九重鮮 (已結業)

雖然「九層塔」而家已經開到成行成市，就連街市大排檔都話有得食。但對食物有些許要求既我，當然會做下功課，睇下邊間「笑哈哈」多D~ 終於-每層都會有支溫度計，只要第一層任務完成，溫度計就會插到下一層，如此類推。等～寂寞到夜深，只要時間一到就可以開動架啦～ 快D,快D..... 第一重：草青味十足，有菇，絲瓜，菜⋯等你可以清清味蕾先。可能因為個2「舊」絲瓜D皮批得唔係好清，所以食起上黎有D硬硬地，但個海鮮就十分贊，清甜得黎無沙，十分爽，好有咬口。大家唔好睇佢好似好少份量，其實食多層就覺得飽到上心口。第二重：重點之一，有🦐🦐🦐，青口、元貝以及些少金菇。一個字「好正」。我首先食左🦐先，熱辣辣的，嗯～ 好爽牙，🦐既精華完全比我吸收晒。至於元貝，見唔見到奶白色既湯汁牙？就係將第一層剩得既汁倒返去第二層，等佢二次吸收，所以先有哩個效果，咁難得 當然要飲左D汁先啦，簡直就好似飲緊海鮮湯一樣，再食埋主角，一D都唔覺得老，教到時間岩岩好。由於時間關係，第三重又開始了。今次個主角係：魚。見唔見到D骨膠原蒲晒頭，透明透明的，咬完第一口，完全感覺到「張」住左你個口，一D唔會會有腥味。至於你見到既青口，是咁的，係被

次次想食九重鮮都有阻滯，唔係病左就開會開到無限極過左時冇得食！今次終於早幾日book定食farewell飯！因為黃埔站開通左，行2-3分鐘就到！餐廳門口仲有幾sets韓服比客人可以試著，影下相。原來想坐卡位，要預先講定！不過由於我地太早到加上經理好人，所以有得坐，咁大家就坐得舒服，私隱度都高啲！一行4人叫左個基本餐，都好夠食！每枱都有一個5分鐘沙漏，仲有說明每一層要蒸幾耐，不過最後咩都唔使計同做，因為侍應會幫你處理晒！第一層：蟶子王食蟶子最怕食到沙，而哩度既蟶子唔單止冇沙，仲好新鮮好甜！第二層：花膠魚串花膠同魚串一齊食口感好得意，花膠好滑，而魚串就有啲煙韌！因為兩者互相配搭，魚鮮味更特出第三層：蝦蝦魚腐蝦夠大隻夠鮮，魚腐味道ok第四層：鰻蠔雜薈鰻魚醃得好入味，達致提鮮作用蠔唔算大粒但都好新鮮甜。重點係啲墊底既津白菜，吸晒鰻蠔啲精華，真係好好好甜第五層：花甲、芝士丸、木瓜、西蘭花有其中一隻花甲冇開就問下侍應係咪唔食得，佢就即係叫我地唔好食，之後就拎多幾隻比我地芝士丸重芝士味得黎但唔膩！而哩層既重點就係木瓜！！！真心又香又甜，而哩種甜係天然既果甜第六層：雜菜薈重點係有平時好少食好爽口既沙葛

