九重鮮 (已結業)

媽媽一直都好想食海鮮餐，今次決定滿足佢對海鮮既慾望。🦐🐟🦀🐙餐廳地方闊落，被安排坐卡位，十分舒適。我地點左個首爾塔🇰🇷，另加五十元要左人參雞湯底。 餐前有四款前菜：泡菜、芽菜,、小白菜、苦瓜。開胃得黎，味道不俗。店員先上鍋底，有半隻釀左糯米既春雞、米、年糕、花甲用來淆粥用。然後上面再加放一層層既蒸鍋。當蒸鍋放上去後，會有溫度計放係蓋子上量溫度，當溫度去到95度時，就可以開大餐lu～🍴第一層係蟶子、象拔蚌。蟶子彈牙易咬，味道好鮮甜，韮菜亦唔會因蒸既時間而變得老，車厘茄大粒多汁。 象拔蚌花紋好睇，新鮮爽口。唔醮醬，原汁原味先最正🙊。店員會定時走來check下同開蓋，安心享受。🍴第二層係海蝦、元貝、野菜百頁豆腐、勝瓜。首先食左最吸晴既大元貝。一隻將湯汁飲哂，一隻倒落去煮人參雞粥😎。元貝大大隻，肉身夠厚，煮得岩岩唔會不老身。🦐蝦肉質彈牙，蝦膏好香，醮酸辣醬食好惹味。呢層既配菜都十分出色，勝瓜鮮甜，百頁豆腐軟淋👍🏻。🍴第三層係木耳、八爪魚、北寄貝、龍躉。新鮮花尾龍躉底下係蛙蛙菜，龍躉肉厚、皮多膠，肉質嫩滑，超好食👍🏻。🐙八爪魚超級彈牙，造型可愛。北寄貝脹身大隻，食落軟中帶肉感。🍴第四層係菇、刀蚌

黃埔有了港鐵真的方便了不少，由旺角轉車，幾分鐘就到。九重鮮就在港鐵站對面，走三分鐘就到。在黃埔吃飯比在旺角舒服，在居住區，不會熙來攘往，感覺悠閒多了。甫入門口就是一股韓國風味，擺放着很多不同的韓國裝飾品，非常有特色。另外，整體裝潢也非常精緻優雅，佈置擺設都整齊有致，一絲不拘。我今次選了首爾塔，侍應上好蒸氣塔就細心講解留意溫度計到９８度就可以吃第一層，大約十五分鐘左右。等待期間，侍應奉上四款前菜。前菜也一絲不苟，非常精緻用心，有苦瓜、泡菜、紅豆、大豆芽。紅豆應該是糖漬的，甜甜的。泡菜是辣辣的，苦瓜甘甘的，大豆芽咸的。就前菜都用心設計，有甜、有咸、有辣、有甘。人生之味呀！十多分鐘後，侍應就主動為我們揭鍋。第一層的蟶子，已是值回票價，蟶子比手掌還要長，新鮮之餘，肉質爽口，洋溢着豐富的海洋氣息。刀蚌肉厚鮮美，火候是剛剛好的。第二層就有元貝和海蝦，吃多海洋味，怕膩，細心的九重鮮，會在每層都配上蔬菜，清清口感。元貝上的湯汁的多就知其鮮美，可以一口喝去這鮮美，也可以把湯汁從蒸籠邊流到最底層的粥內，讓之後的粥更鮮甜。海蝦肉質彈牙，鮮甜。第三層的新鮮花尾龍躉完全是從未試過如此肥美的龍躉，這片龍躉的魚油是

豬小姐最上一次尼「九重鮮」已經係年半前嘅事啦 講到蒸氣海鮮鍋 第一印象就諗起佢啦！而家起埋黃埔港鐵站 更加方便添！今晚尼個養生海鮮餐！今晚豬先生豬小姐選擇嘅係店長推介嘅首爾塔由於我地只有兩個人 份量係按人頭去計 所以我地兩個人五層就岩岩好啦！前菜有泡菜同番石榴 惹味！開胃！當蒸氣鍋嘅溫度由20度上升去到95度左右就可以開始食啦首先係第一層主打嘅有象拔蚌同埋蟶子！蟶子好巨型 爽口彈牙 蒸出尼唔會太韌 口感剛剛好！象拔蚌細心在已切條 容易入口 而且最精華嘅汁係哂個殼入面 食完舊肥美象拔蚌 當然唔可以放過埋啲汁啦yummy！店員建議汁如果唔飲 可以倒落蒸鍋 咁樣可以令粥底更加鮮甜第二層有豬先生最愛的元貝元貝食落就知道係新鮮貨色 厚肉又大粒 鮮甜味十足海蝦色澤粉嫩 咬落亦夠爽彈！唔點豉油完全ok 純粹食個「鮮」味都夠第三層有貝類海產配搭住新鮮花尾龍躉最令我眼前一亮嘅係北寄貝 肉身同個殼都一樣咁大隻 唔會因為蒸嘅時間長而令到啲肉縮細 真係啖啖肉呢花尾龍躉肉好厚身好嫩滑 肉連皮上 魚皮好煙韌 感覺充滿骨膠原 質感滑溜溜又唔腥 好第四層有沙巴花蟹做主角豬小姐本身對蟹興趣不大 但見到佢爆哂膏 橙黃色嘅

