S2 Kitchen (已搬遷) 新店位置

今晩去到中環的日式居酒屋，確定豪一豪，來吃海膽。餐廳氣氛很好，像日本的居酒屋，座位也很少，記著預先訂位。餐廳主力推介的就是十層海膽杯 ($398)，單看賣相已令人垂涎三尺，就像芭菲般的海膽杯，從上而下就是燒白飯魚脆片、黑魚子、北海道紫海膽、沖繩海葡萄、藍鰭吞拿拖羅蓉、三文魚子、白蝦、北海道紫海膽、松葉蟹肉、鮮海帶碎。用上新鮮名貴的身材，口感和味道也具層次，二人 share 最合適不過。牛油果帆立貝洋風海膽沙律 ($168)，有鮮甜彈牙的帆立貝，爽口的新律菜，用了橄欖油更香更滑。S2 特式海膽火焰卷 ($148) 真夠 gimmick！首先店員在碟上起火，然後把壽司燒暖，連我也忍不住嘩一聲。海膽和脆卜卜的魚籽是絕配。即燒的芝士年糕 ($48) 煙韌有口感，芝士醬爆岀來了，和旺角放題質素完全不同。三文魚夾餅創作壽司 ($68)，旁邊夾的是脆餅，上面則放了鮮甜的三文魚和脆卜卜蟹籽，十分有趣好味。清酒鮑魚雞翼 ($78)，去骨雞翼也吃得多，但釀了鮑魚在內就變得非常名貴。鮑魚的清酒味濃郁，味道具層次。最後的樂師傅海膽雪糕 ($68) 真是驚喜萬分！用了北海道牛奶和海膽做成的雪糕你又試過未？一開始

同朋友行完石板街，見到旁邊有間細細既日本料理，望落價錢還可以，一於去試試餐廳唔算大，一般電視劇見到既居酒屋咁餐廳推介非常吸引，同朋友睇完都點左海膽杯menu其實非常豐富，非常多選擇，中環區日本料理黎講，價錢中中間間唔算特別貴點完食物坐定定等食!因為同朋友坐台，可以睇住師傅出菜，睇到一款款食物由無變有，閒聊中多左樂趣~最快上台既係海膽杯!層次分明非常吸引少少既黑松露>海膽>海葡萄>帶子>三文魚籽>拖羅蓉>海膽>松葉蟹腳肉>海膽>昆布旁邊仲有一塊又香又脆口既白飯魚乾，加海膽食好正見佢既海膽真係超多，足足三層夠哂足料!!真係超滿而且放到實一實，要一次過食哂咁多層好難，所以都係慢慢黎帶子+拖羅蓉+海膽，鮮味到不得了! 帶子甜，拖羅蓉香滑，加埋味濃既海膽，冇得頂!慢慢向下食落去食到蟹腳肉，一絲絲，口感好好，甜味十足本身食材各自既味道都非常好，唔同既食材加埋一齊食，味道同口感都唔同，組合到更多唔同既口感同味道最低既昆布我就分開食了，因為佢硬身同咸，係有咬口既質感青蘋果蟹籽沙律，青蘋果絲新鮮爽甜，加埋蟹籽脆卜卜既口感，食落更清爽

近期食完居酒屋，就忍不住和朋友一起去另一間。而朋友比較喜歡吃海膽，所以就算了這間主打海膽美食嘅居酒屋。來到居酒屋習慣性地點了兩杯梅酒。梅酒味道不錯，不過有很多冰，喝到最後覺得味道有點淡。接著上了S2特色海膽火焰卷。不愧是主打海膽嘅餐廳。新鮮海膽味道濃郁，蟹子提鮮，再配上蛋，味道超贊。反卷中還有蟹棒，肉質轉實，令口感層次更佳。火山熔岩海膽炒飯，除了有美味海膽和黑松露炒飯之外，還有以牛奶以及海膽打成嘅白汁、三文魚子以及一隻分開兩半嘅半熟蛋。這次三文魚子和海膽嘅組合令味道更鮮更濃。充滿黑松露香氣嘅炒飯，配上白汁，不但香而且滑。半熟蛋烹調時機掌握得不錯，蛋黃程膏狀，味道也不錯。至於這個魚生飯就不多說了，普普通通，魚生不是特別鮮味。不過，這間廳餐不是主打刺身，所以還好吧。這間居酒屋裏只要是有關海膽嘅菜餚，應該都很好。不過呢價錢比較貴，如果不是白領階層也比較難去吃一次。有機會會去，不過有錢再說。

