,甜甜咸咸的,幾香口惹味。再來有北海道幼鱈魚,師傅話係用少過2kg的鱈魚BB做,用火槍燒面,加上自製白面豉醬、wasabi、豉油,口感幼滑,油香豐富。跟著有生蠔,師傅話係岩手縣生蠔配上自製紫蘇醋,生蠔厚肉鮮甜配上紫蘇的幽香幾特別。然後有八爪魚🐙,師傅話煮左3日,八爪魚甜身,肉質軟熟,如果沾上伴碟嘅柚子胡椒就會有d辣惹味d。吉列帆立貝配青瓜洋蔥他他醬,用紫菜包住食,帆立貝外脆內軟,鮮嫩,厚身一索索肉。稻草煙薰鰹魚,用古燒稻草的煙薰,有一種煙薰香氣,魚味濃,加上萬能蔥、白蔥和萌荷(師傅話係一種薑)、蒜味豉油,食落有d香口。清酒蒸鮑魚,師傅話係島根縣黑鮑魚,黑鮑魚屬於日本鮑魚的最高規格,呢隻鮑魚有800-900g,差不多1kg,超大隻,大過手掌。見師傅切嘅時候鮑魚好柔軟,好似布甸咁Q彈,食落果然正,鮑魚又鮮甜。最後用壽司飯沾上用鮑魚肝做的醬食,好甘甜。跟住開始食壽司🍣,第1款係深海池魚壽司,有炭燒香味和魚油香。第2款係愛援縣粒貝壽司,即係響螺,響螺經師傅刀工𠝹開後好爽脆,配上柚子鹽。第3款係關西喉黑魚壽司,經火炙後魚油脂很香,壽司飯裡面有d日本曼蔥。第4款係蝦壽司,用蝦BB做的,師傅話有成廿隻蝦仔加上清新青柚子皮,食落綿綿的,有d黏黏。第5款係中施羅壽司,施羅柔軟油脂豐富,師傅話加入左3倍wasabi,油脂中和左,所以唔會覺得辣,拖羅亦不膩。第6款係自家甜醃三文魚子軍艦,師傅教我地頭向後仰倒入去口食🤣,魚子清甜不腥。第7款係紫海膽軍艦,當日這海膽大有來頭,係店舖買手於東沢水產投得的12號靚海膽,海膽綿綿的,鮮甜清香。最後一款係穴子壽司,係最細最幼嘅BB海鰻,食落綿身,柔軟冇骨。壽司與壽司之間,師傅仲細心提供左3款漬海,酸薑、Wasabi醃山葵、紅酒蕎頭,清口腔去油解膩。最後一道係右口魚加赤貝手卷,見師父用火槍炙燒,油脂豐香,赤貝爽脆,用手卷食法可以充分吸收深海魚油,滿滿嘅奧米加3。食完所有食物就飲一碗熱湯🍲,用剛剛嘅白色魚的骨和頭熬成,加入蔥粒,鮮甜無比。最後有貓眼提子🍇(黑提加巨峰混合種)和靜岡蜜瓜,清甜可口。用日本生果做結尾,完美滿足。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-25
523 瀏覽
有阿姨的孩子像個寶!適逢考完試,阿姨決定帶我一試廚師發辦(Omakase)。原來日本人都有類似中國人嘅民間智慧「不時不食」,新鮮嘅時令食材加上廚師嘅心思同講解,$1980一位都值回票價!味覺、視覺、聽覺多重享受。.黑松露金萡茶碗蒸蒸蛋火候控制得宜,口感嫩滑無比。整成啫哩嘅黑松露唔會過鹹亦唔會影響蒸蛋嘅質地。裏面仲有菇同埋元貝令味道更豐富。.小食拼盤四小碟前菜(酸汁啫哩海葡萄、梅酒浸車厘茄、冷麵汁波菜、辣汁黑梅螺拼小女子)各有特色,盡顯廚師嘅心思。特別欣賞頭兩款。沖繩海葡萄嘅口感好似蟹籽咁爽脆。剝左皮嘅日本車厘茄口感好似蘆薈咁好咬,同梅酒出奇地夾。.油坊主以鹹香嘅麵豉醬同埋橘子汁調味,令油脂十足嘅魚肉唔會太膩。.