上戶酒場 (已結業)

屯馬線通車的方便，兄弟二人最近愛上到九龍城揾食！ 收到風龍崗道這間[ 上戶酒場]的日本菜有質和有創意，今晚就來會一會！ 首先環境不錯整潔坐得都舒適。人氣旺氣氛都好！先叫杯冰凍啤酒先！日本啤 58元前菜 32元菜配魚醬，特別！店員推介時令刺身活生蠔肥美，叫两隻試一試，176元果然！有海洋味！好鮮，肉爽甜，肥美！配左酸酸甜的醬汁清爽口味！見食材新鮮今晚要食好一些！再點了刺身～原條金目鯛588元魚肉細緻嫩滑有魚油的甘香點一點醬油更鮮味！不浪費！炸過的魚頭魚骨餸酒非常不錯！洋葱炒牛舌 88元牛舌有點厚度，食落爽口甘香！好惹味！燻製料理煙燻香魚78元肥大肉厚，肉質嫩滑煙燻味濃味道特別！煙燻五重芝士 Pizza瓦煲藏 Pizza 第一次見！批底好柔軟，芝士忌兼狀好香滑煙燻味濃厚！真係好特別！有驚喜！滿足！名不虛傳！ 服務好，收費都合理！九龍城覓食好選擇！

朋友今晚又Call到九龍城這個美食天堂覓食，今次收到料這家"上戶酒埸"口碑非常好！ 來到已有不少食客在坐，瀛味濃濃的居酒屋風格，除了卡位還有吧枱座位，坐在卡位上感覺濶落舒適。 朋友愛吃日本菜就由他發辦吧！我衹自在的吃就是了。 店很專業服務 殷勤周到，介紹受歡迎和有特色的菜式給我們…… 這菜式種類非常多鐵板，一品料理，活刺身，定食最特別是招牌的燻製料理。前菜 $ 32 茶燈暖着的是鯷魚和沙甸魚混合而成咸咸甘甘'的醬，配上什蔬菜條口感特別帶出蔬菜的甜味，令味蕾醒一醒！西班牙時令活蠔刺身 $ 176 (2隻)非常肥美！蠔肉爽口配了柚子醋和葱花，酸酸柚子香味口感十分清爽！花竹蝦刺身 $ 336 (2隻)新鮮！ 肉質晶瑩剔透！賣相非常漂亮！高貴！蝦肉彈牙！鮮甜！蝦頭多糕，生吃恐怕會有腥味，所以 隨後炸過再上枱~原條金目鯛剌身 $ 588金閃閃的魚眼，鮮紅紅的魚身令人食指大動！擺盆生動吸引極了！魚身厚切令細嫩肉質更有口感！經火槍在魚皮上炙過迫出油脂特別甘香甜美！炸過的頭尾香脆可口！佐酒一流！Suntory啤酒 $ 58巨蜂提子梳打 $ 38煙燻日本豚腩肉 $ 78第一次驚喜又新奇的

是日和朋友聚餐，來到九龍城這家居酒屋。時令活蠔刺身超巨型，入口滑溜溜，味道很鮮甜，醬汁酸酸的，很開胃。刺身盛合有5款刺身，包括吞拿魚、油甘魚、三文魚、牡丹蝦、北海道海膽。每款都切得十分厚身，十分新鮮，尤其是海膽，入口即溶，一流👍🏼鐵板原只龍蝦大贊👍🏼👍🏼👍🏼啖啖肉，炒得很香，配上脆卜卜的蟹子，增添了不少口感。明太子奄列十分誇張，份量也是重量級的，軟綿綿的流心奄列蛋內，包裹著滿滿的明太子，大滿足😍😍