辛苦搵來志在食，今日4個海擔控走左去s2食餐海膽宴，超滿足。來過幾次，呢杯海擔杯每次都必食，入面除左有海膽仲有三文魚子、帶子粒、松𦭓蟹肉、蟹羔等，十層口感，食左好多次，次次都高水準。前菜來2客沙律，芒果沙律夠開胃，海膽帶子火箭菜沙律夠清新。送酒食返d芝士中和返，呢個芝士年糕啱曬，外皮煙un 配軟心芝士，好有口感。海膽燒蠔第一次試，原來蠔同海膽好夾，再套埋芝士一齊焗，味道即刻變得超濃郁。今餐食豪d雞亦釀鮑魚，無骨啖啖肉，ohhhhh唔係，仲係啖啖鮑魚，好幸福啊！始終食d飯落肚先飽肚，叫左2個卷物，各有特色，一樣咁好味。我地實在太瘋狂，老闆見我地點咁多海膽食物，介紹埋海膽雪糕比我地，我地聽到O曬咀，即管試埋，其實當佢係一種前菜會更吸引，因為佢係咸咸地，其實幾特別，只不過雪糕我都係鐘意食甜的。😂😂

位細 - 店舖太細 坐位太多 一路食一唔比人撞 服務差 - 我一行4個人 3個比較高同大份 要求換個好d位 比人黑面 結果我坐係門口位 比人出出入入咁撞 價格貴 - 貴唔係問題 但加上下面幾點 我想唔到點解要比咁多錢份量少 - 佢既份量少到可憐 叫個炒飯1人1。羹 海膽要1人分半格 , 個半生牛少到一個點 其他唔好講 野唔好食 - 未熟雞皮串冇味 牛脷串唔得 海膽炒飯加牛奶變成海膽軟飯 奇怪到呢 半生牛唔知佢係凍食定熱食 基本上連凍都未解好就上枱上菜慢 - 2000到 2130先上到最後一樣野 重要係未解凍好嘅半生牛 一路坐就一路餓 結果埋單走人800 基本上好似冇食過野 如果想食野 唔介紹去 , 唔怕等同有地方比你同朋友吹水 , 可以考慮 (ps 唔係太好坐, 身形比正常人細小先好dd)

今日放咗工就同朋友去咗中環 因夜晚約咗飲嘢咁所以之前呢我哋就去咗中環食飯～ 去openrice睇有咩好西食 就見到呢間S2 kitchen 間日本餐廳主打海膽 咁就要試試佢喇 入到去 店面唔大 店員就帶了我地去bar台 望望其他人 個個都有杯海膽杯 咁我地都唔執輸叫番杯先!北極光海膽杯 $398這是配合北極光主題的期間限定，顏色好吸睛，但呢度要講講 佢既份量真係唔多 大家唔好expect好大份 雖然份量少 但勝在質素取勝 入面全部都係靚料 好豐富，包括有黑魚子、海膽、海葡萄、拖羅、三文魚子，白蝦和蟹肉等，最底層的是鮮海帶碎。海膽的量好多，基本上每啖入口也是海膽鮮美，另外蟹肉好鮮味但最尾一層就有點鹹..芝士年糕 $48凍食過後 就到呢個熱辣辣年糕 佢外面焗到脆卜卜，裡面年糕超級煙韌，咬開就有流心芝士，好好味!牛油果帆立貝洋風沙律 $168跟住再黎的呢個沙津 海膽+帆立貝 份量十足 再加埋牛油果同沙律夠醒胃，同埋都幾飽肚S2特色海膽火焰卷 $148呢個好精彩 店員將火焰卷擺上黎跟住再喺兩邊加酒點火，好有效果～～～清酒鮑魚雞翼 $156鮑魚包在雞翼內一起焗，雞翼外皮脆口，但肉質好滑同juic

