349
28
16
港鐵上環站 A2 出口, 步行約2分鐘 繼續閱讀
開飯介紹
店如其名,餐廳主打慢煮的菜餚,以求保留食物的原汁原味。餐廳裝潢乾淨簡潔,環境寬敞。提供的西式菜餚,如48小時羊後膝、法式油封鴨髀等。 繼續閱讀
營業時間
星期一至日
12:00 - 22:00
付款方式
Visa Master AlipayHK 支付寶 現金
座位數目
60
其他資料
酒精飲品
自帶酒水
切餅費
電話訂座
加一服務費
當面支付
以上資料只供參考, 請與餐廳確認詳情
食評 (411)
上環一直俾我一種感覺都係多貴價嘅餐廳🍴不過最近試咗一間真心要推薦嘅平民版高質西餐廳位於上環孖沙街,系一間樓上舖,地下係廚房,要上一層樓梯就係餐廳地方唔算話好大,不過位置都幾好坐。吾太逼…我哋叫左一塊西冷牛扒🐮 $148 8安士。雖然佢唔係好厚身但勝在夠平,肉質都容易入口唔會太過靭,呢個價錢算係不過不失蒜香🧄芝士排包 $38 一放低冇諗過原來係咁大個包🤣🙈面頭有滿滿嘅芝士,再加上邪惡嘅蛋黃醬,咬落去脆卜卜排包,超級滿足😋😍黑松露番薯條$58 一大兜番薯條😍配上自家調製黑松露醬,不過有啲美中不足就係番薯條吾夠脆,偏淋脆辣一字單骨雞翼$88/10件 名副其實脆辣,辣嘅程度比起麥當勞嘅脆辣雞翼會偏向辣椒d🙈食左1-2隻已經有少少頂唔順🥹唔係太食得辣嘅我, 不過真係夠哂脆口😆整體嚟講呢一間價錢合理大件又抵食!喺上環嘅地段算係一班打工仔嘅選擇😆 繼續閱讀
(以上食評乃用戶個人意見 , 並不代表OpenRice之觀點。)
等級3 2022-10-07
377 瀏覽
📍上環:我愛慢煮🍝明太子大蝦忌廉意粉 $138🍟黑松露番薯條 $68🥩安格斯西冷牛扒(8oz) $148🍸荔枝接木花特飲 $42🍹熱情芒果特飲 $42≡※≡※≡※≡※≡※≡※≡※≡※≡※≡※≡※≡※≡※≡※≡※今次去咗上環呢間食慢煮嘅西餐廳✨ 環境就以比較昏暗 感覺都幾有氛圍 位置坐落都算闊落 環境都算舒適~食物方面✨🍝明太子大蝦忌廉意粉 明太子忌廉汁好香 少少辛辣味 唔會好漏 偏重味少少每啖都充滿著明太子嘅醬汁 食到好滿足🙈 大蝦煎到金黃色 爽口彈牙 但青口就普普通通啦 不過都十分推薦👍🏻🍟黑松露番薯條 番薯好甜🍠 上枱熱辣辣 外脆內軟 唔知係咪因為食緊番薯 冇食薯條咁有罪惡感🤣佢個醬係沙律醬配埋一大堆黑松露醬 點醬食甜甜哋亦唔會覺油膩感重 真係超級正😋🥩安格斯西冷牛扒(8oz) 呢個係用慢煮方式烹調✨牛扒好嫩滑 好重牛肉味🐮 上碟之前兩邊已經煎香 微煎🥩 牛扒雖然冇得自己揀熟度 但佢地煎到啲肉質啱啱好 大概5-7成左右 推薦👍🏻🍸荔枝接木花特飲 好香接木花香味 仲有幾粒荔枝肉 加上梳打水 解膩一流🌸🍹熱情芒果特飲 熱情果肉 加上芒果🥭好有夏天色彩 不過味道就偏甜左小小啦🤏🏻總括黎講 食物質素唔錯而且價錢黎講吾算話特別貴 如果係午市去嘅話會有set餐 價錢方面會更抵少少😎 如果幾個人去share食物 傾下計 又想試下食慢煮食物嘅話 呢間感覺都吾錯🥰🖤 繼續閱讀
(以上食評乃用戶個人意見 , 並不代表OpenRice之觀點。)
等級4 2022-09-17
356 瀏覽
同朋友行上環,行行下肚餓就去咗食呢間;個日係假期嘅下午時間,鋪頭都唔算多人。店員安排咗我地坐上層,但係上層環境極度陰暗,枱面只係得盞燈,日頭時間都可以食到燭(燈)光晚餐,幾浪漫。1.美國安格斯特級平鐵牛扒價錢親民,一開始對佢無咩expectation,食完發現性價比極高。牛肉煎得岩岩好,肉質嫩滑,仲要好有牛味,只需要簡單嘅調味都已經好好味,不過份量有啲少,一個人食可能會唔夠飽。2.芝士大啡菇大啡菇上面鋪咗層厚嘅芝士,一切開入面隻溫泉蛋流哂出黎,加上大啡菇本身都有水份,極度juicy!3.黑松露蕃薯條蕃薯條新鮮炸起,上到枱仲係熱辣辣,放到入口外脆內軟,點埋黑松露醬放入口,蕃薯條仲keep到蕃薯嘅味道,完全食到停唔到口!4.海鮮濃汁藍青口青口嘅份量都幾多下,味道尚算鮮甜;醬汁方面,醬汁偏杰身,但係可能醬汁唔算好多,有少部份青口唔係好掛到汁,不過整體都算係幾唔錯! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-02
639 瀏覽
朋友介紹我到這裏嘗一嘗他們家的牛扒,說是性價比高,於是平日晚市來試下。當日由於時間尚早,所以只有我們一檯客人,我們分別點了48小時羊後膝、威靈頓牛扒和酥皮湯,羊後膝烤得較為乾身,咬下去沒有太多肉汁 與幻想的慢煮多汁、肉質鮮嫩有點出入。而且有些部分更為乾身,有點勉強才能吃下去。威靈頓牛扒方面,一切開餅皮和磨菇蓉未能緊緊地包裹著牛柳,牛柳肉質一般,餅皮較厚,最後也沒有吃餅皮。酥皮湯方面就不過不失,酥皮沒有很酥脆。整體用餐體驗,因為食物質素以致不太愉快。 繼續閱讀
(以上食評乃用戶個人意見 , 並不代表OpenRice之觀點。)
原來12:30去到上環係冇可能去到想試既餐廳🙊 我地最後去左最快有位、我地又未食過既我愛慢煮💛我地4 個人些牙4個lunch set💁🏽‍♀️ ➿ 餐湯👉🏼 洋蔥湯唔係平時西式個種咁厚身同重牛油~ 呢度既洋蔥湯🧅 味道以雞湯同黑椒為主!➿ 溫泉蛋卡邦尼意粉 ($108)係加左幾多cream,好creamy既Carbonara🍝➿ 明太子大蝦忌廉意粉 ($128) 明太子份量多,sauce都係走creamy路線~➿ 美式蜜糖芥未豬仔骨配燒菜(4件)($118)mustard味道比想像中濃厚,真係會食到有d攻鼻既程度😆➿ 安格斯西冷牛扒配燒菜 ($138)西冷切開後睇色澤就覺得唔錯,食落都係,生熟程度剛好👍🏼 都幾有牛味~➿ 水果茶 係用茶包沖調,冇加糖漿,健康d~ 繼續閱讀
(以上食評乃用戶個人意見 , 並不代表OpenRice之觀點。)