雪花和牛刺身專門店 (已結業)

雖則話日本菜大同小異，但我深信每間日本餐廳也有其特色，而這間是專門吃日本牛肉感覺幾特別，特意前來一試。同朋友叫咗幾件壽司，首先係三文魚壽司$20/件，三文魚刺身屬於薄切，長度適中，而味道方面，三文魚魚油香很重，而且微微帶點脂肪，好吃得很。鰈魚邊火炙壽司$45/件，能夠吃到這款壽司的日式餐廳不多，看見餐牌有這個選擇便立即點了下來試試看，果然是想像中的味道，好正的口感，入口即溶。雜錦天婦羅$108有大蝦，冬菇， 番薯等等都幾豐富，炸粉的分佈均勻，不會太厚身，都唔知自己食緊D乜咁，吃下去感到十分鬆脆，口感還不錯呢。特別是冬菇，經過炸後，菇汁鎖在天婦羅入面，好好食。還有大蝦，蝦肉夠厚和彈牙。更試了一隻燒日本雞全翼38，賣相頗為吸引！！我唔客氣喇~微帶鹹香，還有些醬油味。雞肉一咬開，熱力散發出來，同時嫩滑又多汁，果然不錯。日本燒甜薯 $22基本上做到的，但燒得一般啦。熱力有點不夠，做不到微熔的口感。咬得軟糯糯，帶點甜甜的味道。A5大根和牛腩蕃茄烏冬 $168蕃茄的味道很鮮，同時也是偏酸的，跟整個烏冬很夾。烏冬是幼細的，口感細滑，微帶點咬口，彈牙得很。大根和牛腩才是重點，口感十分軟身，沒有連著的牛

眼看日本正舉行一年一度的櫻花祭，今年未能出外賞櫻，唯有在港尋覓日菜來止我的旅行癮吧! 昨晚與老公約會，來到尖沙咀區晚飯，選址位於寶勒巷的粵海酒店內的這家雪花和牛刺身專門店，明知尖沙咀一年365天都是人流暢旺的地方，很怕等位的我想找家寧靜的日菜作晚饍。 幸好約矩傍晚7時，人流不算多，這裡的裝潢不太像日式感覺，但勝在沙發位置夠闊落，環境乾淨整齊。 看看餐牌，點了3款小吃，先來鹽燒牛舌，是我每次遊日本必吃的燒物，牛舌身很大塊而厚身，牛舌外皮灑了鹽特別開胃，口感爽滑不會感到油膩感重。 另外點了鹽燒三文魚頭，曾經在外吃過的三文魚頭味道很腥，但這款鹽燒三文魚頭的烹煮程度剛剛好，並沒有腥味，而且魚頭很大，特別多肉，魚質十分嫩滑，是時候要補補我的骨膠原了。 還有燒明太子，明太子雞翼我吃得多，唯獨明太子夾青瓜還是第一次，明太子本身是鹹鹹地，混了青瓜的清新可中和味道，不會太鹹，一併放入口有一陣青瓜香，明太子軟綿綿的，青瓜新鮮爽口，在口中產生好吃的化學作用。 可能是天氣潮濕的關係，昨晚我與老公都不想吃飯，遂點了兩款烏冬來醫肚，既然這裡以牛為本，我點了這款牛肉稻庭湯烏冬，份量挺多，牛肉嫩滑彈牙