大埔廣福道發生恐怖奪命車禍，造成2死8傷，其中一對夫婦從此陰陽相隔，令人心痛。著名球星碧咸 (David Beckham) 的左肋骨上有一句「生死有命富貴在天」的紋身，當然我們不能查證身為西方人的碧咸對這句名言有多了解，有何感悟，卻提示着我們凡事皆已命中註定，生死就是如此無常，我們更應珍惜眼前人，活在當下；筆者就是利用這完美藉口，於週末間拉男神跑到九龍城的「上戶酒場」，實行今朝有酒今朝醉 (注：少喝酒的筆者選擇喝茶😂)。環境：✨門面及店內均採用全木設計，擺放了不同品牌的日本酒瓶、牆上掛着居酒屋常見的木製看板、更貼有七彩繽紛的日本海報和旗幟等，氣氛輕鬆舒適。服務：✨職員態度和藹親切，上菜速度令人滿意。食物：🍱 蒲燒鰻穴丼 ($108套餐價，配海鮮味噌湯及前菜)✨份量不算多，但足以果腹。✨饅魚厚身，算不上超肥美，蒲燒醬汁味道濃郁；穴子相對較薄身，口感柔軟輕盈。🥚 茶碗蒸 (+$30)✨味道一般，但入口軟滑，表面堆砌了數件魚塊增加鮮味。🐚 黑松露帶子手卷 (+$30)✨帶子肉身感覺豐厚，富彈性，味道鮮甜，以黑松露作點綴，感覺不錯。🥩 火炙牛小排壽司 ($32)✨牛小排的脂肪均勻，沒有明顯筋膜

第一次到宋皇台站和朋友食飯而加來九龍城食飯真係方便佐好多今次來九龍城，唔再係泰國菜，第一次來九龍城的居酒屋，對我而言：1）氣氛好好，平日都好多人好有氣氛2）刺身完全體驗到食材的新鮮3）員工也熱情，雖然難免忙中有亂，但服務也是不錯的4）性價比就正常啦，無話特別抵，同價位同質量的其他旺區也很多選擇5）環境衛生干淨，厠所也很干淨6）美中不足的是燒牛舌太硬了7）做緊720ml清酒買一送一優惠好吸引，如果280ml都有更爽😆

相約朋友生日飯，因工作關係比預訂的時間早到了超過半小時到達，餐廳也很好的讓我入座等候朋友。前菜的鯷魚醬十分美味，配搭清新的蔬菜條十分開胃。4人飯局主要想少少地試吓唔同菜色，所以前菜首先叫咗辣酒煮花螺、燒明太子伴青瓜片、蒽吞拿魚腩薄脆。幾款前菜都好有驚喜。花螺辣度適中，即使平日不嗜辣的朋友也可淺嚐幾口。薄脆配魚容最深得我心，口感有脆有嫰。明太子配青瓜則無乜特別。之後我哋再叫咗半板海膽、刺身盛合六款、燒羊架、龍蝦兩食 (刺身/甲羅燒) 同雜錦天婦羅。北海道海膽但唔特別有海水味、羊架的羊味唔平均，有些有羊味有些沒有。龍蝦刺身很新鮮，甲羅燒味道濃郁。天婦羅係預期水準，也並非特別出眾。整體而言，與朋友相聚喝酒食飯聊天是一個不錯的地方，食物水平在九龍城區而言算中上，但價錢方面也算較為中上。 以這價位來說，可在尖沙咀找到一些質素更好的地方。

好耐冇去過日本突然有啲懷念日本嘅居酒屋記得以前去日本旅行嘅時候最期待就係夜晚去居酒屋居酒屋嘅環境同氣氛都令人好陶醉可以令人忘卻日頭嘅所有繁囂而且居酒屋嘅食物同埋氣氛都好有味道疫情令我差不多兩年冇去過旅行所以我一直都好想再找返去旅行嘅回憶難得喺香港搵到一間有日本味道嘅居酒屋於是就約咗幾個朋友搵返旅行嘅味道呢一間應該係最地道同埋最印象深刻嘅居酒屋一見到餐牌就俾佢嘅食物吸引住所以我哋都嗌左唔少嘢食❤️燒魷魚筒$78一見到原隻燒魷魚就令人食指大動魷魚燒得啱啱好肉質好彈牙很有咬口而且燒得一啲都唔光非常Juicy而且外面有一陣焦香嘅味道更有風味配上店入面特製嘅燒汁真係令我一啖一啖停不了口🧡唐揚雞軟骨$48唐揚雞咋都好酥脆一啲都唔油膩雖然炸到好乾身但係肉質一啲都唔乾而且啖啖肉非常滿足💛伊比利亞豚肉鍋$158火鍋一上我就忍唔住「嘩」一聲因為實在太靚啦而且有好多配菜非常豐富日本嘅豚肉睇落就好嫩滑而且份量非常多所以細食嘅朋友應該兩個人食一份就夠啦火鍋有豆腐咁真菇冬菇高麗菜等所有食材都非常新鮮💚明太子奄列$98今年嘅蛋做到好嫩而且上面放咗柴魚增添味覺享受裏面嘅明太子可謂錦上添花雖然明太子偏鹹但係配上暗烈味道就

