鼎家喜筷 (已結業)

鼎爺出名煮嘢食了得，而好耐之前都知道佢嘅私房菜一啲都唔平，所以一直都未試過。最近佢嘅新餐廳進駐咗荃灣海之戀，餐廳主打年輕路線，食物以燒味為主，亦有其他菜式供應，每逢假日經過都會見到很多食客用餐。啱啱過咗嘅星期六，屋企冇人煮飯，我就提議不如試吓，價錢果然相對親民，食物類型亦都大眾化。點了數款店員推介的食物，質素確實有保證！👆温泉蛋四寶飯，燒味味濃好食，义燒鬆化，肉脂比例均勻，鵝嫰滑，燒腩皮脆，仲有沙律同飲品。.火熖义燒，賣相已經以特色取勝，鬆脆外層加上义燒面有蜜味，回味無窮。.白汁魚柳，最怕炸到油lum lum，但係呢度就冇咗呢個問題，表面金黃色，外脆魚內滑，魚肉仲要唔係好薄好碎嘅貨。.飲品同甜品嘅選擇可以媲美Cafe，我哋叫咗鮮果花茶，好抵只係28蚊，唔落蜜糖都好飲，水果嘅清甜仲可以消滯。鮮果窩夫係唔少人鍾意打卡嘅甜品，窩夫新鮮焗製，香脆微暖，放上生果生色不少！整體黎說，呢間算係一間親民嘅高質茶餐廳，價錢唔貴之餘仲坐得舒服，推介！

鼎爺西利呀, 短短年間, 已經開左唔同主題既餐廳, 繼鼎爺私房菜, 鼎尚棋哥之後, 鼎家喜筷座落海之戀, 而且唔係主打燒味咁簡單, 依度既燒鵝採用澳洲鮮橙, 檸檬同埋青檸等新鮮水果取代傳統方法醃製, 醃製過程更長達 18小時! 之前都試過鼎尚棋哥既燒鵝, 確係出色, 而今次以水果醃製燒鵝都係第一次聽, 好有興趣!餐廳開揚光猛座位舒適, 特別喜歡佢間左小廂房, 感覺更有私隱度, 食都食得舒服d! 仲有一定要提既係佢既天花, 牆身等等都精心設計, 天花係好靚既燈管畫, 最攪笑係Q版鼎爺, 好簡單既線條但同鼎爺真係一樣樣!胡麻醬沙律食燒味飯唔一定要跟菜心既姐, 鼎爺特別設計令燒味都食得有新意, 唔再只係麻甩佬既專利, 襯新鮮沙律菜一樣得!火焰原隻燒鵝脾當你係普通燒味餐廳食隻鵝脾都要過百蚊既時候, 係依度$148叫火焰原隻燒鵝脾真係唔會後悔, 燒鵝髀大大隻, 賣點係以火爐直燒將皮再燒一燒, 燒既時間鵝油溢出超惹火, 香味同成個畫面都勁吸引!! 赤紅色既皮即燒即食後更加脆卜卜, 咬落去脆到咔擦一聲!! 真正皮脆肉香, 陣鵝油味係口中久久不散, 細味下皮位帶仲甜甜地既味道, 肉質比平常食到既鵝肉更

吃過鼎爺私房菜，聽聞鼎爺又一新巨作，即到誠哥「海之戀」吃「鼎家喜筷」，再逛DonDonDonki。店舖裝潢較像新式快餐餐館，白色主題舒服潔淨。店舖主要以燒味作主打，亦配有不少即叫即蒸點心，重點是店舖有專門茶水部，純茶、果茶、奶茶應有盡有，適合愛茶飲的朋友。火焰原隻燒鵝髀上桌後需要間歇性反面，使外皮更香脆同時卻不燒焦。鵝油溢出香氣撲鼻、鵝皮香脆、鵝肉肥美油潤。柑橘燒鵝孖寶 拼叉燒燒鵝外皮同樣香脆，肉質較緊緻，帶微微果香。叉燒整件結實瘦壯卻不硬，肉質爽口不油膩。麻辣蒜香涼拌手撕貴妃雞撈丁這道菜較普通，或許是因現在手撕雞店開得滿間也是，比拼下顯得沒什麼額外特式，正常味道。烏龍芝士奶蓋芝士奶蓋濃厚，質感香滑細膩，口感綿密。烏龍口感清新，配搭起雙重口感。熱檸檬洛神花茶檸檬洛神花本偏酸，但入口卻酸中帶甜，並不澀口，花香香濃。朱古力心太軟流心心太軟，朱古力香滑濃稠，心太軟軟熟底帶微脆，配上香滑軟雪糕，冷熱交融。整體來說，食物價錢不貴、環境新淨企理、服裝親切，可以一試。

-𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁-環境 ：8/10服務： 8.5/10味道： 8.5/10影相： 8.5/10性價比 : 8/10層層相隔回頭率 : 8.5/10➖➖➖➖➖➖➖➖➖➖➖➖➖➖➖係𝗗𝗼𝗻𝗸𝗶大戰五百回合後再黎「鼎家快筷」食番個靚燒鵝補充下體力🙆‍♀️.以𝗖𝘂𝘁𝗲版鼎爺為𝗹𝗼𝗴𝗼，又幾棧鬼🤣餐廳主打嘅燒尾全由店內燒製，標榜無添加味精～滿足味蕾之餘，亦吾會為身體帶黎太大嘅負擔.©招牌溫泉蛋四寶飯 $108以叉燒，燒腩仔，燒鵝同溫泉蛋組成嘅四寶飯叉燒色澤鮮明，肉質細膩緊緻，外層又帶點焦香燒腩仔脂肪同瘦肉層層相隔，食到肉香，冇油膩感燒鵝經18小時，以鮮橙，檸檬，青檸等鮮果醃製肉嫩柔軟，仲帶陣陣果香最後用軟嫩滑溜嘅溫泉蛋取替鹹蛋用米飯拌勻而食，口感一流呀😍隨餐附送招牌手工製柑橘醬，令味道更立體呢🥳.©涼拌麻辣蒜香手撕貴妃雞撈丁 $80重口味愛辣者，呢款千奇吾好錯過🙈公仔麵硬度恰到好處，入口彈牙吸收哂蒜粒同麻辣嘅精華啖啖都係麻辣香口，惹味之餘，冰涼透心😍仲有紅蘿蔔絲，青瓜絲，嫩滑貴妃雞增加口感加上黑白芝麻嘅點綴，大讚👍.©脆炸蓮藕片 $49香脆脆蓮藕片，吾係到到都供應架🙆‍♀️蓮藕片切成

今晚收工同朋友去左荃灣交收, 順便食埋晚飯, 朋友話好耐無食過燒味, 見到E間鼎家喜筷有個火焰黑豚腩叉燒好似好正咁就入去試下😍🌟田園水果茶🍓🍎🍇🍵水果茶配埋一匙羹仔黑糖漿, 飲落酸酸甜甜幾開胃🌟馬騮搣🐒烏龍芝士奶蓋馬騮搣烏龍奶蓋芝士味香濃厚滑, 茶味幾濃!🌟原隻柑橘燒鵝髀飯👍🏻外皮甘香帶脆, 色澤油潤, 食落有淡淡嘅柑橘味, 加埋清新嘅柑橘醬, 酸酸甜甜, 開胃又解膩!🌟男人終極浪漫『原條燒腩』飯原條燒腩皮脆肉嫩, 層肥層瘦, 食落唔會太咸!🌟火焰黑豚腩叉燒👍🏻一塊塊叉燒用慢火燒, 邊燒邊聞到好焦香嘅味道, 入口熱辣辣, 外脆內嫩多汁, 帶點酒香!🌟流心朱古力心太軟配北海道5.0牛奶雪糕小妹第一次試5.0, 真係比一般3.6更重奶味! 朱古力心太軟一切開朱古力漿就開始湧出嚟, 朱古力味幾濃😊!

名家的餐店滿滿都帶有他的影子，光鮮的裝潢配合現場充滿活力的員工，在這疫情下拾回點點動力氣氛。招牌溫泉蛋四寶飯中的四寶餸分別有叉燒、燒鵝、燒腩肉及另上的溫泉蛋。叉燒軟硬肥瘦適中，燒鵝亦不太油膩且仍然是皮脆肉軟，而燒腩肉的化皮亦鬆化可口，而溫泉蛋可謂剛剛好的熟度，整體是非常高水平的四寶飯。涼拌麻辣蒜香手撕貴妃雞撈丁配料十足;貴妃雞肉絲、青瓜絲、紅蘿蔔絲。麵質比較軟身，味道十分麻辣。不能吃辣的朋友還是不要選。但貴妃雞肉絲實在是細滑，雖然麻辣味強但貴妃雞的香味仍能保留其中。火焰黑豚腩叉燒使用玫瑰露 製，用小火爐即時加熱再烤脆，店員還叮囑由於黑豚腩油脂肥美會引來較大火勢，因此必須反覆燒烤，以免過度焦黑。然而只需一會已烤得香脆，入口時滿滿燙口。或許燒烤過程把大多油脂燒掉，食用時不覺得油膩，相反地叉燒香濃脆口更覺美味。流心朱古力心太軟加配北海道5.0牛奶雪糕是這餐唯一的甜品，北海道牛奶雪糕是用杯載上，味道就是日本北海道牛奶無異。流心朱古力心太軟卻不夠流心，或許是我們用餐太慢甜品等了一會所至。味道合適，沾上北海道牛奶雪糕一同進食更覺香甜。芝士茗茶系列馬騮搣烏龍很有特色的一杯奶蓋式飲品，芝士蓋式香滑細軟

