S2 Kitchen (已搬遷) 新店位置

知道中環有間S2kitchen居酒屋，呢間差不多每樣美食都有海膽，又有十層海膽杯。特級S2海膽杯，上層果片是燒白飯魚脆片，脆片香脆可口。另外包括：黑魚子，北海道紫海膽，沖繩海葡萄，藍鰭吞拿魚拖羅，帶子，三文魚子，蝦，松葉蟹肉，鮮海帶碎。藍鰭吞拿魚蓉肥美甘香，北海道紫海膽鮮甜，每一款都我好特別，配埋其他一起食有另一番味道。芝士年糕燒到外脆內嫩，里面的芝士好濃厚好香。3點雜錦刺身有牡丹蝦蝦肉肥美甘甜，帶子鮮甜和吞拿魚老天。三文魚夾餅創作壽司，夾餅外脆內軟配埋三文魚一起食更加美味。清酒飽魚雞翼，雞翼煎到好香口又有淡淡的清酒味，雞翼肉嫩滑里面仲有一隻鮑魚，鮑魚爽口彈牙S2特色火焰卷，在兩邊加酒精點火，壽司里有蛋和蟹柳配上沙律醬挺特別。雪海板上飄被霧氣包圍著，是蒟蒻麵麵質爽滑彈牙，麵條酸酸甜甜焦糖燒菠蘿菠蘿清甜多汁。最後以甜品作結尾，海膽雪糕好特別。

1. S2特色火焰卷($148)🧀🍙炙燒芝士同海膽嘅淋度同濃香都令飯團變得好食😁，加上火焰，進一步變香😋彤樂評分：8/102. 海膽杯($268)🍷一睇就覺得好吸引，最頂有一大板海膽同黑魚子，而下層有海膽漬豆腐、蟹膏漬豆腐、新鮮蟹肉，每啖都有濃郁同creamy嘅海膽😍不過真係堅貴🙈🙈🙈彤樂評分：8.5/103. 黃金龍蝦海膽鍋($368)🧀個湯底真係好正，用上北海道海膽、牛乳同芝士，放個蒟蒻麵落去食，每一啖都鎖住超濃郁嘅海膽牛乳芝士汁🧀🧀🧀，而且又爽滑彈牙，仲有一份熊本和牛，好嫩滑😱，而黃金龍蝦都係大隻多肉又彈牙！堅好食！！！🤤🤤🤤彤樂評分：9.5/10

在石板街的鐵皮商鋪後，隱藏了這一家居酒屋 S2 KITCHEN 店子小小的，配合昏暗的燈光，很適合放工黎飲番2杯，傾下計 店中，是一個長長的吧枱和吧頭，可以睇住師傳整野食架~XD 是夜，就坐在吧枱前 居酒屋，呢度既清酒都唔少，而且價錢仲幾相宜~ 食物嘛，選擇係超級多的，由刺身到壽司到熟食，樣樣都有~ 最出名的，當然是海膽啦 呢度好多個菜都加入左海膽架 二話不說，先來個店鋪的名物 海膽杯 (每日限量架) 海膽杯裏，除左最上層的2大片北海道黃海膽外，還有十多層不同的食材 那塊脆脆的，是白飯魚脆片，將白飯魚燒到香脆可口，非常特別 再來就有黑魚子/沖繩海葡萄 / 藍鮨吞拿魚拖羅蓉/三文魚子/白蝦/北海道黃海膽/松葉蟹肉/北海道紫海膽/鮮海帶碎 材料真係多到寫都寫到手軟 拖羅的甘香配合魚子的爽彈，再加上蟹肉的鮮甜 每一款食材都有特別的口感和味道，但混在一起食又很和諧 每食一層都有一份驚喜呢~ 再來呢個小可愛，其實是一個日式年糕~ 面層烤得香脆~ 咬一口，嘩，I am on fire 原來入面有流心芝士的~HAHA 完美演繹了外脆內遠的口感呢~ 再來，就係 刺身5點 有牡丹

