鼎家喜筷 (已結業)

荃灣西行街，逛完Donki看到鼎爺的新餐廳，在海之戀3樓，名為鼎家喜筷點了兩款招牌推介試試招牌溫泉蛋四寶飯四寶分別是叉燒、燒鵝、燒肉和溫泉蛋，叉燒點餐時有特別選了肥叉，肥瘦恰到好處，燒鵝和燒肉各具特色，四寶飯一次可以嚐到多個口味，份量足夠，擺盤也毫不馬乎原汁柑橘燒鵝髀飯今天的主角燒鵝髀上桌，香氣撲鼻，肉的口感相當好味，不會乾硬，皮又可以保有酥脆，配上柑橘味，整體相得益彰，作為招牌菜，值得一試凍田園水果茶主餐加28元可以選一杯特飲，看Menu上拍攝的飲品好吸引人！傳統的港式燒味餐廳，竟可以配上西式的飲品，別具特色，配上這杯水果茶，還真可以替燒鵝解解油膩味總體而言，燒鵝及叉燒都在水準之上，鵝髀更是美味，份量很足夠，擺盤更是色香味俱全喜歡港式燒味的朋友，值得來試下

最初只想從家(麗城花園附近)來過散步去荃灣西的海之戀商場，樓下的德國餐廳只可以飲嘢，沒有食物供應。太太提議上樓上的鼎家喜筷，而且過了五点十五分，所以來過提早的晚餐。太太選了下午茶餐的义燒米粉，而我叫了散點馳名的燒鵝脾飯，兩份都送飲品(杏霜)。义燒有水準，還有小盤沙律菜。燒鵝的酱汁還帶有橙皮。全部超水準，正。

平時透過電視睇鼎爺下廚睇得多，不少菜式都很吸引，既傳統，又注入創意元素。但作為出色的「無飯主婦」，BeautySearch 當然只會看而不懂下廚......最近發現，原來鼎爺已於荃灣開設餐廳，《鼎家喜筷》以燒味為主打，所有燒味都以天然的方法煮理，做出別具風味的效果。難得不用過海也能品嚐鼎爺的廚藝，BeautySearch 當然要嚐嚐。『鵝全部都係鵝』，聽說《鼎家喜筷》的燒鵝採用澳洲鮮橙、檸檬和青檸等新鮮水果取代傳統方法醃製，醃製過程更長達 18小時，如此刁鑽，怎可不試!?原隻柑橘燒鵝髀顏色均勻，外皮挺直富光澤，單看賣相已相當吸引。食落皮脆肉嫩，肉質嫩滑啖啖肉，每一口都能吃出燒鵝淡淡的柑橘果香，不但去除鵝的羶味，還中和了燒鵝的油膩感，越吃越滋味。 吃燒鵝時，別忘了搭配鼎家手工製柑橘醬，入口充滿果香，清新而不膩，更勝酸梅醬的傳統風味。燒味四寶鹹蛋飯吃得多，這裡以溫泉蛋取代鹹蛋，溫泉蛋四寶還搭配叉燒、燒腩仔、燒鵝，傳統中又添加了幾分創意。溫泉蛋的流心，蛋黃軟溜溜，蛋白像豆花般滑嫩嫩，用來拌飯最合適不過，頓時令這中式四寶添上日式味道，蠻有心思。鮮炸的魚皮上，加上一層惹味的鹹蛋黃，令魚皮更香、更

荃灣海之戀迎來新鋪，以燒味為題的廣片餐館，地方寬敞，環境不錯🌌火焰原隻燒鵝髀 $148🌌燒鵝髀就食得多，有冇試過放係爐面自己慢慢燒，油脂一滴一滴流出，香味慢慢滲出皮脆肉嫩，加上鵝油香，每啖都係甜酒混鵝香😋外皮燒到脆卜卜🎆招牌溫泉蛋四寶飯 $108🎆燒鵝部份仍然出色，皮脆肉嫩；而叉燒蜜糖香甜，豬肉味唔錯，都幾嫩口；燒肉化皮，入口「索索」聲，口感好，肉嫩👍🏻溫柔蛋流心撈飯無得彈🎇涼拌麻辣蒜香手撕貴紀雞撈丁 $80🎇涼拌撈丁屬開胃之選，麻辣味道重，蒜香都吸引，調味部份做得不錯🌠薄荷檸檬蝶豆花茶 +$28🌠紫色世界，入面有薄荷葉及檸檬，非常清新，好舒服既特飲🌅黑芝麻咖啡 +$28🌅總括而言，新式燒味鋪有別於以往飯盒年代的頹氣，將不同特色注入燒味，原來都可以咁出色😋👍🏻