岩守縣大船渡灣真壕IPhone 咁巨大嘅蠔肉爽口滑溜,鮮味顯著但係海水味偏淡,加埋紫蘇葉汁味道更清新,連怕腥嘅人都會接受到!.櫻煮八爪魚細細碟原來工序好繁複,按摩後以甜豉油慢煮八爪魚三日三夜,難怪咁淋身咁入味。.吉列帆立貝新鮮嘅帆立貝果然同雪藏果啲唔同,外熟內軟,絲絲分明。爆多青瓜洋蔥粒粒嘅他他醬味道好食到忍唔住想問廚師拎秘制配方!.稻草煙燻初鰹唔及回鰹油脂多,魚味較清香,配上蒜味豉油、白蔥、茗荷等調味,滲透微微嘅燻香。.清酒蒸黑鮑鮑魚來自島根縣,屬頂級規格、鮮味濃郁,點少少鮑魚肝醬食味道更上一層樓。.八貫手握壽司喜魚:特殊煮法做出皮熟肉生嘅效果,輕易咬開,肉質保持軟嫩粒貝:剁過嘅活鄉螺口感爽脆彈牙喉黑:外皮燒至脆身,魚油香濃東沢水產白海膽:正值當造之時,膏塊體制大,鮮中帶清藍鰭吞拿魚大腩:入口自鹿兒島,肌肉口感實在,味道重唔會膩。三文魚籽:以甜豉油自家醃製,爽脆多汁,唔鹹唔腥,讚!!!點紋牡丹蝦:啖啖肉,蝦頭嘅蝦膏都唔浪費燒焦放面,甘甜無比。穴子:口感綿軟,入口即溶。右口魚裙邊手卷:油香滿溢,加埋赤貝裙邊同埋吞拿魚蓉,配搭豐富。.貓眼提子+靜岡蜜瓜以果物作結比甜品更解膩。黑提巨峰嘅混種係近年新品,無左巨峰嘅酒味,果皮亦較薄,甜度滿分! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-24
379 瀏覽
台上1分鐘,台下10年功。望著師傅一刀一刀將羗切成均等的一片片,又輕巧又薄,看得我眼定定,絕對放心將今晚的食材任由他發辨!金箔黑松露蒸蛋高雅的一個前菜!蒸蛋滑溜細緻,混入黑松露的芡汁,味道好夾。五小碟:海葡萄加入了酸醋啫喱,爽口開胃。日本蕃茄仔浸過梅汁,清甜可口。冷麵汁菠菜,夏日炎炎最佳涼拌。黑梅螺煮得夠軟腍,入味!肉筋魚仔醃製入味,佐酒一流。油坊主,呢種魚聽個名子就係可想言之充滿脂肪,面層塗上麵豉醬油,略為炙過,那油脂滿溢另口腔充滿驚喜。真蠔是我的至愛。來自岩手縣真蠔,肉白肥美,豐腴得快要把它吃掉。爽甜,淡淡的海水味與及蠔味一擁而上,加添了紫蘇葉汁更有層次。一向對八爪魚沒有好感,那種咬不到,吞不到的口感往往另我卻步。這個櫻煮八爪魚是師傅的大力推薦,放了不少時間和心血餚製出來。第一次食到八爪魚的質感是軟腍柔靭,少少的柚子胡椒調味,更顯出八爪魚的風味。帆立貝炸得外脆內軟,中心位置剛熟透心,可見一絲一絲。配合自家炮製的他他醬,有青瓜和洋蒽原素,另到炸物減輕了油膩之感,好好味。鰹魚採用稻草煙燻,啖啖散發出燻香。茗荷,白蔥,蒜蓉豉油和芝麻的配合,一流。原來鰹魚是象徵長壽的意思,真係唔講唔知,又增進知識了。來自島根縣的黑鮑魚,採用清酒蒸,肉質細膩軟腍,有微微酒香,蘸少許鮑魚肝醬同吃,高雅又矜貴。鱚魚是時令魚,夏季才有的,今晚有福了。炙過後,只皮熟,魚肉還保持生的,淡淡的魚味。活粒貝爽口有嚼勁,鮮甜味美。喉黑魚,魚脂十分豐富,甜味十足,口腔內油脂平衡,滋味!來自鹿兒島奄仔美大島的吞拿魚大腩,肉的顏色比較深,因有肌肉,所以口感特別豐富。秘製醬油三文魚籽粒粒晶瑩通透,入到口內慢慢爆汁,正。