海膽的誘惑，真的不可看少。我和同事只因路過看到這杯外型吸引的十層海膽杯，受不到引誘，決定來一餐海膽盛宴。特級S2海膽杯 $398杯內放了總共十層，有鮮海帶碎、北海道紫海膽、松葉蟹肉、北海道紫海膽、白蝦、三文魚子、藍鰭吞拿拖羅蓉、沖繩海萄萄、北海道紫海膽、黑魚子和燒白飯魚脆片。一杯就能滿足十種慾望。牛油果忛立貝洋風沙律 $168沙律用了牛油果、帆立貝和海膽，主角當然是大大片入口即溶的海膽。清酒鮑魚雞翼 $156燒至金黃的雞翼包著清酒飽魚，去了骨的雞翼和鮑魚，啖啖肉。S2 特色火焰卷 $148卷物上有帶子，海膽和蟹子。最特別是食之前，還會點火，令卷物食的時候微微帶熱，有特色又特別。海膽燒岩蠔 @$98岩蠔上舖了沙律醬，燒至金黃後，放上海膽和蟹子，三種不同口味的食材，入口又很夾。芝士年糕 $48半溶的芝士年糕夾紫菜，脆脆地又靱靭地，芝士又惹味。三文魚夾餅創作壽司 $68壽司飯以銀鱈魚干夾著，上面還有沙律三文魚粒和蟹子。海膽雪糕 $68第一次吃海膽雪糕，夠特別，亦為今晚的海膽盛宴作一個完美句號。

聽朋友介紹，話有一間好好味，啱晒鍾意食海膽嘅人去嘅餐廳！身為海膽迷嘅我，立即book位同太太去試下。一坐低第一時間立刻叫咗杯生啤，為今晚開始晚餐嘅第一round ！芝士年糕係用燒嘅方法去做出嚟，中間軟綿綿，外層酥脆。唔錯！另外，黑松露薄切魚真係好特別，第一次食刺身嘅面頭係加左黑松露，除咗更加特顯到刺身嘅新鮮之外，每一啖都等有淡淡黑松露香氣，清新又濃郁。最值得一提嘅係清酒鮑魚雞翼，呢一個真係啱晒懶人食嘅雞翼，因為師傅已經事先幫你去骨，入口啖啖肉，而且帶有清酒嘅淡淡香氣！就算食多兩隻都唔會覺得好膩。最意外驚喜嘅係甜品🍮，呢度嘅自家製手打雪糕，居然用上海膽做原材料之一，真係令鍾意食海膽嘅人，去到最後都依然係一個驚喜！忌廉味道濃郁之外亦唔會遮蓋左海膽本身嘅甜味，真係第一次食呢一種味道嘅雪糕🍦我真係好有機會會為咗雪糕再返嚟！正

海膽、鮑魚、岩蠔等等，加上大膽創新的意念，演繹出多款特色又吸睛的美食。當中的十層海膽杯，不但美觀精緻，內容更十分豐富；而特色火焰卷，火熖在客人面前燃起，就像是看表演一樣，視覺與味覺同樣満足到要求。餐廳主攻海膽，所以在多款料理當中也溶入海膽在內，喜歡吃海膽的朋友，必定能満足你的慾望。而今晚我們的料理當然有海膽，加上鮑魚、岩蠔等，真正是一個「色膽鮑天蠔情夜」！特級S2海膽杯  ($398)👍👍👍👍👍這個是餐廳頭號推介的十層海膽杯 - 這杯十層海膽杯造型精緻，外貎看似我們平時吃的新地芭菲杯。杯內層層疊起放了總共十層，層次分別是：鮮海帶碎、北海道紫海膽、松葉蟹肉、北海道紫海膽、白蝦、三文魚子、藍鰭吞拿拖羅蓉、沖繩海萄萄、北海道紫海膽、黑魚子和燒白飯魚脆片。吃的時候，可以逐層逐層吃，亦可拌勻一起吃，各有各風味。牛油果忛立貝洋風沙律 ($168)👍👍👍👍口感軟綿的牛油果配上爽口清新的帆立貝，上面再加上入口即溶的海膽，配上香草醬汁，味道清怡又不飽滯，是一個很開胃的前菜沙律。S2 特色火焰卷 ($148)👍👍👍👍👍這個特色火焰卷，既好味之餘，更有一個特色火熖效果。火焰亮起時，更是全場焦點，令各人都舉起