我又約咗同事食飯啦!我實在太鐘意試新餐廳 ，今次在Open Rice搵到呢間日本餐廳。我地攞住Google Map從公司出發， 好似探險咁間舖有少少難搵，原來係威靈頓街轉彎個角落。餐牌都幾多嘢選擇， 揀咗一輪，我地選左精選雜錦壽司、磯墝岩蠔配竹炭烏冬、蔥拖羅海膾三色爆丼，配埋麵豉湯同沙律。食物賣相好靚，我地都忍唔住影吓相。魚生感覺新鮮。茶都幾廿香。我地都食到好飽。站員服務唔錯，密密幫手收碗碟、加茶。付現金免加一，記得帶cash !

令人失望... $200 幾一個魚生飯，但魚生唔新鮮. 個飯都唔掂，已經唔會同日本既比較，但比連鎖既更差. 海膽炒飯過咸. 上菜慢. 一個炒飯等了45分鐘. 魚生飯食曬先黎.. 見客人等咁耐可以一句唔好意思都冇? 要追單先話做緊.話搞緊酒牌，但照樣賣酒，真係得啖笑. 小食如牛舌質素也一般. 唔值. 以前食過lunch同dinner都ok, 估唔到大退步. 質素比連鎖店如元氣板長更差. 有冇尊重過食客？ 見到Openrice 勁多正評，我諗呢個post 都可能會石沈大海.

想滿足吃海膽的心，就一定要到位於中環石板街的S2 Kitchen了！ 點解？因為我成晚都食左好多海膽呀！ 不過有幾款是好值得重點介紹一下的。 海膽杯 十層的海膽杯，用上了極鮮美的北海道紫海膽，由上而下：黑魚籽、北海道紫海膽、鹹海葡萄、白蝦、魚籽、拖羅蓉、北海道紫海膽、松葉蟹肉、北海道紫海膽，最後有北海道紫菜，不同的口感，不同的鮮味⋯⋯又點可以不推介呢？ 檸檬酸汁水母 清新開胃的小吃⋯⋯水母像我們中國的海哲，不過就更爽口，更有口感。本身只有鮮味的水母，配上檸檬酸汁味道更佳，實在忍不住一口一口的將整盤吃掉了！ 楊枝甘露沙律 這個是讓一眾朋友也覺得驚喜的沙律，楊枝甘露配上清甜的蘋果絲原來是絕配，加上蘋果絲的爽口度一流。 太極 這是一個創作壽司。以中國的太極為本，一邊是蛋白及紫薯蓉，口感及味道也十分豐富，這邊是十分有驚喜的。另一邊是海膽配白飯，海膽相當鮮甜，相信這個配搭是沒有人說不好的。 清酒鮑魚雞翼 大廚先把雞翼拆骨後，再釀入經過48小時以清酒低溫煮的原隻鮑魚！釀入鮑魚的雞翼口感煙韌彈牙，名貴之餘味道一流！

今次係我用咗openrice多年以來第一次寫食評，因為從未食過一間咁搵笨嘅餐廳！某日咁啱响中環收工，諗住睇下openrice有乜好嘢食，見到呢間餐廳咁多like，諗住都唔會差得去邊，點知完全中伏！仲要一生最伏！間餐廳又細又迫又黑，食物價錢又貴。諗住貴都試下喇，應該好味掛，叫咗個特色海膽杯，同埋幾項小食，加埋已經成千蚊！個海膽杯細過鬼！將啲碎濕濕嘅魚生、海膽質埋响隻細杯入面，真係好有特色囉，仲要收成$398蚊！咁嘅質素嘅食物，原全唔明點解可以夠膽收人呢個價錢！其他食物都毫無特色，服務又差。以前聽過啲人話openrice嘅食評係鱔稿，第二啲餐廳我唔敢講，呢間嗰啲好評一定係。完全係貼錢買難受，仲要比咗成千銀都好似冇食嘢咁，要去對面板長再食，成檯生蠔、刺身、海膽，埋單都係600蚊！相比之下，真係抵到爛！