紫海膽有著淡淡的甘香,滿足了味蕾。利用了魚頭,魚骨,多種食材煲煮而成白魚湯,鮮甜暖胃。來自函館的點紋牡円蝦好特別,蝦側身有四點,蝦頭有直紋,有光彩,新鮮。入口好有漿口感,再加上炙過的蝦膏,那焦香味無比,勁惹味。穴子又是我的至愛,利用了穴子頭骨餚製成醬汁伴吃,肉質綿滑柔軟得不可置信。右口魚邊,赤貝邊,吞拿魚蓉混合成的手卷,口感複雜,好味。最後是甜品的時令水果,貓眼提子和靜岡縣蜜瓜。完美晚餐的句號! 繼續閱讀
(以上食評乃用戶個人意見 , 並不代表OpenRice之觀點。)
以往我都只幫襯元朗分店, 不過, 近排唔係好適合太夜返屋企, 就決定去黃埔分店試吓~ 黃埔分店好就腳, 地鐵站一出. 過條馬路就到, 夠晒方便~ 受疫情影響, 餐廳做足預防措施, 以探熱槍量體溫, 再加酒精搓手液清毒~ 餐牌上Omakase有兩種, 見價錢相差唔係好遠,就食豪dd~ 茶碗蒸鵝肝金箔蒸蛋係第一道菜, 先將鵝肝蒸熟, 再用筲箕壓碎去筋, 吃時將鵝肝與蒸蛋搓勻, 蛋香夾雜鵝肝既鮮香味, 簡直係人間極品~ 另一道菜叫4點先付, 一碟有4道小食, 味道由淡至濃~先食鰻魚苗, 魚苗幾醋汁浸住, 入口微酸, 煙韌似蒟蒻, 食完幾開口; 八刺身好嫩滑, 有紫蘇同炭香; 螢光魷魚呢個時候最當造 廚師以蛋黃醬提鮮, 酸甜惹味, 啱晒我胃口 最後係太刀魚, 魚皮微脆, 魚肉細滑, 有炭香味~ 毛蟹 x 沢蟹廚師將活生生既毛蟹煮熟拆肉, 再天婦羅咗細細隻既沢蟹, 加埋蟹膏, 又甜又甘香又脆, 好好味~櫻煮八爪魚 八爪魚煮法幾特別, 先同八爪魚按摩腳仔, 再以40度雪一晚, 放入甜醬內浸, 肉質軟淋, 甜甜辣辣, 好似食緊豆腐咁~ 吉列帆立貝 紫菜好香脆, 配埋吉列帆立貝就脆上加脆, 沙律醬就可以中和油炸感~ 8貫握壽司 8款手握壽司, 有春子鯛、金甘鯛、真鯖、白松貝、牡丹蝦、拖羅、海膽&穴子~ .壽司味道由淡味到濃味, 春子鯛魚味較淡, 肉質黏黏地, 有甜香; 金目鯛魚油重, 魚肉滑; 真鯖有火炙香味, 油脂濃郁; 白松貝好爽脆, 但就無煙韌既嚼勁感, 味道鮮濃; 牡丹蝦爽口彈牙, 加埋燒過既蝦膏,勁甘香; 拖羅脂肪多, 好重魚油香味,有炭香味, 入口慢慢化開~ 師傅會於中途還來不同的食材如淮山、薑等等清清味蕾~ 好窩心! 到我既至愛海膽壽司, 海膽入口既滆, 超甘香; 最後係穴子壽司, 肉質比鰻魚結實, 不過味道就一樣咁鮮甜~ 手卷 手卷入面加咗燒過既右口魚, 仲有三文魚籽同埋海膽, 基本上我食唔到右口魚既味道, 因為海膽既味道太突出, 搶晒鏡, 三文魚籽甜甜鹹鹹,幾惹味~ 湯魚湯都幾好味, 魚味好重, 雖然湯面有一層厚厚既魚油, 但飲落口唔覺肥膩, 廚師仲話係好既魚油嚟, 飲得多養顏~ 福崗士多啤梨&靜崗蜜瓜 因為怕食咗蜜瓜, 士多啤梨甜度唔夠會覺得酸, 店員就提醒我先食士多啤梨, 講真, 士多啤梨係酸既, 但食完再食蜜瓜, 蜜瓜味又會變得更加甜~ 繼續閱讀
(以上食評乃用戶個人意見 , 並不代表OpenRice之觀點。)