之前都有試過層層塔蒸海鮮，但就第一次試九重鮮，位置都好就腳，一出地鐵站行幾分鐘就到，餐廳裝修光猛，我哋兩個人坐卡位，座位非常舒服，朋友點左一個首爾塔。粥底就揀咗豬手湯，等緊嘅時候就食前菜，侍應好快就上咗海鮮塔，個塔仲高過我哋，佢上面插左一個溫度計，都95度嘅時候就可以開來食。第一層係蟶子皇同象拔蚌，兩款海鮮度超大隻，同個蒸籠咁大，影相嘅時候都要企喺度影先得，蟶子皇爽口鮮甜，夠晒彈牙，象拔蚌都係，兩款唔使點醬油都已經好夠味道。第二層係海蝦同埋元貝，啲蝦蒸完好大隻，夠鮮甜，元貝一向都係我最愛，呢隻size勁大粒，好好食。第三層係龍躉，北寄貝同刀貝，平時刺身食得多，第一次蒸嚟食，沾上醬油會更加夠味。龍躉好食，魚皮係會痴牙，好肥美。第四層，有一整隻花蟹，啲蟹膏多到流晒出嚟，因為我朋友唔食蟹嘅關係，所以我哋將隻蟹殼留起佢諗住到最後直接放埋個粥入邊變蟹粥，哈哈。終於到最後一層，其實我都食到有啲飽飽地，但係隻鮑魚不停呼喚緊我，鮑魚彈牙，食到甜味。終於終於到咗最精華嘅粥，我哋連蒸架上面嘅蟹膏都唔放過，將佢放埋入個粥入邊，再加埋頭先蟹殼嘅蟹膏，第一啖飲落口真係十級好味，將所有海鮮嘅精華吸收晒，尤其係個冬

星期日晚係紅館睇完女排就飛上的士過來，10分鐘落車行幾步就到， 可能因為有訂座，我地4人有卡位坐， 兩老都讚好，研究左一陣，發現openrice 睇到既$1399 的4人餐無左，變左做$1899, 最後跟職員推介食$389一位的首爾塔。差唔多$400一個人係貴左d, 勝在食物新鮮， 環境舒服，唔趕客， 有機會再來的

而家自從黃埔起埋個地鐵站 真係變左個美食天堂咁 呢間野 原來黎自韓國 一直聽就聽得多 食就真係第一次叫左個價錢中間既套餐 都好多野食先黎個前菜 唔小得既泡菜 我就鐘意個薯仔 食住黎等個煱熟 第一層 大花蛤 象拔蚌 食個陣佢建議張海鮮既汁倒返入去 咁食個粥個陣就會好正第二層 蝦 元貝 翠肉瓜 豆腐 金菇 d蝦勁大隻勁新鮮 第三層刀蚌 龍躉 8瓜魚 個魚真係不得了 勁香勁滑第4層花蟹 蜆 木瓜 豆腐入面有芝士流出黎 好好食第5層鮑魚 栗米 南瓜 菇 蕃薯 墨丸 d蔬菜食落口已經知係真材實料 靚野 最尾食粥啦 佢先幫你撕難隻雞 再分左入面既糯米食左先 粥入面仲有人參 年糕 同埋蜆 重點係年糕 真係好韓國感覺 未試過食粥有年糕 原來都好特別 好有咬口

蒸海鮮小弟早排都食唔少,今日終於要試試韓式海鮮九重塔,我地一早就BOOK左位,所以去到都唔洗等,直接入場,直接入主題,ORDER左呢個首爾塔套餐首先係將爐最底個層店員好快咁將呢組巨物搬左黎我地個到,同個人坐底咁高,講下餐廳環境先,內部裝飾帶柔和燈光,好多大台,岩哂成班朋友聚會,之後店員插左枝溫度計係個塔頂,話比我地知,達到90-96度就可以開始食之後既發展就係一場狼吞虎燕既情況,由最頂食起係蟶子,帶子,海蝦,花蛤,花蟹,北寄貝,鮑魚,龍躉片,栗米,蕃薯,牛脷等等,每食一層都可以食得出上層漏落黎既海鮮精華到下一層,可想而知最底層既豬手粥係有幾咁鮮味,殺到落最後就品嚐埋呢個由我地戰到最後一蝦一蟹所成既靚粥真係色香味九重奏,十分滿足

