LAB EAT Restaurant & Bar (金巴利道)

营业中

休息中

等咗成個月，今日終於出糧，決定食餐好嘅唔好虧待自己。呢間餐廳友人話好出名，一直嚷住想黎食，果斷決定黎呢間餐廳餐廳設計充滿格調，服務員幫我地燃點枱上嘅蠟燭，氣氛一流先黎一人一杯cocktail，我要咗杯double or nothing，入口有淡淡嘅椰香味，甜度恰到好處，最後滲出酒味，味道有d似pina colada餐湯我叫咗黑松露野菌忌廉湯，黑松露味道香濃，個人好鍾意湯入面打碎咗嘅蘑菇蓉，令到口感好豐富，餐湯香而不膩，唔會令人有濟住而減少食慾嘅感覺主菜係炭燒肉眼扒，分量十足，雖然唔算厚身，但尺寸竟然比我手掌大，入口好香炭燒味，但唔會過火而導致有濃味，上面撒上鹽，調味點到即止，絕唔會因過量調味而破壞牛扒本身嘅肉香味，切開中間泛紅，賣相吸引，倘若能再生少少，更叫人期待最後奉上甜品Brownie Ball，食前會淋上燃燒住嘅酒，火焰在朱古力波上燃燒，視覺效果一流，既能滿足口腹之欲，亦為視覺帶來衝擊。朱古力波外面有士多啤梨做點綴，入面亦藏有玄機，有Brownie同埋雪糕，若單食下面層Brownie，個人覺得略重酒味，但連住雪糕同埋朱古力外殼一齊食，味道就出奇地融洽了，酒味令到甜品味道更有層次，

今日又同男朋友拍拖去。。。。YEAH!😍今次佢好叻仔咁搵咗呢間餐廳。。。。Wooohooo ！今次呢間叫LAB EAT Restaurant &Bar! 我地係佐敦站街行過去好似比較近d !睇睇個table setting 先！嘿嘿。。。。 有個靚靚蠟燭🕯️所以增添咗呢到嘅氣氛喔！先黎嘅就係餐前麵包。上嘅時間仲暖暖地架！佢枱上面有黑醋點黎食！我就咩都冇點試試個包嘅味 ！不過我覺得可能麵包同湯一齊黎會好d 我個人比較鐘意麵包點湯食而且今次嘅麵包就硬咗少少！跟住就上呢個龍蝦湯！哇哇哇，飲落超濃龍蝦味，而且仲有d 龍蝦肉係入面，我欣賞佢唔會好似其他店嘅龍蝦湯咁得個咸字而且冇龍蝦味！呢個要讚真心 好濃龍蝦味！跟住就黎個小小冷盤，紅蝦！好特別成隻蝦都都係紅色的。右邊有2種醬分別係芫荽醬同埋酸辣醬！比大家睇睇佢嘅蝦膏超多，而且一d都唔腥仲幾鮮甜。蝦肉都好鮮甜，不過個人覺得佢可以處理多少少 d蝦殼 因為要自己剝真係有少少狼狽，成手都係😂😂當然係我......男朋友隻手啦！要讚嘅係店員見到就即刻開咗張濕紙巾比我男朋友！又幾貼心，我都唔夠佢快！哇哈哈哈哈！跟住就到主菜啦，我叫咗黑松露海膽忌廉意粉！一入口黑

上OpenRice搵到呢間餐廳，雖然見到其他人都會不約而同有一啲差評但咁岩近我就試試，而無我想像中咁差，起碼服務員態度都唔會話惡劣，都幾有禮貌。可惜上菜嘅前後次序就錯左，上咗湯先至上麵包，然後又唔記得我哋攞咗個前菜，搞到食晒主菜先嚟。講返食物先，第一個我哋叫咗黑松露野菌忌廉湯，味道唔錯，非常之香，有濃郁的菇味！之後就係生蠔，嗰日有三款，有兩款＄150（3隻）同一款＄180(3隻）,個人覺得貴少少果款得個大隻，反而150果款好食點。第三樣就係沙律，我地點左無花果水牛芝士沙律🥗味道不過不失啦，無花果係幾特別嘅。跟住就上牛肝菌意大利飯，感覺上啲飯嘅口感比出邊嘅意大利粉更加有咬口，味道都唔錯。之後就係溜咗單嘅芝士焗蟹肉大啡菇，唔知係唔係太過真材實料嘅關係，蟹肉有時會連埋啲殼一齊係隻菇，味道方面是幾好的。最後就係焦糖燉蛋甜品，因為我哋得兩個人，冇得試最多人叫嗰個拼盤....味道還好，同出邊都差唔多。提一提呢度係冇清水供應的，要另外一支支買。其實總括嚟講間野啲味道都幾好，只係作為一間高級餐廳來講收呢個價錢應該唔只呢個質素，嗰日我哋食嘢嘅客人唔過四台，但係咁樣都可以將啲上菜先後次序調亂同埋漏咗單，而