今日同爸爸行完donki又要搵野食開餐了爸爸比較傳統鍾意食中式野，搵到呢間係鼎爺所開既餐廳。好光鮮，座位又多又舒服，睇完餐牌都見到食物種類好多，所以決定一試。餐牌有好多野食，我地決定一人點一款主食，再加少少小食。⭐️厚隻柑桔燒鵝髀飯好吸引，燒鵝髀可以選擇斬定唔斬。我選了切件上，咁樣可以方便點進食。大大隻燒鵝髀，啖啖肉，好惹味。又厚肉，而且好多肉汁好好味。沾埋個柑桔醬可以解除油膩感，仲帶點清新感覺，好特別，好fresh。好特別，好鍾意。個白飯仲淋上了燒鵝汁，好惹味。⭐️麻辣蒜香涼拌手撕貴妃雞撈丁麻辣口味好惹味，辣辣地好過癮，涼拌撈丁，冰冰涼涼好惹味，上面仲有好多雞絲。啖啖滿足，啖啖惹味。好惹味呢，而且份量都不少，個撈丁好大個，好好味又夠飽。⭐️春蛋燒賣一共有3粒。大大粒，彈牙肉厚👍🏽正⭐️燒味夾饃雙拼叉燒夾饃燒鵝夾饃可以自己決定要邊款燒味，叉燒或燒鵝。我們點了每樣一款。各有各滋味，啖啖肉好正不過我鍾意吃燒鵝多點，因為呢度既燒鵝好正，好夠肉味。夾饃軟綿綿，好滑又好味⭐️鮮檸檬薏米水熱熱的，慢慢飲都唔怕，因為有蠟座熱著，一定唔會凍。味道來講酸酸甜甜好滋潤。⭐️薄荷檸檬蝶豆花顏色鮮艷，酸酸的，好醒胃點了主

早前既lunch time去左試食， 點左燒鵝飯，炸魚皮 再加左杯蝶豆花檸檬薄荷特飲。燒鵝飯係 ok, 係ok咋，唔係其他食評甘講到有幾出色好味，我確實覺得係不過不失，唔會難入口個隻啦；"有"鹹蛋黃醬既炸魚皮，魚皮更多油， 另外炸魚皮d油都多過蛋黃醬； 杯特飲做得最出色， 毫無違和感甘將薄荷葉檸檬片放係杯蝶豆花茶裡面。 我最近睇到佢地promote張相，係檸檬汁倒入杯茶到，如果我都有檸檬汁倒入去，我相信口感同味道一定會有所不同囉。 so, 呢間野，幫襯過一次就算

鼎Lee開左間燒味鋪，叫鼎家起筷，心諗好彩唔係賣滷味。呢間燒味鋪走摩登中價路線，價錢絕對唔平，唔知質素好唔好呢？先講坐位：侍應安排既坐位幾闊落，有位放袋，靠近窗邊，落左簾仍感受到太陽既光線同餘溫，都幾舒適。野食方面：我地點左兩碟大飯，水準平均，餸多過飯，好足料！先講燒鵝髀飯，索價$128，絕對唔平，但燒鵝皮脆甘香，肉質不會嚡，而且肉味香濃，所搭配既甘橘醬中和肥膩感，不錯。至於溫泉蛋四寶飯，鵝、叉燒、燒肉都各有6-7舊。燒肉香脆，可惜叉燒略瘦且硬，呢度扣左點分。跟餐還會有沙律菜，但配搭乳豬醬略奇特，建議餐廳配返最基本既油菜算。由於我地係食肉獸方面，再叫左個火焰黑豚叉燒，諗住係Gimmick野，點知燒過既黑豚尤其出色，帶點焦香的感覺，好食。唯一就係佢個火太猛，基本上一點火燒一陣已經會燶，所以我地好快即刻夾起哂，做唔到即燒即食既效果。另外叫左檸檬薏米水，甜度適中，帶酸很開胃！總括價錢雖然幾貴，我地食咁多野要$500埋單，但真係食得好飽同食得出部分燒味係有用心做，值得支持。

