我愛慢煮 (孖沙街) (已結業)

上環和西環有很多便宜又好味餐廳，款式多、人情味濃，所以我常常都會跟同事搭叮叮去上環和西營盤吃午餐。這一次，我們便去了位於孖沙街的「我愛慢煮」。我愛慢煮的裝潢是採用工業風設計，結合泥水、鐵、木三種材料配合，既乾淨又簡單，令人坐得很舒服，舖位分上下兩層，下層是廚房和收銀，樓上是進食的地方。餐廳有多種選擇，丹麥雞更有半隻和1/4隻選擇，選合不同胃的人士選擇！我這次是選了1/4隻，$65還附有冰凍水果茶、伴茶、沙律、薯條和黑松露蛋黃醬，著實令我十分滿意，還可以要求多沙律。沙律連醋吃超開胃，丹麥雞都好滑，薯條熱呼呼！

中上環午餐無咩揀，上次食唔洗等位，午餐價錢ok, 但主菜味道麻麻，雞同鴨脾勁鞋。因為喺中上環返工無乜得揀，上次見隔離食豬仔骨同牛扒份量幾大，所以返去試下。午市時間人多，6人檯本身坐左5個人，仲要我地逼2個人坐，見到無位，都算la。過左一陣開始人少，根本間餐廳有一半空檯，於是我地2個坐過隔離2人檯，執野個呀嬸即刻大嗌：唔准換檯! 解釋話好逼之後，仲大嗌話：嗰張唔係凳咩!因為實在太逼，我地決定唔理佢。佢執我地本身坐張檯時，檯上有一張不屬於我地嘅收據，於是態度勁差咁 掉! 俾我，後尾野食嚟，仲係堅持攞去隔離檯!!! 咩態度而且，$70 個豬仔骨餐，只有3小粒排骨，$100 牛扒餐，舊牛扒鞋到飛起，又咬唔開，仲要細舊到大家樂牛扒早餐咁嘅份量!!!!以後blacklist 唔洗食

今晚喺上環搵食，發現越來越多新式既小店，最後揀咗呢間主打慢煮同手工啤既餐廳！餐廳有兩層，揀左樓上坐比較好Feel，落單要去返一樓收銀，比埋錢就會有專人送餐，孖沙街依間係新開既，仲有一間係普慶坊。主菜嗌左安格斯頂級西冷牛扒同埋美式煙烤豬仔骨，慢煮既肉質比平時既嫩滑，而且識落更加有肉汁重肉味，豬仔骨比牛扒更有驚喜，平時好怕啲豬仔骨又乾又鞋口，但依度既豬仔骨啱啱相反，值得一試！配菜嗌咗牛油卡真蝦仁串、芝士溫泉蛋大啡菇同埋墨西哥粟米花，蝦仁開落彈牙好重牛油香，芝士溫泉蛋大啡菇焗得啱啱好，一切開就係溫泉蛋既流心，味道好豐富，粟米花其實係粟米，帶少少香草味，咬開清甜，香草同粟米好夾！手工啤好多都賣晒，最後揀咗Jupiler，帶少少麥味同甜味，唔錯！

今天吃午餐的時候被「我愛慢煮」四個字的霓虹燈吸引了，所以選擇在這裏食午餐。餐廳看似很細，其實裏面有兩層。在收銀點了餐，然後店員會自動送餐到你的面前。午餐的選擇就是，選一個主肉類主菜,其他配菜都會全部給你，不用選擇。我選的是油封鴨髀，說真的這是沒什麼味道，根本好像完全沒有落調味料一樣，而且不知是不是慢煮的關係肉還有一點紅🥴配菜有沙律，薯條（有黑松露沙律醬），還有一些雜菇。說真的那覺得那個沙律醬是不錯啦，配上即炸薯條其實是全部菜最好味的😆

