雪花和牛刺身專門店 (已結業)

估唔到尖沙咀隱藏左呢間雪花和牛餐廳。知道左之後同幾個朋友一齊嚟食Happy Friday.餐廳新開，裝修光猛，地方都算大。侍應都好熱心，服務得好好，自動自覺斟茶同執碟。首先叫咗啲串燒，小蕃薯仔同埋雞翼。番薯仔好甜，「燒～～～雞翼～ 我鍾意食！！」，雞翼都燒得好香。之後叫咗個加洲壽司，賣相都好靚，好味。另外，蛋包飯，個蛋好滑，仲有蛋香，再配埋飯食，正！再黎壓軸，烤A5和牛，食落質感軟熟，好有牛味，有質素同好美味哦。

以前細個嘅時候成日黎呢度寶勒巷粵海酒店食自助餐，最近竟然改咗做「雪花和牛」新餐廳，懷念兒時回憶同又啱我食牛所以就嚟呢度食。裝修比較簡單，但有卡位設計，坐好闊落舒適。好開心見到餐牌有我鍾意食嘅雞泡魚干，第一樣野必點嘅。雞泡魚干整得好乾身，脆口，好好味，推介！！另外，三文魚刺身好肥美，顏色好靚，新鮮有鮮味。黎得呢度，點可以錯過個和牛，所以都有叫嗰個烤鹿兒島A5和牛。送上黎嘅時候搭住一塊一塊，排得好靚。冇諗過都有咁多塊，入口即溶好好味。

餐廳算大間 , 坐得舒服,位置唔會太逼~!玉子~! 個人最愛, 我SUGGEST唔洗點醬已經好食我會加小小甜醬油,玉子煮得好鬆軟,因為夠厚身,口感不差^^和牛係一定要食,但我地呢幾日都不停食和牛刺身~所以今次轉叫和牛串,原本諗住和牛串無咁有口感~發現錯左,外皮偏脆, 內里都係入口即溶!三文魚,試下呢到d刺身,新唔新鮮,口感爽口為主,有小小鮮味既汁sushi黎講算整得不錯~拉麵就湯底可以改善下,因為湯底不夠濃和多選擇,半熟蛋凍d會更好食~整體環境服務都ok, 主要係坐得舒服如食呢間,和牛必試~

Was told over the phone that reservations would be cancelled for late arrivals so my girlfriend reminded me to be really punctual.  I ran for my life from Hong Kong side but found that the entire restaurant only had 3 occupied tables by 7:05pm!  My girlfriend would not have run with her heels had they not bluffed.  We ordered wagyu udon in tomato sauce but it's such a waste to spoil the tender beef with tomato paste.  Prawn tempura was the best of all.  Codfish with Japanese soy sauce was good b

這間位於尖沙咀酒店內的日本餐廳, 裝潢都比較遜色了一點, 桌子上的廣告紙餐墊...與酒店環境更加格格不入...食物價格比一般酒店餐廳便宜! 吉列炸豬扒: 炸漿不薄, 但不油膩 , 脆卜卜, 很日式, 不錯不錯!!! 北寄貝壽司: 不太新鮮, 但一件壽司有兩片北寄貝! 燒日本雞翼: 雞翼超級大隻!!! 日本雞翼真的有那麼大隻的嗎? 不但燒得太乾身, 而且未完全燒熟!!! 蒲燒鰻魚飯: 鰻魚大得差不多蓋過整盒飯!!! 份量很大!!! 真材實料!!! 鰻魚肉質很彈牙, 很厚身, 啖啖肉!!! 但鰻魚汁咸了一點, 蓋過了鰻魚本身的味道... 天婦羅稻庭烏冬: 天婦羅炸不夠乾身, 因此失去了脆卜卜口感, 油多得把吸油紙都差不多淹沒了... 幸好烏冬是真正的稻庭烏冬,鳥冬很彈牙, 而且滑滑的! 昆布湯底也很清甜, 好味!!! 蕃茄刺身沙律: 醬汁很清新, 沙律菜也很新鮮, 爽脆! 但他們的上菜次序完全是錯亂的! 沙律竟然最後才上... 每位餐廳店員都笑臉迎人, 也很給力的服務!!!

