榮哥廚房私房菜

營業中

休息中

話說媽媽喜歡食中菜，是晚想孝順一下帶她出外晚膳，個人比較怕一般中式酒樓多油重味精，所以選了工廈間私房菜。涼拌鮑魚菇及黑木耳都是食材較健康的餐前小食，很醒胃。有機沙律菜伴芝麻醬用了有機水耕菜，特別新鮮。茶燻流心蛋魚子醬伴厚切茄子未食已聞到很香的茶燻味，流心蛋不太甜，保留了蛋香; 茄子煎得可口，蛋汁流在茄子上再配魚子醬非常相襯。哈密瓜螺頭黑毛豚肉湯很多配料的燉湯，螺頭淮山豬肉等令湯清甜，夠火喉沒有味精。蝦球水芙蓉看菜名以為是一般芙蓉蛋便錯了，其實是蒸蛋白。蝦球彈牙，蛋白蒸得很滑，個人口味覺得配少許芡汁已經夠味。蒜香芝士焗老外蠔王蠔大隻肥美，用了芝士焗起來很香。遠年新會陳皮骨以陳皮醃排骨，咬了一口有驚喜，陳皮香味全滲入了排骨肉裡，而且排骨肥瘦適中，一試難忘。鮮魚湯浸溫室菜苗菜苗爽口，加在又濃又鮮甜的魚湯剛好。荷葉蒜蓉海斑片蒸飯海斑片肉質結實鮮甜，落了很多蒜蓉蒸，充滿著蒜香，伴飯一流。還有種類多的生果併盤。最後大廚榮哥還會出來問每枱顧客對菜式的意見，通常是外國餐廳的做法，食中菜則第一次見。整晚的菜式都很精緻，感受到餐廳用心編制菜譜，這就是私房菜討人歡心之處。

觀塘工廈私房菜食得出很用心製作的私房菜，食材質素不錯，絕對值得推薦的中式私房菜！點了5人餐，包括前菜沙津同8道菜！先講前菜沙津(太肚餓冇影相就食左) 有機沙津伴芝麻醬 - 非常推介！沙津菜好新鮮爽脆，芝麻醬調配得好好，有少少wasabi味加上濃郁芝麻醬，好好食！涼拌鮑魚菇/黑木耳 - 一般主菜：茶燻流心蛋伴黑魚子醬配厚切茄子流心蛋好香煙燻味，蛋黃煮得啱啱好，重點係黑魚子醬味道非常鮮甜，配上茄子超好食！原盅燉哈密瓜螺頭黑毛豚肉湯非常鮮甜，螺頭只有一小粒，但整體都好足料，味道好。帶子水芙蓉蒸蛋白，蛋白非常滑，味道唔算濃，沒有太大驚喜。蒜蓉蒸蟶子王比較失望的一道菜，味道唔太夠，蟶子略為韌，麻麻地。三色胡椒澳洲皇帝蝦王胡椒味極濃非常香，蝦好大隻好鮮，而且入哂味，好正！懷舊子薑雞有驚喜！帶少少酸但亦帶甜，醬汁超好味！值得推介！米王湯浸碧綠溫室菜苗菜苗好爽好嫩，清清地，唔錯！荷香蒜蓉海斑片原籠蒸鴛鴦飯蒜味好重好濃，斑蒸得剛剛好，夠哂味！飯就略為濕，太軟失去口感。最後仲有水果拼盤 整餐非常豐富，超級飽！

榮哥私房菜（$338/一位）-今次試左好少食既私房菜，全餐前後一共十道菜，全部都做得好靚而且創新，岩曬同屋企人去食。-茶燻流心蛋伴黑魚子醬配厚切茄子流心蛋味道咸香😆，有濃濃嘅蛋味，帶點茶嘅餘味，味道剛好，上面配埋魚子醬點綴，增添香味及層次感，流心蛋口感亦都十分之香滑😜，而茄子，外皮香脆，食落唔油膩，咬落有d煙韌嘅感覺，醬汁甜甜地，十分開胃。-原盅燉哈密瓜螺頭黑毛豚肉湯哈密瓜同豚肉嘅甜味盅哂出黎，飲落味道清甜☺，後勁帶點螺頭嘅香味，感覺好潤喉又暖身，冬天飲就最岩；司令絕對唔浪費食物，食埋佢嘅湯料，螺頭燉咁耐仍保持爽口鮮甜嘅口感😛，而哈密瓜口感軟身而清甜，值得一讚！-遠年新會陳皮骨磨成粉狀嘅陳皮散左係表面，所以食落陳皮都突出😍，陳皮嘅甘甜味係口中散發，好強嘅回甘味😖，而肉骨炸到外皮脆脆地，又唔油膩，令人想再食一舊呀！-蝦球水芺蓉蝦球好新鮮，咬落爽口彈牙，調味簡單😗，蝦鮮味好出，下層仲有蒸蛋白，加左上湯嘅芡汁，味道偏清淡。-蒜蓉斑片原籠蒸鴛鴦飯食中餐點都要有米飯落肚，最後上既蒸飯望落好靚仔，斑片同蒜蓉既精華滲曬落去，下面既飯雖然有紅米，但食落完全唔會硬，又健康又好食。