九重鮮都算有點名氣，今次終於一試佢既蒸海鮮，覺得聞名不如見面餐廳已預先set好唔同既海鮮餐，稱之為海鮮塔，見佢既首嘗推介為首爾塔，就一於叫佢！先睇餐單👇上菜前一齊睇睇枱面格局👇店員介紹果三隻醬油用黎點海鮮，由左手數起，分別為麻油海鹽、辣醬同埋豉油配䄂子，但其實餐牌建議，如想品嘗海鮮鮮味，係可以唔點醬油既。之後就同其他韓式餐廳一樣上前菜👇每個餐都會有一個粥湯底（即有粥既湯底），係放在塔的最底層，我地加錢揀左人蔘雞湯（半隻）👇之後店員將一共五層既海鮮塔搭好係眼前👇等幾分鐘後，店完過黎逐層幫我地攞開，由頂層開始，食完一層就開第二層咁樣由上至下食落去，由頂而下順序係咁樣👇咁多味海鮮入面，我最欣賞花尾龍躉、鮑魚同埋元貝，整體而言，甲殼類海鮮大小都算合理，而龍躉都好鮮味。另外，食海鮮既同時，間中有南瓜、蕃薯、玉米等蔬菜平衡下味道，都值得一讚而更值一讚既係，佢既爆濃芝士丸同埋墨汁豚肉丸都做得好好最後，壓軸出場既就係人蔘雞湯！👆店員會首先幫手將釀入係雞身內裡既糯米夾出黎放係碟上。然後將雞肉撕開，再略略攪勻啲粥湯。味道方面，佢既糯米比起中式既無咁粘口，較為鬆散，而雞肉雞味十分濃配埋粥湯一齊送，論口感及味

朋友生日，決定吃最愛的海鮮，海鮮有多種食法，仍然覺得最鮮是蒸。九重鮮是韓國出名蒸海鮮。蒸能保持其海鮮的鮮味，因此對於食材更加要求高。首爾塔每位398，有十幾種食材，超過十種海鮮的組合。首先是粥底，有半只人參雞，米及鮮蜆，前菜有韓國出名泡菜，非常開胃。與一般蒸海鮮有所不同是已經把所有海鮮放好，形成層層塔。每一層根據不同受熱程度擺放好。頂層是蚌類，當蒸氣達90度時，就可以開始進食，熟度剛好，肉質鮮嫩，非常美味。首2層有海蝦和元貝。元貝佈滿海鮮汁，喝一口覺得非常清甜，正是海鮮才有的特別味道，海蝦肉質彈牙，除了海鮮還有絲瓜和金針菇等，材料足夠。首3層有龍躉肉片，花蛤等。龍躉肉鮮嫩彈牙，帶來驚喜。花蛤肉厚味甜，肉汁鮮美。首4層非常豐富，主角當然是沙巴花蟹，又實又厚的蟹膏味道香濃，食完齒甲留香。蔬菜的代表作便是木瓜，十分清甜。最後隆重登場的是鮑魚。肉質厚實彈牙，可惜沒有預先清理腸道，所以食之前要小心，先把鮑魚起肉才能進食。南瓜和蕃薯就特別清甜可口。食之不厭。集各式海鮮鲜味於一身，再吸引了人參雞的精華，鮮味十足的粥底的確非常好吃，也帶來飽肚的感覺。十分滿足。

成日聽人講話海鮮塔好特別，終於約朋友一試。位於 紅磡黃埔這間 “九重鮮” 光猛、整潔，一看已知是 modern 韓式裝修。主打海鮮塔，餐牌全是韓國出名地方命名，有首爾塔、釜山塔、濟州塔。我地第一次黎，緊係選了首爾塔，話晒用得首都名品質一定有保證，而且有好多海鮮我同朋友都鍾意食，好似鮑魚、蟶子、象拔蚌等，見餐牌有甘多海鮮，未食都已經興奮。餐廳好細心，有教我哋最佳食用方法。前菜都有四種，當中梗係唔少得有泡菜。兩個人食都有五層塔，就知唔係野少。主菜當然是海鮮 - 鮑魚、蟶子、元貝、象拔蚌、大花蛤、北寄貝、刀蚌，這些貝殼類很新鮮，一層一層食落去也很好玩，職員很快速、醒目的幫我地一層一層移走，時間掌握得好好，令海鮮唔會煮得太久。另花尾龍躉、沙巴花蟹和海蝦品質也很高。另外百頁豆腐、蘿蔔和爆濃芝士丸吸了海鮮味也很好吃，而日本南瓜和番薯當然也 之前要左個人蔘雞湯湯底，人蔘雞湯味入晒d粥度，再加埋海鮮的精華，真係好濃、好好味。仲要粥入面有驚喜，估唔到會有韓式年糕，令到成個粥嘅味道、口感都提升了很多。今次呢個海鮮塔體驗好好，已約朋友下次會再到大坑浣紗街總店再試。