媽媽心血來潮想吃清心丸，二話不說就與她來到九龍城來，當然，遠道而來總不能只為買材料，而空著肚子回家，嫌悶不想吃泰菜，最後無意中發現了一間叫“上戶酒場“的日本菜餐廳，就入內試試。Lunch set的選擇非常多，價錢亦夠親民，當非已包括 海鮮味噌湯及前菜，加$50可以任飲啤酒，而加$20/$30更可追加不同的小食。時令伊佐木刺身深知媽媽愛吃刺身，就點了時令的伊佐木刺身給她好好品嚐，店員表示伊佐木可以一魚二食，當我們吃過刺身後，魚骨及魚頭會用油炸，成為另一款美食。伊佐木賣相吸引，魚肉晶瑩潤澤，入口鮮甜，肉質柔滑爽脆，口感清爽，不帶半點魚油，我愛將魚肉蘸上蘿蔔蓉香蒽豉油，來突出魚鮮味；炸魚骨份量挺多，雖然是油炸，但口感不油膩，相反，個人覺非常香脆惹味，趁熱吃味道最好。海鮮味噌湯及前菜味噌湯很足料，湯內有肥美蜆及大蝦，令湯頭味道份外鮮甜。巨峰梳打我和媽媽都點了巨峰梳打，梳打甜度適中，帶有清新提子香，非常透心涼。七味魷魚圈原本追加的小食是七味魷魚鬚，可惜魷魚鬚已售罄，所以改成七味魷魚圈，魷魚圈外層酥脆內，柔滑得來又有爽彈口感，最重要是炸漿薄薄的，一點都不油膩，讚。鐵板海鮮炒烏冬烏冬炒得非常夠鑊氣，

炎炎夏日，冇咩胃口，梗係黎食港女最鍾意食嘅壽司啦食日本嘢之前就梗係要啤啤佢先啦，左手邊嘅係沖繩啤酒，味道就會苦啲，濃啲，而我就揀咗淺黃色啲嘅生啤，相對地就冇咁苦，而入口啲，啱晒唔係成日飲酒既我，夏天飲冰凍嘅啤酒真係身心愉快，食都食得開胃啲，依家仲可以比$50任飲啤酒，真係好抵再嚟過冰鎮生蠔，係由西班牙入口，味道濃郁，都幾大隻，我最鍾意就係佢夠晒大隻，塞住我把口，每隻都只係$88，左邊係檸檬，右邊就落咗醋，兩種食法總有一款啱你心意脹卜卜嘅生蠔等我俾大家睇個近鏡啦我哋仲叫咗個壽司拼盤九宮格嘅壽司拼盤色彩繽紛，有熟嘅有生嘅，大家可以開心share，左上角磯煮鮑魚，下面係隻燒左口魚，吞拿魚腩，中間嘅係黑松露帶子，右上角係鰻魚，中間係赤蝦，右下角係三文魚食咗咁多凍嘢係試吓食下啲熱野先，魷魚圈一共有五件，炸到好香口，中間又唔會太乾，抵讚而呢個海鮮味增湯同平時嘅好唔同，因為細細一碗湯入邊已經有蝦肉、豆腐、蜆肉，真係非常鮮甜嚟到我哋今日嘅主角，就係龍蝦，首先要就一讚師傅將龍蝦肉起晒，龍蝦肉一粒粒，所以食嘅時候非常方便，仲要龍蝦煮嘅時間唔會過左火，非常彈牙呢個龍蝦餐其實都幾抵食，蝦身就起肉，蝦頭、殼嘅部

