雪花和牛刺身專門店 (已結業)

平時上班經過寶勒巷，看到雪花和牛刺身專門店，看似質素不俗的和牛，很吸引，是夜便一行三人過來試試。香蔥吞拿魚腩卷吞拿魚蓉和香蔥果然是最佳配搭，吞拿魚蓉很肥美惹味，而且會齒頰留香，混在一起食很滋味日式炸豆腐土佐豆腐是我到日本料理店愛點的一道小食，炸豆腐配上木魚片，很鮮甜。豆腐皮稍微炸較厚，但裡面的豆腐十分滑身，而且充滿豆香，亦夠濕潤。雜錦天婦羅天婦羅擺放得好看，海蝦很彈牙，而且炸得很脆。雜菜種類也多，如茄子天婦羅香炸之餘，也很多汁；而蕃薯也很香甜，蕃薯味突出。和牛厚燒本以為是一整塊牛扒，沒想到切開一小塊厚切牛排，鋪疊得漂亮。牛肉很軟，輕輕一咬已經咬開，加上牛肉雪花分佈均勻，很肥美，牛肉味又突出！果然是和牛高質素！而鋪底的燒茄子吸收了牛肉燒香的精華，更是juicy和惹味！鰻魚炒飯鰻魚份量挺足，啖啖肉又滑身，所以很香鰻魚味，加上炒飯炒得乾身，味道不錯食物性價比不錯，特別是在尖沙咀區。而且從餐具到擺碟也很認真，加上空間感大。但新開業緣故，所以現時人流不算多，卻更適合一班朋友，所以我們最後也坐了很久聊天。

雪花和牛專門店-長野產番薯天婦羅 （$78）外皮炸得好薄身，咬落口感香脆，唔覺有油膩感，番茄食落好有質感，咬落香軟，有好香甜嘅番薯味，非常好食，絕對要試下！-鰻魚炒飯（$108）望到炒飯嘅顏色就知好食啦，炒飯味道有好香濃嘅鰻魚汁味，中間加入左蛋絲、香蔥，增添口感同風味，而鰻魚食落好肥味，油脂感豐富，食落魚味同油脂食口中相融，味道好有層次感，而且醬汁需香濃，但冇遮蓋到鰻魚嘅美味。牛肉火鍋湯底用左醬油去煮，味道偏甜，先食左鍋中嘅蔬菜，豆腐好有豆香，口感香滑，入口滑入喉嚨，而蔬菜吸收左湯嘅味道，好香濃；重點嘅牛肉煮到6-7成熟，呈粉紅色，口感都好香嫩，有牛肉鮮味，我最鐘意入面嘅粉條，質感煙韌， 口感好滑，最好就搭埋金菇一齊食啦！

朋友仔相約來這間開業不久的「雪花和牛刺身專門店」食晚飯，地點非常方便，可能時間比較早，不算太多人，在尖咀想搵間坐得舒服又靜靜地的餐廳真的好難架😆😆蚧籽沙律 - 材料非常新鮮清新帆立貝 - 鮮帶子 - 帶子非常新鮮，而且很鮮甜和很厚肉，回味無窮👍🏻燒日本雞翼 -材料用日本空運來的雞翼，質感和本地原全不同，肉質是實的的彈牙很有雞味😋外層還燒到脆卜卜，值得一試👍🏻什錦天婦羅 - 即叫即炸熱辣辣，粉醬夠薄身，外脆內嫰，而且蝦很新鮮👏🏻軟殼蟹沙律卷 - 軟殼蟹新鮮脆口，加上蟹子在沙律卷上一粒粒脆卜卜的十分好咬口牛肉手打稻庭烏冬 - 牛肉份量不少，手打稻庭烏冬很彈牙，烏冬是扁身的，比較吸收到湯的精華😬

