鼎家喜筷 (已結業)

區區都有幾間隱世嘅「燒臘」店，街坊小店多數名不經傳，只有區內人先知。不過鼎爺個大名應該大家都一定聽過，之前試過鼎爺私房菜，當中嘅燒味有驚喜！前幾日行經荃灣Donki，又見到個「鼎」字嘜頭，主打係各式燒味。掛住鼎爺嘅牌頭，唔知又有冇鼎爺私房菜嘅質素呢？------/ 原隻柑橘燒鵝脾確實可以用肥厚嫩滑嚟形容呢件燒鵝髀！不過怕肥嘅朋友仔可能未必咁啱，外皮好重光澤感，入口先有絲絲柑橘果香嘅甘甜，然後細嚼而下係嫩滑鵝肉。略嫌外皮不過脆，影響入口嘅咬感/ 招牌温泉蛋四寶飯值得一讚係個四寶飯好足料，叉燒、燒腩仔、燒鵝同原個溫泉蛋。個人愛係個肥叉，thick cut肥美鮮嫩，配白飯一流！溫泉蛋反而希望可以轉返做個鹹蛋更貼地！/ 爆脆金沙魚皮 & 鼎家脆炸蓮藕片小食方面叫咗兩款都係比較特色嘅香口嘢！好彩兩款都唔會好膩，個招牌脆炸蓮藕片好精緻，係一款會想單點佐酒嘅小食；而金沙魚皮亦一樣油感低，金沙鹹蛋黃醬係薄薄一層，邪惡度減半而不失滋味。/ 黑芝麻咖啡 & 烏龍奶蓋前者入口有沙沙嘅芝麻研磨口感，不過略甜；而朋友嘅烏龍奶蓋相對較清新。.

老公最喜歡到荃灣西逛街兼食飯。這晚一於試試新派中式餐廳<鼎家喜筷>。一看餐廳名就知是鼎爺開的，周圍都有Q版鼎爺的樣子，幾搞鬼的。很特別的天花板設計幾有心思的。首先會每人有客小沙律的，胡麻沙律醬不會太少，份量剛好。沙律菜同蕃茄仔都非常新鮮。男人終極浪漫原條燒腩飯。燒腩皮脆半肥瘦，部位非常優質，肉質不會硬很鬆軟，連我都覺得好好食。涼拌麻辣蒜香手撕貴妃雞撈丁。由於這個配搭太新穎，所以我都忍不住要試試。這個撈丁頗辣的，蒜味很香，還有些梨絲很搭的，幾有趣不錯的。黑芝麻奶茶，粒粒的黑芝麻很香啊，而且奶茶超好飲，茶膽非一般的，不是用很劣質的茶葉來沖的，又不會很甜，很有驚喜！另一杯試了芝士茗茶的馬騮搣烏龍。香又滑的的芝士奶蓋加上烏龍茶簡直天衣無縫，感覺還比有些台式飲品店的更好喝。火焰原隻燒鵝髀。其實一隻鵝髀都幾重的，店員教我要拿起燒一分鐘，我燒了一會兒已經覺得累了。鵝髀肉質彈牙，加埋脆皮一起吃真是大滿足！最後來多個心太軟加3.6牛乳雪糕。甜甜的心太軟加上香濃而不甜的牛乳雪糕真是一絕，比起雲尼拿雪糕襯太多啦，非常滿足呢。唯一覺得有點不足的是空調太冷了，食物上了一會兒已經開始冷掉了，可以的

知道鼎爺開了一間較經濟平民化的餐廳，好想去試下，座落於荃灣西鐵站上蓋的海之戀，「鼎家喜筷」裝修較時尚年青化，天花板有心思，有鼎爺肖像。餐廳有粵式燒味和燉飯，還有Fusion 的炒粉麵飯。餐牌都好多選擇，叫了招牌推介～原條叉燒飯，包了沙律和特飲，沙律醬意想不到用了乳豬醬，出奇地夾，甜甜地好好味。原條叉燒飯$98，叉燒蜜汁滲滿原條叉燒，蜜味香濃，肉質夠厚，肉質夠淋卻不肥。另一招牌特色菜，火焰燒鵝脾$148，原個爐上枱，店員介紹燃料用了橙酒，燒出來更有橙香，秘方係柑橘燒鵝以橙、檸檬、青檸醃製多個小時，令燒鵝肉味之餘帶出陣陣鮮果香味，另味道更有層次。鵝油滴在火爐上更惹火，令鵝皮燒得更香脆，食落，外皮香脆鵝肉嫩滑，兼有陣陣果香夾雜焦香味，味道好特別。涼拌麻辣蒜香手撕貴妃雞撈丁HK$80手撕雞肉質嫩滑，味道唔算太辣，夠惹味，配上青瓜甘荀絲冇咁膩口，這味菜係冷盤凍食，更易入口，丁麵麵質夠彈牙。熱田園水果茶加了$28 有一大壺，超抵飲，茶底夠香濃，旁邊有一杯仔黑糖，有別於平時的蜜糖，真有心機，每一個細位都有驚喜，而且裡面有新鮮生果肉，包括藍莓、士多啤梨和熱情果肉，加埋黑糖，飲落喉嚨好舒服。另一杯特飲係

