鬼金棒

营业中

休息中

行開銅鑼灣食lunch, 諗起附近 鬼金棒 嘅麻辣味道, 心思思就去食拉麵！呢度嘅日本鬼怪佈置, 的確令人印象深刻！芫茜辣麻味噌拉麵芫荽拉麵喺一大特色, 新鮮清爽, 芫茜控一定要試下！麻辣程度可以自行選擇, 加入傳統味噌湯底, 味道濃烈得嚟又不失幼滑！增量叉燒辣麻味噌拉麵叉燒係主角, 好大塊多肉汁, 一層肥肉一層瘦肉, 炆得淋身入味, 嫩滑軟綿綿, 油脂甘香！肉飯想食飯嘅就有肉碎飯、肉飯同大肉飯, 由35至55蚊, 分別係叉燒份量唔同！點咗個肉飯, 叉燒肉汁滲透白飯, 食落特別有滿足感！

一入到嚟感覺好特別，因為呢間日本拉麵店裝修走鬼怪風格，好多日本妖怪面具係牆到，氣氛偏向陰沉。平時食拉麵可以揀麵嘅辣度好平常，第一次連麻度都可以選擇埋，好特別！麻同辣度都有分無，小，中，大，鬼增這五個選擇。聽講鬼增(需要額外加錢）係愛辣者嘅喜好，我同男朋友都驚太辣而揀咗小辣小麻男朋友選擇咗味玉辣麻味噌拉麵，湯底非常濃郁，真的有麻香的味道，麵條厚身有口感，係我比較鍾意嘅麵質糖心蛋非常流心！叉燒方面係厚切叉燒，肥瘦分明，但亦都唔會感到非常油膩而我揀咗辣麻味噌沾麵，這個麵條偏向扁身，麵條可以卦哂啲湯汁，質感煙韌彈牙，配上芽菜同玉米筍，令口感層次更豐富，一口接一口好快食完，相信熱愛沾麵人士都會喜歡下次會再嚟食

陰陰森森，有好多鬼臉望住，還有打鼓轟轟聲音。唔講仲以為係去咗鬼屋添⋯⋯🤣原來係一間垃麵店。店內氣氛不錯，配合店的名字。炒豆芽菜辣麻味噌拉麵好喜歡呢度嘅湯底，飲後不會有口渴感。揀選小辣的湯底，惹味足以另我飲多幾口。炒過的豆芽菜更加爽脆。追加了芫茜，芫茜嘅香氣撲鼻而來，混合炒芽菜一齊食，口感豐富。麵條彎彎曲曲掛湯力強，又爽又彈。叉燒肉似磚塊，大大件，肉質軟熟，中間位置有少少脂肪，油香滿溢，入味十足。

大小M想知蕉媽鐘意食辣🔥嘢，晚飯必備一碟辣椒醬。MM爸以前唔食辣野，陪蕉媽食吓食吓而家都鐘意食辣，所以話食辣野係可以鍛煉返嚟🤣今日無意中喺銅鑼灣發現一間專門提供辣麻味道嘅日式拉麵餐廳。第一次見有辣麻拉麵專門店餐廳❤️‍🔥，嗜辣🔥嘅蕉媽當然要一試❣️店名叫「鬼金棒」，一入店內見到多個「鬼臉」，瞬間令蕉媽想起去日本別府溫泉區旅行經常見到的「鬼臉」，無得去日本旅行唯有先食日本🇯🇵拉麵頂住先！餐廳以手機自助落單，非常方便。拉麵有多款包括「特製麻辣味噌拉麵」、「辣麻味噌拉麵」、「味玉辣麻味噌拉麵」、「炒豆芽菜辣麻味噌拉麵」、「叉燒辣麻味噌拉麵」、「莞荽辣麻味噌拉麵」，價錢由$90-135不等。每款都可選辣度和麻度，喜歡挑戰自己嘅可以揀特級辣❣️我同MM爸分別揀左「莞荽辣麻味噌拉麵」和「增量叉燒辣麻味噌拉麵」。以及增量玉米筍，+$15有汽水，+35果味梳打。蕉媽鐘意不同香草🌿嘅味道，莞荽係其中之一，而且第一次見以「莞荽」作賣點嘅味噌拉麵，所以一試。MM爸揀嘅「增量叉燒辣麻味噌拉麵」就啱晒喜歡吃肉嘅男士，因為厚切叉燒嘅份量係蕉媽個碗嘅3倍😆（蕉媽個碗嘅叉燒都係厚切，不過冇咁長）。見到碗增量玉米荀，我同MM