每周好西推介~又黎啦~今日我收工前5分鐘~俾人急call~幾驚係老闆打黎俾我~叫我OT~好在~~係我嘅oppa~ 佢叫我準時收工~話帶我去食好西!我心諗~唔好又諗住帶我去爭鮮hea我~點之佢叫我喺中環石板街等~我第一時間~ 真係以為我地去食雲吞麵~ 因為果邊都有幾間出名~~但佢真係帶我樓上果條樓梯...我心諗到底咩事呢......點知佢真係帶我食西!!!你地睇下呢張相~嘩嘩嘩~~ 好有隱世feel~入到去~真係花多眼亂~好多選擇~好在佢有師傅推介~~~我緊係要要要啦~原來呢間點係主打海膽~ 師傅推介嘅都多數以海膽為主~我二話不說~ 即刻叫店小二俾個「海膽杯」我先~十層海膽杯  進化版 $398哈哈!! 聽到進化版 就知佢勁啦!你地睇睇, 佢一上碟果時,真係超級吸,淨係睇佢最上面果層,個海膽好厚!!!!首先講下十層有D咩先, 佢有燒白飯魚片、黑魚子、北海道紫海膽、沖繩海葡萄、藍鰭吞拿魚拖蘿蓉、三文魚子、白蝦、北海道紫海膽、鮮海帶碎!!十層美食 配搭得相當好!  一個人食 剛剛好~ 好味丫~清酒鮑魚雞翼 $78呢個係爐端燒系列, 明太子雞翼就試得多, 雞翼入面係鮑魚你又試過未?睇下~ 真係

話說PP都冇咩點嚐過真正既海膽鮮甜，因為放題嗌親果啲都又澀又腥，唔太敢食，然後，有位嘗過無數海膽既朋友話帶我食好野～ 就係呢間S2 Kitchen。佢話要食海膽就要黎呢間到食，我都好期待今次既晚餐ＸＤ充滿日式和風既門面，睇落去好吸引～餐廳位置坐位唔多，地方偏小，8點左右黎到幾乎爆左場，好彩仲有吧枱坐，但位置就有啲唔方便，店員要從後方上菜．餐牌簡單易明，大部份都有圖參考，而且有好多創意料理同海膽料理，好多款式都欲欲一試。十層海膽杯，見大家都話呢個海膽杯係招牌必食，我都要嗌杯黎試下～材料包括有黑魚子、海膽、海葡萄，帶子、三文魚子，仲有吞拿魚及蟹肉，除左最上層既海膽外，中間亦會夾有兩層海膽夾於其中，用料好豐盛～而且每種材料都好新鮮，佢地既海膽十分鮮甜！終於滿足到味覺之慾～～芝士魚餅，扁身既魚餅口感彈牙，咬落去會有滿滿芝士漏出，芝味香濃入味，令魚餅食落更滋味。三點什錦刺身，刺身包括有牡丹蝦、油甘魚同帆立貝。牡丹蝦大大隻，鮮甜又厚肉，而且有滿滿蝦膏；油甘魚鮮味帶油香，食落一啲都唔覺腥，抵讚！而帆立貝則帶清新既檸檬香，口感鮮嫩。特色海膽火焰卷，壽司卷放係火焰中間，賣相吸睛搶眼。底部既火焰將壽司烤至