這個餐廳地方雖然較偏僻，但入到去個氣氛環境好好來這裡是慶祝朋友生日🎂來這裡是不錯選擇！這個芝士蕃茄配西班牙火腿，好正，很開胃。龍蝦湯有點腥不太喜歡這碟魚不錯，值得吃牛扒配紫薯，再加上有芥末醬，很新穎的感覺這碟燴飯有點偏鹹，可能西班牙的飯都屬偏鹹，但還是好味很多謝餐廳男侍應的細心，由於我網上訂座有寫到如有甜品，請幫我寫上Happy Birthday ，沒預料到我朋友吃飽了，不想吃甜品，不過他還是很貼心的再三叫我朋友考慮一下😂😂比我還緊張，真的很抵讚成餐飯都很好，沒什麼問題，服務質素也很好，值得去的餐廳

呢間餐廳向來都好出名 ，出名食物質素高，環境又好，而且又抵食。見食評都有好多個人推薦食呢間，所以就決定入去試下先。我哋叫咗唔算太多嘢，但係每樣食物都好高質，對於細食嘅我哋嚟講已經好滿足。我哋首先照咗三隻大生蠔，生蠔好肥美之餘唔用檸檬汁可以佢嘅鮮味， 而且啲海水味嘅味道啱啱好。我地再叫咗個鵝肝配多士，鵝肝非常厚，入口即溶，係我食過最好味嘅鵝肝之一!另外我地仲叫咗個四十八個月封乾火腿配哈蜜瓜，咸味同甜味配搭得相當好!我地分別叫咗龍蝦湯同黑松露蘑菇湯，個龍蝦湯裏面仲有龍蝦肉添😍我地叫咗一個主菜，就係鱸魚，雖然話係鱸魚，但係佢煎到好似銀鱈魚咁滑，個皮煎得又香又脆!最後叫咗個心太軟配雲呢拿雪糕，最欣賞佢裏面好多流心朱古力醬!

第一次吃海膽和松露及卡邦尼意粉那樣的配搭，有點期待。吃下去海膽和松露各有各的味道，在意粉面上不會給其中一方搶了風頭。 但相對有點油油的感覺，在於意粉醬汁是卡邦尼汁。1-2人吃可能吃2道已飽的感覺。如果單人吃就不感想像。但感覺係新鮮。有層次的味覺

轉了工去尖沙咀後，經常有機會享用高質晚餐，好似今晚這間餐廳，可能是星期一的關係，大既有大半滿座，環境唔會太嘈，可以慢慢坐低飲下酒傾下計。Red Freeze是紅莓溝伏特加，外觀吸引，有點似沙冰，比較甜，但酒味較淡，似mocktail多過cocktail。海膽多士多士焗得鬆脆，海膽份量十足，既鮮甜又甘香，多士吸收了海膽的鮮甜味，減輕海膽的膩感。紅蝦意粉意粉有很香的蝦汁味道，紅蝦煎至半生熟，蝦肉鮮甜有蝦膏，外層肉軟結實，裏面因半熟關係，所以較腍身，意粉爽口彈牙，還有些番茄及露筍做配菜，另外還有蒜片香味，炒得爽口。整體味道不俗，價錢中上，食物外觀吸引。

