鬼金棒

营业中

休息中

樣樣配料都想試就揀左中辣中麻既特製麻辣味噌拉麵🍜 咁就可以一次過試哂味玉、炒豆芽菜、玉米筍，仲有兩舊大叉燒~ 佢地既麵係中粗麵，掛湯能力唔錯~ 中辣中麻食落似譚仔5小🌶 辣得黎幾香，幾開胃~ 朋友要左高辣高麻炒豆芽菜辣麻味噌拉麵🍜因為呢款拉麵本身無味玉，所以特登加左一隻🥚炒豆芽菜堆到成座小山咁💕 麻油味好香，爽脆多汁，同拉麵一齊食口感豐富之餘，仲可以中和辣度🌶 雖然要左高辣高麻，不過佢地唔係死辣，辣得黎都食到湯底既味道~ 所以如果想挑戰下自己就要加錢試鬼增辣同鬼增麻🌶🌶🌶另外叫左一客增量玉米筍，估唔到$30有咁大碗，粗略估計都有成30條，好抵食🤣 睇得出有輕輕烤過，調味恰好，口感爽脆~要讚下店員好細心，一坐低就畀左即棄圍裙，就算著左白色衫去食拉麵都唔驚啦💕

鬼金棒向來以辣麻味噌湯頭作招徠，混合了豬骨雞骨湯、鰹魚湯、味噌及以多款辣椒等材料製作而成既湯頭，入口濃厚香醇，濃而不膩。入口會先嘗到辣味，隨之而來是陣陣麻香，滿腔既麻，香，辣三重感受，深得愛辣人士歡心。每次到訪都會點特製辣麻味噌拉麵 (HKD120)，湯頭辣度共有5種級別，最辣的等級是「鬼增辣」，需要另加 HKD15，麵條較為粗身，煙韌富嚼勁。原來他們推出了沾麵，辣麻味噌沾麵 (HKD100) 的麵條更為爽彈，有陣陣小麥香氣，掛湯力十足，兩者比較下，個人更喜歡沾麵版本。- 肉飯 (HKD45)

又到星期一， 又係要對自己好d嘅時間， 唔係成個星期點頂。 同事話想去銅鑼灣鬼金棒食拉麵， 咁我當然非常樂意啦。是日午餐增量义燒辣麻味噌拉麵特製麻辣味噌麵增量义燒辣麻味噌拉麵， 拉麵底唔似平時食開果d, 佢地用嘅係扁麵， 有d似伊麵咁， 麵身較軟， 感覺幾特別。 湯底好濃， 香麻辣樣樣俱全。 超肥大厚身嘅义燒好軟好林， 好似東坡肉咁款， 好好食， 非常入味。特製麻辣味噌麵， 呢款特製麻辣同我果款嘅辣又唔同味， 較為清d, 無麻辣果款d辣味咁濃， 個人覺得合女生食。

呢間係來自東京嘅過江龍辣麻拉麵店🍜佢可以自由配搭唔同嘅「麻」「辣」 程度🌶唔食得辣嘅都可以試「走辣小麻」😉 而且餐廳好貼心，有附送一次性即棄圍裙， 就唔怕彈到自己件衫😝【玉米筍辣麻味噌拉麵】$100我唔係好食得辣，所以叫咗無辣小麻😉 湯底好濃郁，食得出有少少麻， 好易入口，啱晒啲唔食得辣嘅人😋 而且佢都有成八九條玉米筍同埋一舊厚切嘅叉燒，好正 😆【芫荽辣麻味噌拉麵】$110朋友好鍾意食芫荽，所以試左芫荽拉麵，芫荽嘅份量都好多，而且食落去每一啖都有芫荽味， 佢食到少少辣，所以叫咗小辣小麻， 佢覺得有少少辣嘅湯底更加有層次😆【增量叉燒】$35呢個叉燒真係超好食🤩 本身我係唔鍾意食肥膏嘅人，但係呢個叉燒啲脂肪係入口即溶，口感超好， 而且好入味😋厚切叉燒嘅份量都好大， 好巨型， 食完超級滿足😆【Coke Zero】$15