今次第三次去呢一間食店。其實第一次係感覺唔錯，第二次就非常失望。如果你哋睇返，就會見到溶咗嘅海膽，真係嚇死人。今日就Happy Friday，唔想留喺診所食飯盒。又出去走走啦。最衰我個人好怕迫。想係中環搵達地方靜靜地食飯真係難過登天！亂咁行又去到石板街。又想食日本野。雖然上次嘅感覺真係麻麻地。但今次又來冒險啦，結果竟然有好運。今次嗌左三文魚親子丼。送到黎竟然有咁靚嘅樣俾你睇。成個餐係100唔知幾多＄10啦。唔記得咗。佢係包括一個細細地嘅沙律同一個面士湯，仲有你面前見到嘅呢個親子丼，最緊要仲有個溫泉蛋添。如果食晒真係會飽到喊囉。咁講返個主角先呀。今次真係有驚喜嘅三文魚子係非常之多。仲要係新鮮彈牙錶水果隻。三文魚壽司刺身係新鮮好味嘅。溫泉蛋大家都見到係流心㗎啦。個樣真係好靚。事實亦係好食。不過面士湯一樣係同水一樣。冇進步。一樣咁難飲。不過主菜同埋沙律有進步。咁都要俾返個讚佢啦希望佢繼續進步比多個地方我係lunch time hea 啦

睇見食評有三百個like，諗住唔會差得去邊，點知都係中伏！所謂招牌海膽杯賣成$398，但個杯微型到不得了，全杯得果幾塊海膽！中間d 帆立杯同三文魚到鹽咁碎，以為自己食緊超市d減價魚生碎！食完成杯野豪無特色，所謂創意就淨係將d碎評攝晒落隻手指咁窄嘅杯度，認真創意非凡！無酒牌但又比酒menu 客人，order 時仲逼客人要話d酒係自己帶泥！離晒普！叫左幾碟小食，埋單成千蚊！價錢都事少，坐位又逼逼澀澀，每次waiter行過個petpet 要掂到客人要手爭！成間舖又黑蚊蚊，食完唔飽仲一肚氣，要去第二間食過！如果可以，我一粒星都唔想比！喺中環都好難搵到間咁嘅垃圾！

試問世間有邊個可以抵擋住海膽嘅朋友話食海膽識食一定食中環S2 Kitchen!佢喺中環石板街好易搵~一打開Menu已經見到個升級版十層海膽杯~S2 Kitchen海膽迷必食！進化版十層海膽杯海膽迷首選，半杯海膽逐層有吞拿魚、三文魚、白蝦、蟹肉同海帶酸汁日本水母~口感爽脆！三文魚夾餅壽司脆脆夾餅夾壽司~好有創意！牛油果帆立貝洋風海膽沙律唔食過都唔知原來柚子汁同帶子海膽係咁夾！清酒鮑魚仔壤雞翼鮑魚仔好香清酒味，鮑魚仔壤雞翼鮮味無得頂！ 芝士年糕芝士味好濃外邊燒到好脆！S2特式海膽火焰卷侍應上枱點火嗰真係「嘩」一聲，成粒海膽同帶子，超靚超好食！ 海膽黃金火鍋海膽火鍋湯底真係好creamy!大大隻龍蝦、長腳蟹、和牛同蒟蒻麵，海膽做嘅湯底濃郁！可以當海膽廉湯飲咁滯!海膽雪糕好香陣陣海膽味~食海膽一定食S2 Kitchen!

一星期總會有一兩天是一個人獨處既時間不論是逛街看戲又或是吃飯一個人吃的大多很隨心隨意看到哪走到哪 合眼緣就會對上這天剛好獨自在中環亂逛走進小巷剛好發現S2 Kitchen其實之前吃過她家的鐵板燒 實在不錯佈置都十分日本風既S2 Kitchen是由樂師傅主理 以吃海膽聞名不過由於n_cc不吃生的 與海膽無緣了首先以一客青蘋果蟹子沙拉作為頭盤帶有淡淡酸甜既青蘋果開胃解膩醬汁不會過多 蟹子分量不少 口感特別混合起來成天作之合般看上去平平無奇既芝士年糕咬口煙韌 有著清淡芝士香不會感到太油膩一併送來的還有清酒鮑魚雞翼淡淡既清酒香混和入雞翼當中口感豐富之餘又不失鮑魚味道跟表面香脆既雞翼相得益彰實在好味道大概是因為知道n_cc不吃生所以師傅預備了豚肉竹炭烏冬配菜豐富味道濃郁烏冬有著滿滿不同的配菜有菇有菜當然有豚肉片烏冬不會過稔食落有口感大概是吸收了湯底的鮮味 味道豐富豚肉大塊而且厚身肥瘦適中相當不錯此時岩蠔又剛焗好隨即上枱滿滿的芝士香氣夾雜著蠔既香味味道好得難以言喻剛熟的蠔口感是非一般的最後以一客海膽雪糕作結味道清新特別有別於坊間一般可買到的雪糕球每吃一口都有著滿滿海膽粒層次豐富但不會過火雖然中環舖