鬼金棒☠鬼增辣麻拉麵超有名～⁡門面店內充滿日本feel，大大支狼牙棒，👺惡鬼面具，吧枱座位，自助斟水設施，可以一解鄉愁🇯🇵！⁡⁡🌶以「辣」「麻」為賣點的日本拉麵比較少有，而且仲可以自選辣度、麻度，真係貼心👍🏻！⁡⁡銅鑼灣分店位於世貿中心附近，位置方便，可以行完街來食。同朋友第一次試，便點兩款不同的特色拉麵😂～⁡鬼增辣度我就不敢挑戰了🙈⁡🌿芫荽辣麻味噌拉麵⁡小辣中麻+味玉🥚⁡🈵️芫荽山快滿蓋整碗拉麵，芫荽味清新😊～⁡湯底香醇小辣中麻初初食時，你會覺得小兒科，但之後辣味麻味會上升，係種令你有少少刺激而又唔會辛苦的辣麻😋～⁡麵條用上粗麵，煮得軟硬適中，有嚼勁👍🏻～我鐘意❤～⁡🥚味玉⁡溏心蛋蛋黃呈橙黃色😍，味道濃郁香滑，喺辣麻湯底中加添一種溫柔的味道～⁡🌽玉米筍辣麻味噌拉麵⁡小辣小麻+味玉+增量叉燒🍖🍖⁡原來日文中「金棒」🪄係玉米筍嘅意思。⁡玉米筍份量非常多，脆嫩清甜😋，同濃烈的麻辣湯底相輔相乘，有新意和驚喜🔥。⁡🍖增量級叉燒⁡用上肥美五花腩，入口軟腍厚身，真的肥而不膩，好邪惡!! 大大滿足口腹之慾😋😋！⁡⁡其實想試試大肉飯🤣，可惜一碗麵的份量已經很足夠，大肉飯要留返下次再挑戰😎⁡

🎈鬼金棒.疫情前曾拜訪留下好印象，今次再訪有點失望🍜炒豆芽菜辣麻味噌拉麵.味噌感濃厚，屬於重口味之選，略嫌過咸 / .油脂重，明顯有層油係面，雖然食得鬼金棒都係預咗，但都係過油啦🥲/.叉燒屬五花腩，一層肉一層肥，鐘意油脂感嘅必然鐘意但不是我味兒 /.麵質係最最最大問題，過粗而麵粉感重，有啲似上海式拉麵，唯一好處係掛湯 /.中辣大麻，但一啲麵唔辣唔麻，好唔過癮 / 本身係期待食到流埋鼻水加溏心蛋.極級推薦！！！用上蘭王日本蛋，蛋香重而入味 / 食10隻都可總括，一啲都唔過癮

以不同辣度拉麵出名，麻同辣都可自選來挑戰,真係怕麻都有清湯底架，不驚啲$130 增量叉燒拉麵，加溏心蛋。係厚好多的叉燒呀，增量是大一倍口感好rich 同脂肪入口即化,肉質軟腍。小麻小辣的湯底，是初心者挑選之起點，亦有唔辣架選項。湯上淨著豚脂，濃厚掛麵，麵是紮實有勁，是7-8成熟口感。配料簡單有芽菜（解辣）同蔥$100 味玉辣麻味蹭拉麵。飲得到味噌香，兩分味噌，唔會被辣味完全蓋過。溏心蛋個好橙，美味兼解辣。