S2 kitchen，一間以海膽主題做既居酒屋。重頭戲為第一樣上既野，海膽杯10層海膽杯包括 海帶、海膽、蟹肉、海膽、吞拿魚溶、三文魚籽、帶子碎、海膽、海葡萄之後來個燒芝士年糕，係非常流心的，大家食既時候要小心啲。好燙口。創意壽司就有 楊枝甘露卷特別之處係真係好楊枝甘露味，就連西米都有係到)海膽帶子沙律師傅揀既牛油果非常正，夠曬lum，又甜，配埋啲菜一齊食非常好。另一創意壽司，鱈魚吞拿魚壽司燒清酒鮑魚讓雞亦海膽燒蠔最後就有海膽雪糕係，係海膽雪糕，雪糕上再放埋熟既海膽，比較特別

經常係中環覓食，今次朋友介紹呢間居酒屋海膽出名，鍾意海膽既我點可以錯過！入門口見到呢個水牌，list out店內既top 10，跟住點菜就冇死一定要食既top 1 十層海膽杯！呢個海膽杯，真係好好味！燒白飯魚脆片夠哂味，配海膽墨魚子一齊夠香口！然後一層層拖羅、白蝦、三文魚子、松葉蟹肉，啖啖鮮味，層次分明！作為芝士控又點會唔叫返個芝士年糕呢😌😌剛出爐外脆內軟，裡面芝士溶溶地，啱啱好👍🏼👍🏼👍🏼水準之作除左芝士，蠔都係我最愛海膽燒岩蠔😍😍😍淨係面果啖海膽都流哂口水啦，隻蠔燒到剛剛好，唔會韌又唔會燒到縮哂水，蠔同海膽放埋一齊，正🤤🤤三文魚夾餅壽司🍣出乎意料咁好食喎！夾餅香脆又帶點焦香，一啖咬落去先係香脆，中間夾住三文魚👍🏼👍🏼👍🏼一層鬆一層香，好特別最後一定唔少得今餐主菜特色海膽火焰卷！埋到枱再燒一燒佢🔥🔥燒到冇哂火就食得啦🤤🤤看似係普通既卷物但入口時暖暖地，好香火炙味，我一啖入口雖然係好大啖冇咩儀態，但一次過食完全感受到滿足感呀😋😋😋推薦鐘意食海膽既朋友黎呢間居酒屋，今次去雖然係平日，但都好旺場，最好都係訂定位啦！

今次約埋三五知己去到位於中環威靈頓街嘅日式餐廳，入到去位置不大卻很有日本風格，我們坐了吧枱。由店員推介一番之後選了以下食品都非常高質素。特級S2海膽杯＄398一開始落一客海膽杯，海膽分量十足，除了海膽之外也可以配搭魚乾一起吃更有鹹香。也有海葡萄有很清新的海水味道。裏面更有魚生以及鹹香紫菜，攪拌一起吃，海膽味道新鮮，其他食材選了嚴謹所以配搭起上嚟非常吸引。三文魚夾餅創作壽司＄68兩件這個三文魚夾餅裏面有很多三文魚碎以及蟹子，外面是魚乾以及沙律，比較特別的是夾餅用上了魚乾作為賣點，香脆的口感比紫菜更加爽。加上有彈性的三文魚生令整體更為豐富。牛油果帆立貝洋風沙律＄168這個沙律材料就非常豐富了，除了牛油果以及新鮮帆立貝之外，還有很大篇海膽，攪拌來吃味道清新啊，而且啲菜都好新鮮呢！芝士年糕＄96有四件呢個芝士年糕同平時係出面食非常之不同，因為外皮甜甜地而且香脆，芝士同外皮中間夾著一層好煙韌好似糯米一樣。海膽岩燒蠔＄98由於呢間餐廳係海膽專門店，所以連燒生蠔上面都會配搭海膽，估唔到個調味有幾特別，芝士味道突出但係唔會搶咗生蠔嘅香味。海膽係上面更加增加了不少鹹香和海水鮮味。

