我愛慢煮 (孖沙街) (已結業)

一直都好中意食慢煮既菜式，因為肉汁可以鎖住唔會咁乾，所以今次同朋友就間左呢間位於上環既我愛慢煮，位置超方便，由地鐵站行過去都係大概1分鐘。黎到食慢煮當然要揀番唔同肉類黎試下啦，我地點左平鐵牛扒、美式烤豬仔骨同香草丹麥烤雞。個人黎講最中意就係佢個pork ribs，D肉好軟好易入口，同埋佢個sauce又唔會太咸，好食！食左咁多肉，當然要食番啲菜平衡下啦，我地揀左芝士忌廉菠菜苗、炸蕃薯條同燒露筍苗。估唔到最特別係個菠菜苗，因為佢個芝士係一大塊個D唔係芝士碎，所以呢個都令我地幾impress！除左主菜配菜，呢到仲有好多特色飲品有咖啡呀朱古力，呢到仲有手工啤酒同特飲我地就叫左杯澳洲檸檬青檸特飲，飲落好清新好適合咁熱的天氣，士多啤梨特飲甜度適中，仲有個熱情芒果特飲飲得岀用新鮮鮮水果榨成，食到有啖啖鮮芒果同熱情果，好fresh。呢到餐廳既飲品都用左環保紙飲管，值得支持呀！呢到仲有甜品食tim，飯後食埋個甜品就完美了。叫左個慢煮白酒菠蘿配意大利雪糕，菠蘿燒成一條條鋪滿蕉糖，雪糕仲要係係自家製既gelato，岀面食唔到架。另外仲叫左咸焦糖朱古力布朗尼，咸焦糖夾埋落brownie完全唔會覺得好甜，層咸焦

返左成個星期工，Happy Friday 梗係要約班好姊妹食飯鬆一鬆，今次揀呢間餐廳係上環，位置好易搵好方便，唔洗大熱天時行上山咁辛苦。主菜叫左式烤豬仔骨﹑安格斯牛扒同香草丹麥烤雞。豬仔骨既面頭有BBQ sauce，食到我地lam lam脷。牛扒同烤雞就略嫌乾左少少，如果可以有個sauce比我地點就好啦。我好鐘意食大啡菇，所以side dish叫左芝士溫泉蛋大啡菇﹑炸蕃薯條同燒露筍苗。溫泉蛋熱辣辣黎到吉穿左啲蛋漿流曬落大啡菇到好正；炸蕃薯條新鮮炸出黎熱辣辣，加埋個黑松露蛋黃醬，我地幾個要搶先食到，幾分鐘內已經得返個兜；燒露筍苗都好岩我地口味，有返Ｄ蔬菜，感覺自己好健康，哈哈！。飲品方面叫左杯澳洲檸檬青檸特飲，夏天咁熱，飲落好清新好fresh、熱情芒果特飲飲得出沖得好有誠意，因為係用新鮮鮮芒果榨成，食到有啖啖鮮芒果肉，我好鐘意呀。另外要特別一讚，餐廳既飲品都用左環保紙飲管，值得讚一讚同支持呀！我地最鐘意食甜品，飯後一定要叫，今次叫左咸焦糖朱古力布朗尼，brownie完全唔會好似平時食個啲咁甜又咁厚實，同面個層咸焦糖又好夾，好好食，重有個慢煮白酒菠蘿配意大利雪糕，菠蘿燒成一條條鋪滿蕉糖，又

去買lunch 外賣 一叫餐就話係叫外賣 同事就問係咪有埋薯條 職員答有 咁就繼續要餐因為幾鐘意食個薯條（ 尋日同事買外賣俾左我食） 買到返公司就發現3個餐都無薯條 打去間餐廳問佢 就答左幾次order number好似聽唔明咁 （超煩） 跟住就搵左第二個職員黎講 就話 外賣無薯條 你個同事係加錢 但我知我同事小器唔會加錢買薯條既 我就問點解你職員又話有 ？其實因為你話有 我先食你呢間野 你其他野其實唔好食 （一陣講埋）點知個職員懶醒以為係個好好既藉口大聲同我講 因為"位同事係第一日返工" 咪玩我啦😂 我同事都話唔係第一次見落單個個小姐 你用呢啲藉口敷衍個客？我上班族 得一個鐘食飯 你仲叫我伶埋俾你 你願意賠返錢 唔通我一陣係7-11食 因為你 我浪費左我半個幾鐘時間？ 要你送返個薯條上黎原來咁難 薯條好貴咩宜家？唔講薯條 講你既1/4 丹麥雞 慢煮點解可以鞋到不得了？ 慢煮唔係滑啲既咩？ 俾個餐包 硬到扔死人 沙律菜有黃黑邊你既食物質素 同服務態度 好差 好很差