前排去左粵海酒店日本料理店食晚飯，仲記得上一次黎都已經成一兩年前，記得前身係一間西餐廳，咁快已變成這間雪花肥牛刺身專門店，餐廳名稱還滿有趣的，之前仲以為係專賣刺身肥牛既冷凍食品店，後來先知真係一間餐廳 (笑)。不過餐廳就沒什麼裝潢，較為失色，只有少許日本公仔擺設，格局就真係好香港式的日式料理店。(餐牌在文末)看看餐牌上選擇頗多，沙律、刺身、壽司/手卷/卷物、串燒/燒物、和牛類、炸物、食事和鍋物等，價錢唔算好平，就算中價位吧；食日本菜少不免想暢飲一番，所以餐廳都有提供啤酒和純米大吟釀啊!海膽 $168原來餐廳用上加拿大海膽，一客有兩份，將青瓜中間掏空再放上海膽，驟眼望落份量都唔少! 食落雖然稱不上好鮮甜，不過海膽那股甘甜的味道還是有，還不錯吃；配上青瓜原本是不錯，能清新一下味蕾， 但海膽一入口就伴隨了頗強烈的青瓜味，建議這方面可改善一下啊，或者附上紫菜讓客人卷來食也不錯!白蔥吞拿魚腩卷 $88身為吞拿魚腩卷的超粉絲就點了一份，6件小卷上放了滿滿的吞拿魚腩蓉和大量白蔥同芝麻等，這兩者的配搭更突顯吞拿魚腩蓉的味道，魚脂香的味道頗濃，好食!日式牛肉火鍋 $168常覺得日式牛肉火鍋跟本是壽喜燒的

朋友生日，特登揀左間日式餐廳同佢慶祝，呢間餐廳裝潢未必好有日式既感覺，但係食物值101分！首先黎到既係燒和牛，未食已經超期待既燒和牛！！就咁睇圖都覺得會好好味，果然不負所望，師傅細心的將佢切到細細舊，方便我地一口一件！肉有少少紅紅的，食落真係入口即溶，係會feel到一陣油香味，再一陣肉味！388但份量起多，有15條大約食指咁長的和牛條，我同友人都食到停唔到口，而且佢d配菜eg菇同茄子都入哂和牛味，堅好食！壽司我地嗌左有三文魚腩刺身，係厚切既三文魚，雖然得四舊，size唔算大，但係個口感真係一流，一咬，完全冇根，係好爽口的，而且因爲係厚切既關係，好香三文魚味！再黎就係火炙三文魚腩，好香口既三文魚油味，隻味真係絕非幾蚊一舊壽司店能夠食到，成陣油包住三文魚腩同飯，整口都充滿住三文魚既香味！雖然有d貴，但係一定要試下！終於黎到主角之一既蒲燒鰻魚飯，鰻魚未上枱就已經超級香，一大條有成隻手掌咁長，色澤均勻，入口即溶！！而且好香既鰻魚燒汁味道，十碗八碗飯都食得落！！估唔到係香港都食到日本既質素！！食到我地飽住走滿足走！雖然價錢有點貴，但真係物有所值！豪一次都抵

剛好有朋友在這家酒店住住得尖沙咀的都知道附近吃東西一點也不便宜雖然看似很多選擇，但大部分都是價貴但和質素不成正比今次有得酒店的人介紹他們都一致的向我們推薦這家的和牛在臨走前的一個晚上我們就選擇吃這家！！我們點了有A5和牛厚燒，帶子壽司，燒日本雞全翼，牛肉手打稻庭烏冬烏冬A5和牛厚燒食評：呢個係黎到呢度必吃燒和牛！A5和牛既味道真係勁吸引，每枱都見到有和牛！！原本以為係成塊上，點知原來上到枱已經切好一舊舊，而份量都唔算少，一口一件，一食落口就好肯定係靚和牛黎，因為和牛既牛香味同油香味都好突出！堅係入口即溶！連佢放係底既茄子都有和牛味道，成碟清咁濟！！壽司食評：68蚊一件，但味道同我上月去日本壽司大吃到的有過之而無不及，好鮮甜爽口，而且好大粒下！特別係佢d飯既份量唔多，剛剛好一口食落去，正！燒日本雞全翼38x2食評：一放入口，一個字：超熱！相信係廚房即燒的，口感同個d一早已經燒定好晒的差得遠，呢隻又夠味又大隻，皮脆肉彈QQ的，係脆到食落格格聲，度一度隻雞翼有成隻手咁大隻，雖然38得一隻，但係不得不試！牛肉手打稻庭烏冬88食評：一上桌便聞到香噴噴的牛肉味，想不到這個還送半顆溫泉蛋，不得不說的