前一排唔知點解轉左口味鐘意左食面咁，同好朋友去開街都係想食面類多，講到面呢我自己都係鐘意日式拉面多些，不過通常來講正宗既日本拉面湯底係好濃味既，我係香港就比較小食到個隻味道，大多數都係味精重重既湯底多，不過今次食呢間拉麵店就俾我遇番個種熟悉的味道。呢間店外的門面都係好似日本拉麵店門面一樣，店內的裝修係採用開放式既，係用手機落單，我一落單個拉麵師傅就係我面前開始煮，都係一種視覺享受黎~而且拉麵嘅味道可以揀辣度同麻度，比普通嘅豬骨湯，味噌湯底比較多層次，有辣有麻，拉麵質地都算Q彈。大肉飯真係大大嚿叉燒，好正。另外，呢度配套上都幾貼心，準備埋圍裙，我着住白色衫，一啲都唔驚D汁會彈到件衫。只不過下次再黎要預多些時間，因為有機會排隊，哈哈~

今日嚟咗銅鑼灣試麻辣口味嘅拉麵餐廳唔算好闊落 就係世貿對面味道黎講都算幾特別出面好少食到辣嘅拉麵味玉辣麻味噌拉麵(小辣小麻) $100 + 增量叉燒 $35拉麵附有味玉和一塊細既厚切叉燒由於我叫咗增量叉燒 足足多咗一舊巨型嘅叉燒叉燒煮得好軟熟 醃得非常之入味而個味玉煮得岩岩好你可以見到切開個蛋黃仲係流心增量叉燒辣麻味噌拉麵(走辣麻) $115 + 味玉 $15增量叉燒拉麵既叉燒份量當然係大大塊由於我朋友唔食辣嘅 所以佢就叫咗一碗原味依碗拉麵由於唔辣 神奇地 碗拉麵竟然食得出一陣鑊氣嘅味道😆😆我諗因為師傅將炒過嘅芽菜鋪滿拉麵頂所以食落既有鑊氣 又有啲似食緊中華拉麵湯底亦都十分香 滿滿生蒜、蔥花同芽菜

呢間拉麵店啱晒啲鍾意食麻辣嘅人，唔食辣嘅亦都可以齋叫麻，好似我咁🤭🍜味玉辣麻味噌拉麵 $100｜味玉🤭+$15呢碗叫咗小麻，入口帶有微微嘅麻味，湯底濃郁，拉麵粗身入味又彈牙，餸方面有味玉、玉米筍🌽叉燒….佢嘅味玉真係超正，蛋黃橙橙黃黃超流心🤩所以我再追加多一隻🤭🍜增量叉燒x2 辣麻味噌拉麵 $135-小辣-無麻- 味玉 +$15叉燒真係超級大件🤭叫咗增量有兩大嚿😌啲肉厚身又夠腍，本身呢碗冇跟味玉，咁好食當然要追加一粒啦🤭湯底同樣都係超級濃郁，拉麵份量亦都唔少，食完真係超滿足😌-可樂$15-雪碧$15

香港有好多過江龍拉麵🍜又中意食辣又中意食芫荽既你, 而間鬼金棒就鬼咁岩你啦😝🍜芫荽辣麻味噌拉麵 $110 (+$35 增量叉燒)作為芫荽控既我, 梗係要叫芫荽拉麵啦🤣芫荽份量都足, 湯底濃郁而且掛汁所以每一條麵都食到滿滿既芫荽🍀慢煮厚切叉燒雖然好厚但炆得好入味加$35仲有多一塊, 都唔錯既~760小姐叫左少辣少麻🌶平時食開譚仔麻辣三少, 但都覺得唔夠麻唔夠辣, 唔夠刺激🤪🍜味玉辣麻味噌拉麵 $100味玉即係流心蛋, 採用日本蛋, 特別香🥚一咬開d橙色蛋汁就流曬出來 超正🤏🏻麵質彈牙, 唔會一夾就散, 而且掛汁, 都ok☺️聽聞鬼增辣同麻都好鬼辣同好鬼麻760小姐就食唔到啦🤣🤣中意食辣既朋友可以挑戰下~~評分: 🍀🍀🍀