聽朋友講開話黃埔開左間新既韓式蒸氣鍋😍已經好想試👏🏻👏🏻😍終於隻🐷都肯帶我去食啦一開頭去到附近都搵左一陣路,原來係近馬路果邊入口,門口好大😂👏🏻好好俾左個卡位我地⋯好彩預早book 定先⋯我見個環境都幾乾淨舒舒服服🤔啲staff 好勤力我一望一望就行過黎🙊🙈其實係等緊途中無野做望下🙈☝🏻我地簡左哩個泡菜粥底👏🏻😽好期待好貼心有個5分鐘漏斗😆😍係桃味既真露氣酒呀👏🏻👏🏻👏🏻等左10分鐘到🤤個首爾塔終於到啦Staff好好人不停幫我地睇溫度計,係等緊既同時己經清左好多小食既菜 💁🏻一打開個蓋好有霸氣既蟶子皇🤤👏🏻超鮮甜呀,唔知係咪我肚餓既關係真係原全唔洗點汁都覺得好甜❤️👍🏻第2層一打開已經唔知食咩先,最後食帶子先💁🏻除左鮮真係唔知講咩好大花蝦😍好爽口呀❤️❤️❤️魚腐-相比至下就普通啲啦⋯刀蚌😆好惹味.好細心地清得好乾淨連啲腸都乾乾淨淨花尾龍躉❤️推薦❤️個魚皮好有膠質好滑溜😆好想再食⋯😂😂😂搶左我男人個舊唔俾佢食八瓜魚🤷🏻‍♀️一般般沙巴花蟹一打開隻眼已經發哂光👏🏻😍啲膏多到暈,食落細細隻都幾爽😍啲膏一啲都唔油膩,仲好滑黑色嘅牛丸💁🏻都幾特別好重牛味鮑魚好彈牙😆但我開始⋯食唔落⋯已經開始飽啦😌😌食埋最

話說十天旅行回來，加班清文件 is a must所以已經一早約定老公來接我，然後散步去附近嘅黃埔花園食一餐好嘅，話晒都出咗糧唔係好耐，對自己好啲啦老公好想食海鮮，所以佢就book咗九重鮮，一次過滿足佢魚蝦蟹的願望餐廳內部地方十分闊落，而且預早訂位仲可幸運地安排到坐卡位添！咁就更加舒服慢慢嘆今晚老公話事，order 了首爾塔仲要無聊地唱起李克勤嘅歌第一層一打開已經係大大隻嘅蟶子同埋象拔蚌蟶子彈牙就唔再講啦！味道勁鮮甜象拔蚌新鮮咬落又多汁，原汁原味真係超正同埋仲要讚一下店員服務嘅細心，佢會自動幫我地計時同埋過嚟開蓋，我哋就淨係坐喺度傾計同埋等食第二層首先係見到好大隻元貝，啲汁多到可以游水，肥美肉厚，時間啱啱好入口嫩滑。還有漂亮的海蝦，肉質鮮美彈牙。話咁快就食到第三層啦！未食完已經開始唔捨得，中間白雪雪嘅係龍躉肉，口感軟滑之餘仲feel到骨膠原在震盪至於小小的八爪魚同埋北寄貝，比吃貨老公獨吞了第四層一打開我對眼就淨係望住啲花蟹，因為實在係爆膏啊！蟹膏多到爆炸，入口爽！甜！味道夠晒香濃正！食到心花怒放，一於同老公 cheers! 到最後一層喇！有鮑魚呢彈彈鮑魚超好吃，你曾就最多蔬菜啦！日本系列