屯馬～開通～真的很興奮～，屯馬線開通之後，除左平時返工多左人坐之外（有幾次試過多人到連車都上唔到），而家連星期六日都多左好多人出黎九龍城食，我今日都專程出黎行下加搵食。海鮮味噌湯有大蜆同大蝦，味道淡淡地唔錯。壽司ＳＥＴ有三文魚壽司、油甘魚壽司、黑松露帶子壽司同鰻魚壽司等，另外磯煮鮑魚帶子壽司亦非常高質。西班牙生蠔，一隻係配檸檬，另一隻係配酸汁，生蠔味幾濃但食落唔算重海水味。龍蝦鐵板燒龍蝦肉爽口彈牙。而龍蝦殼同羔就整左泡飯，食埋個飯就岩岩好，飽晒。魷魚圈天婦羅炸得幾香脆。Suntory生啤

屯馬線通車後，去九龍城真係好方便，今日就登等約朋友仔去九龍城「上戶酒場」食晚飯，在宋皇臺站一出就到了。坐下後先來一個前菜野菜條伴鯷魚醬 ($32) - 香濃鯷魚醬是用沙甸魚和多春魚混合而成，配上爽甜的沙葛、脆脆的紅蘿白條食用，鯷魚醬的鹹味帶出蔬菜的鮮甜時令活魚(金目鯛)刺身 ($588) - 師傅把金目鯛厚切做成刺身片，再用火槍燒一燒魚皮表面，令魚食落有微微焦香，金目鯛色澤白中帶紅，肉質鮮甜彈牙火炙左口魚邊壽司 (2 x $24) ($48) -左口魚是我的愛人之一，魚油十足，鮮油感在口中蔓延，肉質鮮嫩，讚！牛油果軟殼蟹卷 ($128) - 軟殼蟹炸得酥脆，唔油膩，配上蟹籽和香甜牛油果，一個卷物雙重美味時令活蠔刺身 (酸酢汁) 🦪($176) - 來自西班牙的生蠔，清甜爽脆，配上酸酢汁來吃，恰到好處蘆筍炒牛舌 ($88) - 牛舌味道夠濃，咬落爽口，食完口腔留著牛的香味，蘆筍爽甜泡菜炒豚肉 ($78) - 泡菜辣辣的，用來炒薄切豚肉，十分惹味煙燻厚切三文魚 ($78) - 餐廳用上櫻花木來煙燻厚切三文魚，滑順絲柔的油花口感，生熟程度恰到好處，帶著點煙燻的風味，香滑細緻，必點煙燻帆立貝仔

九龍城現時食肆種類越嚟越多，住沙田搭屯馬線出嚟真係好方便。今日好朋友介紹，九龍城龍崗道有間好正日本餐廳《上戶酒場》。店內座位有卡位，吧檯及四人枱，人多時方便拼合。野菜條伴鯷魚醬~鯷魚醬鹹鹹地熱熱地，蔬菜條沾上特別美味。西班牙生蠔(配酸汁)~好新鮮，蠔肉十分肥美，味道鮮甜，蠔味香濃。刺身拼盤~賣相擺盤好吸引，牡丹蝦、海膽、三文魚、吞拿魚及油甘魚，海膽甘香可以跟青瓜或用紫菜包住食，三文魚夠肥美，牡丹蝦非常新鮮，油甘魚勁厚切，豐富魚脂，鮮甜，正！磯煮鮑魚軍艦~鮑魚爽口彈牙，火炙吞拿魚腩根壽司~火炙更能突出魚油的香味，入口即溶。吞拿魚腩蓉薄脆~吞拿魚腩蓉稍稍調味，十分可口。我叫咗杯生啤，朋友叫咗杯麥啤，慢慢飲慢慢嘆慢慢傾，點了一些好啱送酒的熟食：燒花魚~燒之前會用煙燻處理過花魚，聞到一陣陣煙燻味，魚肉一絲絲一片片，非常美味。這個魚是店員推介的，暫時餐牌上未有的。煙燻豬肋條~這個咬落會比較有口感，最啱送酒。煙燻牛舌~牛舌的脂肪香味冇其他食物可以代替，爽爽地，燒烤時間剛剛好。龍蝦味噌虎蝦~將龍蝦膏龍蝦肉及日本味噌混合，然後放上虎蝦燒熟，再加上蟹子，味道香濃。鰻魚炒飯~炒得好香，米飯粒粒跳。店員服務