同M佬上星期先去完鹿兒島，食咗好多好嘢，返到嚟，食到個嘴都刁晒，成日都囉囉攣，好掛住啲和牛同黑豚呀！今日咁啱經過尖沙咀，竟然見到大大塊banner寫住「鹿兒島」。嘩！咁知我心意嘅。不過，酒店dinner實好貴啦！唔緊要，等我駛出絕招，無敵嗲嗲功，氹吓M佬先。百戰百勝，今日可以去嘆吓和牛喇！去到每一間餐廳，我諗大家望住本Menu幾十樣選擇，左諗右諗，食咩好呢？我今次唔睇Menu都已經決定好喇，間餐廳叫做雪花和牛刺身專門店Yukibana，咁就一於咩都唔理，淨係叫和牛刺身啦！叫完嘢之後，M佬水都無飲就衝出去話要睇廚師切，其實我真係唔明有乜好睇囉！嘩！估唔到…有咁多塊呀！我都未嘩完，M佬就好得戚咁話，全因為佢先有咁多塊，何解呢？佢話喎，呀廚師見到佢影相影得咁開心，切吓切吓就切得咗，係未架？！如果我去，呀廚師見到我咁靚，成隻牛切晒俾我添啦！講返今次個和牛，紋理分佈好平均，記住加少少柚子醬或蒜蓉，再點點個醬油食，味道鮮味大大提升100倍呀！而知牛入口即熔，仲齒頰留香添！

星期六 星期日 尖沙咀呢頭人流真係唔講得笑  撞正食飯時間 周圍都要排隊   有得食  坐又坐得辛苦誤打誤撞入左去呢間位於酒店入面既日式餐廳食飯有驚喜呀!其實我地都唔係太肚餓 我地只係叫左一個烏冬牛肉稻庭湯烏冬首先份量非常足 明明已經兩個人SHARE  但係一路食一路都仲未食哂舖頭打正招牌係雪花肥牛  所以牛肉既質素亦一D都唔差嫁 (厚切既感覺)茄湯一D都唔馬虎  非常夠味!吉列炸豬扒識叫 真係應該咁樣叫  點個烏冬  再加呢個豬扒真係100% MATCH熱辣辣送上枱 怕熱氣? 浸一浸茄湯  味道更佳呀! (個人喜好) 鮮帶子刺身 +三文魚腩刺身 一個字鮮!  帶子大大隻! 魚腩同樣係厚切  完完全全冇冰/冷藏既味道!火灸三文魚腩壽司食完三文魚刺身 坦承係唔久喉  即刻ENCORE左呢兩件壽司四個字 入口即融 我都唔捨得一啖食哂  分左好幾啖黎食大蝦天婦羅卷不過不失 份量唔會同客人去慳嫁!係鬧市入面搵倒間唔洗同人迫  坐又坐得舒適既餐廳真係唔易  不過今晚呢餐真係做得倒呀!

同男朋友係尖沙咀亂逛，因為唔知食咩好，途中經過呢間餐廳門口好colorful，有雪花係門框，再望下餐牌，都幾吸引，所以就入去試下！餐廳都幾大，因我地8點幾9點先去，所以得幾檯客，環境舒服又乾淨，幾好！坐低店員就俸上熱茶，期間仲不時會refill，真係貼心！我地叫左4樣野，分別係鰻魚炒飯、A5和牛腩番茄湯烏冬、雜錦天婦羅、日本清酒煮蜆！第一道上既係鰻魚炒飯！原本唔肚餓，但聞到呢碟飯就好想食！味道好香，每粒飯都有鰻魚醬汁既甜味，除左飯上有一塊鰻魚，飯都有用鰻魚粒去炒，所以每一口都食到鰻魚！之後雜錦天婦羅上場！有三隻蝦、其他係蔬菜！炸粉唔多，幾蝦都幾鮮甜！再黎係幾期待既和牛腩番茄烏冬！有好多塊和牛同番茄！先飲一啖湯，真係用新鮮番茄熬製而成，酸甜適中，配上入口即融既和牛腩，而且仲有半隻溏心蛋，正！最後上的係日本清酒煮蜆男朋友大愛呢個！因為酒味濃郁，蜆肉又多又甜！佢連湯都飲曬！埋單$5XX,都幾合理！酒店級服務已值！