嗌左個細西冷牛扒肉還是粉紅色的，有做到鎖住肉汁，咬落有口感，不會霉霉的感覺。牛油香味在口中洋溢，好幸福美式煙烤豬仔骨這個比我想像中有驚喜，驚喜在它的醬汁 我很怕食到不好吃的bbq汁 呢個係我歡喜的bbq汁耶🤩豬仔骨ribs固之然連著骨頭的位置，怕沒什麼肉只有大大的骨頭，可這個卻不會，切起來有四五條骨連肉，吃完很滿足炸蕃薯條呢個好好食！！蕃薯🍠十分之甜！炸起脆脆的 灘凍也不會影響到口感，加埋毫不吝嗇的黑松露，混埋沙律醬我是好喜歡沙律醬的，但是！蕃薯條既甜度竟然甜到蓋過左醬的味道 可想而知是有多甜！芝士忌廉菠菜苖員工也推介的一道菜，並說要趁熱食才可以拉芝菠菜是有剁碎碎的 沒有菠菜平時吃起來的鹼味（？）不錯慢煮白酒菠蘿配意大利雪糕呢個甜品我好滿意菠蘿🍍做得好有心機，淋上焦糖再用火燒至外皮脆脆咬落去外脆內甜 配上意大利🇮🇹雲尼拿雪糕成個配搭好清新不膩 草莓窩夫雪糕吃到飽飽我朋友還要嗌個窩夫😂試了一口佢既甜品，窩夫外脆內軟，配上一樣的雪糕，還有士多啤梨醬唔係假甜的 酸甜的👍🏼士多啤梨特飲用上紙飲管的有汽飲料 有兩粒士多啤梨係到 好清新 好飲Ps職員好熱心介紹餐廳同上菜都有講解菜色

今晚係平日晚夜晚黎食野 朋友未試過食慢煮既野 就搵左呢間試下黎到嘅時候見佢所有野都好新淨 應該係開張左冇耐 我哋一坐低 店員就好熱情咁遞上餐牌雖然佢入邊餐廳食物嘅選擇唔多但個環境都令人坐得舒服我就叫咗個荔枝接骨木花特飲 幾好野帶d花香 唔錯！ 炸蕃薯條 香甜脆 仲有黑松露旦黃醬 點少少一齊食 正呀 芝士忌廉菠菜苗 呢樣野都係冇得輸嘅忌廉芝士就一定好食啦 唔洗講芝士溫泉蛋大啡菇 佢煮溫泉蛋嘅時間係啱啱好而且個菇好新鮮 主食我哋就叫咗48小時慢煮羊後膝同安格斯平鐵扒嗰羊後膝煮嘅時間都係啱啱好啲肉好嫩而且唔膻 不過調味點嫌唔夠 個牛扒係推介 肉質幼嫩 有肉味 推介食物

放工時間係上環閒逛,無諗過係孖沙街既一角竟然有間慢煮既餐廳,即刻入去試一試。 叫左份慢煮油鴨比同豬鞍, 油鴨比食得出濃濃既鴨味,配埋芝士大蘑菇真係愈食愈開胃,而份量亦都算唔錯,唔會太吝嗇剩係比一舊仔你,而豬鞍就更加驚喜,因為食得出慢煮過後鎖住左肉汁既功架,加少少錢仲可以要埋個芝士菠菜,更加有外國既味道,建議如果兩樣簡一樣既話就簡豬鞍黎食。成間餐廳個佈局都好舒服,由於係樓上鋪所以有自成一國既感覺,唔驚要同人逼黎逼去

今晚去左上環孖沙街chill下，我愛慢煮的門面幾型格，吸引我入去晚餐。🤩荔枝接骨木花特飲 38元清新特飲，荔枝味濃，食到大大粒的荔枝。 🤩水果茶 30元 香濃的水果味，可以解肉類的膩。🤩us 安格斯頂級西冷牛扒 138元 肉味濃郁，保持微微的粉紅色，生熟程度剛剛好。🤩燒蘆筍苗 28元 露筍燒得爽脆新鮮 不過個人覺得略咸。🤩芝士溫泉蛋大啡菇36元大啡菇味道非常香濃，配芝士及溫泉蛋十分match。🤩 芝士香草車厘茄32元 車厘茄香甜，不過芝士的比例較多，所以吃不完有點漏。🤩炸蕃薯條 28元 番薯條甜甜的很美味，很特別，是今晚最有驚喜的菜式。平時不太喜歡吃薯條的我，也吃到不停口。🤩芝士忌廉菠菜苗 32元 分量比想像多，好多菠菜碎 ，很健康的菜式。但是同樣因為面頭的芝士很多，所以比較難吃得完。🤩慢煮白酒菠蘿伴意大利雪糕 38元很清新的甜品選擇，菠蘿用白酒煮過，酒香四溢。面頭還燒過，有焦糖脆脆，伴雪糕吃一流。今晚呢間孖沙街店是新店，開張不久，原來在普慶坊都有分店，就在新店不遠處，下次可以試埋。