tst寶勒巷入面酒店有間隱蔽既日本菜，出名和牛刺身，雖然今次無試，但其他日本菜都不過不失。鰻魚炒飯 ($108)呢個鰻魚價錢都幾抵食。炒飯以醬汁炒香，飯粒乾爽分明，中間有粒粒鰻魚呢。不過鰻魚份量真係略少啦。香蔥吞拿魚腩壽司 ($76)吞拿魚就普通，略為細碎，油香未夠，不過無咩腥味。牛肉手打稻庭烏龍 ($88)呢個烏冬就幾好。湯底好香牛肉香，烏冬底柔順無酸味，係唔錯既手打烏冬。牛肉份量就幾多，肉味都可接受。

好想食日本野，喺 openrice訂左仲有75折，折左之後價錢都ok ，所以就去試下啦。間餐廳喺寶勒巷一個酒店入面，睇openrice 已經知佢啲裝修同餐牌係一啲都唔日式。星期五晚8點上到去全場得一枱，其實真有啲擔憂。會唔會係伏？先叫咗流心火山A5和牛飯同大蝦天婦羅卷。和牛飯嘅流心蛋蛋汁撈落飯度，中和番黑椒汁嘅濃味，係幾好食。但係和牛少少失望，牛味係有，但牛太瘦，好鞋口。佢唔標籤和牛可能會開心啲。而大蝦天婦羅卷就有誠意岩岩炸起，熱辣辣幾新鮮。唔夠飽，就再叫多份牛肉手打稻庭烏冬。見到 menu 張圖係蕃茄湯，好似幾正！點知上菜時係清湯。下... 我個蕃茄湯。同侍應反映左，佢自己都同意張圖係茄湯，同厨房反映之後，話可以換比我。但係人都知入左㕑房再拎出黎係食不得，所以我地都照食。幼身嘅稻庭烏冬係煮得幾好，牛就應該係普通肥牛。呢度嘅食物質素正常，唔係好差。不過如果佢無折，價錢就唔值喇。如果夜晚喺尖沙咀唔想食快餐，唔想同人迫，又有折，都可以揀佢。同埋呢度啲service 並唔係好似之前啲食評講得咁好，無問我好唔好食，哈。我覺得只係正常，唔差，甚至比同區中價餐差少少。

自從燒肉放題食過和牛之後，我就對和牛情有獨鍾。網上見到呢間餐廳主打和牛，價錢中上，但都可接受，就同牛迷男友一齊去試下。餐廳隱藏於酒店內的一樓，位置不算易找。餐廳格局不太有日本風，反而接受港式餐廳風格。幸好座位寬敞，吃得舒適。 餐廳圖文並茂，不過有些菜式的圖片跟實物似乎有點出入。點都好，嚟到呢度，點都要食牛嘅。唔只係牛，仲要食和牛！ 餐廳名「雪花和牛刺身專門店」，咁和牛一定係必食啦！從未試過生食和牛嘅我，就獻上第一次喇！平時牛扒要食5成熟的我，食和牛刺身絕對係一大挑戰！和牛刺身 $368 和牛刺身用冰鎮住，每碟有6-7大片，顏色粉紅，而且雪花紋理清晰，分佈均勻。伴隨著柚子醬油。 想不到，和牛刺身沒有半點腥味，反而入口帶著油脂香氣，牛肉入口即溶，牛味亦慢慢滲至口腔的每個角落，濃而不膩。之後，我便嘗試蘸上柚子醬油一起吃，醬油微酸，這樣更提升牛肉的味道層次。想不到，和牛這樣吃也不比燒肉遜色，實在令人驚喜。 另外，我又點了我喜歡吃的鰻魚飯，還點了一個和牛腩蕃茄湯烏冬給男朋友。蒲燒鰻魚飯 $108 蒲燒鰻魚飯用便當盒上檯，睇到個樣已經覺得好吸引！鰻魚一大條，有成隻手掌咁長咁大。鰻魚燒得色澤金黃