今日好想食燒鵝，記得商場開左這間店，就同爸爸去喇😋「燻蹄海蜇撈丁」冷盤☺️ 辣辣地，正呀，而且海蜇爽口👍🏻「原隻柑橘燒鵝髀」嘩😍好野味，表皮脆口，肉質鮮嫩😍😍😍 配上白飯，一流👍🏻「燒味夾饃雙拼」一份拼燒鵝一份拼叉燒😍 原來唔單止燒鵝好食，連叉燒都好好食，而且夾餅軟熟滑🤗🤗👍🏻「黑芝麻咖啡」好香芝麻味😊滑！「烏龍芝士奶蓋」芝士味濃味剛好，配上烏龍茶👍🏻「脆香蜜糖吐司配5.0牛奶雪糕」🥰🥰好香脆厚厚吐司🍞，而且有蜜糖牛油味，牛奶雪糕也好滑

行完Donki，想搵間餐廳食飯，見到新開左間中港式食燒鵝點心既餐廳，環境乾淨又有啲佈置，於是就入左去食！ -1⃣原隻柑橘燒鵝脾 💰128（👅: 7.8/10）皮脆肉嫩的燒鵝髀，配甜酸柑橘醬原來都幾夾架喎！燒鵝中間有層好豐富既油脂，真係邪惡又好食！-2⃣麻辣蒜香涼拌手撕貴妃雞撈丁💰80（👅: 7.3/10）麻辣味冇得頂，手絲貴妃雞口感嫩滑，但略厭份量少左d。撈丁配麻辣，好有港式mix四川風味，辣油得得幾重手，辣得好過癮，！-3⃣燒味夾饃雙拼💰50（👅: 7.2/10）雙拼有叉燒同燒鵝兩款， 半肥瘦叉燒同脆嫩燒鵝。香軟既夾饃夾住青瓜同燒味，口感豐富。-4⃣大眼金魚餃💰48（👅: 7/10）賣相精美，口感有啲似平時食既蝦餃，幾爽口。-5⃣薄荷檸檬蝶豆花💰28（👅: 7/10）漸變層效果好靚，都幾大杯，酸酸甜甜，解膩一流！-6⃣薄荷青蘋果蘆薈綠茶 💰28（👅: 7.8/10）同樣解膩之選！好清新止渴，仲有啲蘆薈粒可以食！好飲

🐧今日行完donki 本身想係food court 食的，但係超多人，所以就行上左一層搵野食。 😳見到個鼎爺公仔，心諗呢到都開左佢間私房菜？ 原來佢開左以🦢燒鵝為主打嘅餐廳！咁相對佢間私房菜黎講，佢呢間嘅性價比就會比較高啦😛！🌿餐廳都裝修得好清新都走台式休閑風。可惜我地個日比較遲黎食，🙃鵝脾已經賣晒。所以我地就叫左⭐️燒鵝燒腩仔飯因為我想食佢個甜品，所以叫左少飯。佢啲飯都唔錯！一粒粒，爽口唔淋！燒鵝係真心好味😋，皮脆又有肉汁！佢另上嘅柑橘🍊醬同燒鵝都好夾！⭐️溫泉蛋四寶飯將蛋汁淋上飯到一齊食，好正。叉燒都煮得好淋，又甜😍。⭐️鵪鶉蛋燒賣好少地方有得食啊！佢個原粒鵪鶉蛋再加上燒賣用勁大粒蝦造，的確令人回味！⭐️脆香蜜糖吐司🍞睇圖見到好似好正咁， 所以叫左一個。一黎到少少嚇親！超厚！外面整到好脆，而入面就塗滿蜜糖，熱熱嘅吐司點上雪糕一齊食，超好味！⭐️芝士奶蓋馬騮搣烏龍好少見呢個茶底，好清香，值得一試！