平時去開啲燒味店都係較為傳統嘅，今日黎左呢間鼎家就較為新穎。燒味，甜品，台式飲品，咩都有咁。原條燒腩飯 $99第一次原條燒腩咁食，好新奇，有小小据扒嘅感覺。燒腩皮超級脆，咬落kokkok聲。啲肉係半肥瘦，食落好鬆軟。招牌溫泉蛋四寶飯 $108四寶飯入面有溫泉蛋，燒餓，叉燒同燒腩。岩哂啲選擇困難症嘅人阿！同傳統嘅四寶飯冇乜分別，只係鹹蛋轉左溫傳蛋，我攞左溫泉蛋黎點燒味食，咁樣配法原來都幾夾！火焰黑豚肉叉燒 $148呢條叉燒咁貴係有原因嫁！因為有得玩之餘又好食！店員會幫你點火，點完之後自己燒。Tips: 盡量燒肥肉果邊！雖然我都有fail左，不過切左個邊邊依然好食。呢款叉燒肥肉多啲，食落好滑。因為燒左肥肉，所以入口唔會好肥。心太軟配3.6牛乳雪糕 $68心太軟上枱嘅時候仲係熱㗎，平時都係配雲呢拿雪糕多，今次配嘅係牛乳雪糕。心太軟配牛乳雪糕，兩個嘅味道都好濃，有朱古力味又有牛奶味凍藍莓蘆薈綠茶 食完油膩嘅嘢飲番啖茶就好清新啦。蘆薈同藍莓好襯，有少少似利賓納味，但又好有咬口。烏龍芝士奶蓋芝士奶蓋入口綿綿嘅，味道偏濃，但係勝在茶底夠清新，飲落一啲都唔會濟。整體其實好多嘢我都覺得好特別，可以試吓自

海之戀商場越開越多食肆，今晚去了三樓這家"鼎家喜筷", 是鼎爺李家鼎，以獨門秘方做燒味的中價餐廳，無論外賣或堂食都很多人光顧，而且有個玩味水吧叫"Ding Lee", 香港人看了就識笑，感覺很有香港特色。喜歡餐廳樓底高之餘，還利用天花做了店名和Q版鼎爺logo裝飾，令餐廳很有活力，就算年輕人也來光顧吃燒味飯，原來餐廳是以西餐的方式吃燒味飯，真特別！先來飲品，各種飲品都可以不同的價錢配套餐，這樣就更抵飲。見到有芝士茗茶系列，即是芝士奶蓋，就試試鐵觀音奶蓋，意想不到的好飲！比有名的天x茗茶更好味！鐵觀音茶底非常清香，奶蓋芝士味不會太濃，反而奶味更為突出，與鐵觀音混和後就是清香得不得了的奶茶，然而芝士味又不會太濃蓋過茶香，那種清新而富有層次感的餘韻悠長，是我意料之外的好喝，滿分推介！柚子乳酸沙冰，大大杯的沙冰很澎湃，賣相也很漂亮，這是一杯有益力多乳酸味，再配柚子蜜味的消暑飲品，最近天氣回南，逛到熱了喝這杯沙冰最適合。喜歡乳酸味道適中，配上柚子蜜酸酸甜甜，喝完喉嚨很舒適，不會覺得膩，連男士也喜歡。看餐牌，這裏竟然有原隻火焰燒鵝髀$148，用火爐上的，難得與朋友一起，就點一隻試試吧！職員介紹說，

