LAB EAT Restaurant & Bar (金巴利道)

营业中

休息中

素聞尖沙咀美食林立, 黎到金巴利道87號呢頭更甚, 行到有個掘頭路位見到有間Lab Eat,乍眼一看, 環境同氣氛黎講, 同靚女黎食真係一流好多款酒比你揀main course 黎講都算係大路款式, 有美國肉眼扒, 紐西蘭羊鞍, 西班牙黑毛豬, 香煎爐魚, 油封法國鴨脾親切既女職員為我地推介左呢款sparkling red wine, 冰凍及有氣, 口感極佳, 很適合夏天飲- La Reine $68/pc -即開兩隻生蠔食下先, 海水味唔算太重, 有部分人會鍾意食唔太重海水味既蠔, 但唔會影響左佢鮮嫩既口感- Raclette Cheese $168 -黎自瑞士既Raclette Cheese, 侍應會拎一大塊圓轆轆既芝士喺你面前, 用加熱左既刀即席cut適量既芝士落碟度, 由於有熱度, 芝士已經極具拉絲感, 放入口中暖暖既感覺令香氣喺口內散發- Charcoal Grilled Iberico Pork Rack (7oz) $398 / 2 pcs -炭燒做法既黑毛豬, 用網燒令受熱更加平均, 配以蜜糖芥末汁令豬肉香味更突出- Double Affogato $88 -Doubl

講起食西餐，飲紅酒，Lab Eat 一直都是心水的選擇之一。今晚同個好耐無見的朋友想暢飲一番，就同朋友訂位黎Lab Eat 食晚飯。餐廳的門口招牌好當眼的，閃亮的燈光，入面的燈光就偏昏暗，氣氛一流，裝修別緻，環境悠雅。而家做緊優惠，呢支Italy Sparkling Red Wind $200, 原來有汽紅酒可以咁好飲， 雖然較甜，但易入口，酒味香醇，提子味重，冰凍好飲。Raclette Cheese, 瑞士傳統熱溶芝士配新薯及火腿，$168, 好有治療感的一道菜，職員係熱溶的芝士面一刮，順滑刮下一pat 香濃的芝士醬，夾住火腿一齊食，味道偏鹹香，仲有拉絲的感覺，咬落有質感。La Reine 生蠔, $136/2隻，肉質好爽口，香甜，入口嫩滑新鮮，有少少海鮮味，超鮮甜。炭燒西班牙黑毛豬配紅酒汁，$298, 燒得色澤光鮮，用網紋燒，有炭燒香味，豬肉新鮮嫩滑，肉質呈白色，剛好熟，咬落煙韌彈牙，豬肉味好香濃呀。Double Affogota,$88,雪糕加Double Expresso 的組合真係超夾，雪糕的香味再倒入熱辣辣，香濃的咖啡，味道好突出。

慶生飯要揾返D有氣氛嘅餐廳撐枱腳。龍蝦湯有小小腥味，應該用新鮮龍蝦煲出黎嘅，質地比較滑，有4-5舊龍蝦肉，爽口。田螺無黑松露味，果味道鮮甜，但不夠肥美，醬汁搭上田螺及小多士很夾，整體上很好味。黑毛豬好嫩，一點都唔難咬，不過份量有點細，所以餐牌上有很得選擇要一塊定兩塊。爐魚好滑，火口略嫌不足，醬汁和魚很夾但配菜嘅蘆筍有點生。即場把芝士燒熱，真接切落個火腿上面，可惜芝士唔夠熱，侍應有點困難，當芝士切出黎之後亦好快變硬。可惜嘅係，黑毛豬、爐魚和芝士配火腿差唔多同一時間到，枱面已經唔大，仲要一次過黎左3樣菜式，變相未食完一樣，另外嘅已經開始凍。咁樣係這一餐嘅最大問題！因爲訂枱時已有講係生日飯，所以甜品送上時已經寫上生日語。