鼎爺廚藝了得就係人都知，最近係荃灣西海之戀開咗間主打燒味茶飲嘅餐廳，一於嚟食嘢順便行吓街裝修玩味重，同一般嘅燒味茶樓店好唔同沙律-醬汁好濃味原隻柑橘燒鵝髀飯$128-大大隻上好吸睛，燒鵝皮充滿油香，點上手工製柑橘醬，清甜又解膩，配搭得宜溫泉蛋四寶飯$108燒腩肉-皮脆肉嫩，加少少芥末醬更添味道叉燒-肥瘦適中，甜甜哋咁燒鵝-夠香口通常四寶飯係用咸蛋，呢度就用溫泉蛋，食完啲燒味咸咸哋一啖食個蛋落口油膩感全消爆脆金沙魚皮$49-好有咸香味，又脆又大塊，正！燒鵝包$48-同叉燒包味道有啲似熱田園水果茶+$28熱薄荷檸檬蝶豆花+$28食完嘢慢慢嘆返杯茶，好寫意

海之戀最近越開越多新餐廳，今晚就同男友黎覓食😆經過鼎爺呢間燒味店，之前睇佢節目都覺得佢煮野方式好傳統好細膩令人好欣賞👍👍 而呢間價錢比較大眾化，仲要無味精，所以決定試下😆環境好光猛明亮，感覺舒服～我哋叫咗個燒鵝拼叉燒飯少飯，溫泉蛋四寶飯少飯，豬油菜心，鮮果窩夫配北海道5.0牛奶雪糕， 熱鮮檸檬薏米水同埋馬騮搣烏龍芝士奶蓋😎燒鵝係用鮮果醃製，一直都聽講用新鮮水果醃肉有好多好處，食落真係好重果香味，肉質鬆化，皮香脆但唔肥膩，配埋自家製柑橘醬更香更開胃😋😋叉燒同平時食開嘅口感比較唔同，外層係一絲絲，裡面肉質比起出面食到既淋，唔駛趙好耐亦唔會痴牙😁燒腩肉好有層次，塊皮勁脆！新鮮整既燒味真係無得輸🤤溫泉蛋整得好好，勁滑，成碟蛋倒落去啲飯度個蛋黃都無穿👍我用黎撈飯之後男友一試就話好香蛋黃味，應該係用日本靚蛋😂窩夫超厚超大份，好濃郁既蛋香味，雪糕好重奶味，士多啤梨同藍莓都好甜，食落唔會好膩😋薏米水出奇地大壺😂😂 另外仲畀咗細細杯黑糖可以自己調味👍芝士奶蓋揀左烏龍茶底，好清香，奶蓋又濃又滑👏👏走果陣見到隔離三位女士叫左三個燉湯，都好似好正🤣🤣 下次試埋鼎爺既湯水先😎

得知鼎爺在荃灣開左間燒味中式餐館，特意要前去一試，看看這間鼎爺出品的「鼎家喜筷」是否真的很有質素。相信大家都知道李家鼎拍戲好看，打功夫又強，煮菜都不是等閒之輩，但他的背景經歷又是否人人所知？鼎爺的故事真的令人獲益良多。「八歲那年，父親便跟我說，一定要學識煮飯照顧自己！」，鼎爺在一個訪問中曾透露過。原來李家鼎的父親原為廣州一間大酒樓老闆，鼎爺從小就被他爸爸訓練，叫年少無知的他手執鑊鏟做菜，以便日後有一門搵食技能傍身。至此，好學的他就開始一個人去街市、煲仔飯店，靜悄悄躲在師傅身後偷師，然後晚上回家磨刀，待廚藝「有番咁上下」就做菜給父親試味，只是希望其父「開金口」贊同自己。慢慢地，就為鼎爺成就晚年創高峰的種子。鼎家喜筷十足有鼎爺特色，整間餐館都有鼎爺的嘜頭，就算沒有留意鼎爺有新開餐廳，經過的人都會自然知道是鼎爺出品。既然鼎家喜筷主打港式燒味，那就當然要一試。⦿ 1. 火焰原隻燒鵝髀 正當我們正在想食哪款燒味之時，看到餐牌有這道堂食限定的「火焰原隻燒鵝髀 」，就作實一定要先試這裡的燒鵝髀 。鼎家火焰燒鵝髀的特別之處，在於餐館真的用上一個小火爐，將原隻鵝髀上桌後再次用火焰彈燒，令到鵝髀保持熱度，