想朝聖呢間以慢煮出名既餐廳好耐了，但位置比較格涉，一直抽唔到時間去。最近留意到佢地開咗新店係孖沙街，好近地鐵站，一出行2、3分鐘就到👌🏻於是就去試下氣氛環境都唔錯，好啱朋友gathering或者情人約會下🥰慢煮安格斯頂級西冷牛扒 $138完全物超所值🙌🏻$138呢個價錢係出面頂多食到普通牛扒，但係呢度竟然食到大大份慢煮慢煮安格斯西冷牛扒一切開見到裏面仲係粉紅色，好嫩，牛味好重👍🏻慢煮香草丹麥雞半隻 $128見到寫半隻以為好細份，點知上到黎隻雞大到嚇死😹表面曬滿香草，賣相吸引慢煮既關係，雞肉肉質鮮嫩💕炸番薯條 $28份量好多，有個黑松露蛋黃醬配搭點黎食🤤🤤新鮮炸起，又脆又甜🥰芝士温泉蛋大啡菇 $36一切開就流心🙌🏻💕芝士+蛋+菇真係perfect match🥳🥳咸焦糖醬朱古力布朗尼蛋糕 $38超中意salted caramel表示一見到就叫！Salted caramel 配 brownie果然超香口勁好味，竟然唔會有過甜感覺，做得幾好🥺冇叫到嘢飲，比翻meun大家參考下😛😛

如果大家有睇開嘅食評，都知道我好鍾意食我愛慢煮，一直都期待再返去，但的唔起心肝，點解呀？因為普慶坊真係好遠好遠，上一次去係32度暴曬嘅烈日當空底下行咗好多條樓梯，雖然啲嘢好好食，但每次一諗起要經過一番寒刺骨先可以上致去就會不期然想放棄🥺終於，終於我愛慢煮開咗分店，地點仲要係地鐵站附近，全程係平路，咁仲有咩藉口可以唔去呢？🤤荔枝接骨木花特飲 雖然話而家唔使再行果條長樓梯，但係山長水遠過海，下熱天時真係一定要飲凍野。呢個荔枝接骨木花特飲好清新，唔會死甜，梳打水做底令人覺得好消暑，同時又冇可樂咁肥！上面仲擺咗一粒荔枝做裝飾，成個感覺好消暑好開胃，仲幾靚添！凍朱古力 ($38)同行嘅有人係一個典型朱古力狂熱分子，每次叫嘢飲佢都會毫不猶豫咁揀凍朱古力。不過唔好以為一般凍朱古力就咁簡單咁易整，當你飲朱古力有咁上下年資嘅時候你就發現自己對朱古力嘅要求好高。朱古力嘅甜度，濃度，冰嘅比例，面頭嗰層忌廉全部都好影響一杯朱古力嘅質素。呢杯朱古力好濃郁，唔會太甜，而且仲有朱古力嘅甘！我最欣賞嘅係佢哋採用左紙製飲管，大家試想像一下一間餐廳每日如果有100個客人，每人叫一杯凍飲品，已經要用起碼100支飲管。所以要