今晚慶祝老友生日....！佢作為主角..... 當然由佢話事....我只係負責俾錢佢話今晚想食海鮮蒸塔.....佢真係好嘢預早揀定左尼一間九重鮮佢話我實食過返尋味仲要話啲海鮮新鮮到飛起我話海鮮咋嘛....對於我來講濕濕碎拉.....分分鐘我唔夠飽添但係佢話個粥底火鍋包我飽到上心口呢間九重鮮坐立喺黃埔花園11期....淨係個門口都咁大....可想而知佢裏面嘅裝修陳設都應該幾裝免堂皇入到去俾佢裏便嘅韓式公仔吸引住五光十色嘅畫面一雙一對嘅公仔令你目不暇給見到佢哋仲攞咗新假期嘅必食奬項呢間野應該唔野少去到七點鐘已經座無虛席好彩我地一早有訂位如果唔係一定無得食佢哋亦都有好多唔同套餐嘅選擇.....就算午餐都有幾十蚊起嘅飯麵套餐不過聽經理講....午餐黎食蒸氣鍋有八五折既優惠我同老友就揀咗中等價錢嘅首爾塔試一試佢哋能否見真章淨係個前菜都唔野少....唔單止有白菜仔....韓式泡菜....特製苦瓜.....仲有黃芽白尤其是佢個雜果沙律....真係食完想再添而且有專人幫你逐層逐層打開....服務真係有一流水準第一層包括有超大聖子同象拔蚌....嗰隻聖子大過隻手掌而且非常鮮甜象拔蚌亦好彈牙第二層有大大粒

老公上網見到朋友食九層塔，又話好想食。其實一直都有聽過九重鮮呢間食店，咁而家去黃埔可以搭地鐵方便咗，一了他的心事。職員友善的帶我們進入店內，地方寬敞又光猛，而且很有古代韓國風情。職員拿著餐牌，仔細的為我們介紹店內有咩好食，仲同我們推介了首爾塔。老公都覺得呢個好吸引，就點了這個二人份量的餐，另外還點了兩罐飲品。職員先把粥底的材料放好，再疊上 5 層高塔。我們一邊吃著前菜，一邊等大約 15 - 20 分鐘，直至加熱到 95 度就有得食。開飯啦~ 我們按職員的建議，先把最頂兩層的海鮮唔點醬油食，確實食得到海鮮的清甜。然後我們陸續將第 3 層至第 5 層的海鮮，配合不同的醬汁來食，肉質不但鮮甜彈牙，而最特別的是海鹽混合麻油的醬料，令海鮮多一份淡淡的鹹香。另外，蟹蓋真的不能錯過，就咁清蒸食真係好惹味，當時有猶豫好唔好留到最後連粥食，但因為太鮮甜而忍唔到口。最後食到個粥底，湯底真係唔嘢少，係用人蔘雞製成，而且個飯蒸咗一段時間，食起上來已經好綿，加上湯底補中益氣，所以食完已經好飽好飽，補到紅都面埋~

港鐵開通了黃埔站後，第一次入嚟搵嘢食！平時聽朋友講就講得多"九重鮮"呢一間餐廳名，今次就順應朋友推介黎試一試蒸海鮮!一入到餐廳，已經裝潢覺得好特別，門前地下有幾條金魚嘅影子，還有幾套韓國傳統衣服及鼓的擺設,好有韓式風味!餐廳整潔衛生，座位寬敞, 感覺很好!侍應安排座位後,很細心地推介餐牌上的套餐食物,我哋揀選左首爾塔蒸海鮮,選擇了的湯底是蔬菜魚湯，另外還有豬手湯底，人蔘雞湯等等。海鮮種類十分豐富,飲品方面全是韓國入口的,我們選擇了芒果啤酒同埋蘆薈果汁試一試!點餐後，侍應很快地遞上前菜包括泡菜,小白菜,扁豆及豆芽!話口未完，九層海鮮塔終於到了，底層是蔬菜魚湯米粥,上面八層的海鮮包括有鮮蝦(鮮甜)鮑魚(彈牙)聖子(好大隻好鮮甜)北寄貝,大花蛤(肥美)沙巴蟹(好多膏😋)象拔蚌帶子龍躉片芝士丸墨魚丸同埋好多其他蔬菜等，每一層大概蒸5分鐘左右，每次由侍應好主動幫手揭蓋,服務值得一讚👍🏻最後 所有海鮮嘅肉汁加上蔬菜嘅鮮甜流落去最底層，被米粥吸收,才是精華所在!好好味!