慢煮呢種煮食方式盛行左好多年🗓透過慢煮可以手保存食材既味道同令到肉質保持鮮嫩。之前仲會突登去九龍食慢煮為主題的餐廳，今日朋友介紹左我上環開左間叫，由個名都知係主打慢煮美食，再慢慢細味。佢位於孖沙街，好適合附近上班一族過來聚餐。一樓係廚房、少量座位，樓上二樓先係我地用餐既地方。餐廳設計好簡約，餐具採用自助形式。Menu設計好文青風🍽US安格斯頂級平鐵牛扒 $118有3種大小的牛扒比你揀，我們叫左小慢煮出來的牛扒能夠鎖住肉汁，所以份外juicy牛扒大約有七成熟，內裡微微粉紅色，肉質鮮嫩多汁真係好好味，下次要叫大size 先夠食😂🍽芝士忌廉菠菜苗 $32店員推介係熱賣菜式之一，好岩當小食。一來就見到多層芝士覆蓋住菠菜苗，建議大家趁熱拌好菠菜苗同芝士，咁先每啖均勻。一拉起，拉絲效果超強勁！喜歡芝士的朋友應該要點的菜式菜既份量可以再多點。🍽法式油封鴨髀 $118第二道主菜！原本諗左好耐，因為怕鴨髀會好油好肥，但油封鴨髀都好出色，外皮唔會太脆亦唔會太淋控制得唔錯，而且烹調溫度適中，唔會為咗表皮鬆脆而令到肉質變差。而且兩隻鴨髀都好多肉好大隻，好好食。🍽草莓醬比利時窩夫配意大利雪糕 $38食完主菜當然

朋友食過呢間我愛慢煮係普慶坊嘅主店，大讚佢地嘅慢煮menu係平靚正一直都好想試 見到佢地係孖沙街開咗分店好近朋友放工地點就即刻拉埋朋友黎試下 其實係孖沙街同普慶坊嘅兩間店都好近 一入去其實店員都好friendly 即刻介紹下有咩熱門menu同埋講解埋原來係拎住個牌仔去cashier買野食先 同埋餐具 調味料等都有個self service shelter自助好方便 原本以為慢煮食扒應該實好貴啦 點知睇到menu覺得好surprised meat memu價錢只係around百幾蚊 價錢好公道我地兩個都係嗌一個肉+一個配菜咁share食 慢煮肉方面試咗豬仔骨同flat iron 食個陣好驚訝 兩個都係煮得岩岩好 唔會過老 同埋仍然好juicy 果然慢煮真係鎖到肉汁好好味配菜呢就揀咗蕃薯條同芝士忌廉菠菜苗 蕃薯條配咗個黑松露醬 自己將啲黑松露撈落個sauce到 truffle味係好香另外個spinach係意料之外地好食新鮮焗出黎自己即刻撈 配芝士忌廉揀直係無死嘅配搭 絕對有拉絲效果除咗野食 又點少得野飲呢！ 熱情招呼客人嘅staff介紹我地飲手工碑 朋友嗌咗比利時琥珀 朋友大讚話好香果味而

返工附近有呢間主打慢煮食物嘅舖頭，見佢係孖沙街開左分店仲近左我，就去試下之前聽朋友講呢到嘅炸蕃薯條好好食，食過之後都覺得一定要推薦比大家🤤完全唔油膩無菜不歡嘅我亦都嗌左個露荀，好鮮甜，我諗唔中意食菜嘅人都會食到🙈主菜方面嗌左豬同flat iron steak (確實名字參考返menu啦🙈) 特別中意豬個份 同朋友share完之後覺得下次我要自己食一份先夠！最後仲嗌左兩份甜品，覺得上面嘅brownies係必食, 我同朋友都讚不絕口😆😆