中菜菜式一向也大同小異實在令人納悶，想要吃得特別一點，私房菜的確是一個好選擇，現在做私房菜的餐廳不及數年前多，可能是由於每道菜式也要精心設計，少一點時間和心機也不行。今次選的榮哥私房菜是位於觀塘工業中心三期，開業僅僅數個月，口卑一直很不錯。這裡裝潢貫以傳統洒中式酒樓風格，簡約設計卻為其後精緻的菜式帶來意想不到的驚喜。今天總共有十道菜式，從前菜，主菜，湯，以致甜品都是廚師發辦的，每位$338，以這個價錢來說可算十分抵食。有機沙律菜伴芝麻醬第一道菜以有機沙律菜作為打開小胃的頭陣，沙律作為中式頭盤可算是不常見，有點中西合壁的感覺，然而這裡的有機沙律菜是自家養植，門口旁邊更有一列水耕菜，絕對天然健康。沙律菜配以小番茄混和芝麻醬和芥辣，味道出奇地夾，芥辣並不會太嗆喉，食落香中帶有酸甜的味道，原來老闆特意加進意大利黑醋在內，令味道層次更為豐富。沙律菜更是非常脆綠爽口， 每片也充滿水份，水嫩鮮甜，看似簡單的沙律也可以做到回味無窮確實不容易。涼拌鮑魚菇隨即而來的另一道頭盤小吃便回歸中式的懷抱，鮑菇魚質感份外柔軟，緩緩的調味不算濃郁，口味較為清淡，但卻得已保存那份鮮甜的味道。涼拌黑木耳黑木耳營養價值豐富

🙋🏻為食妹呢期迷上私房菜私房菜一次過可以試到多款菜式。啱曬❤多多嘅我。同媽咪黎到觀塘拜會榮哥有機沙律菜伴芝麻醬～沙律菜配芝麻醬「夾」是常識吧。有麻醬味道仲有wasabi 味道，越食越過隱。涼伴黑木耳 涼伴鮑魚🍄～兩款前菜都酸酸地。好開胃。胃口大增茶燻流心🥚伴黑魚子醬配厚切茄子～🥚個心黏黏的。淡淡茶燻嘅味道。小小的🥚做咗主角了炸咗嘅🍆比較油膩。伴碟嘅龍珠果甜甜酸酸的。原盅燉哈蜜瓜螺頭黑毛豚肉湯～真材實料。每啖湯甜甜的。蝦球水芙蓉～🥚滑溜無比。🦐爽口彈牙。蒜香芝士焗老外蠔王～焗蠔食得多。次次d 醬汁多到連粒蠔都睇唔到。呢度嘅蠔係King Size 。粒粒脹卜卜。好味都lam lam 👅遠年新會陳皮骨～每一口有淡淡陳皮味道。肉係半肥瘦。唔會鞋烚烚。鮮🐟湯浸碧綠溫室菜苗～菜苗索哂d🐟湯。嫩滑甜甜的。荷香蒜蓉海斑片 原籠蒸鴛鴦飯～平時食紅糙米飯食到口wear wear 。海斑啖啖肉。🐟嘅油粉滲透入飯粒中。味道即刻升咗幾個level。有生果拼盤作結尾大滿足。