老友生日，梗係要食好啲，上網搵咗一輪，最後敲定呢一間餐廳， 希望唔好令我哋失望。未到七點，餐廳已經坐咗八成人客，好彩有訂位，如果唔係分分鐘呢餐就泡湯。坐低先叫兩杯 cocktail 慢慢歎，侍應送到嚟真係有驚喜，個樣靚到唔捨得飲。Hot Romance 用 vodka 加蔓越莓汁調製，以花型蘋果乾作裝飾，顏色和味道都冇得輸。用 gin 酒和熱情果汁調配而成，加上悉心的裝飾，非常悦目，酒味不太濃，好看又好飲。用新鮮蘑菇打碎，濃稠剛好，有很香的蘑菇味。加上黑松露和忌廉，又香又滑。多士烘得很香脆，海膽鮮甜無腥味，入口即溶，海膽在我口腔內停留的感覺真使人懷念。肉眼扒肉質嫩滑，充滿肉汁，難得的是可以燒到我要求的五成熟，無論沾海鹽或芥茉吃，都可以品嘗到牛的原味，薯條是用蕃薯做成，色澤鮮明，而且比較健康。這個甜品其實是意大利奶凍，外型設計精美，奶凍不太甜，上加什果和士多啤梨醬，杯頂放上自家焗製的曲奇和朱古力泡芙，做成帽子型 杯蓋，令這個甜品看起來像個戴帽的人偶，很可愛，真的令我捨不得吃它啊。這間餐廳標榜 "實驗美食"， 似乎真的是 ~ 想得到，做得到。

下午在尖沙咀開會直落到6點才走得, 攰到只想坐低飲杯酒減壓， 揀了這間外型唔差的餐廳。未到正式晚飯時間，尚有坐位不用等，燈光昏黃， 坐位雖然較窄，但都舒服！酒量不大叫了杯 cocktail， Hot Romance, 同個環境好配合， 火龍果汁+ Walker 酒, 插上一片風乾蘋果和綠色植物， 平凡中有特色。微甜帶有少許Walker 醇酒味， 頓時覺得精神多了海膽多士鵝肝醬多士食得多，要試下這個特色， 海膽堆到滿滿，入口鬆軟滑溜，多士脆脆 暖哄哄餐包，配湯最啱龍蝦湯味鮮而且湯料仲有大粒龍蝦， 簡直是喜出望外 炭燒紐西蘭羊鞍配香草蒜蓉汁羊鞍厚身還有3塊咁多 ， 雖然用炭燒，外層有微焦，但肉汁豐富並不柴口， 用薄荷蒜蓉汁蘸點好好味， 墊底蔬菜用黃心番薯蓉較為特別，健康食法 甜品 Panna Cotta下層意大利奶凍，上層是 homemade cookies + 朱古力流心泡芙, 簡直是一流配搭， 上層甜蜜蜜， 下層冰涼滑嫩。享受完這一餐，疲勞盡消

今日約咗老公睇deadpool ，睇完仲夠時間食個靚飯先返屋企。朋友介紹呢間西餐廳話唔錯，一於去試下先~ 環境舒適，燈光暗暗地有浪漫情調我哋坐低咗 先叫兩杯冰凍既白酒飲下。 呢款唔太甜，適合夏天飲。餐牌， 有set dinner 但今日我哋想試多啲唔同野，決定 a la carte海膽蒜蓉多士 - 滿滿嘅海膽食落去甘甜唔會苦，食得出非常新鮮，麵包亦夠脆~帶子菠菜合桃沙律 - 帶子好大粒夠爽， 配埋合桃同菠菜 營養價值甚高~黑青口配忌廉汁 - 個忌廉汁用左蒜片整，好香，點麵包一流，青口都好大粒~香煎鱸魚配香茅忌廉汁 - 鱸魚個皮煎得好香脆 ，裏面啲肉仲好juicy，鮮嫩入口啖啖肉~香煎西班牙紅蝦配龍蝦忌廉汁手打意大利粉 - 西班牙紅蝦 非常嫩滑彈牙， 店員話係最好半生熟咁食，食落幾有刺身嗰種口感。 個手打麵食落口感幾特別，少少煙韌感~ 火焰布朗尼意大利雪糕朱古力波 -店員淋上火焰酒，老公即刻拍片，視覺效果一流。 睇到都好開心!

第一次去呢間餐廳食，好好味呀！今次叫咗一個兩人set，另加一個main 同dessert！全部食物質素都好高！我最仲意就係：（主菜）黑松露海膽意粉：海膽同黑松露味道好襯，海膽分量好多又新鮮 ，整個都意粉好cream！黑毛豬拼鵝肝：黑毛豬肉多汁又嫩滑，加埋好軟綿綿鵝肝，真係另外甜品係我最期待的，78%黑朱古力心軟，最喜歡食心太軟個種口感，但又怕甜，這個黑朱古力心太軟就滿足到我啦！一切開就爆漿黑朱古力再加雲呢嗱雪糕🍦一口食落去，真係滿足到特別的係，餐廳的兩人set係有wine配搭，仲係三款酒，俾你配合唔同菜餚。分別係汽泡酒、紅同白酒！氣氛，食物同服務都得滿意，但進餐兩小時就有點趕，如約朋友食飯，慢慢傾偈就唔得了*佢係要預約，分兩時段6:30或8:30。進餐時間兩小時！

