166
16
2
港铁铜锣湾站 D4 出口, 步行约2分钟 继续阅读
所有分店 (2)
电话号码
24813383
开饭介绍
来自东京的过江龙辣麻拉面店,店内装修以日本神怪为主题。店内共有25种配搭的麻辣拉面选择。辣度及麻度则分成5个级别,由(白碗)不辣、小辣、中辣、(红碗)高级辣到(黑碗)鬼增辣。 继续阅读
营业时间
今日营业
11:00 - 00:00
星期一至日
11:00 - 00:00
付款方式
Visa Master AlipayHK 支付宝 现金 美国运通 银联 Apple Pay Google Pay 微信支付
其他资料
当面支付
食记 (190)
等级4 2020-05-13
155 浏览
之前喺尖沙咀见到呢间拉面已经想试今日嚟到铜锣湾分店就一於试下佢!门口同店内嘅装修一致到处都见到有「鬼金棒」~原来所谓嘅鬼金棒意思系鬼加上狼牙棒,有如虎添翼嘅意思!先扫QR Code用手机点餐~呢度最出名系食麻辣味噌拉面~我哋分别叫咗「味玉」同埋「增量叉烧」麻辣味噌拉面唔系好食得辣嘅我叫咗小辣小麻个人觉得可以再试试个中辣~*识得辣嘅朋友不妨试下「鬼增」级,相信会辣得好过瘾哈哈*「味玉辣麻味噌拉面 $100 + 芽菜 $15」「增量叉烧辣麻味噌拉面 $115 + 味玉 $15」食拉面前习惯先饮啖汤浓郁味噌味,麻同辣都几出色面质有啲似拉面加乌冬,口感不错「增量叉烧」超大旧虽然咁大旧,但煮得好腍,入晒味同埋中间有痴住d肥膏,基本上入口即溶「味玉」都非常出色,系我喜欢嘅生熟度*建议大家食得晒先好嗌小食,对女仔来讲食完一碗都好饱啦哈哈*总括而言,味噌汤底系我最爱嘅拉面汤底之一而且味道较浓,正合我意必定再次光顾! 继续阅读
(以上食记乃用户个人意见 , 并不代表OpenRice之观点。)
等级4 2020-04-26
445 浏览
今晚系铜锣湾冇咩idea想食咩餐,行到世贸附近谂起有间东京开到香港既拉面店,又有老公锺意既赤味噌汤底,咁就决定入去开餐。最吸睛位必数拉面店之玻璃有一对吓煞既鬼怪门神画像及巨型狼牙棒,店内充满暗黑既场景,配合强劲既击鼓节拍音乐,以至各式奇幻神怪既面谱,很切合鬼金棒店名之意念!手机扫QR code落单简易便捷,先点击主面食款式选项後,店家可依照自己对麻跟辣的个人喜好程度调配出多达25个组合变化,真系食多几次都唔会觉得闷,仲可以玩越级挑战!听闻鬼增辣系非一般既极辣味觉层次,第一次食都系黎个稳阵型既中麻中辣配搭。先披好店家供应既围巾,店员很快就捧着一个白色面碗到台上,内里满载着浓郁既橙红色汤汁,睇落唔似系小儿科既挑战。食後翻查一下更高级别既辣度所用的面碗颜色亦都大不同,有红及黑碗之别,不过都系由低级食起先比拼到辣既不同境界。食拉面前首先趁热饮啖辣汤热身下,匙羹内的汤汁隐隐散发着辣味及泛起油花效果,喝下一刻比想像中较易入口,温文辣之中带点麻乐,後续既蒜香气味突出。面条质感弹牙有适度韧性,挂汁能力相当不俗,用筷子端起一撮时,足量既汤汁依附在面条外层缓缓地倒流,伴随葱花香蒜及面管内既热力,每口面都俾人有一种持续性既色香味多重享受。大大旧既叉烧肉系另一亮点,咬落肉嫩鲜滑且内层吸附汤汁令味道更浓口。薄薄既脂肪同样吸收左辣椒油既精华,油光十足之余口感也来得软绵有脂香。食拉面不离糖心蛋,原只涨卜卜半趟在汤面之上,破开嫩滑既蛋白表面,内里既蛋黄汁依然呈现流心状态,入口鲜极得欲罢不能,有点冲动想追加一只满足下! 最後加多个叉烧饭,叉烧同样嫩滑,卤汁渗入日本米饭中口感Q弹入味加香葱更特别开胃! 继续阅读
(以上食记乃用户个人意见 , 并不代表OpenRice之观点。)
等级4 2020-04-20
301 浏览