慢煮，早已成為極多廚師喜歡用以烹調的一種方法，不少菜式都會使用，這晚我與太太光顧的這間名叫「我愛慢煮」，顧名思義，其中部分菜式，正是以慢煮作為烹調的手法。「慢煮US安格斯頂級平鐵扒」（$118）和「慢煮法式油封鴨髀」（$118）是我倆這夜的晚餐主菜選擇。「慢煮US安格斯頂級平鐵扒」吃的是原味，味道偏淡了點，肉質過得去，雖然牛扒不太大件，以這牛扒的價錢來說，性價比已算不錯。「慢煮法式油封鴨髀」一客有兩隻鴨髀，大隻而肉厚，味道恰可，肉質不算非常嫩滑，可也不會流於粗糙，感覺尚好。這兒的各款配菜挺便宜的，所以也叫得多了點。先是我最喜歡和少見的「燒露筍苗」（$28），爽嫩的露筍苗，調味適中，還有少許開胃沙律菜相伴，健康而美味。健康不是我的專利，太太點的「雜菜沙律」（$20），賣相好，色澤明麗，份量又多，同樣健康，也不錯。不過她最喜歡的 ，則是「炸蕃薯條」（$28），熱、脆、甜，三個字已代表一切。所以不但她喜歡，我也一樣。餐牌中的四款甜品，我就點了較為傳統的「慢煮紅酒梨配意大利雪糕」（$38）。這經典的西式甜品之一，梨煮得軟腍，紅酒味也足夠，伴以香草雪糕，酒紅色與奶白色的配搭，加上青綠色的香草葉作

最近，發現上環孖沙街 <我愛慢煮>新分店，起碼唔使行上東華醫院附近，身水身汗啦！餐牌：中英對照午餐 (外賣) 可享優惠 餐廳佔地兩層事隔一個月都記得其口感！店員有禮又快手！外賣等上10分鐘！油封鴨脾午餐 (外賣)  $50打開盒蓋，肉香洋溢，油封鴨脾 Size 有如一隻「春雞」脾！ 難免令人失望吧！肉質柔軟又有調味，整體最好食都是這隻油封鴨脾！餐包賣相及質感似飛機餐的貨色，但竟然更差！略乾！沙律混合檸檬汁或醋，酸味醒胃混合藜麥，健康之選！士多啤梨窩夫硬到可以擲死狗！咬一兩啖就放棄！我喜歡外賣的設計，好型又環保！水果茶入口完全是果味糖漿加茶，甜中帶甘，仲衰過台式飲品店的水果茶！我都諒解及明白店方要將貨就價來控制成本，身為消息者，我寧願俾多 $20~$30，可嚐到更好質素的美食呀！由於這是新分店，吸納首批食客都幾緊要！希望日後幫襯會有所改善！

之前一直聽過我愛慢煮這間餐廳，這天經過上環這邊，看到門口這個相當型格的招牌，於是來打個卡haha菜單設計很有中式風味，而菜色以西餐為主。由於我們這天不是太餓，所以主要點了一些小食。我們點了芝士溫泉蛋大啡菇，賣相相當吸引。溫泉蛋有滿滿的流心，表面佈滿了芝士，大啡菇很juicy，口感豐富。另外點了芝士忌廉菠菜苗，用了車打芝士配忌廉汁，味道香濃，蔬菜很爽口。芝士還有拉絲效果呢，是一道不錯的小吃。主菜方面，還有慢煮西冷牛扒，牛扒充滿肉汁，慢煮技術令牛扒有不同的風味。不用太多調味料便已經帶出牛的鮮味，肉質鮮嫩。飲品點了一杯荔枝接骨木花特飲，上面有荔枝粒，接骨木花配上梳打水很fresh，味道不會太甜。還有甜品草莓窩夫配雪糕 ，沒想過這個甜品比較便宜，質素還真的不錯， 窩夫有咬口，雪糕有自家製的感覺。總括而言，這是一個不錯的慢煮體驗，菜式都很精緻，用來打卡賣相不錯。

我愛慢煮本來係普慶街有一間，近排佢係附近孖沙街又開左間，當然又要去試一試。呢一間環境唔錯，燈光暗暗地，好有情調，設計獨特。青檸薑啤梳打好好飲嘅一杯特飲，係薑啤內面加左一片青檸，令到薑啤有另一番風味，成杯飲品一啲都唔會甜，飲完覺得好爽。炸蕃薯條好甜嘅薯條，超好食，新鮮即炸，又熱又好脆，份量適中。大啡菇表面有隻流心蛋，令到成隻菇好靚，一咬落去又淋又好多汁，超好食。48小時羊後膝好大舊，入口唔洗咬咁，好淋，而且一啲都唔蘇。安格斯頂級西冷牛扒味度非常好，好淋，同肉味好出。紅酒梨配雪糕第一次食，好有新鮮感，個梨鄧到岩岩好，紅酒嘅味道浸入哂梨子入面。雪糕配搭岩岩好，錦上添花。