屯馬線通車，多咗去九龍城搵食， 慶祝朋友生日，找到這間在衙前圍道的「上户酒場 」，一於吃一頓日本菜! 位置好容易搵，就係宋皇臺站B3 出口行數分鐘。還好今天不用OT 早少少走， 六點鐘來到有位。先來一杯冰凍啤酒消消暑氣～ 沖繩啤酒， 麥味比普通生啤較重，易入口， 又令我不其然掛住沖繩的美食了～提供特色前菜， 蔬菜條配合提魚醬（ 沙甸魚和 鯷魚製成）， 個醬好正鹹鹹哋有魚味但係唔腥， 助暖之後更加惹味！西班牙生蠔(醋酢汁)咁大隻生蠔忍唔住都要打卡～ 簡單以柚子蓉，醋酢，蔥花帶出蠔嘅鮮味，入囗滑身爽脆， 亦有好重的海水味～五色刺身拼盤擺盤，顏色都好靚。 這裏每一道菜都有伴碟裝飾，車厘茄也雕花， 蘿蔔，蓮藕， 都經過雕飾 ，做得美輪美奐～刺身每一件都厚切～ 海膽好甜好新鮮， 牡丹蝦肉質結實， 鮮甜度好高！特別把蝦頭切開， 方便進食又美觀。油甘魚是很肥美，鱼油豐富。三文魚都係難得嘅甜。吞拿魚入口較凍， 味道最清， 建議先吃～餐廳亦有一系列秘製煙燻菜式～ 濃濃嘅煙燻 口味渗滿每一道菜。煙燻花魚：魚味好重， 肉質結實得來算滑， 外皮焦香， 比較烤魚肉質冇咁乾， 相當回味！煙燻牛舌： 高溫燒過，咬落

今日去了九龍城一間以煙燻和食作招徠的新派居酒屋「上戶酒場」食晚飯，依家去九龍城比以前方便得多，我們乘搭地鐵🚇直達「宋皇臺站」，由B3出口步行2-3分鐘就可以到達餐廳我們叫咗以下食物：1️⃣ 野菜條伴鯷魚醬 $32鯷魚醬咸咸地，配上新鮮野菜條，又幾好味，一個唔錯的開胃前菜2️⃣ 時令活蠔刺身 (酸酢汁) (2 x $88) $176🦪 生蠔大大隻，肥美鮮甜又好昧道3️⃣ 時令活魚刺身 (原條) $588🐟 金目鯛刺身非常新鮮，魚肉呈淡淡的櫻花粉紅色、肉質細緻鮮甜嫩滑4️⃣ 火炙左口魚邊壽司 (2 x $24) $48🔥 火炙左口魚邊壽司，魚油豐富，食落口有入口即溶的感覺，正🤤5️⃣ 牛油果軟殼蟹卷 $128🦀 牛油果軟殼蟹卷有六大件，件件都好足料6️⃣ 蘆筍炒牛舌 $88、泡菜炒豚肉 $78新鮮蘆筍配上牛舌，泡菜配上豚肉，兩樣食物看似簡單，但食落口又幾野味7️⃣ 煙燻厚切三文魚 $78三文魚 厚切成一粒粒，食落口非常嫩滑又好味😋；第一次食煙燻三文魚，估唔到有驚喜，必食之選；細問職員食物是用了什麼木材煙燻，原來餐廳選用上「櫻花木」，唔怪之得食物有濃厚嘅煙燻香味8️⃣ 煙燻帆立貝仔 $68、煙燻番薯 $68另外，煙燻 帆立