第一次用OpenRice訂位，服務方便快捷值得一讚。去到地方唔算太大，但係都幾光猛舒服，侍應生談吐也很有禮貌，點了$398的套餐再加了兩客生蠔，起初男友仲話唔夠食，但係都未食到一半男朋友已經話飽飽地，所以份量非常足夠，帶子、象拔蚌、聖子鮑魚也非常新鮮，好味道，美中不足的是蟹，蟹太細隻，蟹膏不知是否蒸得比較耐已經有點老的感覺，蟹肉亦非常小，味道還有一點不新鮮，比較失望，比較特別的是蒸木瓜，也10分好味。下次還會再來，希望下次食蟹唔會令我失望。

自從黃埔站開通左之後，我地都多左去果邊搵食。呢次幫襯的，是以蒸海鮮聞名的九重鮮。蒸海鮮聽落似中式菜式，但呢間餐廳是以韓國蒸海鮮聞名的。一入門已經見到韓式的擺設，絕對係影相位。佢地有好幾款套餐，每一款塔有不同的海鮮同配菜，我地就揀左比較豐富的首爾塔，仲加左少少錢轉人參雞粥。一開始先將粥料下鑊，有足足半隻雞，加錢加得好值得。蒸塔準備好後，就係興奮的時刻，溫度計不繼升溫中。等待時刻可以食住泡菜先，再飲個韓式特飲。大概十分鐘左右，就可以開始食啦！第一層有蚌同蟶子，蟶子超級大隻比手掌更長，啖啖都係肉。第二層係元貝同海蝦，仲有少少蔬菜。海蝦十分鮮甜，肉質爽口彈牙，好新鮮。第三層係大蜆同龍躉，估唔到龍躉肉清蒸係甘好食！平時好少食到，但原來清蒸的龍躉肉係嫩滑得來好鮮好鮮好甜的，而且一d都唔腥。第四層肉蟹係主角，仲有唔少其他的貝類。第五層就係鮑魚同蔬菜啦。鮑魚洗得幾乾淨，清蒸都無怪味。食完海鮮基本上已經飽飽，但人參雞粥實在套吸引，忍唔住食多兩碗。

早幾個星期同朋友慶祝生日, 去左e度嗌左釜山塔。每人埋單$400。除左份量小、海鮮唔鮮、d蜆有沙, 所謂的“龍躉”係雪藏魚塊外, 似乎無其他印象。好阿q地寄望用底層“鮮”味粥底。點知, 只是一鍋“味精粥水”

網上睇到七月生日4人去送"九折板"試下，用左openrice做網上訂位,去到問佢佢話網上訂位之後仲要電話通知多次先有九折板因為要提前做，會送返一份和牛俾我地，宣傳廣告又冇講..fine,都唔知九折板係乜，有多份和牛都好。叫左一個套餐每人6xx*4人都差唔多最貴果款，有d前菜俾我地食，果d前菜就有4款，每款都係可以一兩口食哂，同行朋友問有冇得refill,有個疑似呀叔經理話只可refill一次,同行朋友打左個突,話哂俾咁多錢..跟住再問個後生既先同我地繼續refill。到九層塔上場d海鮮都幾新鮮唔錯，粥底唔算好有海鮮味因爲一路食海鮮一路啜哂，一隻人參雞每一食一碗然後打包剛剛好，like同share埋fb就送埋每人一球雪糕，味道ok

老友生日，諗下有乜可以食，想食海鮮，但鯉魚門又難泊車，上 openrice 見到九重鮮幾吸引，想試韓式九層海鮮塔好耐，今次不如就試下，就在 openrice 定了位。到嘅時候已經見全塲爆滿，心裡更加期侍。到朋友到齊就叫了個4人餐- 鮮活龍蝦人參雞海鮮塔餐，可能比首爾塔貴小小，但又有龍蝦，人蔘雞粥又唔使加錢。當食物到時，真的很高，唔連粥底個鍋，足足有十層高，每層到好鮮味好好食，食到尾3層已經飽了，但還有鮑魚同人參雞粥，最後都食到粥同雪糕，粥係好好食，同之前港式蒸氣海鮮鍋不同，呢度個粥真係好好味，我開始相信韓國人食完雞或海鮮煮嘅粥係好好味，下次去首爾都要去食孔陵一隻雞，另外個榴槤雪糕好好味，不過真係食到好飽好飽，4個人都好飽，兩個人食真係難以想像，下次都要和好友來再試其他塔