之前都幫襯過普慶坊嗰間我愛慢煮 令我讚不絕口 估唔到咁快就開咗新店 睇嚟經營有道😛今次嚟到新店 感覺都幾唔同 無論係擺設 格調 都幾有自己既風格 偏金屬工業風 但最重要係食物質素keep唔keep到🔥一樣走半自助形式 餐具等等要自己拎menu同本店亦有分別前菜點咗一客雜菜沙律 幾開胃😛 熱情果特飲賣相夠哂Sharp仲有好多果肉！兩個人來到 每人一款主食 一款配菜就走唔甩架啦我就要左法式油封鴨脾 入口香脆 一咬 鴨皮內既油香走哂出黎 成口都係鴨肉加油香 好滿足🤤🤤🤤 (同時好邪惡😰)配菜我叫左牛油cajon蝦仁串 呢個串燒得好香 味道都唔錯 不過如果係用上大蝦 或者虎蝦就更加正啦另一個主菜係法式豬鞍架 不慚係慢煮 豬肉非常之腍又唔氊😛😛😛溫泉蛋本來諗住同豬鞍一齊食 後來發現同鴨脾 ／蝦仁都夾🙊🙊🙊甜品係士多啤梨waffle waffle勝在熱辣辣 配上士多啤梨同雪糕🍦 無得輸😛

草莓窩夫配雪糕 $38身為窩夫狂迷，無論去到邊，只要見到窩夫我就必點既！呢度既窩夫係比利時窩夫，過人之處就係佢既麵團煙煙韌韌，仲有粒粒白珍珠糖。加上士多啤梨醬同雲呢嗱雪糕食酸甜度剛剛好。Perfect！慢煮白酒菠蘿配意大利雪糕 $38呢個甜品一啲都唔馬虎，菠蘿上好似crème burlee咁有層燒過既脆焦糖，酒味係淡淡咁滲出黎，如果食到飽飽地，食呢件甜品消膩一流。平鐵牛扒 $118牛扒以慢煮方式烹調，所以唔需要揀幾成熟，反正佢肉質都係嫩既~ 切開有微紅，但唔會有「肌紅蛋白水溶液」流出黎。燒露荀苗 $28露荀苗纖維幼細，食落爽口唔會有渣，呢度既食物價錢平，細細份，適合細食既朋友叫多幾個口味share黎食。芝士溫泉蛋大啡菇 $36大啡菇乎合預期，雞蛋一切流心，朋友金舌頭好犀利，食得出甜甜地，問吓店員原來真係加左茄汁。面頭就例牌加芝士焗，無得輸！墨西哥粟米花 $28粟米又香又甜，粒粒都漲卜卜飽滿多汁。加埋獨特香料配方，味道一流。比利時紅桑子啤 $42瓶身寫住有10%紅桑子，果味十足，但對我黎講甜度都幾高吓，適合想飲酒但又不愛太濃酒味既朋友。比利時三倍麥啤 $38話明「三倍」麥啤，真係交足功課

不知道為什麼我一直都覺得「慢煮」這兩個字很有魔力，可能是之前在一本書中看到一篇關於「慢煮」的介紹？關於慢煮的功效：1. 可以保留食材本身的原始風味2. 保留食材本身的汁液，例如肉汁3. 保留食材本身的質感，例如牛扒的口感4. 避免食材過熟影響口感，因為時間 x 溫度可自行調節當我看完這篇文章後，在我心中慢煮兩字就代表了食物很鮮嫩多汁又有風味。所以只要有餐廳標榜著「慢煮」為主打，我也會去試一下。這一次看到上環孖沙街開了一間新的西餐店（原來在西營盤那裡有另外一家分店），名字就寫到明是「我愛慢煮」，沒有理由不去試一下吧？門口有一個很大的我愛慢煮的霓虹燈牌，有特色之外也很容易找！而且很幸運的是，在霓虹燈下的那張桌子沒人坐，我們便要求坐在那裡（因為那裡的燈光很適合打卡，HAHA）一坐下，當然要叫一支啤酒來消消暑！因為我不喜歡太苦和喜歡清新一點的口味，所以店員推薦我點：黃金愛爾嚐一口後發現苦味會在前頭，然後在後頭就會品嚐到柚子味，在最後又有一點點啤酒那種苦味，我覺得都尚算清新和苦味可以接受一行三人總共點了：1. US安格斯頂級西冷牛扒 （中） $2582. 香草丹麥烤雞半隻 $128配菜：芝士忌廉