海之戀新開鼎家喜筷，裝修簡單平民，店內夠光猛。下午3點嚟食，今日較肚餓。揀咗兩個招牌推介及小食。▶️原隻柑橘燒鵝髀飯$128呢個燒鵝髀好吸引，大大隻，夠熱，皮脆脆地。燒鵝髀啖啖肉，鍾意佢配有柑橘🍊醬汁。好夾！飯亦都有蔥油香。▶️麻辣蒜香涼拌手撕貴妃雞撈丁$80呢個有麻香，岩岩食時好似好辣，但佢嘅辣只係一下，唔會停留，唔會太辣。麻得過癮。撈丁份量好多夠乾爽，手撕雞又幾滑。▶️燒味夾饃雙拼$50雙拼一件係叉燒餡，一件係燒鵝餡。叉燒夠林唔會太肥，燒鵝皮夠香。夾住刈包食，入邊仲有青瓜，唔錯。▶️大眼金魚餃$30一籠有三粒，皮夠薄。入邊全部都係蝦，大大嚿爽口！▶️熱檸檬薏米水$28一壺熱住，幾清熱。▶️熱玫瑰奶茶$28用上身玫瑰花瓣，奶茶味偏甜。

難得嚟到荃灣Donki買嘢，就喺附近搵間餐廳醫肚，因為好想食燒鵝，所以就嚟咗呢一間餐廳呢間餐廳裝修好光猛，環境好乾淨，坐低見到身邊嘅人都係係燒鵝黎食，搞到我都要叫你試吓除咗燒味之外，仲有一啲特色點心我同朋友就叫咗幾款嘢食燒鵝髀飯：當店員一拎碟飯出嚟，我同朋友不禁嘩咗一聲，原隻燒鵝超大隻，睇到已經好想食,燒鵝髀嘅皮十分脆，鵝肉夠嫩，仲有不得不讚嘅係佢嗰醬汁，沾埋仲好味麻辣蒜香涼拌手撕貴妃雞撈丁：呢款撈丁估唔到咁好味，平時食嘅撈丁係熱嘅，今次用涼拌嘅方式，麻辣嘅味道控制得啱啱好，入面仲有啲雞肉，青瓜絲，蘿蔔絲，惹味又好味鵪鶉蛋燒賣：點心全部都係即刻整嘅，新鮮出爐，佢個鵪鶉蛋好大粒，燒賣仲有一隻蝦添爆脆金沙魚皮：呢個超好味，咬落脆卜卜，又有鹹蛋黃嘅味道仲有佢啲特飲都幾抵飲$30左右，就飲到好足料嘅水果茶，芒果沙冰，入面有好多生果

今日喺荃灣做嘢，收得早就同同事去左海之戀食飯，見到呢間餐廳裝修摩登，又係鼎爺系列，仲要店鋪以無添加味精為宗旨，一於去試吓先。原隻柑橘燒鵝髀飯: 可以揀原隻脾上，或暫者切件上，因為方便食，所以揀咗切件上碟。燒鵝食落好清新，配搭埋柑橘醬，甜甜哋咁好開胃，燒鵝皮脆肉嫩，完全無膻味，燒鵝髀口感彈牙，係其他部位都不能相比。溫泉蛋四寶飯: 燒腩仔陣皮好香脆，肥肉厚多，但肉質不柴，叉燒就係瘦叉，食落有肉香，一啲都唔乾，燒鵝脆皮鵝味十足，溫泉蛋口感非常好，撈埋飯食，令味道更豐富。火焰黑豚肉叉燒: 自己叉燒自己燒，叉燒本身已熟，再自己控制燒烤程度，叉燒肥瘦適中，肉質juicy，再加上外層嘅蜜汁，燒到香香脆脆，keep住熱辣辣咁，真係又特別又好食。沙律係跟餐，以甜醬作為汁醬，估唔到同沙律菜咁夾，正好中和肉膩，既驚喜又清新。朱古力咖啡沙冰: 朱古力和咖啡味道平衡，沙冰口感細密，唔錯。熱玫瑰泡沫咖啡: 咖啡香滑，有淡淡嘅玫瑰香味，仲要係少甜，正!