平時返工咁辛苦，weekend 當然要食好啲!今晚我就揀咗海膽之夜好好慰勞自己~講到食海膽點可以唔去中環S2 Kitchen!八點鐘入到去已經坐滿，好彩有book位！一坐低侍應好快手招呼我哋～打開Menu已經見到招牌菜十層海膽抔仲要係升級版！一定必食！Order完同朋友傾左一陣啲嘢食就到～<進化版十層海膽杯>作為終極海膽迷，10層海膽杯，有將半杯之多嘅海膽逐層配上吞拿魚茸、三文魚、白蝦、蟹肉同海帶，鮮味爆發！<檸檬酸汁日本水母>水母口感爽脆開胃！喺出邊未食過<牛油果帆立貝洋風海膽沙律>唔食過都唔知原來柚子汁同帶子海膽係咁夾！<芝士年糕>外邊燒到好脆，咬落芝士味好濃同煙韌！<三文魚夾餅壽司>口感一流！脆脆夾餅加埋壽司一齊食好有驚喜！<S2特式海膽火焰卷>上枱果下侍應加上少少酒再點火，賣相已經值100分，海膽超多！仲有成粒帶子，超滿足！<清酒鮑魚仔壤雞翼>鮑魚仔淡淡清酒味，一啲都唔靭！壤入雞雞一齊燒將鮮味再提升！<海膽黃金火鍋>重頭戲海膽火鍋！海膽加大大隻龍蝦同長

因為逗咗少少利是，過年都想食好DD。一開波就order咗S2海膽杯，樂師傅六大創作推介第一位：十層海膽杯嘅進化版(menu上面寫嘅)，我哋都係海膽控，奔著海膽而來，網上推介黎呢間居酒屋就要食海膽，當然要食王牌嘢特級S2海膽杯！以高腳酒杯裝著滿滿的刺身，大大粒脹卜卜嘅三文魚籽，看得到底部都是滿滿的海膽！而頂部係燒白魷魚脆片、黑魚子、北海道紫海膽、類似紫菜嘅係沖繩海葡萄，藍鯨吞拿魚拖羅蓉、松葉蟹等，成杯非常新鮮，每一啖都係鮮美！難怪價錢高，係有原因嘅。呢杯特級海膽杯係會令人覺得驚艷！！第二個都係特色嘢：S2特色火焰卷上的時候waiter會係托碟兩邊加酒精點火，壽司卷在火焰中燃燒提咗小小溫度。而壽司卷裏面包裹著蛋與蟹柳，topping係北極貝和魚子，再添上沙律醬。味道佳，又有特色，又吸睛！又一重頭戲：特價海膽黃金火鍋 樂師傅話呢個係新菜式，冷麵係用蒟蒻製造，低卡路里且高纖維，食落清爽滑嫩,夠哂彈牙。仲有A5宮崎和牛，韓式芝士湯底，有龍蝦及松葉蟹，味道很濃郁，精緻嘅鍋上滿滿既新鮮海膽，所有嘢都係好夾海膽雪糕, 海膽控固然連甜品都要食海膽先夠滿足，呢個海膽雪糕師傅係自家製，唔好以為就係toppi