開完會行過銅鑼灣世貿附近，比餐廳門口大大碌嘅狼牙棒吸引咗，即管睇吓食啲乜嘅先。原來係聽咗好耐嘅鬼金棒，佢係來自東京嘅過江龍辣麻拉麵店👏。講得辣麻拉麵店，當然係有辣度及麻度，而且每種都有有五個級別可以揀。一打開門見到入邊嘅裝修配合門口日本神怪主題，牆身同埋廚房玻璃前面都掛咗好多惡鬼相關嘅裝飾。思鄉咗咁耐，真係有啲似去咗日本👏。拉麵都有幾款配菜可以選擇，特製、味玉、炒豆芽菜、玉米筍、叉燒。今日好肚餓，我就揀咗增量叉燒x2，怕辣嘅我就揀咗不辣同小麻。🍜 增量叉燒x2辣麻味噌拉麵 (💰$135) 碗麵一嚟梗係要試下個湯先啦，不過嗰兩件叉燒真係好大塊，要撥開佢先😂。可以睇到味噌湯上面有一圈圈有花，證明呢碗麵夠晒新鮮。原汁原味嘅味噌湯夠晒香，亦都唔太油，鍾意辣嘅朋友都可以揀小辣去試吓，因為太辣嘅話有機會試唔到原本嘅風味。拉麵口感彈牙，亦都吸左啲湯嘅香味，入口感覺一流。叫得增量叉燒，真係非常之大塊同埋厚切，而且肥瘦剛剛好，唔使驚食咗成舊豬油糕入口。食完碗麵剩返少少湯，證明拉麵份量同湯嘅比例剛剛好。餐具亦都非常之有心思，有好靚嘅惡鬼圖案，配合餐廳主題😬如果可以買返屋企都唔錯。見到其他顧客有唔同顏色嘅碗

8月3日收工約左朋友係銅鑼灣食飯，朋友話想食拉麵，咁我哋就去咗鬼金棒食飯，閒日關係所以等左吾係耐就入得，入面裝修好有日式風格,感覺好令人掛住日本,而令我覺得窩心既佢地付上圍巾,我地分別叫左玉米筍辣麻味噌拉麵,增量叉燒辣麻味噌拉麵,肉碎飯三個主食！玉米筍咬落口好爽甜,湯底味道濃,配埋入口即溶嘅流心蛋,加埋有3cm厚嘅厚切叉燒,配埋爽口入味嘅拉麵根本就一種絕配,而另一款增量叉燒辣麻味噌拉麵,真係啱曬我呢個鍾意食日式叉燒嘅人,兩層肉一層脂肪嘅口感真係不得了入口即溶,加埋湯底有少少麻辣味增加咗唔少嘅食慾！最後介紹埋肉燥飯,珍珠米加埋肉燥,填埋我最後的空虛！

今日去開銅鑼灣，朋友話佢試過尖沙咀分店唔錯，又知我鐘意食辣，於是齊齊黎左銅鑼灣依間鬼金棒試拉麵!🔸️特製麻辣味噌拉麵（增量叉燒） $155- 貪心的人類以為拉麵店的叉燒份量好細，加左份叉燒，一上黎大大舊嚇親左!! 佢係成舊東坡肉咁，肉質軟香，肥而不膩，好好食!麵底係粗麵，食落有口感。味玉流心做得出色，最正係個湯底，飲落辣香麻濃，好少拉麵店的辣有層次，但佢做到，比贊❤🔸️辣麻味噌沾麵（加味玉） $115- 本身無味玉，所以朋友另加。沾麵麵底一樣是粗面，沾麵湯底比湯麵底更濃，每條麵都可以掛到湯汁，極惹味! 不過由於湯汁更濃稠，所以都快凍d，食依個記得要盡快食!（可樂另加$15）🔸️5星⭐評分好食指數:⭐⭐⭐⭐整體份量:⭐⭐⭐⭐性價比:⭐⭐⭐⭐打卡度:⭐⭐⭐餐廳環境:⭐⭐⭐⭐✅一人食堂✅辣#food #foodie #foodporn #foodphotography #foodpics #foodstagram #foodblogger #foodstylist #foodart #foodlove #foodshare #foodphotos

食過會一直掛住嘅味道😋鬼金棒出名專食麻辣口味🌶拉麵，辣同麻都可以按返自己喜愛程度選擇✔️咁唔食辣嘅朋友係咪冇選擇？今日我同個唔食辣嘅朋友又睇吓味道如何先😆◽️芫荽辣麻味噌拉麵 $125 (Add味玉$15)無辣·小麻❗️芫茜鋪滿成碗拉麵，好香😌上次食中辣真係夠哂刺激又惹味，不過小病初癒都係唔好食辣喇，湯底好香小麻感覺輕微令湯底帶層次🤤🤤叉燒肥瘦啱啱好，炆得入味之餘仲好嫩滑‼️麵條好掛湯，亦因為無辣之下天氣咁熱食到尾都輕鬆👍🏻◽️增量叉燒辣麻味噌拉麵 $130(Add味玉$15)同樣無辣小麻❗️家姐唔食得辣依然大讚，小麻帶比碗麵嘅層次口感加分👌🏼少層辣油感覺亦都輕盈返，主角當然係增量叉燒嘅部分，肥瘦層次分明，肉嫩爽口兼且入口即溶，必食🌟味玉流心效果一流👏🏻橙色蛋黃蛋香味濃郁❗️