今晚剛出差回來二隻小鬼來接我凱旋歸來，於是我們就在上環區覓食。近排喜歡留意慢煮故一見有慢煮為題都會優先考慮，正好上環地鐵站不遠孖沙街與畢街角位有間「我愛慢煮」就試試。🍴平鐵牛扒 $118牛扒雖然不算厚但都有點嚼頭，口感軟腍入味！🍴芝士溫泉蛋大啡菇 $36芝士未夠火喉欠芝香， 溫泉蛋也不算成功有點失色，大啡菇過熟水份太多切開水汪汪。🍴美式煙烤豬仔骨 $118這道豬仔骨不錯，口感腍滑帶有油脂香，醬汁也調得惹味。🍴墨西哥粟米花 $28外觀上比較吸引，粟米塗上香料燒烤外層有點香辣，內層粟米清甜爽脆👍，如果廚師能切好才上碟件事會更好。🍴法式油封鴨髀 $118沒有評論因本人不太喜歡羊同鴨類，不過賣相吸睛。🍴芝士忌廉菠菜苗 $32這道菜色的芝士比啡菇的芝士就好好多，上檯時芝香四溢，靚女店員👩🏻‍🦰用她那溫柔的聲線提醒我們，先將芝士同忌廉與菠菜攪拌一下便要盡快品嚐口感會更好，果然芝士香脆忌廉軟滑夾菠菜口感同層次都令我非常滿意。🍴士多啤梨特飲 $38🍴比利時橡木桶手工啤 $38有手工啤地方我都會先選來一瓶試試特色味道，比利時啤酒入口第一啖沒什麼，入喉慢慢散出橡木香味酒味濃郁，非常過癮。 👍啤酒真是忙碌一

慢煮是透過較低溫以較長時間煮熟，食物溫度慢慢上升，不會出現肉類高溫加熱下纖維收縮的情況，故肉質會保持軟腍。.慢煮的另一個優點是它可以保存較多營養。密封烹調可 使食物油脂不容易被氧化及減低營養素的流失，低溫烹調則 可令容易受熱力分解的營養素，如維他命C，得以保存。 此 外，慢煮亦可用較少油去烹煮低脂肪肉類，而仍然保持嫩滑 的肉質。 📍法式油封鴨髀🦆（$60）🔸包沙律、薯條配蛋黃醬及凍果茶。🔸鴨肉🦆軟嫩，鎖緊肉汁。🔸不像油煎般油膩。🔸性價比極高。.📍烤大啡菇粟米沙律🥗（$50）🔸份量超多。🔸沙律🥗汁用上黑醋，酸酸甜甜極開胃。🔸大啡菇熱辣辣配上室溫的沙律菜，一大享受。 😋味道：7/10🙃回頭：7/10💰消費：$110

食過這間餐的另一間分店，特色是性價比非常高，看看餐牌，主菜百多塊有很多選擇，加三十多塊有side dish和甜品。朋友點了安格斯頂級平鐵扒（$118），我則點了48小時羊後膝（$138）。羊後膝經過48小時慢煮，肉質非常軟林，但羊味還很香濃。芝士溫泉蛋大啡菇（$38）一切大啡菇蛋汁就湧出來，見到都很治療，建議趁熱食啊。芝士忌廉波菜苗（$32）超級好吃，芝士菠菜是很惹味的配搭，因為太好吃，忘記了拍照。慢煮白酒菠蘿現gelato($32)朋友不愛吃菠蘿都很欣賞這個白酒菠蘿，配芒果gelato令人覺得很滿足還有手工黑碑（$38）

喺中環放工最好嘅晚餐就係去上環呢啲咁有特色嘅餐廳， 呢間我愛慢煮特別近地鐵站只係行兩分鐘就到所以就嚟試下入到嚟叫咗一個法式豬鞍架同埋一個美式煙烤豬仔骨， 跟住配咗一個炸蕃薯條， 甜品就有一個慢煮紅酒梨配意大利雪糕， 飲品就叫咗薑啤特飲同埋一支比利時手工啤酒法式豬鞍架嘅肉質非常好亦都煎得好好， 肉汁鎖住曬成個豬鞍架入面， 塊肉唔係太肥又唔係太瘦非常適中美式煙烤豬仔骨嘅bbq風味亦都非常濃厚， bbq醬同豬仔骨嘅味道非常夾， 亦都煮得啱啱好，唔難切開炸蕃薯條就配上咗一個沙律醬， 好成功咁樣將炸蕃薯條嘅味道吊咗出嚟至於飲品方面手工啤酒非常有特色， 薑啤特飲亦都幾好飲