雪花和牛好吸引今天剛好在尖沙咀搵嘢食，經過了很多間鋪頭也覺得沒什麼新奇。見到openrice廣告所以就我進去看了看。見到好評如潮，便和朋友提議進去試一試。雪花和牛刺身專門店的位置非常方便， 上到去鋪面也乾淨其理，不會擠迫非常寬鬆，我們也坐得很舒服，過了一回店員給了我們餐牌，我們在餐牌上看到有和牛刺身，大家都異口同聲地選了。和牛刺身入口即溶，而且有牛肉的香味，看見牛肉的花紋十分漂亮。另外嗌左一個和牛飯，醬汁非常濃郁， 配上有香濃牛肉的和牛，我們都吃得滋味無窮。拖羅的味道也不錯，未算入口即溶， 油花也很漂亮，想一嘗多件。餐廳的卷物也值得讚許，新鮮炸出來的天婦羅蝦卷，令人想叫多份，用料一點也不吝嗇。 鰻魚飯的大小剛好，鰻魚的燒汁我很喜歡，而且不會太多骨，兩口子吃着吃着就晚了，享受着這日式的晚餐，我們也捧着肚子笑著走。

今晚和太太往尖沙咀粵海酒店雪花和牛刺身專門店食晚餐, 我們點了香蔥吞拿魚腩壽司, 味噌湯、蒲燒鰻魚飯、日式炒什菜、野菜手打稻庭湯烏冬和A5和牛串燒。香蔥吞拿魚腩壽司賣相一流,吞拿魚腩入口即熔, 珍珠米好綿、配上香蔥和生薑更能突出吞拿魚腩的鮮味, 好高質素的壽司；味噌湯味道香濃；蒲燒鰻魚飯鰻魚肉質鮮甜惹味, 醬汁帶出鰻魚的香味美味, 配上香綿的珍珠米, 飯味十足, 美味豐富份量十足的鰻魚飯, 值得推介；日式炒什菜菜炒得好香好乾身, 食落不油膩；木耳絲和紅蘿蔔絲更能帶出椰菜的爽口和美味；野菜手打稻庭湯烏冬好足料, 有冬菇, 鳴門卷、蘿蔔絲和雞蛋。面條好爽口彈牙, 冬菇,蘿蔔絲和雞蛋好香滑, 湯底味道適中, 但個人意見如果湯底熱一點,面條不太長會更好味；最後A5和牛串燒, 和牛是餐廳主打,A5和牛和牛入口即熔, 牛肉好嫩滑, 配上調味料, 和牛串燒燒得剛剛好,惹味的和牛串燒。餐廳地點方便,食物水準不俗, 而且座位舒適, 個人推介蒲燒鰻魚飯和A5和牛串燒, 蒲燒鰻魚飯份量十足, A5和牛串燒十分惹味,值得再來。

睇完戲 食完爆谷又飽飽地， 唔想食咁多澱粉質，正好經過左 見到和牛刺身喔 ，就入左去試下 。鋪頭 設計和一般日式料理有點出入， 感覺更似入去係食東南亞菜 。因為1830 一開晚市，我地就入去 所以無咩人 唔洗等位。見到有關和牛的野食有幾款， 不過今日特別想淨食和牛剌身 ，雖然價錢唔算大眾化， 但係啲人話個份量都唔差個喎， 一於就試吓佢啦。【A5 和牛刺身】$368 A5 本身睇個名就知道係正嘢 ，一大盤真係超正喎。牛上面嘅雪花亦都分布平均， 放入口可以唔需要咀嚼 。慢慢等和牛係口裏面溶化 ，而且放係啲冰上邊 可以保持住 和牛新鮮嘅程度， 不過入左口之後，牛嘅味道就 比較上有啲清淡。【三文魚籽壽司】$30 一向都係男朋友嘅最愛， 每次見到呢都仲要叫返一碟。 三文魚籽水平發揮尚可， 亦都幫清清地嘅和牛就加左上小小色彩。【三文魚腩壽司】$20 不過不失 【油金魚壽司】$28 香味都尚可