Lab Eat之前跟朋友一起食過晚飯，食物高質，其中牛扒是明火燒煮，所以比一般煎牛扒多了點燒烤味，今晚再來一嚐。白酒煮蜆：蜆肉新鮮無沙，有香濃的白酒味道，加上洋葱及蒜片的香味滲入在白酒汁內，為蜆肉提升鮮甜味。燒肉眼扒：肉眼扒燒至表面焦香，約七成熟，中間呈粉紅色，肉質嫩腍而且有肉汁，肉味濃郁，旁邊有些炸薯格，脆而不油膩，加上一些沙律菜，中和整體油膩感。Double or nothing：蜜瓜味香濃而且清新，加上淡淡的椰子香味，另外還有些酒香，整體帶甜且感覺清新。心太軟：外脆內軟，一切開朱古力流出，朱古力味帶點苦，甜度適中，配上雲尼拿雪糕，整體甜而不膩。總結：質素依舊維持高質水平，飲品有驚喜，絕對可以一試再試。

去尖沙咀探完姑婆，跟著在附近吃飯，看外面已覺很舒服，吸引了我入內，餐廳環境幽雅，座位舒服我剛坐在廚房門外，看到幾位靚仔廚師，動作快捷利落而乾淨，每位分工都很好👍🏻，專門分開一個位處理生蠔，令我感覺很衞生Rib Eye$358,牛扒肉汁飽滿，肉香四溢，齒頰留香肉質軟腍不韌，而伴蝶的沙律菜，新鮮好味，意想不到是個薯格，超脆美味非常食到停唔到口Special Cocktail:$78.因見到在cocktail就叫了杯嘆吓，享受一下環境店員介紹是用石榴汁加荔枝cocktail,溝出來的，味道清新，非常清香的石榴味，酒味只有小小，所以不會苦非常舒適,很輕鬆的一餐，like❤️❤️

好耐之前同男朋友黎過一次, 食完都覺呢間餐廳很不錯就趁今日放工無咩做, 就同同事黎到happy friday啦~係韓國街最尾既位置, 唔算好覺眼, 好容易就會miss左佢3pcs Oyster $150叫左一紅一白, 無理由唔食生蠔既呢款生蠔海水味比較淡, 而且幾新鮮, 岩晒我如果有咩preference, 不妨同侍應講, 佢地會簡返相對既蠔比你48 months Ham $22048個月嘅豬腿肉, 有煙燻既味道, 肉質都幾結實配哈蜜瓜食就咁咁油膩Spring Chicken $298燒春雞肉質起級滑而且醃得好入味, 煎一煎外皮, 唔需要配其他sauce已經好好味risotto好creamy但仲食到一粒粒既飯芯!一人份量岩岩好, 但因為我地都唔太肚餓, 所以兩個人share都ok!幾飽都要食甜品啦!用左黑朱古力整既心太軟, 唔會太甜

呢間餐廳上年情人節已經食過,一直想搵機會再試所以搵個機會就再去慶祝下。個日係求婚5週年,哈哈禁又屈到個機會食多次。首先,梗係食我最鐘意的熱溶芝士沙律啦。睇住輪芝士溶出黎,芝士迷見到真係好興奮架 加上有埋我最愛的火箭菜,好味呀。不過因為冇沙律醬同其他醬汁調味下,有點dry係真既。如果有少少沙律醬或黑醋汁,應該可以將個菜升華,更易入口。因為真係勁多芝士,食哂真係飽左一半。老公因為不太好芝士,舉手投降跟住黎就係我一直好想食既海贍意粉。可能真係期望過高,食落反而覺得"都ok la"既應覺。海贍只有面個幾舊,食哂就冇啦。最後,梗係要食肉眼啦。例牌都係叫medium rare.不過呢塊扒都有點肥,中間肥肉切走哂都冇左1/4,略嫌有點失望。不過肉係好食既。完結前當然要食甜品啦。老公一早選左呢個拼盤。我食禁多間,一直鐘意呢間寫的字。。哈哈哈。唔知點解覺得他地寫到個感覺出黎 甜品一如以往好好食,有vanilia心形雪糕,心太軟等。食完飽飽,滿足的一天。