這店子第一天開張時已經來過吃午餐，友人今天提議吃吃晚餐的和牛，而且還是少有的和牛刺身。和牛刺身，$368既然是因此而來，我們便先點和牛刺身。上桌時有十多塊，份量很足。刺身顏色粉嫩，充滿油潤感，感覺新鮮，油花紋漂亮。刺身沒有我想像中的滑潵潵，很容易撕咬，吃到的是淡淡的油脂香。蒲燒鰻魚飯，$128上次我覺得這兒的鰻魚是香港餐廳中算是好吃的一批。肉厚汁濃。今次的鰻魚來貨依舊有水準，肉質彈牙不會淋pat pat, 但汁料調較得比較濃，有點鹹。而店子環境光猛，看上去很整潔。

來自遠方既朋友黎香港旅遊, 入住尖沙咀既粵海酒店, 今晚大家相約係呢間酒店既一樓雪花和牛刺身專門店食Dinner。可能新開既關係, 沒有太多食客, 可以靜靜地享受返餐dinner...店內裝修比較樸素, 設有大部份卡位, 座位舒適。打開menu, 除左和牛外, 仲有各款刺身、壽司、拉麵、飯類、串燒、各款酒類等等...價錢同一般酒店既差不多, 而我地今晚就點左幾款試試。【三文魚刺身(4片)】 HK$68三文魚為厚切, 凍食而且好新鮮【流心火山A5和牛飯】 HK$198話明呢度出名食和牛, 黎到點少得點和牛系列其中一款既和牛飯。A5和牛飯賣相果然同火山外觀差不多, 兩大片薄切和牛圍住白飯, 白飯面有半熟既流心蛋。A5和牛沾左黑椒汁, 汁醬味道唔太濃, 冇覆蓋到和牛本身既牛味, 肉質較滑, 好林...因為有半熟既流心蛋汁, 所以整個飯較為濕潤。【牛肉手打稻庭烏冬】 HK$88湯底清甜, 係幼條烏冬, 口感好滑, 麵質同牛肉偏林, 索左少少湯底, 仲有半隻流心蛋tim~  整個烏冬較為清...【鰻魚炒飯】 HK$88呢個炒飯上檯令我地都有d失望, 飯面上既鰻魚小得只有一啖! 但食落既時候先發現

朋友約食飯黎到雪花和牛刺身專門店，店址更在酒店內，以為價錢一定好離地，點知原來餐牌內食物豐歛由人，有好多不同價格的選擇。頂級的地段，門面頗豪華。店內有不少刻意營造出日本風的飾物。座位算是舒適，但未達酒店級。正如剛剛講到，餐牌內的食物豐歛由人，食物一般同坊間的居酒屋價錢相若，數十至百零蚊有交易。壽司、串燒、卷物等等都有一定質素。燒牛舌水準更加出色，牛味香濃，表面封香，好好食。但一場黎到，當然要試一試和牛吧！一整頁都是A5和牛的菜式，款款吸引，考慮一陣後都係點左厚燒。一上檯嚇親我地，成座山甘高！真材實料，確係件件厚切，而一客有十幾舊，雖然索價$388，但性價比甚高。牛肉每一件燒得剛好，約七至八成熟。和牛的牛脂分佈偏高，每一啖入口都好juicy，味道好濃郁。而配菜亦頗有心思，有好幾款唔同的配搭。隨左招牌的A5和牛，亦有另一款的驚喜食物。同樣係牛，但就係牛肉壽喜燒，牛肉鍋非常足料，有好多件牛肉同各種配菜。湯底甜甜的，臨尾食一碗即刻飽哂，十分滿足。最後埋單每人$600，算是有一點點豪食的感覺，但食到和牛，價格其實都十分合理，並不離地。