朋友來香港玩幾日，酒店正訂在粵海。陪她行咗成日，累到無心機再搵餐廳食飯，於是打算就近解決。咁啱見到樓下有新餐廳，門口仲擺住花籃，正合我愛嘗新的心。走進去發現地方非常寬敞，位好多。店內主推和牛刺身，想試好耐的和牛刺身終於都有機食到，想想都興奮！由於時間尚早，餐廳人不多，所以經理好有耐心地向我們推薦了幾款。首選當然係和牛刺身啦！A5和牛片果然靚！色澤鮮紅，雪花均勻，每一片都可以說是薄如蟬翼，師傅刀功了得。擠上青檸汁，加上少許蒜蓉，最近蘸上特配醬汁，有少少辛辣感刺激住，整個味蕾頓時蘇醒！個醬汁我覺得好正，調出牛肉的甜味，只需要輕輕咀嚼，和牛就係唇齒間蕩漾開。雪花和牛自是矜貴，片數不多，被我們吃完的瞬間便開始回味剛才入口的好滋味。菜品的確很精緻，不過牛舌份量就唔算大。食過先知，認真唔錯！第一，牛舌質素好高，本身已經好有牛味，又是厚切；二來，燒得恰恰好，keep到牛舌的鮮嫩，鹽燒可以保證到原汁原味。塩燒鯖魚，肉裡魚肉白滑，都鮮甜，而外皮燒得香脆。我最鍾意加檸汁，清新不膩。鰻魚炒飯也是主推之一，我個人覺得未算出色，面頭得一塊，入邊鰻魚粒唔算多。炒得就中規中矩，同我食過的鰻魚炒飯差無幾，但係香嘅。四

剛去完日本的朋友說他在日本的時候也沒有吃過A5和牛，原因是太貴了。事實上在香港也能吃到A5級，我覺得價錢和日本的也差不多（貴）但辛苦搵來自在食，今天就和朋友來到雪花和牛刺身專門店豪一豪。餐廳位處酒店之內，就遊客生意，價錢略貴實屬意料中事（笑）裝修說不上太日式，反而帶點古舊老香港風，而我覺得全店最日本風的就是這些日本娃娃了。 店名已經告訴你，雪花最有名的當然是和牛刺身！可是同行有朋友不吃生肉，就點了這個A5和牛燒。和牛就是和牛，即使是燒熟了，依然是入口即溶，完全沒渣！ 個人覺得和牛好味之處，在於即使燒得全熟依然不會變韌，A5的牛味就沒澳洲和牛的濃。內裡捲著乾蒜片和葱段，不影響和牛的滋味。一碟六小件，伴有生菜，索價$388，實在是小食多滋味啊。 流心火山A5和牛飯，這個飯之前來關西攻略好像也有見過～就是兩大片A5和牛包着日本珍珠米飯，上面配有一隻糖心蛋，伴著的是黑椒汁和紅椒絲。 看其他人的openrice好像是溫泉蛋（？）不過雖然是糖心蛋，切開時依然流心，不錯的。和牛比起和牛燒更滑溜！用料上乘這一點是無容置疑的！個人覺得黑椒汁有一點太重口味，不過A5和牛本身牛味並不算很濃，所以有

As what it called, this restaurant served a variety of A5 wagyu beef options, from sashimi to beef roll and Don. Attracted by its name, we ordered the volcano wagyu beef rice with hot spring egg and colourful saffron. Beef is in great quality, while fat is evenly distributed ! The only flaw is the black pepper sauce, which the flavour dominates the dish, while the colour is not quite tempting. We would recommend separating the sauce from the dish, giving us an option whether dip it or not. A5 Sl

同朋友出黎食好西，見有網站介紹這裏的和牛，好吸引呀，又黎試下先。坐低後便送上熱茶，店員添茶添得很勤呢。除了和牛，一般刺身壽司都有的，隨意點了一些，就吹吹等食了。枱上有豉油同七味粉，器皿很乾淨。A5和牛薄燒（$388）上枱時勁香呀～一客有六卷。牛肉嫩滑，入口即化，完全不用力氣就可以咬開件和牛卷，個人覺得蒜粒下得太多，蓋過牛味了。牛油果軟殼蟹反卷（$98）三文魚牛油果間住咁包著飯卷，一橙一綠的看起來好靚，暖暖的飯卷呢。大蝦天婦羅卷（$78）飯卷上黏著天婦羅粒很脆口，勁愛蛋黃醬。香蔥吞拿魚腩卷（$88）吞拿魚腩十分肥美，蔥蓉好香好正。流心火山A5和牛飯（$198）兩片大大的和牛片包著山形的珍珠飯，上面仲有一隻半熟的溏心蛋，賣相很不錯啊。牛肉片嫩滑，蛋汁撈飯好正，唯醬汁的黑椒味重手了點，有點辣呢。餐廳一直唱著八十年代的日本歌，好懷念，哈哈，老了。