《再嘗火辣辣🔥》———————————————-#鬼金棒 👺 -呢間日本拉麵店係我哋嘅大愛，之前一直都係食銅鑼灣店，但就未食過尖沙咀店，水準一貫嘅出色，十分惹味好食😋-餐廳裝修走日本鬼怪風格，牆上掛住好多妖怪面具同吊飾，相當有特色👹有吧檯位可以直接睇到師傅係度煮拉麵同爆香啲芽菜配料，火花四射，非常吸睛♨️-餐廳唔同辣度嘅拉麵，由多款山椒、辣椒同唐辛子調配而成，湯底濃郁，麻香十足，就算係小辣 已經好厲害🌶如果係嗜辣者就可以食下佢嘅鬼增級辣麻拉麵，嚟個大挑戰🧯-男朋友揀咗增量叉燒x2辣麻味噌拉麵，啱哂男仕食，份量十足💁🏻‍♂️ 麵條全部吸哂啲湯汁，油脂味濃郁，大大條厚切叉燒打孖嚟，超級肥美，超級邪惡😈-我就食咗味玉辣麻味噌拉麵，溏心蛋非常正，用咗日本蛋，蛋黃呈橘黃色，蛋汁中和咗膩度，係加分位💯 麵質煙韌彈牙，配埋略帶焦香炒芽菜同玉米筍，令口感層次更豐富😙-⭐ 參考價錢︰味玉辣麻味噌拉麵：$115增量叉燒x2辣麻味噌拉麵：$150🍌 抵deal 指數：8/10💰 人均消費：$150

週末放假去銅鑼灣行街食飯睇戲，晚餐去咗謝斐道「鬼金棒」食拉麵🍜係一間日本東京過江龍辣麻拉麵店。店內裝修充滿日本和風味道🇯🇵拉麵款式選擇眾多，所有拉麵均可自選麻度及辣度，有四種程度可供選擇；唔食辣嘅朋友可以揀走辣味玉辣麻味噌拉麵湯底揀咗小麻小辣，味噌湯底味道香濃，麻辣程度啱哂我！配上粗身又彈牙的拉麵，好掛湯呢！糖心蛋以日本雞蛋製作，呈半流心狀態，蛋香十足，好高質✨另加$15豆芽菜，經過爆炒，特別香口增量叉燒辣麻味噌拉麵男朋友點咗中麻中辣，辛香麻辣好惹味，越食越過癮🌶增量叉燒好大件，肥瘦肉層層相間，口感不錯，豬肉味頗濃郁肉碎飯日式半肥瘦叉燒製成的肉碎，配上粒粒分明的日本珍珠米飯。肉碎鹹香滋味，再加點拉麵裏的麻辣味噌湯，佐飯一流Zero可樂

上網見到呢間麻辣主題嘅拉麵平時鍾意食辣嘅我忍唔住一定要去朝聖一下叫咗一碗味玉麻辣拉麵 揀咗中辣中麻拉麵一嚟到已經超級香🤩🤩忍唔住即刻飲咗一啖湯 果然冇失望係好香濃嘅花椒味 亦都唔會有死辣辣喉嚨嘅味道總括依然都係好味🤩🤩🤩

Mark 咗呢間鬼金棒好耐，終於有機會試一試，location超好，泊咗架🚙喺世貿，行去對面已經係。Lunch time 去唔洗等位可以即入，入面裝修幾好笑，好多鬼頭喺晒橫樑。勁中意食芫茜嘅我就梗係要試吓個「芫荽辣麻味噌拉麵」啦。一上枱，成陣芫茜味衝入我個鼻😂嗯...真係好正，唔明點解啲人咁唔中意😂麵質係粗麵黎，似沾麵。揀咗小辣悟啲都唔辣🥲我高估咗佢嘅辣，小辣其實等如bb辣，中辣等如小辣，大家可以叫辣小小👍