好耐都無同老婆兩個出街食飯拍拖，立即周圍問人和上open rice找，老婆喜歡食据扒有情調，選了Lab Eat看食評幾好，環境也是我想要的，就帶老婆去，吃完飯便順行街街餐廳地方濶落，環境幽雅夠浪漫，老婆很喜歡，坐得也很舒服先來兩隻生蠔，海水味豐富，鮮甜Scallop Salad$148,帶子很大煎至半生熟恰當好處Baby Spinach幼嫩沙津汁美味Squid with Ink Risotto $258,返來有很多墨魚和蘆筍配搭，味道非常夠味飯米粒粒飽滿，加埋芝士一齊吃更層次Rib Eye$358,來時老婆說太生要熟些，所以叫他們再弄熟些至九成，但店員說不可太熟會韌，幫我弄至七成左右，原本七成也好好味，牛扒肉香，夠嫩口入口容易嚼，食得出是上貨，伴蝶沙律菜醬汁甜甜的很好吃，薯格鬆脆，好好味Special Cocktail $78,Back Berry加利賓立cocktail 顏色已很搶眼，清甜好味酒味少少完美的一餐店員服務殷勤,每一道菜完了，也會立即換新碟，非常細心

星期日男朋友同我黎左呢度慶祝生日叫左個set dinner Starter👉 生蠔好新鮮，爽口，作為頭盤十分適當餐廳方面仲好細心咁提供左檸檬夾，唔洗整污糟手Appetizer👉 生牛肉薄切牛味唔算好濃，不過食得出係“靚牛”我就覺得落多左醋👉 芝士焗蟹肉大啡菇呢個好好食，好足料，食到蟹肉好香芝士味，正！Soup👉 黑松露野菌忌廉湯黑松露份量適當，唔會搶左菇既味道個湯飲落好順口Main course👉 黑毛豬配鵝肝好好食呀！豬同鵝肝都係煮到啱啱熟最驚喜係個底有紫薯，唔會太甜，中和返個油膩感👉 芝士焗波士頓龍蝦絕對冇偷工減料，啖啖肉，連個蟹鉗都食得到芝士味濃但又唔會搶晒龍蝦既味Wine👉 紅酒 白酒 汽酒 各一杯平時冇咩飲酒，唔係好識欣賞不過D staff 會留意住你食緊咩就serve咩酒Dessert 👉 甜品拼盤(？)甜品相對地冇咁出色不過都好好味，好開心餐廳整左個“Happy Birthday ”比我除左食物質素，服務亦令我好surprise 👇👉 可能係男朋友一早同餐廳講左係我生日既關係，佢地安排左個唔錯既位比我地👉 非常殷勤，真係每用完一隻碟就即刻幫你換過隻，但又唔會令你好似要好快

雖然呢間餐廳離地鐵站要十分鐘距離，但係食完今餐之後覺得乜都值番晒!飲品方面我地叫咗紅酒同自家製嘅酒，裏面有我超鍾意嘅荔枝味，好清甜，而且酒精味唔濃。我哋叫咗好多嘢食，當中包括鵝肝多士，個鵝肝剛入口即溶 ，外面煎得好香，而且一啲都唔油膩。個蠔非常肥美，鮮甜多汁，好有海水味!另外仲有48個月風乾嘅火腿配哈密瓜， 呢兩種食物嘅味道 啱啱好中和咗對方 ，食完好滿足 。仲有龍蝦湯同黑松露蘑菇湯，有啲美中不足嘅地方就係龍蝦湯裏面嘅龍蝦肉 嘅質感有啲似鮮蝦，而唔係龍蝦。我哋兩個人叫咗個鱸魚就已經夠飽嚕! 個鱸魚嘅皮煎得好脆 ，肉質都好滑， 食完都差唔多飽曬。到我哋最後叫咗個心太軟做甜品，配埋隔離嘅雲呢拿雪糕真係一流。心太軟裏面仲有好多朱古力醬流出嚟，今次真係食得好滿足!

跟男友慶祝生日，見網評不錯就試下環境食物不錯，手打意粉好食👍🏻侍應服務細心留意到跌左餐紙即刻遞上新既唯獨檯與檯之間逼左少少如果生日係送甜品就perfect 🙈（我以為係）