一直想試九重鮮蒸海鮮, 剛碰巧朋友仔生日，就訂咗枱帶佢去食好西餐廳經理同店員服務非常好，環境很舒適。坐得舒適，食得開心。安排坐位後，馬上送來餐前小食同沙律，味道非常好，沙律配料非常多，好新鮮朋友仔喜歡食海鮮，就叫咗首爾㙮。蒸海鮮夠晒原汁原味，鮮味十足。另外menu 上有簡介最佳食用方法俾食客參考。其實店員同經理會定時幫我地開蓋，可以安心享用首先，店員會準備粥底先，湯底我地選擇了素菜鮮魚湯粥底，有年糕、花甲、娃娃菜、木耳同米，留待最後先食。然後放上一層層蒸鍋，當溫度計去到95度，就可以開始食事不宜遲，開始食首爾塔先第一層：有象拔蚌同聖子聖子超巨型，啖啖肉，口感非常好；象拔蚌好肥美，花紋很靚，超爽口，d精華喺曬個殼上面，飲埋d汁，真係非常鮮甜第二層：有元貝、海蝦、勝瓜、金茹、野菜百葉豆腐。元貝又大粒又肥厚，蒸得剛剛好， 本來諗住流返一d精華，倒落去粥底到。但我同朋友忍吾住，飲曬殼上面啲精華，真係好鮮甜海蝦🦐不但色澤粉嫩，食落去蝦肉非常彈牙，不需加任何醬汁，已鮮味十足。而豆腐口感很好，勝瓜同金茹非常爽口，好多汁。第三層：北寄貝、新鮮花尾龍躉肉、木耳、八爪魚龍躉肉好有驚喜，肉厚嫩滑，連皮一齊食

對上一次食九重鮮是在大坑的分店，第一次的體驗是驚喜的，海鮮新鮮粥底綿甜，今次再次光臨，不過去了黃埔這間分店。今次門口推介一個平價版的蒸氣鍋，價錢比平時的套餐平了一半，當然食物不夠豐富。最後我們都是選擇了首爾塔，要食緊係要食好D。四小碟前菜有芽菜、白菜仔、醃蘿蔔及甜紅黑豆。飲品-蘆薈汁及提子汁，兩者都有粒粒果肉，不會太甜。我們先選了魚湯粥底。主角到場 - 五層塔店員說溫度到90度就可以吃。第一層是蟶子及象拔蚌蟶子依然大隻，味道鮮甜但肉質較鞋象拔蚌很鮮味，味質很嫩第二層是元貝、蝦、百頁豆腐，元貝及蝦肉新鮮，尤其是蝦肉特別爽口。第三層是刀蚌、北寄貝及龍躉，全部海鮮都有點鞋，可能是我們吃得太慢，蒸過了火，但味道都很鮮甜，龍躉肉很有魚味，是我至愛。第四層是蟹，花蛤及木瓜等，有很多膏，幾乎整隻都是膏，反而肉不多，蟹肉不是太新鮮，肉質有點散，花蛤很鮮甜，木瓜又甜又腍。第五層是鮑魚、丸及蔬菜類，鮑魚是全晚最好吃的，味道鮮且彈牙；豬肉丸很有肉味，有肉汁及彈牙；粟米、南瓜及蕃薯中，最好吃的是南瓜，非常甜。食粥時間，幾乎所有海鮮精華全部都集中在粥底。不太覺有魚湯味而且粥底未煲得夠時間，米還是一粒粒，未開花，