因為疫情所以好少出街食飯, 對上一次嚟鬼金棒已經係成年前嘅事 ... 今晚出街食特登過嚟 !! 😁😁味玉辣麻味噌拉麵 ($100) 每次嚟都必食呢個 ! 一上菜已經聞到麻辣湯底嘅味, 我揀咗小麻小辣, 麵質係偏粗同扁身, 有口感之餘亦掛湯 👍 佢哋嘅溏心蛋一樣出色 , 蛋黃呈深橙紅色 😳😳  流心程度掌握得好好, 見到都想食多一隻 ~ 叉燒唔好睇佢得一嚿, 因為厚切, 其實都好夠飽, 豬嘅脂肪已經煮到入口即溶, 又唔油膩, 肉質輕輕咬開即可 😁 不過, 我覺得成個拉麵嘅重點都係佢嘅麻辣湯底 ~~ 麻同辣平衡得啱啱好, 唔會偏咸 ! 芫茜辣麻味噌拉麵 ($110)一嚟到真係成碗都係芫茜呀 !  😱😱😱 絕對交足貨 ! 重口味人士必選 !! 配料大致一樣 ~ 拉麵店的拉麵有日本質素, 連服務都一樣到位 , 餐枱上有水, 紙巾, 調味料, 牙籤等等, 仲好貼心準備埋圍巾, 可以盡情啜拉麵 😆😆 店員見我哋一袋二袋仲即時遞上掛鉤 , 非常細心 😌😌見到掛勾上嘅圖案絕對會會心微笑 整體嚟講, 價錢合理, 服務貼心, 推介大家黎試下佢哋嘅麻辣湯底, 獨一無二, 唔係周圍有得食㗎 !! 🤗🤗

【Background】「鬼金棒」係日本東京有死神拉麵之稱😈先後尖沙咀及銅鑼灣插旗，一直都好受大家歡迎，更成為OPENRICE最優秀開飯熱店之一😆拉麵款式不多，但樣樣都係超高質🥰主打重口味味噌拉麵，每款味道，份量，口感都拿捏得恰到好處,😍各有千秋，值得一再ENCORE!────────────────────【餐牌】【特製麻辣味噌拉麵 $135】超過四種味噌所調配而成既特濃湯頭，味道濃醇而不膩，後勁香辣，愈食愈惹味，拉麵略粗，口感煙韌更能掛到濃湯😍隨拌住Q彈濃稠既溏心蛋，清脆炒芽菜及軟嫩入味既豬腩肉，整體配合得好MATCH😍.【炒豆芽菜辣麻味噌拉麵 $115】除左招牌豬腩肉，炒芽菜都條我既至愛，更追加多份，搖身一變成JUMBO版炒芽菜😘用油，蔥，薑爆炒豆芽菜，咬落「擦擦」聲，輕脆又有鑊氣😎配上完美濃香味噌湯拉麵底，整體口感更豐富，亦更有層次感❤️.【可樂 ZERO $15/罐】

🔺鬼金棒 (銅鑼灣)呢間可以話係銅鑼灣cp 值較高既其中一間拉麵店，銅鑼灣選擇雖然多，但好食既真係冇乜得揀，呢間都算係我既首選拉麵店～🔻特製辣麻味噌拉麵 ($120)今次叫阻少辣少麻，追求辣味既朋友仔呢到有個鬼增辣，呢個入面每樣餸都有d,有味玉，食落係入晒味既流心蛋，有玉米筍，好嫩好爽脆，仲有2片叉燒，另外再加阻$35,多一舊大叉燒，因為呢到既叉燒係超級正，肥瘦相隔入口即溶，入味又juice👍🏻👍🏻🔻增量叉燒辣麻味噌拉麵（$115)呢碗揀阻無辣無麻，同埋走阻d 配菜，所以望落清d, 不過個湯底方面都係好濃郁既，麵條方面較粗身同彈牙，食晒成碗好飽肚好滿足～

呢間日本拉麵我又來食其他口味的拉麵🍜今次食完唔同的拉麵後都keep 住水準🤣成個裝修都係以紅黑色設計，牆上都掛左好多鬼怪小飾物👹！如果選擇坐高台都可以隔著玻璃睇到拉麵師傅煮拉麵，當炒起菜/配料/玉米筍🌽/香料，成間小店都充滿辣香麻味道！口水直流🤣辣麻肉碎拌麵(小辣）叫左一款小辣碎肉伴拉麵🍜，依然都係拉麵底，配上增量肉碎，香香辣辣肉碎散落全碗拉麵🍜，配上玉米筍，青瓜絲！配上濃濃日式醬料，口感超然好吃！辣麻味噌沾麵（小辣）第一次響呢間拉麵鋪食沾麵，都意料之外相當出眾，麵質煙煙韌韌，有彈牙口感，其他配料玉米筍及芽菜都加分，仲有最肥美，油香滿瀉大大叉燒，滿足💮增量玉米筍小店好貼心，為顧客提供圍裙，以免湯汁滴落衫面💯

