影片
更多
2019-08-07
28 瀏覽
如果大家有睇開嘅食評，都知道我好鍾意食我愛慢煮，一直都期待再返去，但的唔起心肝，點解呀？因為普慶坊真係好遠好遠，上一次去係32度暴曬嘅烈日當空底下行咗好多條樓梯，雖然啲嘢好好食，但每次一諗起要經過一番寒刺骨先可以上致去就會不期然想放棄🥺終於，終於我愛慢煮開咗分店，地點仲要係地鐵站附近，全程係平路，咁仲有咩藉口可以唔去呢？🤤荔枝接骨木花特飲 雖然話而家唔使再行果條長樓梯，但係山長水遠過海，下熱天時真係一定要飲凍野。呢個荔枝接骨木花特飲好清新，唔會死甜，梳打水做底令人覺得好消暑，同時又冇可樂咁肥！上面仲擺咗一粒荔枝做裝飾，成個感覺好消暑好開胃，仲幾靚添！凍朱古力 ($38)同行嘅有人係一個典型朱古力狂熱分子，每次叫嘢飲佢都會毫不猶豫咁揀凍朱古力。不過唔好以為一般凍朱古力就咁簡單咁易整，當你飲朱古力有咁上下年資嘅時候你就發現自己對朱古力嘅要求好高。朱古力嘅甜度，濃度，冰嘅比例，面頭嗰層忌廉全部都好影響一杯朱古力嘅質素。呢杯朱古力好濃郁，唔會太甜，而且仲有朱古力嘅甘！我最欣賞嘅係佢哋採用左紙製飲管，大家試想像一下一間餐廳每日如果有100個客人，每人叫一杯凍飲品，已經要用起碼100支飲管。所以要
如果大家有睇開嘅食評，都知道我好鍾意食我愛慢煮，一直都期待再返去，但的唔起心肝，點解呀？因為普慶坊真係好遠好遠，上一次去係32度暴曬嘅烈日當空底下行咗好多條樓梯，雖然啲嘢好好食，但每次一諗起要經過一番寒刺骨先可以上致去就會不期然想放棄🥺終於，終於我愛慢煮開咗分店，地點仲要係地鐵站附近，全程係平路，咁仲有咩藉口可以唔去呢？🤤
荔枝接骨木花特飲
雖然話而家唔使再行果條長樓梯，但係山長水遠過海，下熱天時真係一定要飲凍野。呢個荔枝接骨木花特飲好清新，唔會死甜，梳打水做底令人覺得好消暑，同時又冇可樂咁肥！上面仲擺咗一粒荔枝做裝飾，成個感覺好消暑好開胃，仲幾靚添！
凍朱古力 ($38)
同行嘅有人係一個典型朱古力狂熱分子，每次叫嘢飲佢都會毫不猶豫咁揀凍朱古力。不過唔好以為一般凍朱古力就咁簡單咁易整，當你飲朱古力有咁上下年資嘅時候你就發現自己對朱古力嘅要求好高。朱古力嘅甜度，濃度，冰嘅比例，面頭嗰層忌廉全部都好影響一杯朱古力嘅質素。呢杯朱古力好濃郁，唔會太甜，而且仲有朱古力嘅甘！我最欣賞嘅係佢哋採用左紙製飲管，大家試想像一下一間餐廳每日如果有100個客人，每人叫一杯凍飲品，已經要用起碼100支飲管。所以要大讚呢間餐廳支持環保♻
法式油封鴨髀
要知道係一間西餐廳搵到油封鴨髀唔容易，仲要係一間價錢咁平民嘅餐廳，再加上如果佢真係用正宗油封鴨髀嘅做法其實好考功夫，所以一味看似咁簡單嘅菜我會情願花少少錢出街食都唔想係屋企煮。鴨髀乾身左少少，但層皮好脆，而且都醃得幾入味。好鍾意佢個裝飾好文清感覺，簡單得來又會令到食物賣相更加好。
法式豬鞍架
呢個係上次食過普慶坊分店之後返尋味。厚切嘅豬扒面頭帶金黃色，加上黑胡椒嘅點綴，淨係買相已經叫人垂涎三尺。切嘅時候肉汁不斷流出，證明大廚煎嘅時候有鎖死肉汁，唔會係烹煮嘅過程流失。切開入面嘅肉帶少少粉紅色，但絕對係熟透嘅。略嫌今次塊扒肥膏多咗少少，如果好似有普慶坊嗰塊扒嘅水準就完美喇🤤
芝士忌廉波菜苗
一上枱就見到菠菜苗上面鋪滿左金黃色烤過嘅芝士溶咗喺面，搣咗一塊黎食係脆卜卜嘅！😍食咗咁多肉之後食返啲菠菜苗平衡返均衡飲食好重要。而且菠菜苗一啲都唔苦，仲好新鮮好翠綠。
紅酒梨配雪糕
同上次一樣，覺得要叫返個甜品先叫做完美，所以今次試咗呢個紅酒浸梨配雪糕。呢間鋪頭都好出名用紅酒白酒入饌，特別係煮甜品。用紅酒浸過嘅梨好香葡萄酒味，亦都唔會因為紅酒浸過之後就變得好苦澀，反而多咗陣甘甜味停留係個口腔。意大利雪糕就係穩陣之選，雪糕嘅質地有別於一般軟雪糕，口感有少少Q彈，再配埋士多啤梨汁係一流嘅配搭。不過略嫌啤梨唔夠淋，如果可以擺耐少少等佢熟透啲就更加完美！
張貼
