九重鮮 (已結業)

垃圾之中嘅垃圾，爛中之極一家四口去食飯，人均消費400幾，比埋啲垃圾，咁嘅菜都可以上枱比客。食個譚仔都飽過我係呢到食嘅野。4人食飯，前菜只有一兜細芽菜，一啖食完，唔會refill, 你主手韓國菜都知韓國啲前菜係可以擺晒成張檯？主打海鮮冇鮮味，4個人每人得1/4隻蟹，蟹冇肉，粥勁鹹，海鮮份量少得可憐，仲要係難食，只係會食粥食飽個肚。炸物串燒上菜時間勁耐，等到海鮮蒸晒粥都食埋都話未炸好，埋單比錢先炸好比個客。咁嘅價錢，去食任食放題嘅質素仲會好啲。失望！唔好去中伏！…查看更多

雖然蒸氣鍋已經唔流行！但九重鮮我食完想同大家推介一下，海鮮新鮮之餘，而且還算多選擇，（他們還提供自選套餐，三天前預訂）！一般蒸氣鍋只有係食蒸氣鍋😅但呢間有好多串燒及小食，而且仲有一人餐俾大家揀！今日我仲見到有鵝肝炒飯同A4和牛炒飯，而價錢仲相當吸引！大家下次可以試吓呢間！而有一樣係我必食推介，就係鹽燒指天翅（大龍躉魚翅）！我記得之前去過一間餐廳食呢個，如果無記錯唔平的！但呢度單點都係$60，而且有啲餐仲包埋！講真…食肆最重要係品質！呢間價錢合理，而我覺得某些食物屬於性價比高！真值得推介👍🏼…查看更多

今晚星期日一家去咗九重鮮韓式蒸氣火鍋嘆海鮮！$358一位算抵食，韓式裝修優美，職員態度親切！海鮮味道非常新鮮！本人最喜歡肉蟹、大蝦、龍躉肉、鮑魚！小食首選一口炸芝士（小朋友至愛），好食到番點兩份。韓國🍋七喜配合得好好！我食咗三小碟泡菜😉 兩位試海鮮花膠粥底 ，另外兩位再試花膠豬手粥底 都非常好味！而且無加味精！加少量新鮮pepper 粥底夠曬味！我開頭仲儍到想叫白飯😂。一家大細都好enjoy! 下次一定再試新餐牌同和牛！…查看更多

438蚊一個人（未計加一）2塊牛 1塊花膠 3隻蝦 半隻龍蝦仔 1舊魚 1隻鮑魚仔 1舊南瓜 1舊番薯………仲有所謂無限任食嘅串燒….但等左成個鐘都無出現 唔知我寫完個食評出現未😂😂 食材係新鮮嘅 但性價比就真係極低 但要想散叫食物填下肚都無😂😂 值唔值就見人見智 可能我太大食啦😂 飲品種類都多嘅……我女人仔都食唔飽 大隻佬們 想試就係屋企食定2個公仔麵先好黎啦😉😉串燒終於出現啦…..等左一個鐘 好開心呀…..😆 個樣都幾新鮮 唔乾呀🙂（相係2個人份量）…查看更多

📍九重鮮黃埔「九重鮮」一間主打韓式蒸鍋店，最近新推出 "生酮海鮮餐"完全合我要求，我最鍾意海鮮，當然要去試吓啦，而且好近地鐵站，真係好方便。.生酮海鮮餐 $338/位 兩位起價錢吸引，套餐都非常豐富.坐底服務員先上頭盤小食，鹽燒龍躉件 煙肉蘆筍卷 鹽燒鮮冬菇，味道剛剛好。.主魚出場，海鮮肉類蔬菜，用層隔蒸爐分層蒸出先蒸無激素牛肉之後海蝦 金菇再來骨膠原花膠串仲有鮑魚 海蜆底層低碳蔬菜（無限加添）無激素牛肉超大塊，就咁蒸30秒左右食得，牛味濃郁，沾少少醬汁，令牛味升提。海鮮全部都鮮甜爽彈，我無沾醬就咁食😆證明好新鮮，燒烤串燒樣樣都好惹味，食唔停口。.飲品柜有大量凍飲、啤酒，冷氣又夠涼，夏天嚟到好舒服🤣我風扇都無開過😂.📍九重鮮紅磡黃埔天地聚寶坊（第11期）地下G …查看更多