仔仔鐘意食西餐又鐘意食甜品，上open rice 睇到食評好好，諗住生日就呀仔去食好西，呀仔好開心啲食物好好味，係份牛排熟咗啲，我地叫5成佢嚟咗7成熟，但都可以。 😊

服務態度極差！！！落單等成幾個字先過泥！呢頭話個甜品要等得耐，要食就而家叫定，食晒收野既時候好心問下係咪可以上甜品，串到爆咁話「我地呢，就跟足程序既，你地好少食西餐呀」之後又話「吾洗好耐，好快既姐」，咁一開始又話耐！吾會再泥！吾洗錢都吾會泥受氣！！！

小妹今晚同 閨蜜一齊出去撐枱腳 經朋友介紹下 我哋揀咗一間好有情調嘅西餐廳有個大吧枱見到都想飲杯嘢先！！一坐低我哋首先見咗兩杯cocktail飲 左ｰLab eat punch and 右ｰWhite peach cooler。兩杯都有酒精個飲落果味蓋過酒精味而變得易入口。。然後先上咗小餐包俾我地，枱上提供埋橄欖油同黑醋可以用黎點包食架！！然後揀菜式…首先我地揀咗一客Seafood Platter餐廳會用最時令同新鮮嘅海鮮提供俾食客架！所以就用咗蝦中之皇ｰ 西班牙紅蝦！蝦嘅肉質鮮甜而且蝦頭爆唒膏…簡直係正到冇朋友！！再配上法國生蠔ｰ有海水味而且好鮮味！仲有翡翠角螺ｰ肉質好彈囗！仲有鮑魚ｰ實肉彈牙！亦有少見嘅大刀貝ｰ好鮮甜對牛肉控嘅我地 當然要叫牛扒嚟食下啦所以我地經過一位好熱情的侍應介紹下我地嘅主菜就點咗客Dry-aged Porterhouse *36oz* 試下！一上枱就好興奮啦…好大份，配菜又豐富最驚喜嘅係…原來配菜唔係用炸薯條！ 係炸番薯條吖！甜甜地好正！而塊斧頭扒嘅 肉質好軟滑，牛肉味香濃，肉汁被封存喺肉入面……正頭係人間極品…！！然後又點咗一客龍蝦湯(上)同一客黑松露磨菇

尖沙咀返工嘅朋友表示這一間餐廳都頗有人氣，出名環境好 feel 食物質素又高，OpenRice 仲有 coupons 就更加抵食。門口經常泊有名車，出邊望埋去已經非常突出！裏面嘅裝修更加係令人眼前一亮！平日 weekday 差不多八時已經滿座，周圍附近都好多中產，搞到我都要識得高貴啲。今晚一於試吓 wine pairing 嘅套餐，幾個女仔 再散點 Prime Rib Eye 黎 share我好欣賞佢嘅新鮮生蠔，其中法國綠寶石蠔，口感獨特爽脆，頗強烈海水味，入口超鮮清甜，配合 sparkling wine，一件賞心樂事。上菜節奏非常好，接下來係 生牛肉薄切，每一片都晶瑩剔透，入口即溶。配上 white wine 入口更加甘香清甜，味道更加係 level-up 到另一個層次。我一心打算讓酒精充滿血液，Bloody Squash 清新又特別，Vodka 丶brandy丶血橙 混合的雞尾酒！呢個幾適合女仔飲，經理果然冇介紹錯。女孩子想要再清新一點，所以我們在點了帶子菠菜合桃沙律。係我哋嘅心水推介！口感豐富，食慾大增。帶子質地柔軟順滑，配上清新帶甜味的菠菜，感覺輕盈不膩。壓軸出場嘅有我喜歡的

