餐廳有粵式燒味和燉飯，還有Fusion 的炒粉麵飯。
餐牌都好多選擇，叫了招牌推介～原條叉燒飯，包了沙律和特飲，沙律醬意想不到用了乳豬醬，出奇地夾，甜甜地好好味。
原條叉燒飯$98，叉燒蜜汁滲滿原條叉燒，蜜味香濃，肉質夠厚，肉質夠淋卻不肥。
另一招牌特色菜，火焰燒鵝脾$148，原個爐上枱，店員介紹燃料用了橙酒，燒出來更有橙香，秘方係柑橘燒鵝以橙、檸檬、青檸醃製多個小時，令燒鵝肉味之餘帶出陣陣鮮果香味，另味道更有層次。
鵝油滴在火爐上更惹火，令鵝皮燒得更香脆，食落，外皮香脆鵝肉嫩滑，兼有陣陣果香夾雜焦香味，味道好特別。
涼拌麻辣蒜香手撕貴妃雞撈丁HK$80手撕雞肉質嫩滑，味道唔算太辣，夠惹味，配上青瓜甘荀絲冇咁膩口，這味菜係冷盤凍食，更易入口，丁麵麵質夠彈牙。
熱田園水果茶加了$28 有一大壺，超抵飲，茶底夠香濃，旁邊有一杯仔黑糖，有別於平時的蜜糖，真有心機，每一個細位都有驚喜，而且裡面有新鮮生果肉，包括藍莓、士多啤梨和熱情果肉，加埋黑糖，飲落喉嚨好舒服。
另一杯特飲係Mocha 沙冰，賣相出眾，入落creamy 冰涼。