說過會返兜就必定會返兜的!後來發現這圖確實是有意思的，就是燒鵝是必點的（可惜吃完整頓飯才發現）。午餐推介之選：午餐會跟沙津，早前已介紹過就不多介紹了，今次點了柑橘燒鵝孖寶（選了化皮燒腩仔）所謂　柑橘燒鵝，就是原燒鵝醬汁改用柑橘汁去取代，但又出奇地好食！柑橘的酸甜味，可去走燒鵝本身的油膩感（燒鵝本身都不油膩），可惜燒鵝不多，不然真想多吃幾件！而另一寶：化皮燒腩仔，厚切，中間小肥，使不會過瘦，一如以往的水準！叉燒蛋包飯大大件厚切半肥瘦叉燒，再加一口蛋包飯，蛋滑身，配上叉燒醬汁，真心好食！大眼金魚餃首先賣相已很精緻，合符年輕男女愛相機先吃的態度！其實金魚餃餡料實際是蝦，只是金魚外表的蝦餃，實行睇得又食得！脆炸蓮藕片點選之前都有猶疑，因不知是否合自己的口味。但吃過一口之後就會不其然的不停吃，真心好味，蓮藕片薄而炸得脆，加上少少調味，當刻覺得如有杯啤酒再加電視就「十分讚」的感覺，感覺是絕佳的睇波小食！飲品：凍田園水果茶　及　熱玫瑰泡沫奶茶非常推介其奶茶系列，上次試過其黑芝麻奶茶已覺得無得彈！今次一試玫瑰泡沫奶茶，玫瑰花的香味及入口濃濃花香的味道，再加上茶跟奶味適中，真的超級推介！凍田園水果茶，多

我們來到海之戀商場逛逛與購物，竟然有個開心大發現 ，名稱<鼎家喜筷>的中菜館，與有鼎爺的Q版漫畫樣子，一看便知道是李家鼎先生主理的菜館了！我既然是鼎爺烹調飲食的粉絲，不會過門不入吧！安座後，打開餐牌看看，很多選擇，懷舊與新派共融，楝好了！眼睛依然很忙碌，中菜館裝置不少Q版漫畫，感覺很有童趣，心情也輕快起來，而且環境整潔、開掦。小食兩款：爆脆金沙魚皮~~金沙，即是起沙鹹蛋黃，＜甘香！＞我借用鼎爺在螢幕上的語氣演譯！脆魚皮隨着口腔的活動節拍，相應奏出響亮聲！燒味夾饃雙拼~~夾饃，是我們中國的漢堡包，熱騰騰的饃夾著燒鵝與青瓜片，另一個夾叉燒，分別配合不同醬汁，美味可口，陝西與廣東結合的味道，妙不可言！鼎家柑橘燒鵝孖寶飯（拼燒腩仔）~~啖啖肉的燒鵝肉，味道香濃，鵝皮香酥，蘸少許柑橘醬吃，甜酸中滲出微微果香，燒鵝與柑橘醬是非常合拍！色澤豐富的沙律菜，美味又開胃！香草白汁炸魚柳飯~~超大塊的脆香炸魚柳，肉質嫩滑可口，香草白汁又綿滑，蘸魚柳吃與淘飯兩相宜。熱白芝麻奶茶~~加入營養的奶茶，下次我要嘗試！凍鮮檸檬薏米水~~吸睛又清潤的凍鮮檸檬薏米水，是真真正正的鮮檸檬薏米水，不是檸檬薏米