First up, ordered the fatty tuna (v expensive $148 for 1 pc) and guess what?? There was a piece of bone (about 1cm) in there Regretted.. should have stuck to wagyu since this restaurant is selling Kagoshima wagyu.... The 'volcanic' wagyu rice came with 2 thin pieces of wagyu surrounding the rice... meat was tender but the peppery sauce totally masked the sweetness of the beef... No wonder they are giving 50% discount Never again

友人說她公司附近開了家和牛專門店，著我到來一起去吃很喜歡吃的和牛。見門口廣告牌寫著是鹿兒島縣和牛，十分期待。和牛厚燒，$388此價錢下的牛扒算很大塊，厚度都有差不多1cm, 而且已切開小塊層層摺好，大家吃得很方便。牛扒軟軟的，沒有渣，充滿油香。花竹蝦刺身，$108 x 2這個是吃飽先知價錢的，一隻花竹蝦，作價$108 實在是很貴，我們還點了一人一隻。花竹蝦以竹藍盛著，下方還有冰底，賣相精美。蝦身尚算爽脆，有刺身蝦味。蝦頭我交了給友人吃，所見都有不少蝦膏。蝦刺身比較貴，點菜前一定要先問問價錢。這價錢吃壽司比較化算。

來到邊吃邊等朋友去附近飲酒。先在這兒吃點小食吧。打開餐牌，小食都有不少選擇，我們便點了其中兩個，叫做吃少少東西暖暖胃。味淋魚乾，$78魚乾有點燒的味道，裹上甜甜的蜜糖。數量不少，送酒不錯。魚乾有甜甜的味道，有點黏牙。魚乾有嚼勁，吃到煙煙韌韌的。雞泡魚本身不太濃味，吃到都是甜香。炸雞軟骨，$58份量比較少，很快便吃完了。雞軟骨如果炸得更脆會更好，會更脆卜卜。雞軟骨味道鹹鹹香香，夠juicy。環境闊落，實在不錯。

夜晚係尖沙咀真係好難搵嘢食，如果唔想等位嘅話，去食酒店入面嘅餐廳都係一個好選擇，我哋今晚去咗粵海酒店入面嘅雪花和牛刺身專門店食，其實就係酒店入面嘅日式餐廳，但係入到去嘅格局同想像中好唔同，燈光非常光猛，枱櫈用咗譚仔個隻綠色，有啲似茶餐廳嘅格局，新奇有趣。蜜糖蕃茄刺身沙律＄88個沙律好大碟，份量好多，個番茄挖空左，啲蜜糖汁就裝晒係入面，睇起上嚟好靚，聽過沙律嘅刺身都好多，上面鋪左紫菜絲，睇起上嚟好好睇又好好食，我哋將個番茄入面嘅汁諗晒上去，蕃茄都可以食，煮得好琳好甜。香蔥吞拿魚卷＄88呢個價錢來講，啲香蔥吞拿魚到好多份量喎，唔淨止面見到嘅吞拿魚茸，個卷入面包左一半都係吞拿魚，而且食落都新鮮，充滿油香，陪埋葱花增加香味，好抵食。牛肉手打稻庭烏冬＄88稻庭烏冬睇到真係手打嘅，切出嚟每一條嗰邊都睇得出，你一般街食到嘅會再諗啲同再滑啲，牛肉好有牛味，令到成個湯都提升左，而且份量好久，肥膏唔算好多，成個湯都好清。流心火山A5和牛飯＄198所謂留心火山，其實即係中間嘅溫泉蛋，整開咗之後蛋黃留落去個飯度，賣相精美，除此以外，溫泉蛋嘅蛋汁都令到牛肉顯得更加幼滑，整個飯有A5和牛包住係中間，牛肉有半生熟嘅