今次第一次寫食評，食呢餐飯係因為有個同事唔做轉工，所以食呢餐farewell飯，今次係我第一次食海鮮塔，我哋食7層塔。第一層係蟶子皇，好大隻，肉嫩肥美，顏色白，味道鮮，最好味嘅竟然係每隻蟶子上嘅車厘茄，每一粒都清甜多汁。第二層係花膠串，雖然每串都只係一塊薄薄嘅花膠，但係每串口感同黏度都好強。第三層係大元貝，每隻都非常肥大﹐肉質細嫩鮮美﹐除鮮味都係鮮味。第四層係海蝦同百葉豆腐，海蝦大隻肉厚，肉質爽口鮮甜，百葉豆腐係我第一次，口感有啲似炸魚片頭，但係好彩味精唔重。第五層係醬鰻魚同廣島蠔，鰻魚起初見佢冇汁，覺得唔好食，原來鰻魚同菜之間有好多鰻魚汁，夾住一齊食，好好味，廣島蠔冇咩味，但係口感唔差。第六層係花甲同爆濃芝士丸，花甲鮮味，去到呢層要讚一讚，有一隻花甲開唔到，職員見到，話換俾我哋，點知，我哋只係一隻開唔到，竟然換黎4隻開到，爆濃芝士丸非常好食，有朋友本身唔食芝士丸，佢竟然都覺得好好食唔膩。第七層係蔬菜層，因為本身唔食南瓜，所以冇食，但係朋友話好好食，起初見以為係白蘿蔔，點知原來係沙葛，清甜爽口。到最尾，我哋揀咗豬手湯底，個粥好多海鮮味，啲豬手好多根，又夠淋，雖然好飽，但都好努力咁食晒啲

之前已聽聞「九重鮮」嘅海鮮塔食物新鮮又好味，一直都好想去食返餐，剛巧海鮮迷嘅妹妹旅行返來，就訂定位兩兄妹聞名不如見面，一齊大飽口福一番。其實之前覺得交通不便甚少去黃埔，地鐵開通黃埔站後，今次係第一次放工搭地鐵到黃埔，原來係好快又方便喎！一岀A岀口轉個彎就見到斜對面嘅「九重鮮」，門口已經好吸引，見到多層蒸塔、又有韓裝韓鼓，無論室外室內都充滿韓風佈置。室內餐廳以淺木色為主、充滿韓風佈置，環境非常舒適，完全沒有擠迫感。當時剛剛七點，已經差不多有八成入座，好彩我訂定位呢！由門口拎位到入座，每位服務員都笑臉迎人，態度非常友善。入座後，侍應姐姐超級細心講解唔同嘅"塔"有咩分別及各自的特色，仲有介紹各類飲品同韓式雪糕等。我哋今次就揀咗「首爾塔」及加錢食人參雞湯粥，而且menu 好細心補充每層塔嘅蒸法和食用方法，超贊！今晚就一於扮吓韓國型男索女，飲芒果啤酒同桃味汽酒，兩款都好好飲喎！未上塔前，侍應姐姐先放咗半隻人參雞、米等配料喺底部，之後就上五層高嘅「首爾塔」啦。而且侍應姐姐一樣細心解釋蓋上溫度計用法和其他細節，真的非常棒第一層：蟶子 & 象拔蚌 又大又多肉，超爽口鮮甜，好正呀第二層：元貝+貝上的鮮汁

個門面係幾有韓國風，入咗去就........除咗個九重鮮個壚好睇少少之外，我真係諗唔到黎間餐廳有咩好，如果，你話食裝修ok嘅,不過食物就真係好唔掂希望佢地改善下。今時今日依個價錢，出邊食海鮮蒸鍋啲質素都好過佢好多。海鮮係極之吾新鮮，仲要同我地講我地menu入邊個餐冇牛，轉第二樣.......D野食似雪藏食物，再加上啲蔬菜又係勁吾新鮮，粟米仲要係爛嘅食落去有怪味，最後，個經理換咗一盆花甲俾我哋，成個過程係感覺食緊餸尾。