和朋友去了荃灣西海之戀鼎家喜筷食飯。這是「鼎爺」新開的一間餐廳，店內裝修簡潔光亮，是走年青時尚路線的餐廳。但這裏是食主打傳統燒味的餐廳。餐廳佔地也相當闊落，枱椅都很寬闊，客人坐得舒服。店員服務相當殷勤有禮，很主動為客人推介食品。我們點了柑橘燒鵝拼燒腩仔飯，柑橘燒鵝髀飯，火焰黑豚腩叉燒，飲品點了凍田園水果茶，田原芳香芝士奶蓋。甜品點了鮮果窩夫配5.0牛奶雪糕。套餐附送田園沙律，再食燒味之前，先食個田園沙律，清清味蕾，口感清爽，味道清新。柑橘燒鵝拼燒腩仔飯，燒鵝肉相當皮脆肉嫩而且燒腩仔外皮好脆，是高質素的燒味。柑橘燒鵝髀飯，賣相已經相當吸引，燒鵝髀肉皮脆肉嫩又多汁，加上芥末醬黃梅子醬相當好味。火焰黑豚腩叉燒，用火爐烤住黑豚肉叉燒，熱辣辣，油脂豐富，加上蜜汁，有入口溶化的口感👍👍凍田園水果茶，內有士多啤梨和藍莓鮮果，味道不太甜，非常喜愛這種水果冰茶。甜品：鮮果窩夫配5.0牛奶雪糕，烤麩烤的外層香脆，配上雪糕，一冷一熱，口感不錯，作為一餐的完結，非常滿足滿。總結：鼎家喜筷走年輕時尚路線，食傳統的燒味，但燒味也可以很高質素，例如這裏的燒鵝與黑豚叉燒，燒鵝皮脆肉嫩，叉燒入口溶化的口感，確實會令你對

之前食過中環鼎爺會館一試難忘，還記得他的話梅蝦，可惜已經結業。現在在海之戀商場鼎爺又一新餐廳以燒鵝為主打-鼎家喜筷。休假就是食好西日子，今天就排到他！他的主那是鼎家柑橘燒鵝，那當然要是他的燒鵝髀飯啦！另外它的溫泉蛋四寶飯也是招牌推介，所以我們點了一個來試試。配一個開胃沙律，上面是乳豬醬。他的柑橘醬豉油鮮橙檸檬和青檸等醃製的，好甜，橘子的清香，沒有太酸的味味。正好除去鵝肉的羶味。燒鵝皮脆肉厚，完全不覺得佢乾身，而且好好味，我終於明白點解啲人鍾意食燒腩脾，因為肉質真係滑好多㗎飯不是普通白飯，是放了頭抽的白飯，而且應該不是一種米，是有溝過的米飯，黏性很強而且有米香，非常好味。這是一個高級燒鵝的選擇，這個燒鵝髀深井著名的燒鵝更為好味但如果叉燒係肥叉會更加好味囉。燒腩仔都好食不過如果份量多啲會更加好，但係食到後尾就覺得啱啱好喇。水果茶有熱情果士多啤梨藍莓奇異果和荔枝肉，清一清炸蓮藕片嘅熱氣，熱情果一流，旁邊放在一些黑糖醬，如果覺得不夠甜可以加一些。我覺得不加也可以。玫瑰咖啡，好重玫瑰花香，不錯。炸蓮藕片，薄薄的蓮藕片炸得脆，他的香料比較多所以比較咸，剛好水果茶有黑糖漿，點一些一齊食剛剛好。燒味夾

Lunch @ 鼎家喜筷 Ding Lee ~"鼎家喜筷" 的名物 "鼎家柑橘燒鵝" 以 鮮果醃製、無添加味精、店內即燒而聞名 .... 我們就專程前程來 , 一嚐究竟 ~原隻柑橘燒鵝脾飯 (配沙律及指定熱飲一杯) $128 : 沙律好特別 , 竟然是用中式海鮮醬作為 salad dressing, 超特別；燒鵝脾 , 皮脆肉香 , 勁厚肉且有鵝脂 , 鵝肉味濃厚 , 鵝油味香 , 肉質夠嫩 , 最特別是配上了店家特製的柑橘醬 , 絶對是完美組合 , 風味一絶 ~原條燒腩飯 (配沙律及指定熱飲一杯) $99 : 成條燒腩上 (切件) 共有8件 , 已經有夠睇頭 , 燒腩斬得齊齊整整 , 皮是卜卜脆 , 肉質滑嫩 , 夠肉味也不過鹹 , 勁正 ! 絶對是男人的終極浪漫 ~除了燒味粉麵飯之外 , 還有點心小食 ....豬膶燒賣 $48 : 一籠有2件 , 豬膶蒸得剛好 , 燒賣的味道亦比得上中價酒家的水準 ~大眼金魚餃 $48 : 一籠有3件 , 賣相不俗 , 味道似蝦餃 , 蝦肉爽彈 , 皮也薄 , 好吃 ~特飲跟飯 (另+$28/杯) 凍薄荷檸檬蝶豆花 & 黑芝麻奶茶 : 飲料都調得不