我自己平時好少時間到中環，今日甘啱係中環做野，只好約朋友係中環，嚟到呢間S2 Kitchen食飯，一入到去睇到好細細間，下面位俾人book晒，唯有坐住吧台位。S2特色海膽火焰卷好少見到壽司要嚟燒的，一上到嚟店員就點著2邊火，海膽味夠濃郁，食落口感豐富。芝士年糕外皮燒焦少少反而脆脆地，內滿滿芝士，但味道不會太濃味，咬落勁q，層次感分明。精選3點什錦刺身甜蝦，帶子，吞拿魚配搭，刺身都好新鮮，帶出鮮甜味苹果芒果沙律酸酸甜甜的苹果和芒果，令到食落中途的我更加開胃清酒鮑魚雞翼雞翼去骨包裹著鮑魚，而鮑魚清酒煮過，食落有少少酒味，有趣的配搭海膽蒟蒻麵減肥人士最啱食，煙霧下麵賣相好吸引，配上柚子汁，令到本身無咩味道的蒟蒻麵充滿了味道。海膽雪糕第一次看到甘樣配搭，從來無唸過，濃郁海膽充滿整個雪糕，雪糕口感幼滑，值得推薦

呢晚同左幾個舊同學黎左呢間專食海膽料理既餐廳食飯😃😃😃我地當晚都叫左好幾樣食物，有啲都真係幾特別兼幾好食！！！呢個海膽杯係呢度既名物，一杯有齊海膽、魚子、拖羅蓉、蟹肉絲等等鮮味既材料一層疊一層，吃落係滋味既個海膽燒蠔都好ok bor雖然隻蠔唔算特別大隻，但燒得好香，個醬汁同個海膽好夾，入口食落好香濃呢個雖雞翼脹卜卜咁係咪好吸引呢，佢地仲內有乾坤架係燒到外皮脆身既雞翼入面釀左隻入味唔韌既鮑魚~~~咁樣食真係第一次一向都中意食啲chewy既野~~呢個燒芝士年糕無炸既油膩感，而且好爆芝，不過個年糕如果再chewy啲就仲加分我地仲貪得意叫左個海膽雪糕黎試當甜品，比想像中好食啵，creamy得黎唔會腥，感覺好有趣總括黎講呢度既食物雖然唔算平，但都幾有特色，而且味道都唔錯，尤其係海膽控既話真係可以一試------------------------------食物質素：🤤🤤🤤🤤(5🤤最優)價格水平：💰💰💰💰(5💰最貴)環境裝修：✨✨✨(5✨最好)服務態度：🌟🌟🌟🌟(5🌟最佳)整體評分：❤❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）---------------

餐廳喺中環著名旅遊景點石板街同威靈頓街交界處，由於位置喺階梯旁邊俾檔位遮住，所以都有啲隱世feel，好彩有個大紅燈籠好易認。 店內有普通座位同吧枱，我地鍾意坐吧枱，可以睇到師傅喺料理枱烹調。 【十層海膽杯進化版 $398】樂師傅六大創作推介嘅第一位。用一隻酒杯裝住來自日本嘅新鮮食材，最頂係黑魚子同北海道紫海膽，放上插喺旁邊嘅燒白飯魚脆片上一齊食感覺特別。之後係味道清新嘅沖繩海葡萄、鮮甜滑滑嘅白蝦刺身、大大粒鮮味三文魚籽、綿密嘅藍鰭拖羅吞拿蓉，再嚟兩層中間夾住松葉蟹肉嘅海膽，最底係鮮海帶碎。我哋係用隻小匙更喺食每層嗰陣先試少少，再兩至三層撈埋嚟食，又係另一番滋味。全部都係我鍾意嘅食材，仲回味緊。【精選5點什錦刺身$498】五種高質素刺身：深海池魚、牡丹蝦、三文魚腩、帶子、吞拿魚腦天。最珍貴係【吞拿魚腦天】，係吞拿魚頭頂嘅肉，佔一條吞拿魚極少部份，味濃嫩滑，咬落少少似筋位﹔深海池魚好厚切，魚味鮮甜。帶子就質感綿密，鮮味濃郁﹔三文魚腩極肥美。【三文魚夾餅創作壽司$68】三文魚刺身切粒壽司，用炸銀鱈魚片兩邊夾住，再唧埋大量蟹籽沙律醬。食落口感香脆軟腍兼備，沙律醬嘅味道同三文魚刺身粒又幾夾，只係