近期見工關係來到觀塘工厦。發現有間私房菜，好奇試試。一入門口見到好特別喎，有一藍子彩球雖然吾知有咩用，不過都幾特別。彩球旁邊是有機菜，好特別又環保。室內裝修樸素簡單，沒有華麗裝潢，不過地方寬敞，坐得舒服。前菜好豐富喎，有沙律，涼伴鮑魚菇和黑木耳。沙律應該係門口果些有機菜，好健康又鮮甜。流心蛋好滑軟，還有厚切茄子，也吾錯。主菜好多品種，仲有飯添，不過全部味道偏淡。如果可以入味些，我諗會更好。菜苗細細碟，啱哂一個人份量。湯味道尚好，係好健康的菜式。估吾到最後仲有生果添。西瓜肉好實好甜。火龍果也的味道，菠蘿就有少少酸。總括:價錢偏貴，食物偏淡，食到好飽。

私房菜，曾在飲食界紅極一時。想不到原來觀塘的工厦也有私房菜。表哥在觀塘返工，這間私房菜就在他公司樓下，今晚帶我去見識一下。由升降機走出來，就是舊式設計的走廊，沒有豪華裝潢，充滿工業大厦原始的味道。這晩只有套餐提供，沒有其他散餐，正好啱晒本人的選擇困難症。價錢為＄338/位(另加一）。沙律伴芝麻醬，還有車厘茄伴送，像紅綠燈過三關，顏色鮮豔吸引。有機沙律新鮮爽嫩，撈上香滑芝麻醬，很是吸引又食得健康。是開啓味蕾的好菜式。鮑魚菇有輕微芥末味，清爽可口，很是特別。涼伴黑木耳以前食開的都是加生蒜、辣椒和醋撈埋的香口味覺，現在這種屬於清淡食法，勝在健康，也是不錯。半溶的流心蛋色澤金黃，引人入勝。有經驗的私廚助理上菜時叮囑我們茄子要沾上多點醬汁會更顯風味，如此細心的建議，我們當然言聽計從，酸酸甜甜的醬汁果然味道不錯。侍應還提醒我們伴碟的那個迷人可愛的龍珠果也可以食埋，本來我以為這只是裝飾而己，想不到龍珠果味道甜而帶少酸，令人胃口大開。我倒是第一次食，後來査閱後知道此果營養豐富，可清熱解毒添。湯的熱度足夠。味道不咸不淡，剛好。是位上的，侍應小心地放上台，然後揭開湯蓋，有賓至如歸的感覺。飲完湯就開始準備迎

平時約朋友多數食放題或打邊爐，今次想吃點其他所以選了私房菜。我前幾天已訂位，所以去到即刻有枱唔洗等。閑日客人不算很多，所以可靜靜地食餐飯。前菜是有機沙律、涼拌飽魚菇及黑木耳。有機沙律的芝麻醬帶點酸又帶點辣，應該是加了芥辣及醋，蔬菜蠻新鮮，吃起來很開胃，飽魚菇及黑木耳都是很健康的食物，口感偏爽口。這流心蛋伴黑魚子醬配茄子賣相精緻，茄子口感不會油膩。燉湯很足料，每盅都充滿湯渣，湯很清甜，第一次試哈密瓜煲湯，口感有點像冬瓜蝦球水芙蓉的蝦球很鮮味，起初以為底下是高湯，原來是蛋白，味道淡淡的。芝士焗蠔蠻大隻的，火候剛剛好，不會太老，吃下去夠觧味。陳皮骨味道很特別，每啖都充滿陳皮味，很香，且不會覺得苦澀，肥瘦適中，不會全都是肥肉。米王浸菜苗不會油膩，點米漿食可帶出豆苗的鮮甜，是非常健康的一道菜。最後的是荷香蒜蓉海斑片原籠蒸飯，吃得出是海斑片的結實口感，飯也帶有魚、荷葉及蒜蓉味，我和朋友每人食了兩碗。起初看到菜單以為份量不多，但吃起來其實很飽肚，吃私房菜就是喜歡吃到住家飯健康的味道，吃得出每一道菜都花了很多步驟去烹調，店員也會不時觀察我們吃的進度，再在為我們上菜。