可能聽個名都知呢間餐廳係邊個明星主理，自自然會對食物有所期望，結果係點睇埋落去就知🙈叫左溫泉蛋四寶飯、麻辣蒜香涼拌手撕貴妃雞撈丁、燒味夾饃雙拼、脆炸蓮藕片、荔枝蘆薈綠茶、田園水果茶，最後食到飽住個肚🙊溫泉蛋四寶飯已經好有趣，因為通常嘅四寶飯係配鹹蛋或者太陽蛋，但係配溫泉蛋嘅真係第一次，加埋好juicy嘅叉燒、燒鵝同脆皮燒肉，呢個配搭真係好高分；麻辣蒜香涼拌手撕貴妃雞撈丁就岩曬鐘意食辣嘅朋友仔，因為入口除咗好香蒜味，麻味同辣味都好出，配埋雞絲撈丁會一口接一口咁；燒味夾饃雙拼分別係燒鵝同叉燒，同個飯一樣咁juicy，配埋鬆軟嘅夾饃一定食真係好夾；脆炸蓮藕片就係風味小食，炸完之後脆卜卜，當小食黎食都好正；最後嘅兩杯荔枝蘆薈綠茶同田園水果茶都不過不失，可以幫手解辣😂食完呢一餐之後係覺得無失所望，尤其燒味方面做得幾出色🤤評分：8.5 / 10

「鼎家喜筷」真係頂瓜瓜，招牌推介的柑橘燒鵝超好味，用心製作，賣相吸引，味道好味又有創意。新開不久，環境乾淨又寛廣，玻璃窗採光令環境好舒服好悠閒，座位同木枱都夠大，唔會局促，服務友善又有效率。鼎家柑橘燒鵝孖寶飯柑橘燒鵝先用橙、檸檬、青檸醃製18小時，令鮮果香味慢慢滲入鵝肉，令肉質更鬆化，亦可除羶味。鵝肉嫩而多汁，滲出油香同果香，個皮燒得夠香脆唔膩，沾埋自家製柑橘醬，味道更提升。叉燒香甜美味，邊位燒得香口，肉質鬆化且不肥。涼拌麻辣蒜香手撕貴妃雞撈丁雞絲嫩滑，有青瓜絲、沙葛絲、甘筍絲，增加爽脆口感，麻香帶辣，而且辣度有後勁，個麵亦保持彈牙感。鼎家脆炸蓮藕片做得非常好味，切得超薄的蓮藕片，再炸至金黃香脆，好乾爽脆口，又重蓮藕香。呢款小食製作較多步驟，所以都較少見，值得一食。爆脆金沙魚皮好鬆脆好香口惹味，魚皮沾滿爆香的咸蛋醬，有濃濃咸蛋味，而且乾爽唔油膩。田園水果茶有爐仔坐熱，可以保持溫度，茶具好靚好岩女仕。有草莓、荔枝、藍莓、奇異果、百香果……水果味好清香，而且唔甜，自己加黑糖控制甜度，非常貼心。玫瑰泡沫奶茶有玫瑰花同食用花裝飾，非常吸晴。好香玫瑰花味，溫暖順滑的奶茶，茶底夠突出，奶夠香滑，非

今日到荃灣西海之戀商場行街，見到這間餐廳掛出來的燒味很吸引，原來是鼎家喜筷，是鼎爺開的新餐廳！.這裏的燒味飯十分的骰精緻，小巧小巧的，完全把燒味年輕化及溫柔化。.柑橘燒鵝仔寶配豉油雞飯 - 燒鵝燒得很香，應該是加入柑橘醃製，食得出有淡淡果香，感覺很清新，比燒味肥膩的感覺截然不同。皮脆肉香，感覺不會很肥膩，更加健康。豉油雞很嫩，不會太鹹，感覺是清新健康的燒味。原條靚叉燒飯 - 切得很均勻，刀工好好，賣相很精緻，原來吃燒味飯也可以這麼高級。叉燒水潤，入口順滑，燒得剛剛好。.每一個餐都有送沙律及熱飲，我們飲了特別的熱白芝奶茶及芒果沙冰，鼎爺的創意你曾想像不到！.而且這裏還有懷舊的點心，鵪鶉蛋燒賣/大眼金魚餃，真材實料，在吃燒味飯的同事來兩籠點心，可算是人生一大樂事。.環境很舒服走年輕路線，簡約得來又大方，光鮮簡潔，如果坐近卡位更加可以遠眺海景。