上一次光顧「我愛慢煮」係佢在上環普慶坊的分店，是一次極之享受的體驗，牛面肉到而家都係一試難忘；但小妹平時就不太能行好多路，而去普慶坊的斜路又真係有點辛苦所以今次竟然有分店，而且在上環地鐵站附近孖沙街，就立即再次光顧孖沙街分店所賣的menu同普慶坊總店唔同，以慢煮肉類及配菜爲主打，但餐廳環境一樣好舒適，設有一樓，有一定的私人空間，適合一班朋友去聚會食飯～<安格斯頂級西冷牛扒 (中) $258>呢個牛排相當唔錯，厚得黎又無咩肥肉，因為慢煮的關係，肉質差不多7成熟而不會過韌，好juicy，富有肉味，啲筋都入口即溶<香草丹麥烤雞 (半隻) $128>個雞賣相一流，外皮烤到好香好脆，而一樣因慢煮的關係，裡面又嫩又滑，正呀！<炸蕃薯條 $28>蕃薯條亦都必食之選，佢本身有附送黑松露沙津醬，而客人可以以自助形式再加茄汁及/或芥末醬，每一款都同呢個香脆的蕃薯條好match!（個人覺得黑松露沙津醬最正☺️）<雜菜沙律 $20>食咁多肉就要食下菜，雜菜沙律永遠無得輸～<芝士忌廉波菜苗 $32>之後見到呢個芝士忌廉波菜苗咁特別，就

這一天在上環行行吓街，見到呢幅畫，覺得好有趣，而店名叫『我愛慢煮』，好明顯係宜家比較流行的慢煮食物，因此就即管入去試吓。店里面的店員比較後生，個個靚仔靚女，態度又熱情，抵讚。但有D嘢都要自己做嘅，例如D餐具，你需要D咩就自己取，哈哈。因為店員嘅熱情，傾多咗幾句，知道咗原來仲有一間舊店喺附近，就係附近的普慶坊，犀利吖，同一區有两間舖。今天的主食就係法式豬鞍架及法式油封鴨髀，豬鞍架經過慢煮程序，keep住原汁原味，够juicy，够惹味，好食好食。而鴨髀份量够大，西個人吃，每人一件，唔使爭住食，真係好。小食有牛油卡真蝦仁，味道有D淡，而另一小食燒露笋苗就超級嫩及爽脆，想吃多D吖。两杯飲料青檸薑味特飲的薑+青檸特别夾，好飲到不得了，而熱情芒果特飲唔會太甜亦啱我飲。

上次試業階段食完我愛慢煮一路都心思思想再食多次，咁啱朋友又想食慢煮就再次我愛慢煮😋今次餐廳重新換過餐牌，配上更多既選擇、更好既食材，就連餐牌既紙都換上更文青既紙質同排版，可見老闆既細心同精益求精既態度。值得一讚👍🏻US安格斯頂級西冷牛扒肉質比之前既更有口感。果然慢煮處理下牛肉既味道得以保留，全塊牛肉亦都均勻受熱、咬口一致連貫。最有驚喜既係48小時羊後膝肉質煮得非常腍，羊既味道濃郁得黎亦唔會太羶。炸蕃薯條番薯既甜味配上黑松露，互相配搭、更有特色，比一般普通既薯條高一個層次。芝士溫泉蛋大啡菇大啡菇配上溫泉蛋，水份充足、滑溜，加上適量既芝士同調味，豐富既口感同味道，放喺口中慢慢品嚐更加體會到佢既精細。澳洲檸檬青檸特飲甜中帶酸，非常配合同開胃。飲品略甜，喜歡甜既就一流！新鮮濃郁嘅荔枝味加上接骨木花既清新，可口解渴！餐廳創新用心，食物處理毫不馬虎，員工友善，確實係一間好既餐廳。推薦！