係工業大廈搵食已經唔算係咩新奇事, 尤其係私房菜, 難得哈比有興緻想食私房菜, 就一於訂位去食啦!呢間私房菜係友人介紹, 地點唔算難搵, 裝飾佈局精簡, 門口有水種沙律菜及魚缸, 另有電視放映, 坐得算舒服!今晚食既係呢款精心配(每位$338, 另加一), 望落菜式都唔少, 事不宜遲...................可以起菜啦!由頭盤開始食起, 共有4款: 先由呢款有機沙律菜伴芝麻醬食起, 賣相紅綠配幾吸睛, 爽脆沙律菜配以芝麻醬, 中間亦食到少少芥末味, 當然為之醒神一番!繼而有涼伴鮑魚菇, 切成片狀伴以陳醋汁, 食落少少醋酸味, 幾開胃; 涼伴黑木耳, 被視為健康食物, 好多地方都有提供, 呢碟味道帶點咸味, 口感爽口!茶燻流心蛋伴黑魚子醬配厚切茄子, 半隻流心蛋放係炸過既茄子上, 口感一軟一脆, 茄子索左個濃味醬汁, 口腔內有蛋汁既香味同芫茜濃醬汁味, 食落超好味! 食私房菜又點可以無湯呢?! 呢客原盅燉哈蜜瓜螺頭黑毛豚肉湯 (位上), 上枱時仍然好熱, 正! 最喜歡食熱湯, 材料包括哈蜜瓜, 螺頭及豚肉粒, 夠晒足料, 咁足料啖湯點會唔飲到鮮甜味喎, 飲完都飽左一半LU..

特別的日子就會有特別的慶祝,好朋友終於成功轉工啦!不論福利同人工都比以前的好, 希望好朋友繼續努力啦! 咁開心就一定要慶祝下,好朋友想食私房菜,其實自已無食過私房菜,所以用左好多時間去SEARCH,又問過同事。最後我地揀左係觀塘的。見到食評唔錯,同埋一定要打去訂位。(最好就係上網訂位仲有分賺)我地約定7點, 係觀塘港鐵站行去好近(5分鐘就到)。上到去門口見到自家種的沙律菜, 同事講過私房菜的沙律係佢自家種植,好健康。餐廳裝修較中式化, 簡約裝修, 如果人多仲有一圍圍咁坐(仲有房間) 職員安排坐位後遞上已選好的餐單。細心一睇, 好有心思, 餐單上有我自已的名字, 好窩心的舉動。即時打咭,SHARE仲有汽水送喎!茶有3款,我地選了龍井。開始食私房菜了, 先上前菜有機沙律菜伴芝麻醬職員答我所有沙律菜都係自家種,所以真係好新鮮,加上有芝麻醬令到更加易入口。好想再食一盤呢~涼伴鮑魚菇鮑魚菇原先沒有味道,所以加了一些醋酸汁,餐前食係好開胃涼伴黑木耳黑木耳也要是伴上醋酸汁,味道唔會過酸,不錯的涼伴小食茶熏流心蛋伴黑魚子醬配厚切茄子上枱時好精緻,一定要相機食先啦, 先食左流心蛋, 蛋好滑,蛋黃流出黎時

經網上訂位及確認, 一班人約晒去到話無位一肚氣..成班人等左好耐耐...之後其實食咩都無味D野其實都係一般...唔係好食...都唔係難食...無咩特別~~我地一行三人~每人大約400位份量比較少~男仔食未必夠唯一一樣好味係個沙律.比較新鮮 開胃的, 其他都唔係太特別湯食得出唔係燉,其實如果收200係OK GE...不過收400就唔太VALUE蕃薯糖水 - 私房菜食蕃薯糖水好似唔係好MATCH我認為私房菜係自己廚師有小小特色的菜色無創意都唔係一D好普通的野..例如紅豆沙.蕃薯糖水 - 除非係好特別...但係我唔覺得有咩大不同..除左蕃薯好食一點因為如果唔係同酒樓無咩分別

平時係街舖食野食得多，突然想試下食D特別D既野，所以去左觀塘工業中心3期試左榮哥私房菜😍😋係榮哥私房菜我地今晚就揀左食一個2人中西fushion menu(其實榮哥佢地最出名係食生猛海鮮同大伙人中菜 )估唔到除左中菜外，佢地個tasting都唔係講少，非常足料，食到要打包攞走🤣開胃頭盤係食主菜前，會有多樣酸甜口味新鮮小菜比我地開左個胃口先～ 包括有：有機沙律菜伴麻醬、涼拌鮑魚菇同木耳，幾樣小食都非常新鮮爽口，用黎醒胃簡直一流!食完涼拌小吃後就有第一個頭盤'煙燻流心蛋伴黑魚子醬厚切茄子'， 呢個洗心蛋煙燻味濃厚，配上茄子既新鮮配搭，中西混合好嘗試。老火靚湯之後個湯就真係不得了！呢個'原盅燉川貝陳皮海底椰鱷魚肉湯' 一口飲入口就順滑流到喉嚨之中，甘香鮮甜到非常！一般酒家都好難飲到～中西合璧小菜飲湯後就開始食第一味'蝦球水芺蓉'，就咁睇呢個菜式絕對係一個中式菜，但原來佢係汁係甘筍、芹菜⋯等蔬菜打成汁然後淋上蒸蛋上配上已去紅衣全天玻璃蝦球食，完全係一個嶄新食法😋之後店長就攞左兩隻比手掌更大既新鮮生蠔比我地睇，然後即場開再加芝士奶油焗，蠔非常新鮮鮮甜，再一次證明榮哥既海鮮係必食👍🏻食完蠔再黎多個