同姊妹兩個去完尖沙咀SHOPPING, 行到又累個肚仔打曬鼓.....佢介紹左呢間香港少有嘅和牛刺身專門店, 嗱嗱聲上去醫下肚!店舖位於酒店1/F, 唔係朋友介紹真係唔知, 幾隱世下!!一入門口見到大大隻字寫住鹿兒島和牛, 即刻超期待!!店入面唔少日式裝飾, 幾有FEEL!!雖然超餓但都睇左好耐因為樣樣都想叫 XDD!!!但大家之後仲有節目, 所以今餐只可輕食唯有擇日重賽.....串燒一口番薯$38 兩串唔算平, 但勝在燒得幾香又唔乾, 番薯亦夠哂甜!!  餓到傻我兩秒KO咗 XD!日式海鮮蒸蛋$28雖然蛋面唔完全光滑, 賣相扣左少少分, 但配料足加上鮮甜!!茶碗蒸黎講算中上和牛刺身 $368 等左好耐嘅主角真係名符其實嘅雪花和牛! 配埋少少酸嘅柚子醬油, 正呀喂!!份量唔算少, 但真係唔夠喉 XD !!黎多張大特寫, 睇清楚啲花紋!!!其實好想叫多碟XD 不過姊妹制止左我 XDD !! 

今日星期日 九點到 我同朋友系呢間新開的餐廳試下味道 一入門口 侍應好有禮貌 招呼幾好 點左個特上刺身拼盤 全部都好新鮮 有蝦有三文魚帶子等等 第二道菜 和牛刺身 肥美的牛肉片 沾埋個柚子汁 絕配 入口即溶既口感 絕對值呢個價 壽司也點了八件不同的 有拖羅三文魚籽甜蝦等等 每件都保持到新鮮 相對其他餐廳 刺身質素還好 但一到壽司就減了分 這餐廳令我感到意外 竟然能保持相當水準還有燒鱈魚 味道偏淡 沒有太咸 肉質鮮甜 火喉剛剛好 見燒物也不錯 最後還是多點了燒雞奕和雞軟骨 雞奕偏大隻 後來得知是來自日本的 而雞軟骨點上辣粉後更好吃 有興趣的朋友可以試一下他家午餐 或 定食 十分抵食！

朋友黎香港玩幾日，原本最後一晚想請佢食餐好既，不過因為佢趕夜機所以早早係酒店隔離食個Dinner就算，所以就黎左呢間到食日本野，老實講可能時間尚早，入到黎得一兩枱客真係呆左，不過食落又發覺佢既野食其實真係唔差。 鰻魚炒飯 $108呢個炒飯炒得好香，有好香既生醬油味，而且炒得都乾身，又唔會太油，而且唔好睇佢得面個塊鰻魚，其實飯入面都有好多鰻魚粒，而且鰻魚都好好味。天婦羅海蝦卷  $78呢個天婦羅海蝦卷可以話係食過最特別既，因為佢既飯卷而係用天婦羅既炸粉炸過既，所以一口咬落好經已好香脆，而海蝦都好大條同埋肉質都係爽彈既。牛肉火鍋  $108火鍋用左壽喜燒既醬油，甜甜地好好味，而牛肉肉質都鮮嫩，一啲都唔鞋，另外佢仲有好多唔同既菜，索左醬油後都好好味。燒雞翼  $72原本想要半翼，但得番全翼所以都照叫，其實雞翼本身好香椒鹽味，但就烤到有少少過左，唔係就滿分喇。

位於尖沙咀的 雪花和牛刺身專門店，是粵海酒店中其中一間餐廳今天帶好友來吃吃正宗鹿兒島和牛吧，除和牛以外，其他的價錢適中，也很合理。鹿兒島和牛串燒$150/2串主打雪花和牛，一定要試試和牛的菜式吧和牛串燒肉量不少，入囗軟腍，不需多咀嚼，在囗中溶化，肥脂滿溢，牛味濃郁，真的好吃哦。牛肉手打稻庭烏冬$88今天天氣冷得很，所以很想吃碗熱辣辣的 稻庭烏冬。牛肉份量多，足料得吃光一整碗後也有牛肉片哦。 稻庭烏冬滑溜順囗，一下子便吃進咀裡，吸滿湯汁，味道不俗哦。饅魚飯$108其實我也愛饅魚飯，不過好友好喜歡，我就不點二個一樣啦。饅魚一客四片，屬中等肥美，但伴碟的蔬菜不太新鮮。加州卷$68以牛油果，蟹柳，蟹子製成的加州卷，適合不愛魚生的朋友。蟹子雖色淺，但屬新鮮，滿滿配料，囗感豐富。服務員勻像內地人士，好像不太聽得明廣東話呢