今日嚟探朋友新屋，所以嚟咗海之戀商場逛，沿路都好多食肆，幾正喎。見門口裝修幾得意，感覺上餐廳嘅setting係中西式大雜燴。☝🏻主格局係茶餐廳咁，一坐低就望住天花個自家logo燈好吸晴☝🏻另外角落位置就比較似cafe原條燒腩飯$99size比想像中幼，但厚切都有大概6件。腩肉肥瘦適中入口有油香但又唔會有太大罪惡感，塊皮仲卜卜脆，所以話做女人真係好慘呀食完又要減😂開頭白飯有啲齋，但係問職員拎左碗熱到出煙嘅飯汁，加左之後就好送飯。本身中意飲水果茶，食完燒味又可以消滯，推介。原隻柑橘燒鵝髀飯$128鵝髀保留左肉汁，但塊皮都係精華，配埋手工製柑橘醬可以去除油膩感！如果可以再啖啖肉D就更好哈哈爆脆金莎魚皮$49真係好好味，啱啱炸起確實有少少油，但係入口鹹蛋黃味係好香好脆，肥都值得即刻諗起新加坡嗰個同款snack！平時weekday我食野好健康ga🤪🤪鵪鶉旦燒賣$48點心相對無咁wow，不過呢款出面好少食到架～價位屬中高價，不過樓上係過千萬豪宅都好合理😂以下係LUNCH + TEA SET嘅menu

今日嚟到荃灣行街，行過海之戀商場，見到係3樓鼎爺新開左一間以燒味為主嘅茶餐廳！溫泉蛋四寶飯，有叉燒燒鵝和燒肉，我自己就最鍾意食燒鵝，配上他們秘製的醬汁，非常好味！再加上溫泉蛋撈飯，真係值得試下。叉燒就係偏瘦，但係口感香軟豐潤！而我朋友就好鍾意叉燒佢就叫咗茶餐廳嘅人氣叉燒滑蛋飯！首先份量真係好多，見到佢個滑蛋吵得好水潤，仲有少少蛋漿撈飯都好正🥰🥰而且叉燒嘅份量都係好多，加上佢甜甜嘅叉燒汁👍🏻👍🏻茶餐廳仲有少少特別嘅嘢飲仲有甜品叫添，下次可以再去試吓其他野食！

Happy Saturday緊係要同好友揾好嘢食，聽E說她上星期剛剛去了鼎爺在荃灣新開的餐廳食lunch, 評價頗不錯，所以我也不甘後人，今日來鼎家喜筷試一試。餐廳環境整齊乾淨又企理，獨有鼎爺卡通公仔裝飾隨處可見，以西餐餐具盛載中式食物也頗具心思，可以說是一間高檔次的茶餐廳。除了燒味是餐廳主打和招牌推介外，還有小食，點心，早午餐，鍋飯定食，足料靚湯，甜品和飲品。凍薄荷檸檬碟豆花$28~碟豆花本身沒甚麼味道，但它散發出來的紫色真是很美， 很是賞心悅目， 加入清涼的薄荷和淡淡的檸檬清香，又解渴又清新。芒果沙冰$28~芒果味非常濃郁，酸甜度適中，還有粒粒芒果肉，又清爽又涼快。沙律~跟餐沙律除了有新鮮沙律菜，特大車厘茄和粟米，最特別是以乳豬醬作sauce, 頗為創新。鵪鶉蛋燒賣(3件)$48~好友指定要吃，因為是懷舊茶樓點心，已經好久沒有吃過。燒賣好大粒，除了有帶點肥的豬肉碎， 還有原粒鵪鶉蛋，正呀!燒味夾饃雙拼(2件)$50~源自陜西的小食，一般以夾饃包住羊肉或豬肉來吃，鼎家夾饃以义燒和燒鵝2款燒味作餡料，可知鼎爺對自家燒味的自信。义燒本身有咬口，帶蜜味和juicy, 配以青瓜更添爽甜口感，