更多
2021-08-09
254 瀏覽
自宋皇臺站通車後,嚟九龍城就變得越嚟越方便,趁住星期六得閒,就同bff嚟行下街食下飯,雖然九龍城出名食泰國菜,但最後我哋就揀咗食日本菜~「 上戶酒場」位於龍崗道,離地鐵站約10分鐘路程,地點都幾就腳, 全店以木調為主,刻意營造日式居酒屋感覺,好格調~午市更好多款肉類及壽司定食選擇,價錢合理,隨送海鮮味噌湯及前菜,仲可以追加刺身&小食~乳酸梳打係咁熱既天氣,當然面飲番杯凍冰冰既梳打降溫,乳酪梳打味道有d似益力多,酸酸甜甜,甜度適中,飲完成個人變得好開胃~伊佐木刺身伊佐木魚係夏季時令魚,單單睇賣相就已經好吸引, 店員話有2種食法,就係點上芥末豉油或者蘿蔔蓉香蒽豉油嚟提鮮,而魚肉光澤油潤,色澤白裏透紅,味道清爽甜美,零油份感,我同bff都覺得呢款刺身好好味,因為入口柔軟細滑,肉質微脆,好有口感~海鮮味噌湯及前菜味噌湯既味道好濃郁,有好重既海鮮甜味,入面仲有大大隻肥蜆同埋爽口大蝦,而前菜就係我至愛既中華沙律,入口脆卜卜,仲有濃濃既麻油香添~壽司盛壽司盛用九宮格木盒裝住,入面共有八款壽司,包括: 三文魚、鰻魚、帶子、赤蝦、燒左口魚、磯燒鮑魚、油甘魚、赤身~我最鐘意就係吞拿魚赤身,肉質軟嫩無筋,油
「 上戶酒場」位於龍崗道,離地鐵站約10分鐘路程,地點都幾就腳, 全店以木調為主,刻意營造日式居酒屋感覺,好格調~
午市更好多款肉類及壽司定食選擇,價錢合理,隨送海鮮味噌湯及前菜,仲可以追加刺身&小食~
乳酸梳打
係咁熱既天氣,當然面飲番杯凍冰冰既梳打降溫,乳酪梳打味道有d似益力多,酸酸甜甜,甜度適中,飲完成個人變得好開胃~
伊佐木刺身
伊佐木魚係夏季時令魚,單單睇賣相就已經好吸引, 店員話有2種食法,就係點上芥末豉油或者蘿蔔蓉香蒽豉油嚟提鮮,而魚肉光澤油潤,色澤白裏透紅,味道清爽甜美,零油份感,我同bff都覺得呢款刺身好好味,因為入口柔軟細滑,肉質微脆,好有口感~
海鮮味噌湯及前菜
味噌湯既味道好濃郁,有好重既海鮮甜味,入面仲有大大隻肥蜆同埋爽口大蝦,而前菜就係我至愛既中華沙律,入口脆卜卜,仲有濃濃既麻油香添~
壽司盛
壽司盛用九宮格木盒裝住,入面共有八款壽司,包括: 三文魚、鰻魚、帶子、赤蝦、燒左口魚、磯燒鮑魚、油甘魚、赤身~
我最鐘意就係吞拿魚赤身,肉質軟嫩無筋,油腴細膩,入口即化;另外,燒左口魚同樣好好味,油香重,炙燒過後,魚味及魚油香更突出; 三文魚油脂感雖然唔及赤身同左口魚,但口感同樣豐富肥美;帶子肉厚富彈性,味道甘甜;磯燒鮑魚爽口彈牙,鮮嫩多汁;油甘魚肉質油滑有彈性,鮮味十足;赤蝦味道鮮甜,入口黏黏地,有重重既膠質感,好新鮮~
張貼