鍾意食日本菜既我地，有新既日本餐廳梗係要去試下，頭盤蟹子沙律看似普通但可能食材新鮮及比例做得好，做得比一般優勝！超讚👍🏼前菜的雞泡魚干也是烘暖上碟的，十分軟林，好好味，一下子被全吃掉！接著上的刺身，那片拖羅，水準之內，十分回味😋，其他的蝦及三文魚也十分新鮮！串燒我們點了多春魚，雞亦，牛舌，十分香口，味道也很好，然後就嚟到重頭戲A5和牛刺身，第一次食呢啲矜貴菜式，驚為天人，入口溶化，回味無窮、有機會一定encore！其他食了牛油果軟殼蟹卷，炙燒左口魚壽司也非常美味⋯還有鰻魚炒飯的鰻魚份量也很多且質地爽口，不似有些餐廳得霉爛口感！最後甜品必需一提的是薑味雪糕，有薑味之餘不會辣口，好吃程度係要encore多一球😂總括呢次新店之菜式，味道都十分有水準，可能是新開幕不久，所以食客不太多，環境很舒服，上菜也很快，畢竟在尖沙咀旺區，他日應該很旺吧！

這家店子和啤酒的牌子一樣。跟同事午飯時見新開張，樣子很高級，同事說反正都年尾，就去豪一豪吧！見黑板上的午市套餐卻不貴！經過一條鋪著地毯的樓梯，配上鏡面的牆壁，好像在去一家高級的法國餐廳！上了一層，去到餐廳，下巴跌了落地下。法國餐廳的祈望....變了茶餐廳！反正新餐廳，我這個尖沙咀地膽都要一試的。便硬著頭皮坐低。由於是新開張，侍應十分生手，拿餐牌、奉上熱茶、預備碗筷等等都要一叫再叫。始終是第一天營業，我都明白侍應未必對服務照顧周到。希望他們加快上手吧！（圖中的侍應不是我文中所講的）前菜都是老闆親自督促下才拿過來！ 燒鰻魚定食，$78同事點了的燒鰻魚定食約15分鐘後到來。見賣相有點想哭出來的感覺...像吃佬飯。在期望跌到谷低下反而有驚喜！ 鰻魚到有足足完滿的一條。先吃了一口鰻魚，鰻魚夠肥美肉厚。咬下去有彈性，不是淋pat pat。鰻魚汁的調味都恰當好處，而鰻魚汁質地剛好掛在鰻魚上，水準比賣相好多了。不過因為白飯是分開上，所以另叫了一小碗汁撈飯。我們很佬，是吧！牛肉手打稻庭烏冬，$68稻庭烏冬口感煙韌，質素不俗。湯底雖未有驚喜但不過不失。牛肉是普通的肥牛，只是未完全融雪便用，可能新開張日太趕

前陣見到公司附近的粵海酒店放了很多花牌， 留心一看原來是鄰接的位置開了一間日本餐廳。看到名字也覺得他是主打牛肉。由於很久沒試新餐廳， 看到約80元的定食覺得可以接受，就上去一試。上到去第一個感覺是：我是不是去了泰國餐廳／茶記？裝修得非常一般沒有丁點的日式氣氛。看了餐牌, 70-80元的熟食定食約有10款。還不錯。我叫我個鰻魚飯而同事叫了牛肉烏冬。定食來了，不是一個盤上的。前菜，湯， 主食都是分開落檯的。而且鰻魚和白飯是分開上的。看上去整個餐好凄涼的樣子。還好鰻魚超出想像地好吃。同事的烏冬看上去牛肉是半生熟，好吸引。他說味道都唔錯。最後還有甜品，但沒餐茶。整體來說食物是令人滿意的。不過環境一般及上菜不夠精美。店家要多花點心思。