鼎鼎大名嘅「鬼金捧」上次食完後,到依家都仲系念念不忘🙈果然,高质野果然系食极吾厌架😂.打卡指数:🌕🌕🌕🌕以「日本鬼」作为蓝图去设计系大门口就摆放左一个巨型「鬼棒」搭入室内,右手边系开放厨房左手边系二至四人枱,仲有d 座吧枱.款式指数:🌕🌕🌕🌗以款式数量黎讲,就吾算好多只有八款拉面最近仲新出左一款拌面~.🔸特制麻辣味噌拉面 $120美味指数:🌕🌕🌕🌕🌕作为一个无辣不欢嘅爱好者😂想挑战下佢个特制麻辣,究竟有几辣😋辣同麻Balance得好好吾会抢左是旦一方嘅味道辣中带点点麻更惹味之余,又可调出汤头嘅浓香而拉面系较粗身款,食落烟韧弹牙条条都沾满浓汤,食落好juicy😎.🔸增量叉烧麻辣味噌拉面 $115美味指数:🌕🌕🌕🌕🌕如果你食过「鬼金棒」嘅叉烧一定会爱上!而食呢款增量版先会够满足😎增量版嘅叉烧又真系几大块😂目测有4cm 嘅阔度架!叉烧肉柔韧且甜香,入口即化相信系经过长时间嘅慢火炆煮而成汤头嘅秘制酱料同日本直送再加上8个钟嘅熬煮,所以浓稠度好高就算食到最尾都吾会有一分油腻感👍最令人surprise 嘅仲有芽菜食落非常爽口爽脆,口感丰富😋.PS. 入门前要度体温架,大家都安心d仲会准备埋一次性火锅围裙~ 继续阅读
(以上食记乃用户个人意见 , 并不代表OpenRice之观点。)
日本人气辣麻拉面店「鬼金棒」黎左香港啦淘小姐去过日本好多次但又真系未食过又辣又麻既拉面唔试下唔得啦~来自东京既鬼金棒原来系日本长期大排长龙佢地以混合多款辣椒既味噌汤底成名当中既「辣」来自唐辛子而「麻」就以葡萄山椒调整成店铺灯光较为神秘抬头望就会见到好多传统日式鬼怪面具同鬼怪吊饰入座後职员会递上一个QR code咁就可以慢慢拣野食鬼金棒味噌拉面既辣度同埋麻度可以自由选择唔食辣的话面可以都选择唔辣特制辣麻味噌拉面 $120我就拣左小辣小麻既汤底辣麻口味不太重微微点缀一下都几特别下次再食我会拣辣多一级有两旧厚厚既叉烧唔好以为好乾争争食落系好软腍肥瘦均匀好欣赏佢既配菜:芽菜同粟米芯条粟米芯系用酱汁烧过超好食个流心蛋都好食如果再入味D就好啦~增量叉烧X2辣麻味噌拉面 $135面就比较粗身索汤汁既能力好强~不麻不辣既汤头比较清但都几thick增量版系有双倍份量既叉烧食量大既朋友有福啦~ 继续阅读
(以上食记乃用户个人意见 , 并不代表OpenRice之观点。)
等级4 2020-04-16
156 浏览
这阵子减少了外出活动,趁今天要来铜锣湾入货, 办完正经事後,就相约老公一起去吃顿 early dinner。老公话想食拉面,在食评网找到这间开业不足一年的日本拉面店「鬼金棒」。据说店舖是挟着东京都内「长期人龙店」的美誉来港,以秘制味噌、猪骨、鸡骨、鱼鲜及多种蔬菜熬成的辣麻汤底驰名,虽然我俩都不太吃得辣,但也很想一试。面店位於谢斐道,店内地方不大,只有约 30 个座位,但装潢甚具气派,大门两侧饰以赤鬼、青鬼涂鸦及超巨大的鬼金棒模型;而店内则以黑色为主调,墙身挂满传统日式鬼怪面具、吊饰,在灯光照射下,散发诡秘气氛。餐厅采自助形式落单,客人只须扫一扫 QR Code,便可以即刻用电话点餐!拉面共有 8 款,而汤底则有 5 种麻度和 5 种辣度可供选择,从不麻不辣到鬼增级辣麻都有。我哋点左芫荽辣麻味噌拉面、增量叉烧x2 辣麻味噌拉面同两罐汽水。芫荽辣麻味噌拉面 ($110) (小辣小麻): 虽然知道这里嘅汤底是以「辣同麻」见称,不过由於我俩都是麻辣初哥,所以今次只系拣左少辣少麻。拉面以日本特制的白色陶瓷大碗奉上,面头满布嫩绿的芫荽,另外还配有玉米笋、芽菜同叉烧等,用料十足,视觉效果一流。先嚐一口味噌汤底,味道果然唔错,非常浓郁,香醇而不死咸,加上辣麻度亦恰好,很啱我口味。芫荽翠绿有光泽,入口香气逼人;而玉米笋亦相当可口,够晒鲜甜脆爽。另外面条水准亦不俗,不但质感够实在,而且咬落亦颇烟韧弹牙,同浓稠嘅味噌汤配合得天衣无缝。至於另一碗增量叉烧x2 辣麻味噌拉面 ($135)  就拣左无辣无麻,呷一口汤底,虽然无辣麻汤头咁惹味,但汤味亦浓香幽幽,可嚐到集合鸡、豚、鲣鱼、味噌等食材的浓郁鲜香,绝对系原汁原味。叫得做增量,叉烧当然唔嘢少,足足有 2 大件,而且焖得异常入味,入口软腍肥美,咸中带甜,啱晒爱吃肉嘅老公。食完拉面,见有人仍意犹未尽,决定叫多一碗肉饭 ($45)  大家一齐 Share。厚切的叉烧经多种香料慢火焖煮,肥瘦层次分明,又腍又入味,白饭香糯松软,再简简单单配上葱花,入口香而不腻,令人一吃爱上。 继续阅读
(以上食记乃用户个人意见 , 并不代表OpenRice之观点。)