朋友推介到工廠大廈食私房菜，到達工廈時，有點驚訝，真的是這座大廈嗎？反正也到來，上去看一看吧！入門口就看見這些沙律菜很得意哦！菜很新鮮哦！食物一早預定好，這是今晚的餐單有機沙拉伴芝麻醬，沙律菜極度新鮮，醬汁甜甜酸酸，應該加入芥末，但味道不太濃。原來這些菜便是剛剛門口看到的水種菜。前菜涼伴黑木耳/鮑魚菇。味道酸酸的，開胃之選。鮑魚菇厚肉😋上菜的時候，朋友和我不禁目定口呆，太漂亮了。燻蛋魚子伴茄子，燻味突出，蛋黃做到完全流心，蛋味香濃，下面放了炸茄子，茄子輕炸，配上獨特醬汁。哈蜜瓜黑毛豬螺頭湯，湯頭極甜，估唔到哈蜜瓜煲湯會咁甜，配上黑毛豬，配合得十分精彩。蝦球海中寶，蝦十分鮮味，彈牙。原來海中寶是蒸水蛋，水蛋蒸得十分滑。👍🏻米王湯溫室苗，這個食法是第一次，米王是粥水，配上菜苗十分甜美。陳皮骨，必食之選，半肥瘦骨，然後表面沾上甘甜陳皮粉，中和了肉的肥膩。斑片籠仔蒸飯，飯用了白米和紅米。增加口感，而且健康飽肚，斑片新鮮。放在飯面蒸，飯吸收了斑片的精華再加上荷葉的清香。最後是生果，有三款水果當晚有訂座十多位，看見別人的餸菜，也覺得相當特別。要快快湊夠腳再去試其他食品質😀

今次同好友一行二人去咗觀塘工廈裏面尋寶搵嘢食,呢一間餐廳嘅地理位置十分之優越,距離觀塘地鐵站出口只係一條行人路之隔!由地鐵站出口行到去餐廳門口都係三至五分鐘嘅事十分之方便! 今次我哋就叫咗個精心配二人套餐每位$338, 而呢個套餐嘅內容有:頭盤:有機沙律菜拌芝麻醬涼拌鮑魚菇涼拌黑木耳茶燻流心蛋拌黑魚子醬配厚切茄子原盅燉姬松茸淮山燉甘筍黑毛豚肉湯(位上)蝦球水芙蓉蒜香芝士焗老外蠔王冰莓黑豚肉排骨米王湯浸碧綠溫室菜苗荷香蒜蓉海斑片原籠蒸鴛鴦飯精心甜鮮果匯拼有機沙律菜拌芝麻醬呢個沙律做得好好,內容主要係用沙律菜,紅車厘蕃茄,柚子蜜醬,芝麻醬,好似仲有一種芥辣嘅清香, 沙律菜同埋紅車厘茄好新鮮爽口,佢嘅芥辣味係唔辣口嘅,但有陣芥辣嘅香味好特別!涼拌鮑魚菇涼拌鮑魚菇就係用咗鮑魚菇嘅枱面嘅菇肉,混合咗啲醋,係一個好開胃嘅前菜!涼拌黑木耳黑木耳係配咗啲麻油口感好好,好爽口!原盅燉姬松茸淮山燉甘筍黑毛豚肉湯(位上)服務員從托盤上送上燉湯放在檯面嘅時候, 已經聞到好香嘅姬松茸味! 去飲呢碗湯嘅時候, 細心一睇個湯盅裏面係佈滿咗材料, 佢嘅內容有姬松茸,黑毛豬,紅蘿蔔,同埋淮山! 飲落口嘅時候感覺十分之鮮