📍鬼金棒Kikanbo(銅鑼灣)☕️最近天氣經常落雨打風 襯住落波之後拿拿聲出去買野掃貨隨便食個飯🤪順便想試一間好耐無食既拉麵 佢就係鬼金棒~以前去台北一落機就會去食呢間拉麵 反而佢係香港開業一直無去試到~今次終於達成心願☺️去到餐廳大約1點鐘左右 見門口無人排隊以為無乜食客 點知入到去得返兩張吉枱😨裝修風格係走日式浮世繪風 牆上既般若面具彷彿暗示緊佢哋嘅辣係非同小可🫢🫢⭐️辣麻味噌沾麵(走辣走麻)由於深受扁桃腺發炎之苦😢惟有叫個走辣版既沾麵試試 麵條熟度軟硬適中 師傅淥麵既時間岩岩好 唔會令麵條太過軟淋無彈性 沾麵湯係傳統比較濃味既味噌 伴有爽口既玉米筍 芽菜 上面再加上小小蔥花 整體配搭融洽 層次豐富😋沾麵配搭住兩舊叉燒 鬼金棒既叉燒並非傳統既薄切 而係用類似燉五花腩既做法將叉燒做成厚切 入口叉燒肉味濃郁 口飽非常咁飽滿😳佢地既叉燒肥瘦適中 輕輕用牙一咬成舊肉已經係口入面化開 一個字 勁🫣⭐ 玉玉辣麻味噌拉麵(走辣小麻)另一碗拉麵我地都係試左味噌 唔同既係呢碗order左小麻 湯底散發住淡淡既麻香味🥣 入口小麻好順口唔會覺得搶喉 而跟麵既流心蛋蛋味濃郁 蛋漿同麵條既搭配相輔相成 同煙靭嘅

是日去YMCA上完堂, lunch唔知食咩好~ 又唔想食咁頹…我家大肥話好耐冇食拉麵啵~ 數數手指, 又真係成年冇食拉麵了!於是我地就去左食呢間日本辣麻拉麵過江龍鬼金棒 (潮聖mode) 上網見D朋友仔勁推增量叉燒! 因為睇相D叉燒真係好厚切! 睇到我流晒口水! 因為我最近胃唔係幾好, 怕受唔到太辣, 所以今次試下原味唔加麻辣先!呢度有得揀唔辣又幾好, 就算有人唔食得辣, 但同行有人係麻辣愛好者(呢度仲有25款辣麻度可選)都可以一齊來食!增量叉燒X2 辣麻味噌拉麵 走麻走辣 ($135) (+味玉$15)  姐姐一遞碗麵上枱, 我即刻「嘩」左一聲! 舊叉燒真係好__大舊!!! 真身比睇相好似仲誇張添!!以為佢咁厚切可能點都會有D鞋/韌, 點知又幾軟腍身, 都易咬散, 唔錯!!!件叉燒似係五花腩肉, 油脂同肉比例平均, 食落口感是豐富的~ (雖然很邪惡)而湯頭都好濃郁下, 好香蒜味, 雖然重口味, 但食完都唔會覺得非常口渴, 值得一讚我個人都幾喜歡佢地嘅麵質, 粗幼適中得來帶點煙韌加粒味玉雖然有點貴 (要加$15), 但見到個溏心黃係靚靚橙黃色, 就覺得值得芫茜辣麻味噌拉麵 少麻少辣 (

聽過好多人介紹呢間麻辣拉麵，總係覺得日式拉麵同麻辣唔係好夾，見諗唔到食咩不如就試下啦🍜店舖暗黑，掛滿左日本鬼怪嘅裝飾，好有神秘感。坐正吧枱睇住師傅仔淥麵煮湯同炒芽菜，起晒火咁，超有鑊氣。我叫呢碗炒芽菜拉麵，啲芽菜山咁高，而且好香焦香味，好夠爽口唔會炒到林晒。我叫左少麻少辣，可以叫中麻中辣，味道就更突出，叉燒肉得一舊，不過都好大舊下，好入味好林😋😋美中不足係嗰條燒到好香嘅玉米筍好明顯係先焯熟再拎去燒，因為玉米筍外面焦香但裏面好林同軟。男朋友就叫左碗特製拉麵中麻中辣，有一隻蛋同2件叉燒，好大碗。食物質素不錯，但門口姐姐態度好似做緊茶記咁，明明無人排隊，有客係櫃台埋緊單，我地一入去佢就喝令我地出返門外等，然後叫我地入去吧枱坐時無講明，我地坐低左又叫我地起身坐過一格….我以為自己去左茶記囉😮‍💨