有朋自遠方來，他想吃特色野之餘又想吃海鮮，靈機一觸，便打去九重鮮訂位九重鮮位於黃埔花園內，鄰近地鐵站附近。幸好有預先book枱，當晚入座率達9成。九重鮮設有數款套餐供客人選擇，我們選了中價位的首爾塔，價錢是$398一位甫坐下立即有韓式前菜，開胃一流塔底最下層的粥底有數款選擇，分別有素菜鮮魚、韓式豬手、韓式泡菜粥底，加錢的話還有人蔘雞和烏雞湯選擇我們揀了較熱門的韓式豬手粥，材料有豬手、蘿白、年糕和蜆仔。決定粥底後，店員便放下蒸籠並開始講解食法。待温度計到達9x度，便可以打開蒸籠蓋。一開蒸籠蓋，事不宜遲立即開動了第一層是蟶子和象拔蚌，滿是撲鼻的海鮮香氣。吃完海鮮記住飲埋個汁，包你會心微笑基本上所有食材也不用沾上醬油吃，因為海鮮原有的味道是最鮮最甜的。第二層是海蝦、帆立貝、勝瓜、日本百頁豆腐。帆立貝超新鮮，啖汁間直無得頂之後是北寄貝、刀蚌、龍𧄌龍𧄌油滋豐富，食完想再encore!再來花蟹、大花蛤、蘿蔔、木瓜、芝士丸。樣樣海鮮都各有特色，大滿足！來到最後一層了，已經飽了9成。鮑魚蒸得恰好不會過韌，另外還有牛脷、蕃薯、粟米、南瓜、墨汁豚肉丸吃到最尾，便是期待已久的豬手粥，雖然飽到上心口，但絕不可

近年食過多間蒸氣海鮮火鍋，當中以九重鮮給我的印象最深，因為海鮮平均質素高之餘，價錢也合理，而最後的粥底更每次都沒有令我失望，粥底夠綿，鮮味也突出，所以每當有朋友想吃蒸氣海鮮火鍋，我都會向他們推介九重鮮。＊＊＊＊＊＊＊＊＊＊＊＊＊九重鮮有兩間分店，對於大部份朋友為九龍和新界人的我，黃埔分店較為就腳方便，所以幾次光顧我都是到黃埔店。另一個原因喜歡九重鮮，是相比一般酒樓蒸氣火鍋，九重鮮店面較為光猛整潔，給人乾淨放心的感覺。食店提供多個不同套餐，收費通常以每位計，而今次我們選了極上鮮活珍寶蟹雪濃湯海鮮塔($1,388/4位)，除了因為除返開較為划算外，更因為我們想試它的雪濃湯。沙律沙律內有腰豆、粟米和菠蘿等，上面澆上千島醬，味道都可以。四式前菜前菜是無限refill，而且實際也不只四款，因為refill的時候會隨機轉換其他款式的前菜，當中我最喜歡泡菜和小白菜，泡菜酸辣有致，小白菜則較為清爽。濟州橙汁($70/1500ML)套餐不包飲料，我們就另外點了一大瓶濟州橙汁，貧佢抵飲。大大一瓶，每人都分到三四杯，一枝都已經夠飲一晚，味道不會像XX先生的假和死甜。粥底上海鮮前，店員例牌先將粥底材料放在鐵鍋

韓國蒸氣海鮮鍋的熱潮係早兩三年已經興起，不過一直未有機會嘗試，今次襯住友人考試完畢，就相約一起來黃埔九重鮮食大餐好好慶祝一下。餐牌有幾款海鮮塔選擇：釜山塔，首爾塔，濟州塔，明洞海鮮塔，以及4人套餐。價錢豐儉由人，但最少2位起。今次我們選了中價的首爾塔，價錢是每位計 $398，份量也以人頭計算。包含十種海鮮和其他蔬菜和粥。蒸爐分成兩部份，下層盛載粥底，煮沸後熱氣將上層食材蒸熟，除原汁原味外，亦較傳統火鍋少油。放上蒸鍋前先在底層放入珍珠米和材料，湯底可以選擇配鮮魚湯、豬手湯或泡菜湯。吃完海鮮之後，一鍋海鮮粥便完成了。塔頂附有一個溫度計，侍應解釋大約等十多分鐘溫度上升到95度左右便可以開始進食了。 而每層進食時間大約5分鐘，以免食材過熟。每枱另設一個沙漏供計時之用，十分貼心。不過我們每層都盡快食完，所以都沒有計時。侍應服務良好，時間一到便會主動上前為我們打開每一層蓋子。第一層：蟶子，象拔蚌蒸煮過後都沒有大縮水，兩者都爽口鮮甜，不過蟶子有點沙。基本上食材新鮮，原汁原味是最好食的，不需要再加調味料蓋過其鮮味。第二層：元貝，勝瓜元貝連殼清蒸，連殻上鮮甜湯汁都不能浪費要飲晒第三層：蝦，金菇，豆腐海蝦