首先Seafood platter! 好得！分咗兩層！下面嗰層主要係貝殼類，包括有生蠔、鮑魚、翡翠螺、刀背蜆！生蠔係法國蠔，最鍾意係佢嗰隻海水鹹味，好青新，好鮮嘅，又唔算太肥太瘦剛剛好！ 鮑魚、翡翠螺、刀背蜆都係熟食再冷藏一樣咁爽同鮮味！鮑魚又容易切，刀背蜆冇諗過熟咗都仲好有肉，仲帶點點鹹味剛好！上層有兩隻細一隻大生紅蝦，佢好多蝦膏我相信喜歡食真正新鮮靚生蝦嘅人就會知道有幾回味無窮！最貼心就係個蝦頭同身幫你開咗小小邊等你易食啲呀嘛！到有三層酥皮鵝肝每一層酥皮都係薄薄，厚厚鵝肝再加啲蘋果醬，完全唔溜！再上湯我地一人點咗個蘑菇湯同龍蝦湯！蘑菇湯你係感覺到佢用好多蘑菇打成再加cream嘅。龍蝦湯啲龍蝦膏打成一齊簡直係濃郁！感覺到煮湯嗰一種落足料又唔會馬虎好用心做！主菜係Dry aged牛扒有成32安士！最值得推介叫咗五成熟原來都唔會太難咬又唔會太生啱啱好！睇落去好似冇乜紅色以為佢唔夠生好難咬啦點知入邊係好淋！牛肉味好濃肥膏均勻，燒得啱啱好！食到舊骨以為冇咩肉食點知個邊黏咗好多肉好好食好夠飽好抵食間真係值回票價！牛肉仲可以加黑松露鹽，芥辣，牛肉醬(gravy)!黑松露鹽幾特別，小小咸又重黑松露

食媽今晚同好朋友去食尖沙咀金巴利道好西！好朋友介紹尖沙咀有間食西餐好食又有氣氛所以就帶我去食！去到門口真係幾懷疑個位置咁隱蔽又點樣可以吸引到食客呢？ 當我一坐低之後。就明白到地理位置唔係最重要！反而係間餐廳本身嘅質素同食材就足以吸引到知音人！店內昏暗中呈現黃金色的燈光,牆上並掛著一些馬賽克圖案的畫作環境佈置都好雅緻又頗有情調，令人感到好放鬆舒適！餐牌菜式選擇都幾多，而且仲有個每日生蠔推介俾各位食客架！首先出場嘅係每日限量嘅Seafood Platter ⋯⋯以最新鮮嘅時令海鮮上碟俾我地品嘗當中有蝦中極品嘅～西班牙紅蝦Carabinero～肉質鮮甜又爆膏！正到冇朋友！然後仲有法國生蠔，有海水味，好鮮又唔會好咸翡翠角螺同鮑魚，兩者都好好咬口亦都覺得新鮮！刀貝蜆～好少見咁大隻！肉質爽甜每樣都好新鮮而且好鮮味！令人回味無窮～兩個湯分別係～龍蝦湯（上）黑松露磨菇湯（下）食媽我本人比較鍾意磨菇湯！味道好香！而朋友仔就偏愛龍蝦湯～佢話好鮮味！仲有鵝肝～軟滑配上脆薄片，口感層次豐富,香而不膩36oz～乾式熟成的斧頭扒就好像芝士和紅酒一樣，經過陳存過程令肉質和味道變到更香濃。Dry Aged的牛扒都會在

要食一餐豐盛晚餐除食物質素固然重要外，亦要配合廚師烹調才能煮出美味菜色，服務周到仲會自然食得開心呢種機會真係可遇不可求，講番今次係去食西餐約埋至愛一起品嚐，就去咗尖沙咀開飯而食肆位於金巴利道，當然有做過功課先至會來，知道呢度食物有水準店員服務又不錯希望食落有驚喜我地點咗兩人晚餐享用，套餐豐富之餘仲配埋美酒品嚐有氣氛，先來係新鮮生蠔分別有法國女皇同綠寶石，前者食落肉質豐厚飽滿結實，食到海水味帶出生蠔之鮮味，後者肉質爽脆味道鮮甜，計我話兩款咁好食到前菜有生牛肉薄切，生牛肉食落好鮮嫩配埋芝士片更提升味覺連菜一樣清新，而另一款係芝士焗墨魚大啡菇，大啡菇賣相睇落好似普通，其實要食過先會知佢味道，香濃芝士已蓋滿整個菇表面，輕輕切開已見大啡菇肉質軟綿，墨魚入口爽彈用料足而且每啖都會食到，又估唔到咁好味餐湯係黑松露野菌忌廉湯，忌廉湯入口香滑飲到濃郁嘅黑松露味，記得要趁熱享用食完一輪海鮮，前菜同湯到主菜，先有香煎鱸魚配帶子香茅忌廉汁，帶子大粒又鮮甜鱸魚魚皮煎得特別香脆，而魚肉份量足肉質夠嫩滑，食落囗滑嘟嘟魚味濃厚食得滋味除咗魚外當然有肉，到另一款主菜係炭燒西班牙黑毛豬配法式煎鴨肝，真係見到已經被佢吸引住

有食物質素 無優質服務著得差少少就狗眼看人低喂大佬 你唔係高級到要著西裝嚟食㗎吓話不過啲嘢食嘅味道係幾好肉眼牛扒同黑毛豬扒都好厨師滿分服務低分都有下次嘅 搏佢下次係另一位服務員囉