李家鼎，我細細個就聽過呢個名啦。最有印象唔係因為佢煮飯好食，原因係以前聽電台艾粒嘅節目萬世巨星，有個角色叫「凍加力鼎」，而佢地都有講解返角色設定靈感來自李家鼎先生。自從睇過鼎爺嘅煮食節目，令我大開眼界，原來平時喺身邊嘅人都有機會係卧虎藏龍身懷絕技。而今次拜訪用佢做生招牌嘅餐廳，未食已經加咗分，令我滿心期待。餐廳位於荃灣海之戀商場，地方聽落有點兒隔涉但其實交通方便，而且好多新餐廳都會喺荃灣開店試水溫，所以就造就咗今時今日食肆林立嘅景況。一上完扶手梯最頂層轉右就見到，一見到卡通版鼎爺就知冇去錯地方，餐廳光猛開揚而且睇得出有落過功夫用心設計裝修同菜單。鼎家柑橘燒鵝孖寶飯燒味飯俾人嘅感覺就係千篇一律，只要燒味部分做得好就足夠。而作為餐廳嘅推介item，就一於試試。燒鵝作先鋒主打，而另外一款燒味選擇咗切雞胸。切雞方面正常發揮，值得一讚嘅係燒鵝非常高質，表皮燒得薄脆，肉質鮮嫩而且Juicy， 酸梅醬取而代之嘅係獨家秘製嘅柑橘醬，口感比起酸梅醬更清新。啖啖果香伴隨香濃嘅燒鵝肉汁層次感十足！招牌溫泉蛋四寶飯四寶飯配鹹蛋就聽得多，溫泉蛋燒味飯就真係第一次聽。燒腩仔，燒鵝同叉燒呢個組個絕對冇得輸。燒鵝皮薄

難得放假相約朋友到荃灣海之戀商場行街，順道食個午飯，經過這間位於商場3樓鼎家嘉筷餐廳門外，看餐牌上的燒鵝非常吸引及這裏的環境不錯，就入去試下原條金牌靚叉燒飯 叉燒賣相巳經滿分，色澤亮麗，肥瘦均勻，咬落不黏口，肉質嫩骨，很美味，白飯加入醬汁更加提升飯的味道火焰原隻燒鵝髀主角出場，店員會取出一個火爐，客人可以自行把燒鵝髀放在火爐烤一陣，熱辣辣香噴噴，好香和好脆而且一咬開更有份油香，但又不會過膩，肉嫩唔韌，不用任何醬汁已經好入味涼拌麻辣蒜香手撕貴妃雞撈丁這個撈丁微辣，蒜香很惹味，雞肉肉質鮮嫩，麵底軟硬度適中，食起來多汁不會太乾身鮮果窩夫配5.0牛奶雪糕這個窩夫上枱時擺盤已經很吸引，切開外皮香脆，香噴噴，配搭軟滑牛奶雪糕，好食到停不了口田園水果茶肉眼已經看到色彩繽紛不同種類的水果，可以按照個人喜好加入蜜糖的份量，甜甜地清新又開胃

早幾日睇左份週刊，介紹荃灣好去處，當中提到「OP Mall 海之戀商場」，原來入面有好多值得一逛的店舖。講起上嚟其實都覺得自己好大鄉里，個商場開左咁耐，一直未嚟過。見今日有人話自己得閒，可以陪我過去行下，即刻攞左半日假，一於先吃午飯，然後再去 Shopping。在場內行了一圈，有人即刻睇中左呢間由藝人李家鼎 (鼎爺) 所開設的食肆「鼎家喜筷」。餐廳走年輕人路線，店內外都有唔少鼎爺嘅 Q 版肖像，滿佈不同角落，樣子和藹可親，令人留下深刻的印象。先看餐牌，食物以大眾化的港式燒味為主，另外亦有點心、小食、鍋飯定食、足料靚湯、茶飲及甜品等供應。我哋點左火焰黑豚腩叉燒、兩個燒味飯 同 一客甜品，每個燒味飯都會配沙律同指定熱飲一杯。沙律用料新鮮，內有車厘茄、粟米粒和沙律菜，配上胡麻醬汁，清新開胃。先吃原隻柑橘燒鵝髀飯 ($128)，燒鵝採用鮮橙、檸檬和青檸等新鮮水果醃製，鮮果嘅果香完全滲入鵝肉中。鵝肉食落好鬆化，肉嫩又不過肥，而且入口完全無鵝羶味。吃時可先沾少許以鮮橙熬製嘅鼎家手工柑橘醬，入口充滿果香，清而不膩。至於另一碟男人終極浪漫原條燒腩飯 ($99) 亦很值得一試。腩仔原條上，外皮十分香脆，

