我愛慢煮 (孖沙街) (已結業)

返左成個星期工，Happy Friday 梗係要約班好姊妹食飯鬆一鬆，今次揀呢間餐廳係上環，位置好易搵好方便，唔洗大熱天時行上山咁辛苦。主菜叫左式烤豬仔骨﹑安格斯牛扒同香草丹麥烤雞。豬仔骨既面頭有BBQ sauce，食到我地lam lam脷。牛扒同烤雞就略嫌乾左少少，如果可以有個sauce比我地點就好啦。我好鐘意食大啡菇，所以side dish叫左芝士溫泉蛋大啡菇﹑炸蕃薯條同燒露筍苗。溫泉蛋熱辣辣黎到吉穿左啲蛋漿流曬落大啡菇到好正；炸蕃薯條新鮮炸出黎熱辣辣，加埋個黑松露蛋黃醬，我地幾個要搶先食到，幾分鐘內已經得返個兜；燒露筍苗都好岩我地口味，有返Ｄ蔬菜，感覺自己好健康，哈哈！。飲品方面叫左杯澳洲檸檬青檸特飲，夏天咁熱，飲落好清新好fresh、熱情芒果特飲飲得出沖得好有誠意，因為係用新鮮鮮芒果榨成，食到有啖啖鮮芒果肉，我好鐘意呀。另外要特別一讚，餐廳既飲品都用左環保紙飲管，值得讚一讚同支持呀！我地最鐘意食甜品，飯後一定要叫，今次叫左咸焦糖朱古力布朗尼，brownie完全唔會好似平時食個啲咁甜又咁厚實，同面個層咸焦糖又好夾，好好食，重有個慢煮白酒菠蘿配意大利雪糕，菠蘿燒成一條條鋪滿蕉糖，又