海之戀上年開幕之後，雖然都有嚟過幾次，不過都未試過商場內的餐廳，今日放假，做完運動4點幾，就嚟食個EARLY DINNER。我鍾意食燒味，如果燒味唔會令我變肥，我願意日日食，哈哈～因為時間尚早，所以去到就有位。先量體溫，填妥到訪記錄表格後，就被職員帶入位。餐廳裝修有別於傳統食燒味嘅餐廳，地方闊落、採用木系和全白色系簡約風格，令整個感覺都年輕。餐廳的窗望到汴傍，將自然光採入，予人一種更和諧舒適的感覺。話明係新派燒味餐廳，從餐牌設計和食物款式上可見一斑。除了單拼或雙拼燒味飯外，令人意想不到是甜品，還要是西式甜品。而燒味也不只是配上白飯，更鮮有創意地配上夾饃，十分特別；餐廳右邊仲有飲品部同雪糕站，的確有別於平時嘅燒味餐廳。餐廳招牌係燒鵝，無理由唔點；另外我自己本身鍾意食叉燒，朋友想試麻辣撈丁，甜品寫明製作需時，我諗應該係即叫即整，一於試埋，就點多個窩夫，每人一杯飲品。呢餐食完，真係好飽～好彩當日喺屋企只係食咗 EARLY LUNCH～ 我哋叫咗原隻柑橘燒鵝脾飯、火焰黑豚腩叉燒、麻辣蒜香涼拌手撕貴妃雞撈丁、鮮果窩夫配5.0牛奶雪糕、熱黑芝麻奶茶及烏龍芝士奶蓋。原隻柑橘燒鵝髀飯　$128燒鵝髀飯

好少打食評，但食完真係好想出Post今晚唔知食咩好，打開OpenRice見到呢間餐廳新開評分咁好，又近近地就試下平日晚上七點去到，開頭仲驚冇位，去到得一檯客食緊。第一次食，見佢應該燒味出名，晚餐menu有叉油雞飯 $82 就是下，老公就叫咗「特濃栗米汁炸魚柳飯」$70 因為佢有個👍🏻招牌菜Logo叉油雞飯先到，都幾精緻但送比較少。先試下個飯，夠熱，但硬到爆炸！要𡁻先食到！叉燒幾好食，唔肥但鬆軟。油雞冇骨，皮都入味都唔錯。但叉油雞飯呢個價... 個人覺得唔太值之後栗米炸魚飯黎到，第一個反應係嘩... 咁似大x樂 大x活 早餐果隻魚嘅！ 應該係即炸，但真係難食，冇味、簿... 如果係$3x 早餐都算... 再試下個所謂’特濃栗米汁‘ ， 一係D一聲 ， 基本咸味/栗米味都冇唔好講話咩特濃， 仲要話係招牌！ 可以話係難食形容！晚餐跟野飲，一杯熱杏相 一杯熱華田， 冇諗過即沖野飲都可以咁難飲，華田落少粉搞到勁淡可能唔係食佢真正招牌燒鵝吧，總括黎講覺得浪費咗一餐quota 唔會再去

嘩啦啦！放工啦，約會友人一起吃飯食乜嘢好呢，6:30 荃灣西 出口等，我哋見面了第一次來海之戀商場，逛逛 周圍八卦一下，大發現 😀鼎爺 Ding Lee「鼎家喜🥢 」明星效應餐廳裝潢好cutie , 特別是天花板上的設計🤗搞😄笑，環境都ok原隻柑橘燒鵝髀飯 $128大大隻鵝髀，啖啖肉，皮薄夠脆，香口特別啲，點柑橘醬，有新鮮感，橙味原條靚叉飯 $98整條叉燒上，自行切開，慢慢品嚐，瘦瘦 肉質嫩，甜蜜滋味沙律菜 跟日式芝麻醬，爽脆清新，健康美食,脆香蜜糖吐可配合5.9牛奶雪糕杯 $62夠份量，高高，里面軟綿綿，甜甜哋，似咖央醬，配香滑牛奶雪糕一齊食，口感不錯飲品來杯 田園芳香芝士奶蓋 $28爽、香滑、茶味香

After we finished work, my wife and I planned to have dinner at OP Mall since we were around that area. We heard that there is a Chinese restaurant opened by chef celebrity Ding Lee and wanted to try it badly. It was located at OP Mall, just above Tsuen Wan West MTR.Their menu was comprehensive, offering a wide range of Cantonese dishes such as siu mei, snacks, rice or noodles, desserts and drinks etc. Their decor was bright and layout was spacious, able to accommodate several customers. Oolong